~¤ô¦¦§¦¦ô¤~ كلمة ,.,.,., وبيت ,.,.,., منافسة شاركوني فيها ~¤ô¦¦§¦¦ô¤~

[دموع الحنان]

السلام عليكم ورحمة الله وبركاتة........

إلى الأحباب الغالين على القلب من مشرفين واعضاء......

أهديكم هذه المنافسة ...

فكرة الموضوع اني احط كلمة واللي بعدي يحط بيت يحمل نفس الكلمة ويضع

كلمة للعضو الذي يليه ...

واضح ؟؟؟؟

مثلا ً :

الوداع

الوداع اللي بغيته صار لي مثل الحميم
ــــــــــــ احترق منـّه قليبي وصارت أحوالي عجيبة

وهكذا ...


نرجو من الأعضاء الكرام عدم اختيار كلمات صعبة على من بعده مثل الكلمات

الفصحى أو الطويلة او اللي ما يركب عليها وزن معين ...


الي بعدي......


الذكريات

ارجووو من الجميع المشاركة.....


واتمنى اعجابكم...


اختكم.......

~¤ô¦¦§¦¦ô¤~ دموع الحنان~¤ô¦¦§¦¦ô¤~

[راكان بن بدن السبيعي]

دمـــــــــــــوع الحــــــــــنان





فكـــــــــــــــره جميـــــــــــله جـداً

وأتمنــــــــــــى أن أجــــد لقلـــــــــــمي متســـــع للمشـــــــــاركه


حبيــــــــــــت أنا فالحــــب تكـــــــــــرير الأوجـــــــاع .**. وأبغـــــــى أقلــــــب ذكـــــرياتي على الهــــــون .


أود أن يكتـــــــــب الذي بعــدي

عن :

النسيـــــــــــــــان .


أخوك : الكــــــــــايد .


,,

,,,,

[مفرح بن مناحي]

مشكورة / دموع الحنان

على الموضوع ,,,,

وبيتي بيكون عن النسيان ,,, كما طلب الكايد

أحاول أكتم همومي وأقول أقدر على النسيان
...................... وشفت إني كتمت الهم ولكن ما قدرت أنساك


أتمنى يعجبكم ,,,

وأنا أطلب من اللي بعدي يكتب عن ( الأحزان ) ,,,

تحياتي

سهم المنايا

[راكان بن بدن السبيعي]

قلبــــــــــي تعـــــــــــذب والبـــــــــلا كلـه أحــــزان ..**.. وشـــــــــــلون أعــالج جرحـــــــــه اللي سطــــــابه



اللي بعـــــــــــدي الله لايهيـــــــــــــــنه :

العنـــــــــــــــــــــ اد



,, ,, ,,



,, ,,



,,

[دموع الحنان]

السلام عليكم ورحمة الله وبركاتة

يعطيكم العافية اخواني الكايد وسهم المنايا..

احب اغير عن العناد...لانة مافي حد كاتب فية...

واكتب الان عن....

القاء

توارى حبنا لحظة وفجأة انفجر بركان

&&&&&&&&&&& لقاء الحب يا عمري غمرني بكل احاسيسه.

الي بعدي ممممممم....

الخيانة

ارجووو من الجميع المشاركة

تحيااااااتي لكم ....

اختكم...

دمووووووووع الحنان....

[همس البدر]

الف شكر اختى الغالية / دموع الحنان

عمر الخيانة ماتطول
................. بس البلا من حب وخان

الى بعدي
الفراق

[راكان بن بدن السبيعي]

كانـــــــــك بعــد فرقــــــاي يازيـــــن حبيـــت ..**.. خـــــــلاص أنا ماأرجــــــي من النـــاس حاجـــــــه .




اللي بعـــــــــدي يكتب في :


العيــــــــــــــون




,,


,,


,,

[دموع الحنان]

شوفة عيونك هي دواي ومناتي

...................................... وياليت باللي صار ياحلو تدرين .


الي بعدي عن.....


التضحية

يعطيكم العافية...

تحيااااتي.....

