ريلي يخوني مع بنت عمه .. شالحل

[حواء غرابيل]

مسالخير كويتيات ...
بنات بليز ابب مساعده لاني جد احترت وابي احافظ على بيتي ومابي اخرب ولا اسوي مشاكل بين عوايل

مشكلتي باختصار زوجي يصير لي من بعيد وانا متزوجته من سنتين وعندي بنت واهو وايد زين معاي ..
وماشفت من تصرفاته اي شي يشككني فيه
من فتره يتني وحده وقالتلي ريلح يكلم بنت عمه واهو يحبعا من كانو ثغار والبنت اللي يحبها هذي كانت رفيجتي وبعدت عنها ايام الثازويه لان عشنا فتره برا الكويت وانقطعت العلاقه .. رحت فتست تلفون ريلي لقيت مكالمات وبينهم واتس اب انا انصدمت واخذت الرقم وصورت كلشي وظليت يومين افكر شسوي ..فتخت تلفونه ججامه وفتحت المحادثه على اساس اني العب بالتلفون وواجهته وانكر قال مادري منو لاني مو مسيف الرقم واتوقع دقه من دقات الربع .. وسويت روحي مصدقته وهددته لو هالشي صج ولا تاكدت بيوم ان لك علاقه فيها بدق على اخوانها وافضحكم وخاف وترجا ومن هالحجي بس انكر ان ماله علاقه .. المهم قاعده اعيش معاه عادي ولا كانه صاير شي .. لاني قررت اواجه هالبنت وفعلا صارت مناسبه وكلمتها باسلوب راقي انها تبعد عنه ولا بفضحها .. انكرت في البدايه ولما قلتلها ان عندي صور خافت ووعدتني ماتكلمه .. وفعلا قعدت يمكن اسبوع واهو متغير وضايق خلقه ومو طايق نفسه .بعدها رد لطبيعته وغير باسبورده ورد طبيعي والمشكله ادري انه يكلمها وردلها ... بنات شالحل .. شسوي مع بنت بليس .. لو اهيا بعيده جان فاضحتها عند اهلها وماهتمني .. بس المشكله اهم قرايب واهاف يذبحون ريلي ولا تصير مصيبه .. والله احترت ونفسيتي تعبانه وايد بس مو قاعده ابين شي جدامه .. ساعدوني شالحل