// شوق //

[وصايف الهيلا]

متواضعة صغيرة للمشاركة والتواصل
أرجو أن تنال على إستحسانكم
ورضى ذائقتكم الشعرية
هو بلا شك هدفنا.

http://www.7m7.org/img101/s0a.p7m7mfslkfs.lw9w6f9w67710718.jpg


سجيت بعد العصر من يوم الأثنين=كتبه ومقسوم من الله عليه
وهلت مدامع القلب والعين =بسبة خل(ن) حط بالقلب كيه
ياحب خطيتك بوسط الدوواين= فليهِ.. بعد المحبه تقسى عليه
قلبي أنحرق والحال مني غدا شين=وفقدت قلبي بين صبح وعشيه
لو يطلب الروح تفداه هالحين= لكن طلب حبيبي صعب وخطيه
فإن كان لي مشتاق شوق المحبين = والله ما اصخاه والشمس حيه
وأن كان لي مشتاق هات البراهين= وان كان ماتشتقالي قول ليه



أختكم /وصايف الهيلا

[نياف العتيبي]

هلابك ياوصايف الهيلا


حضور اول جميل


صح لسااانك


ولاهنتتتتتي


ولي مع كم شطر وقفه اتمنى منك تلافيها في القادم


الناااايف

[أبوعبدالرحمن]

حياك الله ياوصايف


وصح قلبك وكلك

وننتظر جديد هذا القلم


تحيتي لك

[عبدالعزيز اليامي]

وصااايف


صح لسااانك


وخلي عندك ثقه اللي ما يخطي


مايتعلم


انا حاولت بابسط التعديل لكي اكون قريب من افكارك


ولاااااحظـــــي الفرق



سجيت بعد العصر من يوم الأثنين
كتبه ومقسـوم(ن) مـن الله عليـه
وهلـت دموع(ن) توجع القلـب والعيـن
بسباب خل(ن) حـط بالقلـب كيـه
ياحب خطيتك بوسـط الدووايـن
وش فيك.. بعد الحب تقسـى عليـه
قلب أنحرق والحال مني غدا شين
وفقدت قلبي من صباح لعشيـه
اللي لوانه يطلب الروح هالحيـن
تفداه لكن لايدور خطيـه
فإن كان لي مشتاق شوق المحبين
والله ما اصخي فيه والشمـس حيـه
ومادام لي مشتاق هات البراهين
وان كان ماتشتاق لـي قـول ليـه

اخوك//

[وصايف الهيلا]

حييت يالنياف
وصح بدنك
كان بودي لو كتبت وقفتك
حتى يكتب لي شرف تلمذتك

[وصايف الهيلا]

ابو عبدالرحمن
تسلم
وموعود بخير أنت وهالمنتدى من هالقلم
أو من اللي راح يكتبه

[وصايف الهيلا]

اخوي
عبدالعزيز اليامي

صح بدنك



وإن كان به شاعر مـن النقـد مستـاء / لا عاد ينشر شعر ما هوب مكلـوف

وشلون اتضايق وهذي لافته على باب المنتدى واضحه وضوح الشمس

نقدك في محله

واعتز فيه
وراح انقله لمنتدى ثاني سبق وكتبت نفس هذي القصيدة فيه
حتى يشوفون النقد اللي يرفع من المقدرة الشعرية ويعززها

ولن يحطها ..فمهنا عيب وقعت فيه حتى استاء من النقد


يزيدني شرف أن أكون تلميذة في صفك ..
ولي الشرف أني احظى بنقد من شاعر قدير..





اختك ...وصايف الهيلا

[ناصر القزلان]

هلا بك ياوصايف ..

قبولكـــــــــــ للنقد يعني الشيء الكثير .. هو أول درجات العلم ..

الفكره جميله فقط يعيب القصيده ..

اولا .. قصيرة مافيها نفس ..

ثانيا .. ارتباكــــــــ في وزن بعض الابيات .. اوضحها الاخ اليامي لكـــــــــ ..

الروح الشاعريه موجوده عندكـــــ فقط حاولي تصحيح الاخطاء في المرات القادمه ..

