زيارة الشيخ حمدان(فزاع) لبرج المملكة وبنات الرياض((فيديو+صور))

[مازن]

بسم الله الرحمن الرحيم

*صور للحدث اللى حصل وعسى الله يهديهم ويستر عليهم:
http://www.yabdoo.com/users/26693/gallery/2191_p104458.jpg
http://www.yabdoo.com/users/26693/gallery/2191_p104459.jpg
http://www.yabdoo.com/users/26693/gallery/2191_p104457.jpg

الشيخ حمدان بن محمد بن راشد آل مكتوم ( فزاع )
وزيارتة لبرج المملكة في الرياض

حقيقه شىء مخجل وغير مبرر أبدا

وانا فعلا مستغرب من تصرفات بعض البنات الله يهديهم

الصراخ والزعاق والهبال هذا ليه؟ :زعلان:

يابنت ماعرفتي ان زينتك في حياك !


مع ملاحظة:
أن هذه الشريحة من البنات في المقطع لا تعكس مطلقا

شريحة بنات الرياض المتحشمات الرزينات العاقلات.




انا متأكد لو مغنيه او شخصية مشهورة محبوبة تمر في برج المملكة

متأكد ان ردة فعل الشاب كليا ً تختلف عن هذا السلوك الهستيري


الله يتمم عليهم عقولكم

أضــغــط هـُــنــا (http://www.lahdah.com/3gp/uploads8/lahdah-6bcdeaa705.zip)

[الأميرة الناعمة]

يعني مهو حلو للدرجة هذه

مويزن انت احلى منه :نأ:

الله يصلح بعض بناتنا طلعونا مشافيح :زعلان:

[مازن]

حساسة






مويزن انت احلى منه :نأ:



ميير الله يسلمس :خجل:

<== خانه التعبير مدري وش يرد :خجل:

[المجروحة]

لاحول ولاقوة الابالله

مفجويعين كأنهم ماشوفوا نعمة


بس أكيد هذولا بنات الهاي كلاس

الي مافي عليهم رقابة وماخذين راحتهم

والا بنات المتربية وبنات الحمايل مايسون الشيء هذا


وبالعكس يستحقرونها عيب علينا في مجتمع محافظ ونسوي الشي هذا


كل الشكر على هذا النقل

أختـكـ/المجروحة

[مازن]

المجروحة

هالشريحة ماينشرهه عليهم ابد ينشرهه على اهاليهم

لابد من وضع ضوابط لمثل هذه الظواهر المخله كما فعل هذا فعل هشام الذي طرده الامير سلمان عن طريق الهيئة

اشكرك على مرورك وتعليقك

[ماجد نصار]

هذي مرتب لها قبل يجي

صدقوني

والا لو اقابله لوحده باي سوق مستحيل اعرفه

فكيف لمن يمشي بسوق مزحوم؟



مشكور مازن

[كل الفخر]

الحمد لله والشكر هالبنات اللي ضاربة فيوزاتهم........أول مرة يشوفون شيخ؟؟؟؟؟؟؟؟؟؟؟؟؟



الله يهديهم بس

[مازن]

جرح كاسر

كل شي جايز لا أستبعد اي شي


اشكرك على مرورك اخوي

[مازن]

كلي فخر

مالنا الا نقول الله يثبت بناتنا بس


اشكرك عالمرور عزيزتي

[ريف العين]

كأنهم ماشافوا خير هالبنات

زينه البنت بحياها وعفتها

ولا اللي ماتغطت ودي اشوته من فوق برج المملكه :11bomb:

الله يهديهم ان شاء الله

مازن

يعطيك الف عافيه اخوي

تقبل أرق تحيه

[مازن]

ريف العين

شكل كلامك طالع من قلبك فهذا دل دل على غيرتك ماشاء الله عليك

اشكرك عالمرور السمح


لاعدمناك يارب

[الغـــــــــــــامضة]

صراحة الشيخ حمدان وسيم الله يحفظة ..


بس ليه مستخفات البنات ولاماصدقوا خير أنهم شافوه قدامهم ؟؟



الله يصلحهم رد فعلهم موحلو وبتعكس صورة موحلوة عن السعودية وخااااصة الرياض ..


لاتحرمنا جديدك مــــــــازن ..