دموووووع الحنان

[نواف الناصر]

انا وش اللي ف غرامه بلاني 00ضحيت من شانه وادور على رضاه

[نواف الناصر]

الاشتيااااااااااااااااااق

[راكان بن بدن السبيعي]

قلبــــي لحبـــــــــك يدفعــه شــوق ياشـــوق=ولشــوفة عيـــونك يزيــد أشتيـــاقي


اللي بعـــــــدي : التــــــوديع

[نواف الناصر]

لا ردك الله لا ولا اطلب تردين *** ادعي عليك بعثرة فـي صلاتـي

قوي شوي صح بس بعض الاحيان لاينفع مع الوداع الا هذا النوع من المشااعر



ابي عن الانسانيه

[راكان بن بدن السبيعي]

مشكــــــــــور

بس خلّنا في الغـــــزل



ليـــه ماننســـــــى بعضـــنا على طــــول الأيام=مـادام أنا أنســـــــان وأنتـــي أنســــانه


اللي بعــــــــــدي :

الدلــع

[ليه يحبوني 0]

دمـــــــووع الحناان ،،

يعطيك الف عاافيه على احيااء رووح المناافسه الشريفه بين اعضااء المنتدى ،،

وارجوو ان تسموحو لي ان اشااركم في هذه المساابقه الرائعه ،،


ومشااركتي التاليه عن الدلع كما طلب الاخ الكاايد ،،

بنت ماهي مثل البنات بحلاها && تااخذ عيوني من عيوني وانا اشوف
تذوب في دمِِِ خفيف عطاها && دلع ولا مثل النداا ماالهاا وصووف




اتمنى ان تكون المشااركه التااليه عن الشموخ ،،





ليه يحبووووني ،،

[راكان بن بدن السبيعي]

كلّك حــــــــــــــلا وتقـــول ليــه يحبــــوني



فيــها شمــــــوخ وكبريـــا ما لهــن حــد=زادت عـــذاب العــاشقيـــــن بهــــواها

كلــن لهـا بالنظـــــــر ياصاحبـــــــي لـد=راحت وكلــن في عطـــــاها شكـــاها


اللي بعــــدي : المســــــــافه

[نواف الناصر]

بيننا شوق ومشاعر بس يا طول المسافه 000 حظنا بالوصل عاثر.ليتني جنبك حسافه

( الغـــــــــــــدر) والعياذ بالله

[راكان بن بدن السبيعي]

شفت الغــــــــدر في عينـها يعلن تحديــه=قلت أشهـــــد أن الزيــــن مابه عـــدالي

غـــــدر وخيــانه وآخـــر الليل أنا أبكيـه=ياكيـف أنا أبكــــي واحــــد(ن)ماصفـالي



اللــــــــي بعــــــــــدي :

الهـــــــــــدايا

[نواف الناصر]

ليت الايام تهدى والشهور 00مثل ما تهدى الهدايا بالتمام

[نواف الناصر]

ابي عن العتب

[راكان بن بدن السبيعي]

تعــــــــاتبني وأعاتبــــــها وكــلن بالخــــطا داري=حبـــــــــايب ماتفـــارقنــي وأنا مبغــــى أفارقــها



اللي بعـدي :


الحنيـــــــن

[نواف الناصر]

ابي منك حنيّه وفهم بعض احساسي 00وابيك تجرب الجروح كثر ماني مجربها

[نواف الناصر]

ابي عن الهجر والقطاعه

[راكان بن بدن السبيعي]

رحــــت وهجــرت الجــــــــرح بالقـــلب يازيـــن=حـــــظ الريـــــاض وحـــــظ منهــــو سكنــها



اللي بعدي : الغربه

[نواف الناصر]

في غربتي تغرب النور عن عيني 00وش حاجتي في نور عين غاب غاليها

[نواف الناصر]

اممممممممممممممممممممم
ابي عن المدح
يعني بدوون غزل

[راكان بن بدن السبيعي]

على كـــذا تبي قصيـــده كامله :


لو بالمراجـــل يارفيقـــــــــــي تقاويـــل=كان النـــذل يلقــى مع الطيــب مدخــال

وكان المراجـــــل حازها خبــــل وبخيــل=لو هــي تجـــي في جمعـة جنيه وريال

وكان أصبحـــن بيض العذارى رياجيــــل=لو هـي تجي في نصبة ألوان وأشكال

لو هــي حقيقـــه ما نســــوق الفنــاجيل=ألا لمنهـــــو حايــزن طيـــب الأفعـــــال




هــــذا مع الأختصــــار الشـــديد في القصيــده

بس هذا طـــلبك شنســوي الغالي يستاهـــل

أبي فــي : الوفـــــــــــاء

[نواف الناصر]

عندي سؤال مبدئي ليه الخيانه 00وانا اللذي بشروع الهوى لك اوفيت
انا اشهد ان خلّي يا فهد خان الامانه 00وانا اللذي بكفوف راحتي له مديت

[دموع الحنان]

السلام عليكم ورحمة الله وبركاتة

يسعدلي هالمساء للجميع....

