.. مساحة حرة لجميع البحور ... تطبيق على ماسبق دراسته ..

[أمل عبدالعزيز]

,
,
,
أحبتي الغالين :

هنا مساحة حرة في هذا المتصفح , لأجل التأكيد على ماسبق دراسته في الدروس السابقة وستكون بدايتها على بحر الصخري بحيث أضع بيتين وأنتظر المجاراة من كل الشاعرات والشعراء الكتابة على نفس القافية والوزن مع التركيز على أن هذا الإختبار أعتبرُه المحك الحقيقي لمدى فهم التلاميذ الأعزاء للدروس السابقة
ولامانع من أن يشارك معنا كل شعراء غرابيل ,, كبيرهم وصغيرهم ..
والآن إليكم التطبيق :

بحر الصخري :



اذا كان الهوى والحب راحه=فأنا ماذقت منه إلا جراحه
هويت ومالقيت اللي يقدّر=عطيته بالخفوق أكبر مساحه
ولكنّه تنكّر للمحبّة=غدرني في الهوى جهر وصراحه


وتطبيق آخر على البحر الهجيني القصير ...:


ياصاحبي في الهوى مسكين = من صدق العشق واشواقه
الحب كذبة بناها اثنين = لاتصدق الحب وأخلاقه

.
.

المشاركة للجميع وبلا تحديد.

ملحوظة:

أتمنى أن تكون الزيادة على الأبيات بحدود أربعة أبيات ...

.

تقبلوا تحيات أختكم المحبة لكم:


أمل بنت عبدالعزيز...

[وجــــدان]

فكره رائعه معلمتي

ولي عوده بالتطبيق الطلوب بأسرع وقت بحول الله

تحيتي لقلبك المعطاء

[عبدالهادي الجهني]

،

،

،
فكرة موفقة ورائعة

انتظريني بتطبيق

تقبل ودي

،

،

،

[أمل عبدالعزيز]

؟؟

<= حاطة رجل على رجل تنتظر التطبيقات:واء:

[وجــــدان]

؟؟

<= حاطة رجل على رجل تنتظر التطبيقات:واء:

ههههههههههههههه

ابشري وهذا التطبيق الأول


اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه
ولكـنّـه تنـكّـر للمـحـبّـة=غدرني في الهوى جهر وصراحه
تغيّر بعدها نبضي وقلبي=بعد ماخان عهدي واستباحه
سقاني من هماج الحب كاسه=بعد ماكان يشرب من قراحه
لقيت البعد يشفي كل علّه=وبعض الجرح يامصعب سماحه
يهون الود في عين المقفي=اذا كان الجفا والبعد راحه

ولي عوده اخرى

تحيتي لك

[×ساره السامر×]

اموووله بغيت اسالك
وشو البحر الى يجي عليه لحن الاغاني التاليه لاني اكتشفت انهم نفس البحر بلييييييييز
اندماج الارواح>>
وشلون مدري كيف روحين فى روح
ماكنت اصدق بأندماجك يا الارواح

اكبر مصيبه <<
شفتك ولا حطيت عيني بعينك
خايف عيونك لا تنادي عيوني


تفارك<<

اذا تفارق شخص عادي مصيبه
وشلون لو فارقت منهو تحبه



انتظر الرد لاني سويت قصيده على نفس البحر


تحياتي// ؛؛؛ــــأأره الـ؛؛؛ــأأمر

[أمل عبدالعزيز]

,
,
,

اذا كان الهوى والحـب راحـه
فأنـا ماذقـت منـه إلا جراحـه
هويـت ومالقيـت اللـي يقـدّر
عطيته بالخفـوق أكبـر مساحـه
ولكـنّـه تـنـكّـر للمـحـبّـة
غدرني في الهوى جهر وصراحه
تغيّـر بعدهـا نبضـي وقلـبـي
بعد ماخـان عهـدي واستباحـه
سقاني من هماج الحـب كاسـه
بعد ماكان يشـرب مـن قراحـه
لقيت البعـد يشفـي كـل علّـه
وبعض الجرح يامصعب سماحه
يهون الـود فـي عيـن المقفـي
اذا كـان الجفـا والبعـد راحـه

واااااااااااااااااااااااا اااااااو

الغالية الحبيبة وجدااااان المبدعة.
.

وش هالروعة
يازين تأخيرك إذا كان بيجيب لنا مثل هالدرر

أشهد وبالله أنك شاعرة لايشق لها غبار

ماشاء الله لاقوة إلا بالله

ربي مايحرمناش من طلاتك العسل ياعسل.
.

وأنتظر تطبيق آخر

<== طماااااعة للغاية...

[أمل عبدالعزيز]

,
,


الأخت الكريمة سارة السامر
هلا وغلا فيكِ أختي الغالية .
.

وعن تساؤولك عن هذه الأبيات والتى لا أعلم هل هي لكِ أو أغنية لأنني لم أسمع بها من قبل!!
لكن /

بحر الأبيات كلُها : المسحوب وهوماعتاد الجميع على تسميته ( بحمار الشعراء ) أكرم الله السامعين ...لكثرة النظم عليه وسهولة امتطائه ....
وهناك من يسميه المجرور ...
وسيكون لي فيه درس مفصل بإذن الله .
.

وأهلاً بكِ مليار ياغالية..
..

.

[×ساره السامر×]

,
,


الأخت الكريمة سارة السامر
هلا وغلا فيكِ أختي الغالية .
.

وعن تساؤولك عن هذه الأبيات والتى لا أعلم هل هي لكِ أو أغنية لأنني لم أسمع بها من قبل!!
لكن /

بحر الأبيات كلُها : المسحوب وهوماعتاد الجميع على تسميته ( بحمار الشعراء ) أكرم الله السامعين ...لكثرة النظم عليه وسهولة امتطائه ....
وهناك من يسميه المجرور ...
وسيكون لي فيه درس مفصل بإذن الله .
.

وأهلاً بكِ مليار ياغالية..
..

.


مشكووووووووووووره اختي



تحياتي//؛؛؛ــــأأره الـ؛؛؛ـــأأمر

[ماجد نصار]

ابله امل وابله وجدان

مساحه رائعه نحن بحاجتها

بحول الله لي عوده

[وجــــدان]

هلا بالمديره

ابشري بالتطبيق الثاني اليوم بحول الله

وربي يعافيك على تعليقك الرائع


تحيه قلبيه لك

[وجــــدان]

الأخ العزيز ماجد نصار

بانتظار عودتك وتفاعل الجميع مع هذه المساحه الجميله

تحيتي لك

[ماجد نصار]

السلام عليكم ورحمة الله وبركاته
احلى مدرسه كيفكوم

هذي تطبيقين على السريع.

وانتظر الأراء
من الأبلات الإعزاء

وادري مابجيب زي توافقك يا ابله امل انت وابله وجدان

بس مجرد مشاركه:11utup:


اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه

ولكـنّـه تنـكّـر للمـحـبّـة=غدرني في الهوى جهر وصراحه

قتل حب بدا بي وانتهابه =ولاهو بالخطا عمد وبجاحه

تركني والعزا كله عزايه=وخلا العين عدتها مراحه

تركها يومها خوف وتحري=وليل مايفارقها نياحه

اراحه غدره لحبي وموته =ولكن بسأله ........دمعي أراحه؟؟





ياصاحبي في الهوى مسكين=من صدق العشق واشواقـه
الحب كذبـة بناهـا اثنيـن=لاتصدق الحـب وأخلاقـه

واحد لعبها على الحبلين=والثاني واقف على ساقه

حبيت اول وشوف الحين=واقف ولاعاد بي طاقه

حلفت ماحب احد بعدين=ولااضيم شعري ولا اوراقه

إلا اذا شفت شوفٍ زين =بصوم وافدي وبي طاقه :)

[وجــــدان]

السلام عليكم ورحمة الله وبركاته
احلى مدرسه كيفكوم

هذي تطبيقين على السريع.

وانتظر الأراء
من الأبلات الإعزاء

وادري مابجيب زي توافقك يا ابله امل انت وابله وجدان

بس مجرد مشاركه:11utup:


اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه

ولكـنّـه تنـكّـر للمـحـبّـة=غدرني في الهوى جهر وصراحه

قتل حب بدا بي وانتهابه =ولاهو بالخطا عمد وبجاحه

تركني والعزا كله عزايه=وخلا العين عدتها مراحه

تركها يومها خوف وتحري=وليل مايفارقها نياحه

اراحه غدره لحبي وموته =ولكن بسأله ........دمعي أراحه؟؟





ياصاحبي في الهوى مسكين=من صدق العشق واشواقـه
الحب كذبـة بناهـا اثنيـن=لاتصدق الحـب وأخلاقـه

واحد لعبها على الحبلين=والثاني واقف على ساقه

حبيت اول وشوف الحين=واقف ولاعاد بي طاقه

حلفت ماحب احد بعدين=ولااضيم شعري ولا اوراقه

إلا اذا شفت شوفٍ زين =بصوم وافدي وبي طاقه :)


الأخ العزيز ماجد

تطبيقين ولا أروع ... كل واحد يقول الزود عندي

وزن وفكره ومعاني وصور رائعه والأهم ترابط فكرة الأبيات وكلها أبدعت فيها ماشاء الله

صح لسانك مليوووووووووووون

وانت هالمره غلبتني أنا باقي علي تطبيق ماحليته :11utup:

تحيتي لك

[سعود السلمي]

ياهلا والله بالاخت أمل وسلامت الوالده ان شاء لله ماتشوف إلا العافيه انتي وهي وجميع الاخوان الحاضرين والغايبين

حبيت اشارك كمحاولة لمجرات قصيدتك الرائعه الي على الصخري


اذا كان الهوا والحب راحه = فنا ماذقت منه إلا جراحه

هويت ومالقيت الي يقدر = عطيته بالخفوق اكبر مساحه

ولكنه تنكر للمحبه = عذرني في الهوى جهر وصراحه

صحيح الحب ياخذ ولا يعطي = اسوق الهم ليلي مع صباحه

ولكنه لحاله وسط قلبي = بناله في صميم القلب واحه

يجافيني وانا صابر وصابر = جريمه مير في قلبي مباحه

[وجــــدان]

ياهلا والله بالاخت أمل وسلامت الوالده ان شاء لله ماتشوف إلا العافيه انتي وهي وجميع الاخوان الحاضرين والغايبين

حبيت اشارك كمحاولة لمجرات قصيدتك الرائعه الي على الصخري


اذا كان الهوا والحب راحه = فنا ماذقت منه إلا جراحه

هويت ومالقيت الي يقدر = عطيته بالخفوق اكبر مساحه

ولكنه تنكر للمحبه = عذرني في الهوى جهر وصراحه

صحيح الحب ياخذ ولا يعطي = اسوق الهم ليلي مع صباحه

ولكنه لحاله وسط قلبي = بناله في صميم القلب واحه

يجافيني وانا صابر وصابر = جريمه مير في قلبي مباحه


هلا فيك ياهاوي قصيد

وصح لسانك على أبياتك الرائعه على بحر الصخري والموزونه تماماً ماعدا هالشطر بس اللي فيه ثقل شوي :

صحيح الحب ياخذ ولا يعطي

وأتوقع بس انك كتبته وانت مستعجل لأن بقيّة الأبيات بصراحه ماتصدر الا من شاعر محترف وليس هاوي وعشان كذا بترك التعديل لك وبننتظر تطبيق الهجيني بعد منك

اتمنى رحابة صدرك وشكراً لحضورك مره ثانيه

تحيتي لك

[سعود السلمي]

الشاعره العملاقه والمبدعه وجدان اشكرك على التعقيب وملاحظاتك في عين الاعتبار خصوصا من شاعره بحجمك اكيد راح استفيد منها كثير

