ياسلام الله سلام(ن) يقفل كل باب=باب معنى والشواعير تعجز تفتحه ..!!

[ناصر الجلاه]

ياسلام الله سلام(ن) يقفل كل باب=باب معنى والشواعير تعجز تفتحه

إن غزينا القوم بالسيف مصقول النصاب=كم شجيع(ن) فوق الارض البسيطه نطرحه

[جزل القصيد]

استلم يالسنافي




البقاء يالي تسلم عدد برق الســــــحاب=والخلية نكشف اسرارهــــــا بالمشرحه

ان غزيت القوم تلقى قدم وجهك ذياب=كل قرم(ن) يلتقي له قروم (ن) تسدحه

[ناصر الجلاه]

وحده ضدك وتحسب خطا ماهي صواب=الخساره ماتكسب ولاهاي مربحه

الذيابه تالي ايامها قامت تهاب=مالها خانه ولاعاد فيها مصلحه

[جزل القصيد]

الخطى وارد ولا همني كثر العتاب=دام خطلان الايادي تشوم وتمسحه
احمد الله لاتمنى التعاسه والعذاب=لو لحقت الوقت الاول حذفت المسبحه

[ناصر الجلاه]

انت جبت الكارثه مع عزيزين الجناب=ياعميلي معلنه للعرب ومصرحه

ياصحيبي ودي احاسبك قبل الحساب=من ينقص كيلته فيه ناس تشرشحه

[جزل القصيد]

العتيبي ما تهنى بزاده والشراب=لا لقاله ضلع راسي يجيه وينطحه
ما تجنب لين تونس مضاريب الحراب=ضربة(ن) من ذاقهــــــا ماتعدى مطـرحه

[ناصر الجلاه]

كاسب(ن) فالوقت يالجزل مالذا وطاب=ياعميل(ن) ماعرفناه كيف نمدحه

والله إني ماتركك لين اذوقك العذاب=كم من شكلك نضويه كم نسرحه

[سياف العتيبي]

صحت السنة الشعار واصلوا وحنا متابعون


لاهنتم

[ناصر الجلاه]

صح بدنك ياسياف


لاهنت على المرور يابن العم

م
و
د
ت
ي
لك

[فهده]

صحت الالسنه

بيض الله هالوجيه السمحه



لاعدمناكم


سلام..

[جزل القصيد]

ما كسبت الا المشاكل وفعل(ن) ما يثاب = كل من مرك على الدرب ودك ترمحه
والله اني خابرك مثل ضحاح السراب = مير هون قبل اربطك فوق المروحه

[جزل القصيد]

ذيبة عتيبة

سياف العتيبي


شكرا على مروركم االكريم

تحياتي لكم

[ناصر الجلاه]

والله إنك لقمت(ن) فوق ضرس وتحت ناب=مير ابى قربلك الميل وسط المكحله


هب ياللي معتلي فوق هامات السحاب=وانت مثل طريب متساويه بالتندحه

[سياف العتيبي]

والله إنك لقمت(ن) فوق ضرس وتحت ناب
ماانتـه بمفلـح ياليـن اسـد المكحـلـه
هب ياللي معتلي فـوق هامـات السحـاب
وانت مثـل طريـب متساويـه بالتندحـه


:11ap: :11ap: :11ap: :11ap: :11ap: :11ap: :11ap: :11ap:


الله الله

بيوت ٍ كايفه

[ناصر الجلاه]

لاهنت على التواجد المستمر ياسياف


لاعدمتك ياتاج راسي

[ناصر الجلاه]

اخوي الجزل معي الآن محاوره مباشره في منتدى ثاني


ونكمل غدآ إن شاء الله


إلى اللقاء

[جزل القصيد]

والله انك نكبة (ن) ما تجيب الا الخراب = مير كفوك كسبك الي كسبته وارشحه
الله الي معتلي لا تحرف بالكتــــــاب = النصايح ما تقدي عقول متنحـــــه

[جزل القصيد]

يا ناصر تصبح على خاااااااااار

ولاهنت يالسناااااااااااااافي

انا الرابح

لاني لعبت مع واحد بحجمك

تحياتي يالغالي

[ناصر الجلاه]

ياجماعه علموا جزل يكشخ فالثياب=لجل يصبح شيخ ضمن الوجيه المفلحه

الصقر يبقى صقر والغراب اصله غراب=وانت فرق بينها كان كفك مرجحه

[جزل القصيد]

التكشخ عادة الزين نقاش الخضاب=والمراجل عندنا بالفعول الفالحــــــه
انت حرً مير تنحاش لا شفت العقاب=عزتيلك صوبتك السهوم الجارحـــه