السحيل اسمه لمحته على النور الطويل

[ربح السبيعي]

مرحبابك يامحمد السحيل


استلم لاهنت



السحيل اسمه لمحته على النور الطويل=مرحبابه عد من طاف بالبيت الحرام


عام الاول كان فالمنتداء ليه زميل=غاب عني عامٍ اعده كما عشرين عام

[محمد السحيل]

الله الله

الك البقى يا ربح واسمع لاهنت



عادتك يا ربح فعل الجماله يا جميل=ولا حسبنا هرجةٍ لا حلال ولا حرام

صاحبك لاغاب يطلع كما طلعة سهيل=وانت تعرف ضرف صاحبك من بد الأنام

[ربح السبيعي]

الوفاء من عادتي والوفاء طبع الاصيل=وانتبه لايدخلك شك في بعض الكلام


لاوردنا نشرب امن القراح السلسبيل=وانت شاعر معتبر والك وقدر ولك مقام

[محمد السحيل]

طيب طيب


ياربح مافات عني كثير ولا قليل=والشكوك امبعده بيننا يا أبن الكرام

لاوردتوا يا ربح شربكم حد الصقيل=من قديم الوقت طبع الحشام امع الحشام

[ربح السبيعي]

انتبه للعدل طبع العداله ماتميل=واحمد الله دامك ابخير وبحكم اونظام


وان رجعتو للقناء والمشوك والفتيل=عادة الغلباء تميز بساعات الزحام

[سعود السلمي]

صح لسانك الاخ ربح السبيعي والاخ محمد السحيل متابع لمحاورتكم الجميله

[ربح السبيعي]

مرحبابك ياهاوي قصيد وصح بدنك


متابعتك تشريف لنا يالغالي

[ربح السبيعي]

عن اذنك يامحمد انا طالع نصف ساعه وراجع


نزل بيوتك ونكمل بعد صلاة المغرب

[محمد السحيل]

استلم


نحمد الله في كنف راعي المد الجزيل=مار حذرى لاتغرك مع الوقت الحلام

نعم يالغلباء لكن قدمكم هيلا تهيل=كم ملوكٍ لاذكرت فعلنا تجفى المنام

[محمد السحيل]

مرحبا بك يا هاوي قصيد

لاهنت على مرورك

ربح خذ راحتك

[هداج تيماء]

الله الله

ربح السبيعي بدعة معلم ما يحتاج

صح لسانك ولاهنت


محمد السحيل

صح لسانك



متابع وماسك الصف

[ربح السبيعي]

احمدالله دام عايش تحت ضلاً ضليل=كل مامريت مسلم فباده بالسلام


كفو يالهلا لكم فالبلد وزناً ثقيل=مير غلباء غالبه لوتشدون الحزام

[ربح السبيعي]

مرحبابك ياهداج تيماء


وصح بدنك يالغالي


وجودك ومتابعتك مكسب لنا

[سياف العتيبي]

هذا والله العلم

واصلوا وحنا متابعين

ونعم فيكم يالشعار


صحت السنتكم ياربح ويامحمد

لاهنتم

[ربح السبيعي]

صح بدنك ياسياف العتيبي


ولاعليك زود


تشرفنا بمرورك ولاهنت

[الرااااااسي]

ابداع

صح لسان السبيعي والسحيل

[ربح السبيعي]

صح بدنك يالراسي


ولاهنت على مرورك الطيب