ويعطيكم العافية للمشاركة الرائعة.....

الوفاء

الوفا ما هو طبيعة من طبايعك

ــــــــــــــــ انتا على العكس بالحيل غدار...

منّك عرفت الغدر والحين بايعك

ــــــــــــــــ والا الوفا بآخذه من أهل هالدار...


الي بعدي عن...

الهجران

تحيااااتي للجمييييييييييييييييييع

دموع الحنان

[ابو رائد]

يعطيكم العافيه

الهوى رغم المسافه بيننا زايد حنينه

والصبر دايم يدور للهجر أيه حلول

[ابو رائد]

اسف الي بعدي عن الجفا

[راكان بن بدن السبيعي]

بعـــد الهجــــر كنت أحسب أنـك تبيــــني=ماكنت أحســــبنك تبــي اليــوم فرقـاي

بعــــد الوفـــاء والحـــب هــاك السنيـــني=هانــت عليـــك أيــــام ذكــراك ويــاي

ماكـــــنّ يــدّك لامسـتـــــــــها يدينــــــي=ماكنت أحسب أنــــك بعـد ذاك نســاي


اللي بعـــدي

تغــــزل في الصــــوت

[نواف الناصر]

تبي تحكي تبي تشكي ولاكن جفت الارياق

فمان الله قالتها بصوتن خافتن سمعه

في بحة صوتها حسيت شي يمزع المعلاق

وبعدها الدمع هل ولاقدرت اقوى على منعه

[نواف الناصر]

ابي عن الشعر او الخصر

[راكان بن بدن السبيعي]

راع أشقـــرٍ من فــوق الأمتــــان منثـــور=ياســــعد منهــــــو بالمســــافه عنــاله

من شــافنـــي قال أنت ياهيــه مسحــور=وش فيـــك تكتــب في حبيبــــك لحـاله

يالايمــن قلبــي عن الزيــــــن معـــــذور=ليتـــك تشــــوف اللي ذبحنـــــي جمـاله

هـــذا حبيبـــي سيّــــد الزيــن والحــــور=قـــولوا لعمــــــانه وقــــولوا لخــــواله



الجمــــال

[نواف الناصر]

من الجمال اليوسفي ربك اعطاك ,,,,,,وسبحان رب(ن) في جلاله مسويك
كانك تخاف العـقــوبــه في دنياك,,,,,,ليه تنسى واحد(ن) مولع (ن) بيــك

[نواف الناصر]

بدّي عن الرثـــــــــــــــــــــ ـــــــــــاء يا خيوووووووووووو

[راكان بن بدن السبيعي]

مرحــــــــــــوم ياللي مات في يــوم الأثنيــن=ياربــــي ترحمــــــــها وتجبــــر عـــــزاها

جـــاني خبــــرها تـــو الأجــــواد ممسيـــــن=ثــم هلّـــت العبـــرات ممـــــا دهــاها

ياربــــــي ثبّتـــها على الحــــق والديـــــــن=في جنــــة الفـــــــردوس تلقـــى جــزاهـا

ياربي صبــــرنا على المــــــــوقف الشيــــن=والنفـــس عقب المــــوت ترفـــع شقـــاها

قالوا عـــــلامك تسهــــر الليـــــــــل ليليــــن=قلـــت المصيبـــــه عنـــدي أكبـر مداهــــا

ذي سنّـــة الجبّـــــــــار والناس ميتيـــــــــــن=المــــو� � سنّــــه ماجحــــــــدنا قضـاها


مرثيه في خالتي رحمة الله عليها


الدمـــــــــــوع

[نواف الناصر]

الله يرحمها يارب وجعلها من اهل الجنه 0000000000000امين يارب

[نواف الناصر]

اخر قصيده تنكتب فوق الاوراق 0000ودموع عيني تنتثر فوق خدي

[راكان بن بدن السبيعي]

اللهـــــــــــــم آميـــــــــن


جـــــــــــــزاك اللـــــه كـــــــل خيـــــــــــر



أشكـــــــــــرك على تواصـــــــــــــــــــلك


أثبـــــــــــت للجميـــــــــــــع أنك متــــــــــواصـــل ومتفـــاعل



لك تحيـــــــاتي

أخوك / الكـــــــــايد

[نواف الناصر]

والله يا خوي ان اللعب معك والمنافسه الشريفه اللي بيني وبينك تسوى الدنيا وما فيها وحقيقه امتعتنا اليوم واسف اني لا استطيع الاكمال معك لان وراي دوام والله علشانك بس سهرت شوي لان الالتقاء بك لا يفوت

تحياتي وتقديري
اخوك:

[راكان بن بدن السبيعي]

هــــــذا من طيبــــــــــك أخـــــــــــــــوي /

هـــاوي قصيــــــــــده .



