تكفون ابي الفزعه

[محمد فراج الدوسري]

السلام عليكم

تعرضت ابنتي مريم0 ذات الستة اعوام لحادث دهس وهي في العناية المركزه تحت الاجهزه ورحمة الله اوسع وارجوكم لانستغني من دعاء الصالحين امثالك0 والله لا يريكم مكروه 0وابشركم انا والله الحمد مطمئنين وراضين بقدر الله0
=============




يارب يا محيي العظام الرميمه=ياللي مابين الكاف والنون أمره
ياعالمٍ مافي الخفا يا عليمه=يا ملتجا المظطر لاباح صبره
ياغيث ملهوفٍ تعلق بغيمه=يبغى المطر والخير عندك وقطره
يا رب يارب الملا يا عظيمه=يا خالقٍ الكون كلّه بسطره
يارب عبدك وبن عبدك صتيمه= لاشك في صدره تناهيت عبره
يارب ضاقت عوجها و الهشيمه=تزاحمت ما كنها وسط صدره
يارب بنتي تحت رحمتك ريمه=لاطب ينفعها ولا تنفع إبره
يارب ماغيرك يقوّم حطيمه=يارب ماغيرك يجبّره كسره
يارب ماغيرك منحني العزيمه=يامطمعي يا ملهمي دوم شكره
يارب والطيحه ولو هي سليمه=عندي أمل لو كانت الريم خطره
رحمت اوسع والرجا فيك ديمه=ما نيأس ومافي القلم سال حبره
إن قامت فيا مرحباً بالطخيمه=نذرٍ عليّ لاصوم شهره وشهره
وان راحت فرحمتك اكبر غنيمه=نرضا لقدر خيره وشرّه بكبره
يارب يا محيي العظام الرميمه=ياللي مابين الكاف والنون أمره

[عبدالكريم بن خزيّم]

الأخ الشاعر / محمد فراج الدوسري

الله يرفع عن إبنتك ولا ترى مكروه

ويزول عنها الباس

والصبرعلى المصيبه

معيار حق لإيمان الرجل

صح لسانك على هالأبيات

الصادره من القلب

تقبل مروري

أخوك / أبوإبراهيم

[عبداللطيف الشمري]

،
،
محمد الدوسري الله يشفي مريضكم ولا عليكم باس انشالله

والله يتقبل دعوةتك وتقوم بنتك بالسلامه وتقوم بنذرك انشالله

الله يشفيها ويعين اهلها ويصبرهم

[خــــالـــــد]

محمد الدوسري
ـــــــــــــــــــــــــ ــــــ
الله يلبس بنتك ثوب الصحة والعافية

وإن شاء الله أنها سليمة وعارضة



قلوبنا معك يا أبو فراج
ـــــــــــــــــــــــــ ــــــ
أخوكـ/خالد

[زايد الروقي]

محمد الدوسري


صح لسانك


و نسئل الله ان يشفي ابنتك و لا يريكم مكروه


و يشفي جميع مرضى المسلمين



..............

[مهدي بن مسفر الحبابي]

أخوي محمد بن فراج

صح لسانك وعانك الله وصبرك وتقوم أنشاء الل بالسلامه

اسأل الله العلي العظيم أن يشفي أبنتك
اسأل الله العلي العظيم أن يشفي أبنتك
اسأل الله العلي العظيم أن يشفي أبنتك
اسأل الله العلي العظيم أن يشفي أبنتك
اسأل الله العلي العظيم أن يشفي أبنتك
اسأل الله العلي العظيم أن يشفي أبنتك
اسأل الله العلي العظيم أن يشفي أبنتك

لك احترامي وتقديري

[سـعـد الحويماني]

قلبي معك ...

الله يرحمها برحمته ويسكنها فسيح جناته,,ويجعلها شفيعه لوالديها

اللهم امين

[فايز آل بذال]

أحسن الله عزاك يا محمد

اوصيك بالصبر ولا تنسى انها في ضيافة الرحمن

ومع خليل الله ابراهيم عليه السلام

في جنه عرضها السموات والأرض

هل تكره لها ذلك ايها الأب المكلوم

انا لله وانا اليه راجعون

[وجــــدان]

لاحول ولاقوة الا بالله العلي العظيم

أحسن الله عزاكم والهمكم الصبر يارب

[عبدالهادي الجهني]

يارب يا محيي العظام الرميمـه=ياللي مابين الكاف والنون أمره

،

،

سبحانه العلي القدير

الهمكم الصبر والعون

شفاها الله

،

،

،

[أبوعبدالرحمن]

أنا لله وأنا إليه راجعون

احسن الله عزاكم يا بو فراج

اسأل الله ان يعينكم ويجبر مصابكم

ويسكنها فسيح جناته

أنا لله وأنا إليه راجعون

[عبدالعزيز اليامي]

يارب بنتي تحت رحمتك ريمـه
لاطب ينفعهـا ولا تنفـع إبـره
يارب ماغيرك يقـوّم حطيمـه
يارب ماغيـرك يجبّـره كسـره




يا الدوسري




ابشر بسعدك



واللي في يدينا وتبينا نسويه



بعد الله حنا مستعدين با المال وبا الحال


ترى مال الرفيق الا رفقيه


وحنا واياك في الله قبل القصيد وقبل كل شي



والله يقومها لك با السلاااااااااااااااااامه




وجعل الشر يتخطاها



اخوك//

[** عذبة النوح **]

,

الله المستعان يا محمد , سبحان علم الغيب ساتر العيب

الصبر الصبر مالك بعد الله الا هو واسأل الله ان يعينك عليه , وان يسكّن حزنك

وحزن والدتها بالسلوان , ويعظم لكم الاجر .

وتذكرو حديث الرسول فيما يرويه عن ربه عز وجل : ( مالعبدي المؤمن اذا قبضت صفيه

من الدنيا ثم احتسب الا الجنه ) او كما قال عليه الصلاة والسلام , فهنيئا لكم الجنه ,
,
,

الباقي الله مـا بهالكـون خالـد=سبحان ربٍ ما عطى الخلد لسواه
درب المنيه للبشر درب واحـد=كلن بيمشي لين تاقف به خطـاه
لابـد ماتفجـع وليـدٍ بـوالـد=او والدٍ تنزع وليده مـن احشـاه
يالله تجبر مـن بهاليـوم فاقـد=ثمرة فؤادٍ عاجل الموت فاجـاه
ام اذهلتهـا بالصميـم الوقايـد=ومحمد المكلوم من حـر ماجـاه
,

,

[فايز ماجد]

الله يرحمها

ويجعلها تشفع لك ان شاء الله

عند ربي

ودعواتنا لك بالصبر والسلوان يابوفراج

ماجور ان شاء الله واحسن الله عزاك

[احمد مناحي]

محمد فراج الدوسري

عظم الله اجرك

وانا لله وانا اليه راجعون

اوصيك بالصبر وانا اخوك وحنا وياك ندعي لها بالرحمه وندعي لك ولامها بالصبر والثبات

واحتساب الاجر من الله ..