تسجيل الدخول

مشاهدة النسخة كاملة : الي بشارك يتفضل,,


سعود السلمي
06-08-2007, 09:27 PM
الي بشارك حياه الله


مرحبا ترحيب وافي على سمن وسمين = من صميم الجاش نفسي تفيض بودها

العلوم الطيبه عندنا كنز ٍ ثمين = والعلوم الثانيه شرهت الي مدها
حبيّب الحربي
06-08-2007, 11:05 PM
هاوي قصيد


صح لسانك

وانا ماودي ارد نفتح المجال للشعار احسن



وصح لسان قبيلك مقدما
سعود السلمي
06-08-2007, 11:18 PM
صح بدنك وجودك يشرف طال عمرك
القنــّـــاص
06-08-2007, 11:24 PM
البقا تعداد ما لاح براق الغشيــــن=للمـــواقيف الثقيـــله رجالً قدها
اسر يا هاوي وربك على الدنـيا يعين=والعلوم اللي تسر الخواطــــر بدها
سعود السلمي
06-08-2007, 11:34 PM
لو تجيب الطيب مره نجيبه مرتين = الجبال نهدها والسيوف نحدها

الصحن قدام عينك وحوقه باليدين = ماتطيح اللقمه الي بيدك هبدها
القنــّـــاص
06-08-2007, 11:46 PM
ان رجعنا للمشوّك وخشم المارتين = اكثر العربان يمكن يبيّح سدها
انت ويّا الصحن تحسب حساب اللقمتين= كان عندك شف ترقا الطويله عدها
الشاعر الرهاوي
07-08-2007, 12:10 AM
هاوي قصيد
صح لسانك




القناص

صح لسانك

متاااااااااااااااابع
سعود السلمي
07-08-2007, 12:17 AM
احسب حساب الحسن واحسب حساب الحسين = قبل لا تبني بيوت الشَعر وتهدها

انت مرهي فالصحن وانت حلقك قفلتين = لو بلعت التمر كل الحناجر سدها
عبدالهادي الجهني
07-08-2007, 12:25 AM
،

،

صحت السنتكم جميعا

تابعوا

،

،

،
القنــّـــاص
07-08-2007, 12:29 AM
حاسب حسابي واعرف الاسد وابا الحصين = والمطيه قبل شرواك واسم خدها
ما يداحم غير رجلً معه جنبً متين = كان جاب القوم حيله يحضــّر ضدها
القنــّـــاص
07-08-2007, 12:31 AM
حبيب

الرهاوي

عبدالهادي


حياكم الله وبياكم

نشكر لكم مروركم
القنــّـــاص
07-08-2007, 12:35 AM
عزيزي هاوي قصيد

لدي مشوار ضروري وسأعود ان شاء الله
سعود السلمي
07-08-2007, 12:42 AM
الرهاوي

الجهني

صحت ابدانكم شرفنا مروركم

القناص خذ راحتك البساط احمدي وانا اخوك
شبل عتيبه
07-08-2007, 12:49 AM
الله الله صح السنتكم جمينا

وانا بصف القناص ولا يهوون هاوي القصيد
سعود السلمي
07-08-2007, 01:15 AM
صح بدنك شبل نورت وشرفت


من يقول الثوم ريحه سوات الياسمين = والله اني لدفنه فالقبور ولحدها

الكتيبه كل دوره تخرج دفعتين = والجنود العين يم الكتوف تلدها
القنــّـــاص
07-08-2007, 03:35 AM
لا تياسر عقب شفت الخطر يشّر يمين=رسّ بابورك لجزر البحور ومـــدها
الكتوف اللي عليها نشوف الشخطتين = رهن عند اهل المقصات دوم تكدها

لحدها !
القنــّـــاص
07-08-2007, 03:38 AM
حياك الله وبياك يا شبل عتيبه .. صح بدنك وينومسني وجودك في صفي
سعود السلمي
07-08-2007, 03:41 AM
الله الله


يصحي النايم ليا ذاق منا صفعتين = من لذيذ النوم تحرم عيونه بعدها

لن غزينا القوم جينا سوات الفاتحين = منهو الي يعترض للسموم وبردها
القنــّـــاص
07-08-2007, 03:56 AM
هذي من العصر ماهي على منهاج دين = حاضر بحاضر وكلمه تجيكم ردها
ضاع كدي يالهواوي على مرّ السنين = واشتبه هزل الليالي وخالط جدها








.



( لحدها بعدها بردها ) ما تجي يا اخوك
سعود السلمي
07-08-2007, 03:59 AM
توني انتبه لها والله من السهر دوب جاء مفعوله عموماا صح لسانك والله اللعب معاك ممتع والمعذره اذا حصل غلط او قصور
القنــّـــاص
07-08-2007, 04:05 AM
صدقت السهر مشكله

اشكرك على حسن خلقك وسعة صدرك وماشفت قصور الا شاعر وقوي بعد
صح لسانك وتصبح على خير يا هاوي
هداج تيماء
07-08-2007, 07:30 PM
مبدعين

صحت السنتكم يا شعار