وافي السبيعي (انتهت معركة ولم تنتهي الحرب)

[شارب الفناجيل]

بعد شرب سبع فناجيل من القهوة العربية (المهيلة)
وأكل بضع من الرطيبات سلج (مناصيف)
قدح في راسي هذا الطاروق ..

خلوووووووووووووها
يا وين أبلقى شاعرٍ يبحر على كل البحور = أيصارع الامواج ويحارب نظام القرصنه
يمشي سنودٍ بالمعاني ما يمشيها حدور = أيونس اللي ضايقٍ باله وعشقه محزنه
الليل الليل

وكذلك

النهار النهار

[وافي السبيعي]

يامرحبا ترحيبتن تبقى على مر العصور=من شاعر(ن) لقال كلمة بالنظام امحصنه
هات العلوم اخذ العلوم الله يسهل بالامور=تبي طريق الميسره والا طريق الميمنه

[شارب الفناجيل]

خلووووووووووها

دام البقى والسالفة بين الذيابة والنمور = هذا على الغابة يدور وذاك فالضلع الحنه
قبل أمس كوشتوا وباقي بنط واللعبة تفور = مدري غشامه منك يا رجال ولا ملعنه

[وافي السبيعي]

النمر جاكم في طريقه ثم مسك رجل الجزور=ثم صاح فالغابة وطاح الخيل مع درب ارسنه
قبل امس وش حصلت يوم انك على الدعوى تدور=الملعنه والمنذله هذيك من وجه السنه

[شارب الفناجيل]

مانيب افتش يا عميلي فالكسور وفالعشور = اسهيل ما انت بشايفه لكن يا وافي عنه
قبل امس غاظ البحر مدري كيف لاهو أرض بور= أشوف بعيوني ما صدق هرجتك يالالسنه

[وافي السبيعي]

الله يسامح راعي الزله وانا اقول امعذور==وسهيل من عرض الكواكب مير لا تقرب منه
ان كان شفت البحر غايض قدمكم سبعت بحور=يالشاعر اللي مايزيد الفعل عن زود الحنه

[شارب الفناجيل]

:هاها: هاها هاها هههههاي <<<< ضحكت شرير منتصر؟؟؟

خلوووووووووووووووووها


الله يسامح من يحبون التعالي والغرور = لوقلت وش كنه يا شارب قلت مدري وش كنه
أنا ترى دفعن رباعي فور مضروبن بفور = مانيب أحب الافلفه يا صاحبي والقنقنه
SHARB FNAGY( 4 X 4 )

[وافي السبيعي]

مابه غرور ولا قصور ويش انت ونقول الوقور= والفاهم اللي من كلامه قبل هرجه يازنه
انته رباعي في مكانك مير مقطوع السيور=== لنه على طول الطريق الناس قالوا تمجنه

[شارب الفناجيل]

خلووووووووووووووها

أنا شعر والنور يا رجال ما يحتاج نور = مابه نسب لكن دندن دندنه يا دندنه
الشعر هالايام جثه هامده ابلا شعور = يا صاحبي يرقص على جثته شلقة ورعنه

[وافي السبيعي]

الاخ شارب الفناجيل
بيض الله وجهك على حسن الابداع

استفدنا منك ولك فايق تقديري

[شارب الفناجيل]

الأخ الموقر / وافي السبيعي

مجرد اللعب معك يعتبر وسام افتخر به عند الجميع

[مسلط المغيري]

ياسلااااااااااااااااام



لعب نظيف وجميل



صحت السنتكم

[وافي السبيعي]

ياسلااااااااااااااااام



لعب نظيف وجميل



صحت السنتكم

الاخ الشاعر مسلط

اسعدنا حضورك

وصح بدنك

جعلك تسلم