سامي العتيبي
01-07-2007, 09:16 PM
السلام عليكم ورحمة الله وبركاته :-
العين يحداها عن النوم عاصوف = عاصوف همّ ما بمشيه عوافي
كم واحد ٍ من غيب الايام منحوف = يشوف شي ٍ ما يظنه يشافي
كنه على حدب المصاقيل مدفوف = واليا أخطته ينصاه زرق الشلافي
العين لو يقصر نظرها عن الشوف = لا بدّ ما تذري عليها السوافي
أصبحت من بين الاصاحيب ملقوف = ومحامي مع لابسات الغدافي
يقوله اللي عقله اليوم مخطوف = الصاحب اللي شاحنته الضعافي
لا تدّعي بالزور والحق معروف = قلنا على بعض السوالف يا كافي
الطير ريشه يابن الاجواد منتوف = ولا يستره يا كود ملبوس ضافي
دوبه حداك لدرب مثني وملفوف = واصبحت مع دربه سريع انجرافي
لكنك اسمع والخبر جاك منصوف = والنصف الآخر في تمام القوافي
ما نرخص الطيب ولا نقبل الخوف = وناطا صليب الشوك والرجل حافي
ولا همنا راعي عبايه ونفنوف = والظلم ما نرضاه لو كان خافي
من باعنا بعناه من دون مكلوف = لو كان يجري له هموم وخلافي
ومن عافنا عفناه لو عنده ظروف = وعساه ما يلقى طبيب ٍ يشافي
يا حيف يا عيباه يا شيخ معيوف = أثرك سجلت لعناك اعترافي
جعل التعب في تالي الوقت مخلوف = ويبدي شعاع العلم لو كان طافي
من دون لا نبدي على أيمان وحلوف = اشعم حطبك ان كان تبغى المطافي
تعبت يا ورقان تنصح جبل عوف = وسنجار صابه من عناه اختلافي
يا ما كتبنا على العلم بـ حروف = ويا ما ضربنا به فجوج الفيافي
واليوم حمّلنا الخطا صف مصفوف = وما زاد من ظلم العوارف يعافي
وش عاد لو نضرب مشاريه وكفوف = لا صار بعض الهرج ناقص وهافي
قد قالها بندر مع الناس مألوف= دايم ومرقد ميّت النار دافي
وسلااااااامتكمـ
العين يحداها عن النوم عاصوف = عاصوف همّ ما بمشيه عوافي
كم واحد ٍ من غيب الايام منحوف = يشوف شي ٍ ما يظنه يشافي
كنه على حدب المصاقيل مدفوف = واليا أخطته ينصاه زرق الشلافي
العين لو يقصر نظرها عن الشوف = لا بدّ ما تذري عليها السوافي
أصبحت من بين الاصاحيب ملقوف = ومحامي مع لابسات الغدافي
يقوله اللي عقله اليوم مخطوف = الصاحب اللي شاحنته الضعافي
لا تدّعي بالزور والحق معروف = قلنا على بعض السوالف يا كافي
الطير ريشه يابن الاجواد منتوف = ولا يستره يا كود ملبوس ضافي
دوبه حداك لدرب مثني وملفوف = واصبحت مع دربه سريع انجرافي
لكنك اسمع والخبر جاك منصوف = والنصف الآخر في تمام القوافي
ما نرخص الطيب ولا نقبل الخوف = وناطا صليب الشوك والرجل حافي
ولا همنا راعي عبايه ونفنوف = والظلم ما نرضاه لو كان خافي
من باعنا بعناه من دون مكلوف = لو كان يجري له هموم وخلافي
ومن عافنا عفناه لو عنده ظروف = وعساه ما يلقى طبيب ٍ يشافي
يا حيف يا عيباه يا شيخ معيوف = أثرك سجلت لعناك اعترافي
جعل التعب في تالي الوقت مخلوف = ويبدي شعاع العلم لو كان طافي
من دون لا نبدي على أيمان وحلوف = اشعم حطبك ان كان تبغى المطافي
تعبت يا ورقان تنصح جبل عوف = وسنجار صابه من عناه اختلافي
يا ما كتبنا على العلم بـ حروف = ويا ما ضربنا به فجوج الفيافي
واليوم حمّلنا الخطا صف مصفوف = وما زاد من ظلم العوارف يعافي
وش عاد لو نضرب مشاريه وكفوف = لا صار بعض الهرج ناقص وهافي
قد قالها بندر مع الناس مألوف= دايم ومرقد ميّت النار دافي
وسلااااااامتكمـ