ابن براك حياك

[ضيف الله الحميدي]

ياسلامي ياسلامي من الصدر الوسيع=للي يسمع واللي يقراء والحاضر والجميع
والميعاد يابن براك فالخط السريع=ولعوها نار والنار من شبابها

سلام من الحميدي فيه الطيب وفيه فاح العود=على رجالن تسوق الهيل ماضيها وحاضرها
عليه فرحتن زادت عساها دوم دوم تعود=بـ لمتكم وجمعتكم في غرابيل اعبرها

[منيرة الحربي]

الله الله ياسلااااام عليك يا ضيف الله الحميدي


صح السانك وفي انتضار الشاعر القادم ابن براك وصح السانه مقدمآ

[محمد ابن براك العطاوي]

مرحبا بك والتحيه تجي من ضامري = ولا تحسب ان المواقف طرب مع سامري
ولا استوى خط الشبح ماتطوف الكامري = ولعوها نار والنار من شبابها


هلا يامرحبا بك عد ماهبت هبوب النود = تراحيب الوفا من قلبنا جتكم مصادرها
عساها دايمه ماتنقطع ياصاحبي وبزود = وتعم وجيه كل اصحابنا واللي نقدرها

[ضيف الله الحميدي]

اسمحلى على التاخير

واستلم بارك الله فيك



معليش يابن براك اسمحلي معليش=المواقف ماهي نفخ الهواء وبخم ريش
الشبح توه طلع من تخبيطه والتبويش=ولعوها نار والنار من شبابها






دام البقا ياصاحبا ياهل الوفاويهل الجود=وقوم الطيب والنوماس ماكدر خواطرها
ابن براك لوني نشته وين ضواء الذود=جمالها ماضوها واللي ضوت عشايرها