قصيدة الوداع جديدة على صفحة مدارات شعبية

[مهدي بن مسفر الحبابي]

أخواني وخواتي اسرة وزوار هذا الصرح الادبي الشامخ أقدم لكم أحدى قصائدي

الجديدة والتي تم نشرها يوم الخميس الموافق21/5/1428هـ على صفحة مدارات

شعبية بجريدة الجزيرة

وإليكم رابط القصيدة

http://www.al-jazirah.com/356097/tr3d.htm


قبل ما ينثر على صدر الأوراق اليراع = دمعته وتسيل ويكون واقعها حزين

مخطر أنها تحرقه لو صدر منها شعاع = أو تبين خافي السر ما بين الثنين

أو تنادي للعواصف ويطير الشراع = ويظهر المستور ويصير رد السين سين

ثم يقال انها السبب فالمهالك والضياع = وانها سبة دمار الدول فالعالمين

وكل شخص يعرف السالفة يعطي انطباع = حولها ويقول ما يعرفه شين وزين

وادري انه ما يعرف الثنية والرباع = بس معهم يشعب السالفة طلبه ودين

فإن بغيت اتطاع فأمر بشيء يستطاع = ويقبلونه منك الناس يا الشخص الفطين

واصعب اللحظات فالعشق لحظات الوداع = والموادع يظهر الخافي اللي ما يبين

يظهر الخافي بعد ما يضيق الاتساع = في عيون اللي تلعثم بنطق الكلمتين

معك يا سيد الغنادير أحب الاستماع = واعشق الإنصات للقول منك كل حين

واعشق النظرة لشخصك وأحس أنها متاع = وأتلذذ بالنظر في غصون الياسمين

العيون لشوفتك يا نظر عيني جياع = متعيها بالنظر فيك جعلك تسلمين

وصلي حبل المواصيل بعد الانقطاع = وعالجي جرح من البعد تدميه السنين

[علي عبدالرحمن الأسمري]

بيض الله وجهك
ياابومسفر
والله يصح لسانك
تستاهل الطيب

[بـنـت الـشـيـوخ]

العيون لشوفتك يا نظـر عينـي جيـاع =متعيها بالنظـر فيـك جعلـك تسلميـن
وصلي حبل المواصيـل بعـد الانقطـاع =وعالجي جرح من البعد تدميـه السنيـن

الشاعر القدير : مهدي بن مسفر

صـــح لسانكـ على هالقصيدة الرائعة ..

فعلاً تستحق النشر ..

ولاهنت

[فيصل بن بدر العتيبي]

صح لسانك وسلم بنانك

اخي الكريم مهدي بن مسفر

قصيدة جزلة

تقبل تحياتي

اخوك /
فيصل بن بدر العتيبي

[طيف]

صح لسانكـ

وتسلم أخوي على القصيده الرائعه ..

[أول خطوة]

واصعب اللحظات فالعشق لحظات الوداعوالموادع يظهر الخافي اللـي مـا يبيـن
يظهر الخافي بعد مـا يضيـق الاتسـاعفي عيون اللي تلعثـم بنطـق الكلمتيـن



صح السانك يا شاعر وعلا شانك


قصيدة لا يختلف عليها اثنين



أول خطوة