تجربتي مع الاستغفار

[أسواق]

السالفه ومافيها
اني بيوم كنت جالسه طفشانه مرررررررررررررررررررررره
من الطفش مالي خلق اسوي شي حتى يروح الطفش
المهم قلت ياالله بجلس استغفر الف مره
وماعديت كم مره بس طووولت يمكن الف وزياده
بعدها حسيت نفسي مبسووووطه وانطط من الوناسه
انقلب مودي 180 درجه والله العظيم
قمت ابي انظف وارتب واطبخ ولو اشيل البيت على راسي مااقول لا
جاتني طاقه وقوه ووناسه تفاؤل يعني
من بعدها قلت وش خسرانه لو كل يوم استغفرت وسبحت بشكل دايم ماانقطع
وصرت يوميا استغفر حوالي 700 الى 1000 مره واسبح واحوقل
بعدين قلت احسن اوقت الجوال يدق كل راس ساعه
يعني كل ساعه على التمام يرن
واجلس استغفر 5 دقايق يعني من التمام الى وخمس دقايق
اكون ذكرت الله كل راس ساعه يعني حوالي 12 ساعه الي اكون صاحيه فيها
لو ماقدرت يكفي 10 مرات كل ساعه
يصير 1200 مره باليوم
المهم احس الشغله صارت ممتعه وتحمس وانتظر مؤشر الساعه يصير على 12
بشوق ولهفه
الي صار تغيرت نفسيتي بشكل ماينوصف والله مااقدر اوصفه
والبارح شفت منام زي الصوت يقولي الاستغفار مسح ذنوبك او حاجه زي كذا والله على مااقول شهييييييد
وفرحت فرحه شديده لان الحلم حسسني اني رجعت كيوم ولدتني امي
ومازلت مستمره وان شاء الله للابد
انصحكم واشد على ايدكم
يارب تفيدكم تجربتي
والافضل نستغفر ونسبح لوجه الله مو لشي مخصص كالزواج والرزق وغيره
لكن نقول لله سبحانه وهو يرزقنا كيف يشاء بدون تخصيص لانه يعلم حاجاتنا

منقول