هداج ولاعليك امر ..!!

[ابو صلف]

:خجل:


سلامي على شعار موقع غرابيل=من الهاجس اللي مثل قدح الشراره
ياهداج لا تكثر علاك التأويل=ابا اسئل ويا مصعب سؤال الوزاره

[ربح السبيعي]

الله الله


على هالمبداء الرائع


صح لسانك يابوصلف ومرحبابك


وننتظر الاستاذ هداج تيماء

[ابو صلف]

صح بدنك يابو خالد


وهداج مدرسه بلا شك وفي إنتظاره

[هداج تيماء]

هلا يا ابو صلف .. شرفتنا

استلم :


هلا مرحبا من هاجـسً يوفي الكيل=وتكفيه عـــن سرد العلوم الاشاره
مدام الوزاره واجهتها عراقـــيل=ترد الامور الكـــــايده للاماره





























,

[هداج تيماء]

استاذنا الموقر / ربح السبيعي

هلااااا وغلاااااا

حضورك بحد ذاته تشريف

لاهنت يا ابو خالد

ـــــــــــــ

ومسؤول الوزاره هذا الله يخارجنا منه

[منيرة الحربي]

الله الله ياسلااااام

ابو صلف


وهداج تيما الشاعر الجزل


ومع الابداع نحن متابعين واصلو لا هنتم

[ابو صلف]

الشرف لي ياهداج تيماء

ذعاذيع نجد شكراً على حضورك

....


يدوم البقاء ياشاعرٍ تعدل الميل=ولكّن ياهداج صل أستخاره
بدا ياعميلي .. مير حط المعاديل=ولا والله امشي لين اعدل قراره

[هداج تيماء]

على اللي هزم جيش (ابرهه صاحب الفيل)=توكلت..قبل انك تعرف الحضـــــاره
معاديلنا من طيب الهجن والخيــــــل=وابو صلف وش عنده بعد شـــب ناره


















,

[ابو صلف]

ياهداج مايحتاج قصه وتمثيل=اقول المنابر .. قلت هاذيك حاره
ومن عقب ما قلنا الوعد في ..=لقيناك كوكب مير مخلف مساره


الكلمه اللي طاحت من القاف الظاهر انها (المقابيل)=

[هداج تيماء]

تلوم الجدي واللوم كله على سهيـل= بعد ما تخلـــّى عن محلـــه وجاره
تبدلت في بن اليمن بالبـــرازيل=وحطيت لك فالشرق الاقصى تجاره











.

[ابو صلف]

الاولى تبا بالعقل ياهيه تحليل=وقلنا بدال الحوش نبني عماره
لا بالله نعم لكن ياموفي الكيل=اشوف المرض ياسرع فيك انتشاره




،

[هداج تيماء]

شحطت الونيت وفي ظهرها العمـاميل=وبعض العــرب ركبتهم فالغمــاره
ومع العود يا واف الشبور التفاصيـــل=لعل المطر يسقـي ديارك وداره

















.

[هداج تيماء]

شاعرتنا الموقره ذعاذيع نجد

يا هلا ويا مسهلا


شرفتينا بمرورك ومتابعتك لاهنتي

[ابو صلف]

انا ماسكنت غليل ياساكن غليل=وبيتٍ بليا ساس يهدم جداره
يقول وتقول وكلبوكم مهابيل=عسى اللي كتبته مايروح خساره

[ضيف الله الحميدي]

ابو صلف صح لسانك

هداج تيماء صح لسانك

ودمتم على عز

متابع

[هداج تيماء]

يابو صلف كلن خابر الراس والذيل=وشخصك يمون ولو رمى بالحجاره
ترى العود معكم شدّ في ديرة هذيل= وواجب على شرواك تحفظ ووقاره