السلام عليكم
اعزائي بلامقدمات ها هي كما هي اتمنى ان تحوز على رضاكم
مشاريه الاحباب
[poem=font="Simplified Arabic,5,white,bold,normal" bkcolor="transparent" bkimage="backgrounds/9.gif" border="double,4,gray" type=2 line=0 align=center use=ex num="0,black"]
مادام لك واجب مشاريه الاحباب = عندي وانا كفو المشاريه هاتي
تشرهي قولي مشاريه وعتاب = ادري مشاريهك سببها غلاتي
قدام ندخل باب صادق وكذاب = ابي اختصر طول السوالف بالآتي
انتي تعرفيني ولا ني بلعاب = وسواة بوق العهد ماهي سواتي
حقي عليك التمسي لعذري اسباب = وان ظرفي ليا غبت ماهو مواتي
وحقك علي وانا احسب لقولي حساب = اليا حصلت لي فرصه آتي لك آتي
ياغايتي يوم اني اجزاك بغياب = انا زماني ضامني ياغناتي
ترميني الدنيا من الضرس للناب = وتغيرت من ضيم وقتي حياتي
لولا اني احسب من قويين الاعصاب = مبطي خذت سود الليالي عباتي
الوقت مشاني على غير ماطاب = حتى ان ما امداني ادير لهواتي
ماني اعنك ياغاية القلب رغاب = حارم علي يمة سواك التفاتي
اقولها وانا ادري الوقت غلاب = كلمة اخيره واحسبيها وصاتي
اما فتحتي لي لمستقبلي باب = ولا جعلتك خاتمة ذكرياتي [/poem]
وسلامتكم
رد مع اقتباس
المشاركة الأصلية كتبت بواسطة احمد مناحي الشمري
