يابنات النت خافن واحدٍ ماعبد غيره

[سعيد بن دلهم]

السلام عليكم ورحمة الله وبركاته


ياسلام الله سلام من هجوسٍ مستنيره ...... عد ماتسري البروق تلوح والذمه بريه


يابنات النت خافن واحدٍ ماعبد غيره ....... كل غلطه سجلت فاللوح والذمه بريه

[مشاعر حالمه]

وعليكم السلام ورحمة الله وبركاته

سعيد بن دلهم صح السانك

يالله وين شاعرات المحاوره يجابون الصوت

^_^

تحيتي لك / مشاعر حالمه

[منيرة الحربي]

حياك يا بن دلهم وسمحلي في مجاراتك




ياهلا يا مرحبا في شاعر ٍ يضلم ضميره = من هجوس ٍ واعيه بوضوح والذمه بريه


مسلمين وعارفين اكتاب الله جل وتفسيره = وعارفين سلومنا بشروح والذمه بريه

[معيوف الدوسري]

صح السانك يا سعيد

وذعاذيع نجد صراحه نقض ببراعه

طيب طيب
واصلو

[منيرة الحربي]

الاخ معيوف الدوسري حياك الله شرفتنا يالطيب



ومرورك يسعدنا ويا هلابك

[سياف العتيبي]

صح لسانك يابن دلهم


صح لسانك ياذعاذيع نجد


واصلوا وحنا متابعين


لاهنتم

[منيرة الحربي]

سياف العتيبي حياك الله يالطيب




شرفنا مرورك ومتبعتك وياهلا ويامرحبا

[منيرة الحربي]

هلابج يامشاعر حالمه نورتي الصف

[محمد الدهمشي]

صح لسانك يابن دلهم شاعروغني عن التعريف
صح لسانك ياذعاذيع نجدوالله يعينك على هالشباب

[سعيد بن دلهم]

مرحبا بالجميع

ومروركم شرف لي مرحبا ياذعايع


خلووووووها


ياذعايع استخيري ياعسى فالامر خيره ،،،، والخطا لو به خطا مدموح والذمه بريه


الله اللي عالم بالغيب واللي فالسريره ،،،، واحذري الملقوف والمشفوح والذمه بريه

[حبيّب الحربي]

مسلمين وعارفين اكتاب الله جل وتفسيره


الاخت ذعاذيع نجد

صح لسانك والشطر السابق اختي اعيدي النظر فيه


ولك التحيه والاحترام

[مسفر الدوسري]

صحت الألسن

سعيد بن دلهم + ذعاذيع نجد

[منيرة الحربي]

الخطا لولا الخطا محد ٍ تعلم للبصيره = والزمان ادروس فالمصلوح والذمه بريه


والملقوف اتورده يمك عسى نفسه ضريره = والخطر وارد على المطروح والذمه بريه

[ناصر الجلاه]

الله الله

ياذعاذيع نجد

صح لسانك ولسان ابن دلهم


واصلووووووووا متابع بصمت


الخطا لولا الخطا محـد ٍ تعلـم للبصيـره=والزمان ادروس فالمصلوح والذمه بريـه


الخطا لولا الخطا محـد ٍ تعلـم للبصيـره=والزمان ادروس فالمصلوح والذمه بريـه


والصف ازهليه ياذعاذيع ولايهون ابن دلهم

الخطا لولا الخطا محـد ٍ تعلـم للبصيـره
والزمان ادروس فالمصلوح والذمه بريـه

[منيرة الحربي]

حبيب الحربي مرورك شرف لي وحياك الله يالحربي



شرفت ونورت وبشر ولا يصير في خاطرك اللي الزين نبي نعيد النظر

[منيرة الحربي]

ناصر الجلاه شرفني وسعدني مرورك



ووقوفك في صفي شرف لي لاعدمتك يالطيب



وياهلابك

[سحمي الهاجري]

الله الله


الله الله


ياسلام


ياسلام


صح لسااااااااانك ياذعاذيع نجد

ولايهون أبن دلهم

واصلو واصلو

متابعين متابعين


أطيب التحايا للجميع

ابوماجد

[منيرة الحربي]

حياك الله يا سحمي الهاجري




شرفتنا ونروت صفحتنا ويا هلابك

[منيرة الحربي]

صح بدنك يامسفر الدوسري


سعدنا في مرورك يالقرم وحياك الله

[سعيد بن دلهم]

مرحبا بالجميع

خلوووووها

الكسر لاكسر يمكن ماتغطيه الجبيره ،،،،، يقنص الرامي حمام الدوح والذمه بريه



العبيه لاجرحها الذيب بجروح ٍ خطيره ،،،، ماجداها كود جر النوح والذمه بريه

[سعيد بن دلهم]

اختي ذعاذيع نجد انا بسافر يوم الاحد برد على ردك الجديد

[منيرة الحربي]

تسافر وترجع بالسلااامه يابن دلهم والله اني احب المحاوره المباشره بس ميخالف

مدام معك





احسبنك من هل المقناص وصقورك كثيره = مادريت ان لك حمام ٍ اصطوح والذمه بريه


العبيه شعشعت متطولها اليمنا القصيره = توجوها اهل الفخر بوشوح والذمه بريه

[فهده]

احسبنك من هل المقناص وصقورك كثيره
مادريت ان لك حمام ٍ اصطوح والذمه بريه

هههه

صح السانتكم

واصلوا

سلام..

[منيرة الحربي]

ارررررررحبي يا بنت برقا



حياك الله يالغاليه وياهللابك


وترا التنوين راح مني فالغلط اللي فالشطر الثاني

[سعيد بن دلهم]

خلوووووووها



اعرفي ان طيري يصيد الصيد والصيده كبيره ،،،، دمها من ضربته مسفوح والذمه بريه


العبيه فوقها ذيبان نطاح المغيره ،،،،، لاتعصت لزها فالصوح والذمه بريه

[منيرة الحربي]

خلووووووووها




انت ثالث والله اللي يخلق الخلق ويديره = وانت الجاني لو كبدك اتفوح والذمه بريه


ماتناضر في خلا فك فوقها اجنون ٍ كثيره = وكل سيه ماتجي وتروح والذمه بريه