كل لاعب في الهلال يبي يسجل!! لو على حساب اعصابنا

[االزعيم الهلالي]

ماهو سر الانانيه التي اصابت لاعبين الهلال!! من بعد مباراة الهلال والاتفاق التي انتهت خماسيه للهلال تغير وضع الاعبين!!

هل هي غلطة الاداره باطلاق وعود بمكافات ضخمه لكل لاعب يسجل هدف!! اذا كان هذا الامر صحيح فهي غلطه لاتغفر للاداره ,

لو رجع نواف العابد للاهداف التي يضيعها وخاصه قدام التعاون والنصر ورجع شاف موقع ناصر الشمراني وين يمكن ينصدم بأنانيته وقت المباراه .. وين اللعب من لمسه وين العب الجماعي الممتع للهلال!!

نيفيز حدث ولا حرج اصبح يقاتل لمجرد ان يسجل هدف شخصي لنفسه وتناسى انه لاعب في فريق ! ناصر الشمراني اتذكر في احد المباريات تعمد ان يكون اناني فقط ولم يمرر لنيفيز كانه يوصل رساله للبرازيلي !! رغم ان ناصر اكثر لاعب يلعب لعب جماعي في الهلال ومن لمسه .. ولكن لكل فعل ردة فعل !!


الدوسري عزوز .. لو سدد على المرمى اعتقد السلحفاة تسبق كورته من ضعف التسديد ودايما تكون الهجمه معه بدقيقه تقلب الهجمه على الهلال

سالم الدوسري ! يستهلك وقت في المراوغه والمهارات اللي ماتوكل عيش لكنه لاعب ماغلط من سماه نيمار العرب لكن لو يهدا شوي ويبعد عن ارتكاب الاخطاء ويعرف يخلص كوره بهدوء



الشهراني سلامات !! اتوقع ان هذا الاعب جسم في الملعب عقله خارج الملعب والدليل بغى يجلطنا بأخطائه الفادحه



الدعيع مهما قلت عنك والله انك بطل وانت مستقبل الدفاع في الهلال وخليفة النعيمه بدون منازع وخطا تسجيلك في مرمى فريقك كان في الشوط الاول يعني كان بأمكان الفريق يعدل ويفوز وافضل الاعبين في العالم ارتكبو نفس الخطا بدون قصد لم يقلل منهم شيء


سلمان الفرج انت لاعب ممتتع للغايه ماشاءالله تبارك الله وملتزم


الشمراني روح ياشيخ الله يوفقك شايل الهلال على اكتافك




سلطان البيشي انا معجب بهذا الاعب وفي خانته اذا لعب الاخطا قليله بعكس الشهراني والبيشي جيد في الالتحامات البدنيه ومدافع صلب فقط يحتاج مباريات للعوده لمستواه







في الاخير نعرف قيمة كل لاعب في الهلال وهم الافضل في الملاعب السعوديه ويملكون افضل المستويات لكنهم بخلاء للاسف وبعضهم غلب عليه الانانيه


يجب محاسبتهم ومطالبتهم باللعب الجماعي المعروف عنهم