صايب عريقات ..لاهنت نبي ناخذ علومك

[سعود السلمي]

مسيت بالخير انت ضيف جديد علينا نبي ناخذ علومك واسمك هذا اكيد وراه مصيبه بس عساها مصيبة خير ..اذا فاضي لاهنت نبي نتسلا معاك بطاروق..



يالكبتن الطًيار هد الطياره هد الصقور = مير انتبه للعفش لا يقضى على ركابها

اطلع بها وانزل بها واضرب بها غب البحور = وان عشت يا صايب تبا تلعن ثوا من جابها

[هداج تيماء]

يالكبتن الطًيار هد الطيـاره هـد الصقـور << اظن قصدك هد الطايره
مير انتبه للعفش لا يقضـى علـى ركابهـا



صح لسانك

يا هاوي قصيد

بداية مختلفة ودفن للمعنى

منتظرين صايب عريقات وصح لسانه مقدماً

متابع

[ناصر الجلاه]

..

هاوي قصيد

..


صح لسانك على المبدأ الرائع

وصفك دبل ياهاوي

واصلوووووووا

..

[حبيّب الحربي]

مبدأ كايف


وصح لسااااااااااانك


وعلى فكره صايب عريقاااااات مهو جديد بل قديم ولكنه انقطع فترة وهانحن نراه مرة اخرى



واصلوا ونحن متابعوووووووووووووووووووو وووووووووون

[سعود السلمي]

هداج تيماء .. صح بدنك مرورك شرف وقناص مشاء الله عليك وصدقت كان خطاء إملائي والمشكله ماقدر أعدله لانه مايسمح بالتعديل .. الطياره>> الطايره

ناصر الجلاه.. صح بدنك مرورك شرف دائما وابداا والله يعطيك العافيه

حبيب الحربي .. صح بدنك مرورك شرف وتسلم على التنبيه انا ماعرف الرجال بس اسمه شغل القريحه وطلبته ولا عاد شفته بعدها

[صايب عريقات]

هلا ياهاوي القصيد شرفتني بدعوتك ولايهمك اسمي يالنشمي ، كم واحد اسمه في جهة وهو في جهة ،ولمعلومية أنا ماني عضو جديد أنا لي فترة لكن ( بعد معاهدة مكة ) انشغلت شوي:-

استلم ياطويل العمر:


يا ( هاوي القيفان) والإبداع مابين السطور = الكبتنة رمز(ن) لشخص(ن) جابها ما هابها

وانته وانا واللي حضر ماظن به فينا قصور = الخير في وسط البلد والخيل من ركّابها

[صايب عريقات]

هداج تيماء


وناصر الجلاه


وحبيّب الحربي


هاوي قصيد كله بركة اللي جمعكم هنا الليلة وحضوركم يشرف اي شاعر

[سعود السلمي]

حياك الله ياصايب الدعوه مزوح ومعرفت رجال شرواك هذا الاهم



الموت واحد والحياه الي على راسك تدور = ساعة عقاربها توقف لاسكنت ترابها

منته مقدم في حياتك لا سنين ولا شهور = اقدم ماقديم السيوف الي تسل انصابها

[صايب عريقات]

الله يبقيك ومافيك شك بس نحب (نملح الحكي) ومعرفتكم جميعاً تجارة




كل(ن) يجهّز عدته من شان هاذاك العبور = بس احذر الدنيا ياهاوي لا يصيبك نابها
ماني مقدّم في حياتي بس ثابت ومخبور= أقدم مقاديم الرجال اللي تمس أشنابها

[ناصر الجلاه]

..

.


الله الله ياسلااااااااااااااااااام



منته مقدم في حياتك لا سنين ولا شهور
اقدم ماقاديم السيوف الي تسـل انصابهـا


,,



ماني مقدّم في حياتي بس ثابت ومخبـور
أقدم مقاديم الرجال اللي تمـس أشنابهـا


هاوي وصايب

واصلووووووا متابعين

[صايب عريقات]

حياك ياناصر هاه بشرني عسى حبييب جاك تراني متحمس للعبتكم أول الليل

[ناصر الجلاه]

.
.

حياك الله

هههههههه حبيب عانا نلعب انا وياه على قاف غير اللي مريته انت

.

.

[صايب عريقات]

أستأذنك اخوي هاوي وفي انتظار ردك


وأستأذن الأخوان اللي شاركونا



تصبحون على خير

[سعود السلمي]

ياسلام ياسلام مايحتاج صايب زعيم المفاوضات خبره في المفاوضات ههههه


نور العقيده يجلي الظلمه عن اهوال القبور = والمسلم الي جهزه العده ليوم حسابها

لو كان ابو عمار عايش مانقطع سلك السيور = اليوم غزه شالت الضفه على مشعابها

[سعود السلمي]

ناصر الجلاه صح بدنك لاهنت على المتابعه الجميله والمشرفه

صايب عريقات خذ راحتك وانا اخوك البساط احمدي الليالي كثيره واللعب على نار هاديه