اقرب شاعر يتحداني

[شبل عتيبه]

السلام عليكم
ابغالي واحد ياللعي معي بالربع



سلامي سلامن مثل ماهبت النود=سلامي على اهل المنتدى والرجالي
ليا صارت الوقفات ماني بمردود=نسوق المعاني مثل سوق الجمالي

[مسفر الدوسري]

هلا مرحبا و عداد ما حنت رعود = نيابه عن أهل الجود اكرام السبالي
ليا صارت الوقفات صاحبك موجود = مع أهل الكرم حنا رقينا العوالي

[شبل عتيبه]

يدوم البقا والموقف اليوم مشهود=وعلمن يغالطنا ماني عنه سالي
ترى الرجل مايصبر على النقص والزود=ودنياك فيها مايقال ويقالي

[مسفر الدوسري]

ترا البيض يا عتيبي ما هي تشبه السود = و درب الغلط ما هو لمسفر مجالي
ما يكتب لك بياتيك و العمر محدود = و علم السريره عند منشي الخيالي

[شبل عتيبه]

والا يالدواسر وين سريتوا العود=عسا الله يعوضكم في ذيك الليالي
يامسيفر توقع ترى الباب مسدود=وعلم السريره عند رب الجبالي

[نـواف الشمــري]

يا سلام عليكم










بصفك يالدوسري










ولا هان العتيبي











تحياتي

[شبل عتيبه]

اخوي نواف لاهنت


بس ضدي في كل محاوره






هههههههه

وان جيت معي ولا ضدي


تبقى حبيب وغالي

[عبدالهادي الجهني]

،

،

محاورة من قمم الشعر

صح ألسنتكم

متابع لكى استفيد

،

،

،

[مسفر الدوسري]

ليا من سرينا نكسب العز و الفود = هل الجود و النوماس بأول و تالي
سرينا الليالي يوم شرواكم رقود = و ليا من وردنا كل عذب(ن) زلالي

[مسفر الدوسري]

يا سلام عليكم










بصفك يالدوسري










ولا هان العتيبي











تحياتي


نواف الشمري

مرحبا ملايين يا القرم

الصف يتشرف بشرواك يا الذيب

تقبل تحياتي

[مسفر الدوسري]

الشاعر القدير : عبدالهادي الجهني

صح بدنك

يا مرحبا حياك الله

نورت الملعبه

[سعود السلمي]

الله الله عليكم مبدعين صحت السنتكم والله

اسمحلي يامسفر هالمره بجي في صف شبل عتيبه

[مسفر الدوسري]

الأخ : هاوي قصيد

صح بدنك يا القرم

و يا مرحبا ملايين حياك الله

ما دامك في صف شبل عتيبه كنك في صفي

تقبل تحياتي

[بنت عزبس طلابه]

انا ما افهم في الشعر


بس احب اقول لكم


مشكوووووووورين


الله يعطيكم العافيه



ما قصرتو

[منيرة الحربي]

الله الله ياشبل عتيبه ويا مسفر الدوسري

صحت السنكم

[شبل عتيبه]

تفهم ترى في اللعب حاوي ومردود=وروح عليكم عودكم ياحلالي
ليا قام عشره مننا فيكم تسود=وتحتل ربعك يوم زلوا نزالي

[مسفر الدوسري]

ما غابت يا بن لجواد و العد مارود = ترى ما طرالك لازم أنه طرالي
( أنا ماني بمقرود لا طاح مقرود ) = و تنبيك عن ربعي سمان الفعالي

[شبل عتيبه]

ليا قمت باورد عدكم وانتم شهود=جواب السوال اللي يزيد السوالي
وطحنا على اللي حظهم دوم منكود=معارك عتيبه كيف تلقى جدالي

[نـواف الشمــري]

عزيز يا شبل عتيبه







لب قلبك







صح الله لسانك ولا هنت











تحياتي لك

[شبل عتيبه]

اخوي نواف الشمري الصف عامر بوجودك

[مسفر الدوسري]

تاكلها مادام الدرب يا هيه مقعود = من اهل القنا و الخيل كرام السبالي
ترانا رجالٍ شامخه كنها الطود = نهار الحرايب يا ولد ما نبالي

[شبل عتيبه]

على راس يومن جيتنا فيه مولود=يخفون من دونك علومن ثقالي
والا يالدواسر حدكم وادي الدود=وحنا عليها من جنوب وشمالي


اخوي مسفر تشرفت باللعب معك

سروا الصفوف روحوا

[مسفر الدوسري]

ليا من مشينا مشًينا دايم سنود = و مثلك دخل غبة خيال و خيالي
ألا يا العتيبي حدنا ماله حدود = حكمنا بها و مثلك ماله راس مالي


أخي الشاعر المبدع : شبل عتيبه

الله لا يهينك يا القرم

شاكر لك و مقدر

و الشرف لي طال عمرك

تقبل تحياتي