[TαlαL]

تفوه تنطح تفوه عليهن وحده وحده

الله يكرمكم

الله لاباركبهن فضحنا الله يفضحهن

والله منظر مخجل وبكره بينتشر المقطع باسم بنات الرياض

وهو باالاصل باسم فاصخات الحيا

الله يستر على بنات المسلمين ويهديهن

[الماسه]

والله شي يفشل

للاسف

الله يهديهن


انا متأكد لو مغنيه او شخصية مشهورة محبوبة تمر في برج المملكة

متأكد ان ردة فعل الشاب كليا ً تختلف عن هذا السلوك الهستيري
اشك فيها هذي!!!!

مشكوور مازن

[am-masab]

اللهم لاشماته ويهدي بناتنا واولادنا
وهذي شريحه من البنات الله يهديهن ( هذا جهل وقلة عقل الحمدلله والشكر
اللهم ثبت عقولنا):11sted_re :11sted_re

[bahja]

الله يهديهم

[نور بني تميم]

ياساتر
صديقتي يومها راحت للمملكه وسمعت صراخ توقعت احد طاح من دور
بس شافت الهبال صورت الهبال وخافت وطلعت.................من المجمع كله
صدق انه مزيون بس قله ادب اللي يسوونه
الله يستر بس
شكرا

[المرهــف]

::::::::::::::::::::::::
عاد لو ان اللي زاير المملكة

زش كان صارر يامويزن ؟!

<<--------- ابوك يالثقه

:هاها: هههههههههههه :هاها:
<<-------------------------------->>
بس بيني وبينك والله قلة حيااا

لابعــد الحدود وصلت فيهم المواصيل

يصيحون ويصارخون بمكان عام :زعلان:

الله يصلح الجميـــع بس
<<-------------------------------->>
منور البلوتوث والله ياشيخ مازن

ولاعدمنا هالحضور ياربـ
::::::::::::::::::::::::

[مازن]

الغامضة

بالفعل ستعكس لنا صورة سيئة

اشكرك على مرورك

[مازن]

العالمي mmm

الجميل في الأمر والشخص المتفتح يرى أن هؤلاء لا يمثلن إلا انفسهم وقلة بنظري

ولكن لا حياة لمن تنادي

[مازن]

ضحكة الدنيـــــا

بل صدقي فعقلية الشاب أكبر وأرزن من عقلية البنت


اشكرك عالمرور

[مازن]

am-masab

اللهم امين

واشكرك عالمرور عزيزتي

[مازن]

bahja

اللهم آآمين

اشكرك على المرور

[مازن]

نور بني تميم

الله يحظك صديقتك وجميل انك ضد هذة المواقف المشينه الي يسوونها هالبنات الي متجمعين حولة

نسأل الله الهداية لهن

اشكرك عالمرور

[مازن]

عاد لو ان اللي زاير المملكة

زش كان صارر يامويزن ؟!

<<--------- ابوك يالثقه

:هاها: هههههههههههه :هاها:
::::::::::::::::::::::::

لو إنك بالفعل جاي المراة الحاااااااامل بيسقط جنينها من وسامتك وجمالك

حفظك الله من كل شر


اشكرك على مرورك

[طيف]

الشكوى لله ..

بنات من غير عقول..

إلى ها الأحد

الحمد لله والشكر ..



مازن

جزاكـ الله الخير

على غيرتكـ الشديده

[مازن]

** جوري بريده **

الله يعافيك واشكرك لتواجدك بكل المواضيع


لقد سعدت بمرورك

[أبـو نـدى]

أخي العزيز مازن

هذا المقطع لايمثل إلا من حضر ومن ليس عنده غيرة

نسأل الله لهم الهداية والعودة إلى طريق الحق


أشكرك




http://www.q8boy.com/uploads/a018316408.gif (http://www.q8boy.com)

[عبد المولى]

بنات مو شايفة خير الحمد لله والشكر وين اهلهم عنهم

[مازن]

ابو ندى

بالفعل صدقت ياعزيزي


ونسأل الله سلامتهم وحفظهم من كل شر

اشكرك عالمرور

[مازن]

عبد المولي

تقولها صاادق هههههههههههههههه


اشكرك اخوي على مرورك

[مشاعر حالمه]

وجع يوجعهم قليلات الحيااااااا

قسم بالله ماشافن خير

الحين الرجال جاي زيارة للمملكه والبنات الصيّـــع لهم صياح ونهيق كنّــه نهيق حماااااار عزّكم الله

كله عشان يصورون معه

الله لابارك فيهم من بنات يخسون ويعقبون ماهم بنات سعوديه هذولا صلب ليت ربي اخذ ارواحهم ذاك الوقت

ولاصار اللي صاااااااااار من تشويه سمعة لبنات المملكة حسبي الله عليهن

ماااااازن

مشكور على المقطع اللي يدلّ على وجود فئة شااااااذّه في مجتمع يزعمون بأنهم سعوديات

الله يعطيك العافيه وبارك الله فيك

تحيتي لك / مشاعر حالمه

[هـمـْـْ الغلا ـْـْـس]

الحمدلله على العـآفيه


عن جـد نـآس مريضـه

[مازن]

مشاعر حالمة

مشكورة اختي على مرورك

[مازن]

هـمـْـْـ الـغـلا ـْـْــس

بالفعل

وفية ناس دوافيرة


اشكرك على مرورك

[aa mtab]

والله لو يوزع فلوس ما صارخن للدرجة ذي
حسبي الله ونعم الوكيل

[مازن]

aa mtab

عزيزي هذه من قلة العقل والدين

واشكرك على مرورك

[سلامة العين]

الله يهدي جميع المسلمين و المسلمات

أنا سمعت إن الشيوخ يسلمون عادي

بس ما يحبون الناس اللزقة .......... و هاذي الفكرة ماشيه عند الجميع إلا المتخفلين عن الدين الإسلامي السمح

[لوريا]

الحمد لله والشكـر على نعمة العقل بس ،،،،،

خيــــر كن الوحده فيهم قاعده تولـــــــد ،،،،،،،،،،

الله لايبلانــــــــا ،،، قلنـــــــــا فزاع مزيون الله يهنيه بس مانضيع عقولنــــــــــــا عـــــاد

ونصير مجـــــــــــانين ،،،،

الله يهديهم بس

لـــــــــــــــووريـــــ ـا

[مازن]

سلامة العين

اشكرك على مرورك

[مازن]

لوريا

يالفعل والله اضحوكة اصبحت بين الخليج ببناتنا

اشكرك على مرورك اختي

[شوق ،،]

صدق فزاع حليو بس ماتوصل إلى هاذي الدرجة:زعلان:

[مازن]

كورستال


هههههههههههههههههههه من جد

اشكرك اختي على مرورك

[أول خطوة]

اول مرة اشوفها

بس شي يضحك هههههه الحمد الله و الشكر

ما شافو خير بس والله مو شي جديد مثل ما عملو من قبل بس هو شكله متخرع

[مازن]

اول خطوة

اشكرك عزيزتي على مرورك

[شامخة الذات]

الصراحة بنااات ما يستحون

شوهوا صورتنا

بس هذا وجهي ان كانوا بنات قبايل

ما اختلفنا انه حلو بس مو لدرجة الصراخ والصياح مو شايفين خير

وبعضهم مع الخيل يا شقرا ما يدرون وش السالفة بس يصارخون


صدق أصحاب العقول في راحــــــــــــة

[مازن]

شامخة الذات

اشكرك على مرورك اختي

لقد سعدت بمرورك

[سعود]

الهيئه وينها عنهم ؟؟


المفروض تقشهم وشيخهم معهم في الجمس


وإلا شطارتها بس على المواطنين المساكين :زعلان:


مشكور يامازن على هيك مقطع


تحية عتطرة

[مازن]

^
^
كفو هذا الكلام السليم هههههههههههههههههههه


تميت فعلوا بة مثل مافعلوا بـ هشامهم ذاك

اشكرك على مرورك

[رنوووووده]

يؤ حرام عليكم وش دخل فزاع بالموضوع اهو بروحه متضايق من اللي صاير حتى طالعوا بتعابر وجهه عدل ..

والبنات عن جد مايستحوا وربي قهروني
بس مثل ماسمعت شباب الرياض ماقصروا
سمعت انهم تجمعوا على البنات وبالعقال <<<< كفو والله

:

مـازنـ ..

يسلمو على المقطع ....... لاهنت ..

[حــنــيــن]

ويووووووو..