ومشكــــــــــور وتمســــــــى على خيــــــــــــر


أخوك / الكـــــايد

[دموع الحنان]

السلام عليكم ورحمة الله وبركاتة

ماشاء الله عليكم ....

الاخ كايد...والاخ هاوي قصيدة....

يعطيكم مليووووون عافية للمنافسة الرائعة فعلااااااااا رائعة...

واتمنى روح المنافسة تكون للجميع

واتمني البيت الي بعدي يتكلم عن....

فديتك

تحيااااتي....

دموع الحنان

[جرح الحبيب]

يمه عسى شرك يزول وتحجين
............. وتقضين عمرك في صلاة وعبادة
وإلى لفيتك زاير ٍ لي تقومين
...................تستقبليني في حنان او سعادة
يضمني صدرك ولك تدمع العين
...................يطيح فوق الكف يعلن وداده
يمه فداك العمر وشبك تونين
..................جرت حنايا القلب ونك سهادة
يمه يتل الروح يوم انتي تبكين
.................تلة اطيور القنص لحظة هدادة
يمه فداك الكون والناس تكفين
...................ما ودي اسمع ماتحمل زيادة
ردي علي يمه وشبك نسيتين
...................ردي علي ماعاد فيني ركاده
ردي علي يمه او ماعرفتين
....................يمه ذبحني ضمتك للوسادة
النار شبت داخل الجوف تكوين
....................تحرق ملذات وتحل النكادة
يمه بدت بالصدر ثورة براكين
......................تفجرت احزان هم ولهادة
ومن الحزن ذبلت زهورالبساتين
.....................ورد الهدا يمه اعلن احداده
وجفت مياه جوى من منبع العين
...............وارض القصيم حزنك كساه ابسوادة
دكتور خذ قلبي وكبدي مع العين
................عطهم دفء عمر العمر هي امرادة
رمز الوفا والتضحيه امي (امنين )
..................القى ربع..ربع الربع ..من جهادة
ياالله عساي ارد له أول الدين
...........................يفداه قلبي والجوارح قلادة
ياالله يامنزل تبارك وياسين
................وبامرك نطق عيسى وهو في مهادة
تشافي امي ام كل المساكين
.........................اللي لها بالطيب طبع ٍ وعادة




أتمنى من اللي بعدي يكتب عن (( الصداقه))

لكم مني أرق واصدق التحايا 00
حمــــــــــــود

[القـ الحنون ـلب]

السلام عليكم


اسمحولي بئن اشارك معكم بما كتبت يدي في بعض محاولاتي





فديتك يابعد كل الحبايب .............. فديتك بكل الغلاى واحلا قصيدي

فديتك بكل انواع الغرام ............ فداك عشقي وغرامي وقلبي ووريدي







هاذي مقطع من احدى قصائدي قلته في احد اعز اصدقائي الذي هو الان من غبار الماضي





واتمنى ان البيت الي بعدي يتكلم عن


الوفى


وتحياتي لكم


القلب الحنون

[نواف الناصر]

انا وفيت من قلب هو اللي غدر بي وخان 0000هو اللي عبث بالحب هو اللي ضيّع سنيني

سلمته انا قلبي وقلت انك ملكت انسان 000قلت انك ملكت نواف طلبتك لا تخليني

هذي من كتاباتي وارجو ان تحوز على رضاكم واذا ودكم اكملها تكت ايزي لعيونكم


ابي عن الغلى

[راكان بن بدن السبيعي]

أنت الغــــــلا والزيـــن بيـــدك مسكتـــه=وشـــلون ماتبغــــــى خفــوقي يحبـــك

مهمـــا نظـــرت لغيـــــركم ماعشقتــــــه=سبحــان رب الكــون ربــــــي و ربــــك



المـــلامــــــــــح

[مفرح بن مناحي]

لو يزيد اليوم جرحي أعشقك وأبدا أسامح
..................... واجمع جروحي بقلبي وانتظر تفهم غرامي

احتري صوتك يجيني وانتظر ذيك الملامح
.................... أنت اسمك في خفوقي غير عن كل الأسامي
أتمنى أن تعجبكم الأبيات ,,,