بالنسبه للشطر الي ذكرتيه ممكن طريقة نطق البيت لها دور عموماا اهم شي استفدت من توجيهاتك والقادم ان شاء الله اجمل بتواجدك وتشجيعك.. تحياتي لك

[وجــــدان]

الأخ العزيز هاوي قصيد

أشكرك والله على روحك العاليه وعودتك الراقيه ولازلت عند رايي بأنك شاعر محترف سننتظر وسنرى منه الكثير جداً والجميل في نفس الوقت

وتواصلك معنا لاغنى عنه ابداً

شكراً مره ثانيه

تحيتي لك

[لــيــل]

مجـاراةٌ متــواضعــةٌ جــدّاً امـام ابيــاتكِ الــرّائــعةْ غاليتـي....


http://home.no.net/anyas/xmasline24.gif


اذا كان الهوى والحب راحه=فانا ماذقتْ الاّ جراحه

هويتْ ومالقيتْ اللّي يقدّر=عطيته بالخفوق كلَّ المساحه

عطيته احْسبه صدقُ ويحبْني=وصرنا كنّنا طيرُ وجناحه

بحبَّه لي... خدَعْني بهْ..وَهَمْني=حياته له...اناحبَّه..وراحه

خذا الحبّ مااهدى حياتي=غير كذب"ن"وهمّ"ن"معْ نياحه

آه"ن" واحسرتي قلبي وهبْته=احَسْبَه يستحق وبكلّ صراحه

اثاري كنتِ له لعبه حقيقه=لعَبْ فيها لِعِبْ طفل"ن" براحه

ترا حبّ"ن"وانْ كانه حقيقه=يبي لهْ فهم"ن"وعرفُ ونصاحه


http://home.no.net/anyas/xmasline24.gif


انتــظرُ التـَّـوجيــه مــنْ استــاذتينـــا الـرَّائعتيــن...."امـــل " و "وجـــدان ".....


وامّـــا المجــاراةُ الثّـــانيـــةْ فــقـريـبـــاً بـإذنِ الله تــعــالـى.......


دمتمــا بـــودّ......


وتـحيّـــةٌ معطّــــرةٌ بـــالــورد......


ملاحظــه:


لـم استخـدم احـدى الابيـات في القصيـدةْ وذلـكَ حـتّـى لايـختــلّ مـعنى الـقصـيـدةْ المـرادْ.......


كمـا انّــي غيــّرتُ فـي البيــت الثّــانــي ايـضــاً....

[وجــــدان]

هلا فيك ياليل

تطبيق رائع مع بعض الملاحظات

ولي عوده تفصيليه لو ماسبقتني المديره

صح لسانك وتحيتي لك

[لــيــل]

" وجـــدان "


صحّ قلبك وحضورك وكلّك يالغلا.....


وانا بانتظار الملاحظات.......


وجزيتِ خيراً.....


دمتِ بودّ.....


وتحيّةٌ معطّرةٌ بالورد.......

[وجــــدان]

مجـاراةٌ متــواضعــةٌ جــدّاً امـام ابيــاتكِ الــرّائــعةْ غاليتـي....


http://home.no.net/anyas/xmasline24.gif


اذا كان الهوى والحب راحه=فانا ماذقتْ الاّ جراحه

هويتْ ومالقيتْ اللّي يقدّر=عطيته بالخفوق كلَّ المساحه

عطيته احْسبه صدقُ ويحبْني=وصرنا كنّنا طيرُ وجناحه

بحبَّه لي... خدَعْني بهْ..وَهَمْني=حياته له...اناحبَّه..وراحه

خذا الحبّ مااهدى حياتي=غير كذب"ن"وهمّ"ن"معْ نياحه

آه"ن" واحسرتي قلبي وهبْته=احَسْبَه يستحق وبكلّ صراحه

اثاري كنتِ له لعبه حقيقه=لعَبْ فيها لِعِبْ طفل"ن" براحه

ترا حبّ"ن"وانْ كانه حقيقه=يبي لهْ فهم"ن"وعرفُ ونصاحه


http://home.no.net/anyas/xmasline24.gif


انتــظرُ التـَّـوجيــه مــنْ استــاذتينـــا الـرَّائعتيــن...."امـــل " و "وجـــدان ".....


وامّـــا المجــاراةُ الثّـــانيـــةْ فــقـريـبـــاً بـإذنِ الله تــعــالـى.......


دمتمــا بـــودّ......


وتـحيّـــةٌ معطّــــرةٌ بـــالــورد......


ملاحظــه:


لـم استخـدم احـدى الابيـات في القصيـدةْ وذلـكَ حـتّـى لايـختــلّ مـعنى الـقصـيـدةْ المـرادْ.......


كمـا انّــي غيــّرتُ فـي البيــت الثّــانــي ايـضــاً....



هلا فيك ياليل مره ثانيه

بنراجع تطبيقك بالتفصيل ياعيوني

اذا كان الهوى والحب راحـه
فانـا ماذقـتْ منه الاّ جـراحـه

هنا انتي نسيتي كلمة ( منه ) في الشطر الثاني ومتأكده انها نسيان فقط ولكن ضروري اكتب هالملاحظه للتوضيح

هويتْ ومالقيتْ اللّـي يقـدّر
عطيته بالخفوق كلَّ المساحه

هنا غيرتي في الشطر الثاني عشان الفكره مثل ماذكرتي ولكن التغيير ثقّل البيت بشكل بسيط جداً ولو قلتي مثلاً :

عطيته بخافقي كلّ المساحه

كذا يكون الشطر سليم من الثقل تماماً وبتقرينه بكل سلاسه .. ومثل ماقلت الثقل كان بسيط جداً لكن موجود

عطيته احْسبه صدقُ ويحبْني
قرَبْنَا كنّنـا طيـرُ وجناحـه

في الشطر الأول هنا كلمة ( يحبني ) بتكون معسوفه أثناء القراءه ولن تنطق بشكل سليم وكان بامكانك تقولين :

عطيته أحسبه صادق بحبّه ....
أو
عطيته أحسبه صادق بحبّي ....
أو
عطيته واحسبه صادق بحبّه

وزيادة الواو هنا ( واحسبه ) مايشكّل زياده حرفيه لأن الألف بعده تكتب ولاتنطق ( وحسبه ) هذا لو قطّعنا الشطر .. يعني في الحالتين الشطر سليم بالواو وبدونها لأنه بدون الواو راح تقرأ الألف كهمزه ( أحسبه ) ولكن بالواو تكون الكلمه انسيابيه أكثر في النطق

بحبَّه لي خدَعْني بهْ.. وَهَمْني
حياته له...انا حبَّه..وراحـه

الوزن سليم جداً هنا لكن المعنى في الشطر الثاني ماهو واضح فقط

خذا الحبّ مااهـدى حياتـي
غير كذب"ن"وهمّ"ن"معْ نياحـه

هنا البيت مختل وزنه في الشطر الأول وكلمة ( غير ) ثقّلت الشطر الثاني ولو قلتي مثلاً :

خذا مني المحبّه ماعطاني
سوى كذب"ن"وهمّ"ن"معْ نياحـه

بيكون أسهل في النطق وموزون صح والمضمون لم يختلف

آه"ن" واحسرتي قلبي وهبْتـه
احَسْبه يستحق وبكلّ صراحه

استهلال البيت هنا بكلمة ( آه"ن" ) لخبطت الوزن وبنستبدلها بـ ( ألا ) وفي الشطر الثاني حرف الواو في ( وبكلّ ) ثقّلت الشطر وبنشيلها :

ألا واحسرتي قلبي وهبْتـه
احَسْبه يستحق بكلّ صراحه

كذا بيكون موزون تمام وسليم من الثقل والتغيير كان طفيف جداً

اثاري كنتِ له لعبـه حقيقـه
لعَبْ فيها لِعِبْ طفل"ن" براحه

هنا الوزن سليم في الشطرين والمضمون واضح جداً

ترا حبّ"ن"وانْ كانـه حقيقـه
يبي لهْ فهم"ن"وعرفُ ونصاحه

هنا البيت موزون وسليم أيضاً ولكن في الصدر لو قلتي مثلاً :

شعور الحب لو كانه حقيقه

أو

ودرب الحب لو كانه حقيقه

بيكون الشطر سلس في القراءه ومافقد الفكره أو المضمون ... والغرض من التغيير هنا هو محاولة التخلّص من التنوين بقدر الامكان يعني بقدر مايكون الشطر أو البيت أو القصيده ككل خاليه من التنوين فبتكون أخف في النطق وبتكون سلسه جداً وتنساب على لسان المتلقي بكل عذوبه ولو طبقنا هالشي على الشطر الثاني بيكون مثلاً :

يبي له معرفه وفهم ونصاحه

استخدمنا نفس المفردات ( معرفه و فهم ) ولكن بدّلنا في مواقعها أو ترتيبها في الشطر للتخلص من التنوين بدون مايتغيّر المعنى

عزيزتي ليل

أدري طولت عليك وثقّلت دمي حيل لكن والله يهمني يكون الشرح شامل كل التفاصيل والملاحظات الواضحه منها أو البسيطه وبشكل عام التطبيق رائع وجميل ولو رجعتي للملاحظات تلقينها قليله بس يمكن أنا هذرتي واجد

هههههههههههه

بانتظار تطبيقك القادم بكل شوق

تحيتي لك

[أمل عبدالعزيز]

,,



ماشاء الله لاقوة إلا بالله


والله أني بصدق سويت مثل ماقال المثل:

ارسل حكيم ولاااتوصيه ..

وأنا بخليه:

حط مشرف حكيم وأنسى المنتدى ههههههههههههه

وجدان ربي يسعدك دنيا وآخرة
..

الحبيبة ليل:
مثل ماشافت عيونك أنتِ ستكونين شاعرة متمكِّنة طالما أنَّكِ صاحبة حضور ومتابعة
وقد كتبت ووفت الحبيبة وجدان ....
أنتظر عودتك مرة أخرى وبتطبيق آخر وبشوق.
.

[نياف العتيبي]

وجدان مشكوره على مابذلتيه = مجهود رائع بارك الله جهودك
اكيد يفهم من بعرفك نصحتيه = والفائده بتعمهم في وجودك

[أمل عبدالعزيز]

صح لسانك يانياف

وش هالإبداع بس

يالله عاد نبي نشوف الطلبة مدهرين هنا يانياف

بس همتك لاتروح بعيد وتنساهم

والغايبين أنت الوكيل عليهم من الشباب فقط
لأنك عضلات أخاف تحوس لي البنات
وجدان مهيب مقصرة
هههههههههههههههه

[الهيفاء]

اذا كان الهـوا والحـب راحـه
فنـا ماذقـت منـه إلا جراحـه

هويـت ومالقيـت الـي يقـدر
عطيته بالخفوق اكبـر مساحـه

ولكـنـه تنـكـر للمـحـبـه
عذرني في الهوى جهر وصراحه

حسافت عمري الماضي حسافه
مضى في هم وفي غم ونياحه

حرام اهدي هوى قلبي جنابك
صحيح الفرقا لامثالك رباحه

واذا تلعب بسهمك في هوانا
تعال وشوف بعيونك مطاحه


السابق تطبيقي ينتظر نقدكم وتوجيهكم

ولدي استفسار أيهما أصح

تعال تشوف بعيونك مطاحه

أو

تعال وشوف بعيونك مطاحه

لأني كتبتها واحترت فيهما

ولكما مني باقة شكر تليق بجهودكما وسيكون لي عودة للتطبيق الآخر

[وجــــدان]

