تعال يابن دحيلاان

[الأميرة الناعمة]

ترى منيب شاعرة لا تنصدمون :p

بس هذا رد طيف الوله على قصيدة محمدبن دحيلان

هي قالت بتنزله بعد فترة بس انا ما فيني صبر نسخت القصيدة و حطيتها

وادري ان حبيبتي طيف ما راح تزعل :اموه:


شياطين شعري احضري بالوكاله=ردي على من قال حواء بها إقصور
قولي لآدم لا يكّثر هباله=ماله غنى عنا ولو عاش بقصور
لولا الأناثي كانت الحال حاله=شف قصة آدم في الاحاديث مذكور
في جنةٍ عايش وحيدٍ لحاله=مازانت الجنه بعينه ومقهور
طلب من الله زوجةٍ له لحاله=قلبٍ حنون إيبادله حب وسرور
من ضلعه أخرج له ونيسٍ وقال له=زوجتك يآدم لاتعاملها بالجور
نبعٍ وهبك اللّه صافٍ زِلاله=إرفق بها لا يرجع الضلع مكسور
واليوم أشوف الكون ما اكثر رجاله=إللي ظلم وإللي حكم حُكْم بالزور
والمشكله إن الرجل ياليل لاله=الشيب في راسه وبالبنت مبهور
يجري وراها ما يناظر خباله=شايب وعقله طفل مولود بشهور
لا من خرج للسوق يرتاح باله= الوجه يضحك والكرم منه مشهور
ولا من رجع للبيت ضايق مجاله=النفس شينه والحكي معه محظور
وأما الشباب اليوم عزّي لحاله=ضايع وعقله بالبنيات مسحور
غترة وعقال وثوب هي راس ماله=وامٍ يناديها أبي فلوس بالفور
ماانكر بهالدنيا رجالٍ تكااله=وإنعم بهم ماصابهم جهل وغرور
فيهم بني آخي وعمه وخاله=وشروا رجالٍ في غرابيل هم نور


طيف الوله

|531|

:confused:

[أبوعبدالرحمن]

هههههههههههههههههههههههه
ههههههههههههههههههههههههه هههههههههههههههههههههههه

قــولـــي لآدم لا يــكّــثــر هــبــالــه
........... ماله غنـى عنـا ولـو عـاش بقصـور


أنا مستغني عنكم :confused:

<<< نصاب


صح لسااانك ياطيف صراحة قصيدة ولا اروع ورد كافي ووافي


حساسة ياحبك للشر :بفكر:

[فالح الشلوي]

الله واكبر عليك ياطيف الوله

مشالله تبارك الله وقفتي وقفه عن عشرة رجال في هذه الثورة

مجرد محاولتك هذي شجاعة تستاهلين الاعجاب عليها بغض النظر عن القصيدة

والقصيده مالي فيها الى الأعجاب

لانها حكمه ماتصدر الى من انسان عاقل وراكد

ويرجح كلمتة قبل يقولها

لله درك

مـاانـكـر بهالـدنـيـا رجـــالٍ تـكـاالـه
.....................وإنعم بهـم ماصابهـم جهـل وغـرور
فيـهـم بـنـي آخــي وعـمــه وخـالــه
......................وشروا رجالٍ في غرابيـل هـم نـور

تعرفين كيف تخلصين نفسك وكلامك موزون

<<<<<<<<< من جد يصفق لك من قلب

حساسه :D

الله يرجك بليسك مافي مشكله الى القى لك فيها رد ولا مشاركه :confused:

[محمد بن دحيلان]

ياسلام ياسلام


الله الله

وصف وتفصيل وهوش من اروع ما يكون


جزله يالجزله


صح السانك

ولاهنتي يالمجرووحه على النقل الرائع



تقبلي تحياتي



اخووكم

[عبدالله السقيان]

صح لسانك ياشاعرتنا

أبيات رائــعه من شاعره متمكنه

وأستاذن ابو دحيلان والشباب

بالرد المرتجل



واتمنى تتقبلون ردي يالبنوتات بروح رياضيه

والدعوه ضحك ومزوح



منــهو ليا طاح الحمل فز شاله ؟؟= ومن يتقبل نقصكم وأهو مسرور ؟؟

ومنهو الذي ارخص تًََعبه وحلاله= غير الرجال اللي لها المجد مسطور

اللي لصعبات اللوازم سهاله= واللي لكم فرسان بالفعل والشور

اللحين صاروا في نظركن حثاله= ويمشون بخطاكم واقوالهم زور


واللحين صار الرجل تاجه عقاله !!= وباالسوق طايح بالبنيات ممهور!


هذا الحكي دوري نصيحه بداله= مايفعل الفعل القشر كود طرطور

وياقلهم بين الرجال الشكاله= وانتي ظلمتيهم وعممتي الدور


رجالنا ماهو عن الطيب داله= ولاهو عديم احساس او ناقص شعور

رجالنا يخشى الشبح من ظلاله= كل شي عنده باذن هالرب مقدور

اطيبكن اللي ماتساوي خياله= وارداكن اللي علمها الشين مستور

من دوننا يلزم عليكن كفاله= وشجاعنا ماهو عليكن بمجبور



منذ متى والسوق نرقى جباله = ومن قال نكثر فيه باسداس وعشور

روحي وشوفي من بالأسواق عاله =يمغطنّه دور لي دور لي دور

اللبس فاضح والمشي بااستماله= ومكياج صارخ والكسا مغرّق عطور

استثني اللي كاسبات الجماله=إليــــــا تعزوينابــــهن كنهن حــــور


شرواك ياطيف الوله وانفعاله= وحساسه اللي مابها شك وقصور


منذ متى والسوق نرقى جباله = ومن قال نكثر فيه باسداس وعشور حلوه منذُ:confused:




عبدالله التـــــوم:تصفير:

[طيف الوله]

ههههههههههههههههههههههههه ه

حسااااسه ياحبي لك:اموه:

الله يعينك معي على ثورة بني آدم

الحين الموضوع لك يلاااا تولي مهمة الرد على من مر على القصيده


طيف الوله تشكر كل من مر ورد والله لا يحرمني هذه القلوب النقيه والمشاعر الاخويه وروح المرح الصافيه التي تجمعنااااا


عبد الله التوم:بفكر:

مجاراه رااائعه يبي لها رد انتظرني فقط :بفكر:

[الخيال]

ههههههههههه

يا الله اني دخيلك وش هالعجله ووووووووووووول

اقو ل حساسه اشوى اللي منتي شاعره ولا كان مسنترة هنا دوم

ويا ويلك يا اللي تقول كلمه ,,,,,,,,,,


بس بصراحه انكم ضلمتو ابن دحلان لانه بقصيدة استثنى ما عمم كلامه على الجميع وانتم الحين تحطون انفسكم بموقف الصنف اللي هاجمه ابن دحلان

لكن مالومكم والله من العجله والسرعه هههههههههه

<<<<<<< اقول اسكت لا يجيك قصيده تحوس مريرك



المهم صح لسانك يا حساسه

وصح لسان المبدعه طيف

واكيد المستفيد الاول من كل هالمحاروات اعضاء المنتدى والشعراء جميعا

لاننا نقراء لشعراء كبار وشاعرات مبدعات

مصورين بشخصيه وابداع ابن دحلان وطيف



ولا يهون بقيه الاعزاء شعراء وشاعرات

وبقيه الاعضاء في هالمكان الجميل ,,,,,,,,,

[الأميرة الناعمة]

عشق ليل

قد الكلمة دي يا واد :D

لو تقدر تستغني عنا كان ما جيت هنا اول واحد ورديت ;)

على العموم صح بدنك

سوسي

[الأميرة الناعمة]

عذيبان

صح بدنك

وتسلم على اطرائك لشاعرتنا

و لا تخاف طيف قدها وقدود

بس ليه دايم تفكرني مشكلجية :تصفير:

سوسي

[الأميرة الناعمة]

الشاعر الكبير

محمد بن دحيلان

تسلم على مرورك

و مثل ماا قلنا الموضوع كله من باب المزح :تصفير:

سوسي

[الأميرة الناعمة]

عبدالله التوم

صح لسانك على الابيات الاكثر من رائعة

بصراحة رد مسكت :confused:

بس مافي شي يصعب على شاعرتنا :اموه:

سوسي

[الأميرة الناعمة]

حبيبتي طيف :اموه:

لا تخافين انا معاك معاك لاخر الزمن

و يا احنا يا بني ادم

بانتظار ردك على عبدالله التوم :confused:

سوسي

[الأميرة الناعمة]

كاتب الرسالة الأصلية الخيال
ههههههههههه

يا الله اني دخيلك وش هالعجله ووووووووووووول

اقو ل حساسه اشوى اللي منتي شاعره ولا كان مسنترة هنا دوم

ويا ويلك يا اللي تقول كلمه ,,,,,,,,,,



ههههههههههههههههههههههههه ههههه

يووووه اثاريني مرعبة وانا مدري :eek:

اخوي الخيال

تسلم على مرورك

و لا تخاف ما بتجيك قصيدة دامك ما تعادينا :تصفير:

سوسي

[رائد الشريف]

اختي حساسه
الف شكر على النقل الجميل والعذب
وصح لسااااااانك ولسااااان طيف اللي مصممه على رأيها
والظاهر اني مثل ماقال استاذي
محمد السهلي
اني مشيخيط
شبيت النار بس ماوخرت عنها
وهذا انا معه لاخر الزمن

والف شكر على الكلام الحلو

لانه من باب المززززززززززح

اشوى اللي مانتي شااااااااعره
طيفوه تكفي (والنعم فيهاااااااا)
اخوك المحب الدويبي

[شبابيه]

صح لسان الشاعرين



تقبلوا ودي