أما الكلمة اللي أطلبها هي ( اعتذار )

سهم المنايا

[راكان بن بدن السبيعي]

كافـــي كــلام وكـافيـــ(ن) منـك الأعـــذار=لاتعتـــــذر يكفــــــي تســلّيـت فينــي

يكفـــي دلـع يكفـــي زعــل يكفــي أحتار=يكفـــي على قلبــــي خــلاص أرحميني



التفكيـــر

[جرح الحبيب]

فكرت بالدنيا بلياك وشلون 00000في لحظه التفكير هلت دموعي


أتمنى الكتابة عن (( جرح الحبيب )) :)

[نواف الناصر]

تقول احباب...؟دخيلك لا تقول احــبــاب
تقول احباب وانا مجروح وفوق جرحي جرحتيني
عطـــيــني وقت جرح العام بعد ماطاب
جــــرح العـــام انــا ما انـساه يوم انك تخونيني

وطلبا وليس امرا ابي عن الرجوع بعد القطاعه

[مفرح بن مناحي]

في انقطاعك كنت أعاني وانتظر منك الرجوع
...................... مدري أقدر أتحمل شوفتك يا بعد عيني
أتمنى أن تكتبوا بيت في .... الدلال ( الدلع )

تحياتي

سهم المنايا

[نواف الناصر]

ياقلبي سلم عليها محتاج انك تجيها 000مادام حلوه ياقلبي دلوعه لازم تصير


ابي عن امممممممممممممممممممممممم ممممممممممممممممممممممم

عن الضحكه :)

[راكان بن بدن السبيعي]

في ضحكــها تضحــك لي النــاس بالكـــون=وفي ضحكهــا شفــت الحيـــاة الهنيّــــه

مليـــون أحبــك وأضحـــك اليــوم مليــــون=لامن ضحكـــت آهديـــت قلبــــي هديّــــــه

وترى الزعـــــل يجــلب على قلبـي طعـون=أرفـــق ترانــــي مبتـــــلى في بليّــــــــه



االدمــــــــــوع

[نواف الناصر]

يابعد عمري رجيتك وحطيت بين يديك ابيات ,,, دخيلك لا تسكب دموعك ابيك دوم فرحانه

[دموع الحنان]

السلام عليكم ورحمة الله وبركاتة

اشكر كل من شارك معي.....

ويعطيكم مليووووووووووووووون عافية.....

احب الي بعدي يتكلم عن....

الليل

تحيااااتي للجميع....

اختكم.....

~¤ô¦¦§¦¦ô¤~دموع الحنان~¤ô¦¦§¦¦ô¤~

[جرح الحبيب]

غاليتي / دمـــوع الحنـــان .... لكِ ماطلبتي أتمنى ان ينال اعجابك


نسري الليل كله والوصول الصباحي....واتصبح على وجه(ن) جذبني بريقه
كل ماضم صدره منه المسك فاحي......تبرد جروح قلبي كل ماذوق ريقه

اللي بعدي كرماً لا أمراً (( الشمــــــــوخ ))

تقبلو مني كل التقدير والإحترام 00

حمــــود

[أبوعبدالرحمن]

لك شموخ وسط قلبي مثل هامات النخيل
..................غصب عني أحشمه دام لاجلك أحشمه

المشاعر

[مفرح بن مناحي]

أهديت لك كل المشاعر والأشواق
.......... وأهديتني جرحٍ صعيب علاجه

أتمنى يعجبكم ,,,

الكلمة الحين عن ,,,, الخفوق ,,,,,

[جرح الحبيب]

خفوقي قال تذكرها..دموع الضيم والهجران"="وقلت أذكر نعم أذكر وكيف أنسى معنيني


الكلمة (( الذكرى )) ,,,,,

[راكان بن بدن السبيعي]

جلست وســاقني شـــوقي على شــوفة هــداياها=أطـــــرّزها على ذكـــرى حبيـــبٍ راح وخــــــلاّني

أنا مهـــما جبـرت الروح أنا ما أوفيــت ذكــــراها=دفــــاترها وشــــوقٍ دوم يدفعنــــي تحـــداني

[مفرح بن مناحي]

صح لسانك يالكايد

بس وين الكلمة :)

أنا بكتب عن الذكرى بما أنك ما جبت كلمة جديدة ,,

على طاري جروحي والدموع اللي بكت فرقاك
.............. ذكرتك وليت هالذكرى تجيبك يا بعد عيني

