مافي لاعب اتحادي يجيد الظربات الثابته والحارس والدفاع رايح فيها؟؟!!!

[عميد اتحادي]

السلام عليكم ورحمة الله وبركاته

طبعا اليوم كل اتحادي شاف المباراه

والاتحاد كان ادائه رائع جدا بس في بعض نقاط هي قاتله للاتحاد

يا اخوان فواز القرني هذا ايش وضعه بالضبط

لاهو بالحارس اللي يقاتل عشان يصد الكوره ولا هو بالحارس اللي يواجهه ويمنع اي هجمه

الهدف جا من جنبه زي السلام عليكم وماكلف نفسه حتى يرتمي لو ارتمى بس حاجه بسيطه كان صد الكورة
بس كالعادة تمر الكورة من جنبه يجلس يطالع فيها وهي تدخل هدف
المباراه اللي فاتت كان ادائه جيد اليوم من بداية المباراه وهو قلقان وخايف وماكان وده يلعب والاصابه اجت له فزعه وطلع من المباراه

الحارس هاني صراحه حارس ماينلام رغم ظهوره المتواضع وقد يكون اول مره ضد الاهلي بس ماشاء الله عليه عمل شي ويحتاج المزيد من التدريبات لصقل مهارته

ويا اخوان الاتحاد محتاج لشخص يجيد الضربات الثابته
اليوم كثير ضربات ثابته اجت ماقدر الاتحاد يستغلها مافي لاعب واحد بالاتحاد يجيد الضربات الثابته
والدفاع يحتاج لنا دفااااااااااااع صاحي

وجماهير الاهلي اثبت انه جمهور فعلا متخلف كنت احترمه بس بعد اليوم صراحه اظهر التخلف والجهل اللي فيه
ابتداءا من اهازيج الجماهير اللي بالملعب
وانتهاءا لما حصل بمنصة الاستوديو التحليلي مجموعة جماهير اهلية متخلفه جايه للاستوديو التحليلي وجالسين يخبطوا ويزعقوا بصوت عالي ونسوا ان انكر الاصوات لصوت الحمير

وبالاخير الحكم قتل الاتحاد يوم الغى الهدف الصحيح 100 %

الاتحاد الفتره الجايه يبغاله وقفه جاده ياخي وربي تنقهر يوم تشوف الجماهير الاتحاديه والاتحاد جالس يخبط مو قادر يضبط كوره زي الناس
الدفاع يخترق اكثر من مره وبكرات قاتله
مافي ولا لاعب يجيد الظربات الثابتة
الهجوم يوصل الين عند الباب ويخبص

نتمنى نشوف القرارات الجايه تكون قوية وفي صالح الاتحاد