ذعاذيع نجد اللي تجينا من اسبوع ....!!!!!!

[ناصر الجلاه]

ذعاذيع نجد اللي تجينا من اسبوع=سموم وكواثيح وعجاج ولاهايب

عسى الله يجيب الخير والخير متبوع=ونصبح مع الايام مثل الحبايب

[محمد الدهمشي]

ابداع ياخ ناصر وصح لسانك والله يجيب البراد
وبانتظارالشاعره ذعاذيع نجد فهي شاعره خطيره

[ناصر الجلاه]

الرائع مرورك ابورويشد

صح بدنك


ولاهنت على مرورك

[منيرة الحربي]

ناصر الجلاه ابشر فالرد


بس تكفون فيه محاوره فالصوتيه ابسمعها ورجع عليكم لاتروحون

[ناصر الجلاه]

طيب خذي راحتك


الدعوى تسليه ماهي اجباريه

بإنتظااااارك

[معيوف الدوسري]

طيب طيب

يا ناصر على ذا المطلع

صح السانك وفي انتضار شاعرتنا ذعاذيع نجد

واصلو وا ازهلو الصفوف

[ناصر الجلاه]

صح بدنك يامعيوف


لاهنت على المرور

[مسفر الدوسري]

صح ألسانك يا ناصر

و في انتظار الطرف الآخر

و أنا في صفك يا ناصر دون قصور في الأخت : ذعاذيع نجد

تقبل تحياتي

[منيرة الحربي]

اعذرني على الاتأخير الهتني الصوتيه



لوك مسلم يوم حطيت موضوع = ماكن جا بيتك صغير ٍ وعايب



ذعاذيع نجد اللي تنخوابها اجموع = لاذعذت زينه ونوبن مصايب

[منيرة الحربي]

ابو راشد


ولاخ معيوف الدوسري




والاخ مسفر الدوسري


اشوفها صارت تعصب وكلكم مع العنصر الرجالي


وانا الله معي


شرفتونا يالطيبين وصفي وصف ناصر الجلاده واحد

نورتم المتصفح في وجودكم ويا هلا فيكم

[ناصر الجلاه]

أنا قولها من هيض والراس مرفوع=ولن قلتها من غيض رحتي نهايب

يابنت النشاما حطي ورود وشموع=ونسهر على الأفراح والبال طايب

[ناصر الجلاه]

..


صح لسانك يامسفر الدوسري


والصف عامر بوجودك يالغااالي

لاهنت

[سياف العتيبي]

هذا والله العلم ياناصر

صح لسانك وصح لسان ذعاذيع نجد


أنا قولها من هيض والراس مرفوع ,,,,, ولن قلتها من غيض رحتي نهايب
يابنت النشاما حطي ورود وشموع ,,,,,, ونسهر على الأفراح والبال طايب


:11ap: :11ap: :11ap: :11ap: :11ap: :11ap: :11ap:





لوك مسلم يوم حطيت موضـوع ,,,,,, ماكن جا بيتك صغيـر ٍ وعايـب
ذعاذيع نجد اللي تنخوابها اجموع ,,,,, لاذعذت زينه ونوبـن مصايـب


:11ap: :11ap: :11ap: :11ap: :11ap: :11ap: :11ap:

العذر ياذعاذيع مافيه صفوف حريم ههههههه

مير الصفران هذولا ماينعرف رجالهم من انثاهم


واصلوا

[منيرة الحربي]

يامصور المعنا على النت مطبوع = الفلم لومبينه لسبايب


ان كان تقصد بعض الاقوال ممنوع = كل الدروب العوج فيها نشايب

[منيرة الحربي]

الاخ سياف العتيبي مرورك غير والصفران الله اعلم فيهم بس اللي يصف الله محيييه والنبي


وانت شرفتنا ونورتنا وحياك الله يالطيب

[راكان بن بدن السبيعي]

ياسلام ياسلام


شدّوا الهمّه ياناصر وياذعاذيع نجد


بيتحدّد الصف بعد الجوله الثالثه

وألا تدرون ( معيوف الدوسري ) من هو بصفه ؟ أنا ضدّه في كل شي حتى لو أنه يغليني ويعزني أنا أكرهه . هههههههه


ذعاذيع نجد لزمنا صفتس كأول متابع ومصفق بحراره ، والموت لمعيوف وصفه


بالتوفيق للشعراء المحاوره

[معيوف الدوسري]

نا صر ازهل ابن بدن وصفه

بذن الله يطيح علمهم واناء اخوك بجمع الربع كلهم

اليل اليل اليل


وانت يا راكان اتميلح صفك بيكون داج دامك ريس الرابطه
على هامان كيف اتمر يا فرعون = ما تمشي يا السبيعي لو تمشيها

[منيرة الحربي]

لي الفخر يالسبيعي انك في صفي ويشرفني وجودك



ولا يهونون الاخوان اللي معي واللي ضدي


واليل ياليل وين ناصر

[راكان بن بدن السبيعي]

ليتك تجي في شاعر المليون=ما انته بناجح لين ترشيها

معيوف ماقلتلك أني اكرهك


ذعاذيع نجد لايهمونك الصف ملزوم ليوم القيامة

[سياف العتيبي]

صح لسانك يابن دلهم


صح لسانك ياذعاذيع نجد


واصلوا وحنا متابعين


لاهنتم

[فهده]

انا اشهد للشعر من يحكمه!!

صحت السنتكم

وبيض الله هالوجيه السموحه

واصلوا

[منيرة الحربي]

حياج يابنت برقا ولا فيه احلا من الصف اللي انتي فيه



وياهلابج

[منيرة الحربي]

سياف العتيبي وين الله يهديك تراك غادي


وحياك الله مشرف الصف اسعدنا مرورك

[ناصر الجلاه]

..

ذعاذيع نجد آسف على التأخير





مادام العرب مابين صياح وفزوع=قليل الكلام ولا كثير النشايب

ذعاذيع مابه شي من دون موضوع=إذا ماتجي بحلول ما أبغى الغصايب

[ناصر الجلاه]

سياف العتيبي


بنت برقــا


راكان السبيعي


لاهنتوا يالأخوان على المرور الكريم

وانا بلشت بشاعرة نجد الله يجملني معها هههههههه

[منيرة الحربي]

يا هلا بك يا ناصر وستلم مني البيت الاخير وصح السانك يالقرم




الهرج روح بين شعبان وفروع = والماي راب وقالو الناس رايب



وكتابنا اللي محكمينه ومشموع = خله يحله دارسين الصعايب

[ناصر الجلاه]

يا هلا بك يا ناصر وستلم من البيت الاخير وصح السانك يالقرم




الهرج روح بين شعبان وفروع = والماي راب وقالو الناس رايب



وكتابنا اللي محكمينه ومشموع = خله يحله دارسين الصعايب



سعدت بمجاراتك ياشاعرة نجد

واعذريني كان حصل قصور

وصح لسانك يالغااااليه

م
و
د
ت
ي

[منيرة الحربي]

مجا اللي كل الخير يالطيب وصح السانك واشكرك على دعوتي


واشكر كل من مر في هاذي الصفحه جزيل الشكر



تحياتي ياعزيزي

[فرد حمزه]

ذعاذيع نجد اللي تجينا من اسبوع=سموم وكواثيح وعجاج ولاهايب

عسى الله يجيب الخير والخير متبوع=ونصبح مع الايام مثل الحبايب


هههههههههه الله يرج بليسك ياناصر الجلاه

مبدأ ولا أروع صح لسانك

سموم وكواثيح وعجاج ولهايب
سموم وكواثيح وعجاج ولهايب