طريقة بيع التذاكر

[االزعيم الهلالي]

بسم الله الرحمن الرحيم


زي ما يعرف الكل ان عندنا مشكلة في بيع التذاكر وعدد الحضور !
المشكلة ذي سببها الرئيسي هو " الطريقه اللي تنباع فيه التذاكر " .. !

طبعا في فكرة براسي وابي اتشارك معكم الفكرة .. اتمنى الفكرة هذاي تنفذ في اسرع وقت وفي جميع ملاعب المملكة لانها راح تحل المشكلة " حسب رايي " !

وراح تعطي مجال اكبر للاندية بالربح وراح تزيد عدد المتبرعيين بالتذاكر .. بتقولون كيف ؟ لا تستعجلون الحين بشرح لكم كل شيء !




" التذكرة الذكية "

هي عبارة عن ورقة عادية في معلومات للمبارة مثل " اسم الفريقين - يوم المبارة - التاريخ - المدينة - الملعب - سعة الملعب - رقم التذكرة "

ويكون في نفس الورقة " باركود "

http://aboflan.com/wp-content/uploads/2011/07/code128bar.jpg


هذا الباركود راح يكون هو حل جميع المشاكل .. بتقولي كيف ؟
انا اقولك .. الحين في كل ورقة " تذكرة " فيها الباركود الخاص فيها صح ؟
يعني لكل تذكرة رقم تسلسلي غير عن الثانية و عشان نحسب عدد الحضور بشكل دقيق نوزع على كل رجل امن على بوابة الملعب جهاز اسمه " قارئ الباركود "
مثل اللي بالصورة

http://htpos.files.wordpress.com/2010/08/60390.jpg%3Fw%3D540

والقارئ هذا راح يكون مشبوك بنظام يجعله يتعرف على كل تذكرة اذا كانت صحيحه او لا .. وفي حال كانت التذكرة صحيحة راح يسجل ان حامل التذكرة ذي دخل الملعب .. وبكذا راح يكون العدد المعلن صحيح وبدون تلاعب !

اما بخصوص طريقة البيع .. ليش ما نشتري التذكرة عن طريق الانترنت ؟
ليش اروح اتعب نفسي واصف بطابور طويل ؟

يعني بيع التذاكر يكون عن طريق النت .. مثلا مباراة للهلال و النصر والمباراة تكون في ارض الهلال .. بدال المشجع لايروح المتجر او النادي يشتريها وهو في بيته اسرع واضمن له .. ويكون بالطريقة ذي !

المباراة في ارض الهلال .. يدخل المشجع موقع الهلال او موبايلي و يشتري التذكرة بكل سهولة .. يعني المشجع اللي من الشرقية بيجي من الشرقية وهو متطمن لان مع تذكرة .. مو يجي وهو شايل هم التذاكر خلصت او زحمه ولازم يجي بدري ... !

اما بخصوص زيادة التبرعات .. يكون في خيار في الموقع اللي بشتري منه التذكرة حق التبرع بتذاكر للقاء .. يعني انا بالشرقية ومقدر احضر بس ابي اتبرع بتذاكر للجمهور وماعرف احد بالرياض عشان يشتريها ويوزعها لي !

فأدخل الموقع واشتري التذاكر واتبرع فيها ومجلس الجمهور يوزعها .. بدون لا قروشة ولا شيء :razz:

وممكن يكون في خيار اخر في نفس الموقع .. عشان اتبرع بمبلغ لمجلس الجمهور يشترون فيه اعلام و ووو بسهولة !


المهم ادري اني طولت وقعدت اخربط عليكم واجد .. يلا اخليكم تستانسون بأجازتكم :smilie47:

وبالتوفيق للجميع و بالتوفيق للملكي يوم الخميس من امام الاهلي و الله الله بالحضور يا زعماء s13s



إن أصبت فمن الله وإن أخطأت فمن نفسي والشيطان