[poem=font="Simplified Arabic,7,blue,bold,italic" bkcolor="transparent" bkimage="" border="inset,4,blue" type=2 line=0 align=center use=ex num="0,black"]
خذ راحتك عمري تر الشك مرفوع=ماني من عتاب المواليف جزاع
تر الغلط بين المحبين مرجوع=حنا بشر نجرح ونفرح ونلتاع
آمر تدلل لو تماديت مطيوع=ملزوم منهو في حلاياك ينطاع
العب بقلبن يا غلى الروح مليوع=به من تباريح الهوى عشرة انواع
صوتك هو احساسي على الدوم مسموع=لو ما سمعه القلب تسمعه الاضلاع
وش لذة الدنيا بلا ضحك ودموع=وش قيمة الدنيا بلا وصل ووداع
ولا دلع خلان واقفاي ورجوع=ولا غزل بعيون حلواتن وساع
ولا حبيب بيوم يمسيك مفجوع=وقبل الفجر لمعانقك يسرع اسراع
وليا دنى لك شبر تقرب منه بوع=واليا غنج ودك تشيله عن القاع
الخاسر اللي ما له اصحاب وربوع=والكاسب اللي لا طلب شي ينطاع
والخاسر اللي ما تضوى له شموع=فجره ظلام وبسمته حزن واوجاع
جوع الاكل غلطان من صنفه جوع=الجوع جوع الوصل في قلب ملتاع
الحب لعموم البشر حق مشروع=ولا به حلاة اليا وصل حد الاشباع
الحب ماهو غصب لازم يجي طوع=ماهو سواة الجنس يشرى وينباع
لا قال لك ملزوم من حبة الكوع=شوري عليك انك لاوآمره تنصاع[/poem]
رد مع اقتباس
