فواز الشهيب
28-05-2007, 04:39 PM
أنا طول عمري رغبتي خدمة الثانين = هذي رغبتي والناس كلٍ ورغبتها
لهذا السبب يامعشر الناس يا غالين = أبا اقول جمله يمكن احد بحاجتها
ابا اقولها يمكن لها ناس محتاجين= مفيده وكم من ناس فى الوقت فادتها
ابا اقولها وليا طلبتوا ياناس يمين = أبحلف يمين اثبات منّي لصحْتها
انا اخاف تقسم سامعيها إلى قسمين = قسم راح يلغيها ولآخر بيثبتها
عموماً هذا الجمله وهي داخل القوسين = ( كثير امثله معدوم فى الوقت نفعتها )
فهم من فهم واللي بعد مافهم ذلحين = يبا يفهم اللي قبله الناس فهمتها
الامثال ورث اموات للعالم الحيين = وعن كثرها يكفي يالاجواد قلّتها
بعضها خطا واللي يقولونها مخطين = ولا ادري من اين الناس ياناس جابتها
خذوا هالمثل فيه أكثر الناس منخدعين = وغيره كثير أمثال ياكبر علتها
يقولون مايكمل حلا الزين كذابين = هذي كذبه وعندي ما يكشف حقيقتها
انا لي حبيبه فوق ما الله عطاها الزين = بالاخلاق كمّل يالاجاويد خلقتها
نسبها يشرفها ومتولّعه بالدين = ولكن انا ياما جرالي بسبّتها
هواها كتمته وسط قلبي واخاف يبين = أخاف انّه اليا بان يزعل سعادتها
كتمته سنين طوال في قلبي المسكين = وفي كل عام تزيد عندي غلاوتها
وحبٍ كتمته وسط قلبي ظهر بالعين = وكلمه عجزت اقولها العين قالتها
انا ادريبكم صرتوا مع العلم مندمجين = تبا تعرفون السالفه وش نهايتها
لذا ما بجيب الجيم ولا تجيبوا سين = أخاف اسئلتكم تكثر اتطول اجابتها
خذوا رايي وخلّوكم اسكوت مستمعين = وابا اقول كل السالفه من بدايتها
على رقم جوالي قبل يمكن اسبوعين = يجيني رسايل ما عرف ويش قصتها
وانا فى البدايه قلت يمكن من الفاضين = من العالم اللي شغل الازعاج شغلتها
وشفت الرسايل كثرث وطافت الخمسين = ونفسي بدت تحتار وتزيد حيرتها
ودقّيت ما احد رد وارسلت أبعرف مين = وجاني رساله فيني النار شبّتها
رساله بدت فيها بقولة يارب تعين = وخطّت كلامٍ هزّني في رسالتها
وقمت أشتغلها بالرسايل وفي يومين = من اسلوبها عرفت وشهي هويّتها
بعدها كتبتلها عرفتك من تكونين = وخطّيت اسمها واسم الاب وقبيلتها
كتبت الرساله ومتوقّع حدوث أمرين = إذا الروح ماجا عزّها جاي نكبتها
هنا وقفت القصّه وتكميلها بعدين = متى؟ وش مدخلْكم ليا جات حزّتها
وذلحين انا ادري بعضكم لو معه سكين = أضنّه يورّدها وانا اذوق طعنتها
وعلى شان ما ابغاكم تروحون زعلانين = ولا ابغى البشر تلحق سموّي بشرهتا
أبكمّل القصّه ولكن وصلنا وين = وصلنا الرساله وش حصل بعد وصلتها
بعد ما الرساله وصلت إلـ (باشة ) الحلوين = على طول دقّت وبْعجل بعد ما جتها
وردّيت قلت ألوه يامرحبا واهلين = ياكم من سنه واذني تعطّش لكلمتها
بدت بالعتاب وكل قاسي لابد يلين = وقامت تصيح من السنين وقساوتها
وقالت بقول وقلت وش ودّك تقولين = وصارت تسولف عن بداية محبّتها
وقالت ياغالي قبل يمكن ثمان سنين = عيونك قريت الحب في وسط نظرتها
ومن يومها لليوم وآنا على نارين = وروحي عليك اليوم الاشواق ساقتها
وقلت اسمعي يابنت ياليتك اتْعرفين = ياكم من سنه روحي محبّتك عنّتها
انا من قبل ثمانك اهواك ماتدرين = ابا احسب سنين الحب ضيّعت حسبتها
ثلاث وثلاث وقبلها يالغلا ثنتين = وخمسٍ بعدها ياترى كم نتيجتها
أقول اتركيها ماهو ابلازم تعدّين = ولا لازم اتْعرْفين يابنت عدّتها
وقالت خلاص اسمع يافواز حظّك شين = وسمّاعة الجوال فى الوجه صكتّها
وفي وقتها فزّيت دمعي على الخدّين = عيوني صحت ياناس من عز نومتها