خخخخخخخ استغفر الله..الله لايبلانا..مو شايفين خير..

الله يفشلهم..هم بحريقه..بس شوهو صورتنا..واخزياه..

بس ماادري ليش عندي احساس انه حرم يجي مره ثانيه للمملكه..

مازن..مشكووور..

[][aJgJI pJLc][]

الحمد لله والشكر

هذا وهم ما شافوني أجل لو شافوني وش بيسوون :biggrin:

ميغسي بوكو مسيو مازن

[][aJgJI pJLc][]

المفروض تقشهم وشيخهم معهم في الجمس
وإلا شطارتها بس على المواطنين المساكين


مدري ليه حاس ان كلامك نابع من تجربة سابقة :biggrin::biggrin::biggrin::biggrin:

[مازن]

رنوودة

والله انه مبسووط ، واجزم 100%100

لانه لما يدخل ومعه حاشيته بتوقع راح تصير له هذه المواقف !


اشكرك على مرورك عزيزتي

[مازن]

حنين

ههههههههههههههههه انا عكسك بتاتا لقى بنات مغفلات طايحين عليه هالمهابيل وجازلة الوضع

اشكرك عزيزتي على مرورك

[مازن]

][aJgJI pJLc][

والله صدقت ، لذلك دايم نقول لك لاتحاول تقرب على الاسواق وتسبب لنا فزع قصدي جمهرة

اشكرك على مرورك

[الهيمـــانـــه]

السلام عليكمـ

الله يهدي ويصلح بناتنا وبنات المسلمين..

اختي المجروحه..

لا تجمعين رجاءا لان مو كل بنات طبقة الهاي كلاس على قولتكـ مفاليت والسموحه على هالكلمه

فيهم البنات المتربيات وبنات الحمايل..

وحتى طبقات اللو كلاس فيهم اللي يسوون هالحركات واشنع

لذلكـ الرجااء عدم تحديد ومثل ما يقول المثل

الاصابع في اليدين الواحده ماهي سوى..

مازن

كل الشكر لغيرتكـ على بنات بلدكـ

أمنيـــااتي

[جريح الوقت]

الله يخلف ..بس..

صدق وين الهيئة..!!!


الله يرحمنا برحمته..وربي ياللي تزعق ودكـ..تصكها بكف يكسر سنونها..

مقطع ينم عن قلة الحياء لمن هن كانن هناكـ..فقط.


مازن شكرا"..!!!!!!!!!!!!

[بومسلم]

الله يهديهم انشالله

[مازن]

الهيمانه

صح بؤك

واشكرك على مرورك وتعليقك

[مازن]

جريح الوقت

اشكرك على مرورك ياعزيزي

[مازن]

بو سلم

اشكرك على مرورك عزيزي

[(*)~سدوومة~(*)]

تصدق ان هذا الرجل بجد محترم...>>>> تبي تزوجه بنتها :)
وانا من اشد المعجبين فيه وكنت موجوده لكن للاسف ماحصلي اني اتواجد في نفس مكانه من شدة الزحمه اي زحمة المراهقات من بناتنا الصغيرات ..
وصراخ وهبال والله فشولونا وهزوا صورتنا عنده بيقول اثر بنات الامارات عاقلات
وبنات الرياض دايم مفشلتنا هنا وفي كل مكان حتي برا اذا شافوا وحده خبله قالوا انتي من الرياض >>>>>>>>>>زعلانه بالمره
الواجب كان تصرفهم ارقي من كذا والله الحاشيه اللي معه بس تشوووف عيونهم طايره وكنهم مسبوهين ..
بس فزاع هذا مطير عقوووووووووووووول البنات ..:)

تسلم يا مازن وماقصرت دائما مواضيعك راائعه وتغصب ان اواحد يدخلها
دمت موفقا يارب

[مازن]

(*)~سدوومة~(*)

لو داري موجودة هناك لوصيت "فزاع" يدقلك تحية تستاهلينها ههههههههه

والله يحفظ بنتك ويزوجها رجال صالح يعرف قيمتها ويسعدها

لقد سعدت بمرورك يالغاليتي وكلامتك الطيبة

لاخلا ولا عدم

[ريمي]