اذا كان الهـوا والحـب راحـه
فنـا ماذقـت منـه إلا جراحـه

هويـت ومالقيـت الـي يقـدر
عطيته بالخفوق اكبـر مساحـه

ولكـنـه تنـكـر للمـحـبـه
عذرني في الهوى جهر وصراحه

حسافت عمري الماضي حسافه
مضى في هم وفي غم ونياحه

حرام اهدي هوى قلبي جنابك
صحيح الفرقا لامثالك رباحه

واذا تلعب بسهمك في هوانا
تعال وشوف بعيونك مطاحه


السابق تطبيقي ينتظر نقدكم وتوجيهكم

ولدي استفسار أيهما أصح

تعال تشوف بعيونك مطاحه

أو

تعال وشوف بعيونك مطاحه

لأني كتبتها واحترت فيهما

ولكما مني باقة شكر تليق بجهودكما وسيكون لي عودة للتطبيق الآخر

هلا فيك يالهيفاء


اذا كان الهـوا والحـب راحـه=فنـا ماذقـت منـه إلا جراحـه
هويـت ومالقيـت الـي يقـدر=عطيته بالخفوق اكبـر مساحـه
ولكـنـه تنـكـر للمـحـبـه=غدرني في الهوى جهر وصراحه
حسافت عمري الماضي حسافه=مضى في هم وفي غم ونياحه
حرام اهدي هوى قلبي جنابك=صحيح الفرقا لامثالك رباحه
واذا تلعب بسهمك في هوانا=تعال وشوف بعيونك مطاحه

رغم ان الأبيات ناقصه بيت لكن تمكّنتي من البحر وسايرتي الفكره بشكل جميل وبكل صراحه :

صح لسانك مليوووووون

أبدعتي ياعيوني والله وماشاء الله عليك وياليت تكملينها الى عشره أبيات ونحتفل بمقدم شاعره جميله مثلك في قسم الشعر النبطي



ولدي استفسار أيهما أصح

تعال تشوف بعيونك مطاحه
أو
تعال وشوف بعيونك مطاحه

لأني كتبتها واحترت فيهما

كلها صحيحه ولكن انتي اخترتي الأجمل منها ( تعال وشوف ) تكرار الأمر هنا رائع

الف شكر هذا الحضور المشرق وننتظر تطبيقك الآخر بشوق

تحيتي لك

[وجــــدان]

,,



ماشاء الله لاقوة إلا بالله


والله أني بصدق سويت مثل ماقال المثل:

ارسل حكيم ولاااتوصيه ..

وأنا بخليه:

حط مشرف حكيم وأنسى المنتدى ههههههههههههه

وجدان ربي يسعدك دنيا وآخرة
..

الحبيبة ليل:
مثل ماشافت عيونك أنتِ ستكونين شاعرة متمكِّنة طالما أنَّكِ صاحبة حضور ومتابعة
وقد كتبت ووفت الحبيبة وجدان ....
أنتظر عودتك مرة أخرى وبتطبيق آخر وبشوق.
.

تسلمين يامعلمتنا على كلامك الرائع

وربي يسعدك دنيا وآخره على دعمك المتواصل للجميع

تحيتي لك

[وجــــدان]

وجدان مشكوره على مابذلتيه = مجهود رائع بارك الله جهودك
اكيد يفهم من بعرفك نصحتيه = والفائده بتعمهم في وجودك

صح لسانك يانياف

وربي يبارك في الجميع وكلنا مكمّلين لبعض هنا

تحيتي لك

[أمل عبدالعزيز]

,

,,
مليا هلا وغلا


الحبيبة الغالية الهيفاء

حياكِ الله من جديد في المدرسة

وصح لسانك مليار بعد وليس مليون
لأنك بالفعل تمكنتِ من البحر وفي نفس الوقت كانت كلماتك سلسة وعذبة للغاية
وهذا ماجعل الأبيات تنساب بكل رقة ...
بصدق أنتِ مبدعة ..
وكما ذكرت الحبيبة وجدان أعلاه ننتظر منكِ إتمامها حتى نحتفي بكِ في الشعر ..
لكِ حبي وتقديري .
.
.

[الهيفاء]

(أمل , وجدان )ياحبي لكم والله

,
,

والفضل لله أولاً ثم لك غاليتي وأستاذتي أمل والشكر موصول لرفيقتك في الجهود

أستاذتي وجدان ..

وبحق هذه المدرسة جامعة رائعة تعلمنا فيها الكثير الكثير

وأعتبرها العتبة الأولى لكل هاوٍ للشعر جهل قواعده وبحوره

فلكما الشكر ولكما الثناء وأعدكما بأن أتابع للنهاية وإن تخلل

حضوري انقطاع كما حصل آنفاً فثقا بأن لي عودة للدراسة والتطبيق

وسأستمر حتى أتخرج من هذه المدرسة شاعرة جديدة كنموذج حي

لثمار جهودكما ..

حبي وتقديري

[أمل عبدالعزيز]

,
,

الأخت الغالية والحبيبة الهيفاء
بصدق كلامك أثلج صدري
وربي يوفقك ياعيوني

والمدرسة تفخر بمثلك ياغاليتي.

.

[الهيفاء]

الفخر لنا بوجودك ودعمك لنا يا أستاذتي ..

وهذا التطبيق الثاني/

ياصاحبي في الهوى مسكين
من صدق العشق واشواقه

الحب كذبـة بناهـا اثنيـن
لاتصدق الحـب وأخلاقـه

غدت حياتك مابين البين
ولا عاد لك في الْغَبنْ طاقه

ليلك طويلن وهم ممسين
والقلب يشكي لك ارهاقه

نصيحه لاتَتْبَع المقفين
انسى الغرام احذف اوراقه

والصاع رده لهم ضعفين
خاين ولايهمك اغراقه

.

.

البين قصدت فيه الشك ..

وبانتظار توجيهاتكم ونقدكم الله يعطيكم العافية ويقويكم

[وجــــدان]

الفخر لنا بوجودك ودعمك لنا يا أستاذتي ..

وهذا التطبيق الثاني/

ياصاحبي في الهوى مسكين
من صدق العشق واشواقه

الحب كذبـة بناهـا اثنيـن
لاتصدق الحـب وأخلاقـه

غدت حياتك مابين البين
ولا عاد لك في الْغَبنْ طاقه

ليلك طويلن وهم ممسين
والقلب يشكي لك ارهاقه

نصيحه لاتَتْبَع المقفين
انسى الغرام احذف اوراقه

والصاع رده لهم ضعفين
خاين ولايهمك اغراقه

.

.

البين قصدت فيه الشك ..

وبانتظار توجيهاتكم ونقدكم الله يعطيكم العافية ويقويكم

هلا بالهيفاء


ياصاحبي في الهوى مسكين=من صدق العشق واشواقه
الحب كذبـة بناهـا اثنيـن=لاتصدق الحـب وأخلاقـه
غدت حياتك مابين البين=ولا عاد لك في الْغَبنْ طاقه
ليلك طويلن وهم ممسين=والقلب يشكي لك ارهاقه
نصيحه لاتَتْبَع المقفين=انسى الغرام احذف اوراقه
والصاع رده لهم ضعفين=خاين ولايهمك اغراقه

بصراحه صح لسانك مليووون

أبيات رائعه على الهجيني تثبتين فيها مجدداً انك شاعره قادمه للساحه الشعريه بكل ثبات

تمنياتي لك بالتوفيق وبالتواصل المستمر معنا

تحيتي لك

[أمل عبدالعزيز]

,
,
,
الرائعة المبدعة الهيفاء

وبرهان آخر يؤكد شاعريتك ياغاليتي

بصدق أتمنى منكِ المتابعة المستمرة وحتماً ستصلين بإذن الله عزوجل
تحيتي لكِ وتقديري.
.

[نصاف]

اذا كان الهـوا والحـب راحـه
فنـا ماذقـت منـه إلا جراحـه

هويـت ومالقيـت الـي يقـدر
عطيته بالخفوق اكبـر مساحـه

ولكـنـه تنـكـر للمـحـبـه
عذرني في الهوى جهر وصراحه

بعد وظـّـبــت جنحانه بـ يـــدّي
تغافل صدتي وأطلق جناحه

وانا اللي كنت لا خشمـّت عنه
رجع ويزيد في عيني مـلاحـه

ولكن راح وخروجه نـهـائي
عساه إيخاوي إمقيط إفمراحه

جبرني أدعس القلب وأســـــيــبه
وأهين النفس لو تـــطري سماحه

لقيت الصدق عذروب المحبه
وصارت زينــة الحب القباحه

أنا طلقت حبي بالــــــثـــلاثــه
كبحنا سطوة العشق وجماحه



مجاراة سريعه متواضعه.

وكفووو عالمطلع الرائع.

[أمل عبدالعزيز]

,
,
,

الأخ الشاعر القدير نصاف
ماشاء الله لاقوة إلا بالله
تطبيق رائع
وحضور مميز
كتبت فأبدعت وأمتعت.
.

لك أعذب تحية..
.

[عبدالعزيز بن محمد]

استاذتي صباحك جوري
اخبار والدتك انشاء الله انها بخير

هذي ابيات ع الهزج >> حبيته كثير



بلملم شنطـــــــــــة احـــــــزاني
بســـــــــافر واهـــــــــــجر الاوطان

أبــــــــــنسى دمــــــــع اشـــــقـــاني
بهجــــــــــره لجــــــــــــل اعيش انسان

ياليتهــــــــــــــــــ جــى وخــــــــــاواني
ياليتـــــــــــــــــه يــــــــسعد الشقيان

يادنــــــيا ضقــــتي ف اعيانــــــــــــي
غديــــــــــــــتي قبــري والاكفــــــــــــــآآآن

وانا مسكيــــــــــن ما يــــــــــداني
حروبن تقتـــــــــــــل العطشان

.... الخ القصديهـ
طبعا الابيات شوي محيوسه مارتبتها اعذروني
واتمنى مصافحتي الصباحيه
تضفي الفائده لمتصفحك الجميل

احترامي وتقديري لسموك

[وجــــدان]

استاذتي صباحك جوري
اخبار والدتك انشاء الله انها بخير

هذي ابيات ع الهزج >> حبيته كثير



بلملم شنطـــــــــــة احـــــــزاني
بســـــــــافر واهـــــــــــجر الاوطان

أبــــــــــنسى دمــــــــع اشـــــقـــاني
بهجــــــــــره لجــــــــــــل اعيش انسان

ياليتهــــــــــــــــــ جــى وخــــــــــاواني
ياليتـــــــــــــــــه يــــــــسعد الشقيان

يادنــــــيا ضقــــتي ف اعيانــــــــــــي
غديــــــــــــــتي قبــري والاكفــــــــــــــآآآن

وانا مسكيــــــــــن ما يــــــــــداني
حروبن تقتـــــــــــــل العطشان

.... الخ القصديهـ
طبعا الابيات شوي محيوسه مارتبتها اعذروني
واتمنى مصافحتي الصباحيه
تضفي الفائده لمتصفحك الجميل

احترامي وتقديري لسموك


كاتب الحب

صح لسانك مليوووون

تطبيق رائع على الهزج وموزون صح وفيه الشطر هذا بس

ياليته جى وخاواني

اذا كان المقصود ياليته جا فهو صحيح أما اذا جي بالياء فبيكون الشطر ثقيل شوي

أما الباقي فتمام من البدايه للأخير

صح لسانك مليون مره ثانيه وياهلا فيك

[عبدالعزيز بن محمد]

[ الاخت وجدان ]

الف مبروك ع اشرافك

للاحلى قسم بالشبكه العنكبوتيه

بل المميز والوحيد

(( تعليم ابجديات الشعر ))

توي انتبه واللهـ

واشكرك ع ثنائك وملاحظتك الرائعهـ

وهذا كله بفضل الله ثم فضل شاعرتنا امل عبدالعزيز

الله يجزاكم خير ع مجهوداتكم في الارتقاء بالشعر النبطي

[أمل عبدالعزيز]

,
,

,
,
الله الله عليك ياكاتب الحب

ابدااع متواصل
وحضور رائع
والملحوظة هي نفسها التى قالتها وجدان فقط

وبصدق أنت كتبت فأبدعت وكونك مبدع في هذا البحر فلابد أن البحر الشيباني هو الأسهل لك
صح قلبك وكلك

وووالدتي تحتاج للدعاء الصادق من قلوبكم..

