مرثية قالها ضيدان بن منصور بن قضعان في الشيخ عبدالله بن بعيث شيخ شمل ال الحمراء بني ه

[عبدالله بن راجس]

مرثية قالها ضيدان بن منصور بن قضعان في الشيخ عبدالله بن بعيث شيخ شمل ال الحمراء بني هاجر رحمه الله






ليت الحزن في عين دار الجديده = ونقول حزِنِ مرنا مثل الاحزان
لكن حزن اليوم حاله فريده = حزنِ شمل كل القبايل والاوطان
حزنِ شمل يامِ بديده بديده = من قبل لايشمل مداغيش قحطان
حزنِ على شيخِ علومه مجيده = يفرح به ضعوف ويتاما وضيفان
راعي يمينِ ماتمد الزهيده = يشهد على قولي طراقي وجيران
عبدالله بن بعيث محزم عظيده = لاظاعة الهقوات بفلان وفلان
شيخ ال الحمرا فالسنين الشديده = كم فرج الكربه وكم سد ديان
وكم من سجينِ فالدجاء فك قيده= وأعتق رقبة إللي بلا أعمام وإخوان
ياحلفنا ياطيبين العقيده = ياصادقين الحلف مره وعجمان
عزالله انه راح منكم فقيده = شيخِ جمع شيخه ومسجد وقران
ولملم شمل ربعه بعينه وبيده = وخلد لهم في قمة المجد عنوان
الراس قاسي والمشابح بعيده = والقلب لين والعطيات سفطان
لوكل شيخِ ياصل إللي يريده= ماميز الله شيخ من بين شيخان
من حبه الله حببه في عبيده = ومن يعمل المعروف يجزا بالاحسان
يالله عسى الروح الفقيده شهيده = وعسى عوضنا في طويلين الايمان
عواله إللي كل منهم وليده = مقدامهم فهد وخالد ومشعان
روس الحرار النادرات العنيده = تخريجهم من مدرسة طير حوران
يالله عسى عقب الحياة السعيده = تجعل له الجنه مقرِ وعنوان

[جواهر عبدالله]

الله يرحمه ويرحم جميع أموات المسلمين

وصح لسان قائلها

والله يعطيك العافية على نقلها .

[رشيد الهديرس]

صح السانك يابو راجس ولسان ابو منصور والله يرحم الميت

[الدندووووونه]

الله يرحمه ويغفر له ويدخله فسيح جناته..

وصــــــــح لسان ناقل القصيده وقايلها..

والله يعطيكم العافيه

[عيون مغليها]

أسأل الله تعالى أن يغفر للشيخ ويرفع درجته في المهديين ، وأن يخلفه في عقبة في الغابرين ، وأن يغفر لنا وله ، وأن يفسح له في قبره وينور له فيه ، وأن يخلف على أهله وعشيرته فيه خيراً


صح لسان الشاعر

ولاهنت يابن راجس على النقل المميز

عيون مغليها

[بـــشـــرى]

عبد الله بن راجس

......................

رحم الله الشاعر .. ضيدان بن منصور

نسأل له الغفران و الرحمن

وصح لسانه ولا هنت يابن راجس

تحيتي لك

أختك .. بــــشـــرى