وينكم يالشعار

[الشاعر الرهاوي]

استلمو ياشعار


من هجوس الشاعر اللي ماتغني بالهزيله =مرحبا ترحيبتن من قلب ينطقها لساني
دورولي شاعرن يشتد بالميقاف حيله = مايكسر فالبيوت ولا يغير فالمعاني

[مسفر الدوسري]

استلمو ياشعار


من هجوس الشاعر اللي ماتغني بالهزيله =مرحبا ترحيبتن من قلب ينطقها لساني
دورولي شاعرن يشتد بالميقاف حيله = مايكسر فالبيوت ولا يغير فالمعاني


البقاء يا اللي ترحب و أنت من ربع الفضيله = جاك شاعر دايمٍ علوا ما ينزل للطماني
الجزيله يا الرهاوي ما تجازى الا با الجزيله = و أنته لسانك حصانك مثل ما الساني حصاني

[ربح السبيعي]

صح لسانك يالشاعر الرهاوي


على هالمبداء المتميز


حبيت اني اجاريك ولاكن سبقني اخوي مسفر الدوسري


صح لسانك يامسفر واصل مع الرهاوي والمعذره انا يوم رديت ماشفت ردك الابعد نزلت ردي


واصلو وانا ماسك الصفين

[مسفر الدوسري]

مرحبا و مسهلا يا ربح

صح بدنك يا القرم

و العذر و السموحه

أنا شفت اسمك موجود لكن قلت خاف ماله شف للعب

و نزلت ردي

لكن على العموم تواجد شرف

تقبل تحياتي

[الشاعر الرهاوي]

مرحبا يامسفر

ومرحبا ياربح

حضر من كفا لابغيتني ياربح انا حاضر
بينا طاروق قريب ان شاالله

[الشاعر الرهاوي]

استلم


جابك الله وحمدالله قلب بن لأدم دليله=وانت من قوم" لها في ماضي التاريخ شاني
ولاانا من صلب يام أهل المواقيف الجميله=سرها صوب الجدي ولاعلى سهيل اليماني

[ربح السبيعي]

مرحبا يامسفر

ومرحبا ياربح

حضر من كفا لابغيتني ياربح انا حاضر
بينا طاروق قريب ان شاالله


الله يطول عمرك


وانا اتشرف بالعب معك انت وشرواك

[مسفر الدوسري]

خلوووووووها

أل بن أدم ما يقدم يا ولد إلا حصيله = ما عليكم زود يا أهل الطيب من قاصي و داني
و النعم فيكم يا يام أهل السيوف اللي صقيله = و دنا با الديره اللي ربعها ربع السماني

[الشاعر الرهاوي]

لاطول لك قصار ولاتقصرلك طويله=شفت انا جرتك تمشي من مكان اليا مكاني

كان مسفر شلها تالي زمنا في شليله=لايدورله ضمان ولا على الدنيا ضماني

[مسفر الدوسري]

اخي العزيز : الرهاوي

العذر و السموحه

و الله ما شفت ردك الا اليوم

أستلم يا القرم :


للذيابه عادةٍ قطع الدروب المستحيله = ما مشت درب الرذيله ما مشت درب الهواني
صا حبك شال الحمل يوم أن غيره ما يشيله = ما على الدنيا ظمان و نعرف أن العمر فاني

[الشاعر الرهاوي]

مسموح يالغالي
وستلم


عادتك ياذيب تحري بالعشأ في كل ليله=بس انا باوصيك عشرك لاتعودلك ثماني

الله يعينك على شل الخفيفه وثقيله=الحمول الكايده تبلش بها يامودماني

[مسفر الدوسري]

خلوووووووووها :


لا نوينا با العشأ يأتي لنا بسهل وسيله = خصمكم قرم و شجاع(ن) لا تحسبونه جباني
الثقيله شلها من طبع صبيان الجليله = حن هل الطالات وقت العسر ذربين اليماني


و لا عليك زود

[الشاعر الرهاوي]

ولاعليك يامسفر
مشكور على روحك العاليه

ولنا لقى أخر بأذن الله

[مسفر الدوسري]

الله لا يهينك يا الرهاوي

إن شاء الله لنا لقاءات مع مثلك وشرواك

لنا الفخر طال عمرك

تقبل تحياتي

[نـواف الشمــري]

يا سلام





صح الله السنتكم جميعاا




<<< ماسك صف مسفر الدوسري





تحياتي

[منيرة الحربي]

الله الله


على العب الجزل



مسفر الدوسري والشاعر الرهاوي متميزين فالابداع