.
ولك أعذب تحية.
.

[الهيفاء]

أسأل الله العظيم رب العرش العظيم أن يعجل بشفاء والدتك

وأن يجمع لها بين الأجر والعافية .. إنه سميع مجيب

[أمل عبدالعزيز]

,
,
,

الهيفاء الحبيبة الغالية:

جزاكِ الله عني وعن والدتي كل خير
وأجزل الله لكِ المثوبة

كم اشتقنا لكِ ولقلمك المعطاء
.

.
لكِ حبي تقديري.
.

[ساره آل مسلم]

عشقتك للاسف ماني بقاصد
لقيتك شخص تملالي عيوني
قليبك انكر الحب وخذلني
ولكن دامها منك تهوني
رضيت البعد دامك ما تبيني
بصدك يعني اوشك بي جنوني
هذا تطبيق على (الصخري)

خذيت وقتً من اوصالك
خلاص بصبر على بعدك
ظنيت قلبي على بالك
بس الغلا بان لي ابردك
رضيت اسكت على حالك
ظالم وانا راضي ابصدك
وهذي (هجيني شمالى)
بس احترت بكلمه في البيت الثاني بشطر الثاني بين (بان لى) او (باين)
كرهتك يا ضنا امك
مدامك ضالمً قلبي
حياتي حافله بهمك
وجرحك ساكنً دربي
انا بنساك ولعلمك
ندمت انك ملك حبي
وهذي على الشيباني القصير (الهزج)

ولي عوده لتطبيق ما بدئتم به

[أمل عبدالعزيز]

,
,

,
السكبة الرائعة :

بصراحة أبيات موزونة مية مية

بصراحة الخط أللي تكتبين فيها ياعيوني مرررة متعب للعين وش ذا؟
لكن أنا كبرت الخط ألين صار 6 وبعد كذا قريتها


مبدعة بصدق
وكل الأبيات مثل ماقلت لك موزونة ومافيكِ حيلة ويالله عاد نبي منك قصيدة كاملة.
.

[عبدالعزيز بن محمد]

قريت مره قصيده ولحنتها باغنيه للابوبكر سالم
واعجبني بحرها كثير , وكتبت عليه >> طبعا ع اللحن

وش بلا قلب ــــي تعــــــلق في حـ ســــن زين الوصوف
مدري هو يبغى يتعلم فـ لســـــــــــــفة عـ شق وغزل

لـ ـــــــــ يت عيني ياحــ ــــــــــــ ياتي غيركم لاماتشوف
لــ ــــ يتـــــــكم قــ دام ع ــــــــ يني وانظم انواع الجمل

انا لحنتها بلحن , بس ياليت تعطوني اسم البحر مع التفعيله نكون شاكرين لكم
وناسف لخروجنا عن اطار تطبيقاتنا السابقه

[أمل عبدالعزيز]

,
,

حياك وبياك ياكاتب الحب

أول شيء:

صح قلبك وكلك على الأبيات الروعة معنى ووزن

الأمر الثاني:

البحر هو الشيباني والتفعيلات هي رباعية مفاعيلن


يعني:

مفاعيلن مفاعيلن مفاعيلن مفاعيلن

وبصراحة أنت مبدع بصدق
بش وش هي أغنية ابو بكر؟؟

وصح قلبك وكلك ياشاعر.
.

[عبدالعزيز بن محمد]

اخت امل هذي الاغنيه بس مو على لحنها بالضبط انا مشيت ع كوبليه واحد

اللي هو يوم غنى (( سر حبي فيك غامض سر حبي ما انكشف ))

/
/

طبعا انا قريت قصيده للاحد الشعراء في الشبكه العنكبوتيه

وحسيت ان ابياته سلسه فقمت اجرب عليها الحان الى ان طلع معي لحن ابوبكر سالم

>> والاغنيه ماعجبتني بس كانت ع بالي هههههه

/
/

س: لو هي ع الشيباني ليه مايجي على ابياتي لحن اغنية خالد حبيبي اسف ازعجتك .؟


والف شكر لك
وربي
استفدت منك الكثير






http://www.abuaseel.com/ra/ser7obi/ser7obi.ram

[عبدالعزيز بن محمد]

اخت امل هذي الاغنيه بس مو على لحنها بالضبط انا مشيت ع كوبليه واحد

اللي هو يوم غنى (( سر حبي فيك غامض سر حبي ما انكشف ))

/
/

طبعا انا قريت قصيده للاحد الشعراء في الشبكه العنكبوتيه

وحسيت ان ابياته سلسه فقمت اجرب عليها الحان الى ان طلع معي لحن

اغنية ابوبكر




http://www.abuaseel.com/ra/ser7obi/ser7obi.ram

[ساره آل مسلم]

الى الغـــــــــــــــاليه(( امـــــــــــــــــوله))



اليكي جديدي

وقد كتبته على

الهجيني الشمالى


واتمني ان يحوز رضاك وان اكون طالبه مجتهده ومتفوقه <<<تبي تعوض بلمدرسه كسلانه:tongue:




باالله كفو عن السيره=
=وطاري حبيبي هذاك الزين
والله لولا الجفا خيره=
= لاجيه وتفداه موق العين
مسكين قلبي امتلى حيره=
=وقالو العرب ليه ماتنسين
وياه انا ماني ابليره =
=يلعبي والى بقى للدين
انا تراني حلى شيره=
=اقسى عقب ما هواي يلين
الى يحب مادرى بغيره=
=بس ابحبيبه يبيه ايحين


ولكي مودتي

[ماجد المرواني]

الله يعطيكم العافيه

وماشالله عليكم والله مبدعين ويعطيك العافيه يا امل وهذ مشاركة متواضعه وخلنى انشوف





اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه
ولكـنّـه تنـكّـر للمـحـبّـة=غدرني في الهوى جهر وصراحه
ثلاث سنين مرن عزتالي=كما اللي طايح وعطباً مطاحه
اداري خاطرة واللي كسبته=تمثَل خاطري ثم استباحه
ولكن عشرتك الخاين قصيره=فراشاً يطرحه خفّت جناحه
عسى ربي يعيض ابحب غيره=اذا كان الهوى والحـب راحـه











ياصاحبي في الهوى مسكين=من صدق العشق واشواقـه
الحب كذبـة بناهـا اثنيـن=لاتصدق الحـب وأخلاقـه
يعني تسلف وسدد دين = عادي لو النفس منعاقه
كرس جهودك على ثنتين=قبل الغضي يعلن افراقه
لا ارسلّك الخل لو حرفين= امسك على خلك اوراقه
والثانيه خلها بعدين= جعل الوزن ما انكسر ساقه







V
V
V
V
V
V
ذهب من هنا وهو يقول شكراً يا امل

[أمل عبدالعزيز]

,
,

الحبيبة الغالية ( السكبة )

بــاالله كـفـو عــن الـسـيـره
وطاري حبيبي هذاك الزين
والله لــولا الـجـفـا خـيــره
لاجيـه وتفـداه مـوق العيـن
مسكين قلبـي امتلـى حيـره
وقالو العرب ليـه ماتنسيـن
ويــاه انـــا مـانــي ابـلـيـره
يلعبـي والــى بـقـى للـديـن
انــا تـرانـي حـلـى شـيــره
اقسى عقب ما هـواي يليـن
الـى يحـب مـادرى بغـيـره
بـس ابحبيـبـه يبـيـه ايحـيـن
.
.

والله يابنت أنك مبدعة بصدق

ماشاء الله عليك
ماسكة اللحن مية مية الله يعطيكِ العافية وعندك صور روعة
صح قلبك وكلك
وأنتظرك بقصيدة كاااااااملة في الشعر .
.

[أمل عبدالعزيز]

,
,

الشاعر القادِم ( ماجد المرواني ) .....

أول شيء حياك الله مليون مرة
وبصراحة تواجدك يسعدني أيما سعادة
الأمر الثاني تطبيقك الأول.
.
.

تطبيق أكثر من رائع وصح قلبك وكلك ولكن هناك شطر واحد فقط يحتاج التعديل وهو:

ولكن عشرتك الخايـن قصيـره
المفترض أن يكون :
ولكن عشرة الخاين قصيرة
هكذا يكون البيت موزون مية مية .
.

والتطبيق الثاني:

بالطبع تطبيق أكثر من رائع ولا يوجد عليه أي ملاحظة
ماشاء الله لاقوة إلا بالله

صح قلبك وكلك وحضورك .
.

[ناصر مطلق البقمي]

أمل الله يعطيك العافيه
صراحه هالابيات بالذات ما قدرت
اتعداه مااكمل عليها ة_ة
كملت البيتين الأوله بالفصحى والباقي نبطي..!


اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه
ولكـنّـه تنـكّـر للمـحـبّـة=غدرني في الهوى جهر وصراحه
إلا إنّي ثمِلتُ بكأسِ بُعدك=كما اْثملني الوِصالُ بكأسِ رَاحه
تعلقمتُ البعادَ فكان سُماً=وسمَ البُعد يُثملُني ذُحاحه
ياخلي ليه ما قدرت حبٍ=نَبّع لك من شراييني قراحه
عطيتك ما يفوق انك تصوّر=وهجرك سل في وجهي سلاحه
زرعت إلك المشاعر في خفوقي=وري الزرع من سلم الفلاحه
وشلتك في سفن بحر القصايد=وخليت القصيد إبلا ملاحه
بصدري شلتلك عصفور حبي=وانا هالحين ابا أطلق صراحه
انا قلبي من البلور وانته=كسرته والعفو ما ابغى صلاحه
ابا قلبي مكّسر في ظلوعي=وأموت اْمن الهوى والموت راحه

[وجــــدان]

أمل الله يعطيك العافيه
صراحه هالابيات بالذات ما قدرت
اتعداه مااكمل عليها ة_ة
كملت البيتين الأوله بالفصحى والباقي نبطي..!


اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه
ولكـنّـه تنـكّـر للمـحـبّـة=غدرني في الهوى جهر وصراحه
إلا إنّي ثمِلتُ بكأسِ بُعدك=كما اْثملني الوِصالُ بكأسِ رَاحه
تعلقمتُ البعادَ فكان سُماً=وسمَ البُعد يُثملُني ذُحاحه
ياخلي ليه ما قدرت حبٍ=نَبّع لك من شراييني قراحه
عطيتك ما يفوق انك تصوّر=وهجرك سل في وجهي سلاحه
زرعت إلك المشاعر في خفوقي=وري الزرع من سلم الفلاحه
وشلتك في سفن بحر القصايد=وخليت القصيد إبلا ملاحه
بصدري شلتلك عصفور حبي=وانا هالحين ابا أطلق صراحه
انا قلبي من البلور وانته=كسرته والعفو ما ابغى صلاحه
ابا قلبي مكّسر في ظلوعي=وأموت اْمن الهوى والموت راحه

الأخ ناصر البقمي

حيّاك الله

تطبيق ولا أروع ماشاء الله عليك

انت شاعر وشاعر متميّز

صح لسانك مليوووون وننتظر تواصلك معنا في بقية أرجاء المدرسه

تحيتي لك

[فيصل الحربي]

السلام عليكم
حبيت اشارك معاكم وتسلمين يااخت امل على الموضوع المميز

اذا كان الهوى والحب راحه=فأنا ماذقت منه إلا جراحه
هويت ومالقيت اللي يقدّر=عطيته بالخفوق أكبر مساحه
ولكنّه تنكّر للمحبّة=غدرني في الهوى جهر وصراحه


عزيز النفس مايقدر يبيّّّّّّنّ
همن فيه بنى بيته بسلاحه

بس لكن زود الهم مايخفى
تشوف الهم كل عينين لماحه

[وجــــدان]

السلام عليكم
حبيت اشارك معاكم وتسلمين يااخت امل على الموضوع المميز

اذا كان الهوى والحب راحه=فأنا ماذقت منه إلا جراحه
هويت ومالقيت اللي يقدّر=عطيته بالخفوق أكبر مساحه
ولكنّه تنكّر للمحبّة=غدرني في الهوى جهر وصراحه


عزيز النفس مايقدر يبيّّّّّّنّ
همن فيه بنى بيته بسلاحه

بس لكن زود الهم مايخفى
تشوف الهم كل عينين لماحه

هلا فيك يافيصل

وحياك الله في المدرسه

تطبيقك جميل بس يحتاج بعض التعديل

عزيز النفس مايقدر يبيّّّّّّنّ
همن فيه بنى بيته بسلاحه

الشطر الأول ممتاز وموزون والثاني مكسور والفكره ماهي واضحه وبنعدله يصير :

عزيز النفس مايقدر يبيّّّّّّنّ
همومه أو شجونه أو جراحه


البيت الثاني

بس لكن زود الهم مايخفى
تشوف الهم كل عينين لماحه

هنا البيت غير موزون مع انك اقتربت كثير من البحر لكن ماتمكّنت منّه بشكل كامل وبالتعديل بيكون :

ولكنّه وسط عيني تمكَن
ومهما حاولت عيني كفاحه

صح لسانك وبالنسبه لدرس الصخري فيه امثله كثير فقط تحتاج منّك مراجعتها وستجيدها بإذن الله

ننتظر تواصلك معنا في كل الدروس

تحيتي لك

[هَذْيَّان]

غلاي


أملــي..

