وزارة التربية تسمح للبنات بـ«نصف المكياج» وتمنع أحمر الخدود

[سعود]

سمحت وزارة التربية والتعليم للطالبات باستخدام ادوات الزينة دون الوصول الى المكياج الكامل او الوان الظل وأحمر الخدود.
وحددت الوزارة ممثلة في ادارة شؤون الطالبات ادوات التجميل ذات الالوان الخفيفة المسموح بها لطالبات المدارس المتوسطة والثانوية.
واوضحت الوزارة في تعميمها انه يمكن استخدام مرطبات الشفاه والوان الشفاه الفاتحة ومنعت اللون الاحمر والبني ودرجاتهما والكحل والعطر وطلاء الاظافر والوان الظل واحمر الخدود او المكياج الكامل.
واعتبرت مساعدة مدير تعليم البنات بمكة المكرمة د. فايزة نجوم القرار بأنه يحفظ للطالبة حقوقها ، حسب التعاليم الاسلامية التي تسمح بالتزين دون التبرج او خدش حياء المرأة وفي حدود الادب.
وقالت ان الزينة من حق المرأة ، وعلى الطالبات ان يتقيدن بالحدود المسموح بها لما يحفظ لهن كرامتهن.

وهذا رابط المصدر
http://www.okaz.com.sa/okaz/osf/20070826/Con20070826134980.htm

تحية عطرة

[الماسه]

واخيرااااااااااااااا

مابغوووو

الحمدلله والشكر اول كانو مانعين كل شي

تقول رايحين العزى

وهذا المفروووض الي صاير من زمان

لان البنات شي طبيبعي يهتمون بمظهرهم
يعني فطره فينا فليش يمنعوونه

خساره جت متاخره:(


سعود
يعطيك العافيه اخوي على الخبر

[شامخة الذات]

خبر حلو بس كانهم ما سووا شيء

بس مرطب شفاه طيب كان سمحوا بالكحل

عشان ما نخالف ونقول مسموح

بصراحة من غير يسمحون

احنا في قانوننا مسموح ونحط الي نبيه :هاها:

بس بعد ما نطلع الفصول عشان محد يلاحظ من الادارة

أخوي / سعود

يعطيكـ العافيهـ عالخبر

[اذكر الله]

أخي الفاضل سعود

الزينة مطلوبة للفتيات ولكن في حد المعقول والإدارة بتتهاون عن هذه الأمور

ولكن الطالبات بعضهن يبالغن في الزينة لحد لا يصدق وأكثر من المعلمات من الوان الشعر

والقصات والمكياج المبالغ لذا كانت الإدارة صارمة في هذا الموضوع .

الله المستعان

وللتعديل إسم الدكتورة فاطمة نجوم وليس فائزة كما جاء في الخبر المنقول

لك شكري وتقديري

[سعود]

اهلين ضحكه


بصراحة ماعندي ادنى فكره عن هذا الموضوع


يعني البنت وهي رايحه للمدرسة مدري وش تحط من اصباغ


بس اهم شي في القرار منع احمر الشفاه واحمر الخدود


وياليت تقولين لنا وش مسموح فيه بالجامعة


ومشكوووووووره على تشريفك لموضوعي


تحية عطرة

[مزيونة نجد]

مشكور على الموضوع


يلا استانسو يا بنااااااااات

[بنت الريف]

البنات في المدارس اخر همهم صاير الدراسة

احمر شفاه فاتح ومرطب كان خلوا لهم العطر بعد

والا ازين شيء يسمحوا لهم بالديرمة ههههههههههههههههه

تحياتي

[نور الإيمان]

--------------------------------------------------------------------------------


سمحت وزارة التربية والتعليم للطالبات باستخدام ادوات الزينة دون الوصول الى المكياج الكامل او الوان الظل وأحمر الخدود.
وحددت الوزارة ممثلة في ادارة شؤون الطالبات ادوات التجميل ذات الالوان الخفيفة المسموح بها لطالبات المدارس المتوسطة والثانوية.
واوضحت الوزارة في تعميمها انه يمكن استخدام مرطبات الشفاه والوان الشفاه الفاتحة ومنعت اللون الاحمر والبني ودرجاتهما والكحل والعطر وطلاء