يالله بس بجد شي يحزن
يعني وش الفايدة انك تتصورين معاه او مع غيرة

بعدين لاتقولون فزاع متعجب ومذهول ومو عاجبة الوضع
الله واعلم
بس لوه رجاااااااااااال كان ماعطى البنات وجة
تسلم يامازن على حرصك على بنات بلدك اللي بعضهم يضيق الصدر
...سوال ...هاللي كاشفة وصورة معاه اهلها وش رايكم بسووون

[مازن]

الضوء الخافت

اتوقع اهلها ماعندهم مشاكل يبدولي

لان فية عوائل تدعي التفتح وماعندها مشكلة بهالامور ولكن بحدود محدودة

اشكرك على مرورك اخوي

[نوره الصيخان]

الله يهديهن سواء بنات الرياض او غيرهن......عموما اتوقع هذولي بنات مراهقات ومطفوقات ومامعهن احد من اهاليهن يردعهن يسرحن ويمرحن على كيفهن بهالاسواق ويبن يكشخن عند زميلاتهن بانهن اطلعن مع فزاع وانتشرن بلوتوث انا معلمة واعرف حركات البنات الطائشات,,,,,,,أسأل الله لهن الهداية,,

[مازن]

نورة

لقد أصبتي بكلامك 100%100

والتربية لها دور كبير للوالدين

نسال الله السلامة لبناتنا وعيالنا


اشكرك على مرورك يا أستاذتنا القديرة

[راشد الراشد]

الله لا يبلانا

ويستر علينا وعلى عوراتنا

[مازن]

راشد الراشد

اللهم امين

وشاكر ومقدر مرورك السمح

[كم كم]

اول شي الحمد لله على نعمة الإسلام
والله يهديهم هالبنات ولا يبلى من فيها حياء واستحشام
ولابد في اي مكان مهما كان محافظ يكون فيه شواذ
:زعلان: على حال هالبنات والله يهديهم
وشكرا

[مازن]

كم كم

اللهم آمين

واشكرك على مرورك السمح عزيزي

[غنوة الحب1987]

صراحه هذا فزاع مطير عقول البنات سواء هني في الإمارات أو عندكم في السعوديه.....

لكن مهما كان الإعجاب في الشخص.....ما يصير بنات عرب و متربيات يسوون هالتصرفات البايخه.......

لكن أنا أشهد إن الشيخ حمدان(فزاع) رجل محترم جدا ..مو لأنه ولد بلادي أقول هالكلام.. لكن بالفعل هو شخص محترم جدا..........

تحياااااااااااااتي...........

[مازن]

غنوة الحب1987

أشكرك على مرورك

وأخلاقة تشهد عليه كذلك ، ولكن يحبذ إنه ما يدخل سوقنا لكن لا يسبب ضجة :زعلان:

لقد سعدت بمرورك وتعليقك الطيب

[بسمة العشاق]

الله يحفظه
شوفوا كيف كان محترم وماكان متوقع هالشيء اللي صار

لكن هذولا بنات مراهقات مابعد فهموا الحيا والله يسامح أهلهم << لازم ندور عذر لا صغار ولاشيء بنات مجانين كان احترموا انفسهم واحترموه


يعطيك العافية مازن

[مازن]

بسمة العشاق

اشكرك عزيزتي على مرورك وتعليقك الطيب

[غنوة الحب1987]

مازن.......

شو كان قصدك من هالجمله يا ريت توضحلي.............

(((((((ولكن يحبذ إنه ما يدخل سوقنا ))))))))))))))))

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!

[الاسـطــورهـ]

غنوة الحب وبعد إذن أخوي مازن:

هو قالها من باب المزاح بأنه

وسيم ومسبب صجة

لهالمطافيق المراهقات

وإلا الشرف لنا بزيارته لأي

مكان بالمملكة وكلكم عالعين والراس

مـــــــــــــازن:

يعطيك العافية اخوي وفعلاً

برقع الحيا انغسل شراعه

هالأيام لكن العزاء أن الخير أعم وأشمل

اعتراضي بس على كلمة :

أن لو اللي مار شخصية مؤنثة محبوبة كان

تصرفوا الشباب بغير كذا ..

يامازن ياخوي شبابنا ومن غير ماتكون

معروفه ولامحبوبة

من خطت الكحل بالعين يتسدحون

كيف لو مرتنا هيفاء وهبي ولكم الكرامة

تتوقع شيسوون؟؟!!