جئت لأخوض غمار الـ حرب

هنا..

لابأس

سـ أبدأ بـ الصخري..

انتظريني..

[أمل عبدالعزيز]

,
,

الأخ القدير فيصل الحربي :

حياك وبياك وحضور عذب
وبعد تعديل الغالية وجدان نتمنى منك العودة مرة أخرى لكي تطبِق تطبيق آخر.
.

[أمل عبدالعزيز]

,
,
,

ياااااااااااااااه

هذيان الحبيبة

حيالله هالطلة
وبصراحة الشعر حرب حرب مافيها كلام
بس يالله عاد أنتظرك بكامل قواتنا الجوية والبرية والبحرية والأرض بر ههههههه
والمدرسة تفخر وتسعد بك وبانضمامك.

.

[ساره آل مسلم]

اذا كان الهوى والحب راحه=فأنا ماذقت منه إلا جراحه
هويت ومالقيت اللي يقدّر=عطيته بالخفوق أكبر مساحه
ولكنّه تنكّر للمحبّة=غدرني في الهوى جهر وصراحه

وباع الى بقي بيني وبينه

.....................وكنه قد دري وصلي سلاحه

يا ليت البال ما فكر يحبه

....................ولا صدري يزيد انشراحه

ياليته شين وعينه ما تجنن

......................ياليت العقل به ناقص رجاحه

اذوب اتعب انا لامن لمحني

.....................يتل القلب بسيوف ورماحه
؟؟؟؟؟؟؟؟؟؟؟؟؟؟؟؟؟؟؟

[أمل عبدالعزيز]

,
,
,
الغالية الحبيبة المبدعة بصدق ( كيان مأسور )...
.

هلا فيك وفي تطبيقك الرائع وصح قلبك وكلك وكانت ابياتك يالغالية كالتالي:

وباع الى بقي بيني وبينه

.....................وكنه قد دري وصلي سلاحه

يا ليت البال ما فكر يحبه

....................ولا صدري يزيد انشراحه

ياليته شين وعينه ما تجنن

......................ياليت العقل به ناقص رجاحه

اذوب اتعب انا لامن لمحني

.....................يتل القلب بسيوف ورماحه
.
.
.
وفي الحقيقة أنها كلُها موزونة وصحيحة عدا هذا الشطر عيوني :

ولاصدري يزيد انشراحه

وسيكون بعد التعديل ياغلاتي :


وكان الصدر باقي بانشراحه


,
,
,
صح قلبك وكلك ومبدعة بصدق وشاعرة مقبلة وبقوة.
.

[سعود السلمي]

احب اشارك معاكم بقصيده متواضعه جدا على بحر المسحوب طلما هذا الموضوع مساحه حره للتطبيق .. بنغثكم شوي واعذرونا على القصور ولا نستغني عن نصائحكم وتوجهاتكم

.....


الله يجيب الخير حاضر وغايب = كلن في هالدنيا محصل نصيبه

احدن على راسه تهب الهبايب = واحدن شغل باله مراضا حبيبه

واحدن يجهزله جيوش وكتايب = همٌه على العالم يدربي مصيبه

اكبر عيوب الناس لا شفت شايب = مايهرج ألا بالهروج المعيبه

شايب كبير السن والهرج خايب = ثوب الحيا منشق كمٌه وجيبه

صار الردي في كل الاحوال صايب = واصبح مع العربان سمعه وهيبه

هذا زمانك يازمان الغرايب = صرنا نصدق كل شي ٍ تجيبه

ماعاد فالدنيا غرايب عجايب = لو قالو المرضان عالج طبيبه


وسلامتكم

[أمل عبدالعزيز]

,
,
,
الله عليك ياهاوي القصيد:


صح قلبك وكلك

الله يجيب الخير حاضر وغايـب
كلن في هالدنيا محصـل نصيبـه
احدن على راسه تهـب الهبايـب
واحدن شغل باله مراضـا حبيبـه
واحدن يجهزله جيـوش وكتايـبه
مٌه على العالم يدربـي مصيبـه
اكبر عيوب الناس لا شفت شايب
مايهـرج ألا بالهـروج المعيبـه
شايب كبير السن والهرج خايـب
ثوب الحيا منشـق كمٌـه وجيبـه
صار الردي في كل الاحوال صايب
واصبح مع العربان سمعه وهيبـه
هـذا زمانـك يازمـان الغرايـب
صرنا نصدق كـل شـي ٍ تجيبـه
ماعاد فالدنيـا غرايـب عجايـب
لو قالو المرضان عالـج طبيبـه


.
.
بجد مبدع ولله درك ودر عبيرك ومشاركة ولا أروع
تستاهل تكون في النبطي وهذا ماأتمناه وباسمك الصريح

[سعود السلمي]

احرجتينا بكلامك الجميل الله يسلمك واشكرك على الاطراء استاذتنا الفاضله

[ناصر مطلق البقمي]

مسائكم/صباحكم نكهة قهوه
.
.
بما أنها مساحه حره ابي اكتب لكم ابيات هجينه قصيره
كنت ناوي انزلها بالمنتدى لكن طرى علي قصيده ثانيه قلت اخليها بعدين


ياليل ثوب الظلام أرداك= في عين عاشق وولهاني
أموت بك بس ما أحياك= إلا مع المذن الثاني
فيك أتذكر ومن ذكراك=كن الحشا فيه نيراني
أتذكر اللي لا قال اهواك= حسيت حبه بشرياني
ياعين ياعين هلي ماك=ابطى حبيبي ولا جاني
ويا الخد ماءْ العين كان اسقاك=هذا مطر غيمة احزاني
ويالترف حزني ليا بكاك=ارجوك شفني وتقراني
طالع دموعي على فرقاك=يمكن مع الدمع تلقاني
أطيح مع دمعتي لرضاك=وهواجس الهم ترقاني
يالمترف اللي على ما جاك=فيك الغيا رد الاحساني
سبحان يالزين من سواك=ملاك في هيئة انساني
فالقد والحكي ومحياك=تقول مخلوق من شاني
قدك ليا مال في ممشاك=يشادي صْخاف الاغصاني
والحكي لا مر بين شْفاك=ترتيل تخشع له آذاني
والعين يا جعلني نفداك=في وصفها عين شيهاني
والرمش ليلٍ هجد جفناك=وجبينك بْروق الامزاني
والخد شمس المغيب وفاك=يالزين خاتم سليماني
ياوجد روحي على لاماك=لو بعدها إلبس أكفاني
اباك يا صاحبي وابغاك=وأنته على البعد تحداني
اما تجيني تحّث خْطاك=والا ابا انساك وانساني
.
.
.



عجزت يا زين ألمحلك = وانته ولا كنْك شايفني
صحيح تهجر وسامحلك=لكن ترى الموج يجرفني
حْصان الاشواق جامحلك=وايامنا السود تعسفنيوسلامة كل من مر من هنا...!

[أمل عبدالعزيز]

,
,
,
المبدع الجزل شاعر العذوبة ( ناصر البقمي )..
.

والله كلمة صح لسانك قليلة في هالرائعة
لله درك من شاعر تكتب بصدق وبروح عالية ومشاعر راقية تبعث النور حيثُما هلّت مزونها.
.
ماشاء الله ولاقوة إلا بالله.
.

[عبدالعزيز نايف]

(اذا كان الهوى والحب راحه = فانا ماذقت منه الا جراحه)
(هويت ولالقيت اللي يقدر = عطيته فالخفوق اكبر مساحه)
(ولكنه تنكر للمحبه = غدرني فالهو جهر وصراحه)
بعد ماوفيت له يجحد فعولي = بعد ماذاق من حبي قراحه
يصد ويلحق الصده بصده = لقيت الجد من نضرة مزاحه
دريت انه نواني بالخيانه = بعد ماكان للصدر انشراحه
قطعني ثم قطعته بالسهوله = تنكر والتنكر هو سلاحه

[عبدالعزيز نايف]

(ياصاحبي فالهوى مسكين = من صدق العشق واشواقه )
(الحب كذبه بناها اثنين = لاتصدق الحب واخلاقه)
الحب حب الشرف بالدين = مايزعل العبد خلاقه
الحب الاخر شبيه الدين = ياخذ وراعيه مشتاقه
حبك هذا يازمان الفين = ياكم خسر ناس عشاقه
تدرون وقت الغرام الزين = لاحج ناقه على ناقه


تطبيقين كيبورديه واسف على التاخير

[أمل عبدالعزيز]

,
,
,

عاشق الصيد


الله عليك وصح قلبك وكلك

قلتها قبل شاعر وشاعر وشاعر

مبدع حدّ اللاحد...
.

