الطااارف سديد خلوهاااااا

[مسري الشعار]

اول محاوره لي معاكم هنا توكلنا على الله

خلوووووووها

سلام ردية عجل تمشي على كل الجموع /// تنصى كبار القوم والي طايلاتن روسها
,
’

الليله المعنى عنا مايقبل انصاف وربوع /// اسهولها لجبالها وجبالها لطعوسها

[ناصر الجلاه]

..

الله الله

يامسري كلام كلام

صح لسانك وننتظر الطرف الثااني

اسهولها لجبالها وجبالها لطعوسها
اسهولها لجبالها وجبالها لطعوسها


واصلوووووا متابعييييين

..

[سعود السلمي]

حياك الله شرفت ونورت


يامرحبا ترحيبة ٍ تنصاك يالسيف القطوع = مثل اللحى فوق الخدود الي يجرد موسها

من قدم العربون يظمن سلعته قبل البيوع = اول شروط العقد واخرها يعد فلوسها

[ضيف الله الحميدي]

صح لسانك يامسري

وصح لسانك ياهاوي قصيد

وعساكم على القوه


ومتابع

[ناصر الجلاه]

..

الله الله

ياسلاااااااااام

يا هاوي قصيد .. صح لسااااانك يالغاااالي

اول شروط العقد واخرها يعـد فلوسهـا
اول شروط العقد واخرها يعـد فلوسهـا

واصلووووووا

..

[هداج تيماء]

ياسلام

صحت السنتكم يا شعار

ومرحبا مرحبا يا مسري

[سعود السلمي]

صح بدنك ياضيف الله الحميدي

صح بدنك ياناصر الجلاه شرفتونا بمروركم

[مسري الشعار]

الله واكبر الله واكبر

خلوووووووووها

دام البقى واقرب وانا بعطيك من صحن القدوع /// تمر الحسى مايوجع النيبان فوق ضروسها
,
’
انا سوات الحيه الي سمها يذبح جموع /// مير انتبه كل الرياسه في حكم مريوسها

[مسري الشعار]

صح بدنك الحميدي

صح بدنك ناصر الجلاه

صح بدنك هداج تيماء

[سعود السلمي]

صح بدنك هداج تمياء شرفتنا بمرورك



ارفع صحونك ماشكينا ياغريب الدار جوع = ليتك في حالك تلزم العنز وتحلب ديوسها

وانا سوات الداب ابو نابين لساع الذروع = واحذر تجيب الكلمه الي من ورى قاموسها

[ناصر الجلاه]

صح بدنك هداج تمياء شرفتنا بمرورك



ارفع صحونك ماشكينا ياغريب الدار جوع = ليتك في حالك تلزم العنز وتحلب ديوسها

وانا سوات الداب ابو نابين لساع الذروع = واحذر تجيب الكلمه الي من ورى قاموسها
.

.

الله الله ياسلاااااااااااااااااااام

كلام من ذهب .. صح لسانك ياهاوي قصيد

واصلوووووووا متابعيييين

..

[مسري الشعار]

ههههههه

خلوهااااااااا

اربط حزامك مابقالك بالحياه إلا سبوع /// حد السيوف الحرب قامت لك تدق جروسها

والله ياهاوي لحدك حد مثل الجربوع /// حتى تعرف النار لو نك نويت تدوسها

[ناصر الجلاه]

..


مسري الشعار

والله ياهاوي لحدك حد مثل الجربوع

انتبه لهذا الشطر مكسور او سقطت كلمه سهوو

دقق النظر

مودتي

..

[سعود السلمي]

صح بدنك يا ناصر الجلاه متابعتك شرف لنا


ادوخت راسي بالعلوم الي تميعها الشموع = بعض العلوم تخوشها ودوسها وتحوسها

اما تجي فوق النحر ولا تجي تحت الظلوع = لا شالها الرامي على متنه ضغط نادوسها

[سعود السلمي]

ايه مكسور يا ناصر مافيها كلام بس ماعليك لاتدقق وراه

[مسري الشعار]

خلوهاااااااااااااا

ابك انا شاعر وشمسي مثل براق ٍ سطوع = ولا انت هاوي مادرست المدرسه ودروسها

’
’
اصبر شويه ثم اخلي عينك تهل الدموع = كيف الدداسن ياعميلي تسبقون جموسها

[مسري الشعار]

يالررربع ماهوب مكسوور بيتي

[سعود السلمي]

حنا ندَور للسهوم الي يشقن الدروع = وانته تدًور للسلوك الي شكبت كبوسها

ياصاحبي درب الهدا مثل الكرا يبغى طلوع = عطها الدبل فوق الجبل لو روحت بتروسها

[مسري الشعار]

افحمتني ياهاوي صح لسانك عزالله منت هاوي إلا راعي جزله لايجي في خاطرك شي الدعوه مزوح شعر

تشرفت بمجارتك وتصبح على خير

[ناصر الجلاه]

حنا ندَور للسهوم الي يشقن الدروع = وانته تدًور للسلوك الي شكبت كبوسها

ياصاحبي درب الهدا مثل الكرا يبغى طلوع = عطها الدبل فوق الجبل لو روحت بتروسها

ياسلااااااااااااااااااااا ااااااااااااام

ياهاوي قصيد صح لسانك ..

وبيض الله وجهك على هذا المستوى المشرف .

امتعتنا بجزالتك ياجزل

مودتي

..

[سعود السلمي]

ابد طال عمرك الشعر مافيه زعل النقص والزود في الشعر ماهو في الشعار

تشرفنا باللعب معاك وصح بدنك وتصبح على خير

[سعود السلمي]

صح بدنك والله يا ناصر

ترا ماعندنا شيء من الي عندك انت مدرسه مشاء الله عليك ياكثر ما امتعتنا بمحاورتك خصوصا محاورتك الاخيره مع هداج ياسلام عليكم عملاقه بكل معنى الكلمه