البحر غادر لا يغرك روكدا.....تعالي ياطيف الوله

[محمد بن دحيلان]

السلام عليكم

ارتجال الله يكفينا شر الارتجال :بفكر:

يالربع والربيايع:eek:

صباح الخير

شفت تهجم الاخت طيف على الشباب الطيبين الحليوين العاقلين .. اللي وش حليلهم .. ووش كثر يخجلون يسوون اللي هي قالته في قصيدتها

وبما اني شاب بس على رقم شايب

ارتجلت الابيات التاليه
وعسى الله يكتب لها قبول


نصيحتك ماليبها ياريش العين=ماهي نصيحه ذا تهجم حسودا
ضعتي وضاعت حسبتك والقوانين=ياشاعره شعرك تعدى الحدودا
بعض الشباب اليا غدى الليل ليلين=يتكي لحمله لو حمله يكودا
فيهم رزانت عقل للطيب ضارين=اخذي كلامي والعوارف شهودا
بس العذارى عقلهن بالفساتين=ومك أب يستر وجهها والجعودا
لوها عتاب اتصير بالصبغ شيرين=شيرين لليل ولا صبح الصبح سودا
وبعض العذارى قلبهن فيه خطين=خطٍ سريع وخط وسط النفودا
مانيب ظالم فيه من قلبها زين = مذهب وعقل ودين فيها يزودا
هذا الصحييح ان كان لصدق تبغين=من واحدٍ له بوح فكره جنودا
يدري بإن الشين ماهي كما السين=والبحر غادر لا يغرك ركودا


تمت

[الأميرة الناعمة]

وعليكم السلام

:confused: صح لسانك يا محمد

قصيدة رائعة

بس ننتظر طيف تجي وتاخذ بثارنا منك :تصفير:

سوسي

[مفرح بن مناحي]

مانيب ظالم فيه من قلبهـا زيـن
............. مذهب وعقل ودين فيهـا يـزودا

وهذا الصحيح يا محمد .. :confused:

أعجبني البيت اللي تقول فيه :

لوها عتاب اتصير بالصبغ شيرين
............... شيرين لليل ولا صبح الصبح سودا :)

صح لسانك ... يا الجزل

وبانتظار ما ستسفر عنه حرب الأصدقاء :تصفير:

الله يسامحك يا الدويبي ... كانك شعللتها ..

لكن الجميل هو إخراج ما في جعبة شعراء غرابيل من إبداع ... :confused:

تحياتي

سهم المنايا

[محمد بن دحيلان]

ارحبي ارحبي

ياحسااسه


بالعكس انا في صف بنات حوى

بس فيه مثل يقول من حبك سبك:p

تحياتي لك وصح ابدنك

اخوك محمد

[الخيال]

<<<<<<< يا حليلي بغيت ارد اول واحد مدري منين جت حساسه :o










شاعرنا المبدع

ابيات جميله ومعنى رائع جدا

تشرفت بصافحتك هنا وقراءت شي ء من ابداعك

تحياتي




مانيب ظالم فيه من قلبهـا زيـن
مذهب وعقل ودين فيهـا يـزودا
هذا الصحييح ان كان لصدق تبغين
من واحدٍ له بوح فكـره جنـودا
يدري بإن الشين ماهي كما السين
والبحر غادر لا يغـرك ركـودا

[طيف الوله]

هلااااا وغلااااا بابن دحيلااان

استاذ وش نقول قدامك

لكن يا شاعرنا ظلمتني :( انا استثنيت مثلك وشرواك ما عممت

ارجع لقصيدتي وانت تشوف.... (وبما اني شاب بس على رقم شايب )<<<< اعتقد لو ما شفت الاستثناء بصدق هالعباره

عمومااااااا صحححححح قلبك ملااااييين

لوها عتباب اتصير بالصبغ شرين
شرين لليل ولا صبح الصبح سودا

ههههههههههههههههههههههههه ههههههه

اعجبني هذا البيت وربي ضحكت من قلب الله يوسع صدرك بالعافيه


ولي عوووووووده:rolleyes:

[محمد بن دحيلان]

ارحب ياسهم


ما عليك سهود ومهود

طيف لاهيه اليوم شغل البيت عليها عاصبتن راسها بفوكه وماسكه المكنسه

الله يستر من الحذف

ولاهالحين تحوس وتدوس في مطبخها

يعني السبوع الجاي تفضى

ههههههههههههههههههههه



اكيد حرب اخوان وعياره ومزوح
صح ابدنك
تحياتي للجميع:تصفير: :تصفير:

[محمد بن دحيلان]

بسم الله الرحمن الرحيم


مسرع وجيتي ياطيف


ارحبي ثم ارحبي يا شاعرتنا


صح ابدنك

انا عدلت الفقره هذيك يا طيف

عايني فيها ذلحين

وش اسوي شايب الحظ عايب ياطيف

هههههههههههه

صح ابدنك اختي

وسعدني مروورك السريع

[محمد بن دحيلان]

الخيال

ارحب يالغالي


اعتبر نفسك اول من رد يالغالي


صح ابدنك واسعدني مروورك يالغالي

تقبل تحياتي

[مجروحة الزمن]

صحححح السانك مليووون

صراحه قصيده روعه ورد قوي

عجبني ردك وايد:confused:

<<<< ولا كانها من البنات ما تدافع ابد :تصفير:

يعطيك الف عافيه يا خوي

ودمت لنا

[عبدالله السقيان]

صح لسانك وسلم راسك يابن دحيلان

قصيده رائعه يارائع



لوها عتاب اتصير بالصبغ شيرين
شيرين لليل ولا صبح الصبح سودا:)

أضحكتني أضحك الله سنك . .

[فالح الشلوي]

يابعد راسي والله

بالرغم اني معتزل هذه الحرب مثل ماقال ابن عباد

لا ناقة لي فيها ولا جمل وهذا لاني كنت مسافر يوم رجعت لقيت الدنيا مولعه

ودخانها واقف

بس الحميا موجوده ولنا جوله انشالله معكم بس انا اشوف انها ظالمه يابن دحيلان

البنات مافيهن الى طيف والشعار الشباب ماشالله كل واحد بحر ويعطينا من البحر قطره

عشان كيذا اقول الحرب غير عادله

خلوا الدويبي وطيف يتصافون

:confused:

ارجع لأبجديات القصيده اللي اعجبتني ككلمه وكصياغة

بعض الشباب اليا غدى الليل ليلين
......................يتكي لحملـه لـو حملـه يكـودا
فيهم رزانت عقل للطيب ضاريـن
..................اخذي كلامي والعوارف شهـودا
بس العـذارى عقلهـن بالفساتيـن
..................ومك أب يستر وجهها والجعـودا

استاذ يابن دحيلان

صح لســـانك

[محمد بن دحيلان]

مجروحة الزمن


ارحبي يالله حيها

الا انتي منهن بس ادري تهجم طيف مو عاجبك:(

<=== يولعها


صح ابدنك

ولاهنتي على المروور

اخووك

[محمد بن دحيلان]

ارحب يالتوم



صح ابدنك يالغالي


ولاهنت على المروور



تحياتي

[محمد بن دحيلان]

اول شي
حمدلله على سلامتك وسلامة الاسفار

انا والله دخلت هالحرب ولاكنت ادري عن قصيدة التوم

قريت قصيدة طيف ورديت بعدها شفت قصيدة التوم

لكن قد فات الفوووته هههههههه

وهي اكثر منها دعابه من الجد

لكن خلو طيف عليه


ولا احد يتدخل ازهلوها عند الله ثم عندي;) :تصفير: :تصفير:


صح ابدنك ولاهنت يا عذب الاوهام

[™ABUSAIF]

صح لسانك يالشاعر الجزل .. وقصيدة جزلة ووافية .. أعجبتني أبياتها وفي نفس الوقت أضحكتني أضحك الله سنك يامبدع :biggrin2:

وتتواصل الحرب مع المبدعين التوم وطيف الوله وابن دحيلان :confused: ههه

تحياتي وتقديري لكم ،،

[فارس الصميدان]

محمد بن دحيلان
الشـــــــاعر المعروف





الله عليك وفيت وكفيت




:confused: ينصر دينك ياشيخ







:اموه: طبعا الصور هذي التعبيريه حركات حساسه :p

[رائد الشريف]

صح لساااااانك يابن دحيلااااااااااااااااااااا اان
هذا الكلام اللي يرفع الراس

والله انك مو مقصر
ولاهانوا الباقين

بس انا كذا ابي شِعر من الوزن الثقييييييييييييييييييل

خل طيف الوله يوم تقراه تدوووووووووووووووووووووخ

سر ونحن معااااااااااااااااااااااك
اخوك المحب الدويبي

[شبابيه]

صح لسان الشاعرين



تقبلوا ودي