[سعود السلمي]

تنشيط للموضوع وتدريب على هذا البحر هذي قصيده متواضعه ماعرف بحرها



افرد جناحك للهوا ياطير = لو كان تبغى ريش جنحاني
سيٌر على ديره سقاها الخير = خير الحيا من غرٌ الامزاني
ارسل تحياتي مع التقدير = من داخل اعماقي ووجداني
الوضع مايستحمل التاخير = رد الجواب ابا ارسل الثاني
لو خانني في وصفها التعبير = ماتلحق الشرهه على لساني
فالنفس شحنه باقي التفجير = متى على الله تسمع اشجاني
اقبْل بصبحك ياصباح الخير = خل الطيور تغرد اللحاني
يمكن سكون الارض منها تصير = مابين زلزل ٍ وبركاني
هذي حياتي في غيابك غير = شفت الهموم اشكال واللواني
يالله تعالي يازهور النير = قدام ينشف دم شرياني
ماتنفع الاعذار والتبرير = ماهو علشانك على شاني
حشاك ياعمري من التقصير = انتي عدوت فارس احزاني
هذا جميلك ذاك يوم عصير = والله لردٌه كانه احياني

[وجــــدان]

تنشيط للموضوع وتدريب على هذا البحر هذي قصيده متواضعه ماعرف بحرها



افرد جناحك للهوا ياطير = لو كان تبغى ريش جنحاني
سيٌر على ديره سقاها الخير = خير الحيا من غرٌ الامزاني
ارسل تحياتي مع التقدير = من داخل اعماقي ووجداني
الوضع مايستحمل التاخير = رد الجواب ابا ارسل الثاني
لو خانني في وصفها التعبير = ماتلحق الشرهه على لساني
فالنفس شحنه باقي التفجير = متى على الله تسمع اشجاني
اقبْل بصبحك ياصباح الخير = خل الطيور تغرد اللحاني
يمكن سكون الارض منها تصير = مابين زلزل ٍ وبركاني
هذي حياتي في غيابك غير = شفت الهموم اشكال واللواني
يالله تعالي يازهور النير = قدام ينشف دم شرياني
ماتنفع الاعذار والتبرير = ماهو علشانك على شاني
حشاك ياعمري من التقصير = انتي عدوت فارس احزاني
هذا جميلك ذاك يوم عصير = والله لردٌه كانه احياني

الله عليك ياهاوي

بجد مفاجأه جميله منك هذه القصيده وعلى هذا اللحن أو الطرق واجادتك له بكل روعه وتمكن

وتمنيت لو كانت في النبطي

صح لسانك مليووووووووووووون والله قمه في الروعه وزن ومعنى

تحيتي لك

[سعود السلمي]

صح بدنك ملياار أستاذتي وجداان يكفيني شرف قرائتك لهاا وتعقيبك

[محمد نايف العتيبي]

لله درك

هاوي الغالي والقريب الى قلبي : هاوي قصيد
بيض الله وجهك وسللمت

وصح لسااااااااااااااانك

قافيه احبها وبحر اعجبني , ويبي لها مجاراه بس انشالله افضي لها


محمد بن نايف

[أمل عبدالعزيز]

,
,

هاوي القصيد ( الشاعر المبدع بصدق ) ..
.
افرد جناحك للهوا ياطير = لو كان تبغى ريش جنحاني
سيٌر على ديره سقاها الخير = خير الحيا من غرٌ الامزاني
ارسل تحياتي مع التقدير = من داخل اعماقي ووجداني
الوضع مايستحمل التاخير = رد الجواب ابا ارسل الثاني
لو خانني في وصفها التعبير = ماتلحق الشرهه على لساني
فالنفس شحنه باقي التفجير = متى على الله تسمع اشجاني
اقبْل بصبحك ياصباح الخير = خل الطيور تغرد اللحاني
يمكن سكون الارض منها تصير = مابين زلزل ٍ وبركاني
هذي حياتي في غيابك غير = شفت الهموم اشكال واللواني
يالله تعالي يازهور النير = قدام ينشف دم شرياني
ماتنفع الاعذار والتبرير = ماهو علشانك على شاني
حشاك ياعمري من التقصير = انتي عدوت فارس احزاني
هذا جميلك ذاك يوم عصير = والله لردٌه كانه احياني
.
.

وماذا بعد هذا ؟
ماذا تنتظر ياهاوي؟
والله شعر وشعر وشعر وشعر
لله درك ودر قلبك
ولتعلم ياأخي هاوي أن هذا البحر بالذات من البحور التى كثير من فطاحلة الشعراء يخطيء فيه ويلتبس عليه أمره مع الهجيني ..
وأنت هنا أتيت بقافية ومعنى وبحر وشعر!!
ماشاء الله عليك والله لايضرك يامبدع
وأطااااااااالبك من قلب صادِق أن تعلن اسمك وتنافس المراكز الأولى فأنت هنا أجدت أيما إجادة .....

[سعود السلمي]

الغالي محمد نايف العتيبي

انت منت قريب لقلبي ألا داخل فيه وشرفني مرورك ولو جاريتها ببيت واحد تكفي عن كل القصيده يالجزل .. عموما مرورك يكفي لاتعب نفسك أعتبرها وصلت ولاهنت على مرورك المشرف دائما وابدا

[سعود السلمي]

أستاذتنا الكبيره أمل عبدالعزيز

أفحمتيني والله مدري وش اقولك الواحد يحتاج خمس طعشر لسان ولغة فيها عشر الالف حرف ويادوب يقدر يعبر عن شكره الكبير على متابعتك وتشجيعك وكرم روحك وشهامتك مع الجميع

إن شاء الله اكون عند حسن ظنك دائما وابداا يا أستاذتنا

[مها الحسن]

<<< طلعت تحل التمرين ورجعت :خجل:



اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه
عطيته شوق واحساس ومودّه=وقلت الروح بيدينك متاحه
وهبته بالنقاء صادق شعوري=ليالي الشوق في عيني مراحه
ولكـنّـه تنـكّـر للمـحـبّـة=غدرني في الهوى جهر وصراحه
خيانه ضيّعت كل الأماني =وصرح العشق اعلنها مناحه
تقبّلت العزا ف اجمل مشاعر=كتبها خافقي شوق و ملاحه
كرهت العشق واحلام الطفولة=سواد الغدر لبّسني وشاحه
حلفت ايمان يانفسي وعيني=معاد تعيش لهفاتك جراحه

انتظروني في الثاني :يمه:

[مها الحسن]

:يمه:


ياووووووويلي لو ارسب في التطبيق ياابللاااتي

<<< ترتجف


ياصاحبي في الهوى مسكين=من صدق العشق واشواقـه
الحب كذبـة بناهـا اثنيـن =لاتصدق الحـب وأخلاقـه
هذا الزمن زمن الخاينين= شوف الهوى طوّح اوراقه
ترسم ويرسم على الحبلين= كلمه وضحكه واشراقه
اثنينهم مستوي ياعين = وكلٍ بدا يشد ف وثاقه
خالد ( يبصبص ) على نسرين = وصار الغلا بينهم ( حاقه )
دايم كلامه ياوّش الزين = ودّي اسكن القلب و ( امواقه )
يعني الهوى لعبه المسكين = اللي هوى وخانت اشواقه



<<< خرجت وهي تدعوا بالنجاح لنفسها والفوز والفلاح مسا وصباح هههههههههه:واو:

[أمل عبدالعزيز]

<<< طلعت تحل التمرين ورجعت :خجل:



اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه
عطيته شوق واحساس ومودّه=وقلت الروح بيدينك متاحه
وهبته بالنقاء صادق شعوري=ليالي الشوق في عيني مراحه
ولكـنّـه تنـكّـر للمـحـبّـة=غدرني في الهوى جهر وصراحه
خيانه ضيّعت كل الأماني =وصرح العشق اعلنها مناحه
تقبّلت العزا ف اجمل مشاعر=كتبها خافقي شوق و ملاحه
كرهت العشق واحلام الطفولة=سواد الغدر لبّسني وشاحه
حلفت ايمان يانفسي وعيني=معاد تعيش لهفاتك جراحه

انتظروني في الثاني :يمه:

.
.

المبدعة والرائعة مها الحسن :

صح قلبك وكلك
تطبيق أروع من الروعة نفسها
ماشاء الله لاقوة إلا بالله

وأنا من هذا المنبر أطااااااالبك الليلة بأن تقومي بإنزال هذه القصيدة في النبطي ( ولاعليك أمر ) ..
.

ومرة ثانية صح قلبك وكلك...

.

[أمل عبدالعزيز]

,
,
,

وعن تطبيقك الثاني صح لسانك وأبدعتي ياغاليتي وسيكون لي عودة مفصّلة ..
.

[مها الحسن]

:كلوش:
<<< تخررررررررجت ابشششششششششششركم ههههههههههههههه:واو:
ابلتي يابلتي يعني خلاص ممتازة انا؟ طيب عطوني شهادة لاااااااااااازم هههههههه

[مها الحسن]

الا صدق تطبيقي الثاني وش علته يوم ماقلتي نزليه قصيدة


<<< واثقة هههههههههههه:واو:

انا بدعي ربي تقبلونه وانزله مع اخوه ههههههههههههههه

لاهنتي يالسنااااافية

[سعود السلمي]

عندي قصيدة غضيت النظر عن تكملتها وتنقيحها
وحبيت اطرحها هنا لمثواها الاخير علشان تبقى للذكرى



يالي زرعت الحب فارض الكرامه = لاتنتظر من قاطع الودٌ تجريح
تبقى على رزق المطر والغمامه = اخير من دمعة عيون التماسيح
لاترتجي خبز البخيل ويدامه = ماهو لغيره لو في صحنه مفاطيح
هذا الردي فالعين قلٌ احترامه = يشكي من الايام ويقوم ويطيح
عمر الرخامه ماتجيب الزعامه = هذا كلام ٍ مايبا اليوم تصحيح
الي بنى مجده بعز وشهامه = ماينهدم مع هبت النود والريح
والي بنى مجده بكثرة كلامه = اقولها بالكاش من دون تلميح
الله يهنيكم بطيب الإقامه = يالي بنيت المجد من دون تصريح

[أمل عبدالعزيز]

عندي قصيدة غضيت النظر عن تكملتها وتنقيحها
وحبيت اطرحها هنا لمثواها الاخير علشان تبقى للذكرى



يالي زرعت الحب فارض الكرامه = لاتنتظر من قاطع الودٌ تجريح
تبقى على رزق المطر والغمامه = اخير من دمعة عيون التماسيح
لاترتجي خبز البخيل ويدامه = ماهو لغيره لو في صحنه مفاطيح
هذا الردي فالعين قلٌ احترامه = يشكي من الايام ويقوم ويطيح
عمر الرخامه ماتجيب الزعامه = هذا كلام ٍ مايبا اليوم تصحيح
الي بنى مجده بعز وشهامه = ماينهدم مع هبت النود والريح
والي بنى مجده بكثرة كلامه = اقولها بالكاش من دون تلميح
الله يهنيكم بطيب الإقامه = يالي بنيت المجد من دون تصريح


,
,
,
هاوي القصيد
وش أقول؟
ياااااااااااه عليك

وماشاء الله تبارك الرحمن

مبدع ومبدع وقمّة وشعر ومعنى وحكمة ..

والله بقلبي كلمة وبقولها لك: الله يسامحك

مثل هالشعر ماينسب إلا لصاحبه
وحرام يندفن حررررررررررام ياهاوي
.
.
بقدر مابهرتني بالأبيات بقدر ماصدمتني بقولتك تندفن هناااا

لييييييييه ياهاوي ليه؟؟

صح قلبك وكلك

[سعود السلمي]

أستناذتنا القديره أمل عبدالعزيز

لاتقولي شيء لاني مدري وش اقول ههههههه

انا لو عندي قصيدة كامله تسوي بيت من ابياتك قلت عن نفسي شاعر

لكن حالياا نكساتي اكثر وكلها تدخل في إطار المحاولات الشعرية

ماوصلت درجة القناعة التامة وأخفاقاتي أكثر وانا ما اقتنع في شيء اكتبه بسهوله

الاهم من هذا كله تشجيعك الكبير وتواضعك معانا يخلي الواحد يصير شاعر بالقوه

لانك انسانه طيبه وخيرك كثير على الجميع وراح نذكرك والله بالخير دائما وابداا

اشكرك أستاذتا الفاضله

[ساره آل مسلم]

السلااااااااام

كيف حالكون
هذي تطبيقات على الماشي وباقي فيه غيرها بس ذي الدفعه الاولى



حالى ترى غادي(ن) مظيوم=كل ما تذكرت انا الفرقى

وضحك وقيدي تراه اهموم =افزع ابنقذ وانا غرقى

مغدور دربي امتلى بسهوم = لقيت ويااكثر ما بلقى

اطعون وجروح فيني دوم = تسكن بجوفي هي وتُسقى

من دمي تشقيني بين القوم = واقلب غروبي انا شرقى

ما عدت اميز من المظلوم =اتعب وابكي انا بحرقى

الوم نفسي وياااهو لوم = لومي انا لحظة الفرقى------------------------

عجزت افهم انا حالى = ومدري جد وش بدي
وبالي صايرً سالي = ووضعي صار متردي
افاول فيني وبفالي = اصدق حالي من جدي
وهمي طالب وصالي = وفرحي ناويً صدي
صبرت في عز غربالي = الين اتشت فيى حدي
وصرت انسان ما يبالي = اقول اللي انا ودي
بدون انقي اقوالي = واجرح يااقسى ردي
يمل الحال وش مالي = قسى قلبي نسى ودي
جنيت وعدت الجالي = لجيت الحالي من ضدي
وصار الدمع همالي = تجرح دمعتي خدي============


