حمدان بن سالم
15-07-2007, 12:34 AM
قصايدي من دون مسرح وجمهور = تضعف جزالتها وينقص حلاها
الشعر تصفيقة طرب شهقة حضور = مشاعرٍ متباينة في رضاها
نظرات ناقد واندهاشات مبهور = زحف الكراسي لاكثر من بغاها
هذا يدوّر بيت بالوزن مكسور = من أول المطلع إليا منتاها
يبدا يلحّنها على كل مجرور = عساه يلقى كسرها في غناها
وإن مالقى في وزنها ضعف وقصور = عوّد على تصويرها وإمعناها
يبدا يحلل للمعاني بلاشْعور = يجيب عاليها لسافل وطاها
وإن شاف بالمعنى جزالة ومقدور = ولاجت له الحفلة على مابغاها
يهمس لمن حوله ترى فلان مغرور = وهذا يصدّقها وهذا نساها
كم من (وليدة ) اسمه اليوم (مثبور ) = وكم من (هديفة ) رافعينه سماها
وكم تافهٍ خلّوه مخلوق من نور = استغفرك ياخالقي عن غواها
وياكثر من خلّوه بارز ومشهور = حاجات نفس ربها ماهداها
من عقب ماهو باخر الصف مغمور = زفّوله الشهرة بكامل ضياها
لإنه على ماقيل واصل وهامور = أصبح هو الفارس وشعلة سناها
خلّوه شاعر وإنثروا حوله زهور = ومن وين صارت أمسية هو فتاها
الكل صفق له مصحصح ومخمور = تسمع صدى التصفيق يملا فضاها
ورغم إن شاعرهم بمقساته إيخور = ( الله ) قالوها وغنّوا معاها
شاعرهم اللي بس غترة وجرجور = والطاولة والورد الاحمر كساها
وجهٍ يلق وساعة وبشت وعْطور = وضحكة كِبِر والغطرسة في علاها
مستعبدٍ له ناس ذابحهم الجور = ضعوف والعيشة خبيثٍ شناها
لعيون شاعرهم غدوا خوش طابور = وياويل من هو صففته مارهاها !
وتلقى من الجمهور من يكره الزور = يحسب حساب لكلمته لارماها
يقول رايه لاوصل عنده الدور = مايفرضه على البشر وإيتباها
يمكن إيجامل لجل مايجرح شعور = لو شاف زلة يعتبر مارآها
يخاف يكشف شي خافي ومستور = يادوب تسمع كلمته من حياها
وتلقى من الجمهور قاسي ومسطور = عيونه إلا جمرةٍ من لظاها
صريح ...عفوي..... ماهو إيلف وإيدور = وترى الصراحة موجعة في لغاها
ينطح إنطوح ولاتذرّى ورا السور = يقولها لو هو يسبب عماها
وتلقى بهم من لاحكى صابك إخدور = ينفخك وإيخلّيك رايد فضاها
ياخذك لديارٍ ويقطع بك بْحور = كلاّك كلماته رخيصٍ عطاها
تجي عباراته تقل حب بلور = تغرّ سامعها بزايد حلاها
الناس تدريبه مجرّب ومخبور = راعي نفاق وذمّته مارعاها
وتلقى من الجمهور بالنقد دكتور= يفهم بها من بحرها لإمغزاها
أمين في نقده ولاهو بمأجور = يكشف محاسنها ويشرح خطاها
خبير ماجاها وساطات وعبور = مقالته يطرب لها من قراها
لكن تظل القافية شي مبتور = من دون سامعها وحادي حْداها !
شعر \ حمدان سالم العنزي ,
الشعر تصفيقة طرب شهقة حضور = مشاعرٍ متباينة في رضاها
نظرات ناقد واندهاشات مبهور = زحف الكراسي لاكثر من بغاها
هذا يدوّر بيت بالوزن مكسور = من أول المطلع إليا منتاها
يبدا يلحّنها على كل مجرور = عساه يلقى كسرها في غناها
وإن مالقى في وزنها ضعف وقصور = عوّد على تصويرها وإمعناها
يبدا يحلل للمعاني بلاشْعور = يجيب عاليها لسافل وطاها
وإن شاف بالمعنى جزالة ومقدور = ولاجت له الحفلة على مابغاها
يهمس لمن حوله ترى فلان مغرور = وهذا يصدّقها وهذا نساها
كم من (وليدة ) اسمه اليوم (مثبور ) = وكم من (هديفة ) رافعينه سماها
وكم تافهٍ خلّوه مخلوق من نور = استغفرك ياخالقي عن غواها
وياكثر من خلّوه بارز ومشهور = حاجات نفس ربها ماهداها
من عقب ماهو باخر الصف مغمور = زفّوله الشهرة بكامل ضياها
لإنه على ماقيل واصل وهامور = أصبح هو الفارس وشعلة سناها
خلّوه شاعر وإنثروا حوله زهور = ومن وين صارت أمسية هو فتاها
الكل صفق له مصحصح ومخمور = تسمع صدى التصفيق يملا فضاها
ورغم إن شاعرهم بمقساته إيخور = ( الله ) قالوها وغنّوا معاها
شاعرهم اللي بس غترة وجرجور = والطاولة والورد الاحمر كساها
وجهٍ يلق وساعة وبشت وعْطور = وضحكة كِبِر والغطرسة في علاها
مستعبدٍ له ناس ذابحهم الجور = ضعوف والعيشة خبيثٍ شناها
لعيون شاعرهم غدوا خوش طابور = وياويل من هو صففته مارهاها !
وتلقى من الجمهور من يكره الزور = يحسب حساب لكلمته لارماها
يقول رايه لاوصل عنده الدور = مايفرضه على البشر وإيتباها
يمكن إيجامل لجل مايجرح شعور = لو شاف زلة يعتبر مارآها
يخاف يكشف شي خافي ومستور = يادوب تسمع كلمته من حياها
وتلقى من الجمهور قاسي ومسطور = عيونه إلا جمرةٍ من لظاها
صريح ...عفوي..... ماهو إيلف وإيدور = وترى الصراحة موجعة في لغاها
ينطح إنطوح ولاتذرّى ورا السور = يقولها لو هو يسبب عماها
وتلقى بهم من لاحكى صابك إخدور = ينفخك وإيخلّيك رايد فضاها
ياخذك لديارٍ ويقطع بك بْحور = كلاّك كلماته رخيصٍ عطاها
تجي عباراته تقل حب بلور = تغرّ سامعها بزايد حلاها
الناس تدريبه مجرّب ومخبور = راعي نفاق وذمّته مارعاها
وتلقى من الجمهور بالنقد دكتور= يفهم بها من بحرها لإمغزاها
أمين في نقده ولاهو بمأجور = يكشف محاسنها ويشرح خطاها
خبير ماجاها وساطات وعبور = مقالته يطرب لها من قراها
لكن تظل القافية شي مبتور = من دون سامعها وحادي حْداها !
شعر \ حمدان سالم العنزي ,