لابــــتي

[أبيات خجلى]

هذه القصيدة

ليست موجهه الى أحد

مطلقا

بل هي وليدة الساعه كيبورديه

كتبتها

لأن هناك من يبحث مطولا عن الألقاب والقبائل

فلا أنكر أهميتها ولكني هنا أكتب قناعتي و

أسلط الضوء على فئه من الناس

خلقت غير مبالية بأي لقب
أو فصيله
أو قبيله

وما الى ذلك


لقلبكم:11rob: :11rob: لابتي


كلمه يتيمه تقلب أفعال وأقوال=وبيتٍ يمجد صاحبه بالرجوله

لو كانت العزوه ثمن فعل الرجال=كلنا رجاجيل الزمن والفحوله

بس الغصن ما ينصلب عوده لو مال=لو كانت جذور البداوه أصوله

والطيب يفرض نفسه في كل لحوال=والمعدن الطيّب يزيد العموله

ياشعر جيت أكتب على شط الرمال=ويمكن يغطي هالبحر ما أقوله

تبقى قناعه بنفسي لو طال ماطال=ما تعني ألقاب الفصايل حموله

لو هو رصيد الجاه يبني في لفعال=أشهد في بنك العز مالي سيوله

بنت أجوديه ولو لهالجود مكيال=ترجح موازيني بدقه وسهوله

وأبياتي يمكن ترعد أشكال وأشكال=بس القناعه تاج للي ينوله

وابكلّ عزه لابتي قول وأفعال=لاهو لقب لو ضعت أنوي حصوله

[منور العوني]

وابكلّ عزه لابتـي قـول وأفعـال
لاهو لقب لو ضعت أنوي حصوله



صح لسانك

ابيات جزله وليست خجلى هذه المره

[محمد الدغيري]

وابكلّ عزه لابتـي قـول وأفعـال

ونعم


وحي الله الحكمه


صح لـ سانك

[أمل عبدالعزيز]

,
,
,

الشاعرة أبيات خجلى :


قصيدة عذبة من شاعرة تعودنا منها الأفضل
وقصيدة بحق ليست في مستوى قصائدك الأولى
أجدك في بحر الشيباني ياغالية تكتبين بروعة أكثر وأكبر.
.
.
لكِ حبي وودي.
.

[مهدي بن مسفر الحبابي]

والطيب يفرض نفسه في كل لحوال= والمعـدن الطيّـب يزيـد العمولـه

الاخت ابيات

صح لسانش واعتلا شانش

رايعه بروعة حضورش

تقبلي احترامي ومودتي

[احمد العبيد]

ابيات خجلى

بس القناعـه تـاج للـي ينولـه

فعلا القناعه كنز لا يفنى

صح نبضك واحساسك

تحيتي

**

[ناصر القزلان]

كلام سليم ياعزيزتي ..

ان الفتى من يقول ها انذا = ليس الفتى من يقول كان أبي ..

والنعم فيك وفي لابتك ..

همسه صغيره .. فيه ارتباك بالوزن في معظم الابيات خاصة بالصدر ..

تحياتي ..

[صلاح الأحمدي]

.
.

ابيات خجلى


صح لسانك وقلبك وكلك

مدد بلااااا عدد

قصيدة جميلة ورائعة

يعطيك العافية

ابدعت

تحيتي
.
.