هذا السنه فيها عجايب ياعجايب ياعجيب // الطــــارف سديد .....

[ناصر الجلاه]

,

’


هذا السنه فيها عجايب ياعجايب ياعجيب=اللي تخيل في جنوب الدار تمطر شامتـه
وأنا بحط الرتواز بنجد واطويلـي قليـب=لين الرعد يرزم على نجد وتعم ارزامتـه

[سـاطي]

الســـلام عليـكم

أتشرف باللعب معك أخوي ناصر ..

^

^

^


ما هي عجيبة يا عميل الخير لا ظلت صبيب=إن كان عمت البحر قدمك ناس جات وعامته
يا ذيب وش بك في طويل النايفة تقنب قنيب=أحد(ن) كتب واحد(ن) قرا واحد(ن) عيونه صامته



****

[سعود السلمي]

صح لسانك ناصر الجلاه

صح لسانك ساطي

واصلوا ومتابع لكم ولبداعكم

[ناصر الجلاه]

..

يشرفني ..لكن الوقفه ياساطي على (مته )

واستلم :


إن كان ماميزتها مافيك طالب ياطليب=السالفه مقرونتٍ مابين كاف ولامته

الذيب لامنه قنب يجاوبه فالدرب ذيب=قولوا لساطي ياجماعه يحتزم بعمامته

[سـاطي]

هـلا بك أخوي ناصر ..

والوقفة ( مته ) حبيت أخففها علي شوي .. لكن .. دامك مصر

وش نقول .. الحق معك .. وحيل الله أقوى ..

سوف يتم التعديل ..

[ناصر الجلاه]

..


هاوي قصيد .. صح بدنك يالغاااالي .. مرورك عطر دائمآ

لاهنت

..

[ناصر الجلاه]

هـلا بك أخوي ناصر ..

والوقفة ( مته ) حبيت أخففها علي شوي .. لكن .. دامك مصر

وش نقول .. الحق معك .. وحيل الله أقوى ..

سوف يتم التعديل ..



..


ساطي على هوااااك .. بنخففها بصرك بس النيه على ( مته )

مودتي لك

..

[سـاطي]

..


ساطي على هوااااك .. بنخففها بصرك بس النيه على ( مته )

مودتي لك

..

خلها على النية .....

لا هنت يالذيب ..

وترى تم تعديل البيتين الاوله ..

[صحن ابن قدر ابن ملاس]

.

.

ناصر الجلاه : ساطي
صح لسانكم متابع معكم

صحن,

[ناصر الجلاه]

..


صحن .. صح بدنك .. مرورك فالصفحه يكفي بحد ذاته

لاهنت

..

[سـاطي]

..

يشرفني ..لكن الوقفه ياساطي على (مته )

واستلم :


إن كان ماميزتها مافيك طالب ياطليب=السالفه مقرونتٍ مابين كاف ولامته

الذيب لامنه قنب يجاوبه فالدرب ذيب=قولوا لساطي ياجماعه يحتزم بعمامته

استلم يالذيب ..


ميزتها بالعين وانته لا تودي لا تجيب= صمت الك شهر من الشهور الناس ما قد صامته
وش حيلتك لا صرت في الدنيا بعيد ولا قريب= لكن ميز في قماش البشت واعرف خامته


***

[سـاطي]

هـاوي قصيد

صح بدنك .. ومشكووور على المتابعة

[سـاطي]

الأخ

صحن .. أسعدني مرورك

[ناصر الجلاه]

,

,


والله ياساطي محتزم بالحي ماشلت الكذيب=اقولك قولي وراسي معتلي في هامته

اصير مثلك لارقيت الضلع حادر لشعيب=وإذا سألوني وش بلى ساطي حياته ضامته

آآآآآآآسف على التأخير بس معاي محاوره ثانيه في منتدى ثاني اللللللليل ياساطي

[سـاطي]

محاورتين في وقت واحد

هذي والله مغامرة:wink:

استلم..


سويت مثل اللي يدور له مع العالم ذهيب=معذور يا المذهوب والعربان ما قد لامته
ما انته سواتي لا انكسر عظمك ترى عظمي صليب=ساطي سطا في المعركة والحرب لابس لامته

***

[ناصر الجلاه]

..

أنت تشوف ههههههه

استلم :


اليا رمينا ياعميل الخير مانخطي نصيب=وعدونا ماهمنا لوهو تقوم قيامته

اللي يحلب الديس ياساطي يبى يلقا حليب=مار المصيبه كانها بنت الهوى مارامته

[سـاطي]

ههههههه

الله ... الله ... يا ناصر ..

استـلم .. وترى ليلك ليل..


لو نمت عن هذي وذيه ما لقيت أمر(ن) صعيب=كم غزوة فيها الغنيمة للبطل سلامته
اللي مشى واللي بعد يا دوب يدبي له دبيب= والحق يعلو والرجل تبين ابه علامته

***

[ناصر الجلاه]

..


هههههه سااطي والله النوم سلطان لكن التقفيل عندك

وسعدت بمجاراتك ويشرفني ولنا لقاء

استلم :





.

ساطي ملكع مار انا للجرح ياساطي طبيب=ميقافنا ماياقفه خبل العرب وهلامته

اللي مشى واللي عدا واللي حبى وضعه غريب=والحق بيٍن متضح مثل الجمل ووسامته

[سـاطي]

ههههههههههههه

تبي ترقد .. والناس من يمين ومن يسار

نوم العوافي وختامها مسك


ما باقي الا سجل اسمك مع حبيب يا الحبيب=العاقل اللي حافظ(ن) بين العرب كرامته
انت اللبيب اللي فهم وش قال للناس الخطيب= حتى جفل راع الوشيمة يوم جا وشامته

تشرفت بمجاراتك يا القرم..

وإلى لقاء ..

[صحن ابن قدر ابن ملاس]

.

.

ناصر الجلاه : ساطي
بيض الله وجهكم على المحاوره الطيّبه وصح لسانكم لاهنتو
تحياتي وتقديري



.

صحن ,

[ناصر الجلاه]

هههههههه

الله يرجك ياساطي أي حبيب وأي كــلام

والله إني اشوف الرديه اقول خاف إني كسرت فاللحن البارح من النوم

لكن حمدلله تجملنا معك ولنا لقاء آخر بمشية الله

مودتي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,


صحن صح بدنك يالذيب .. وجودك فالمتصفح ومتابعتك..

وتشجيعك شرف وساام على صدري ..انا وساطي .

لاهنت .

[ماجد]

ناصر الجلاه / ساطي


بيض الله وجيهم

محاورة في قمة المتعة والله

تشرفنا بالمتابعة والله

نبضـ الشمالـــ

[هداج تيماء]

الشاعرين القديرين

ناصر الجلاه وساطي

صحت السنتكم ولاهنتوا