بالتوفيق دائما ..

كل الود ..

والاحترام ..

أخوكـــــــــــــ ,,,,,,,,,

[نشمي مقعد العتيبي]

وصــــــــــــايف الهيلا

الف هلا وغلا ........

بدايه رااااايقه واتمنى لكي التوفيق

لاهنتي وهلابك بين احبابك

تقبلي مروري واعدك بالمتابعه....

[صلاح الأحمدي]

.
.


وصــــــــــــايف الهيلا



صح لسانك واعتلااا شانك

يعطيك الف عافية

على هاالقصيدة الرائعة والروح الطيبة


والاساتذه ماقصروااا
وبانتظار جديدك

تحيتي لكـــ

.

[محمد السفري]

وصايف الهيلا


صح لسانك
جميل هذا النص



تحيتي

[محمد الدغيري]

قبولكـ النقد الهادف من الأخوه
خطاكـ على صقل شاعريتكـ

صح كلكـ

وننتظر ابداعكـ

وهناك في شعراء المستقبل مواضيع للأخت امل عبد العزيز فيها سرح لبحور الشعر مفصل ومعـ الاعضاء يداً بيد بكل محاولاتهم
وانتي لا ينقصكـ إلا صقل الموهبه فـ الشاعريه موجوده

[مهدي بن مسفر الحبابي]

الاخت وصايف الهيلا

هلا وغلا ومرحبا بش مع أخوانش وخواتش اسرة غرابيل الادب

يشرفنا وجودش

صح لسانش واعتلا شانش

حضور أول ريع وننتظر جديدش

تقبلي احترامي ومودتي

[عبد الرحمن مازن العطاوي]

.
.


فإن كان لي مشتاق شوق المحبين
والله ما اصخاه والشمـس حيـه

وأن كان لي مشتاق هات البراهين
وان كان ماتشتقالـي قـول ليـه


وصايف الهيلا
تقبل النقد برحابة صدر سبب نجاح عسى الله يوفقك
حضور أول رايق وصح لسانك عليه



تحيتي لك

.
.

[خــــالـــــد]

وصايف الهيلا
ـــــــــــــــــــــــــ ــــــ
صح لسانك وقلبك أختي

تسلم يمينك على القصيدة الرائعة


وحياك الله معنا
ـــــــــــــــــــــــــ ــــــ
أخوكـ/خالد

[احمد مناحي]

وصايف الهيلا

هلا فيك وغلا

بداية جميله كفكرة قصيده ومشاعر رائعه

وان كانت هناك بعض الملاحظات على الوزن ماقصروا الاخوان في ايضاحها

ونحن هنا لنفيد ونستفيد من بعضنا

اتبعي واستوعبي مانقله لك الاخوان فانتي شاعره قادمه بقوه باذن الله

اعجبني جدا جدا ثقتك الكبيره في نفسك ورحابة صدرك الله لايضرك

تقبلي مروري

[زبن بن عمير]

الله

يوفقك

بس ملاحظات الاخوان على مشاركاتك صحيحة وسبقوني بها
نتنمنى ان نقرا لك في منتدى الشعر
قصيدة مكتملة

تقبل ودي

[وصايف الهيلا]

حيا الله ناصر
حياك وحيا النقد واهله

الفكره جميله فقط يعيب القصيده ..

اولا .. قصيرة مافيها نفس ..
طيب الفكرة لازم تتجمها كثرة الأبيات
ولا طولها ؟؟
ودي وضحت هالنقطة أكثر
ففيه ابيات يكون عددها اربع وتكفي لتعبر عن الفكرة من غير ان تطول القصيدة
على نسق خير الكلام ماقل ودل

لاتبطي علينا لو عندك رد ثاني

وحياك

[وصايف الهيلا]

نشمي بن مقعد
حييت وبقيت يابن العم
وتسلم ويسلم لنا مرورك

[وصايف الهيلا]

صلاح الاحمدي
صح بدنك
والله يعافيك

واكيد الاساتذه ماقصروا
ونبيك تكمل مابدوا من نقد
لو عندك غير ما ذكروا

[وصايف الهيلا]

