اضغط هنا ولن تندم

[رائد الشريف]

السلام عليكم ورحمة الله وبركاته
اتمنى منك فضلا لا امرا
انك تكتب بيت يتضمن احد هالكلمات او مصدر لهالكلمه
(الحب),(الوفاء),(الهجر),(الخيا نه)
مثل
(حبك) عذاب وترك (حبك) مصيبه
يعني من الصوبين مامن سلامات
***********
فيني (وفاء) لو هو توزع على الناس
ماصار بالدنيا سبب (للخيانه)
***********
اللي يريد (الهجر) نرسل له كتاب
مكتوب في وسطه ترانا (هجرناك)
***********
واتمنى ان هالفكره تكون جديده ومو ممله
واسف اني طولت عليك

[مُذهِلــــة]

أهلا أخوي الدويبي فكرة رائعة

حبيت أجمع كل الكلمات في بيت واحد إن شاء الله أكون وفيت وقلت ولو بعض من المطلوب



أحبك ودون الهجر بدفع سنين عمري *** أبي الوفاء منك والخيانة عنك تبعدها


تسلم عزيزي و تحياااااااااتي لك

[طيف الوله]

فكره رااائعه يعطيك العافيه اخي


وهذه الابيات مشاركه مني



ياصاحبي حبٍ على الطيب مبداااه=بحفظه في قلبي واحارب عشااانه

لك عهد مني ما اخونه ولا انسااه=ولي عهد ما تمشي بدرب الخيااانه

الهجر والنسيااان والصد والآآآآآآه=للخاااين اللي مااااا وفى في حناااانه

[رائد الشريف]

ليتك من الحب ماخوفّـتـني
كان اعيش الفين عمرٍ في رجاك
************
خاينه مانتي عزيزة خافقي يالاجنبيه
جنّــبي عني واجّنب عن مداهيل الغرابه
*************
والف شكر على مشاركاتكم
يامذهله ويا طيف الوله

[منيف الشلهوب]

اخوي الدويبي

مشاركه جديده تكسر روابط الملل لا عدمناك

الـحـب بـلـوى والـوفـاء فــيـه مقـلـول

.............. وأهـله شكوا ضيـم العنى والغرابـيـــل

ناس ٍ سعوا في الهجر فعل ٍ لحق قـول

.............. وهـدّو جـسـور الوصل كيد ٍ وتـنـكـيـل

[رائد الشريف]

ماكل حبٍ يدخل القلب سكّان
بعض الغلا ياخذ له ايام ويروووووووح

[رائد الشريف]

ماقتنعت ان الخيانه للرجل تلوي يمينه
لين ماربي بعثك وذقت من طعم الخيانه

[مفرح بن مناحي]

أخي الغالي ... الدويبي

مشكور على الفكرة الراااااائعة ...

واسمح لي بالمشاركة ..


المشكلة(( صدك )) كذا دون تبرير=و(( هجرك )) حبيبي ,,, لااااااا منتب حبيبي

شفت (( الخيانة )) ما يجي منها خير=و(( حبك )) مقدّر ما يجي من نصيبي

تحياتي

سهم المنايا

[رائد الشريف]

تخونين وتبين ارضى واحد يرضى تخونينه؟؟؟
انا لاجيت اخونك مع حبيبه ثانيه ترضين؟؟؟



والف شكر اخوي سهم المنايا على المشاركه