الكلمة المطلوبة هي ,,, الغدر ,,,,,

[راكان بن بدن السبيعي]

لا الغـــدر طبـــعٍ لي ولانيــب خـــوان=ولا جيــت أقـــرر في خفـــوقي نصيــبك

غـــدرت فينــي ماتذكـــرت الأشجـان=وتقــــــول ليَـه ياابن الأجـــــــواد عيـــبك



البـــــــــراقع

[نواف الناصر]

الذكرى:

خذاني هاجس الذكرى لطاريكم ودانـي سألت هاجسي وش فيك بدا يبكي وبكاني


واللي بعدي ابيه عن:
اعظم مخلوق على وجه الارض(الام) واللي بعدي ياليت يطلب عن الاب اذا ما في مانع

[دموع الحنان]

السلام عليكم ورحمة الله وبركاتة

اشكر الجميع ويعطيكم العافية ...

الاخ الفاضل...

هاوي يعطيك العافية واشكرك على تواصل معي...ولكن...

من قبلك طلب الكايد عن البراقع ولازم تعطينى بيت عن البراقع...

وانت الان طلبت عن الام ....سوف اكتب عن الام ....

*¤§{ أمي يا أول حب عشته بدنياي

يا أول اسم تنطق شفاي طاريه }§¤*

*¤§{ انتي هوى روحي وبعروقي الماي

وعمري بدونك عمر ما عشت أنا فيه }§¤*

*¤§{ يا ما لقيتك في شتا وقتي دفاي

حضنك يدفيني بحنانه وأدفيه }§¤*

*¤§{وياما مسكتي في أعنى الوقت يمناي

خوف علي من الزمان وبلاويه }§¤*

*¤§{ تدعين ربك لي يسدد لي خطاي

وارفع انا كفي لله وادعيه }§¤*

*¤§{يا ربي تمنحني رضاها بدنياي

وان ما رضت عني ترى العمر مابيه }§¤*


والان مثل ماطلب كايد.......


البراقع



وارجو للجميع المشاركة.....

تحيااااتي....


دموووووع الحنان

[نواف الناصر]

ياللي تبرقع خل عنك التبرقع0 00الله عطاك عيون حلوات ووساع


وهذا ثاني

بالنتظر واصبر عسى ربي يعيني ***شملنا ياليت ربي يجمعه
مايخفف شوق قلبي والحنيــني***غير منهو له عيون مبرقعه


واغنيه ابو نوره
ما هقيت ان البراقع يفتنني**الين شفت ظبا النفوذ مبرقعاتي

وهذا للمريخي
زاهيات (ن) براقعهن وتزهاهن**لعنبو جدهن ما احلى براقعهن

وابي عن الاب

[مفرح بن مناحي]

الكنز ما هو في الذهب والدراهم
.............. الكنز والله طاعةٍ تسعد أبوي

أتمنى أن يعجبكم

أما الكلمة التالية فهي .... البسمة ...

سهم المنايا

[راكان بن بدن السبيعي]

في بسمتــــك تضحــك لي النـاس والكــون=كن الحــــــزن عندي ولا لحظــةٍ دام




اللي بعـدي عن : الجــــرح .

[عاشق الحب]

يوم العمر ربيع . . وانت تضحك لي .

ويوم السماء غيم . . وأنت تمطر لي .

تحياتي

عااااااااااشق الحب

[جرح الحبيب]

الجـرح يقــول ,,,,
7
7
7


يالعنبر اللي كل ما جيتلك فحت"="الجرح ينزف وانت داي ودوايا




اللي بعدي أتمنى الكتابة عن (( العيون ))


تقبلوا تقديري وإحترامي ,,,,

[عاشق الحب]

لا تدمني نظراً إلي . . . فوالذي = جعل الهوى قدراً على كفيكِ

ما تلتقي عيني بعينيكِ لحظةً = إلا رأيت صباي في عينيكِ


شعر ابراهيم ناجي

تحياتي


عاااااااااشق الحب

[دموع الحنان]

السلام عليكم ورحمة الله وبركاتة

اعزائي اخواني اعضاء منتدانا غرابيل عاشق

يسعدني تفاعلكم معي ....واشكر كل من كتب في واحتي هذه....

ودمتم لنا ولمنتدانااا يااااعشاااق غرابيل..

ويعطيكم مليووووون عافية...

الي بعدي يكتب لي عن....

القلب وما يهوى


تحياااتي...

اختكم...

~¤ô¦¦§¦¦ô¤~دموع الحنان~¤ô¦¦§¦¦ô¤~