التعميم لم يصل الى مدينة الرياض الى الان ؟

للاسف الشديد بعض الطالبات تاتى الى المدرسه دون هدف

وفى المقابل طالبات ملتزمات بالانظمه ولا يخالفن تعليمات المدرسه فهن حقا طالبات للعلم

والمكياج ليس ضرورى للطالبه لان المدر سه صرح تعليمى

والطالبات مايصدقون خبر حتى يبدأن بالمخالفات وفهم التعميم حسب امزجتهن

وبالرغم من كل ذلك نقول خير الامور الوسط فلا مبالغه حتى لا يكون المكياج اهم اهتمامهن
شكرا لنقل الخبر
اختك نور الايمان

[الماسه]

وياليت تقولين لنا وش مسموح فيه بالجامعة

هلا اخوي سعود

بالنسبه للجامعه

مسموح بكل شـــــــــــــــي

اشوف احيانا بنات تقول رايحين زواج مو جامعه:(

لكن مو حلو انه البنت تبالغ بالمكياج بالدراسه لان كل مكان وله مايناسبه

وبس :)

[سعود]

شامخه



بصراحة من غير يسمحون
احنا في قانوننا مسموح ونحط الي نبيه
يعني البنات متمردات على تعليمات الوزارة


بس بعد ما نطلع الفصول عشان محد يلاحظ من الادارة

طيب البنت تخرج من المدرسه وهي في قمة الطفش والارهاق والجوع

وين الراااايقه اللي بتجلس تكشخ


تسلمين على هيك مرور راااايق


تحية عطرة

[سعود]

اختي اذكر الله



ولكن الطالبات بعضهن يبالغن في الزينة لحد لا يصدق وأكثر من المعلمات من الوان الشعروالقصات والمكياج المبالغ لذا كانت الإدارة صارمة في هذا الموضوع .


وانتم ليه تحشرون العالم خليهن يكشخن


صح ذكرتي نقطه مهمه


وهي القصات غرررررريبه التعميم لم يأتي على هذا الامر


وللتعديل إسم الدكتورة فاطمة نجوم وليس فائزة كما جاء في الخبر المنقول

اشكرك على التعديل

وبعدين والله ماعرفها بسلامتها

والغلط من المصدر وهي جريده عكاظ



مشكوره على هيك مرور رائع


تحية عطرة

[ريف العين]

بعد كم سنه بيسمحون للمكياج الكامل :مزون:

انا مادري بنات الايام هذي رايحين يدرسون ولا عشان كل وحدة تتباها بزينته قدام صديقاته

الله يستر وش القرارات الجايه اللي راح تصدر بعدين

ياحلو ايامنا والله:مزون:


سعود

الله يعطيك العافيه على نقل الخبر

تقبل اعذب تحيه

[سعود]

مزيونه نجد



يلا استانسو يا بنااااااااات


اكيييييييييييييد ونااااااااااااااسه


وخاصة لطالبات المتوسط كل وحده بتحس نفسها حررررررمه آآآآآآآآآد الدنيا


تسلمين على هيك مرور جميل


تحية عطرة

[سعود]

بنت الررررررريف


حمدلله على سلامة العوده


ومنوره الحتة بعودتك




احمر شفاه فاتح ومرطب كان خلوا لهم العطر بعد

عندي استفسار الحين مرطب الشفاه يعتبر تجميلي

انا اعرف المرطب للبنت اللي براطمها متشققه ووجعانه

صج العطر ممنوع


يعني اي بنت متعطره يرجعونها من عند البوابه

ليتهم يسمحون بالعطر لانه مهم

بدل مايصيب المعلمات الزكااااااااااام

من انبعاث الروائح الزكيه


تسلمين على هيك مرور عطر


تحية عطرة

[سعود]

نور الايمان


التعميم لم يصل الى مدينة الرياض الى الان ؟
يمكن في الطرررررريق اليكم


للاسف الشديد بعض الطالبات تاتى الى المدرسه دون هدف

طيب يمكن سجلت هدف بس احتسب تسلل :11ap:



صدقتي في كل كلمة قلتيها :11umbup:


ومشكوره على هذا الحضور البهي


تحية عطرة

[سعود]

ضحكة الدنيااا



هلا اخوي سعود
اهلن بعودتك مجدداً


بالنسبه للجامعه
مسموح بكل شـــــــــــــــي
اشوف احيانا بنات تقول رايحين زواج مو جامعه
يعني فيه عرض ازياء



لكن مو حلو انه البنت تبالغ بالمكياج بالدراسه لان كل مكان وله مايناسبه

بالفعل وهذا هو عين العقل

التعقل في كل شي


اشكرك على مرورك من جديد واشكرك على الايضاح


تحية عطرة

[شامخة الذات]

طيب البنت تخرج من المدرسه وهي في قمة الطفش والارهاق والجوع

وين الراااايقه اللي بتجلس تكشخ


اووووه بالعكس الروقان ما يجي الالمن نحط المكياج :هاها:

بعدين اي طفش وجوع وحنا في بداية النهار :مزون:

وعلى طاري الرايقات ترا كثيرات بالمدارس:هاها:




يعني البنات متمردات على تعليمات الوزارة

لا مو متمردات تقدر تقول مخالفات و بعدين وقفت علينا يا كثر المخالفين للأنظمة

و مخالفتنا ما تضر أحد عكس مخالفات كثيرة

يبقى الهدف الأساسي العلم
لكن لا مانع من التزيين الغير مبالغ
خصوصا انها فطرة في البنت انها تظهر في صورة جميلة

شكراً

وسامحني على الإطالة

[سعود]

ريف العين


بعد كم سنه بيسمحون للمكياج الكامل
هذا شئ مؤكد


ياحلو ايامنا والله

عاااد من زين ايامكم ابيض واسود:11utup:



تسلمين ريف على هيك مرور راااااااااااقي


تحية عطرة

[سعود]

شامخه

ارحب بعودتك مجدداً



اووووه بالعكس الروقان ما يجي الالمن نحط المكياج

بعدين اي طفش وجوع وحنا في بداية النهار

وعلى طاري الرايقات ترا كثيرات بالمدارس


كيف بداية النهار !!


اجل المديره والمعلمات ماعندك احد:11utup:



لا مو متمردات تقدر تقول مخالفات و بعدين وقفت علينا يا كثر المخالفين للأنظمة
و مخالفتنا ما تضر أحد عكس مخالفات كثيرة

كل الطرق تؤدي الى روماااا

يعني مخالفات هااااااااااااااه:زعلان:

انتبهوه للجوازات لاطب عليكم :11ccer:


امزح وياك


صح مخالفه بس بسيطه ماتضر احد


ودام بعييييييييييد عن اعين الشباب مافيه مشكله

خذو راحتك في مدارسكم


يبقى الهدف الأساسي العلم
لكن لا مانع من التزيين الغير مبالغ
خصوصا انها فطرة في البنت انها تظهر في صورة جميلة

قلتيها بنفسك الغير مبالغ


وهذا مطلبنا ومطلب الوزارة ومطلب نور الايمان وبنت الريف <<== معلمات كبار في اجهزة الوزارة


ومشكوره ياشامخه على عودتك ومداخلتك



تحية عطرة

[أبجديات الصمت]

اخوي سعود

مشكور على هالخبر

أنا في نظري ما في مشكلة انه البنت تتزين بس مو بزيادة

يعني من حقها تزبط نفسها ممكن تحط كحل على خفيف مو تبالغ

و مرطب الشفاة بس ما يكون لونه واضح يكون شفاف

يعني تحط بس بهداوة

يعطيك العافية

تحياتي

[إشراقـ أمل ـة]

وزارة التعليم قراراتها كلها ملخبطة :11sted_re

مره عقوبات صارمة لمن يوجد معها أدوات زينه:artist:

ومرة مسموح بأدوات الزينه:مزون:

خلاص بلاش تعليم وتجي المعلمة تطبطب على رؤوس الطالبات .:هاها:

وبعدين ليه تمنع العطر ... العطر أهم من أدوات الزينه .:11utup:

وأصلا من قال إن الطالبات ما معاهن أدوات زينه:vampire:

معاهن كل ما يخطر على البال والخاطر:icon_mad:

معاهن عدسات تلبسها وتلبسها كمان لزميلتها

ما أقول إلا يخليلنا وزارة التزيين والتزييف

ومشكوووووووووووووووور سعود على الخبر

[majroh-tamem]

أخي سعود الغالي

مشكور على النقل العذب الخاص بالجنس الناعم

وانا لا أملك أية فكره الا أن النساء

يحبن الزينة

تحياتي

[جواهر]

يا حلاااااااااااااوه وش الهنا ذا



البنات من غير مسويات البدع ما يحتاج انظمه من الوزاره.



يا قرادتناااا بس الحين يمنعون العطر للبنات ليش ليش ليش ..


سعووووود تشكرات على هالموضوع اللي بيخرب ميزانية الأهالي .

[ريمي]

مشكور سعود
بس بيني وبينك البناااات
يكشخون بقووووة
جى القرار والا ماجاء


بس بجد حلو البنت تتزين عالصبح
لانها اذا قااامت الوجة منفخ والعيون يوووووء
فعشااان كذا حلو تتزبط شوي عالصبح
صح مو مكيااااج ثقيل بس النعوم حلو

وعموما
البناااات اللحين صااايرين يكشخون افضل من المدرساااات

[•.'Deem'.•]

انا اذكر ايام الثانوي ......<<<< لاتحسبونن معجزة الحين قبل سنتين بس..........

ويازين الجامعة خوذي راحتك .......... المهم...........

سالفة العطر والكحل والقلوس مفروغ منه .......

وانا اولهم لازم الكحل ويكون لونة على حسب مزااااااااجي مرة كحل بني مرة تركواز مرة اخضر ..........ويللاه......
اما العطر فهو اصلا ماينزل من شنطتي ابدا ....... وعادي ماكانو يقولون لنا شي حتى لو فتشوا وشافوة......
اما القلوس انا ماكنت احط بس فية بنات يحطون ..........

وطبيعي البنات يتزينون حرام عليهم يمنعون حتى الكحل والعطر اجل وش بقى ....

بس البنات الله اكبر على طول بيسمعون الكلام ........ بيسون اللي يبونة وما دروا عن احد ....... http://upload.seheb.net/uploads/bec1cc91e9.gif (http://upload.seheb.net/)

ومثل ما قالت ضحكة الدنيا ........
بنات الجامعة البعض مب الكل .......... وانتبه لكلمة البعض .......
تجيل كل يوووووووووم كانة رايحة لعرس http://upload.seheb.net/uploads/7edc28eea1.gif (http://upload.seheb.net/)
وقسم ان اشكالهم تموت من الضحك ويسمعون التعلقات بس ولا وحدة تهتم هذا غير تعلقات الدكتوراة ........

اللي ابسط شي تقومة وهي بنص المحاضرة وتقولة .....
يبيت انتي لبسة كدا لية ؟؟؟؟ السكيوريتي شافوكي " تقصد موظفات الامن" ... ازاي تيقي للكسم "تقصد القسم " وانتي كدا ....... اهلك شافوكي وانتي خرقة" طالعة " ...... اية الاشكال دي ........... وهات يضحك من بنات القاعة مفتحين عين ومغمضين عين ......
طبعا الدكتورة تقومة كأنة بتسألة ..... وبعدين يجي التعليق .....

http://upload.seheb.net/uploads/b2b8991120.gif (http://upload.seheb.net/) <<<<< تشبة دكتورتنا المصرية ههههههههاه بس طبعا من غير الابتسامة

تحياتي لك .......
وتقبل مروري....

[بيكاتشو]

ما شاء الله اعارض بقوووووووووووووه هذا اللي ناقص اصلا الطالبات انجنوا قبل الخبر كيف لو يقرونه كان المفروض يسمحون بالعطور فقط


عموما مشكور على هيك خبر يضغط

[حــنــيــن]

واخيراااااااااااااااااااا اا<<ترى ماعندها الاالدجه..

