سعودعبدالله
01-08-2007, 08:31 PM
سلام عليكم
واسعد الله جميع اوقاتكم بكل خير
من باب التواصل حبيت انزل لكم هذه المجاراه اللتي شرفني بها احد عمالقة الشعر في محافظة عفيف وهو شاعر غني عن التعريف
فقد جاراني الشاعر العلم .. طراد عبدالهادي الجذع العتيبي على قصدتي اللتي بعوان معانات صديق
وهذي قصدتي
ابو هلا يا حمود من حضه الشين=زعل على الحرمه ودز ورقتهـا
من عقبها ذاق العنـا والامريـن=وغلايله بيـن الضمايـر كبتهـا
من عصر فالمطبخ يدير المواعين=كنه عجـوزن سفـرو خادمتهـا
تهل دمع العين من عقب نسرين=اللـي نهـار رحيلهـا ودعتهـا
وتجاذب الونات وحـده وثنتيـن=من عظم بلوها تـزود اعبرتهـا
ومع العنا والكرف حس الوراعين=طرى عليها طرقتن قـد نستهـا
اثر المطابخ عزرتـن للمزاييـن=كمن هنوفـن فالمطابـخ كلتهـا
مفروض تمنع كل من تكحل العين=اللي كما عنق المهـاه ارقبتهـا
ما تقرب المطبخ وطبخ الطلايين=الا الحلا لن الحلا مـن صفتهـا
وهذي مجارات .. طراد عبدالهادي العتيبي
يا سعود انا لي عن قول الاشعار عامين=ورسايلك مشاعري حركتها
نويت اجاري ما تقوله وانا وين=ابعيد عن نظم البيوت وجهتها
خذ ماطرا فالبال يا سعود هالحين=واقفل عليها القلب مع سابقتها
ابو هلا غيره عبادٍ كثيرين=نقزات وقت العافيه ورطتها
من روح الحرمه بليا براهين= تبطي وأموره ماضبط برمجتها
خصاً ليا صار على الذوق والدين = وكل الصفات الطيبة جامعتها
وإن كان هي من خاليات المضامين = يابركها من ساعةٍ روحتها
هذا وانا اقول الغنادير قسمين = مابه مجال وطرق لمقارنتها
وآخذ من القسمين من الوصف رمزين = توضيح لو بعض العرب فاهمتها
القسم الأول ودك أربع وعشرين = ساعة وهي من طبخها لقهوتها
الخادمة مافيه والبيت دورين = ولا حدٍ يمد الكف لمساعدتها
ماعمرها إرتاحت من الطبخ يومين = وذبايح الضيفان مافارقتها
ومنامها مابين سبعة بزارين = في غرفةٍ ماتشتغل مروحتها
من المية ماتحوز حتى ثلاثين = أفكارها وأخلاقها دامرتها
تكرف وتبذل جهد من غير تقنين = تبي دروب الناس ومضيعتها
والقسم الآخر مثل ورد البساتين = اللي مراويح السحايب سقتها
من شافها ماينظر يسار ويمين = كن العيون لشوفها جاذبتها
جمالها يخلف عقول الثقيلين = وغير الجمال اللي ملكته ثقتها
الشكل والمضمون فيها متصافين = وعوامل التغيير ماغيرتها
من زين مشيتها ومن جسمها الزين = تقول كن الأرض تمشي تحتها
كلٍ يقول لها آمري وش تمنين = أخلاقها وأوصافها دلعتها
مخدومةٍ فالبيت خدمة عزيزين = والطبخ والمطبخ ماهو مشكلتها
من يوم قرب عمرها لاربع سنين = والخادمة في البيت مافارقتها
ذكرت بعض الفرق بين الفريقين = لو الأسامي كلها شاملتها
وسلامتكم
واسعد الله جميع اوقاتكم بكل خير
من باب التواصل حبيت انزل لكم هذه المجاراه اللتي شرفني بها احد عمالقة الشعر في محافظة عفيف وهو شاعر غني عن التعريف
فقد جاراني الشاعر العلم .. طراد عبدالهادي الجذع العتيبي على قصدتي اللتي بعوان معانات صديق
وهذي قصدتي
ابو هلا يا حمود من حضه الشين=زعل على الحرمه ودز ورقتهـا
من عقبها ذاق العنـا والامريـن=وغلايله بيـن الضمايـر كبتهـا
من عصر فالمطبخ يدير المواعين=كنه عجـوزن سفـرو خادمتهـا
تهل دمع العين من عقب نسرين=اللـي نهـار رحيلهـا ودعتهـا
وتجاذب الونات وحـده وثنتيـن=من عظم بلوها تـزود اعبرتهـا
ومع العنا والكرف حس الوراعين=طرى عليها طرقتن قـد نستهـا
اثر المطابخ عزرتـن للمزاييـن=كمن هنوفـن فالمطابـخ كلتهـا
مفروض تمنع كل من تكحل العين=اللي كما عنق المهـاه ارقبتهـا
ما تقرب المطبخ وطبخ الطلايين=الا الحلا لن الحلا مـن صفتهـا
وهذي مجارات .. طراد عبدالهادي العتيبي
يا سعود انا لي عن قول الاشعار عامين=ورسايلك مشاعري حركتها
نويت اجاري ما تقوله وانا وين=ابعيد عن نظم البيوت وجهتها
خذ ماطرا فالبال يا سعود هالحين=واقفل عليها القلب مع سابقتها
ابو هلا غيره عبادٍ كثيرين=نقزات وقت العافيه ورطتها
من روح الحرمه بليا براهين= تبطي وأموره ماضبط برمجتها
خصاً ليا صار على الذوق والدين = وكل الصفات الطيبة جامعتها
وإن كان هي من خاليات المضامين = يابركها من ساعةٍ روحتها
هذا وانا اقول الغنادير قسمين = مابه مجال وطرق لمقارنتها
وآخذ من القسمين من الوصف رمزين = توضيح لو بعض العرب فاهمتها
القسم الأول ودك أربع وعشرين = ساعة وهي من طبخها لقهوتها
الخادمة مافيه والبيت دورين = ولا حدٍ يمد الكف لمساعدتها
ماعمرها إرتاحت من الطبخ يومين = وذبايح الضيفان مافارقتها
ومنامها مابين سبعة بزارين = في غرفةٍ ماتشتغل مروحتها
من المية ماتحوز حتى ثلاثين = أفكارها وأخلاقها دامرتها
تكرف وتبذل جهد من غير تقنين = تبي دروب الناس ومضيعتها
والقسم الآخر مثل ورد البساتين = اللي مراويح السحايب سقتها
من شافها ماينظر يسار ويمين = كن العيون لشوفها جاذبتها
جمالها يخلف عقول الثقيلين = وغير الجمال اللي ملكته ثقتها
الشكل والمضمون فيها متصافين = وعوامل التغيير ماغيرتها
من زين مشيتها ومن جسمها الزين = تقول كن الأرض تمشي تحتها
كلٍ يقول لها آمري وش تمنين = أخلاقها وأوصافها دلعتها
مخدومةٍ فالبيت خدمة عزيزين = والطبخ والمطبخ ماهو مشكلتها
من يوم قرب عمرها لاربع سنين = والخادمة في البيت مافارقتها
ذكرت بعض الفرق بين الفريقين = لو الأسامي كلها شاملتها
وسلامتكم