هداج تيماء مطلوب

[منيرة الحربي]

مرحبا وهلين يالشاعر اللي مايشاف = عد ما خط القلم فالجزايل وشرفا


وين هداج المسمى عسى مابك خلااف = وانت راع الاوله والعلم لا رفرفا

[شبل عتيبه]

الاخت ذعاذيع نجد ممكن اعرف سبب عدم قبول الدعوة اذا كان انا مستواي


اقل من انك تحاوريني معليش

[هداج تيماء]

هلا يا ذعاذيع نجد واستلمي :


البقـــا للجــادل اللي تحلل كل قاف=لو نولّيــها على الناس يمكـن تسرفا
ان بدى اللازم حضرنا سعي والا طواف=كل ديـره للمياميــن فيهــا مصرفا






















,

[منيرة الحربي]

هاذا عقب المدح قافك طلع فيه انحراف = وناكر المعروف وزن القبائل طرفا



لو نفسر كل هرجه طلع فيك ارتجاف = كيت ٍ ونزيدها لا نويت المحرفا

[ضيف الله الحميدي]

صح لسانك ياذعاذيع


وصح لسان هداج تيماء


ومتابع

[هداج تيماء]

وش جـرى للناس حتى التعابير النظاف=تشتبه فيها وهي بالسهــــوله تعرفا
ارتجف لا شفـت ديره تعاني من جفاف=ولا اتذمر من ظـــنون الغزال المترفا

[هداج تيماء]

هلا وغلا يا ضيف الله الحميدي

شرفتنا بتواجدك لاهنت

صح بدنك وتقبل تقديري

[منيرة الحربي]

الحذر واجب ولا كن تعرف اني ماخاف = لا تعيد اللي بوسط البريد مضرفا


كان نيتك البلد مابها قول ٍ يضاف = وين حاكمها الكبير اللي فيها مرفا

[سعود السلمي]

الله الله صح لسانك هداج تيما وصح لسانك ذعاذيع نجد

[منيرة الحربي]

ضيف الله الحميدي



صح بدنك شرفتنا وحياك الله


هاوي قصيد حياك الله شرفت صفحتنا

[هداج تيماء]

اعــرف انك ما دخلتي نظام الاحتراف=وانتي تعرفين فالجيش قاده واعـــرفا
اقصـد المــيدان مافيه خيل ولا رهاف=والبـلد ما جبت طاريه بيـــن الاحرفا

[هداج تيماء]

هلا وغلا يا هاوي قصيد

صح بدنك

ولاهنت على حضورك المشرف

[ناصر الجلاه]

..

هداج تيماء صح لسااانك .. يالغااالي

وانا في صفك يابن العم

واصل

متابع بصمت

..

[هداج تيماء]

ابن العم العزيز / ناصر الجلاه

ارحب تراحيب المطر

مجرد حضورك تشـــريف

فما بالك بوجودك فالصف

صح بدنك ولاهنت

[منيرة الحربي]

صارت اعلومك شبيهه مثل علم الصحاف = انت واللي فازع ٍ يوم جانا يهرفا



لا تزايدني لا حطك على جال ٍ هياف = واكتب التقرير حتى عيونك تذرفا

[هداج تيماء]

دام مالي حيل فالوقت وعـزومي ضعاف=خلي الفـــــزّاع لاجلي يقوم ويغرفا
كلمةً تبدا بلام ونهايتها بقــــــاف=اكتبيهـــــــا واستظلي بظلً مورفا





.

لكي لا تكثر الطنون الكلمه هي ( لائــق )

[منيرة الحربي]

من تلقف بخصره وحذفه واعطيه طاف = دام علمي مثل وبل ٍ سيوله تجرفا


والقطار اللي مشا والحموله به خفاف = بس بعض الخلق دايم عيونه تطرفا

[هداج تيماء]

شاعرتنا الموقرة ذعاذيع نجد

صح لسانك اولاً وآخراً يا مبدعه

شرفتينا بهذا الطاروق

وتقبلي تقديري واحترامي

[منيرة الحربي]

هداج تيماء صح بدنك ياعزيزي


وانت استاذنا ونتعلم منك


وسامحني اذا فيه بعض القصور ترا اختك اعليميه لاعدمتك


وتقبل فائق تحياتي