وش غيرك لفايز آل بذال على صفحة مدارات شعبية هذا اليوم

[مهدي بن مسفر الحبابي]

فايز ال بذال وقصيدة وش غيرك على صفحة مدارات شعبية بجريدة الجزيرة هذا اليوم الاثنين الموافق17/6/1428هـ

إليكم رابط القصيدة والقصيدة


http://www.al-jazirah.com/1243872/tr11d.htm



وش غيرك عقب المواثيق يا ميّ = شاللي جرا لعهودنا علميني

معقول أنا صرت بحياتك ولا شيّ = معقول انا من جيت لجله نسيني

كم لي على جمر الغضا واقف هنيّ = وانا انتظر من قال باكر يجيني

شمس تموت وشمس تزهم على الفيّ = وليل على مسراه ونّ لونيني

إن كان به حب جديد بتبديّ = لا تتركيني لحيرتي صارحيني

وان كان حبي كاوي خافقك كيّ = وش غيرك بآخر لقى فهميني

انتي مهم انك عن البرد تدفيّ = ولاهو مهم يسكن أنا البرد فيني

مشكلتي أكثر عاطفه منك بشويّ = ومشكلتك انك ما شعرتي بحنيني

أحط لا غبتي على قلبي يديّ = واقول مي راحت وراحت سنيني

ولا شفتك اقبلتي عليّ واقبل الضيّ = جاتك تسابق مع شمالي يميني

إلغيرك أنتي ما مشت يوم رجليّ = وان كان لك مشي خطا سامحيني

معقول يعني تحرقيني وانا حيّ = معقول من بعد الغلا ترخصيني

وشلون ابقضي باقي ايامي كذيّ = أما خذيني حي ولا اقتليني




صح لسانك يا فايز وبيض الله وجهك

والشكر موصول لكل الاخوه القائمية على مدارات شعبيه

للجميع احترامي وتقديري

[بـنـت الـشـيـوخ]

فايز ال بذال
شاعر متميّز .. وصراحة شرف للصفحة وجود قصيدة لشاعر بحجم
فايز .. وصح لسانه ملاين

ومشكور مهدي على النقل .

[السُّلمي]

فايز آل بذال


شاعر وأكبر من كلمة شاعر


صح لسانك يافايز ملايين ودمت بالروعة دوماً

وسلمت يمينك يا مهدي على هذا النقل

اخوكم السُّلمي

[عبدالكريم بن خزيّم]

الأستاذ/ فايز ال بذال

شاعر يستحق كل خير

واعتقد أن للأخ فايز نص في مجلة فواصل

العدد الأخير

تقديري للجميع .

[النوري]

فايزآل بذال

تحفه في مضامين العطاء
وبحر من الدرر النفيسه

في كل شبر يسطر الإبداع روعه
ويغرف الشعر منه الصفاء ..ليطرز الصدق حروف تترجم كل الأماني في ركب المعاني الأنيقه

نفخر بمثل فايز بيننا
ونشكرك مشرفنا الشاعر/مهدي العليان على النقل.الذي يشهد بجهودكم والله يرعاكم

[فايز آل بذال]

مشكووووووووور يا مهدي

والظاهر الحميدي ما يبي يجبها البر

صدق انا مدري هم عيالي والا عياله :)

[أبوعبدالرحمن]

صح لسااانك يافايز


وهذي بداية الخير لشاعر هضم الاعلام حقه


وماقصرت يابومسفر