والله احس اني مخبصه فيها لكن العذر والسموحه

[ساره آل مسلم]

أستناذتنا القديره أمل عبدالعزيز


الاهم من هذا كله تشجيعك الكبير وتواضعك معانا يخلي الواحد يصير شاعر بالقوه

لانك انسانه طيبه وخيرك كثير على الجميع وراح نذكرك والله بالخير دائما وابداا

اشكرك أستاذتا الفاضله

انا اشهد

[وجــــدان]

السلااااااااام

كيف حالكون
هذي تطبيقات على الماشي وباقي فيه غيرها بس ذي الدفعه الاولى



حالى ترى غادي(ن) مظيوم=كل ما تذكرت انا الفرقى

وضحك وقيدي تراه اهموم =افزع ابنقذ وانا غرقى

مغدور دربي امتلى بسهوم = لقيت ويااكثر ما بلقى

اطعون وجروح فيني دوم = تسكن بجوفي هي وتُسقى

من دمي تشقيني بين القوم = واقلب غروبي انا شرقى

ما عدت اميز من المظلوم =اتعب وابكي انا بحرقى

الوم نفسي وياااهو لوم = لومي انا لحظة الفرقى------------------------

عجزت افهم انا حالى = ومدري جد وش بدي
وبالي صايرً سالي = ووضعي صار متردي
افاول فيني وبفالي = اصدق حالي من جدي
وهمي طالب وصالي = وفرحي ناويً صدي
صبرت في عز غربالي = الين اتشت فيى حدي
وصرت انسان ما يبالي = اقول اللي انا ودي
بدون انقي اقوالي = واجرح يااقسى ردي
يمل الحال وش مالي = قسى قلبي نسى ودي
جنيت وعدت الجالي = لجيت الحالي من ضدي
وصار الدمع همالي = تجرح دمعتي خدي============


والله احس اني مخبصه فيها لكن العذر والسموحه

الغاليه الشاعره كيان مأسور

أولاً أعتذر عن تأخري في الرد عليك والعتب على النظر والله

ثانياً ياهلا ومسهلا فيك ولك وحشه والله في المدرسه وعسى ماشر بس ؟

أمّا تطبيقاتك وهي على الهجيني والهزج فصح لسانك مليوووووون ياقمر وكعادتك مبدعه ولي ملاحظات بسيطه بس سأعود لتوضيحها بحول الله

ياهلا فيك والمعذره مرّه ثانيه للتأخير

تحيتي لك

[ع ـبدالرحمن البلوي]

بسم الله الرحمن الرحيم


هذي ابياات تطبيقيّـه على بعض البحور


الهجيني



الضيق فيني بناله بيت=والليل والهم زواره

0
0
الهجيني القصير


معقوله يابنيّـه .. ماتدري الكذب خيبه=مكشوفة ٍ والله من أولهآ يآبنيّـه
من يوم شفتك وأحس الأمر به ريبه=لين إنقطع حبل كذبك .. وزالت الفيّـه

0
0
المسحوب


وشلون راحت واتركتني لحالي=وانا تركت الكون كله لاجـِلـْـها
كـانت سرآجي في ظلام الليالي=والروح لا تعبت تجي تنتشلها

0
0
الحدا


شفت الكذب وحباله اللي ماسك ٍ فيها قصـار=وانا رميت لقلبك اول حبل صدقي ماتريد
تحسب خداعك مع مرور ايام فيه الإنتصـار=ترى الكذب مثل العمر .. ينقص اذا شفته يزيد

0
0
الهزج


كـذا طبعك .. تجـافيني..!!=وانا مهدي لك أنفـاسي ..!!
وأصلا ً .. مـحتكر عيني=أشوفـك .. وأجهل الناس ِ ِ

0
0
الشيباني


يادنيـا .. وضحي لي بس .. من الصادق ؟ من الكـذاب=من اللي لا فقدني حس فيني ويسأل اصحابي
ومن اللي لا لمحني قرّب الكـذبـه لـحد الناب=ولا من غبت .. كنـّـه .. منبسط من طولة غيـابي


0
0
الفنون او اللعبوني


يـا صبـاحي ليه بعثـرت المـسا=وانتثـر كل جزء مِـنـْه بزاويـه
ما تـوقعتك تخلـّيه إحـتـسـا=واللـيالـي تسـقـط من الـهـاويه


تحيآتي

[ساره آل مسلم]

الغاليه الشاعره كيان مأسور

أولاً أعتذر عن تأخري في الرد عليك والعتب على النظر والله

ثانياً ياهلا ومسهلا فيك ولك وحشه والله في المدرسه وعسى ماشر بس ؟

أمّا تطبيقاتك وهي على الهجيني والهزج فصح لسانك مليوووووون ياقمر وكعادتك مبدعه ولي ملاحظات بسيطه بس سأعود لتوضيحها بحول الله

ياهلا فيك والمعذره مرّه ثانيه للتأخير

تحيتي لك

ياقلبي ما يوحشك غالي والشر ما يجيك
والله شوية ضروف حدتني ابعد بس ها انا هنا مالي غنى عنكم
وشهي ملاحظاتك؟؟ :مزون:

شكلي فقدت التركيز :icon_conf بعد الغياب

[وجــــدان]

الغاليه كيان مأسور

في الشطر هذا الوزن ماضبط معاك مستعجله شكلك كالعاده هههههههههههه

تسكن بجوفي هي وتُسقـى

وهنا فيه ثقل غيري صياغة الشطر وانتي قادره على كذا ياشاعره

من دمي تشقيني بين القـوم

واعذريني لو تأخرت عليك ياقمر

تحيتي لك

[وجــــدان]

بسم الله الرحمن الرحيم


هذي ابياات تطبيقيّـه على بعض البحور


الهجيني



الضيق فيني بناله بيت=والليل والهم زواره

0
0
الهجيني القصير


معقوله يابنيّـه .. ماتدري الكذب خيبه=مكشوفة ٍ والله من أولهآ يآبنيّـه
من يوم شفتك وأحس الأمر به ريبه=لين إنقطع حبل كذبك .. وزالت الفيّـه

0
0
المسحوب


وشلون راحت واتركتني لحالي=وانا تركت الكون كله لاجـِلـْـها
كـانت سرآجي في ظلام الليالي=والروح لا تعبت تجي تنتشلها

0
0
الحدا


شفت الكذب وحباله اللي ماسك ٍ فيها قصـار=وانا رميت لقلبك اول حبل صدقي ماتريد
تحسب خداعك مع مرور ايام فيه الإنتصـار=ترى الكذب مثل العمر .. ينقص اذا شفته يزيد

0
0
الهزج


كـذا طبعك .. تجـافيني..!!=وانا مهدي لك أنفـاسي ..!!
وأصلا ً .. مـحتكر عيني=أشوفـك .. وأجهل الناس ِ ِ

0
0
الشيباني


يادنيـا .. وضحي لي بس .. من الصادق ؟ من الكـذاب=من اللي لا فقدني حس فيني ويسأل اصحابي
ومن اللي لا لمحني قرّب الكـذبـه لـحد الناب=ولا من غبت .. كنـّـه .. منبسط من طولة غيـابي


0
0
الفنون او اللعبوني


يـا صبـاحي ليه بعثـرت المـسا=وانتثـر كل جزء مِـنـْه بزاويـه
ما تـوقعتك تخلـّيه إحـتـسـا=واللـيالـي تسـقـط من الـهـاويه


تحيآتي

الأخ عبدالرحمن البلوي

مبدع ماشاءالله في كل البحور وتتميّز أبياتك بعذوبة المفرده الله لايضرّك

صح لسانك مليوووووون

لي ملاحظه بسيطه خارج الوزن في البيت هذا

وأصلا ً .. مـحتكر عيني=أشوفـك .. وأجهل الناس

الناسِ هنا عسفتها لتتماشى مع القافيه وما ابغاك تتعوّد على كذا لأنه ضعف في الشاعر حتى لو كان مشهور ،، ولو قلت ( أشوفك وانسى جلاّسي ) بتكون أجمل ،،، مجرد راي وانت شاعر ياعبدالرحمن والطريق أمامك مليء بالابداع

ملاحظه أخيره وهي خاصه بالهجيني كمسمّى ويطلق على الهجيني القصير الشمالي وعادة لايأتي وصف له فيقال ( الهجيني ) والنوع الآخر الهجيني الجنوبي وهو مانسميه الهجيني الطويل وليس القصير وهو تطبيقك الثاني هنا

بالتوفيق وصح لسانك مرّه ثانيه

تحيتي لك

[ساره آل مسلم]

يااالب قلبس يا عنوني تيب وش رايك بذي عسى ما فيها قصور




بشويش هد الوضع يا زين بشويش=واللي تبي والله قد قلت لك جاااااك
ترى غلاك مشوش البال تشويش=والقلب حالفً كذا غصب يهواااااك
دخلت قلبي يا الغلا دون تفتيش =سموك انت تمر والباقي منااااك
اسكر على طااريك من غير تحشيش=سبحانه الى يا منى الروح حلاااك
من دون شخصً نعشقه ليه بنعيش=وشهو الغلا دام الوله مااااهو وياااك

[ساره آل مسلم]

وذي بعد...وياقي كثيير


احبك ....قالها غيرك..ولاكن ما حصل تغيير =واذا جيت انت تنطقها احس انك تقيدني

ابي هالكلمه لي وحدي وعن باقي البشر تشفير= اقفلها برقم سري ..واذا ودي تسمعني

تراني اعشقه طيفك بدون مبالغه وتكبير= لحاله طيفك لحاله....اذا شفته يسهرني

انا ارجوك ياعمري تظل بجنبي مهما يصير=ترى دنياي من دونك قساها حيل يقتلني

تراه (الصوت)مايكفي ولاكن صار لي تصبير =ولا تكفيني( الصوره) ولو ما فارقت عيني

ما ادري جيجي لا زم قافية العجز تكون 3 حروف ولا كذا عادي؟؟؟

[ع ـبدالرحمن البلوي]

صــح بدنـك خيتي وجدان


ورايك يآخيّـه بمثآبة درس لي ... وإن شاء الله أبتعد عن هذا الثقل مُـسـتقبلا ً


0
0
بالنسبه للبحور .. انا مافهمتك بالضبط

تقصدي يعني إن اللي انا كاتبه الهجيني .. مسمّـآه الهجيني القصير

واللي كاتبه انا الهجيني القصير .. مسمّـاه الهجيني الطـويل ؟

وشآكرلك كلامك الجميل ونصآيحك لي
وأنتظـر ردك

تحياتي لكـِ

[ع ـبدالرحمن البلوي]

توي أنتبه إن الدرس إسمه الهجيني الطويل ههههههههههههههههههههههههه ههههه

العجله دآيم تضيّـع

شآكرلك خيتي وجدان تنبيهك لنقطـه كنت مآشي عليهآ ومخلـّيـهـآ أسآس


تحياتي لكـِ

ودمتي بخير

[وجــــدان]

يااالب قلبس يا عنوني تيب وش رايك بذي عسى ما فيها قصور




بشويش هد الوضع يا زين بشويش=واللي تبي والله قد قلت لك جاااااك
ترى غلاك مشوش البال تشويش=والقلب حالفً كذا غصب يهواااااك
دخلت قلبي يا الغلا دون تفتيش =سموك انت تمر والباقي منااااك
اسكر على طااريك من غير تحشيش=سبحانه الى يا منى الروح حلاااك
من دون شخصً نعشقه ليه بنعيش=وشهو الغلا دام الوله مااااهو وياااك