[مازن]

مازن.......

شو كان قصدك من هالجمله يا ريت توضحلي.............

(((((((ولكن يحبذ إنه ما يدخل سوقنا ))))))))))))))))

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!
عزيزتي

أتوقع فهمتي بمنظور آخر ، لا يخفى على أحد من السعوديين ممنوع احد من المشاهير يدخلون الأسواق

فأعطيك مثال بسيط وقريب الي بستار أكاديمي ( هشام) السعودي دخل بسوق المملكة بعد فوزة وأتى أمر من أمير منطقة الرياض الأمير سلمان بن عبدالعزيز _الله يحفظة_ وتم طردة من قبل رجال الهيئة ، لأنه سبب هلوسة بالسوق ومن قبل البنات مثل ماصار مثل فزاع لذلك يحبذ إنه مادخل هالأسواق أهو أو غير من المشاهير

اتمنى الفكرة وصلت وفزاع له مكانه لنا وأبوة خاصة

[مازن]

[color=#339966]اعتراضي بس على كلمة :

أن لو اللي مار شخصية مؤنثة محبوبة كان

تصرفوا الشباب بغير كذا ..

يامازن ياخوي شبابنا ومن غير ماتكون

معروفه ولامحبوبة

من خطت الكحل بالعين يتسدحون

كيف لو مرتنا هيفاء وهبي ولكم الكرامة

تتوقع شيسوون؟؟!!

هههههههههههههه مو كانك ضلمتينا !

<< اعجبتني لو ( من خطت الكحل بالعين يتسدحون ) :مزون:


ولا زلت مصر إن شبابنا أحسن وأثقل من البنات

<<< متمسكة معاه وجة النظر والميدان ياحميدان الأيام طويلة وسنرى أخبار وسنحكم :واو:

[غنوة الحب1987]

يعني انتو تمنعون المشاهير من الدخول عندكم!!!!!!!!!!!!!!!!!!

طيب ليش شو ذنبه هالمشهور انه ينحرم من هاذي الأماكن عشان خاطر هالبنات اللي مو متربيات.......

على ما أظن في هالمواقف البنات اللي لازم ينطردون من رجال الهيئه...............لانهم هم اللي مو محترمات مو ينطرد الشخص لمجرد ردود فعل الغير تجاهه..............
يعني ينطرد وهو ما سوى شي صراحه مو عدل...........

كلامي منطقي ولا لأ

[مازن]

غنوة الحب1987

هل من المعقول الفنان المشهور لما يدخل ويلتف حولينه المعجبين شباب وبنات هل من المنطق رجال الهيئة يمسكون كل شخص من المعجبين ويطردونه !! العقل يرفض هالشي

والمعتاد أن المشاهير ما يدخلون الأسواق عزيزتي عندنا لكي لا يحرج نفسة أو يتسبب بموقف غنا عنه ، ويوجد مقطع نزل بغرابيل لجواد العلي دخل السوق وتم طردة من قبل رجال الهيئة الله يحفظهم ويديمهم

[الاسـطــورهـ]

الميدان ياحميدان؟؟!!

ههههههه:هاها: ههههههههههه:هاها: هههههههههههه:هاها: ههههههههه

الله يسعدك يامازن أنا ماقلت إن البنات راكدين وماعليهم

إلا بالعكس مطفق وشابكين 220 فولت

بعيد عنك لكن أنتو بعد ماتقصرون

وربي مو بس من خطت كحل إلا

من سواد العباة الواحد منهم يضيع

ويصير مو بيد الرحمن :11utup:

لكن إحنا الله فاضحنا فيكم

من يوم تشوفون واحد قلة عقلها

الكاميرا والتقاط إحنا

حتى لو شفنا مانتجرأ نصوركم

وييييييييييييييين وربي يفرمونا اهالينا!!