محمد السفري
صح بدنك
والاجمل حضورك

[وصايف الهيلا]

محمد الدغيري
حضورك شرف
وكلامك على العين والراس
شفت الدروس بس للأسف انا طالبه كسول تأخرت عن الحضور في وقت مبكر
ففاتني الشيء الكثير
بس يكفيني انك اعطيتني شهادة الشاعرية

[وصايف الهيلا]

مهدي بن مسفر
الله يبقيك ويسلمك ويحيك
اشكرك على حسن الترحاب
وعلى عذابة الحضور

[وصايف الهيلا]

حيالله عبدالرحمن العطاوي
حضورك شرف وكلامك زاد الشرف شرفين
ومن غير نقد ما راح نرتقي حتى نوصل الى ذروة السلم الشعري

[وصايف الهيلا]

خالد
حييت وبقيت
اشكرك واشكر كلامك الزين والذرب
عساك على القوة دوم

[وصايف الهيلا]

حييت يامحمد الشمري
وصح بدنك


بداية جميله كفكرة قصيده ومشاعر رائعه
تقدر تنقد الشعر ..بس المشاعر خارج النقد
سواء كانت مشاعر شاعرية او مشاعر واقعية


وان كانت هناك بعض الملاحظات على الوزن ماقصروا الاخوان في ايضاحها

ونحن هنا لنفيد ونستفيد من بعضنا
أكيد أكيد
ومافيها شك ولا ريب


اتبعي واستوعبي مانقله لك الاخوان فانتي شاعره قادمه بقوه باذن الله

اعجبني جدا جدا ثقتك الكبيره في نفسك ورحابة صدرك الله لايضرك

تحية شكر من أجل هذا القول الغالي كالوسام
والثقة في الله ثم في نفسي كبيرة وجداً
ولولا ثقتي ما تقبلت نقدكم ..

[وصايف الهيلا]

الله

يوفقك


حيالله زبن بن عمير

والله يوفقك الجميع ومن قال معهم



بس ملاحظات الاخوان على مشاركاتك صحيحة وسبقوني بها
نتنمنى ان نقرا لك في منتدى الشعر
قصيدة مكتملة
حفيد الشعر هل أتيت من أجل تصحح لغيرك
ولا من اجل نقد القصيدة الغير مكتمله ؟





دامك حفيد الشعر
أنتظر نقد هادف منك حتى أضيفه في كراسة تعلمي واقول في ذات يوم تعلمت من حفيد الشعر ما يفيدني.




خالص مودتي لك
وصايف الهيلا

[عبدالرحمن العتيبي]

الرائعه وصايف الهيلا

ارى امام ناظري لوحه من الابداع حازت على الجزاله بحذافيرها
واكتست بحلل الجمال وتوشحت بوشاح التميز وتربعت على عرش الابداع
اما هذا كله استميحك عذرا ان توارت كلماتي المتواضعه
خلف ستار الخجل خوفا من تقصيري في مدح تلك
الدرر التي تناثرت على ضفاف بحر ابداعك
صح لسانك واجاد بنانك مدد بلاعدد
وحتى الرضى ودام الابداع لك حليفا
وتقبلي
خالص الود
وابيض الورد
وارق التحايا

[سعود]

صح لسانك

وسلمت اناملك على هذه القصيده الرائعة


تحية عطرة

[وصايف الهيلا]

عبدالرحمن المورقي

حياك اخوي
وكلامك إسراف في حقي
والله يسلمك ويعلي قدرك ومقدارك

[نايف عبدالله العتيبي]

وصايف الهيلا

::

صح لسانكـ يا وخيتي^_^

وفي أنتظار جديد بوحكـ

أخوكـ

[وصايف الهيلا]

صح لسانك

وسلمت اناملك على هذه القصيده الرائعة


تحية عطرة

اشكرك على مرورك

ومشكور على الاطراء

[وصايف الهيلا]

نايف العتيبي
تحييا ودوم
وصح بدنك

وراح يجي الجديد بمشيئة الله