السكبه الغاليه

هههههههههههههههههه

صح لسانك مليوووووون وزن ميه ميه على المسحوب لكن تبين الصراحه اللي مابعدها صراحه والله ضحكت من البيت حق السكار والحشيش ههههههههههههههههه وش هالكلام بالله هههههههههههههههه لاتخلين القافيه تجبرك على مفردات لاتليق بك كفتاه وحتى والله للشعراء المفرده هذي غير لائقه

شيلي هالبيت ياقمر وكملي القصيده لأن قافيتها روعه وانتي ضابطه البحر صح صح

تحيتي لك

[وجــــدان]

وذي بعد...وياقي كثيير


احبك ....قالها غيرك..ولاكن ما حصل تغيير =واذا جيت انت تنطقها احس انك تقيدني

ابي هالكلمه لي وحدي وعن باقي البشر تشفير= اقفلها برقم سري ..واذا ودي تسمعني

تراني اعشقه طيفك بدون مبالغه وتكبير= لحاله طيفك لحاله....اذا شفته يسهرني

انا ارجوك ياعمري تظل بجنبي مهما يصير=ترى دنياي من دونك قساها حيل يقتلني

تراه (الصوت)مايكفي ولاكن صار لي تصبير =ولا تكفيني( الصوره) ولو ما فارقت عيني

ما ادري جيجي لا زم قافية العجز تكون 3 حروف ولا كذا عادي؟؟؟

السكبه الشاعره الرائعه

صح لسانك مليوووووون

وبالنسبه للقافيه لو التزمتي بقافيه موحده للعجز كان أفضل وأجمل ووقعها الشعري بيكون صحيح عيدي صياغتها على وحده من قوافي العجز تكون غنيّه بالمفردات وبتكون رائعه أما الوزن ميه ميه ماشاء الله عليك على البحر الشيباني

تحيتي لك ولحضورك الرائع

[وجــــدان]

توي أنتبه إن الدرس إسمه الهجيني الطويل ههههههههههههههههههههههههه ههههه

العجله دآيم تضيّـع

شآكرلك خيتي وجدان تنبيهك لنقطـه كنت مآشي عليهآ ومخلـّيـهـآ أسآس


تحياتي لكـِ

ودمتي بخير

الأخ الشاعر عبدالرحمن البلوي

ههههههههههههههههههههه

زين اللي انتبهت وانا كنت عارفه انه مجرّد لخبطه في الاسم

تحيتي لك

[ساره آل مسلم]

وذي بعد...وياقي كثيير


احبك ....قالها غيرك..ولاكن ما حصل تغيير =واذا جيت انت تنطقها تضيعني انا فيني

ابي هالكلمه لي وحدي وعن باقي البشر تشفير= اقفلها برقم سري ..واذا ودي بها ارويني

تراني اعشقه طيفك بدون مبالغه وتكبير= لحاله طيفك لحاله....اذا شفته يعنيني

انا ارجوك ياعمري تظل بجنبي مهما يصير=ترى دنياي من دونك قساها حيل يدميني

تراه (الصوت)مايكفي ولاكن صار لي تصبير =ولا تكفيني( الصوره) ولو ما فارقت عيني







بعد التعديل:wink:

[ساره آل مسلم]

يااالب قلبس يا عنوني تيب وش رايك بذي عسى ما فيها قصور




بشويش هد الوضع يا زين بشويش=واللي تبي والله قد قلت لك جاااااك
ترى غلاك مشوش البال تشويش=والقلب حالفً كذا غصب يهواااااك
دخلت قلبي يا الغلا دون تفتيش =سموك انت تمر والباقي مناااك

صبرك عليه لاتكثر من الليش=ان كنت اببعد راجعًً دايمً باااك

على فراقي لازم الصبر معليش=حتى قليبي صعب يبقى بليااااك

من غير حبك كيف قلبي انا يعيش=سبحانه الى يا منى الروح حلاااك
رجعتني لهبالي رجعته الطيش=لعيونك انت وبس هالعمر يفدااااك
اشهد بانك ياغلا صدق درويش=ما عاش منهو يا ضوى العين عااداك


بعد التعديل:wink:

[ساره آل مسلم]

يااالب قلبس يا عنوني تيب وش رايك بذي عسى ما فيها قصور




بشويش هد الوضع يا زين بشويش=واللي تبي والله قد قلت لك جاااااك
ترى غلاك مشوش البال تشويش=والقلب حالفً كذا غصب يهواااااك
دخلت قلبي يا الغلا دون تفتيش=سموك انت تمر والباقي مناك
صبرك عليه لاتكثر من الليش=ان كنت اببعد راجعًً دايمً باااك

على فراقي لازم الصبر معليش=حتى قليبي صعب يبقى بليااااك

من غير حبك كيف قلبي انا يعيش=سبحانه الى يا منى الروح حلاااك
رجعتني لهبالي رجعته الطيش=لعيونك انت وبس هالعمر يفدااااك
اشهد بانك ياغلا صدق درويش=ما عاش منهو يا ضوى العين عااداك


بعد التعديل:wink:

[طيب الفالي]

السلام عليكم

اولا: اشكر الدكتوره امل عبدالعزيز

على هذا الصرح المفيد والجميل


وانا سجلت قبل دقايق وحابب اضيف ماتعلمته من مواضيع

الاخت امل عبد العزيز...


من بحور الشعر:


فاتمنا التقيم منها ومنكم...



هجيني قصير:


ياسعود قلبي غدا مرتاب///وضاق في صدري.. اساليبه



الهجيني الطويل:



بقصد ديار الجنوب النفس ولهانه// دارن تحلل عليها عظام جداني



على الشيباني(حبيبي اسف ازعتجك)


اشوفك كامل الاوصاف بعد ناقص عذاريبك///كما نورن تهلل في جيوش الحب مغزيها




على الصخري:



عسانا ماقوينا الحب كله///ولانرخص جبانا والعزيمه

وكم قلنا عسانا مانسينا//علوم المرجله ...طيب وغنيمه

[أمل عبدالعزيز]

,
,,
,

الأخ القدير طيب الفال :

حياك وبياك بالمدرسة وعلى الرحب والسعة..

تطبيقاتك رائعة جميعاً وهي متنوعة البحور ولا أملك سوى قول صح قلبك وهناك ملحوظة بسيطة على البيت الأول على البحر الهجيني والخلل كان فقط في العجز دون الصدر

فأنت قلت:

ياسعود قلبي غدا مرتاب///وضاق في صدري.. اساليبه

والصحيح يكون:


ياسعود قلبي غدا مرتاب=والصدر ضايق باساليبه


تم دمج الموضوع ياأخ طيب لأجل أن يكون في المكان المناسب له ...
أنتظر منك عودة في كل درس على حدا ووضع تطبيق إن سمح لك وقتك.
.

تحيتي لك وتقديري..

[طيب الفالي]

مشكوره

الدكتوره امل


وانشالله اكون صديق لكم


لكن هل جميع ماطبقته صحيح اولا؟


وشكرا

[طيب الفالي]

اتمنى منكم التقيم على القصيده على لحن المسحوب....


وشاكر لكم ....ومن كل قلبي

ليت الزمن يرجع اباخذ لي دروس=بلي حصل وصار في وقت الحالي

بحسب حساب الحاضر يمكني مادوس=في ذا الخطا واعرف كل اللي جرالي

ياكم صديقً بان لي وجهه المعكوس=على القفا معطيني في وقت التالي

وياكم صديقً لاضحك نابه من سوس=تبين كل حقده نارً وصالي

بس الحسايف حالته بعَضَ الضروس=ولاا ينفع دموعً بالخَد سالي

لكَنَ يبين المسلم ويبين الهندوس=ولوٌ غدت اشباه الرجال ليالي

بس مالي بالرفيق اللي صحبته موس=يبدي علي بيامً بيضً صقالي


ولوُ خلت من داري لٍٍٍٍ دار القابوس=يكفيني دمعً بالبكا عارف حالي

[وجــــدان]

الأخ طيب الفال

الرجاء عدم طرح قصائد منفرده هنا في المدرسه

الطرح يكون من خلال المواضيع فقط

صح لسانك

تحيتي لك

[عبدالعزيز بن هويمل]

السلام عليكم أختي امل ووجدان ..

وهذا تطبيقي ..عسى يكون زين ..


اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه
ولكـنّـه تنـكّـر للمـحـبّـة=غدرني في الهوى جهر وصراحه
ولا لي حيلة غير التنهّد=ضرى قلبي على الغدر ورماحه
سألت اللي يعوضني بخيرٍ=وعوضني براحة وانشراحه
عقب هجره يجيني يرتجيني=ندم يبغاني يطلبني سماحه
وانا والله طابت نفسي منه=مهوب القلب كورة في براحه
يشوته كلما وده يشوته=ومن غيري يبي له كذب راحه
سألته بالذي نجاني أغرق=تعاف النفس بحرك والسباحه

[عبدالعزيز بن هويمل]

خواتي ..عسى منيب بس مزعل المنتدى أو أحد في شي:)
عملوني بخطاي وأعتذر ..

وصدق والله ..إن كان شفتوني منيب لم شعر ..قولوا لي ..علشان ما أوجع راسي ..من كثر التفكير والهواجيس..

وبالعكس بآخذ بكلامكم ..لأني حاطكم مثل أعلى لي في هذا المجال وأنتم أفهم مني:)

تحياتي لكم..والله يحفظكم

http://www.banyzaid.com/vb/images/smilies/j9.gif

[وجــــدان]

اتمنى منكم التقيم على القصيده على لحن المسحوب....


وشاكر لكم ....ومن كل قلبي

ليت الزمن يرجع اباخذ لي دروس=بلي حصل وصار في وقت الحالي

بحسب حساب الحاضر يمكني مادوس=في ذا الخطا واعرف كل اللي جرالي

ياكم صديقً بان لي وجهه المعكوس=على القفا معطيني في وقت التالي

وياكم صديقً لاضحك نابه من سوس=تبين كل حقده نارً وصالي

بس الحسايف حالته بعَضَ الضروس=ولاا ينفع دموعً بالخَد سالي

لكَنَ يبين المسلم ويبين الهندوس=ولوٌ غدت اشباه الرجال ليالي

بس مالي بالرفيق اللي صحبته موس=يبدي علي بيامً بيضً صقالي


ولوُ خلت من داري لٍٍٍٍ دار القابوس=يكفيني دمعً بالبكا عارف حالي

الأخ طيب الفال

حياك الله ولي رجعه ان شاء الله لتطبيقك

وأعتذر للتأخير

تحيتي لك

[وجــــدان]

السلام عليكم أختي امل ووجدان ..

وهذا تطبيقي ..عسى يكون زين ..


اذا كان الهوى والحـب راحـه=فأنا ماذقـت منـه إلا جراحـه
هويت ومالقيـت اللـي يقـدّر=عطيته بالخفوق أكبـر مساحـه
ولكـنّـه تنـكّـر للمـحـبّـة=غدرني في الهوى جهر وصراحه
ولا لي حيلة غير التنهّد=ضرى قلبي على الغدر ورماحه
سألت اللي يعوضني بخيرٍ=وعوضني براحة وانشراحه
عقب هجره يجيني يرتجيني=ندم يبغاني يطلبني سماحه
وانا والله طابت نفسي منه=مهوب القلب كورة في براحه
يشوته كلما وده يشوته=ومن غيري يبي له كذب راحه
سألته بالذي نجاني أغرق=تعاف النفس بحرك والسباحه

الأخ السرمدي

صح لسانك مليوووون

تطبيق ممتاز وسليم الوزن يعطيك العافيه

تحيتي لك

[عبدالعزيز بن هويمل]

الله يعافيك أختي وجدان ..ويحفظك:redface:

[خالد بن محيل]

مشكورة على هذا التميز

[بيان الغنامي]

يعطيك 1000 عافيه