بعد هدوء العاصفة

[االزعيم الهلالي]

السلام عليكم

موضوعي هذا بتكلم فيه عن نقاط سريعة تخص الفريق بشكل عام والنهائي بشكل خاص ,,,

أتمنى قبل قرائتكم للموضوع البعد عن التشنج أثناء القراءة فبالأخير هي مجرد آراء قد أصيب فيها أو أخطئ ...

في البداية هاردلك لنا البطولة وإن شاء الله الجايات أكثر زي ماعودنا الزعيم ...

كنت بكتب الموضوع أمس بعد المباراة بس كنت معصب وعرفت أني راح أسب كل لاعب هلالي لو نزلته أمس

وكمان كل الجمهور وقتها معصبين من خسارة البطولة فقلت أخليه ألحين عشان تكون الأجواء هدت لو شوي ...


.......

أولا : المباراة لم يستحق النصر فيها الفوز على مستواه , وكذلك فريقنا لم يستحق الفوز على المستوى

فالمستوى كان هزيل جدا بعد الدقيقة 25 إلى نهاية المباراة تقريبا , كلنا شفنا المباراة وفرحنا بعد هدفنا

المبكر جدا وتوقعت بعدها إنهيار للنصر بسبب وقت الهدف وهذا اللي صار لاعبين النصر إرتبكوا كثيرا بعد

الهدف لكن لاعبيننا ما إستغلوا إرتباك النصراويين ,,, فريق النصر بعدين بدأ يستعيد الثقة بنفسه حبة حبة

لين جاب التعادل وكان واضح أن الهدف راح يجي من عرضية أو زاوية لأن عرضيات حسين كلها كانت خطيرة

وبعدها لاعبيننا إرتبكوا شوي خصوصا أن الهدف جابه لاعبنا الدعيع , وبعدها إستمر الأداء الهزيل لين جاء

البلتني الخيالي وجاء منه التقدم , بعدها مالاحظت لاعبيننا يبون الفوز أو يحاولون القتال للتعادل ...



ثانيا : الكوتش سامي بعد المباراة ناس إنقلبوا عليه واللي قال فاشل ومن هالكلام , أن ضد التطبيل لسامي

وبنفس الوقت ضد نسف المجهودات اللي صاير من البعض , سامي أخطأ في المباراة في التبديلات لكنه

لايتحمل الكثير فالتشكيلة اللي وضعها للمباراة كانت الأفضل والأنسب , لكن ما بيده حيله قدام برود العابد

وإرتباك الشهراني ومستوى عزوز الدوسري الهزيل , من وجهة نظري سامي ربما يتحمل فقط 20 % من

الهزيمة أمس أو أقل , البعض نسف مجهود سامي وكأن الهلال الآن في المركز السادس , الفريق الآن

في المركز الثاني ومنافس قوي على الدوري وكل هذا في أول سنة لسامي في التدريب وأعتبره إنجاز بحد

ذاته لسامي في أول سنة , ليس من المعقول إقالة سامي لأنه لم يحصل على الدوري فعلى الطريقة هذي

كل سنة مدرب الفريق الفائز بالدوري يبقى والـ 13 الباقين يرحلون !! ,, وبنفس الوقت أن ضد اللي

يسبون اللي ينتقد سامي ويشككون في هلاليته فأنا أعرف هلاليين كثر ضد تعيين سامي من الأساس

فهي وجهات نظر وكلها نابعة من حب الهلال ...



ثالثا : راح اذكر نقاط على السريع عن بعض اللاعبين

سلطان الدعيع : لاعب موهبة فذة وراح يصير من أفضل قلوب الدفاع في السعودية إذا مهو الأفضل لكن

يبيله صبر فاللاعب باين عليه واثق من نفسه ومايرتبك , والخطأ اللي صار منه أمس مدافعين عمالقة

صار منهم هالخطأ وأتمنى محد يقسي عليه عشان الهدف .

ياسر الشهراني : اللاعب هذا والله العظيم أني بديت أكرهه ما أدري علامه هالموسم فرق 180 درجة عن

الموسم اللي فات اللي كان شعلة بالملعب وتوقعت أنه راح ينسينا مشكلة الظهير الأيمن لكن ما أدري وش

صار عليه , اللاعب صاير يرتبك كثير ولياقته صايره ضعيفة جدا و أتمنى من الإدارة الإلتفات له .

سعود كريري : اللاعب هذا كنت حاط عليه آمال كبيرة لكن إلى الآن خيب أملي لكن أتمنى أنه يسكتني

ويقدم شئ .

نواف العابد : اللاعب واضح أنه يبي يطلع من الفريق صاير يلعب بدون نفس طول الموسم وسامي حاول

معه كثير عشان يرجعه للفورمه عطاه الكابتنية ومانفع حطه إحتياط ومانفع فأنا أتمنى بيعه فاللاعب

صاير يلعب تأدية واجب 90 دقيقة فقط .

ناصر الشمراني : وش أقول ووش أخلي أقسم بالله اللاعب الوحيد اللي يحترق عشان فنيلة الهلال

يتحرك طول التسعين دقيقة ويحاول بشتى الطرق عشان يسجل , أفضل لاعب هلالي هذا الموسم بدون منازع

ياسر القحطاني : هذا هو سر إنقسام الرأي الجماهيري بين الهلالين , ياسر لم يعد عنده الكثير ليقدمه

للهلال , اللاعب هذا والله أني أحبه كلاعب عظيم قدم للهلال الكثير لكن ألحين لا يستطيع تقديم شئ

للفريق , هذي كرة القدم لاعبين ينجحون ثم ينزل مستواهم بصفة طبيعية , أنا مع بيعه في حاله

واحدة فقط وهي جلب مهاجم أجنبي حركي يساعد ناصر فقط ...

بالأخير الهلال بالطريق إن شاء الله كأس الملك وبعدها الآسيوية والموسم القادم الدوري إن شاء الله ...

أتمنى الموضوع ماكان ثقيل أو مزعج لكم :rose::rose: