لكل هلالي فاهم الرجاء الرد علي برد يقنعني

[االزعيم الهلالي]

السلام عليكم ورحمة الله وبركاته

اخواني عندي بعض الاستفسارات وابي اجابه عليها

اللي اعرفه الفريق البطل يملك فريق اساسي واحتياط بنفس المستوى

لكن انا عن نفسي ما اشوفها بالهلال

ويمكن احد يقنعني ان البديل بالهلال ممتاز

دكة بدلا الهلال دائما لا تخلوا من هذه الاسماء


(( عبداللطيف الغنام - يوسف السالم - سلطان البيشي - عبدالعزيز الدوسري - سلمان الفرج - ياسر القحطاني - محمد الشلهوب ))

لي ملاحظه على بعض الاسماء

عبداللطيف الغنام : وش موقعه بالفريق الهلالي وهو له كم سنه بالعيادة الطبية

يوسف السالم : منذو قدومه للهلال وش قدم ؟؟ وهل هو بمستوى الهلال ؟؟

سلطان البيشي : ايضاً لاعب ليس بمستوى الهلال

عبدالعزيز الدوسري : من بعد عودتة من الاصابه ما اشوف انه يقدم مستواه المعروف

سلمان الفرج : منذو تجديد عقده لم يخدم الهلال الا بهدفه امام الاهلي

ياسر القحطاني : هذا اللي وجوده بالهلال مهم
محمد الشلهوب : ايضاً لا يختلف عن ياسر فهم اعتبرهم منبع دفع الاعبين للحماس ودفع روح الفوز بالاعبين


اذا يا جمهور الهلال تبغون فريق لا يشق له غبار تجهيز دكة بدلاء ممتازة
ولا بد من ايصال طلباتنا للكوتش ابوعبدالله

لاعب الاتفاق علي الزقعان مطلب مهم للهلال
وايضاً لاعب الاتفاق حمد الحمد مطلب مهم
حسن معاذ يجب مقايضته بالسالم والفرج
رادوي ايضاً مطلب بدل كاستيلو

يجب على الكوتش ابوعبدالله ان يلتفت لدكة البدلاء

خلونا نكون واقعيين شفتوا كيف دكة بدلاء النصر والاساسي

واذا الادارة تبتعد عن بعض الاعبين بسبب المزايدات المالية فهذا عذر غير مقبول

اللي يبي فريق قوي لابد ان يرخي الريال


والسلام خير ختام