انا ابغى افهم من الراااااااااااااااااااايق ه اللي بتقعد تلطخ من فجر رب العالمين؟

انا بالـ يااااااالله البس المريول..

صح الواحد لازم يكون كشييييييييخ بس مو لازم اصبغ خشتي..

يجونك الوحده طبقااااااااااااااات مكياج والنظافه اللهم لك الحمد مااايصحش ياقماااااعه..

اهم شي النظافه بعدين فكري بشيؤوووووووووووون اخر..<<ليتك تظفين وجهك بس..

سعود..

يسلمووووووووووووووووو..

[صهيل الصمت]

يعني انبسطوا البنات ماعاد فيه دراسة


ميك اب وتأخير صباحي .. يالله يمديها .. محد راح يلحق الطابور


تسلم على هيك خبرية

[&&الوردة الحمرة&&]

هههه دوبهم يتذكرون :مزون:

أصلاً البنات من زمان يحطون كل شي ومعهم العدة كاملة من كحل وعطر ومرطب ولمعة وإذا على احمر الخدود مايحتاج لان الشمس بتحرق الخدود وتخليها حمرة
وبالنسبة لي من فترة وانا ارسم حواجبي من البيت واحط كحل بس مو دايما اتكحل
ولا أحد كلمني :tongue:
وكمان البنات يحطون الوان الشفاه كلها>>> ما خلو شي للمعمات ههه:هاها:
والكحل يحطونه بس بطريقه عجيبه ماتشوف غير شي اسود والعيون راحت وطي مع ذا الكحل:مزون:
أما بالنسبة للعطرمسموح بس العطر الصغير
وظل العيون محد جربها يمكن الجيل إللي بعدنا بحطون يجوز
و صحيح اني اتكحل بس تمام في الحصة
بس ماأظن جاء هذا القرارعندنا بس راح اسال واشوف جاء ولا ولا

مشكوررررررو سعود على هالخبر

[الـوافـي]

تعظيم سلام لوزارتنا الموقره
تركو الاهم وأصدر المهم
المفترض يصلحو جدار المدارس والنوافذ المكسره وبعدين !!!!!!!!!!!!!!!

ياازين الشباب كلها شماغ على كتفه لين يصل المرسه
لاروج ولاهم يزنون.


لك حبي الوحيد
أبو مها

[N n y ~]

8
صدق في اللي قاله ..

يعطيك العافيه سعود

[سعود]

ابجديات الصمت



أنا في نظري ما في مشكلة انه البنت تتزين بس مو بزيادة

يعني من حقها تزبط نفسها ممكن تحط كحل على خفيف مو تبالغ

و مرطب الشفاة بس ما يكون لونه واضح يكون شفاف

يعني تحط بس بهداوة


اهم شي عندي الهداااوه:مزون:


تحط على اقل من مهلها لين تفوووتها الحصة الاولى:زعلان:


تسلمين ابجديات على هيك مرور راااقي


تحية عطرة

[سعود]

إشراقة امل


معاهن كل ما يخطر على البال والخاطر

معاهن عدسات تلبسها وتلبسها كمان لزميلتها

<<== جالس يتخيل بنتين باخر الصف وكل وحده تركب لثانيه العدسات


تسلمين ياشراقة امل على هيك نقد لاذع لوزارة التربية والتعليم


تحية عطرة

[سعود]

مجروح



وانا لا أملك أية فكره الا أن النساء

يحبن الزينة


وزين انك تملك هذه الفكره



تسلم ايها النشمي على هيك مرور سمح


تحية عطرة

[سعود]

جواهر



يا قرادتناااا بس الحين يمنعون العطر للبنات ليش ليش ليش ..


مدري .. مدري .. مدري



ابشرك جاء خبر يفند هذا الخبر



واشكرك على مرورك الاجمل



تحية عطرة

[بسمة امل]

اتحدى يتطبق هالقرار بالجامعه

والله البنات مكياج اخر شي

واحيان تكون عندها سهرة او زواج وتجي تدوام بالميك اب ماتغسله

ولا احد يفتح فمه ...

والله قرارات تضحك ...

قول بلا فعل ...

مشكوووور سعود ..