اثرني بحلم ولاش لا شين ولا زين = لا محبوبتي دقّت ولا جت رسالتها
لهذا السبب يامعشر الناس يا غالين = أبا اقول جمله يمكن احد بحاجتها
ابا اقولها يمكن لها ناس محتاجين= مفيده وكم من ناس فى الوقت فادتها
ابا اقولها وليا طلبتوا ياناس يمين = أبحلف يمين اثبات منّي لصحْتها
انا اخاف تقسم سامعيها إلى قسمين = قسم راح يلغيها ولآخر بيثبتها
عموماً هذا الجمله وهي داخل القوسين = ( كثير امثله معدوم فى الوقت نفعتها )
فهم من فهم واللي بعد مافهم ذلحين = يبا يفهم اللي قبله الناس فهمتها
الامثال ورث اموات للعالم الحيين = وعن كثرها يكفي يالاجواد قلّتها
بعضها خطا واللي يقولونها مخطين = ولا ادري من اين الناس ياناس جابتها
خذوا هالمثل فيه أكثر الناس منخدعين = وغيره كثير أمثال ياكبر علتها
يقولون مايكمل حلا الزين كذابين = هذي كذبه وعندي ما يكشف حقيقتها
انا لي حبيبه فوق ما الله عطاها الزين = بالاخلاق كمّل يالاجاويد خلقتها
نسبها يشرفها ومتولّعه بالدين = ولكن انا ياما جرالي بسبّتها
هواها كتمته وسط قلبي واخاف يبين = أخاف انّه اليا بان يزعل سعادتها
كتمته سنين طوال في قلبي المسكين = وفي كل عام تزيد عندي غلاوتها
وحبٍ كتمته وسط قلبي ظهر بالعين = وكلمه عجزت اقولها العين قالتها
انا ادريبكم صرتوا مع العلم مندمجين = تبا تعرفون السالفه وش نهايتها
لذا ما بجيب الجيم ولا تجيبوا سين = أخاف اسئلتكم تكثر اتطول اجابتها
خذوا رايي وخلّوكم اسكوت مستمعين = وابا اقول كل السالفه من بدايتها
على رقم جوالي قبل يمكن اسبوعين = يجيني رسايل ما عرف ويش قصتها
وانا فى البدايه قلت يمكن من الفاضين = من العالم اللي شغل الازعاج شغلتها
وشفت الرسايل كثرث وطافت الخمسين = ونفسي بدت تحتار وتزيد حيرتها
ودقّيت ما احد رد وارسلت أبعرف مين = وجاني رساله فيني النار شبّتها
رساله بدت فيها بقولة يارب تعين = وخطّت كلامٍ هزّني في رسالتها
وقمت أشتغلها بالرسايل وفي يومين = من اسلوبها عرفت وشهي هويّتها
بعدها كتبتلها عرفتك من تكونين = وخطّيت اسمها واسم الاب وقبيلتها
كتبت الرساله ومتوقّع حدوث أمرين = إذا الروح ماجا عزّها جاي نكبتها
هنا وقفت القصّه وتكميلها بعدين = متى؟ وش مدخلْكم ليا جات حزّتها
وذلحين انا ادري بعضكم لو معه سكين = أضنّه يورّدها وانا اذوق طعنتها
وعلى شان ما ابغاكم تروحون زعلانين = ولا ابغى البشر تلحق سموّي بشرهتا
أبكمّل القصّه ولكن وصلنا وين = وصلنا الرساله وش حصل بعد وصلتها
بعد ما الرساله وصلت إلـ (باشة ) الحلوين = على طول دقّت وبْعجل بعد ما جتها
وردّيت قلت ألوه يامرحبا واهلين = ياكم من سنه واذني تعطّش لكلمتها
بدت بالعتاب وكل قاسي لابد يلين = وقامت تصيح من السنين وقساوتها
وقالت بقول وقلت وش ودّك تقولين = وصارت تسولف عن بداية محبّتها
وقالت ياغالي قبل يمكن ثمان سنين = عيونك قريت الحب في وسط نظرتها
ومن يومها لليوم وآنا على نارين = وروحي عليك اليوم الاشواق ساقتها
وقلت اسمعي يابنت ياليتك اتْعرفين = ياكم من سنه روحي محبّتك عنّتها
انا من قبل ثمانك اهواك ماتدرين = ابا احسب سنين الحب ضيّعت حسبتها
ثلاث وثلاث وقبلها يالغلا ثنتين = وخمسٍ بعدها ياترى كم نتيجتها
أقول اتركيها ماهو ابلازم تعدّين = ولا لازم اتْعرْفين يابنت عدّتها
وقالت خلاص اسمع يافواز حظّك شين = وسمّاعة الجوال فى الوجه صكتّها
وفي وقتها فزّيت دمعي على الخدّين = عيوني صحت ياناس من عز نومتها
اثرني بحلم ولاش لا شين ولا زين = لا محبوبتي دقّت ولا جت رسالتها