روح حايل

[ابن عاضي]

السلام عليكم ورحمه الله
اخوكم ابن عاضي اول مره يشارك في منتدى غرابيل وشويعر ترا ماهوب شاعر
بس اللي يجي يرفق عليه


خلوووووووووووووووووووووها



الليل يالشعار ماني بمختار = البن الاشقر معه هيلن ومسمار
من يشرب الفنجال والطير ما طار = وانكان جده روح حايل بعد روح





يامرحبا من هجوسن ترفع الراس = اعداد ما تطلع الشمس وتغيبي
يالشاعر اللي معك ستين هوجاس = احسب حسابك ترا قدمك عتيبي

[هداج تيماء]

ابن عاضي

ارحب ارحب في محلك وبين اخوانك

وصح لسانك على هالبداية القوية

وننتظر قبيلك

وسجلني في صفك من الان

[سعود السلمي]

هلابك شرفت ونورت في المنتدى بالنيابه عن الجميع


ان شفت انا بن عاضي اضرب له احساب = بلاه يقرص فالقفا قرصت الداب

ماهو مرًوح غير مقصوص الاشناب = وان كان جده روح حايل بعد روح



دام البقا عد الذهب واللماس = من شاعر ٍ رمش عينه مايشيبي

ياعتيبي مانبي كثر الحساس = لا تصًيح للبعيد وللقريبي

[شبل عتيبه]

صح لسانك هاوي القصيد

بس غريبه وقتك سمح

قولها علني وخصنا

[سعود السلمي]

ياشبل عتيبه انت عارف الرباعيه ماتنفع الا مباشره وانا ماودي اشارك معاكم عشر دقايق واطلع وتخرب انا يوم جيت مكان فيه إلا انت والحربي الي رد على بيتك وانا صادق والله مكان عندي وقت اجلس اكثر من العشر دقايق الي رديت فيه على ابيات الاخ ابن عاضي ..اتمنى انها وضحت الصوره وصح بدنك لاهنت

[ابن عاضي]

يامرحبا ياهاوي والمعذره عاى التاخير والله توي جاي من سفر

خلووووووووووووووووووووها


تحسب حسابي وانت يالعبد مخلوق = ثم بعده يجيك الخيال ابروق
تكرم ياشارب روق عن كل مطفوق = وانكان جده روح حايل بعد روح



العلم يا هاوي مقيس بمقياس = انكان ودك بدكتورن طبيبي
والتاجر الي دخل في بنك الافلاس = لاعاد ترجي منه حظ ونصيبي

[ابن عاضي]

ياهلا ياهداج مرورك شرف يالغالي وقفتك بالصف تكفي

[ناصر الجلاه]

..


مرحبا يابن عاضي .. وصح لسانك .. وصح لسانك ياهاوي القصيد

لاهنتوا يالأخوان

واصلوووووا متابعين

..

[سعود السلمي]

ابن عاضي اهم شي وصلت بالسلامه وحياك الله

ناصر الجلاه صح بدنك شرفتنا


مد النظر وتشوف ماشافت العين = العين ماتنظر ورا للمقفين

اليوم جمعه والوعد صبح الاثنين = انكان جده روح حايل بعد روح



انكان شلت المقاضي فالاكياس = شيلها وحسابها من كيس جيبي

البنك له ناس والسوق له ناس = شي مالك فيه خله ياحبيبي

[ابن عاضي]

ياهلا والله ياناصر وصح بدنك
ياهاوي الطرق ماجبته صح ياليت اتجيبها صح شكلك مافهمت اللحن مثل الشطر الاول م اللي تقول فيه انكان شلت المقاضي فالاكياس اللي يجي على اللحن انكان شلت المقاضي وسط الاكياس والله يقويك
خلوووووووووووووووووها


تاكل مقالب وانت للشعر هاوي = باشوف ثم تشوف نجمن سماوي
نجمن على روس الشياطين هاوي = وانكان جده روح حايل بعد روح




يالربع هاوي يشوف النجر محماس = اجروح راسه تطيب ولا تطيبي
لاباس يالتاجر المغمور لاباس = اصبر ثواني حرام ال تعتزيبي

[سعود السلمي]

ابن عاضي حاولت اعرف لحن شيلتك ماقدرت من البدايه اشيلها بدون لحن بس انت الله يهداك خميتنا من البدايه تقول شويعر وغشيتنا ولو كنت اعرف لحنك كان اخذت قسمي معاك عموما المعذره عن القصور اللعب اذا مو على اصول المحاوره مايصلح وصح لسانك لاهنت وحياك الله في المنتدى

[ابن عاضي]

ياهلا ياهاوي والشرف لي يوم اني لعبت معك وصح لسانك ومشكور