(((ناصر الجلاه يقرب الله لايهينه)))

[محمد ابن براك العطاوي]

السلام عليكم ورحمة الله وبركاته
ناصر ودي العب معك اذا ماعندك مانع

ياسلام الله سلامن من بدايتها صعب = والله اللي يعلم بغيب النوايا كلها
قوم ياناصر وخلك قدها عند الطلب = اخذ معنا ساعه الا ربع بعده فلها

[ناصر الجلاه]

..

ابوبراك اللحن وشلون لاهنت

عجزت فيه
..

[محمد ابن براك العطاوي]

اللحن سهل وانت شاعر بحر مايخفاك لحنها على اي لحن يمشي معك وعطني ردك وان كان تبغاني اغير الطرق كله ماعندي مانع

[ناصر الجلاه]

..

اللحن صح وألا لا والله ماعرفته يابوبراك

لكن استلم :


مرحبا ترحيب زايد نار زايدها حطب=والله اعلم وش بعدها كان ماالله دلها

قدها في كل حزه طب وسط البحر طب=ربع ساعه خل ساعه والسيوف اسلها

[سـاطي]

ابن براك

صح لسانك ولا هنت..


****

ناصر الجلاه

صح لسانك .. وبيض الله وجهك

^

^

واصلووووو .. ليلكم ... متابعين بقوة ..

[ناصر الجلاه]

..

مرحبا مرحبا


ساااطي

صح بدنك


مرورك يشرف يالغاااالي


لاهنت

..

[محمد ابن براك العطاوي]

تمام ياناصر واستلم ياكحيلان

ودنا نسري على معنى مثل بعض العرب = وماطلبتك يالجلاه الا اعرفك كفوا لها
انتبه لاتسرع امع الدرب تاكل لك مطب = والدروب اللي بها لفات واجد خلها

[ناصر الجلاه]

..



إن سرينا يالعتيبي عارفينٍ كل درب=كل ديره لابغينا دربها ناصلها

واثق الخطوه ملك مايلحقه خوف وتعب=والكبود اللي بها عله تموت بعلها

[هداج تيماء]

الله الله

يا سلام

ابن براك وناصر الجلاه

صحت السنتكم

محاورة تستحق المتابعه

[ناصر الجلاه]

..

هداج صح بدنك .. مرورك شرف لي ولبوبراك

لاهنت يالغاااالي

..

[محمد ابن براك العطاوي]

انا اشهد انه شرف

[محمد ابن براك العطاوي]

شفت حاجه معجبه ياخي يالله العجب = وظنتي ماغيرك انته يالزميل ايحلها
فيه شجره نابته ياصاحبي ف ارض القصب = ودي اخذ مزت ن منها واجي في ظلها

[ناصر الجلاه]

..

هههههههههههههه

استلم:


سجلت ياصاحبي بالكتابه فالكتب=من برك للحمله الجايره يشتلها

يابوبراك ابتعد لاتجي عرق النشب=العرب قدمك تهايط لها ترسلها

[مسفر الدوسري]

الله الله يا المناعير

صحت ألسنتكم يا أهل الجزاله

و اصلوا و حنا متابعين

و أنا ماسك صف الأخ العزيز : ناصر الجلاه

من دون قصور في الأخ : أبن براك

تقبلوا تحياتي

[ناصر الجلاه]

..

هلا ومرحبا .. يامسفر الدوسري .. الجزاله من اصلك يامسفر

والصف عااامر بوجودك يالغاااالي

نورت المتصفح وجودك ومرورك عطر

لاهنت يامسفر

..

[محمد ابن براك العطاوي]

ناصر اسف على التأخير المنتدى صاك من اليوم الله لايصك لنا باب رزق =
واستلم ياكحيلان/ =


يالجلاه اسمع كلامي لاتحسبها طرب = والعلوم الغامضه يابن الحلال افطن لها
النشب لامن حصل بالطيب والا بالغصب = نغزي ديار العدا ياناصر ونحتلها