ابغى اشتري نعيم ... وابغى مشورتكم يا اخواني

[تاجر مواشي]

اغنام - ابل - دواجن - طيور


ابغى اشتري نعيم ... وابغى مشورتكم يا اخواني (http://www.aghnam.com.sa/vb/showthread.php?t=300704)


سلام عليكم ورحمة الله وبركاته

الله يصبحكم بالخير .... والله يمسيكم بالخير

فكره الشراء تراودني من زمان

وحفظ مقولة ( الغنم غنيمه ) ( لمن يدبرها )

يا اخوان لا اريد شرح ما لقيته ( واكتفي بقول الله يجعل العاقبه خير )

الموضوع

اريد اشتري (http://www.aghnam.com.sa/vb/tags.php?tag=%C7%D4%CA%D1%ED) غنم نعيم (http://www.aghnam.com.sa/vb/tags.php?tag=%E4%DA%ED%E3) وعندي بعض الاساسات محتفظ بها ولكن اريد تنوير وتسديد من ارائكم
وابغى البدايه الصحيحه

انا رجال حدود دراهمي تجيب لي من ال70 راس الي ال 90 راس

يوجد مراح لاحد اصدقائي وتزهل لي براعيه ( وقلت له انا موقتا حتى اجيب لي عامل )

وقال لا تطلب راعي والغنم خلها عندي ولا عليك وانا رافض ان اكون عاله عليه وهو والله لحيه غانمه واسال الله ان يبارك له
وان يرزقه من واسع فضله
فقلت انا بحطها موقتا عندك لين يجي راعي وابجاورك ( فاصدقكم انني ماتخارجت منه حتى قلت له انا ما ابي اخسرك )
وهذا الشي جميل لا انساه منه

لكن وقفت افكر اخاف اني اشتري غنم ومصرفها ما اقدره

ارجو منكم يا اخوان ان تعلموني كم يكفي مصروفها وماهي الاساسات اللي تنصحوني فيها
انا ابيها لسد حاجاتي وغناه
ولا اريد ان ابدا بها بخساره واكد عليها بدون فايده

انا اخاف الله واحب الغنم وادري ان تربيتها اجر والله لا يحرمنا الاجر جميعا

ابغي تحسبون لي كم مصروفها في الشهر ( اللي يسد حالها ويجعلها بحال طيب )
وطبعا ماعندي وايت راويه

والراعي تقريبا بعد 6 شهور بيكون موجود

ابغى الحسبه اللي اتاكد انها ماتتعداها

وكيف اعزل طليانها وكيف اذا بعت طليانها بعد ما تلد اصرف فلوسها انا صراحه ابغى (http://www.aghnam.com.sa/vb/tags.php?tag=%C7%C8%DB%EC) جدول يكثر الغنم
وانا مستغني عن الفايده من ولدتين او ثلاث ولدات

واسال الله لي ولكم الخير والتوفيق

وشكرا لكم مقدما

المصدر: منـتـديات أغـــنـام (http://www.aghnam.com.sa/vb) - من قسم: * عروض وملتقى مربي الأغنــــام الـنـعـيـمـيـة (http://www.aghnam.com.sa/vb/forumdisplay.php?f=153)


hfyn hajvd kudl >>> ,hfyn la,vj;l dh ho,hkd