يـــــــا شعاعير اسمعوا

[سعيد بن دلهم]

السلام عليكم ورحمة الله وبركاته


ياشعاعير اسمعوا والحر تكفيه الاشاره / نجزي الحسنه بحسنه ونجزي السيه بسيه


من بعد غيبه نوينا انش ياشعار غاره / ان بغيتوا القاهر ولابغيتوا سكندريه

[عبدالله خاتم]

هلا ومرحبا ياسعد ابرك الساعات كلنا غيبتنا طويله وتواجهنا على ظهور الخيل



سامعينك ياسعد هي مرجله والا شطاره = نجزي الجزله بجزله والرديه بالرديه

شب نارالحرب لوالحرب ماتملك قراره = انته امواطن وانا وياك في نجد العذيه

[ناصر الجلاه]

..

الله الله ابن دلهم .. وعبدالله خاتم .. صحت السنتكم ياشعار .

واصلووووووووا متابعيين

لاهنتوا

..

[ربح السبيعي]

مرحبا بالشاعرين المبدعين


سعيد ابن دلهم وعبدالله بن خاتم


ومن طول الغيبات جاب الغنايم


مبداء رائع


واصلو وانا ماسك الصفين

[ضيف الله الحميدي]

سعيد بن دلهم

وعبدالله خاتم

صحت السنتكم وموفقين ان شاء الله

ومتابع

[سعيد بن دلهم]

مرحبا بالجميع

استلم يابو خاتم

الشعر ياخوك يشكي من شعاعير الحضاره ،،،، بيت يزحف منكسر والبيت الاخر فيه ليه


ياعبد الله انت تاجر مارضينا لك خساره ،،،،، العباد الرقود يا ذيبان والنيه مطيه

[منيرة الحربي]

الله الله


بس الله يعين على الاقصاد بلشتنا



صح السنكم ياشعار

[عبدالله خاتم]

اسسسسسسسسسسسسسسسسسسسسسمع



الشعر له ناس تعطيه السياده والوقاره = والبقيه ياطويل العمر تفداك البقيه


التجاره غاليه والنار تشعلها شراره = والنوايا طيبه فزعت خويٍِ مع خويه

[سعيد بن دلهم]

خلوووووها


الشعر عندي وانا سواق رخصه وستماره ،،،،، وانت سواق تعرف السوق والذمه بريه


اعرف اني شاعر ٍ هديف وارمي كل شاره ،،،،، والخطيه يابن خاتم متعمدت الخطيه

[عبدالله خاتم]

اعرف انك سايقٍ من وسط حاره وسط حاره = مير خلك مع رفيقك وخذ كيف الشاذليه



كل شاعر محترم يفرض على الناس اعتباره = انت يابن الاجودي ولا انت يابن الاجوديه

[منيرة الحربي]

عبدالله خاتم

الله الله ياسلاااااام


كل شاعر محترم يفرض على الناس اعتباره \\ انت يابن الاجودي ولا انت يابن الاجوديـه


صح السانك

[نـواف الشمــري]

يا سلام يا سلام





ارحب ارحب يابو دلهم










بصفك يابو دلهم

[سعود السلمي]

صح لسانك سعيد بن دلهم وصح لسانك عبدالله بن خاتم ابدعتوا