يالكــــــــــايد استلم لاهنت

[الحانوتي]

ذبحني يالكايد وش اسوي ابي فزعتك

بديت بقيل موزون ... قيل نظمته بفنون ...
اعبر به عن مكنون .... من قلب ومن كل احساس

دونته لي مقصد فيه ... ماهو زيف ولا تمويه ...
مني للكايد اهديه ... سلام وشكوى بقرطاس

ياطيب الاسم يالمنعور ... ياللي في شورك مخبور ...
اشكي لك ابغى الشور ... شورك ياراعي النوماس

اشكي لعلك ترشدني ... افزعلي برايك ساعدني ...
ماهو من شخص مهددني .... ايضا ولا عاني من افلاس

اشكي من غرو فتني ... بزينه يابناخي سحرني ...
ارجو بس لاتسخر مني ... ابي اشرح لك لاباس

غرو لاجيت احليه ... عذب(ن) زانت معانيه ...
جميل ربي حاليه .... وقد زهته الألباس

ارجيه ولا زلت ارجيه ... مهما راح ابقى بطاريه ...
يالبناخي قلبي يغليه ... شاب القلب وشاب الراس

عنقا كالريحان عوده ... مع صدر بارز (؟؟؟؟) ....
لوما ابالغ قلت اخدوده ... يفوقن شع الاشماس

ولو مابالغ لـ اقول ... مامثله جميل الزول ...
بالماضي ولا الحاضر لا ... من اول ناس لآخر ناس

ياعيني مامثل المجمول ... لو قالوا ماهو معقول ...
زين العالم عرض وطول ... من كل اشكاله واجناس

لافي قطر والكويتيه ... ولا بالبحرين الابيه ...
ولا بلدان العمانيه .... وبغداد وعند بني ياس

وتونس مع مصر وعَمان ... وبالمغرب مع لبنان ...
واليمن وارض السودان ... اميتها والدراس

ولامن ناس بالجزائر ... ولا بديار الشعب الثائر ...
بالحضر هم والعشائر ... مالقاله ( .......... )

ولا بشعوب الامارات .... وليبيا مع عدة دولات ...
من مختلف الحضارات ... ولا بالشرق الاوسط داس

لابسطنبول وايران .... ولا بالهند وباكستان ...
ولابالنروج واليابان ... مامثله عريب الساس

ولا مثله ببلاد الصين ... ضواحيها مع بكين ...
مع صومال وفلبين ... لو ارسل لهن عساس

وروسيا لوجيته وش عاد ... وبلغاريا مع بلغراد ...
ولو اجي ميونخ من غاد ....وارجع للمكسيك انكاس

وكوريا وبلاد الالمان ... واندونيسيا والافغان ..
مع حلوات باليونان ... خلي عليهن مرواس

مع اسبانيا وفنزويل ... والنيويرك وبرازيل ....
او ارسله مراسيل ... يرجع مرسالي بفلاس

وباريس وبون وبولندا ... والمجر مع هولندا ...
وفينا وجنيف وفنلندا ... من مختلفات الاجناس

خلاني من الهم اعاني ... وخلا نومي مايهناني ...
ببعاده جار وكواني ... بعد ماشفت الاتعاس

قلبي من بعده ملتاع ... ياما عانا من الاوجاع ...
لو انه يشرى وينباع .... لـبيعه بسعار بخاس

واشري لي قلب تقليد ... لا يهتم ولا يجيد ...
دايم كل ايامه عيد ... مايعرف غير الاوناس

ينسيني كل ماجرالي ... من سبة عين الغزالي ...
الي بعده حطم حالي ... وزايد علي الهوجاس

ياكايد بعده ذوبني ... من فارق عيني عذبني ...
الترف ابعده نكبني ... نكبة الزير لجساس


ارجو اني مااثقلت عليك اخوي الكايد

[طيف الوله]

الحانوووتي

الله الله

وصف وعزف راائع

وش هالترف اللي ماخذٍ عقلك ولا له شبيه في كل دول العالم:برافو:

صحححححح قلبك وفي انتظار الكااايد

[فالح الشلوي]

ههههههههههههههههه والله منتب سهل يالحانوتي

وزن سهل وسلس ومن الصعب الممتنع اجدت فن صياغته

وانا انتظر رد اخوي الكايد على قصيدتك لو انك اكلت القافيه عليه بس يمدية

تحياتي لك وصح الله لسانك بس فكنا من التشفير هههههههههه

[مفرح بن مناحي]

:برافو: :برافو:

الله عليك يا الحانوتي ..

شاعر قاااااادم .. وإبداع جميل

وننتظر الكايد ...

تحياتي لك

سهم المنايا

[مجروحة الزمن]

يااعيني عليك يا الحانوتي فعلا روووووعه:برافو:

صح السانك

[مُذهِلــــة]

كل ذا يطلع منك يالحانوتي أثر منت هين

فعلاً أبيات وقصيدة رائعة معبرة سلمت أناملك التي خطت لنا وكتبت

تحياااااتي لك