(((((((الشاعر الكفو يتقدم بدون قصور فالرياجيل)))))))

[محمد ابن براك العطاوي]

يالشاعر اخذ الكلام اللي على بالي = مدام مالك بيدك وفي يدي مالي
جنب عن البحر موجه يصفق الجالي = والجيش موجود والرايه سعوديه

يالشاعر اللي تبا تقرب قبل تستخير = يمكن تلاقي قدم عينيك موتن حمر
البحر موجه يلاطم والرحا تستدير = وانته بوسط الرحا والا بوسط البحر

[سـاطي]

المعذرة باتقدم على الشعار في المنتدى
لا هانوا جميعاً

ابن براك صح لسانك واستلم لا هنت



يا اللي تهيضت هات اللي على بالك=جعل الوفا والكرم والجود من فالك
والبحر لا هاج بالله ترفق بحالك=والجيش موجود والراية سعودية


جيتك وانا اقول يا الله جعل في الامر خير=والناس تحسب حساب اليوم قبل الشهر
الأمر باين من العنوان وضعٍ خطير= طالبك يا والي الأكوان جيب المطر

[سعود السلمي]

صح لسانك ابن براك

صح لسانك ساطي بجي في صفك لاوصيك بس :11ab:

[عبدالهادي الجهني]

،

،

صح ألسنتكم جميعا

أزهلوا الصف

متابع لكم

لاهنتوا

،

،

،

[سـاطي]

هـاوي قصيـد

صـح بـدنك .. ولا هنـت يا القـرم

وجودك شرفني..

وابشر بعزك يا الذيب ..

[محمد ابن براك العطاوي]

الساطي استلم ياكحيلان وانت قدها انشاء الله /

يالساطي اسمع ثم افهم واستلم مني = ان جاء تحدي معي يالشاعر الفني
تراك لقمه مابين الضرس والسني = والراس مرفوع والعزوه عتيبيه

ان جيتني محتسيك بحد سيفن شطير = لو كنت في منتدى الشعار علة نحر
اليا سلمت اذبح الليله لربعك بعير = حطه عشاء في محلك والعشاء مختصر

[هداج تيماء]

صحت السنتكم ولا هنتوا يا شعار

متاابعين

[منيرة الحربي]

صحت السنكم منابعين

[نـواف الشمــري]

صح الله السنتكم جميعا






واصلواااا

[سـاطي]

عبد الهادي الجهني

صــح بــدنك

ولا هنـت يالقــرم

[سـاطي]

استــلم لا هنت


بالهون ياللي تسل السيف وتنادي=اخاف ترجع ما بين الضلع والوادي
الهقوة انك بليا سرج وشدادي= والراس مرفوع والعزوة عتيبية


ما فيه طيرٍ بلا جنحان يقدر يطير=مير اطلب الله يجنبنا دروب القشر
الفرق واضح ما بين اللي عمى والبصير=ما دام شبيتها واشعلتها من عصر

[سـاطي]

هــداج تيــماء

لا هنت

وألف شكر على المتابعة

[محمد ابن براك العطاوي]

ياهلا ياساطي والمعذره على التاخير


الوضع مخبور فيه العلم متشابه = والعفو جالك مدامنك من عتابه
والفارس اليا غزى مايغزي اقرابه = والراس مرفوع والعزوه عتيبيه



مافيه واحد مشا مدام ساقه كسير = ان قام طاح وقعد ماله يكود الصبر
لاتحسب ان المواقف مثل شرب العصير = وانته من الربع مانرضى عليك الحشر

[سـاطي]

لا هنت وصح لسانك
واستلم


ربعي عتابة لهم ماضيٍ تفاخر به= يوم أن بعض العرب في الارض مضطربة
وانته وانا منهم وما ودك ابشر به= والراس مرفوع والعزوة عتيبية


ما احدٍ يضد الشجيع اليا عزم في المسير= معذور يا اللي كتبت الحرف تحت السطر
ترى الحمول الثقيلة ما لها الا البعير= وام الكباير تبا ترميك وسط الحفر

[محمد ابن براك العطاوي]

الساطي صح لسانك شاعر بحر واتشرف باللعب معك واسف كنت مسافر بس ابشر بالعوض =