الاسهم السعودية
20-03-2014, 05:40 PM
https://encrypted-tbn1.gstatic.com/images?q=tbn:ANd9GcTggJbWpKNiYuP1ZRiwxakohlzXqhgPs Bpz8-WxdczlwDOIwGBH_Q
غيم الهوى قدام عينـي شروقـه
لكن بقلبي يحتـرق هـم وأهـات
يقوله اللي كـل بـارق يسوقـه
يجتاح باحساسه جميع المسافـات
صبحٍ تنفس في بهـاه وسبوقـه
كنه يحاكي مهجة الروح والـذات
لافَجْ في صـدر الليالـي فتوقـه
يشعل شموعه بالغلا ضُوح نجمات
يسهر على ذكرى حبيبٍ يشوقـه
ويقول تو الوقت بدري و لا فـات
ذكراك بلسم خافقي وانـت ذوقـه
يامرحبا فيها إلـى منّهـا جـات
طيفك كما مـزنٍ تـرزّم بروقـه
عطـاه دايـم والليالـي مديـات
وحبك سرى بالقلب داخل عروقـه
حبٍ يفوق الوصف في كل الاوقات
غيرك بداخل ناظري طاح سوقـه
بينك وبينه في عيوني مسافـات
عٍزَّاه من روحٍ عليـك مْحروقـه
تبكي حنين وتمسح الدمع بسكات
والدمع غطى كـل شـي يفوقـه
إلا الحنين إللي له سْنين ما مـات
نزف الألم يجتاح داخـل عروقـه
قلبٍ تعلـم فـي هـواك المعانـاة
ياقلب لا يزعلـك غيبـة بروقـه
من حْب قلبه يسهر الليل مابـات
أنصحك ساير صاحبـك لا تبوقـه
يمكن ظروفه ماتساعد للانصـات
حاول وجرب واستمر في لحوقـه
لابـد مايسقيـك مُـره حـلاوات
وخلك مع اللي شفت فنّه وذوقـه
حتى يْتحقق حلم ذاتك مع الـذات
وسلامتكم
جازت لي
غيم الهوى قدام عينـي شروقـه
لكن بقلبي يحتـرق هـم وأهـات
يقوله اللي كـل بـارق يسوقـه
يجتاح باحساسه جميع المسافـات
صبحٍ تنفس في بهـاه وسبوقـه
كنه يحاكي مهجة الروح والـذات
لافَجْ في صـدر الليالـي فتوقـه
يشعل شموعه بالغلا ضُوح نجمات
يسهر على ذكرى حبيبٍ يشوقـه
ويقول تو الوقت بدري و لا فـات
ذكراك بلسم خافقي وانـت ذوقـه
يامرحبا فيها إلـى منّهـا جـات
طيفك كما مـزنٍ تـرزّم بروقـه
عطـاه دايـم والليالـي مديـات
وحبك سرى بالقلب داخل عروقـه
حبٍ يفوق الوصف في كل الاوقات
غيرك بداخل ناظري طاح سوقـه
بينك وبينه في عيوني مسافـات
عٍزَّاه من روحٍ عليـك مْحروقـه
تبكي حنين وتمسح الدمع بسكات
والدمع غطى كـل شـي يفوقـه
إلا الحنين إللي له سْنين ما مـات
نزف الألم يجتاح داخـل عروقـه
قلبٍ تعلـم فـي هـواك المعانـاة
ياقلب لا يزعلـك غيبـة بروقـه
من حْب قلبه يسهر الليل مابـات
أنصحك ساير صاحبـك لا تبوقـه
يمكن ظروفه ماتساعد للانصـات
حاول وجرب واستمر في لحوقـه
لابـد مايسقيـك مُـره حـلاوات
وخلك مع اللي شفت فنّه وذوقـه
حتى يْتحقق حلم ذاتك مع الـذات
وسلامتكم
جازت لي