الله يسعد قلبك يامازن

<<< تقول طيب هالولد

أقصد المدير :11retcher

[مازن]

الأسطورة

أكيد كل واحد فية حقة سواء العيال أو البنات

بس أنا ولا زلت متمسك أن العيال أثقل من الناحية لما يجي فنان/فنانه مشهورة ماراح يسوون كذا :خجل:

وعلى طاري التصوير ترى خفت ظاهره التصوير والله اعلم ترعفين عيالنا قراوة اول مايطلع لهم شي لازم يستخدمونه بالسلبي ومع مرور الزمن يتحسنون وارى بأعينهم التحسن والحمد الله :زعلان:

[الاسـطــورهـ]

اللي أرعفه "على قولك"

إن عيالنا بوزن الريشة ولاثقال

ولا أي خدمة إلا إذا اللي جاي

فنان ممكن يتثيقلون مع إنهم فشلونا

بمهرجان الطايف مع عبادي الجوهر

حسب ماسمعت!!

وأنهم وللأسف

ماوراهم شغله ولاعمله

إلا إنهم يصيدون أغلاط بناتنا

وكلهم أردى من بعض !!

وأرى بأعينهم التحسن

<< صادرتها عجبتني

مازن تعال نكمل هرجتنا بالعام وربي

من كراعينا يسحبونا أهل البلوتوث

الوعد عند أهداب وش رآيك؟؟

يعطيك العافية وسعدت بالنقاش معك

[مازن]

وأرى بأعينهم التحسن

<< صادرتها عجبتني


مع إن الحقوق محوظفة لدي بس يفداك :مزون:

<< يوزع شرهات



مازن تعال نكمل هرجتنا بالعام وربي

من كراعينا يسحبونا أهل البلوتوث

الوعد عند أهداب وش رآيك؟؟

يعطيك العافية وسعدت بالنقاش معك

لا روحي لعندها ، انا ما احب اتدخل بالقضايا العامة او القسم العام إلى الأشياء الهامة وتتعلق بمصلحة البلد (وطني الحبيب)

لقد سعدت كذلك بالنقاش والحديث وياك وفرصة سعيده اختي

[عشقتك كلمة ماتكفي]

والله اني انقهرت بقلب

ليش كذ

[عشقتك كلمة ماتكفي]

والله اني انقهرت بقلب

ليش كذا عاد مرررررررررة طايحين جنبه

ياربي لك الحمد

قلة الايمان والتربية وانا اختك تسوي اكثر من كذا

الله يستر عليهم ويهديهم

مشكووووووووووور

[مازن]

عشقتك كلمة ماتكفي

شعور القهر مثل ماشعرته وخاصة من بناتنا

نسال الله الهداية لهم ان شاء الله

اشكرك على مرورك ولغيرتك الجميلة لقد سعدت بها

[سارهـ]

صراحه هذا فزاع مطير عقول البنات سواء هني في الإمارات أو عندكم في السعوديه.....

لكن مهما كان الإعجاب في الشخص.....ما يصير بنات عرب و متربيات يسوون هالتصرفات البايخه.......

لكن أنا أشهد إن الشيخ حمدان(فزاع) رجل محترم جدا ..مو لأنه ولد بلادي أقول هالكلام.. لكن بالفعل هو شخص محترم جدا..........

تحياااااااااااااتي...........

كلامج صحيح 100%100

[ღ حمــ الـ H ــورد ـــرة ღ]

أهل العقول في راحه وجنه ونعيم


وش هذه السخافه


ليته جاء وجاب زوجته معه


كانو شافوا الويل و الطيخ زين :مزون:


مزونه تسلم

[مازن]

سارهـ


اشكرك لمرورك وكلام غنوة الحب وإعجابك بردها

في محلة لم نرى أي سوء بشخصية فزاع والكل يمدح فيه

ونحن نذم تنظيمنها الذي عم الفوضى

الله يجلعه صالح لهذا البلد لكم ان شاء الله

[مازن]

ღ حمــ الـ H ــورد ـــرة ღ

وش هدفك يجيب زوجته يامال الصلاح :زعلان:



<< شك انك تمساح :زعلان:

[بسمة امل]

يعني صحيح ماشاء الله عليه

يـــــــــــــجنـــــــــ ـــــــن

ومايختلف عليه اثنين بس مو لهالدرجه ؟

يعني هو دوم يتجول بالامارات وبين البنات عمري ماشفت صار هالشي

للأسف شريحة معينة تمثل مجتمع كامل ....

والله حرام ...


مشكوووووووور يااخوي

[مازن]

بسمة امل


الله يعطيك العافية عالمرور عزيزتي :زعلان: