اشتكى اللي بين ضلوعي ((قصة سعودية))

[مسافات]

((الجزء الحادي عشر 11)



لولو:يمة يمة باركي لي فاااااااااااااااااز الهلال..
ام محمد:الله يخلف على العقل...
محمد:ما شاء الله شكلي باخذ اخبار الكورة منك..
لولو:افا عليك اخوي انا بالخدمة...
محمد:هههههههههههههههههههه� �هه..منتي صاحية..
لولو:من ناحية مني صاحية فهذي ما فيها كلام..
ام محمد:والله انك رجة..
لولو:مشكورة هذا شرف لي..
محمد:اقول لولو وش رايك تعطينا مقفاكي..
لولو:عيب اعطيكم مقفاي..
محمد:ههههههههههه..لا سامحين لك بس روحي...
لولو:طيب وش رايكم انا اقعد عندكم..
ام محمد:اقول يا كثر هرجك يالله روحي..
لولو:طيب يمكن..
محمد اشر على المركة اللي جمبه بيرميها عليها...
لولو قامت بسرعة تجري:اتوب والله اتوب...
وخرجت لولو من عندهم....
ام محمد:أي يا محمد ونهايتكم..
محمد:ملزمة يمه نتكلم بهالسالفة..
ام محمد:اللحين بيصير لكم 3شهور وانت تقول نأجل السالفة..يعني بافهم لمتى بتبقون كذا.. لاهي مطلقة ولاهي معك..ولا انت مرتاح ولا شئ..
محمد:الله المستعان..
ام محمد:ما ابي الله المستعان..
محمد بابتسامة وعرف ان امه موصل حدها:الا يمة الله المستعان...
ام محمد:اقصد نبي نتكلم اللحين..وتقرر اللحين....
محمد:يمة لا تضغطين عليّ..
ام محمد:3شهور لمتى قولي بس
محمد:يمّه انا وهي اللحين نحاول نحل مشكلتنا بنفسنا واتفقنا ان محد يتدخل بالمشكله..
ام محمد:بس انا امك ولازم اعرف وش اللي يصير؟
محمد:يمّه هذا اتفاق بيننا وان شاء الله نحلها ويرجع كل شئ مثل ما هو..
ام محمد:اللحين ثلاث شهور وتقول لي بنحلها ما يصير يا ولدي لازم تستشير بالمشكله..
محمد:بس؟!!
ام محمد:لا بس ولا شئ لازم تتكلم باعرف وش اللي صاير؟والله اني خايفه عليكم.. كل واحد ببيته وكل واحد موب راضي يعلم وش سالفتكم وصار لكم ثلاث شهور ولا اتحرك شئ..
محمد:خلاص يمه اوعدك ان مشكلتنا بتنحل..
ام محمد:يعني ما راح تعلمني؟
محمد:لا يمه موب القصد كذا بس.. ما يصير خاطرك الا طيب وكل شئ بينحل..
ام محمد:والله اني خايفه من هالبنت ومدري وش تاليها معك
محمد:لا يمه والله انها طيبه وبتحبينها..
ام محمد:نشوف..قايله من زمان وارجع اعيدها بنت قبيلتك هي اللي تحفظك..
محمد:بدينا بالتعصب القبلي..النبي صلى الله عليه وسلم
ام محمد:عليه الصلاة والسلام
محمد:وصّى بالاخلاق والدين وقال((اظفر بذات الدين تربت يداك))
ام محمد:اللهم صلي على محمد..وقال((تخيروا نطفكم فإن العرق دسّاس))
محمد ابتسم وعرف ان امه ما ينضحك عليها بكم كلمه وقال:الله يصلح الحال..
ام محمد:آمين..اللحين ابترك بس مرة ثانية مو على كيفك وباعرف كل شئ..وترى حالتك مره مهيب عاجبتني..
محمد:ابشري يمّه..ما يصير الا اللي يرضيكِ..
وخرجت ام محمد عن محمد وقعد بالمجلس ورفع راسه يناظر بأثاث المجلس ويلف بنظره يمين ويسار.. نزل راسه محمد واخذ تنهيدة رجعت له لثلاث شهور ببيته هو ونهى..ورجع له الموقف اللي صار بينهم...

محمد بعصبية بالغة:والنهاية؟
نهى بضعف وانكسار:طلقني وافتك مني..
محمد نزل ايدها بقوة:وانتي كل ما صار شئ جبتي طاري الطلاق..هذا هو الحل اللي عنك..
نهى نزلت راسها:محمد انا ما ابيك تتعذب معاي..
محمد:انتي اللي تجيبيين العذاب والا هو مو موجود..
نهى بدت تنزل دموعها وتحاول تقاوم:محمد انا قلتها لك من البداية.. انت عارف وضعي وهذا شئ مو بيدي وانا ما ابي اخسرك وبنفس الوقت اذا كان الطلاق هو الحل وهو اللي بيفرقنا عن بعض واحنا متراضيين ليش ما يصير؟
محمد هدت اعصابه شوي:طلاق انسيه لازم نلاقي حل..
نهى:محمد انت قبل ما تاخذني قلت انك راضي بي بكل عيوبي وانا متمسكة فيك على الاخر بس اذا حالتي هي اللي بتخلينا نتزاعل هذا الشئ ما يصير وانا كنت عايفه الزواج كله عشان ما انذل ولا احد يدعس على كرامتي..اهم شئ عندي كرامتي...
محمد:ليش انا عمري هنتك او هنت اهلك او حاولت بس...
نهى:ما اقصد انا زي كذا..
محمد:لا تقصدين..
نهى:والله ما اقصد..ولا عمرك سويتها وعشان كذا اقولك قبل ما يصير أي شئ ما يخلينا راضيين عن بعض نتطلق افضل شئ...
محمد:رجعنا لسالفة الطلاق...
نهى:طيب اقعد وارتاح وخلنا نهدى...
محمد:وهذي قعده وش عندك...
نهى نزلت راسها وقعدت تبكي..وسحبت منديل وقعدت تمسح وما حطت عينها بعين محمد..
محمد:ترى البكاء ما هو حل..
نهى:بالنسبة لي هذا هو الحل..
محمد:يا نهى انا ما ابي بكاء ابي حلول...
نهى:طيب وش تبي مني؟
محمد:ابي اشياء كثيره مو شئ واحد...
نهى بلعت لعابها وهي خايفه:طيب قول اللي عندك..
محمد:شوفي انا مو غشيم ينقص عليّ بكم كلمه وش سالفة اهلك ما تبين تروحين عندهم يوم جمعتهم وتروحين يوم ثاني...
نهى سكتت ونزلت راسها ومسحت الدموع اللي نزلت وتكلمت:محمد انا باريحك واجاوبك عن كل شئ بس ما تتطنز علي وتراي صادقه بكل كلامي وسنة وشوي وانا ساكته عن الكل ما قلت ولا لاحد بس اللحين باقولك بكل شئ...
محمد:يالله وانا اسمعك وعمري ما قلت لك اني ما ابيك تتكلمين..
نهى:انا داريه وعشان كذا(ما قاومت وصارت تصيح)
محمد سكت وتركها على راحتها ما صدق انها تبي تسولف وتطلع اللي بقلبها لانها غامضه وما تتكلم وفرح انها تبي تتكلم وبيعرف اسرار كثيرة منها...
نهى صارت تنحنح بتبعد الصيحه وهي خايفة من ردة فعل محمد...
نهى:يا محمد انا ما احب اهلي واكرههم كره مو طبيعي..
محمد:ليـــــــــش؟؟؟؟؟
نهى:لانهم ما يحبوني..
محمد حس ان اللي قدامه من جد طفله يوم بدت تتكلم لانها دوم كتومه..وصار يعاملها معاملة الطفل..
محمد:وشلون عرفتي انهم ما يحبونك؟
نهى صارت تصيح..ومحمد ما يطالع فيها عشان تكمل كلامها...
نهى:كلهم يتطنزون بي بالجمعات وحتى بزرانهم وانا ما اقدر ارد عليهم..وصرت اقعد بغرفتي وصاروا يجون عندي بغرفتي لانهم مهم حاطين قفل للباب..
محمد:قلة حيا..وليش ان شاء الله..
نهى:يقولون ما يصير البنت تقفل باب غرفتها..هذا خطر للبنت...
محمد:الحمدلله على نعمة العقل...
نهى:انا ما قلت ولا شئ على قراراتهم لان خواتي كلهم عادي بس انا ما يتركوني الحالي ولا يعطوني قفل لبابي ولا شئ.. قلت يمكن عشاني(ونزلت راسها زيادة ونزلت منها دموع)عشاني مريضة ويخافون عليّ...
محمد ساكت وما يرد عليها...
نهى:وزادتهم اذيتهم لي خصوصا بيت عمي مره ما يحبوني ويشيلون عيالهم من قدامي وانا اصيح واطلع لغرفتي..وصرت ما اقابلهم..بعدين...
وصارت تصيح من كل قلبها ومحمد خاف لا يصير فيها شئ من هالصياح...
محمد:نهى كملي والله انا معك واسمعك...
نهى:يا محمد قالوا عني مجنونه واهلي يخافون على عيال الناس مني.. وتحسب هالخبر بس بيننا..لا طلع هالخبر للجيران وللناس كلها وحتى المدرسه..حتى المدرسه اللي هي كل وناستي فيها طلعت هالاشاعه..فصلت من الدراسه ودخلت بتحفيظ بعيده عن بيتنا وحفظت عشره اجزاء من المصحف باربع شهور واختبرت فيه وطلعت نسبتي97
محمد:ما شاء الله ولا تقولي ها.. خايفه احسدك (وابتسم)
ابتسمت نهى وسط دموعها وسكتت ما تعرف تكمل والا لا....
محمد لا حظ سكوتها ويعرف انها من الاستحالة انها تكمل الحالها...
محمد:أي يا نهى كملي..
نهى:يكفي ابتسمت ليش اضايقك...
محمد انصدم من كلامها..وعرف ان نهى امنيتها الوحيدة انها تشوفني مبتسم بس ما رضي لنفسه هالشئ ويبي يطلع نهى من مشكلتها...
محمد:وانا اهم شئ عندي ان نهى زوجتي تصير مبسوطه وتطلع كل اللي بقلبها لزوجها وبس والا ما تبين...
نهى:لا شلون ما ابي بس...
محمد:بس كملي...
نزلت راسها نهى وكملت:دخلت دوره شهرين اعداد معلمات وتخرجت وخلوني مدرسة بالتحفيظ مرة استانست على قرارهم وحسيت بقيمتي وحسيت اني ممكن اخدم البنات وما علمت اهلي باني مدرسة وعلى بالهم اني طالبة واراجع حفظي بالتحفيظ...
محمد:وليش ما تعلمينهم بالعكس اكيد بيفرحون؟
نهى:ما عندهم بنات يشتغلون ويعتبرونها منقصة للرجال
محمد:منقصة للرجال؟!!
نهى:أي..بنت وتشتغل... هذا اكبر عيب عندهم يعني الرجال ما يفلحون..
محمد:أي وش صار معك يا ابله..
نهى:وفي يوم بالتحفيظ انحرقت ثلاجتهم اللي بالمقصف وطلع حريق ودخان (نهى بكل براءة تحكي اللي بقلبها)واغمي علي وبعدها عرفت من وحدة ان حالة الخوف جتني وشافوني الطالبات والاداره يعني مو اغمي علي ..لا جاني اللي خايف منه...وفصلت من التحفيظ...
محمد:الله يصلحكِ..طيب وبعدين..
نهى:التهيت بشغل البيت وسمعت من احد من اخواني يقول انه بيعرس واني بكون مصدر..
وصارت تصيح...
محمد تدارك الموقف:وش صار؟
نهى:يقول بيوديني مستشفى المجانين(ورجعت تصيح)
محمد:اعوذ بالله اكيد انهبل..
نهى:وردت حالتي الاولية وتعبت مرة وابوي اكّد لي انه بس يهذر..
محمد:طيب؟
نهى:وبس!!
محمد:رجعنا للصامت..نهى هذي فرصتنا اللي كل واحد يتكلم فيها والله مي حاله بس نسكت ومثل ما وعدتك محد راح يعرف باللي صار بيننا ولا لهم احقية انهم يعرفون..
نهى:محمد انا ما اثق الا فيك..انت بس اللي فتحت له قلبي واتكلمت لا ابوي وامي ولا احد من اخواني واخاف يصير بي شئ اذا انت صرت مثلهم...
محمد:لا ان شاء الله يا نهى انا نهى وانتي محمد ..هذا سر بيني وبين نفسي...
نهى:يارب لا تحرمني منك...
محمد:آمين بس كملي بعدك ما خلصتي..
نهى خرجت منها تنهيدة خوف وحزن على اللي فيها ولانها اول مرة تحكي اللي بها صارت خايفه مرة من النتايج....وكملت..
نهى:يعني حسيت بكل بساطه اني شخص غير مرغوب بالعائلة.. ابوي كل ما شافني احس بعيونه شايل همي.وامي تخاف اني افشلها بالمناسبات وبكل مكان وارتاحت يوم صرت ما احضر اجتماعاتهم.. اخواتي يعتبروني مثل الطفل عندهم واخواني ما يكلموني الا نادرا.. علمت نفسي الوحده واني اتعامل مع اللاشئ..لا كلام مع احد الا اذا اضطريت ولا اجلس معاهم..وما لقيت لي ونيس الا شيئين..الكتب وشغل البيت.. وصاروا هم همي الوحيد..
سكتت نهى ورفعت خصل شعرها اللي طاحت ومسحت دموعها.. والتمت شفايفها وعرفت انها راح تروح بدوامة صياح فقاومت هالصياح وعضت على شفايفها..وقدرت تقاوم...
محمد ما نزل عينه من نهى وهو يشوفها وهي تتكلم يحس بشئ يقطع قلبه..معقوله نهى يصير فيها كل هذا ولا احد يحس بها ولا عمرها بيّنت انها مرت بصعوبات وصار يسمع بانصات وكل تفكيره بها وبمشكلتها...
نهى:مرت سنة على اللي انا فيه..وانا احاول اتماشى مع الوضع اللي فرضته على نفسي...بس ما في فايده..لان وضعي الصحي تدهور وانا ما اعرف ان هالشئ بيتعبني..تفاجأت بابوي ذاك اليوم ينادي ويبيني اقعد وهو معصب مره من اخواني وانا ما دريت انه عصب على اهلي وهاوشهم لانهم تاركيني الحالي واشوفهم كلهم معصبين..ورجعت لوضعي السابق وبما ان ابوي برى البيت غالبا فما حس باللي يصير له...
محمد:لاحول ولا قوة الا بالله....كملي يا نهى والله معك...
نهى:اخر الترم اللي يوم جيتنا فيها عند اخوي..تعبت مره بسبب العزله والباقي تعرفه..
محمد رجع تذكر الموقف الي صار له بالبيت... قاعد بالملحق مع صاحبه عمر وقام عمر عنه وهو قعد ينتظره وسمع صوت قوي وصراخ قوي وصوت الصراخ عجيب وغريب وخرج ولقى بنت طايحه بالحوش وتصرخ وحالتها عجيبه..طلعت له بنت متحجبه وقالت له:الله يخليك بسرعه خلينا نوديها للمستشفى..بس صورة البنت ما فارقت عن باله وحده صغيره وتكون بهالحاله الصعبه..
محمد:انا ما اعرف اللي اني وديتك المستشفى...
نهى:وديتني هناك واخذوني اخواني وردوني البيت وقعدت اسبوع وانا مرة تعبانة..ولا كأن صار شئ..
وسكتت نهى وهي ميتة من الفشيلة بتقعد تتكلم عن حالتها الصعبة....
محمد تدارك الموقف وقال بسرعه: بس يوم كنت عندك...قال الدكتور انك انتي اللي اهملتي روحك وعطاك نصايح وبعدين...
نهى:وهذاك علمي فيه..اخواني فكروا انهم يودوني مستشفى الصحه النفسيه على طول لاني بنظرهم فشيلة بكل مكان.. بس ابوي رافض مره...
محمد:وامك وينها عن اخوانك؟
نهى:امي ماتت؟
محمد:شلون ماتت؟وخالتي ام عمر؟
نهى:هذي مرة ابوي؟
محمد:وليش محد قالي ولا انتي ما قلت لي؟
نهى:مدري عنهم هم سكتوا وانا سكت
محمد:شلون يعني؟
نهى:مدري!!!!
محمد:شلون ما تدرين؟
نهى:كل اللي اعرفه اني انا من الحرمه الثانية وما جابت الا انا وكلهم ما يحبوني...
محمد:اهــــــا!!!!
نهى:وبس!!!
محمد:شلون وبس؟كملي..
نهى:تعبت مره واضطروا انهم ينقلوني للمستشفى...ومن مستشفى لمستشفى وبما اني اهملت روحي او بالاصح ما اداوم على المراجعات واذا تعبت رحت للمستشفى ..فازدادت المشكلة وقال ما في امل من العلاج...
محمد:شلون يعني؟
نهى وهي ترفع صوتها:يعني مريضه على طول والحبوب باستمرا آكلها والا بانهار واتعب اكثر..
محمد:طيب ما صار شئ...اللحين اول شئ وعرفت قصة تعبك الله ياخذ اللي كان السبب
نهى:لا تدعي عليهم حرام..
محمد:حرام..حرام ندعي عليهم وهم سببوا لك كل هالألم وما تبين ادعي عليهم..الله لا يوفقهم ولا يسامحهم هذي حياة انسان..بس عشان منتي اختهم من امهم سوو لك كذا..حسبي الله على الظالم..
نهى:حرام عليك لا تدعي اخاف انا..
محمد:قلعه تقلعهم خليني ادعي عليهم عشان يعرفون الظلم وش عقابه.
نهى:اخاف يا محمد والله اخاف....
محمد:اقـــــول... وانتبه لنهى... عيون حمره مرة ووجها بعد صار احمر وصارت ايدينها تتنافض...وبدت دموعها تنزل باستمرار؟وتناظر بمحمد وساكته ما تتكلم ولا كلمه...مسكها محمد من ايدها واول ما مسكها صرخت صرخة قوية..وعلى طول تركها محمد وخاف لا تجمع الجيران مثل المرة الماضية..
تركها ومحمد وصار منزل راسه لين هدت وسكتت من حالها وحمد ربه انها اهدى من المره الماضيه ولا صارت الحاله قوية مره...
نهى:محمد والله مو بكيفي...
اشر لها محمد على فمها وقال:ماله داعي هالكلام ...
قام محمد وراح للمطبخ وجاب لها حبة وكاس ماء...
شربت نهى وهي منزله عيونها بالارض ما تبي تحط عينها بعين محمد عشان ما تتفشل..
محمد:عرفنا اول شئ عن اهلك... باقي جيرانكم اللي ما تطيقونهم ولا تدانيين سيرتهم...
نهى ابتسمت ابتسامه صفراء خاليه من أي تعبير عن اللي بداخلها:أي جيراننا
محمد:ايه جيرانكم..
نهى:أي جيراننا
محمد سكت وناظر بنهى ولاحظ انها ترمش عينها بسرعه وسكت ولا اتكلم ينتظر تعليق من نهى..
نهى ما زالت ترمش عينها واتنفضت ايدها وطاح الكوب منها وسكتت وناظرت بمحمد وضحكت..
محمد رد لها الابتسامه ويقول بنفسه:الله يستر...
نهى:انت وش جايبك هنا؟
محمد منهبل:ابد باقعد عن نهى زوجتي..
نهى:وشو زوجتي ما زوجتي اطلع برى ولا اشوفك عجيب والله ما في احد الا انت...
محمد:أي ما في الا اناوانتي..
نهى:واذا قتلتك عادي ما تعلم عليّ...
محمد:انت وش تخربطين؟
نهى:مافي خرابيط ولا شئ انا حاده السكين من امس واليوم ناويه عليك اذبحك...
محمد:نهى انا محمد...انا زوجك احبك...
نهى:لا تقص علي بكم كلمه اعرفكم انتو يالرجال خونه..
محمد وهو صدق خايف:من اللي خانك؟
نهى:كل الرجال خانوني؟
وقفت نهى تبي تروح المطبخ بس وقفها محمد وما خلاها تمشي...
محمد:نهى !!!!
نهى:لا تناديني بنهى تراه اسم غثيث غيّر بدّل بالاسماء..
محمد:آمري تدللي وش تبين من الاسماء...
نهى:عندك مثلا ذيب او ذياب او صقر او نمر اشياء كذا متوحشه...
محمد:بس هاذي اسماء عيال؟
نهى:ومن قالك اني مني ولد.. ها(وبدت تعصب)
محمد:نهى
نهى:لا تناديني نهى لا شويتك بعد ما اقتلك...
محمد مسك نهى من ايدينها وقعدها بالصالة غصبا عنها...
نهى:والله انك اذكى مني بتقتلني قبل ما اقتلك...
محمد:وشو اقتلك ما اقتلك؟نهى اهدي يا نهى....
ومسكها من ايدينها وقاعد يقري عليها آية الكرسي والفاتحه وما خلى اية متذكرها الا وقراها....بالبداية نهى ما كانت تستجيب لمحمد بس هدت وسكتت ونامت....

انقلب محمد على الجهه الثانيه ويحاول يمحي كل المواقف اللي صارت له مع نهى وما يبي يتذكرها..بس غصبا عنه ما يقدر ينام من كثر التفكير خصوصا اليوم يوم امه لزمت عليها الا انها تعرف..قام محمد وسكر نور الغرفه وحاول يرقد...ويتقلب يمين وشمال بس مره ما جاه نوم.. يحاول يبعد عنه صورة نهى والموقف الاخير اللي صار معاه..بس ما قدر ورجع له الموقف كأنه صار له تو موب قبل ثلاث شهور...

عقب ما افاقت من النوبه العصبيه اللي صارت لها...
محمد:ها نهى ان شاء الله مرتاحه..
نهى:انا وين؟
محمد:انتي بالصالة شكلك رايحه فيها من النوم(وابتسم)
نهى:انا نمت!!
محمد:أي نهى نمتي..وشبعتي نوم..
نهى:بسم الله..(وصارت تلتفت يمين ويسار)
محمد:بس انا موجود..
نهى صارت ساكته..اما محمد اللي كان مقهور منها ومليان حقد على الشئ اللي صار منها وكان متفاجأ منها..راح كل شئ كعادتها اول ما تصحى من حالتها ينسى محمد اللي صار بينهم بس اللي صار بينهم هالمرة كان قوي مرة..
محمد:بتكملين نوم والا؟
نهى:لا ما ابي انام وكيف تخليني انام؟
محمد:اجل اذا جاك النوم اقولك اصحي لا تنامين..
نهى:لا اخاف اسويها..
محمد ابتسم وقال:وش اللي تسوينه ترى الحمّام قريب..
نهى:شلون!!!
محمد:مدري عنك قلت يمكن ضيّعت مكان الحمّام؟
نهى:الله يعزّك..
محمد تسدح عن هالكلمه يموت بالاحترام والتقدير واللي ما لقاه الا من نهى..لانها بقوه تحترمه..
محمد:ويعزّك يارب..
نهى:محمد
محمد:عيون محمد
نهى استحت وسكتت..
محمد:رجعنا للصامت تكلمي..
نهى ابتسمت ببرود:انا بس تكلمت والا جبت شئ..
محمد:اللحين ليش ترجعين للسالفة..
نهى:يا محمد ضروري تقولي...
محمد:ضروري..
نهى تتكلم بجدية:أي والله ضروري مرّه..
محمد:لا بس كان كلام ما صار ولا شئ...
نهى:طـلقـني
محمد:لا حوووول....انتي كل ساعه والثانيه تجيبين طاري الطلاق...
نهى:يا محمد باختصار انا خطر عليك...
محمد:شلون يعني؟
نهى:بما اني جبت سالفة الــــ(وسكتت عجزت تتكلم من الخوف وخايفه انها ترجع لها الحاله مرة ثانية وبنفس الوقت لازم تتكلم تخاف على محمد اكثر منها)...
محمد:ما يحتاج تكملين...
نهى:يا محمد الدكتور قالي اذا وصلتي لدرجة احب الناس لك بتقتلينه يعني وصلتي لاخطر حالاتي..
محمد:يخربط الدكتور...
نهى:لا ما يخربط ما هو على كيفك..انا صدق اتمنى لك الخير والسعاده بس والله اني ما راح اجيب لك الا الفضايح والهم والنكد...
محمد:بلا خربطه انتي بتتعالجين وانتهينا....
نهى :علاج ايش؟
محمد:من اللي فيك... تتعالجين وانتهينا...
نهى:لو اول ممكن بس اللحين من ااستحالة من الاستحاااااااااالة..انت ما تفهم...
محمد:الا افهم بس احنا ما كلمنا الدكتور وجربنا...
نهى:انا مجنونه خلاص اللحين وصلت لمرحلة تخوف وابعد عنك وعن اهلك ازين لي وازين لك...
محمد:يا نهى انا ما ابغى اتخلى عنك مثل ما اهلك تخلوا عنك..احنا عندنا املين..اول امل وهو الاول والاخير...بالله..الله كبير وعظيم وهو اللي نطلب منه كشف الضر..وثاني امل وهو الدكتور نروح له ونساله ونشوف اذا ما في أي حل ...الشئ اللي تبينه بيصير...
نهى:يعني ملزّم على الدكتور...
محمد:ملزّم وبقوه بعد...
نهى:خلاص اروح مع تاكسي...
محمد:وتروحين مع تاكسي ليش؟وانا وش وظيفتي...
نهى:انا ما ابغاك تتفشل..افرض ان احد من المراجعين والا الدكاتره يعرفك...
سكت ومحمد واقتنع بالكلام اللي قاعده تقوله نهى....
محمد:خلاص اللي تبينه بيصير...
محمد:بس انا اللي باصير تاكسي...
نهى:شلون؟؟!!!
محمد:يعني انا بامثل اني تاكسي وانتي تركبين ورى واوصلك..تعرفين اني ما احب التكاسي...
نهى قالت:اوكي..

اخذ تنهيدة محمد ووجع قلبه بقية الموقف لانه قهره وخلاه ما يقدر ينام..تقلب يمين وشمال وما جاه النوم..زهق من هالسدحه اللي لاهو نايم ولا قايم..شغل راديو الجوال وحط السماعه باذنه وحاول يتجاهل السالفة...

بالصالة..جاي سلطان ومستانس على الاخر..
سلطان:يا هوووووووووووووووووووووووو وووووووو
يا عاااااااااااااااااااااااا ااااااااااااااااااااااااا ااااااااااااااااااالم
يا ناااااااااااااااااااااااا ااااااااااااااااااااااااا ااااااااااااااااااااس
ويــــــــــــــــــــــن ـــــــــــــــــــــــــ ـــــــــــــــــــــــــ ـــــــــــــــكم....
لولو:الله يخلف على العقل...
سلطان:وش اللي تقولين(وجا بيضربها)
لولو:لا اعيد الكلام اللي تقوله امي لي...
سلطان:أيه..دامك حافظه التهزيئ اليومي ورى ما تعقلين؟
لولو:الله يخلف على العقل...
سلطان:اشتغلتي على الكلام المكرر....
لولو:الله يخلف على العقل...
سلطان:اقول ضفي وجهك...
وصار ينادي باعلى صوته....
يــــــاهووووووو...يــــان� �ـــــــــــــــاس..يـــ ـــاعالــــــــــــــــــ ـم....وينكم؟وينكم؟
ام محمد:هلا سلطان وش فيك تصارخ؟
جا سلطان وحب امه على راسها وحب ايدينها........سلطان:يمه بارك لي....
ام محمد:على وشو؟
سلطان:باركي يمه...
لولو:الله يخلف على العقل...
سلطان:تسكتين والا؟
لولو:الله يخلف عــ(وجا سلطان بيضربها..وراحت ورى امها)...
ام محمد:مبروك...
سلطان:الله يبارك بعمرك يا احلى ام بالدنيا..اليوم طلعت نتيجتي....
ام محمد:ما شاء الله بشــــــــــر...
سلطان:وش يطلع من هالوجه؟
ام محمد:ان شاء الله ممتاز...
سلطان:100%100...يمه ما راح تعبي على الفاضي...
صارت تصيح ام محمد وجت تسلم على سلطان...
ام محمد:ما شاء الله يا سلطان...الله يجعله وقايه من النار....
لولو متنحه ومي فاهمه السالفه:وش السالفه اللي عرفته انه ممتاز وميه بالميه بس بايش؟
سلطان:اخوك سلطان اختبر بالمصحف كا مل واخذت هالنتيجه...
لولو:ما شاء الله مبروووووووك..كلولولولوولول وولوليش...
ام محمد:بس فضحتينا...
لولو:يمممه خليني افرح والله انه شئ ما ينسكت عليه لازم افراح وزغاريد ورقص واستراحه وعزييييمه كبيره....
ام محمد:أي والله...
سلطان:ابد احتفال بيننا وما ابي ولا احد يعرف...
ام محمد:بس يا...(قاطعها سلطان)
سلطان:يمه الله يخليكي هالشئ من زمان ببالي وما ابي ولا احد يعرفه وهذا شئ المفروض ما يطلع للناس...
ام محمد:الله يبشرك بالخير واللي تبيه يصير..بس روح بشر اخوك محمد...
سلطان:وينه؟
ام محمد:بالمجلس....
جا سلطان بيروح المجلس والا هذا عبدالله وابوه داخليين البيت ويروح يحب على راس ابوه ويبشره ويضمه ابوه وتنزل منه دمعه...
لولو قامت تصيح اول مره تشوف دمعه تنزل من ابوها...وعبدالله متـنّـح على الاخر مو داري وش السالفه...
ابو محمد ترك سلطان ومسك وجهه:الله يرفع قدرك يا ولدي..
سلطان حب يد ابوه:وقدرك ابوي..هذا بفضل الله ثم بفضلكم...
ابو محمد:الله يوفقك ويرفع شانك بهالقرآن..
سلطان:آمين ويرفع شأنكم يارب..عسى الله يخليني البسكم تاج يوم القيامه..وهذا اقل شئ اسويه بحقكم...
ام محمد بعد هي تصيح وماهي قادره تتكلم..جا ابو محمد بيحب راس سلطان بس سلطان ما رضي ومسك يد ابوه وحبها..وحب راسه..
لولو من كثر الصياح راحت للمغسله تغسل وجهها..مي قادره تشوف الموقف اللي صار بعايلتهم.. ويوم جت لقت ابوها وامها وسلطان قاعديين بالصالة..وسلطان يكلم ابوه...
سلطان:أي الحمدلله ميه...
ابو محمد:والله لو بس جيد جدا كان اكبر شرف لي...
سلطان:ما ارضى بالقلييل..انا ميه وبس...
ابو محمد:الله يرفع قدرك وييعطيك على قد نيتك..
سلطان:اللهم آميـــــــن...
توه عبدالله يفهم السالفه وعرف وش سبب الفرح اللي بالعايله....
عبدالله:مبروك يا مطوع..
سلطان:الله يبارك فيك..عقبالك...
عبدالله:مع اني داري لو افحط ما اجيبها بس هذا دعاء لازم اقول آميــــــن...
ابتسم الكل على رد عبدالله..بس لولو ما قاومت تخش اللي بقلبها وانفعلت من الفرحه وقالت..
لولو:يا الله... اليوم الفرحه فرحتين فرحي بسلطان وفرحة فوز الهلال...
ام محمد رمت عليها علبة المناديل....
وابو محمد قال:يا بنتي وش جاب سلطان لها الداجيين...
لولو:ابوي حرام عليكم لاتقول عنهم داجيين...
ابو محمد:الا داجيين وفاشليين بكل المجالات..
لولو:هم من ناحية فاشليين فهم فاشليين ما فلحوا الا بالكوره بس اقل شئ فلحوا بشئ مو مثل بعض الناس(وتناظر بعبود) ما فلحوا بشئ...
عبود:اخص يا الدبه انا عبدالله تقارنييني فيهم..واذا الشئ اللي بافلح فيه هو الكوره خيبه تخيبني ما ابي هالفلاح...
سلطان:تعجبني واحد صفر..
لولو:غلط واحد واحد...
وجا عبود ولولو بيتهاوشون بس هذا محمد داخل عليهم.....
محمد:ما شاء الله..وش هالاجتماع..اللهم اجعله اجتماعا مرحوما...
لولو جت بتتكلم بس امها قرصتها تبي سلطان هو اللي يبشر اخوه.....
سلطان:هات البشاره..
محمد ابتسم:بالاول بدك تخبرني..
سلطان:لا اول هات البشاره(يتميع ويقلد السوريين)...
محمد:الي تبيه اخلص
ضحكوا كلهم..محمد ما عنده وقت ما قدر يكمل هالتميّع...
سلطان:ابشرك اليوم طلعت نتيجتي باختباري بالمصحف...
محمد:ما شاء الله...بشر؟
سلطان:ابشرك ون هاندردن...
محمد:الف الف مبروك والله وطلعت منت هيّن يا الهنيدل...
سلطان ضحك وقال:كح كح وش هالغبار اللي جانا..والله انك طلعت داهيه..
لولو:بسرعه وش سالفه هنيدل..داريين انها معياره بس وش سبب التسميه...
سلطان:هذي وش بيفكنا منها..الله يصلحك يا محمد..
لولو:لا تصرفون السالفه بسرعه الاجابه..
محمد:زمان كان هادي وحالته حاله وشكله كانه من الهنود اللي عند ابوي يشتغلون..عاد جمعناها والطلقنا هذا اللقب على الاخ الماثل امامكم...
لولو:بارك الله فيك يا اخ العرب..هل تود ان اسكب لك قدحا من القهوى..
سلطان:قدح..ههههههههههههههه. ..قويه من وين تعلمتيها.,...لا تتفلسفين وتقوليين من الكوره..
لولو:هاهاهاي..لا من كتاب المطالعه ثالث ابتدائي..
عبود:الله واكبر على الدِقّه..وبالترم الثاني صح
لولو:لا بين الترميين..
سلطان:يا ثقل دمك...
لولو:لا تخليني ازعل منك وانت آخذ ممتاز..
ام محمد:اقول وش رايك تروحين تدقين على اختك وتقولين لها تجي...
لولو:ابشررررررررررري....
واحتفلوا بهالليله اللي ما تنسي من أي شخص بهالعايله..جت ام رغد واستانسوا على الاخر ويوم درى عنها زوجها وعن المناسبه سمح لها تنام والوقت اللي بتجي فيه تجي..تجهزت عائلة لان للهدايا من اول ما اختبر وتوقعوا تكون نتيجه رائعة بس اندهشوا من هالنتيجه اللي محد وصل لها من قبل..وانهالت الهدايا على سلطان من العايله وكل واحد مفاجأته احلى من الثانيه..بس ما استعدوا للحفله بشكل كبير لان سلطان فاجئهم بخروج النتيجه بسرعه...سلطان استانس على الاخر وحس ان هالحب ما فيه أي نوع من الخيانه او أي نوع من التلاعب..حب طاهر صادق ما يخالطه أي نوع خبيث من الحب الغير طاهر..ودعى ربه انه مثل ما لم شملهم اليوم يلم شملهم بالجنّه...
يالله يالله ناموا من التعب والفرحه اللي عجز أي واحد منهم يقطع عليهم فرحتهم ويقول لهم جا موعد النوم..
سلطان اصر عليهم انهم يناموا واجبرهم عشان يرتاحوا..وكل واحد نام وهو يفكر بهالحفله البسيطه اللي صارت بسرعه بدون تجهيز مسبق بس كانت احلى حفله صارت لهم...
ام محمد على طول طرت له سالفة الزواج بس سلطان بسرعه اتدارك السالفه وصرررفها عشان ما يبتلش بهالسالفه....
عبود بدت علامات الكبر تبان فيه وصد عن الهواش مع لولو..وبدى يهتم بالدراسه اكثر من قبل واتخذ سلطان قدوه له...
لولو ما تترك التعليقات الجميله المضحكه بهالحفله..مع انها تتعرض لتهزيئ وهواش بس ابو طبيع ما ييوز عن طبعه...واضافت لهم نكهه خاصه للحفله...
ابو محمد ارتفع بعينه ولده اكثر من قبل وصار يفكر بمستقبل ولده اكثر من قبل....
ام محمد كل اللي شاغل بالها هو محمد ونهى..وسلطان متى بتزوجه....
محمد برغم الالم والعذاب اللي صار له مع نهى والمشكلة ما زالت قائمة لكن عشان اخوه ما وضّح أي شئ وتماشى معهم..
ولا احد من عائلة ابو محمد يدري وش يصير ببيت ابو خالد وابو فيصل...
***********************************
دخل عادل وهو مستانس على الاخر..ويغني ويضحك ولا على باله..
عادل:مستني ايه تعال أولها بأى..وعيوني لك حبيبي متشوأه..سنين وايام باحلم بيوم اللأا..حرام نعيش وألوبنا متفرأه..
آمنة:ههههههه يا عيني عالطربان الولهان..
عادل:يووووه يا اني مستانس بشكل ما تتصورينه..اليوم مزاجي راااااااايق...
آمنه:دوم ولا هو يوم...بس وش اللي مخليك تستانس على الاخر...
عادل:اشياء كثيره..كثيييييييييره..وغمض عينه وتذكر اللي صار..وصار يضحك من قلبه...
آمنه اول مره تشوف اخوها مستانس هالكثر وهي مستانسه اكيد لانه علاقتها بعادل اتعدلت وكل شئ بيصير لصالحها....
عادل لف جهة آمنه وقال:آمنه كيف لمياء؟
آمنه انصدمت من السؤال وخافت انه بيرجع لعقله ويسامحها وهي تروح فيها(تجاوبه وهي نصها خوف) :من أي ناحية
عادل باستغراب:من كل النواحي...
آمنه:مدري عنها ما تكلمنا ولاا تناظر فينا وعايشه هي اللي معطيتها وجه بس لمياء ما تكلمها
عادل:ايش رايك فيها؟
آمنه:نعم!!!!!!
عادل:اقول وش رايك فيها يعني احتمال اتزوجها لا تناظريني كذا...
آمنه:تتزوجها وانت شايف بعينك اللي صار منها..
عادل:يا آمنه كبري عقلك شوي...مني متزوجها عشان سواد عيونها بس اقل شئ استفيد من هالزواج شئ..
آمنه:بس ابوي ما درى بالسالفه...
عادل:اذا جا بنقوله السالفه..لازم يدري ويهزأها وبيحاسبها على اللي سوته..بعدين عادي اتزوجها وآخذ من وراها شئ..
آمنه:بس هي اكبر منك وبعدين وش اللي بتاخذه منها...
عادل:حتى لو اكبر مني انا باتزوجها عشان فلوسها يعني باجيب لها غرفه او غرفتين واخليها تسكن فيها واخليها وانا اخذ من ورها فلوس واتزوج اللي ابيها..يعني اقل شئ ما احوس الين القى شغل.
آمنه صدمت بنذالة اخوها وخافت مرة من هالشئ..يعني أي شئ ممكن تسويه او هو يسويه بس هالشئ صعبه..صعبه مره...سكتت وهي ثلاثة ارباعها وخوف من عقاب رب العالميين وبنفس الوقت ما قدرت ترد على اخوها وهي خايفه من هالخطوه..
عادل:شوفي يمكن يبارك لي الله بهالزواج واخفف دشره بس اني اتركها مستحيل..
آمنه:تتكلم من جد.
عادل:لا امزح وش رايك يعني؟
آمنه اول مره تعترض بوجه اخوها:عادل ترى هالشئ حرام..هذي بنت عمك ومهما كان ما يصير تسوي هالشئ واذا انت فكرت كذا اجل الغريب ما نلومه..
عادل:لا يا شيخه فتحتي مجلس علم..
آمنه:لا مجلس علم ولا يحزنون..بس هالشئ جريمه كبيره والزواج مو لعبه تاخذ اللي تبي منه وبس..يا تاخذها بالمعروف والا بلاش..وهذا تفكيرك وابوها ما مات..اجل لو مات وش بتسوي..
عادل:بيصير هالشئ بسرعه ومن دون اعتراض من أي احد...
آمنه:عادل خاف الله..هذي يتيمه..واذية اليتيم عقابها اشد من أي شخص ثاني...
عادل سكت وحس بعظم الشئ اللي بيسويه بس مستحيل يتعرف عند احد انه غلطان او انه بيغلط عشان كذا ما بيّن لاخته أي تاثر بكلامها وقال لها...
عادل:اقول وش رايك تسوين شاهي..
آمنه:بس اللي براسك لازم تنساه...
عادل سوى نفسه مو مهتم للسالفه وقال:وحطي مع الشاهي نعناع طيّب..
عرفت آمنه ان ما فيه أي فايده من الكلام معاه وبنفس الوقت ما تبي تضغط عليه عشان ما يخرب الجسر اللي بنته بالموت...
اما عادل كل ما يتذكر ان لمياء لها علاقه بخالد يزيد حقد عليها وعلى خالد ويتمنى لو ينتقم منهم الاثنيين بس كيف؟...هذا هو اللحين يفكر بانتقامات متتاليه يضر خالد حتى لو على حساب لمياء...
>>في غرفة لمياء..توها صحت من النوم وهي ما تعرف الوقت..وكان كسلانه مره وما تبي تقوم بس خلاص ما في أي مجال انها تنام لها اكثر من 9ساعات نايمه..قامت من فراشها وطبقته ولبست جلالها عشان تروح الحمام..دخلت لحمام وخرجت منه وهي تشوف نظرات عادل اللي ما ترحم..بعد كل اللي سويته بعد لك عين تناظر بي باحتقار صدق من قال كذب الكذبة وصدقها..وصارت تدعي عليه بسرها...ودخلت الغرفه وسببت لها الام هالنظره الي تقهر..المذنب ينقهر من الناس اللي حوالينه ونظراتهم اللي ما ترحم..شلون المظلوم وتلاحقه هالنظرات..واللي قاهرها اكثر ان ابوها ماهم راضيين يخلونها تزوره.. صلت ركعتيين ودعت ربها انها تشوف ابوها وانه يسهل عليها زياره لابوها..وكل ما تذكرت فراس صارت تصيح..سمعت صوت باب البيت ينفتح اكيد راشد جا هذا وقت خروجه من الدوام ونقزت براسها فكره جهنميه وكعادتها خاليه من أي خوف او تردد...
بس سمعت صوت فراس معاه وعلى طول ناداه عادل بس ما تحملت هالاذية من عادل راحت بكل قوة وشجاعة للصالة وعليها جلالها...
لمياء يوم ناظرت بفراس دمعت عيونها كم لها ما شافت فراس..وهو فرحان بلبس الكاراتيه اللي لابسه وقاعد يستعرض على عيال عمه الحركات اللي تعلمها...
لمياء:فروسي تعال ابيك شوي...
ودخلت بسرعه لغرفتها تنتظر فراس يجي...
بس عادل ناداه وخلاه يكمل حركات ومن الفرحه ان اللي حوالينه مبسوطيين ويشجعونه نسى اخته..
خرجت لمياء من غرفتها وهي مقهوره مره..
لمياء:فروسي تعال بسرعه ابغاك..
فراس:طيب اللحين اجي بس اكمل حركات...
لمياء:تعال كلمني بعدين كمل حركاتك..
فراس:طيب وجا بيمشي بس عادل مسك فراس من طرف قميصه..لمياء ما تحملت الموقف ..جت لمياء وسحبت فراس بقوه ومشت وخلته يمشي قدامها ودخلت الغرفه وسكرت الباب...نزلت جلالها لمياء ومسكت فروسي وضمته لها...
فراس مستغرب وش فيها اخته لمياء..ما هو عارف وش اللي يصير من وراه...
لمياء:كذا يا فروسي تخليني ازعل منك...
فراس:ليش تزعليين مني؟انا ما سويت شئ غلط...
لمياء:الا سويت شئ غلط..ليش ما جتني وتسلم علي من متى عني ما جيتني...
فراس ساكت ما يرد عليها وهو يناظر باخته لمياء اللي اول مره يشوفها تصيح وهو انهبل ما يدري وش فيها اخته...
فراس:لمياء لا تبكي..خلاص كل يوم اسلم عليكي...
لمياء انتبهت لنفسها وانقهرت لان عمرها ما بكيت قدام فراس مهما حصل ما تصيح ولا تظهر ضعفها قدامه عشان يصير قوي وضغطت على روحها وتكلمت:خلاص حبيبي كل يوم تجي وتسلم علي وتنام عندي بعد..ليش ما تنام عندي بعد..
فراس:انا رجال انام مع الرجال...
لمياء:أي حبيبي انت رجال وانا حرمه الحالي انت رجالي لازم تنام عندي...
فراس استنانس على الكلام اللي تقوله لمياء واكيد الكلام اللي يطلع من القلب يدخل بالقلب على طول....
فراس:خلاص انام عندك وتشوفين دروسي مثل قبل..والله مره ودي تشرحي لي رياضيات مثل اول اني صرت ما افهم...
لمياء خافت على اخوها انه يرسب او ما يتوفق بدراسته وهو املها الوحيد ما تبي أي نقطة فشل تصير بحياته....
لمياء:خلاص روح جيب اغراضك وكتبك وكل شئ وتعال عندي....
فراس:بس اول شئ اكمل حركاتي عند العيال....
لمياء:خلاص فروسي روح عندهم..بس تعال بعدين..
وسكتت لمياء وحست بالاحراج اكثر من انها خايفه من هالشئ بس تشجعت وقالت:واذا رحت هناك نادي راشد..انا انتظره برى الغرفه..
راشد اكبر من عادل بس فيه اخوهم الكبير برى منطقتهم..ما صار مع لمياء أي احتكاك بس تحسه انسان محترم ويخاف الله..اللي مخوفها بالسالفه انه يطلع مثل عادل ويقهرها مثل ما قهرها عادل بس االلي شجعها عمره ما ناظرها بكره او ناظرها باحتقار كل اللي تشوفه بعينه نظرات احترام...
فراس:انا جيت...
عادل من غير نفس:وش عندك؟(انقهر من اللي صار وانه خرب كل تخطيطه)
فراس:باسوي حركات..
عادل:انا ما قلت انك رجال وانك ما تدخل عند الحريم..
راشد:عادل تراها اخته وبعدين فراس صح رجال بس ما فيها شئ يجي عند بنات عمه..صح فراس..
فراس:ايه(وهو مستانس)
عادل انقهر وخرج من البيت...
فراس:ياربي محد بيشوف حركاتي الجديده...
راشد:الا انا باشوفه يالله وريني...
فراس:لا انت اختي تبيك...
راشد بذهول:اختك؟
فراس بكل براءة:أي لمياء تبيك هناك بس ما قالت لي ليش؟
ابتسم راشد على براءة فراس وقام بتردد عند مدخل غرفتها...ولقاها هناك تنتظره...
لمياء:آسفه على الازعاج...
راشد نزل راسه:ما في أي ازعاج..

***********************


لمياء:لو سمحت انت مشغول اللحين...
راشد:لا ما عندي شئ تامرين بشئ...
لمياء حست بالانكسار وبغت تهون بس تشجعت لان ما في طريقه الا هو وحمدت ربها انه كلمها باحترام:عندي مشوار مهم مره...ابي اشوف ابوي صار لي مده ما شفته والله انهم ظلموني وانت تعال معاي بس اشوفه واسأل عن حالته و...
قاطعها راشد لانه ما يحب يشوف احد يترجاه:خلاص كلمي احد البنات واطلعوا انا بالسياره...
لمياء:الله يجزاك خير..
وراحت بسرعه لعايشه اللي ما تكلمها الا اذا بغت شئ:يالله عيوش وافق راشد يوديني...
عيوش تعرف ان لمياء محتاجه احد وان ظروفها القاسيه هي اللي خلتها تقسى عليها وصديقتها اللي حزنانه مره على لمياء كانت تقولها استمري معاها وراح تحبك هي مسكينه وتحتاج احد بس كبريائها هو اللي خلاها انها تحس انها مي محتاجه لاحد....
عيوش:يالله انا بالبس عباتي...
لمياء بتشقق من الوناسه:يالله..وراحت بسرعه تجهزت ولبست عباتها ودخلت على عيوش اللي توها تلبس المسفع...
لمياء:يالله عيوش باطير انا...
عيوش:ما شاء الله امداك تلبسين..
لمياء:لا تكثرين هرج بسرعه خلينا نروح..
راشد اللي ماهو راضي يصدق السالفه اللي صارت لمياء..طبعا امه ما قصرت راحت قالت له كل السالفه واي شئ يصير بالبيت امه تروح تقوله والا هو ما يهتم لها السوالف ولا يسأل عنه..واعجب باهتمام لمياء بابوها وانه رغم الظروف تبي تزور ابوها وراح بافكاره بعيد كيف كانوا ساكنيين ببيت واحد ولعبهم مع بعض وانهم تربوا ببيت واحد..يعني استحاله تكون لمياء مسويه هالشئ وعادل يعرفه متهور وشكاك باي شئ...وقطع عليه تفكيره يوم دخلت عيوش ولمياء السياره...وبنفس الوقت انهزت صورة لمياء غصبا عنه..مع انه مو مصدق السالفه بس شئ اقوى منه يصر عليه على هالتفكير الاعوج...
راشد مؤدب وخلوق ولا يحب الهواش والخناق عكس اخوه عادل اللي ما ترك احد ما اتهاوش معاه وعادل من النوع الحقودي اللي ما ينسى أي سالفه لاي احد...
دخلوا لمياء وعيوش السياره..وحرك راشد السياره...
راشد يناظر قدام ويسال:عايشه انتي...
عايشه:أي..(وترفع نفسها تعدل عباتها) شلون عرفتني؟...
راشد:طولك ما شاء الله بتوصلين لنا يالرجال...
عايشه:الله يسمع منك نفسي اصير العملاق الاخضر(ومسكت عباتها وترفعها على راسها)..
راشد:العملاق مره وحده خلاص كافي طولك..
عايشه:لا ان شاء الله اصير اطول من كذا...
راشد:لا عاد مو حلو الطول مره على البنات..
عايشه:ما باقي الا بنتيين بالمدرسه واصير اطول وحده...(ورجعت راسها على ورى)..
راشد:لا اله الا الله...
راشد صوته جهوري وثقيل وصوته معطيه هيبه...وحس ان لمياء ساكته وما تتكلم استحى وصار ما يتكلم....
اما عايشه ما تركت ولا شئ الا اتكلمت عنه..وهي بعد ربكه تتكلم وتتحرك كثير..وربشه على طول.. وبس تسال راشد عن المحلات والاشياء الجديده اللي فتحت...وراشد يرد عليها بكل ثقل وعلى قد السؤال تكون الاجابه....
لمياء دخلت بجو ثاني ولاهي منتبهه لسوالفهم..قلبها وتفكيرها معلق بابوها..شلون حالته وش بيصير له...فاق من الغيبوبة والا لا...كان بالها مشغول مره بابوها..وتذكرت اخر مره كانت مع ابوها والموقف اللي صار لها صارت تبكي.....
وقف راشد عن المستشفى وركن السياره ونزل معاهم...لمياء قالت له عن غرفة ابوها وقالت له يسأل الدكتور عن حالة ابوها وهي وعيوش بيروحون لابوها....
لمياء كل ركن بالمستشفى يجيب لها كآبه وتتذكر اول ما جت المستشفى والحوسه اللي صارت لها والممرضه الي تهاوشت معاها...كل شئ بهالمستشفى يجيب لها الخوف والقلق من المستقبل..
>>بنفس الوقت خالد يحوس بالمستشفى يبي يدخل على منصور اللي حس بروحه بيموت لو ما شافه وطفش كل الموظفين والدكاتره عشان يشوف منصور بس ما في أي فايده وهو داخ من اللف والدوران..وابو خالد ما تركه كل شوي يدق وخايف اهل البيت يقومون ويدرون عن منصور وعن حالته ويصير فيهم شئ...
ابو خالد:ها خالد فيه أي جديد..
خالد:لا والله هذاي احوس بالاقسام..
ابو خالد:واسامه؟
خالد:الى الان ما رد علي والا انا مكلمه...
ابو خالد:كلمته وعلمته باللي صار..
خالد:ايه علمته وقال بيرد علي وان شاء الله نشوفه..
ابو خالد:طيب وش فيه ما رد...
خالد:هو بيجي على المستشفى معه ورقة السماح بالزيارة وبندخل عن طريقه...
ابو خالد:اذا دق عليك او جاك او صار أي شئ بلغني..
خالد:ابشر يبه...
ابو خالد:فمان الرحمن..
خالد:فمان الكريم...
ما امداه ينزل خالد جواله الا هذي لمياء تمشي من قدامه ورايحه جهة ابوها...خالد عرفها من شنطتها اللي ما غيّرتها.. ومشيتها لانها تمشي بسرعه شوي وحفظ هالمشيه من كثر ما يتقابلون بالمستشفى.. بس استغرب معاها بنت ورجل اول مره يشوفهم معها...
وقف خالد ووده يسألها مية سؤال يدور براسه ويبي من يجاوبه بس ما يقدر ولا هو وقته... قعد على كرسيه والا هذا اسامة متصل عليه...
اسامة:هلا خالد..
خالد:هلا بك..وينك يا رجال؟
اسامه:لا تاكلني انا بالاستقبال تعال عندي...
خالد من الفرحه سكر بوجهه السماعه ونسى كل شئ يدور براسه وصار كل تفكيره بشوفة اخوه منصور..خالد يمشي مسرع وما يبي احد يعترض طريقه ووده يضرب أي احد يوقف بطريقه وهو ماشي دق على ابو خالد وبشره ان اسامه بالمستشفى عند الاستقبال...
اسامه:هنا يابو الشباب...
خالد:هلا..يالله بسرعه...
اسامه:على وين؟
خالد:على منصور...
اسامه:طيب شوي شوي علينا....
خالد:والله انك رايق...
اسامه:انت اللي فاير دمك...
خالد:من هنا نمشي...
ويمشي اسامه مع خالد ويحاول يخليه يمشي بشويش بس مافي امل...
اسامه:خالد...
خالد:سم...
اسامه:سم الله عدوك..محد معاك من الاهل...
خالد:لا ان شاء الله يجون وقت ثاني بس انا وابوي هالمره....
اسامه:أي بس...
خالد:امش انت بسرعه لاحقين على الزيارات...
اسامه:خالد اكلمك وش فيك؟
خالد:تعرف اني من جد اشتقت لمنصور...
اسامه:أي بس تدري يا خالد ان منصور مهوب مريض عادي
خالد بتناحه:شلون يعني ؟
اسامه:يعني عليه قضية؟
خالد:والمطلوب؟
اسامه:كلم ابوك وامك يزورونهم هم اكثر اثنين لهم الاحقيه بهالزياره..
خالد:اكثر اثنين شلون يعني ما اقدر ادخل انا
اسامه:اعذرني خالد..بس ما تقدر لاني انا سويت ترخيص للاب والام وهذا المسموح
خالد:هذا اللي طلع معك..
اسامه:بعد ثلاث واسطات هذا المسموح..
خالد:ما قصرت يا اسامه واعذرنا ترى الاخلاق شينه بعد منصور..
اسامه:عاذرك ومار بنفس الحاله..
خالد:اجل بادق على الوالد..
اسامه:خذ راحتك...
حاول خالد يكتم قهره وغيضه بسبب هالسالفه بس ما قدر وتعامل مع اسامه بجفاء..بس شئ غصب عنه..منصور بالنسبه له اكثر من اخ وما شاف منه الا اللي يرضيه وكان مشتاق له حيل وعارف انه مستحيل يكون مجرم.. ومنصور انسان محترم ويقدر اللي اكبر منه ويوم حصل له هالحادثه تجددت ذكريات خالد وما لقى الا اخ محترم ومقدر ويعرف يتعامل مع اللي اكبر منه....
خالد كلم ابوه وشرح له الوضع..وابو خالد كلم ام خالد وشرح لها الموضوع وقال لها ان ما فيه أي شئ بس ام خالد ما تترك عادتها قامت تصيح...
انتهى خالد من المكالمه وجا عند اسامه...
اسامه:كلمت الوالد..
خالد:ايه..واللحين بيجي هو والوالده...
اسامه:طيب اللي يعطيك بشاره حلوه وش له..
خالد:تتطنز..
اسامه:ايه اتطنز..بكيفي..
خالد:والله انك رايق...
اسامه:اسمع هي مخاطره بقوه..بس عشانك نجازف..
خالد:متأثر بشغلك مره..عشانك بالمباحث صار كلامك مجازفه ومخاطره..
اسامه:وما شفت شئ..
خالد:طيب وش البشاره اللي بهالوقت بتجي..
اسامه:انا لازم ادخل مع ابوك وامك..
خالد:نعم!!وشلون ياخذون راحتهم..
اسامه:هذي التعليمات لازم اكون معاهم...
خالد:طيب وش دخل ذا بالبشاره..
اسامه:طبعا انت تصير اسامه وانا اصير خالد...
خالد تعجب وتنح على الاخر:ما فهمت!!!
اسامه:يعني انت المفتش وانا خالد ولدكم...
خالد:الى الان ما استوعبت..
اسامه:العن ابو التناحه..اقصد انت ادخل بصفتك اسامه وانا بانتظر برى على اني خالد...
خالد تنّح بقوة:ويرضون؟؟!!!
اسامه:يا ابن الحلال هي شغل فبركه لا اقل ولا اكثر..
خالد:بقوة لايق مباحث..
اسامه:ترى هذي تهزيئة رقم خمس وسبعين بعد الألف..
خالد:هههههههههههههههههههه� �ههههههه
اسامه:هذا الوالد..
خالد:أي عن اذنك شوي...
راح خالد لابوه وكلمه وفهمه سالفة الزيارة..ودخل ابو خالد وام خالد وخالد واسامه...
خالد مسك امه ومثلت امه انها ما تقدر تمشي وابو خالد سوى روحه كبير بالسن ويالله يالله يمشي واسامه معه ورقة السماح بالدخول..نجحت العملية وخرج اسامه على انه خالد وخالد صار داخل..
ام خالد اول ما شافت منصور صارت تصيح..شكله ما يطمن واكثر شئ قهرها انه مغمى عليه ما يحس بوجودهم..وملفوف بالشاش وابر المغذي بكل مكان...
ام خالد وهي تصيح:هذولي وش سوو فيه..حسبي الله عليهم...
ابو خالد:يا ام خالد ادعي له بالشفا بدل هالصياح...
ام خالد:حرام عليهم وش هالابر اللي بكل مكان...يا عمري عليك يا منصور..وراحت ام خالد عند منصور ومسكت يده وحضنتها وصارت تحبها وهي تصيح..وترجع يده مره ثانيه واذا مسكتها صارت تصيح..المسكينه شكلها يقطع القلب..والممرضه انهبلت وراحت نادت الدكتور...
خالد:بس يمه ترى ما فيه الا العافيه...
ام خالد:وين ما فيه الا العافيه..والابر بكل مكان والشاش مغطي على نص وجهه والشرطه بكل مكان...تكفون كلموهم خلوه يطلع..
ابو خالد:بيطلع ان شاء الله..هو بس مغمى عليه وان فاق من غيبوبته بيطلعونه..بس انتي ادعي له ولا تصيحيين...
ام خالد سكتت عن الكلام بس دموعها تصب كل ما تشوف حالة ولدها وماهي قادر تسوي له شئ..
ابو خالد من صدمته بمنصور عجز عن التفكير وما توقع بيكون شكل منصور كذا واللي زودها بعد ام خالد اللي تصيح وما قدرت تسكت....
طلعوا من الغرفه وهم شبه منهاريين..ام خالد بحاله صعبه وخالد اللي تعود على هالمناظر بس يوم شاف اخوه كأنه انمحت كل صوره عالقه بذهنه الا صورة لؤي وام لؤي بالحادث ورجعت له كل لحظه مرت عليه..وحالة منصور مهيب بعيده عن لؤي....
وام خالد اللي مسيكينه ما تقدر تتحمل ودمعتها على عينها..ومنصور ولدها..اللي دايم معاها وما يتركها ما حست بقيمته الا يوم طاح..والمسيكينه ما تقدر تتحمل هالصدمه لو كانت بانسان ثاني شلون ولدها...
رجعوا الثلاث بالبيت وكلن شايل همه بقلبه وكلن يحاول ما يكلم الثاني عشان لا يتخرعون اللي بالبيت...وابو خالد حرّص على ام خالد انها ما تجيب طاري حالة منصور للبنات وام فيصل...
****************************
بنفس المكان وبقسم قريب من القسم اللي موجود فيه منصور كانت هناك لمياء طايره من الفرح وهي تحس انها بحلم ما هو علم....ابوها صحى وصار يتكلم معاها حالته افضل بكثير من قبل...وودها تطير تسوي أي شئ عشان تحس انها على ارض الواقع....
ابوها خرج من قسم الطوارئ وطلعوه للدور الثاني واحسن شئ سووه انه بغرفه الحاله..
لمياء:ها يابو لؤي شلونك؟
سعد:بخير دامني اشوف هالوجه...
لمياء:الله لا يحرمني منك يا يبه...متى طلعت؟وكيف؟وشلون؟وليش محد علمني؟
سعد:شوي شوي اكلتيني بالاسئلة...
لمياء:والله من شوقي لك..والله يبه اني اسعد انسانه...
سعد:الله يتمم عليك هالسعاده..ابد مالي الا ساعه طالع وانتي ما شاء الله على طول جيتي...
لمياء:الحمدلله على سلامتك يبه..
سعد:ولو انها جت متأخره بس الله يسلمك...
لمياء تضحك من خاطرها ودها لو تحضن ابوها بس شئ ما اتعودت عليه ومستحيل تسويه ومن فرحتها نست راشد وعيوش ولا تدري وينهم....
سعد:اخبار فراس وليش ما جا معك؟
لمياء:ما دريت انك طلعت والا لو داريه كان جبت لك قهوه يحبها قلبك وجايبه تمر اخلاص وحنيني..
سعد:الله يصلحك يا لمياء اللحين وش يصبرني لبكره عن الحنيني...
لمياء:لا بتصبر هذا حنيني مو حيا الله...
سعد:أي والله..يا حلو ذيك الايام يوم تطبخها لنا امك وتجيبه على الصبح..
لمياء:الله يرحمها برحمته ويجمعنا معها بالفردوس الاعلى...
سعد:اللهم آمين...
وسكتوا فتره كل واحد يتأمل بالثاني..الاب الحنون اللي محتاج بنته بهالاوقات ووده يساعدها وهو يعرف ان محد عندها...والبنت المظلومه اللي تبي ابوها اكثر من قبل ومحتاجته لو بضعفه..
سعد:أي يا بنتي وينك فيه؟
لمياء عرفت ان ابوها يبي المختصر لحياتها عقب ما طاح بالمستشفى....
لمياء:ابد ببيت عمي قاعده انا وفراس..وما قصروا علينا بشئ...وخالد الله يجزاه خير كان كل يوم يجي المستشفى ويزورك ويطمن عليك وعن طريقه تبرعوا لك بالدم...
سعد:الله يجزاه خير والله انه نشمي ورجال...
والتفت سعد على لمياء يناظر بعيونه يشوف مستقبلها المجهول اللي خايف منه اكثر من قبل...وما لقى فرصه الا هالوقت يقوله للمياء...
سعد:يا لمياء...
لمياء:سم يبه...
صــــــــــبـــــــــــــ ـــــــــاح اللـــــــــــــــــــــي ـــــــــــــــــــــــــ ل
والا هذي عيوش داخله ومعها راشد...
تغشت لمياء وابعدت عن ابوها شوي عشان راشد يدخل ويسلم على ابوها....
راشد:الحمدلله على السلامه يا عم وما تشوف شر...
سعد:الله يسلمك..الشر ما يجيك..
عيوش:هلا والله بعمي تو ما نورت المستشفى...(ودق راشد عيوش من يدها يعني اسكتي)...
سعد:وشو نوره كان من المستشفى ما نبيه....
سحبت لمياء عيوش:وين رحتوا...
عيوش:رحنا وشرينا ورود وحلاو لعمو..
لمياء:مالها داعي الله يصلحكم...
عيوش:والله راشد الي لزم عليّ....
وراشد والعم سعد اندمجوا مع بعض بالسوالف..
والتهت لمياء بعيوش اللي كل شئ تسوي له سالفه..حكت لها عن محل الورود وعن محل الحلاو...وكل شئ بالتفصيل الممل....
انتهت الزياره وراحوا راشد وعيوش ولمياء اصرت انها تقعد مع ابوها مرافق...وراشد ما قال شئ.. ومساكين ما دروا وش بيصير من ورى عادل وابوه..
***********************
صحى سلطان من النوم بس اليوم بالنسبه له غير عن كل يوم..يوم بيملاه نشاط وفرح وكل شئ يفرح قلبه..امس طلعت نتيجة اختباره وبعد الحفله المصغره اللي اهله سوها..حاس بروحه بيطير من الفرح..تعدى من الصاله والا اهله متجمعين وقاعديين ينتظرونه..دخل الحمام وبيجيهم بعد ما يصلي الضحى...
لولو:عبود حط الكوره على اثنين ابلعب معاك..
عبود:ما عندنا بنات يلعبون كوره...
لولو(تقلد عبود باستهزاء) :ما عندنا بنات يلعبون كوره
عبود:يالله طسي ما في لعب..
لولو:من زينك والا من زين السوني حقك..وليته سوني2..1 وتنافخ عليّ..جيب الثاني وتعال تفشخر عليّ..
عبود:يمه سكتي بنتك..هذي تبيني اقوم عليها..
لولو:انا اختك اللي اكبر منك والمفروض تحترمني
عبود:هههههههههههههههه..
لولو:وش فيك تضحك..اكيد تضحك على السوني ذا ايام جدي الله يرحمه...
عبود:يقالك بتعصبيني..لعب ما فيه لو تفحطين...
ام رغد:والله انكم رجه..الله يعينك يا يمه عليهم...
ام محمد:آمين..الناس تكبر عيالهم الا عبود ولولو..
عبود:يمه لا تقولي عبود انا رجال قولي عبدالله...
لولو:هههههههههههههههههههه� �ههههه
عبود:وش فيك تضحكين...
لولو:لا ابد تذكرت نكته..اكيد اضحك عليك...
عبود:قسم بالله ان قمت عليك لاموتك...
لولو:ترى فيها قصاص..
ام محمد:لولو قومي عن اخوك...
لولو:يا سلام ليش ما تقولين عبود قوم عن اختك...
ام محمد:لولو ترى ما يصير لك شئ طيب..
لولو:والله كل ما اتهاوشنا انا وعبود حطيتوني انا الغطانه...
ام محمد:اقول روحي قومي اخوك محمد ومري عل ابوك خليه يجي يتقهوى عندنا...
<<هذا سلطان جاي يم الصاله وحب على راس امه:انا اقوم محمد...
ام محمد:اجل انتي روحي نادي ابوك...
لولو:يعني ما في مفر لازم هالمشوار..
ام محمد:انا وش الله بلاني بهالبنت عجّازه ما تبي الشغل ولا المشاوير..
لولو:يمه عشان تحسين بالتنوع بين بناتك مو مثل بعض..
ام محمد:لا والله ليتك مثل ام رغد..
ام رغد:وش دعوى عاد نسيتو ان اسمي لطيفه..
عبود:والله ام رغد احسن من لطوف...
ام رغد:لا احنا البنات حتى لو اتزوجنا نبي الدلع مو مثلكم يالعيال...
لولو:يا الله ودي احد يدلعني ويجيب لي هديه وما يرسلني ويخليني مثل الاميره..
ام محمد:عشم ابليس بالجنه..روحي بسرعه ونادي ابوك...
لولو:حتى حلمي ما تخلوني اكمله..الله يزوجني وافتك..
ام محمد:ياربي يهالبنت ممسوح منها الحيا....
>>وعند محمد...
دخل سلطان على محمد ولقاه داخل بجو ثاني ولا انتبه للي دخل...
سلطان:السلام عليكم...
محمد:..............................
سلطان:رد السلام واجب..
محمد:..........................
سلطان مسك دفتر كان على المكتب حق محمد ورماه على محمد....
محمد انهبل ما يدري وش اللي جاه ومن وين..وهو بحلم والا علم..ونقز من مكانه
محمد:بسم الله وش ذا..
سلطان:ههههههههههههههههههه� �ههههه
محمد:الله يقطع ابليسك..وش فيك وش اللي جاني...
سلطان:وعليكم السلام...
محمد:ليش انت سلمت...
سلطان:أي سلمت وقعدت اسمع لك وانت تكتب قصايد بأميرة قلبك واندمجت ويوم وصلت لشئ قوي قلت يا ولد استح على وجهك خلاص الى هنا وبس..
صادفت كذبة سلطان ان محمد صدق كان يكتب اشعار بس بينه وبين نفسه وتخرع ظن ان كلام سلطان صدق وانه كان يتكلم...
محمد:ما شاء الله وانت تسمع كل شئ....
سلطان:لا امزح عليك انت تصدق كل شئ...
محمد:انا قلت ما امداك امس جايب نتيجة ختمك للقرآن واليوم تكذب...
سلطان:والله قويه...انا عاهدت نفسي اني ما اكذب بالمزح مع انه قليل بس شئ اتعودت عليه وهبلت بكل العيال..بس الله يهديني انا لي فتره مبطل هالعاده بس انت الله يصلحك ضبطت الموقف لي واضطريت...ان شاء الله ربي ما ياخذنا ان نسينا...
محمد:والله وقمت تحدث وش عندك يا الشيخ سلطان..
سلطان:تعال للصالة نبي نتقهوى....
محمد:ان شاء الله(وسكت محمد بعدين قرر انه يتكلم وقال) بس بعد القهوه ابي اتكلم معاك بموضوع...
سلطان:خير ان شاء الله...
محمد:خله بعد القهوه...
سلطان:طيب....
ومسك سلطان يد محمد وورشد ايده على فوق وخلاه يوقف...وراحوا للصاله يتقهون مع بعض...
ام رغد:يا حلاة هاللمه أي والله...
سلطان:ترى نعلم رجلك وتروحين فيها...
ام رغد:تهديد ذا والا وشو؟
سلطان:وش رايك انتي؟
لولو:تصدقون ان فيه ناس ما يشربون قهوه...
سلطان:الله يالاكتشاف اللحين...مسويه انك عالمه...
لولو:انت وش فيك قمت عليّ..اقصد مو بس ما يشربونها حتى ريحتها ما يحبونها وحده تقولي اذا سوو قهوه في البيت بجيني صداع من ريحتها...
ام رغد:عادي كل واحد واللي اتعود عليه..اهل نجد تعودو على طباخهم وعلى كيفهم بالقهوه واهل الحجاز تعودو على طباخهم وحتى اهل الشرقيه والشمال والجنوب...وحتى بالقهوه كل منطقه لها طريقه تسويها وتعجبها وكل منطقه تفضل قهوتها...
سلطان:والله يا احنا السعوديين حفله..جنوب وشمال وشرق وغرب ووسط..وكل واحد له لهجته وطباعه وعاداته...
ام محمد:والله انا اول ما نعرف غير النجديين ولا نعرف الا عاداتنا وطبايعنا..اما اللحين ما شاء الله اللحين نعرف عن كل الديره ما شاء الله...
محمد:يمه من سمعك وانتي تقولين ديره يقول السعوديه بس مدينه وحده مهيب مدن واجد...
سلطان:تقدم العلم والتنكلوجيا هو اللي خلانا كديره وحده نعرف عن بعض وعن كل شئ وعن طبايع كل منطقه وعاداتها..و بدون لا نروح لنفس الديره ونفس المدينه...
لولو وعبود صفروا وصفقوا وقالوا:اححححححححححححححححح� �ححلى....
سلطان عجبته حركة التصفيق والتصفير مع بعض وصار يضحك منهم...
لولو:العن ابو التكنولوجيا...والله منتب هين يا سلطان....
عبود:هو سبحان الله العلم والتكنولوجيا اصدقاء من هم صغار....
ام رغد:لا احد يسمع كلامكم بتشوهون صورة اخوكم سلطان...
لولو:لا لاتخافين عليه عقب التكنولوجيا الكل بيحسده....
سلطان:هذا وانتي ما سمعتي المصطلحات الثانيه....
لولو:لا يكفيني تكنولوجيا ابحفظها وارددها لي شهر عشان ما انساها....وباكشخ بها عند البنات..
ابو محمد:خير يا عيال وش اللي صاير...
ام محمد:تعال تقهوى..ما تعرف عيالك ورجتهم....
ابو محمد:اللحين باجي بس تعال يا سلطان ابغاك تشوف لي هالكتاب....
سلطان:ابشر يبه...
وراح سلطان عند ابوه للمكتبه.....
لولو:اشوى ما ناداني.....
ام محمد:والله انك ما تستحين....
لولو:أي يمه على طاري الحيا ما دريتوا وش صار....
عبود ترك يد السوني واتحمس بالسالفه وام رغد تأكل بنتها رغد زبادي وتسمع ومحمد اللي كان مو معاهم انشد لهالسالفه لان طريقة لولو بالعرض كانت مشوقة...
ام محمد:خير وش فيه....
لولو:الدنيا واقفه قاعده وانتو هنا ما تدرون عن شئ....
انا اعرف عن بيت خالتي ام فيصل خبريين وكل واحد اشد من الثاني...
ام محمد:اعوذ بالله عسى صاير لهم شئ....
لولو:ايهييييي والله ما تدرون عن شئ....
ام رغد:تكلمي يا لولو خرعتينا....
لولو:اذا جا سلطان وابوي....
ام رغد:لولو امي على اعصابها قولي وش فيه......
لولو:اول شئ الجوهره انخطبت ما شاء الله من ولد عمها منصور وشكلهم وافقوا وتبي تصير الملكه بالاجازه...
ام محمد:ما شاء الله...الله يوفقها ورى ما علمتني ام فيصل الله يصلحها...
ام رغد:لولو متاكده من الخبر والا بس سالفه....
لولو:الا وحده من صديقاتي اختها صديقة جوهره...
ام رغد:وافقوا والا ما تدرين....
دخل عليهم سلطان وليته ما دخل:وش عندكم وافق وما وافق...
ام رغد:ولا شئ...
محمد هنا انتبه على تصريف السالفه وان ام رغد ما تبي سلطان يعرف بشئ...وحز بخاطره لا يكون سلطان يبيها....
لولو:ما دريت تعال عشان تسمع الخبريين....
ام محمد:وش الثاني...
لولو:أي يا عمري منصور خطيب جوهره....
سلطان من سمع خطيب الجوهره وهو عجز يستوعب السالفه واهله كلهم عادي كانهم سامعيين بالسالفه وكان شئ عادي يصير....وصار يناظر بام رغد بس ما لقى أي جواب..
ام محمد:لا حول ولا قوة الا بالله...
سلطان:وش فيه؟
لولو:اقولك طبوا عليهم مدري مخدرات مدري ارهاب ومسكوهم الشرطه ومنصور بالمستشفى...
سلطان:ومن متى هالكلام؟
لولو:توه ماله الا يوميين صديقتي يصيرون جيرانهم وهي اللي قالت لي....
محمد:واهل الحي كلهم يدرون عن منصور....
لولو:شكله ايه لانه كأني فهمت منها ان منصور جاي وقت المداهمه وصقعوه بالرصاص بس مايدرون من مين...
محمد:لا حول ولا قوة الا بالله...قوم يا سلطان خلنا نروح لبيت خالتي ونستفسر عنهم...ونطمأن عليهم وعلى سالفة منصور...
سلطان:يالله وانا باروح اخبر ابوي ونروح كلنا....
وقام محمد وسلطان وابو محمد وراحوا لبيت ابو فيصل....
لولو:والله تعجبني حركات الشهامه....
ام رغد:والله انك رايقه..امسكي رغد...
لولو:هلا برغوده..هلا بقلبي....
وراحت ام محمد تتصل على ام فيصل وتتطمن على منصور واهله....
ونوره اختهم الصغيره ملتهيه بالعروسه اللي مسميتها ريمي على المغامره ولا تدري وش اللي يدور حوالينها....وعبودي يلعب بالسوني وكالعاده كوره..
********************
سلمان:يمه يالله ما تبون تروحون لبيت ابو فيصل....
ام سلمان:الا بس حنان ما هي راضيه تجي...
سلمان:وما عرفتي وش فيها...
ام سلمان:لا والله مهيب راضيه تتكلم....
سلمان:خلاص انا اروح عندها واكلمها...
ام سلمان:كلمها يمكن تسمع منك...
وراح سلمان عند حنان ودق عليها الباب.....
حنان:ميــــــــــــن؟
سلمان:انا الحرامي : )...انا سلمان خان...
حنان:عاد سلمان خان مره وحده...قول شاروخان اخف شوي...
وفتحت حنان لسلمان...
سلمان:وش ناقصني انا عن سلمان والله ما يسوى ظفري...
حنان:هو من ناحيه اخلاقيه حتى ظفرك كثير عليه...
سلمان:يعني وشي ذي مدحه ودمج معها طنازه...
حنان:استريح انت سعودي يكفي هالمفخره وهو هندي مصيره يشتغل عندنا زبّال...
سلمان:قويه والله زبّال...
حنان:هندي لا تحط مقامك بمقامه...
سلمان:عاد ما كانك احتقرتيه مره..
حنان:احد قاله يصير ممثل..
سلمان:ههههههههههههههه
سلمان حب يدخل بالموضوع على طول ولا كانه داري عن شئ....
سلمان:وينك ليش ما تجهزتي تبين تاخرينا....
حنان:لا منب رايحه...
سلمان:يالله بلا دلع عشان ممرضه وراتبك زين اتدلعتي علينا....
حنان:اللي يسمعك وانت تطري الراتب يقول ذي طقة العشرة الاف..كلها سته الاف...
سلمان:نعمه سته..احمدي ربك مو انا يا حول الف الا عشرة ريال....
حنان:طيب صير موظف وبتلاقي ازين من هالراتب...
سلمان:شكلي باصير ممرض....
حنان:لا لاتصير والله متعب بعدين ما زالت شغله ماهي مشرفه بالنسبه للرجال وعار بالنسبه للحريم...
سلمان:واحنا وش دخلنا بالناس اللي ما ترحم وتتكلم وهي قاعده على كرسي ومرتاحه....يا حنان والله لو سمعنا لكلام الناس ما سلمنا وكل واحد له رأيه..والله لو واحد فيهم محتاج كان ما قال اللي قاله...وبالعكس شجع على العلم والشغل باي وظيفه....
حنان:أي والله انك صادق.....
ودخلت ليلى عليهم....
ليلى:يالله هذي ثالث مره يتصلون ويقولو ليش تأخرتو....
حنان:يتصلون والا تتصل....
سلمان:انا مالي دخل لا تناظروني : )
حنان:انا منب رايحه روحوا لا أأخركم...
سلمان ما حب يضغط عليها وقال:هالمره لكن المره الجايه بتجين غصبا عنك....
حنان:ابشر....
وراحوا ام سلمان وسلمان وليلى واختهم اللي بالمتوسط رانيه...
وخلود كانت محتاجه ليلى حيل اكثر من قبل تبيها تبي تحكي لها اللي صار تبي تفضفض لاحد وما عندها الا ليلى عشان كذا اصرت على ليلى انها تجي.....
وخلود واهلها ما زالوا ببيت عمهم...
حنان جتها حالة غريبه ما يدرون وش فيها جتها فتره ما تاكل معهم ولا تقعد معهم واتفاجأو كلهم بقرارها انها ما تبي تشتغل....وتبي تستقيل من وظيفتها حاولوا معها بكل الطرق بس ما في أي فايده... ولولا رحمة ربي ثم المستشفى اللي مره يبونها كان هي اللحين استقالت لكن المستشفى عطوها اجازه مفتوحه بدون راتب الين ترجع....
الكل مستغرب من حالتها والشئ اللي جاها..ومسيكينه ما تاخذ شئ من راتبها تحطه عند امها واللي يبي ياخذ منها ومعطيه امها كافة الحرية في التصرف براتبها واذا نقص عليهم أي شئ ياخذون من راتب حنان....
حنان انسانه عمليه تركت جانب المشاعر واهتمت بعايلتها اكثر من اللازم..ولانها مرت بظروف قاسيه وصحبه ماهي كويسه جتها صدمه من المجتمع وكرهت الصداقة وصارت تهتم بمواضيع الرجال واشتغلت واعتمدت على نفسها واللي ساعدها انه في ناس مثل تفكيرها....
رغم صرامتها وحدتها الا ان فيها طيبه محد يتخيلها تحب اخوانها وامها بشكل جنوني هذي هي عايلتها الماضيه وهذا هو متسقبلها هذا كان كل همها..تسعد اخوانها وتخفف عبأ ابوها تذاكر لهم تحفزهم وترغب فيهم طرق النجاح.....
الكل مشى معها وسمع لها الا احمد اللي عجزت تسيطر عليه...عجزت تتغلب عليه وتغير افكاره لان صحبة احمد سيئة وكثيره والكثره تغلب القلة....
*********************
في بيت ابو فــــــــــــيـــــــــــ ــــــــــــــصــــــــــ ـــــــــــــــــــــــــ ل

ابو فيصل:ها يام فيصل البيت ناقصه شئ تحتاجون شئ غير اللي كتبتوه بالورقه ترى بيقعدون عندنا اكثر من شهر...
ام فيصل:لا ان شاء الله بس هذا اللي ناقصنا...
ابو فيصل:اهم شئ لا يدرون انا بنقضي اغراض عشان ما يحسون بثقل...
ام فيصل:ان شاء الله...
ابو فيصل:وين الجوهره....
ام فيصل:تبيها...
ابو فيصل:أي ناديها...
ام فيصل:ابشر..
وراحت ام فيصل تنادي الجوهره اللي منهمكه تسمع لعهود وهي تسولف...
عهود:المهم انا ونوف قلنا اللحين ندرس اقتصاد وتنظيم حفلات وما عمرنا سوينا لاهلنا حفلات..
خلود:أي يا حول بس فاضيين للنت والمنتديات...
عهود:عاد اللي يسمعك تخلي لي مجال افتح..كل دقيتيين تكلمين ليلى...
غادة:عذرا على المقاطعه بس منهي ليلى عشان ندخل جو بالهواش...
جوري:هههههههههه...الله يرجك هذي بنت خالتهم...
عهود:انا ونوف شرينا كل شئ مثل بعض واتقنا على كل الفقرات....و...
ام فيصل:الجوهره كلمي ابوك...
غادة:احلى يالمهمه واحنا وراه خالي زعلان مننا...
جوري:حتى بابوي تبين تناقريني....المهم عهود لا تكملين السالفه الا اذا جيت..ثواني باكلم البابا(وتطالع بغادة وتضحك) واجي...
غاده:مالت عليّ محد مسوي لي سالفه حتى بدر من يوم ما جينا ما ناداني ولا مره....
عهود+خلود:هههههههههههههههه ههه
جوري وغادة يحاولون يمزحون ويتناقرون عشان يخففون حدة التوتر والقلق اللي بخلود وعهود واول ما جو عهود وخلود ضاق خلقهم ولا كانوا يتكلمون..هم كانوا مستصعبين القعده ببيت عمهم ويوم دروا ان عمتهم بعد فيه..ضاق خلقهم على الاخر...
بس غادة وجوري ما تركوهم وونسوهم على الاخر وعلى طول اندمجوا معاهم بس خلود ما اندمجت كثر عهود...عهود اندمجت بشكل خيالي مع غادة..مع انها بنت عمتها الا انها عمرها ما قعدت معاها هالقعده وبغرفه وحده وقومتهم واكلهم واحد...
بيت ابو فيصل وسيع بس كل واحد يبي الثاني....الحريم يبون يكونون بغرفه وحده والبنات يبون يصيرون مع بعض والشباب بعد يبون يكونون بمكان واحد...

جوري راحت عند ابوها...وقابلت بطريقها بدر ولد عمتها..وانصدمت ما توقعت كذا يكون شكله من زمان عنه...وهي بعد نازله بدون جلال تتستر فيه..استحت مره من شكلها وهي آخذه راحتها وهي تدري ان بالبيت عيال..وخافت بدر ينقد عليها والا احد شافها وهي بالشكل ذا..بس حمدت ربها ان بدر منهمك يصلح الفيديو حق فيصل..وصارت تضحك على فيصل ما يترك عوايده حتى الضيوف ما سلموا منه شغلهم...وطلعت بسرعه عند غادة..
غادة:قضيتوا...
جوري:كله من عينك..تعالي معاي....
غادة:ليش؟
جوري:وانا نازله طحت ببدر..
غادة:آآخ يالقهر ليتني معاكِ عشان اشوف علبة الألوان اللي بوجهك...
جوري:تطمني ما شافني بس انا اللي شفته...
غادة:علينا(وتغمز لها)..
جوري:اقول لا يكثر بس..تعالي معاي باكلم ابوي...
غادة:عشان خالي والا انتي...
جوري سحبت غاده من يدها ونزلت هي واياها بجلال واحد...
غادة:والله انك مضحكه اللحين انا وانتي بجلال واحد الله يالزحمه...
جوري:عادي اهم شئ الوجه ما يشوفونا...
ونزلوا وجو بالصالة...
غادة رفعت صوتها وتقلد العيال اذا جو بيدخلون البيت:يا بنت يا بنت...
والتفت بدر على غادة ولقاها متغطيه بالجلال كان بيجي ويسحب منها الجلال بس حس ان الوضع غريب....
بدر:وش عندك..
غادة:طريق يا ولد...نبي نتعدى....
بدر:ما شاء الله كم راس..
غادة:عيب تسأل اعطينا مقفاك نبي نعدي نكلم خالي...
جوري يالله يالله كاتمه الضحك..غادة وهي تتكلم وتقلد العيال شكلها يموت من الضحك...جوري كل ما زودتها غادة تقرصها وغادة تقول:آآييييي...
فضيحه هالبنت....
بدر جا بيسلم على جوري بس ماهو متأكد هي جوري والا لا..وحس ماله داعي يسلم على أي احد طنش الموضوع وخرج برى الصاله مره وحده....
اما جوري ما صدقت انه خرج وعلى طول ابعدت الجلال عنها وضربت غادة...
جوري:والله انك فضيحه وش ذا..والله عيب...
غادة:يا بنت عادي..الدنيا فانيه...
جوري:منتب صاحيه الله يعيين اللي بياخذك...
غادة:لا تخافين باقعد على قلبك واخذ اخوك واناقرك....
جوري:اعوذ بالله ما لقيتي الا هالضعيف.لا ما ارضاها على اخوي...
غادة:من زينك انتي واخوك انا قلت عشان ما في احد تقبل فيه وعشانه ولد خالي وما يهون علي خالي وخالتي يقعد بكبودهم عشان كذا بآخذه واستر عليه...
جوري:يا الدبه صدق ما عندك سالفه..اللحين طلعتي فيصل قليل وما عنده سالفه ومسيكين وضعيف واحنا ما نبيه وانتي تبي تسترين عليه....اقول وخري عني باكلم ابوي...
غادة:بكيفكم انا قدمت مساعده وانتو اللي رفضتوها...
جوري تعرف ان المناقره مع غادة ما توصل لاي نتيجه وتبي تاخرها زياده عن ابوها....وراحت بسرعه عند ابوها......
وخرجت بسرعه للحوش وتلتفت يمين وشمال تدور على ابوها...
ابو محمد ومحمد كانوا بالمجلس مع ابو فيصل وفيصل وبدر وابو خالد وخالد..وسلطان خرج يجيب له غرض من السياره ويجي..ويوم دخل البيت وبيدخل المجلس اتفاجأ بجوري اللي واقفه عند الباب وعلى طول نزل راسه...وجا بيمشي بس سمع صرخه خلته غصبا عنه يرفع راسه وعرف ان مصدر الصوت من عند جوري وان فيها شئ جا بسرعه لها وقف بعيد شوي عنها..
جوري التفت يمين وشمال ما شافت ابوها يوم جت بتدخل البيت والا تشوف سلطان داخل من البيت بسرعه نقزت الدرجة اللي عند باب المدخل وجت بتدخل بس التوت ومالت رجلها ميلة غريبة وطاحت وصرخت..رجلها التوت بقوة وطقت عظمتها وصارت ما تتحكم برجلها وطاحت غصبا عنها.....
يوم جا سلطان لها صارت تبكي..ما تبي يجيها..تبكي من انه رجال غريب جايها اكثر من ان رجلها توجعها....وكل ما قرّب سلطان كل ما صارت تبكي وصارت تحاول تزفح تبي تدخل داخل البيت بالزحف ولا سلطان يجيها....
سلطان مسيكين ما يدري وش السالفه..هو يجي ويسعفها والا ينادي احد من محارمها واغتبشت الصوره عليه..
وما زالوا اثنينهم محتاسين كل واحد بوضعه..سلطان المسيكين مستحي لا يجي والموقف صعب لازم يسعفها يسوي أي شئ..وجوري اكبر شئ ان احد غريب يجي عندها او يمسكها..اقترب سلطان وجوري نزلت راسها تبكي وكل ما اقترب سلطان جوري تزيد بالبكا..
غادة اللي كانت بتطلع الدرج وسمعت صرخت لولو ورجعت جري على الباب وخرجت وشافت سلطان جاي مقترب ارتبشت هي بعد ودخلت داخل ومن العجله والربكه سكرت الباب..جوري كان كل املها بهالباب انها تزحف على ورى وتدخل جت غادة وخربت كل شئ بحركتها...سلطان جزم ونزل شماغه واعطاها اياها وراح لمجلس الرجال اللي كانوا بيطلعون يوم سمعوا الصرخه بس ما رضى لهم وخلى عم جوري وابوها هم اللي يطلعون..
اخذت جوري الشماغ وحطته على راسها وغطت شعرها..وجا ابوها شالها ودخلها الصاله....
جوري ميته من المستحى ويوم شافت ابوها زادت صياح ومنحرجه مره من هالموقف لصعب....
اما سلطان عقب هالموقف وكلام اخته لولو اللي ما يطمن صاير مختبص والدنيا تدور به..آخر شئ توقعه ان يصير موقف مثل ذا بينه وبين جوري وهو يعرف جوري لانها ما تغيرت مره عقب ما تغطت عنه....
نزلوا البنات عهود وخلود على الربشه اللي سمعوها بالصالة وغادة كانت بالصاله ما تدري وش تسوي عقب ما سكرت الباب واتفاجأت بخالها ابو فيصل اللي داخل بجوري...وجت ام فيصل وام خالد بدون جلال وكشفوا عن بعض والدنيا اختلطت عليهم ما يدرون هم يغطون والا يكشفون..وانحاست الدنيا عليهم عقب ما شافو جوري...
خلود انتبهت للموقف اللي صاير والدنيا والحوسه اللي بين عمها وامها وراحت بسرعه جابت جلاليين لامها ومرة عمها ام فيصل..لان ابوها وعمها ابو فيصل موجوديين....
اما ام غادة اخوانها لا غطا ولا يحزنون وكلن حاسدها..طلعوا الرجال عشان تتطمن ام فيصل على جوري والبنات قعدوا عندها بالصاله...وابو فيصل طلب الاسعاف..بس خلود ما رضت وطلبت حنان انها تجي ولا رجال يجي ويسعف جوري...وجوري ودها تحب راس خلود على هالخدمه...
اتصلت خلود على ليلى واضطروا انهم يرجعون البيت وكلموا حنان ووافقت على طوول وبسرعه تلبست وراحت معاهم...
*****************************
لمياء تركت ابوها ينام وراحت للدكتور تسأل عن حالة ابوها والتطورات الي حصلت بحالته..واتطمنت عليه وعلى حالته اللي صارت افضل بكثير من اول..وأول شخص جا ببالها خالد.. بس ما عرفت شلون تبلغه او تكلمه واكيد اذا درى بحالة ابوها بيجي على طول..وعقب ما عادل سوى لهم سالفه هي وخالد عافت جيته وبطلت فكرة انها تخبره..وبعد لو احد جا من عيال عمها وخالد موجود بيثبتون كذبة عادل..وراحت للغرفة اللي مرقد فيها ابوها وقعدت عنده وابوها نايم.. وخرجت برى الغرفه عشان تكلم عيوش...
لمياء:هلا عيوش..
عيوش:هلا بك يا قلبي..
لمياء:الله يسعدك باطلب منك طلب..
عيوش تسدحت من الفرح اول مره تكلمها لمياء بادب وحست ان خطتها هي وصديقتها نجحت وان لمياء بدت تستجيب...
عيوش:آمري تدللي...
لمياء:ما يامر عليك عدو بس ركبي الماء على النار واطلبي من راشد يجيني باسوي لابوي قهوه..
عيوش:ابشري اللحين اكلمه...
لمياء:الله يسعدكم انتي وراشد والله اني متفشله منكم بس وش اسوي ما عندي احد..
عيوش:لا عادي..اكلمه وارد لك..
لمياء:الله يجزاك خير...
ارتاحت لمياء لعيوش وحمدت ربها على شفاء ابوها وتحسن حالته....وناويه تجيب فراس للمستشفى عشان يسلم على ابوه...
اتجهزت لمياء وحاطه ببالها وش الاشياء اللي بتجيبها من برى عشان تملا الغرفه ولا تحتاج لاحد او انها تشري من برى...
العم سعد:ها يا بنتي ما نمتي...
لمياء:صحيت من النوم...
سعد:والله نمت من التعب والا مليت من النوم...
لمياء:ان شاء الله كلها بس فتره وتطلع لنا ازين من الاول..
سعد:اللهم آمين...
لمياء:يبه انا باروح البيت با جيب قهوه وبعض الاشياء واجي اللحين...
سعد:طيب وبتروحين مع مين؟
لمياء:راشد ولد عمي بيجي هو وعيوش...
سعد:الله يجزاهم خير....
دقت عيوش على لمياء وسلمت على ابوها وخرجت بسرعه وراحت معاهم لبيت عمها...دخلت
لمياء البيت وبسرعه على المطبخ..لقت الابريق على النار والماء فايح حطت القهوه على الابريق وبسرعه راحت لغرفتها تاخذ لها اغراض وثياب وتحط لفراس ثياب وحطتها بشنطه متوسطه ونادت فراس وخلته يدخل يتسبح وراحت بهرت(يعني حطت هيل او هيل وزعفران)في الترمس.. وتجهزت وما با قي لها شئ الا اغراض بسيطه ببيت ابوها بتاخذ له ملابس لانها ما اخذت شئ من البيت وكلمت عيوش عشان تكلم راشد..وراشد حليله ما عنده أي مانع..اخذت كل الاغراض ولبست فراس الشماغ والعقال وحطت له عوده ولبست عباتها وعجلت بعيوش عشان تروح معاها لبيتهم عشان بتاخذ اغراض ابوها..
طلعت للصالة وراشد ينتظرهم بالسيارة بس جا ابوه من السفر وسلم عليه ودخل معاه داخل واول ما شاف لمياء صفقها كف بوجهها وطاحت على الارض ومسكها من طرف عباتها ورفعها وضربها مره ثانيه..وعادل وراه مبتسم لا حيا ولا حشيمه..جا من اللي يفرغ شحناته فيها ويطلع كل حرة خالد بلمياء..راشد انهبل من ابوه وما يدري وش السالفه....
لمياء:يا عم حرام عليك والله اني ما سويت شئ...
ابو راشد:حرمت عليك العيشه..فضحتينا ولك عين تتكلمين وتردين وجايه بعد بتخرجين...
لمياء:والله يا عمي اني ما سويت شئ..
ابو راشد:اقول ما جاك من الي يربيك زين..لاربيك واربي اللي رباكي...
لمياء:ابوي متربي ازين تربيه وانا مثله...
ابو راشد صفع لمياء صفعه ثانيه ونزل عقاله بيضربها بس جا راشد وفك لمياء من ابوه...
راشد:يبه ما يصير..ما سمعت منها شئ بس سمعت من عادل..
عادل:يعني باكذب انا..اقولك انا شايفها بنفسي...
راشد:وانت يا كثر كذبك..
عادل:لا يا شيخ يعني انت اللي مسوي فيها اخلاق...
راشد طنّش عادل وهو يعرف ان الكلام ما منه فايده ورجع يكلم ابوه..
راشد:ابوي والله ما شفنا منها الا كل شئ طيب وبعدين احنا تربينا مع بعض وتربيتنا وحده... مستحيل يخرج منها هالشئ..واحنا ما سمعنا منها شئ بس سمعنا كلام عادل...
ابو راشد:وعادل وش فيه رجال وكلمته تتصدق وهي بنت ما وراها رجال يراقبونها...
راشد:يا ابوي لا تدافع عن عادل وانت اكثر واحد يدري عنه..هذا كذبه اكثر من صدقه وما عقب ىخر سالفه اللي بغى يورطنا وندخل السجن كلنا...
ابو راشد حس صدق بالسالفه وكلام راشد منطقي خمسميه بالميه..بس كبريائه ما يسمح له انه يعتذر او انه يعفوا عنها بهالسهوله..واللي جننه اكثر انه عقب السالفه اللي كذبها عادل ونشر هالخبر ويوم درى انقهر مره ويوم درى انه بالوقت اللي كان بالمطار هي طلعت وراحت المستشفى جا معصب على الاخر ومولع منها..وكلام عادل يخلي الواحد ينقهر وينفعل ويولللع وغصبا عنه ينفعل....
اما عادل انقهر مره من راشد وكان يبي يتضارب مع راشد بس ابوه موجود ما يقدر يسويها.. اما لمياء دخلت غرفتها منهاره بعد ذا كله حتى عمها ما سلمت منه وما تدري عن راشد وعن دفاعها عنه وردت لها حالة البغضاء والقهر للعايله بكبرها وجتها حالة بكاء مستمر وما امداها تفرح بتحسن حالة ابوها وتندمت لو انها مخبره خالد كان جاب لها كل شئ وهي قاعده عند ابوها...
راشد دخل لابوها يحاول يهديه ويفهمه السالفه ويحاول معاه انها تقعد عند ابوها..وان ابوها ماله الا كم ساعه فاق من غيبوبته..وابو راشد رافض مره وحده ومستصعب السالفه..بس راشد وراه يحاول فيه ويبين له اخطاء عادل الكثيره..وما زالوا يتناقشون بهالمشكله...
ولمياء على نفس حالتها بكاء مستمر ممزوج بألم وقهر وظلم....وفراس عندها يصيح معاها وما يدري لمياء وش فيها بس اول مره يشوفها تبكي بهالشكل....
*********************
مشاري بحاله ثانيه غير عن الكل..فرحان بخطوبة اخته مريم وميت من الفرح وده يطير لانه نفس العريس اللي تمناه لاخته...
ونوره اخته مستانسه عشان بتفتك من حشرة مريم ولقافتها بكل شئ..اما امهم مسيكينه اول واحد يتزوج من عيالها وشايله هم مريم مره وكل ما تتذكر انها بتروح عنهم بمدينه ثانيه تصيح ولا يسكتها الا مشاري...
مشاري:مريوم تعالي بسرعه...
مريم بحيا:وش فيك...
مشاري:يا ناس على العرايس اقول هالحيا عند رجلك مو عندي انا اخوك...
مريم مبتسمه:......................
مشاري:لا والله مصدقه انك عروسه
مريم:هههههههههههههه
مشاري:اشوى يعني تقدرين تتكلمين احسبك على الصامت...
مريم:آمر تبي شئ...
مشاري:أي تعالي صورت لك القصر تعالي شوفيه وقولي لي وش رايك فيه...
مريم:يعني ملزمين يكون العرس كبير...
مشاري:اللي يسمعك يقول بنعزم العالم كلها..هم معارفنا وبس...
مريم:والله اني اشوف هالزواج ماله داعي خلاص رجال وبس...
نوره:نعم نعم ...مالك شغل انا بافرح بهالزواج وارقص لك وازغرد واسوي كل شئ...
مشاري:هي صادقه خلينا نفرح باول عروسه من عندنا...
مريم:بكيفكم...
مشاري:اصلا حتى مشعل يبي عرس كبير...
مريم:دام مشعل يبي اجل براحتكم سوو اللي تبون...
مشاري:اللحين انا اخوك وطول عمرنا مع بعض عطيتني طناش بقوه ومشعل ماله الا كم يوم صار يقر ب لك عطيتيه كامل الحرية في التصرف فيكِ...
مريم:انت تاج راسي وانت اللي تبيه سويه بس اصلا العرس على اهل العريس يعني اذا هم يبون يسوون...احنا مالنا دخل....
مشاري:أي والله انك صادقه..اجل عطينا رايك بالقصر...
اخذت نوره ومريم الجوال منه وصاروا يشوفون القصر..الصراحه جناااااااااااااااااااااان ...مره حلو تنسيقه وجهة الحريم وجهة الرجال كان رااااااااائع بكل المقاييس...راقي لابعد الحدود...
جت ام مشاري وشافت القصر وكلهم عجبهم بس ما لزموا عليه لانهم يعرفون قيمة استئجاره انها غاليه وقالوا أي شئ من العريس نقبله....
اتصل مشاري على العريس واتفق على الموعد وقاله عن راي اهله بكل شئ..مشعل استانس على البساطه وعدم التكاليف وانه القرار لاهل العريس اولا واخيرا...واعجب مره باخلاقهم وحس انه اختار الناس الصح....
مشاري فقد جوري فقده مهيب صاحيه..كان يحب يقعد معها بين فتره وفتره..ويحب يسولف معها ويتناقش معها بامور كثيره ويشوف شلون رايها فيه..ويحب يعرف منها كيف البنات وصلوا..ولاي تفكير وصل تفكيرهم..ويحب يعرف شلون يتعامل مع شريحة البنات الجدد...واتصل على جوري عشان بيجيها...
مشاري:هلا والله بالقطوع...
غادة ردت على جوال جوري تشوف الاسم (مش مش) توقعت وحده من صديقتها....
غادة:نعم!!!
مشاري:جوري..
غادة:لا
مشاري:هذا مو رقم جوري..
غادة ببلاهه:لا الجوهره..
جوري سحبت من غادة الجوال..فضحتها وقالت اسمها...وردت على الجوال...
اما مشاري مات من الضحك وبالموت كلم جوري...
جوري:وين الناس؟
مشاري:بالدنيا وينك انتي؟
جوري:انا هنا..
مشاري:اخبارك؟وعلومك؟يالله افتحي لي انا عند الباب...
جوري:احلف عاد..
مشاري:وانتي يا حول ما تكذبين خبر..
جوري:اصلا لو تدري وش صار لي...
مشاري:وش بك تهاوشتي انتي وفيصل...
جوري:ليته كذا...
مشاري:اجل وش فيك..
جوري:يا وليه تراني جدتك اللحين...وطايحه على السرير...
مشاري:وش صار لك....
وحكت له جوري اللي صار بس بدون ذكر طاري لسلطان...مشاري مات من الضحك على جوري وخلاها تنقهر شوي وعلى طول راضاها واللحين بيجي عندها ويزورها....
***************************
خالد توه انسدح على السرير..خرج من عند الرجال وهو تعبان حيل ما نام الا ساعتيين قبل الفجر وراح بينام...بس قبل ما ينام اجتمع مع خواته عهود وخلود وقال لهم ان منصور ماهو متورط بشئ.. مروجيين المخدرات هم اللي دخلوا البيت والشرطه لاحقتهم وصار بينهم تبادل اطلاق نار وصابت منصور لانه توه موقف سيارته.. وما زال موجود عندهم عشان يتطمنون على صحته ويتاكدون انه مو من المروجيين...عهود وخلود تذكروا السالفه وصاحوا بس خالد كان شديد وما اعطاهم مجال انهم يصيحون....
خالد يوم درى ان حنان موجوده بالبيت حس بقلبه ينقبض ما يدري ليش وبيموت ويعرف وش سالفة حنان وليش استقالت وخاف انه ضايقها هو بزياراته او صار منه شئ ضايقها وما يدري وش فيها.. وصار مهتم بحنان يبي يعرف عنها أي شئ بس ما يدري يسأل مين....
تلحف زين وانقلب على جنبه اليمين ومسك جواله وبيحطه على الصامت الا دق جواله..وحس انه بالظلام مو شايف من الاسم وناظر زين والا فعلا
لؤي يتصل بك))
مسمي لمياء لؤي....
خالد:نعم
لمياء:خالد هي كلمتين ومني مكثره..ابشرك الوالد طلع من الطوارئ وهو بغرفة 210..
خالد عجز يستوعب الكلام الي قالته لمياء وبلا شعور قال:عيدي ما سمعت وش قلت...
لمياء تخرعت وش يبي ذا ما يسمع...وعادت له الكلام واستوعب خالد الكلام اللي تقوله لمياء ومن الفرح طار من عينه النوم..جاته الفرصه لحده انه يسمع كلمة قوية وشافيه ترضي ضميره..ويرتاح عقبها وكلم ابوه وقال له عندي مشوار وراح للمستشفى....

>>راشد اقنع ابوه بكلام العقل والمنطق ووافق ابو راشد على ان لمياء تزوره وماتت من الوناسه وبسرعه تولمت واخذت معها فراس وقومته من النوم لانه نام من الطفش...
وراحت لبيتهم واخذت ثياب ابوها وراحت على طول للمستشفى... اما عادل طلع برى البيت ومات من القهر وحس ان كل خططه المستقبليه بتفشل...
وفي الـــمــــســــــــتـــــ ـــــــــــــشـــــــــــ ــــــــــــــــــفــــــ ــــــــــــــى
العم سعد:يا ولدي ليش تعبت نفسك
خالد:تعبك راحه يا عم..اهم شئ تكون راضي عننا..
العم سعد:يا ابن الحلال انا راضي عنك...
خالد:ابيك يا عم تقولها من قلبك..تقول راضي عنك وعن لؤي...
العم سعد:راضي عنك وعن لؤي..خدمتنا خدمه لا يمكن انساها وان شاء الله ربي يعوضك خير بهالقومه...
خالد ارتاح نفسيا وجسديا وكل شئ حس بروحه نشيط..وان بظروفه الصعبه هو واخوه جاي مكن يبشره ببشارة خير...ارتياح العم سعد اكبر شئ عند خالد...
خالد:ما سوينا الا الواجب...
العم سعد:وشلون شغلك؟
خالد:ابد مثل ما انا عليه ما تغير شئ....
العم سعد:الله يوفقك...
خالد:اللهم آمين..اي يا عم كثر من الدعاء لي ولؤي...
العم سعد:انا ما عمره مر عليّ واحد يعز صديقه هالكثر...
خالد:يا عم انا اعز لؤي واعز كل اهل لؤي....
العم:طيب يا وليدي وما تزعل مني....
خالد:ابد يا عم خذ راحتك....
العم:ليش ما تزوجت الى الان؟
خالد اخذ تنهيده خلا العم سعد يتندم انه طرح هالسؤال بس خالد بسرعه تكلم:والله يا عم اسباب تجمعت..اولا عقب الحادث كرهت نفسي وكرهت العيشه وكل شئ عفته..حتى اصدقاء عقب لؤي ما صادقت لاني ما لقيت ناس اخلاق مثل اخلاق لؤي..واللحين معي واحد من الشباب وبدأنا ندخل ببعض....
خالد ياخذ راحته مع العم سعد ويحب يحكي له عن كل شئ..وخصوصا بعد ما قاله اني راضي عنك انفتحت كل ابواب السعاده بوجه خالد وحس بروحه انها بتطير من هالسعاده اللي غمرته....
انفتح باب الغرفه ودخلت لمياء وفراس...
خالد نزل راسه ولمياء ما فتشت الغطا.....
فراس جا جري عند ابوه وصار يسلم عليه وهو ميت من الوناسه وعقبها رمى نفسه بحضن خالد... ويحكي لخالد كل اللي صار له ببيت عمه وعن الكاراتيه واللي تعلم فيها...فراس يموت بخالد ومعتبره اخوه..وخالد ما يقصر عليه بشئ...
جا خالد بيخرج من الغرفه بس العم سعد ما رضى لخالد وقال انت منتب غريب..اما خالد ولمياء كلن منحرج من اخر موقف صار بينهم...وسعد ما صدق جاته الفرصه لحده وتكلم....
سعد:يا عيالي انا ما صدقت ان ربي جمعني بكم وانا ما اظمن عمري....
لمياء:الشر بعيد عنك...
خالد:ما تشوف شر يا عم....
سعد:الشر ما يجيكم..بس الكلام اللي باقوله مهم لكم انتم الاثنيين...انا يا لمياء ما اظمن اني اعيش لبكره او يمكن اني اطيح ولا اصحى مره ثانيه..ويا خالد انت اكثر واحد اضمنه وأأمنه على اهلي....
خالد:آمرني يا عم....
العم سعد:ودي اذا الله وفق بينكم انكم تعرسون واشوفكم واطمن عليكم...
لمياء طاح وجهها بالارض واخر شئ توقعته ان ابوها يفتح معاها سالفه مثل كذا وقدام خالد يعني ما في مجال للمناقشه...
اما خالد استانس على الاخر وان العم سعد من نفسه فتح الموضوع..هو بيتزوج لمياء شفقه اكثر من انه رغبه بشخصيتها بس كان متخوف من اهله لانه ماهي من نفس طبقتهم..
خالد:الراي رايكم..
العم سعد:الراي رايكم انتو يالعرسان...
فراس:عم خالد يا ليت تتزوج لمياء ونعيش بيت الحالنا ويجي معانا ابوي....
لمياء:فروسي عيب تقول هالكلام...
العم سعد:ما وصلنا لنتيجه..فرحوني..بشروني قولوا أي شئ...
لحظة صمت صارت بالغرفه محد راضي يتكلم لا لمياء ولا خالد..ولا حتى العم سعد ما عنده أي تعليق يقوله بعد اللي قاله..حتى فروسي من سكوتهم سكت ولا تكلم....بعد فتره بسيطه..تكلم خالد وقال قراره الصارم وتحدى كل قوانيين عايلتهم وعوايدهم السخيفه وبهالقرار انفجرت كل براكين الفرحه بقلب العم سعد....
خالد:يشرفني يا عم سعد اني اكون نسيبكم واتمنى رضاك على طول العمر....
لمياء جتها لطمه قويه من قرار خالد وكلامه وما توقع انه ممكن يوافق وهالطبقيه بينهم وكم مره تحاول انها ممكن في يوم يتقدم لها خالد لكن اذا تذكرت عوايد وطبايع اهل خالد تراجعت عن كل فكره حطتها براسها..وعقب الحادث اللي صار لها مع اهلها محت خالد من ذاكرتها ومحت كل صورة طيبه عنه بس هي ما تقدر تخرب فرحة ابوها اللي ما صدقت تشوفه مبتسم وفرحان من هالقرار....وقالت....
لمياء:الشور شوركم وما ابي من ابوي الا رضاه عليّ وسعادة ابوي فوق كل شئ وفوق كل قرار...
انقهر خالد من كلامها وحس ان ما عندها استعداد تتزوجه وهي عشان ابوها وافقت واللي قهره اكثر ان عمره ما صدر منه شئ يضايقها او أي شئ يزعلها..وهو تعدى كل الخطوط الحمراء ووافق وهو يعرف اهله ومعارضته ويمكن يتركونه ويقطعونه لو وافق على هالزواج..وفوق هذا كله ترد بنفس ضايقه وتقول اهم شئ سعادة ابوي....
استسمح خالد من العم سعد ووعده انه يزوره بكره وخلا لمياء الحالها مع ابوها عشان تاخذ راحته معاه وما كان يبي يطول عشان ما يصير أي موقف محرج ثاني....
خرج خالد وراح معه فراس الى الباب وصاروا يسولفون وطولوا عند الباب وكان خالد متعمد يسوي هالحركه عشان تجي لمياء وفعلا جت لمياء....
لمياء:وش فيكم عجبتكم سواليف الباب؟
خالد مارد على سؤالها وفاجئها بسؤاله:انتي موافقه على هالزواج والا بس قدام ابوكِ...
لمياء بكل صرامه تقول:فروسي ادخل دخل....
فراس:مالي دخل ابقعد عندكم....
لمياء:لا تزعلني منك..ادخل بسرعه.....
ودخل فراس داخل وسكتت لمياء وخالد ينتظر منها جواب بس ما في أي تجاوب....
خالد:انتي موافقه والا بس عشان ابوكِ
لمياء:سعادة ابوي فوق كل شئ....
خالد:والمراد؟
لمياء:ابــــد
خالد:ما فهمت؟
لمياء:ولا راح تفهم...
خالد:صار شئ وتضايقتي مني..
لمياء:يعني جاي تلعب دور البريء اللحين...
خالد انهبل من لميا ومن كلامها وبيعرف وش اللي صاير:شلون ما فهمت؟
لمياء:الله يسهل لك دربك..روح لا يجي عادل ويسوي لنا سالفه ثانيه...
خالد انقهر من الاسلوب اللي تتكلم فيه لمياء وقال:مو الاول اعرف وش قرارك....
لمياء:انت طول الفتره الماضيه ما شفنا منك الا كل خير...
خالد:طيب وايش الاشكال عندك
لمياء:انت تضحك على روحك والا تضحك عليّ..لاتفكر ان سنه كامله تمحي كل شئ وتخليني غبيه ومغفله ...انت باختصار قاتل امي واخوي لؤي..فهمني شلون اقبل العيشه مع قاتل سفاح ولا بعد قاتل اهلي.....
***********************************




الجزء الثاني عشر
Center]خالد انحرقت كل اعصابه من لمياء ما توقعها تكون بهالصورة وبهالحقد..كل مشاعره تجاهها تبدلت وولع وانقهر وعصب ما يدري شلون بلحظه انقلب كل شئ ضدها..خالد استرجع الحادث ومر من قدامه بكل حذافيره وزاد قهر وحقد من لمياء....
خالد رفع ايده بيضرب لمياء وتمالك روحه ومسك اعصابه ونزل ايده...
لمياء تتكلم بسخرية:الظاهر رجعت لك الالام والذكرى الحزينه..عموما هذا ماضيك وما تتهرب منه وين ما رحت وانت اللي سويته بروحك وتحمل جزا فعلتك...
دارت ظهرها لمياء بتمشي وردت تقول:واذا انت نسيت الماضي انا محفور بقلبي وما نسيته..
خالد اشتعلت نيران القهر والغضب بصدره ووده يكفخ لمياء بس ما هو متهور وكل اللي قاله (وطبعه بارد يتكلم بثقل يقهر اللي قدامه غصبا عنه)...
خالد:انا كنت ما ابي اقول هالشئ بس انتي اللي بتخليني اقولك هالشئ...
لمياء بسخريه:وشو الي كاتمه؟؟ اعترف وريح ضميرك وقول انك انت القاتل بلا واسطات.. عشان ترتاح عند رب العالمين....
خالد احترق زياده وقال:انا كاتمه عشان خويي ورفيق دربي لؤي..لؤي هو اللي قتل امك وقتل روحه وهو اللي كان يسوق وقال لي:ابي اخوف هالاسره شوف شلون الاب يتخرع..وانا اللي منعته بس ما طاعني..كنت امنعه من الشئ الخطير اللي بيسويه..بس سوى اللي سواه وسبحان الله طلع باهله..وانا كل الوقت ابي من ابوك يسامح اخوك لؤي موب انا وما كنت ابيّن عشان صديقي لا ينفضح بس اني انا اللي اصير قاتل بعيده عني... وماترمين اتهامات وما تدرين عن شئ..وروحي اسألي ابوك تأكدي منه وتعالي كلميني بس يا ليت بأسلوب أرقى لأني ما تعودت على الهمجيه....
ومشى عنها خالد ...خالد ما استوعب اللي قاله بس من القهر فضى اللي بقلبه واللي يصير يصير...اما لمياء انهارت كل قواها وسكرت الباب وصارت تصيح ولا قدرت تتكلم....
خالد راح عن الغرفه وحلف انه ما يرجع لها وحس ان وقته ضاع على شئ تافه ما يستاهل.. بس لما يتذكر صديقه تهون السالفه شوي عليه... لما يتذكر ابو صديقه( العم سعد) وكيف كان متحمل لعبهم وطيشهم.. تهون السالفه اكثر...
دخلت لمياء على ابوها واول ما شافته سكتت ودعت ربها انه ماسمع أي شئ..
العم سعد:ليش يا بنتي تخربين كل شئ انا ما صدقت انه وافق واطمنت عليك....
لمياء بتردد وتظن ابوه ما سمع شئ:اذا يبيني بيجي واذا ما يبيني بكيفه....
اصواتهم كانت عاليه شوي بس ما انتبهوا وكانوا اثنيناتهم مرتبكين ومقهورين من بعض ومنفعليين اكثر بالسالفه...
العم سعد:بعد الكلام اللي قلتيه تبيه يرجع لك..ليش تظلمينه؟؟
لمياء بكت زياده وعرفت ان ابوها سمع كل شئ وخافت انه تتدهور حالته:ابوي ما حصل شئ...
العم سعد نزلت دمعه منه:استعجلتي يا بنتي..استعجلتي..كل اللي قاله خالدصح..ما كذب بشئ.. خالد رجال تمنيته لك.. ما تمنيته يبعد عننا..ليش يا بنتي؟؟
لمياء:ما كنت ادري عن السالفه..الله يسامحك يبه..هذا اللي واضح قدامي وهذا اللي فهمته..
العم سعد:وشو اللي فهمتيه؟؟من اللي قالك...انا قلت لك شئ..احد قالك انه هو خالد...
لمياء زادت بكاء وحست انها انسانه حقوده وظالمه:لا بس اهتمامه الزايد ما فسرته الا انه ما ارتاح ضميره وخرج بواسطه...
العم سعد:وتحكمين على الناس من دون لا تتأكدين..يا بنتي خالد الوحيد بين اصدقاء لؤي اللي سأل عننا.. واهتم فينا وحاول اني اسامح لؤي وكل يوم والثاني يبيني اسامح لؤي..لين رضيت عن لؤي والا اللي سواه اخوك ما ينغفر له بس عسى رب العالمين يرحمه..
لمياء صارت تبكي وحست نفسها انها صغيره بنظر الكل..اللحين سنه كامله ما فسرت ولا شئ يسويه خالد الا مصلحه وانه لازم يتعاقب...شهامته واهتمامه باسرة كامله وباسرة صديقه اللي مات وموت اهله معه ...اهتم اشد الاهتمام وحس روحه هو المسؤل عنهم...كل اللي فسرته يطلع خطأ واطلع ظالمته بجميع المقاييس.سنه كامله وانا اعتبره انسان هامشي تافه يسوي روحه المنقذ الاول لان وراه سند وظهر قدر يخرج منها وبالنهاية تظلع ظنون غبيه وتافهه...آآآآآآآآخ ياربي..
انهارت لمياء وانقهرت من نفسها ما تدري هي تعتذر والا ما تلوم سواة ولد عمها واتهاماته فيها عشانها ظالمه..كل اللي سوته انها تبكي.....
العم سعد ما عرف شلون يكلم لمياء وعشانه تعبان سكت عنها وتمنى لو خالد يجي بس لو يشكره على كل اللي سواه ويعتذر له من لمياء بس ما عرف ان خالد حلف انه ما يرجع مره ثانيه اذا هذي جزاة المعروف....
*******************************
البنات كلهم بالصاله عند جوري..مسيكينه ما تقدر تطلع الدور الثاني وصارت متفشله مره لان العيال يجون الصاله وهي مثل العجايز تلبس الجلال وتمد رجلها ولا تقدر تثنيها والبنات طايحيين طنازه فيها واكثرهم غادة....
جوري:اقول يا عمري خلود تعالي عندي وابعديني من هالسوستيين وفكيني منهم..
خلود:ابشري كم عندي بنت عم..وحده وبادلعها...
عهود:عاد الروخانسيات واجتمعوا...
غادة:بلا روخانسيات تراهم اكبر نصابات...
خلود جت عند جوري وقعدت جمبها وحطت يدها ورى جوري:معليكي منهم يا جوري بنات متوحشات...ههههههههههه
جوري:ههههههههههههههههههه
غادة:عشتوا...والله وطلعتي مصيبه يا خلود...
خلود:اقول تلايطوا انتو الثنتيين..دلعوها يوم واحد حتى الانوثه ما تقدرون تتحملونها يوم...
عهود:من سمع تلايطوا قال الانوثه كلها عندك....
غادة:انا عن نفسي ما اقدر اتحمل الانوثه ساعه شلون يوم....
وصاروا يضحكون على خبالهم وهواشهم وهدى جو البيت..اول كانوا كلهم مكتئبين من حالة منصور وولا كان لجو المرح مجال بهالبيت....
جوري:اقول بنات وين ليلى بس حنان اللي قعدت يا حبيلها...
خلود:تعرفين انها مجتهده مره وما قدرت تقعد تبي تذاكر للاختبارات....
جوري:والله مستحيه مره من حنان..احرجتني والله....
خلود:لا والله حنان عسل وما تحط ببالها شئ وودها تخدم القريب قبل البعيد...
فجأة قاموا غادة وعهود من عندهم..ملوا من سوالف جوري وخلود وراحوا يدورن لهم أي شئ يتسلون فيه...
خلود:والله يهالبنتيين ما ينعرف لهم كل شوي ذالفين بمكان..
جوري:يالله اهم شئ يستانسون..
خلود:على قولتك..اي وين وصلنا..وصلنا عند حنان...
جوري:يا حبي لها..دخلت قلبي....
خلود:انا من زمان داخله قلبي....
جوري:علينا
خلود انهبلت وتحسب ان احد درى بسالفة سلمان معها..بس اذا اختها عهود ما تدري شلون جوري...
جوري(با بتسامة مكر) :وين رحنا؟؟؟
خلود:ابد ما ابعدنا....
جوري كانت متردده ومستحيه بس اهم شئ السوستيين غاده وعهود راحوا عنهم تقدر تتكلم براحه مع خلود...
جوري:خلود...
خلود راح بالها مع سلمان وآخر هديه جاب لها:هـــــا!!!
جوري:من قال هــا سمع
خلود:ههههه...وش عندك يا ام الامثال؟
جوري يبان بوجهها اذا كانت منحرجه بس ما تقدر لازم تسأل عن منصور:وش اخبار منصور؟
خلود:يا عمري عليه اللى الان بغيبوبه والتحقيق ماشي..
جوري:وما عرفوا شئ ولا توصلوا لاي نتيجه...
خلود:لا والله بس اللي دخلوا بيتنا مسكوا منه ثلاثه والى الان يحققوا معاهم....
جوري:طيب وحالته الصحيه؟
خلود:خالد يقول انه احسن من اول وان حالته تحسنت اكثر من اول....
جوري:الله يقومه بالسلامه ويرجع لكم...
خلود:اللهم آمين...بس اللي قاهرني انه الى الان ما سمحوا بالزياره لنا....
جوري:طيب لازم يثبتون برائته...
خلود:طيب بس نبي نشوفه يعني بني نخطفه...
جوري:ما في قانون الا له سبب او شئ صار عشان كذا منعوا الزياره...
خلود:على قولك واحنا وش عرفنا وين الخير له....
جوري:الله يقومه بالسلامه.....
خلود صارت تلعب بشعر جوري وتحكيها عن المدرسه وعن المعجبات وانها شلون تطنشهم...وجوري ساكته تبي خلود تتكلم لانها من يوم ما جت بس تسولف مع ليلى بنت خالتها ..واستانست جوري على ارتياح خلود لها....ودخلت جو معها بالسوالف....

>>جا مشاري وقعد مع العيال يسولف معاهم وطلب ام جوري وصار يسولف معها..... ام جوري شافت غاده وعهود يوم يروحون وتظن ان خلود معهم وخلته يدخل الصاله....
جوري كانت معطيه الباب ظهرها وخلود معها ويوم دخل مشاري ما انتبهت لصوته وهو يسولف مع ام جوري الين راحت المطبخ ووصل عند جوري والتفتوا جوري وخلود على مشاري وكل واحد منهم انهبل ما يدري وش السالفه....
جوري عجزت تستوعب السالفه هي خلود تغطي عن مشاري والا لا...وخلود يوم صار قريب منهم انهبلت وما تدري وش تسوي ما معاها ولا شئ الجلال قدامها بس من الخرعه فقدت أي تصرف.. اما مشاري انهبل على خلود وخق عندها اول مره يطيح بوحده وينهبل عندها وما عرف شلون يتصرف....
جوري كل اللي سوته صرخت...مشاري نزل راسه واستحى مره من نفسه وخرج برى البيت وخلود طلعت تركض فوق وهي شوي وتصيح وانقهرت من نفسها...وكل واحد يظن ان الثاني يحسبه ما يستحي وميتيين من الاحراج...
اما جوري ماتت من الضحك على سواتها وعلى الموقف اللي صار ونادت مشاري...ومشاري جا وهو منزل راسه الين جا عند جوري وتأكد ان ما فيه أي احد.......
جوري:يا عيني على اللي يستحون....
مشاري:وش اخبار العجيّز...
جوري تناظره بمكر وتضحك:اشوف بدا تصريف السالفه(وتضحك بصوت عالي)
مشاري:فضحتينا الله ياخذ ابليسك...
جوري:هههههههههههههههههههه� �...صراحه ما ناقص الا جوال اصورك...
مشاري:جوري قفلي السالفه وتعذري لي منها والله ما كنت اقصد(ونزل راسه)
جوري:يووو يا قلبي والله
مشاري:جوري وبعدين معك..خلاص لا تذكريني...
جوري تسوي نفسها ماهي فاهمه:ليش؟؟؟
مشاري :جوري وبعدين معك ترى والله ضغطت على رجلك خليتك تتوبين وما تتكلمين..تكفين تعذري لي منها صراحه حركتي سخيفه....
جوري:مشاري ما كنت تقصد وحتى هي يعني شئ بالغلط...
مشاري: المهم وش اخبار عجيّزنا...
جوري:مثل اللي تشوفه..انا اقعد بالصاله والجلال جمبي والناس تصبح وتمسي عليّ..
مشاري:ههههههههههههههههههه� �ههههههههههههههههههههههه
صراحه شئئئئئئئئئئئئئئئئئئئئئئئئ ئئئئئئئئئئئئئ...
جوري:تتطنز..هيّن اوريك...
مشاري مسك رجلها وضغط عليه شوي:وش بتسوين...
جوري تصرخ:حرااااااااااااااااام عليك...مشاري شوي شوي علي....
مشاري:لو اني ادري كان من البدايه ضاغط عليك عشان ما تهرجين....
جوري:يا ويلك من الله يا شرير....
مشاري:انا شرير الله يسامحك....
جوري:يعننك تمثل دور الطيب..اقول طس...
مشاري:باطس بس باعزمك يا جده على زواج اختي مريوم...
جوري:ما شاء الله..مبروك ما سويتوا...
مشاري:الله يبارك بعمرك يا جده....
جوري:طيب وين الكرت؟ومنهو العريس؟التفاصيل الممله...
مشاري:دقي على نوره هي تعطيك اكثر من التفصيل الممل...
جوري:تبي تروح؟
مشاري:مالي وجه اقعد....باروح وان شاء الله اجي انا واهلي عندكم....
جوري:والله احنا المفروض نجي بس تعرف احوالنا وبيت عمي صعبه نطلع ونجي...
مشاري:أي عارف عشان كذا بنجي والا مالكم عذر المفروض تجون عندنا....
جوري:يالله اجل مع السلامه....بس اصبر ترى خلود مرسله رساله تقول اعتذري لي منه وتقول مدري منهو بس والله فشله...
مشاري يسوي روحه ما يدري وش السالفه ويبي يسحب منها الهرج:منهي خلود؟
جوري ببراءة:بنت عمي...بعدين تعال وش لك دخل؟
مشاري:ابد سلامتك وصلي لها اعتذاري ونراكم على خير مع السلامه....
جوري:مع السلامه...لاتقطعونا...
مشاري:ان شاء الله....
مشاري استانس عرف ان اسمها خلود وانها بنت عم جوري وكان يعرف ان جوري بتذله على هالسالفه...
اما جوري كانت مستانسه انها بتمسك على مشاري شئ وانها بتذله فيه بس اتحمست مع الرساله ونست كل تخطيطها....
اما غاده وعهود كانوا مرابطيين عن الشباك يراقبون اللي داخل وخارج وانهبلوا على مشاري يبون يعرفون منهو؟؟؟
********************************
اسامه صديق خالد كان متابع التحقيق ومحرّص عليهم وعلى المجرميين وكانوا مشددين عليهم بس ما في أي نتيجه ولا احد فيهم راضي يعترف واستخدموا الاساليب المعتاده ولا نفع فيهم أي شئ وعشان كذا بدوا يستخدمون الالات الخطيره والتعذيب عشان يعترفون.....
اسامه:انت قول أي شئ وصدقني بيتخفف عنك العذاب....
الاول يناظر اسامه باحتقار:يا خي قلت لك ما اعرف شئ ولا لي دخل بالسالفه....
اسامه:السجن فيك فيك...
الاول:المحاميين ماليين البلد باخرج براءه غصبا عنك واطلع من هنا....
اسامه بدا يعصب:دامك بنفس مكان الجريمه احلم انك تخرج براءه وتعاون معنا نتعاون معك...
الاول:يا خي انت ما تفهم مالي دخل.....
اسامه:وبعديــــــــــــــ� �ــــــــــــــن؟؟؟؟؟؟
الاول:ولا شئ...قلت لك مالي دخل انت اللي ما تفهم....
اسامه:خذه يا عبدالرحمن واول عقاب نفذه ولا تتركه الا اذا بيعترف...
الاول:وش بتسوي يعني......
اسامه يصرخ:خذه يا عبدالرحمن....
اخذ عبدالرحمن المجرم الاول وراح ينفذ اول عقاب فيه.... وهو اقوى بكثير من العقابات الأولية...
اسامه اكثر شئ متعبه هو الاول ما في أي تجاوب معه..واخذ فترة استراحه عشان يستعد للثاني...
دخل الثاني وهذا اللي يحسه اسامه انه عن طريقه بيعرف كل شئ....
اسامه:طبعا خويك اعترف بكل شئ وقال انك انت المروج الاساسي وانت اللي عندك كل الكمية..بسرعه قلها وين؟؟؟
الثاني:أي اعتراف واي كمية انا ما اعرف شئ ولا رئيسهم ولا شئ
اسامه:اهــا!! يعني هم يكذبون بس المشكله انها شهادتيين ضدك وانت الحالك تقول لا...
الثاني:من الثاني؟؟
اسامه:خويك الثالث (عابد) نفس الشئ يقوله اذا قلت لنا وين الكمية نخفف عنك...
الثاني:سكت ولا تكلم ولا كلمه واحتار بكلام اسامه هو صدق والا لا..وكلهم معزوليين عن بعض وما يعرفون عن بعض شئ.....
اسامه:قلت لك بس قول وين الكمية والعقاب يخفف للنصف....
الثاني سكت ولا اتكلم ولا كلمه وبنفس الوقت انقهر من كلام اصدقاه وشلون يكذبون ويتفقون ضده وانه هو رئيسهم وهو اصلا ماهو مدمن وبس ذاك اليوم جا معاهم عشان ينفذ الخطه..
اسامه يبي يشوشه بالتفكير ويدخل الافكار اللي هو يبيها براسه عشان يعترف وبحكم انه اخذ دورات بعلم النفس بفن ادخال الفكر اللي يبيه بالشخص المعاند اللي قدامك وصار يستخدم اساليبه المعتاده..
اسامه:تصدق اغرب شئ بالموضوع
الثاني انشد للسالفه غصبا عنه...
اسامه:الغريب يوم سوينا تحليل دم طلعت انت منت مدمن والثانيين مدمنيين والاغرب اني يوم سألت اللي معك قالوا لي ان المروج الاساسي ما يكون مدمن لانه هو المسؤل عنّا...
الثاني بانفعال:كذابين هم راعيين هالسوالف....
اسامه:شلون راعيين هالسوالف(ويتكلم بغباء مصنطع)..يعني هم المدمنيين وانت رئيسهم والمسؤل عنهم ما تدمن....
الثاني بانفعال:لا..
وسكت وما تكلم...اسامه حب يستعمل الفنون الثانيه عشان يسيطر على تفكيره بس تذكر ان اللي يتعامل معه شاب خليجي وبالاصح سعودي يعني اصل العناد فيهم..وغيّر نظرته وحاول يتعامل معه بطرق اخرى يشوف فيها الفايده....
الثاني:اللحين وش قالو لك بالضبط؟؟
اسامه:ويهمك اللي قالوه؟؟
الثاني:اكيــد..اقصد باعرف الاتهامات وشي؟
اسامه:شف المفروض اني ما اقولك بس(واشر على الحرس اللي عنده انهم يخرجوا ويتركونهم الحاله...واحد من الحراس سوى روحه انه مستحيل يطلع وانه هذا مجرم بس باشاره من اسامه خلاه يخرج)....
ما طلع اسامه الا انه عارف ان الكميرات بكل مكان والمجرم ما معاه ولا أي اداة حتى القلم ممنوع منه....
اسامه:شف يا صالح ترى انت متورط بشئ كبير الحين شهادتيين ضدك انك انت المروج وتبريرهم بان الرئيس ما يدمن فعلا صحيح..ولعلمك احنا مسكنا كبار المروجيين وكانوا فعلا مهم مدمنيين فهذا الشئ يثبت عليك التهمه بشكل كبير ووقتها لا محامي ولا يحزنون والقصاص بيتنفذ فيك وعلى طول......
صالح ارتبك وحس بالظلم والمصايب تتحذف عليه من كل مكان...يعني انا البريئ اللي بس ابي فلوس صرت المجرم والرئيس وهالمجرميين عرفوا يختاروني عشان اطلع انا الضحيه..والمصيبه ان فيها قتل يعني ولا مليون بياخذ ولا شئ....
صالح:واذا اتكلمت وش لي؟؟؟
اسامه:شف يا صالح انا متاكد مليون بالميه مالك ذنب تدري ليش؟
صالح باهتمام :ليش؟؟
اسامه:ناظر فيني ما تذكرني؟؟
صالح باستغراب:ما ادري من انت؟؟
اسامه:انا جاركم القديم وانا اعرف انك انسان طاهر وهم ورطوك بشئ واحمد ربك انك طحت بيدي... صالح انت منت مدمن ومستحيل تطلع منهم وسيرتك بالحي اللي انت فيه ما زالت طيبه..وما تغيرت الا من شهر..يعني رحمت ربي انك طحت بيد العساكره والا لو انجريت بطريقهم ما راح تخرج منه الا باعدام والاتهامات قويةوما اقدر اساعدك الا اذا اعترفت لي بكل شئ وصدقني كلها كم يوم وبتخرج براءه.....
صالح:شلون براءه؟؟!!!!!
اسامه بضحك:يعني براءه......
صالح:ما في قصاص
اسامه:اذا اعترفت لا ان شاء الله.....
صالح قال لاسامه كل شئ واللي انصدم فعلا من كل كلمه يقولها صالح واحتار بالامر وقال مافي الا خالد هو اللي يعلمني بكل شئ....
*********************
رفع سماعة التلفون بثقل:نعم
نهى:تصدق لك وحشه
محمد قام من سريره وجلس:هلاااااااااا وغلاااااااااااااااااااااا ااا...وين الناس؟؟وين العالم؟؟وش هالقطيعه....
نهى استحت مره وباين على محمد انه فعلا مشتاق لها.....
نهى:موجوديين....
محمد:وشو اللي موجوديين؟؟ماشاء الله نواف سوى دعايات عنك بشري يا قلبي وش صار...
نهى:بدون زعل
محمد باستغراب:بدون زعل......
نهى:انا متصله باقولك اشتقت لك وباعتذر....
محمد:الاول مقبولة بس الثانية وش سالفتها.....
نهى:محمد انت تعرف عني كل شئ باختصار انت كل شئ....
محمد:اللــــــــه الشيخ وش مسوي لك...باوديك كل بداية شهر للشيخ عشان تعطيني من هالكلام...
نهى سكتت ولا ردت عليه وانقهرت منه....
محمد:وش فيك لاتقوليين زعلتي؟؟ يا بنت الحلال امزح والله من الوله قمت اهذري...
نهى مع كل كلمه يقولها محمد يزيد المها ويزيد حسرتها على الوضع اللي فيه.....
حزمت امرها وتكملت بجدية:محمد....
محمد:عيون وقلب محمد.....
نهى:انا...انا...
محمد:انا وشو؟؟..يالله خلنا نرجع بيتنا ونخرج مع بعض مثل اول وترجع حياتنا الطبيعية....
نهى:محمد انا حامل...
محمد:نعم..نعم..نعم....لحظه عيدي اللي قلتيه ماني مصدق....
نهى:ياربي محمد انت ليش منت راضي تخليني اكمل السالفه....
محمد:وليش عقب الحمل فيه سالفه....
محمد حس بالنشاط اللي افتقده من تركته نهى وحس بالاشتياق لها وعقب ما سمع خبر الحمل فرح وطار من الوناسه ان فيه احد جديد ومنهم اثنينهم دخل حياتهم واكيد يزيدهم فرح ويملا بيتهم....
نهى:محمد ممكن اكمل....
محمد باستغراب:كملي؟!!!!!
نهى:انا حامل وهذا عرفته بس اللي ما عرفته ونواف موب راضي يقوله هو ان
(وسكتت وعجزت تكمل بس بعد ساعه من المحاولات بتفقد اخر فرصه تقولها...جمعت كل الكلمات وقالت)....
نهى:ان الافتراق هو الحل....
محمد:هههههههههههههههههههه� �هههههههههههههههههههههههه ه
نهى:ليش تضحك؟؟؟
محمد:لانك قلتي نكته سخيفه....
نهى:محمد عن الطنازه....
محمد:انتي جادّه بكلامك...وشو افتراقه انا منتظرك ثلاثه شهور ولو تبين عمري كله انتظرك ما عندي أي مانع بانتظرك..لا وبعد تطلعين حامل والله لو
نهى قاطعته:محمد تكفى لا تحلف...
محمد:نهى انتي صادقه...
نهى:أي..
محمد:وبكل برود تقولينها...انا بافهم بالضبط وش تبين انتي؟؟وتبين توصلين لوشو؟؟
نهى:محمد انا باقولك كل شئ واللي يصير يصير.....
محمد:يالله مليت وانا انتظر اللحظه اللي بتعترفين فيها....
نهى:بتندم...
محمد:انتي تكلمي....
نهى:يا محمد انا تعبت نفسيا ورحت للشيخ وثلاثه شهور وانا اتعالج عنده..تدري وش قال..
محمد باهتمام وفضول:وش قال؟؟
نهى:قال مستحيل تتعالجين منه....
محمد:ليش؟؟؟
نهى:ما ادري بس حالتي صعبه مره ومستحيل تنحل والنوبات بترجع لي مثل قبل واشد والحمل لازم اجهضه...
محمد:وانتي أي شئ تصدقينه....
نهى:بس هذا شيخ
محمد بعصبية:واذا شيخ يعني هو ملك ما يخطأ الانبياء وهم انبياء اخطأوا أجل حنا يالبشر وش نكون عندهم....
نهى:بس انا رحت لكم شيخ وكم طبيب نفسي وكلهم قالوا هالشئ...
محمد:طيب الجنين ليش تجهضينه...
نهى:لاني ما انفع ام واشكل عليه خطر باي وقت...
محمد:اقنعيني ماني قادر اقتنع...
نهى:يا محمد انا مسحوره وافقد التصرف بافعالي واشكل عليك خطر وةعلى الجنين..ولا تظن ان فراقك صعب... والله يا محمد ما لقيت اطيب منك واحسن منك واحس بروحي بتطلع اذا سمعت الكلمه عشان كذا خلص الاوراق مع نواف والله يوفقك....
محمد:كذا بالبساطه ما في أي حل...
نهى:حاولت بكل الطرق..ثلاثه شهور وانا اراكض من شيخ لشيخ ومن طبيب لطبيب وكتب وقراءة قرآن بس مافي أي فايده.....انت شف نفسك وانتبه لعمرك وصدقني لو الله رايد بزواجنا يستمر راح نرجع لبعض مهما طال الزمن...
محمد:احبك..
نهى:لا تصيحني ولا تخليني اشيل الهم هميين...
محمد:نهى انتي متخيله الثلاث شهور بدونك..احس اني مخنوق مكتوم..ما اقدر اداوم واشتغل مثل العالم والناس..احبك بكل اللي فيكِ...
نهى ما قدرت تقاوم وصارت تصيح...
محمد:دموعك غاليه عليّ..نهى انا راضي بقدر الله لمصيرنا وما ندري يمكن المستقبل يكون افضل والله يعوضني ويعوضك خير...وانتي
نهى:لاتقولها تكفى ما ابي اسمعها..روح للمحكمه وانتهي منها مع نواف...
محمد:انتي روحي وظلي اللي معي وماراح تروحيين عن بالي ابد...
نهى صاحت وسكرت التلفون...ومحمد بيقوم وبيخبر الاهل عن اللي صار مع انه صعب بس عشان يطمن اهله وعشان البنت ما تكون معلقه....
**************************
**************************
فيصل:"وش فيك يابدر اكلمك"
بدر:"تراك ابلشتني وش تبي؟"
فيصل:"الله ياللي ابلشتنا..احمد ربك اني مقابلك والا انت ما تنعطى وجه"
بدر:"ياربي اتحطمت نفسيا بابكي خلاص احنا متزاعليين ولا اعرفك ولا تعرفني"
فيصل:"ياربي زعلت لا يا حبيبي كنت امزح بس انت ما تتحمل المزح"
بدر:"انت مو اول مره تسويها وما راح اسامحك"
فيصل:معليش هذي اخر مره"
بدر:"افكر وارد لك"
فيصل:"ليش هي خطبه..الله من الغثا انغثيت من السالفه وهي مزح"
بدر:"اجل لو جد الظاهر منتحر هنا"
فيصل:"شفت يالدب نسيتني"
بدر:"وش عندك يالمهم"
فيصل:"ياخي مشكله الفاضين اللي ماعندهم لا شغل ولا مشغله"
بدر:"اقول يالمهم ترى سلطان ما كلمناه وطنشناه من ذاك اليوم..التهينا بهالقهاوي"
فيصل:"لا انا متعمد ما اناديه"
بدر:"اخص يالنذل..ليش؟؟؟"
فيصل:"سلطان التزم وهالاماكن ما تنفع له لا نخربه"
بدر:"أي ما شاء الله عليه وانت وراك ما تلتزم..ذبحتنا بهالدشرات"
فيصل:"والله ودي..الله يقوينا"
بدر:"شف الهمر لا تفوتك..شف الناس الراقية..ولا يفوتك الزينون صراحه خطيــــــــــــــر.. شكله من برى موب من هنا""
فيصل:"لا والجنوط والله ودي فيها بس ابوي رافض"
بدر:"ليش؟بعدين انت ووجهك الى الان تطلب من ابوك"
فيصل:"اللي يسمعك يقول يشتغل وماسك شركه..ترى انا الى الان طالب مثابر..بعدين الجنوط الواحد منهم تعرف بكم؟"
بدر من دون اهتمام وعيونه على الهمر اللي واقف قدام المقهى:"بكم؟؟"
فيصل:"بس بخمسين"
بدر التفت بقوة على فيصل ورفع صوته:"بكم؟؟"
فيصل:"بس فشلتنا يقولون هذا ما ذاق خير..اي بخمسين الف"
بدر:"اشوى ان خالي عاقل وما طاوعك؟؟اللحين الجنط الواحد بخمسين اجل اعرس على اربع بدل الجنوط اللي بتنحط على الكفرات...وش هالمهبل وش هالبلاوي اللي تجينا كل شئ صاير مفخره وتفاخر واسراف اعوذ بالله"
فيصل:"بس بالله ماهو خشب"
بدر:"وشو خشبه بعد انت"
فيصل:"أي يالقروي..خشب يعني فلته يعني قمه يعني روعه يعني خطييييييييييييييييييير"
بدر:"أي اخبارك؟"
فيصل:واااااااو لا تفوتك التظليله"
بدر:"الله يخلف..قم بس لا تنهبل وتهبلني معك"
فيصل:"اي والله خلني اقوم شكل الهمر راعي طويله وان قعد هنا بانجن وبانهبل"
بدر:"يا مثبت العقول ثبت عقولنا"
فيصل:"اللهم آمين..بس لا تفوتك ذي السياره شف الكتابات اللي على القزاز خشششششششب"
1بدر سحب فيصل وعرف انه مستحيل يمشي دام هالسيارات كل شوي تستعرض عنده ورجعوا للبيت لان امهاتهم بيقتلونهم على كثر الطلعات....
******************
سعاد: وينك يالدبوجه والله لك وحشه
حنان:وانتو اكثر ما تتخيليين اشتقت لكم وللشغل ولكل ركن بالمستشفى...
سعاد:والفرصه قدامك بس ارجعي والله مليت من كثر ما اتهاوش مع مي....
حنان:مدري والله بس افكر وارد..
سعاد:وشو اللي تفكرين وتردين لي خطبه هي
حنان:والله اصعب من خطبه...
سعاد:وبعض الناس طايحيين اسئلة وشوي والا يموتون يوم عرفوا انك بطلتي مداومه...
حنان:هـــــا!!
سعاد:من قال هــا سمع؟؟وش علاقتك فيه تكفين قولي...
حنان بارتباك:ولد خالتي ارتحتي يالله مع السلامه
سعاد:طيب(وما عطتها مجال حنان وسكرت التلفون)
رجعت راسها لورى حنان وحست بثقل براسها ماتدري من كثر الهم اللي شايلته والا من ظلمها واهمالها لنفسه..اتعقدت من الحياة بهالفتره وحست بروحها مخنوقه...
خلود:حنان اكلمك وين رحتي..
حنان:هلا خلود
خلود:لا البنت رايحه فيها لايكون غيرتي رايك بالزواج وشفتي لك شوفه...
حنان:ليش ليلى وخلود على غفله...
خلود:الا على طاري ليلى ترى بارجع اليوم معاكم...
حنان:يالله تفكينا من مشاكل احمد وليلى اللي ما تنتهي...
خلود:بالموت ابوي اقتنع اني اجي عندكم....
حنان:ليش ما يرضى هذا بيت خالتك....
خلود:قلتيها خالتك موب خالك..ابوي اهم شئ ان رجال البيت هو اللي المحرم...
حنان:هم الرجال كذا بس والله من حرصهم علينا...
خلود:بس ما يعقدونها بالموت اقتنع بعد محاولة خالاتي وبناتهم وعشان الظروف الي انا فيها اقتنع..وازين بعد انا ابي ليلى تذاكر لي...
حنان:ترى افتن عليك واخليها برسوم....
خلود:دامني قريبه منكم ادفع اللي تبونه....
حنان:قريبه مننا والا من
خلود:حتى انتي يا حنان...والله ليلى اعزها وهي اللي تغصبني اذاكر.....
حنان:هذا سلمان يدق يالله باروح اطمن على جوري وانتي البسي عباتك ونتقابل تحت...
خلود ميته من الوناسه:يالله....
راحت حنان عند جوري وقالت لها الارشادات اللي لازم تسويها ونادت على خلود اللي صارت مرتبكه من عرفت ان سلمان هو اللي بياخذهم واضطرت عهود انها تساعدها تقعد عندهم هالاسبوعيين...
خلود:انا جهزت...
حنان:بعد ايش؟سلمان بيقتلني.....
خلود راحت رمت بوسه على الهوا على جوري وام جوري وعمتها ام غاده وطارت لامها وحبتها على راسها...وطارت برى....
عهود:غادوووووووه لا يفوووووووووتك..
طارت غاده تركض وطلعت لشباك الصاله اللي فوق اللي مسمينها برج المراقبه...
عهود:هذا حبيب القلب...
غاده:يا عمري والله يجنن..يا حوول وراي انا ما اعرف هالحلويين
عهود:لا انا عهود مو أي وحده...
غاده راقبته لين مشى من البيت والتفتت على عهود:تحبينه؟؟
عهود:اموت فيه؟؟
غادة:طيب شلون؟يعني وش اللي صار وخلاكي تتعلقين فيه...
عهود:كل شئ فيه ينحب اخلاقه ومعاملته لاخواته وطنازته عليّ..كل شئ فيه حلو....
غادة:الله يجعله من نصيبك ان كان فيه خير....
عهود:وليش تتفاوليين عليّ...
غادة:يالخبلة ما اتفاول عليك بس وش دراك انه هو المناسب لك...ما تدرين....
عهود:اعوذ بالله من تفاؤلك...لا ان شاء الله..يارب يكتبه من نصيبي....
مسيكينه عهود طايحه عنده وهو موب حاسب لها حساب وغرقان بحب اختها اللي اصغر منها...

>>بسيارة سلمان خلود وسلمان ميتيين من الوناسه من زمان ما اجتمعو بمكان واحد واخر مكالمه كانت لخلود مع ليلى اللي سمعها سلمان هي اخر شئ بينهم..اشتاقوا لبعض حيــــــل ومستحيين من حنان لا يتكلمون باي شئ.....
سلمان:وش اخبارك خلود؟
خلود احمر وجهها تقل شايفها وبالموت تتكلم:بخير الله يسلمك.....
سلمان:اجل جاييه تذاكريين الله من الزين عندك وعند ليلى....
خلود وشوي تتقطع من الوناسه..مغقوله سلمان يكلمني والله انه جريئ يتكلم عادي وهو يعرف ان ابوي لو درى بيزعل.....
سلمان:على الصامت.....
خلود:لا على الهزاز....
مات من الضحك سلمان وحنان عجزت تمسك روحها بعكس خلود اللي حست انها سخيفه وهي تمون هالميانه الزايده بس من الوناسه نست كل شئ ووانتبهت على سلمان وهو يوقف السيارة عند الباب بقوة.....
خلود بفجعه وبصوت مسموع:بسم الله....
سلمان:هههههههههه....انزلوا يالله....
نزلت خلود وحنان وطارت خلود لليلى تحكي لها كل شئ....ونامت عندهم الليله بدون ما تذاكر أي شئ.....
****************************
انفتح باب البيت على اخر شئ يستقبلون فيه العزا..والاهل والجيران ما قصروا وقاموا بحق ابو راشد..واللي يحبون العم سعد كثر وجيرانه اللي ساكن عندهم كلهم جو...حضروا الصلاة وتبعوه لين القبر ودفنوه.....
البيت كله مليان حريم ورجال يعزونهم ويخرجون على طول عشان ما يثقلون على اهل الميت....
مر اليوم الاول على العزا وما زال الناس يعزونهم وبيتهم ما فضي بالعكس امتلا والكل مأمل خير بالعم سعد ويترحمون له....
لمياء اليوم الاول ما اكلت ولا شئ ولا ذاقت شئ حتى الماء ماذاقته كانت صدمه قويه وعنيفه لها..بسنه وشوي تفقد عائلتها كلهم ما بقي لها الا فراس...فراس هو املها الوحيد بهالدنيا بس هو صغير وما بيده شئ.....
قامت حرمه من الحريم اللي ما يقدرون مكان العزا وصارت تدعي لابو لؤي بصوت عالي وتذكر باعماله الخيرية وهي تحسب انها تسوي شئ زين....
لمياء انهارت وهي مع كل كلمه تقولها الحرمه تزيد الم وعذاب...صاحت صياح قوي والكل خاف عليها لا يجيها شئ من هالصياح وصارت تصرخ...مسيكينه طرى عليها ابوها وعايلتها كلهم والموقف الاخير بالمستشفى وكل الي قاهرها لايكون ابوها مات وهو زعلان ومهوب راضي عنها لانه من سالفة خالد ما صحى وتوفي بعدها....
جا عادل على الصوت ويوم عرف ان مصدر الصوت لمياء سب وشتم فيها بصوت مسموع..خلا اهله يتفشلون من الموقف ولمياء زادت صياحها ودخلت الغرفه.....ولان عندها فقر دم والمصيبة اللي جت عليها وما رضيت تاكل اغمي عليها ولا احد درى عنها........
*************
خالد ما درى عن أي شئ ولا يبي يعرف عنهم أي شئ بس ما هان عليه ابو لؤي يتركه ويروح عنه وقال اذا رحت اسال عن منصور اسال عن العم سعد بدون لا ادخل....\
وكل ما يتذكر لمياء وده يقتلها بسبب هالاتهامات اللي توجه لها وانقهر بنفس الوقت على صديقه لؤي وانه افشى سره....
قطع تفكيره اتصال اسامه عليه....
اسامه:هلا خلودي....
خالد:هلا بك سومه......
اسامه:وشو سومه واللي يرحم والدينك فكني من الدلع اذا دلعك كذا....
خالد:وانت بطل خلودي وبتلاقيني زي العسل.....
اسامه:لا عسل مره وحده....
خالد:تتمنى....
اسامه:اقول انت فاضي ورايق اسمع شقتك اللي انت مستأجرها ما زالت لك....
خالد:أي دافع حق السنه هذي....
اسامه:حلو...
خالد:خير.....
اسامه:لا بس اليوم نتقابل العشا عندك نصليها بالمسجد ونروح بيتك ضروري يا خالد....
خالد:وش بك خلاص ان شاء الله باكون هناك.....
اسامه:أي اعرفك انت ومقالبك تروح وتنطشني.....
خالد:لا ابشرك الغرفه نفس المفتاح ما غيرته من زمان ما لعبت على احد.....
اسامه:اشوى اجل اليوم الموعد.....
خالد:باذن الله
*********************
مشاري:"يمه خلاص لقيتها"
ام مشاري:"وش بك يا وليدي"
مشاري:"ابد باعرس"
ام مشاري:"الحمدلله من اللي اقنعك"
مشاري:"جوري من غيرها"
ام مشاري:"شكلك انت تبيني اغار من هالجوري"
مشاري:"اسم الله عليك منها...وش جاب الثريا للثرى"
ام مشاري:"لا يا مشاري جوري ما سوت شئ"
مشاري:"والله ما عرفنا لك يمّه بس هذي حبت راس رضاوه"
ام مشاري:"وش بك يا مشاري انا منب زعلانه وبالعكس احب جوري واعتبرها مثل بنتي وعمرك شفت ام تغار من بنتها"
مشاري:"يا عمري يا يمه..تراك انت الابله علينا واحنا طالباتك"
ام مشاري:"هههههه الله يقطع سوالفك شكلك ناوي على وحده من محو الامية اللي عندنا"
مشاري:"ايه يمه يقولون ابلتك مره زينه وتهبل"
ام مشاري:"هي حليله وتهبل بس ابله موب زوجة ولدي"
مشاري:"ليش تقطعين رزقها يالله يمه عشان المشوار واحد انتي وهي"
نورة:لالالالالالالالالا مو معقوله تخطط من ورانا بسرعه التحقيق بيبدا من متى مقرر الزواج"
مشاري:"بسم الله علي امداي اهرج لقطتي كل شئ"
نورة:"لاتتهرب مش مش الأسئلة محاصرتك من كل مكان"
ام مشاري:"نورة عيب عليك كذا تكلمين اخوك الاكبر منك"
نورة:"يمه تراني مليت من هالكلمه بالبيت كل شئ عيب وما يصير والله كل البنات كذا يتكلمون مع اخوانهم الا احنا عيب وما يصير اكبر منك ومدري وشو..خلاص منب متكلمه" وقامت نوره بتطلع من الصالة...نورة بنت طلعت على وقت كل البنات فله ويقعدون مع اخوانهم ويتونسون معهم وام مشاري كانت تعاملها على بنات اول وتبيها مثل مريم تستحي وما تمون زياده على اخوها بس مشاري ما هانت عليه اخته تطلع كذا وهو يعرف بسوالف البنات....
مشاري:"تعالي نواري امي تمزح صح يمه(ويغمز لها)"
ام مشاري ما عجبها الوضع بس حبت تساير مشاري هذا غاليها وما تقدر تغلطه:"نوره لاتزعلين انا ما ابي احد ينقدك"
نورة:"يا عمري يا يمه" (وراحت تحبها على راسها)نورة مهي مقتنعه بكلام امها لانها مصرة انها ما غلطت وما فيها شئ اذا مانت على اخوها الكبير بس اهلها يحترمون مشاري ويقدرونه بزياده لانه هو اللي شايل مسؤلية البيت ويقدم مصلحة اهله على أي شئ ثاني...
مشاري:"أي وش فيك شوي والا تدخلين بعيني"
نورة:"والله اعزك يا مشاري بس احب امزح واحس انه ما في أي حواجز بيننا..والا جوري عادي وانا لا"
مشاري:"تغارين من جوري"
نورة:"لا ما اغار بس والله احب افلها معاك واستانس على سوالف جوري معاك واقول هذا اخوي وما استانس معاه اجل استانس مع الغريب"
مشاري نقزت فيه كل عروق الغيره:"وش قصدك بالغريب"
نورة:"أي اقصد اللي ببالك..البنات اللي اخوانهم ما يعطونهم وجهه ولا اهلهم تلقاهم منحرفيين ويدورون الوناسه وين ما كانت والمكالمات ما يقصدون البنات فيها الا الوناسه"
مشاري ارتاح نفسيا وعرف ان اخته اكبر بكثير من اللي حاطه بباله:"نواري رفعتي راسي اذا هذا تفكيرك وسوي اللي تبينه وانا عقب ما اتكلمتي ما اقول الا الحمدلله على نعمة الاخوه اللي احنا فيها والحمدلله ان اثر التربيه فيك قوي"
نورة:"اعجبك اخوي انا بنت رجال"
جت ام مشاري وهي تقول:"نورة ما يقضي هرجها تعالي يا بنتي وساعديني على العشا"
مشاري:"وانا ابدخل معاكم باشوف وش تسوون"
نورة:"بس لازم تشتغل معنا"
ام مشاري:"نوووووورة عيب عليك"
نورة:"اجل يدخل ويتطنز علينا ويخرج"
مشاري:"أي ادخل اتطنز او اشتغل انا حر"
نورة:"لا منتب حر وعليك تقطيع البصل"
مشاري:"ابشري من عيوني"
ام مشاري:"الله يفشل ابليسك هذي البنت مدري متى بتعقل"
وراحت نورة وام مشاري ولحقهم مشاري للمطبخ اول ما دخل والا نورة بادية بتقطيع البصل وعمت عينه بهالبصل قام وكب عليها الماء وراح عنهم...وهم ميتيين عليه من الضحك لانه لبس مريلة متحمس للمطبخ ويقلد الشيف اللي بالمجد ويقلد لهجته اللبنانية"
***********************
خالد راح للمستشفى يطمئن على منصور وهو محرص على الدكتور ما يعطي معلومات تخوف لاهله عن حالات منصور حتى لو كانت صحيحه....
خالد:"اخبار الدكتور مصطفى"
الدكتور:"عال العال..ازيك انتا"
خالد:"انا زي الحصان اذا منصور زي الخيل"
الدكتور:"هههههه اما انت عليك خفة دم"
خالد:"دمك الاخف"
الدكتور:"بلاشي نبدا بالكلمات الصعبه"
خالد:"ههههههه اوكي"
الدكتور:"اكيد قاي بتطمن على حالة منصور"
خالد:"اكيد"
الدكتور:"لا دا منصور ولد ما بتخاف عليه عليهى قوة وتحمل انما ايه"
خالد:"اذكر الله يا دكتور"
الدكتور:"لا اله الا الله.. ليه؟؟"
خالد:"ابد ابكسب اجر من وراك"
الدكتور:"ايوه دي حالته افضل بكتير وعنده مناعه قويه ما شاء الله عليه..بس فيه اشياء ممكن ما تروح حتى لو خف"
خالد:"وشي يا دكتور؟؟"
الدكتور:"يعني ممكن آثار جروح تشوهات حاقات زي كدا"
خالد:"خرعتني يا دكتور حسبالي شئ كايد..عموما عمليات التجميل ما بقت شئ هذا اذا كان شئ كايد اما لو شئ بسيط فالرجال عادي ما يعيبه هالشئ"
الدكتور:"ولو اني نص كلامك ما فهمته بس احسه صح"
خالد:"المهم حط بالك زين على منصور تراه الغالي عندنا كلنا واي شئ يستجد بامره بلغني على طول"
الدكتور:"انتا تامر امر يا شيخ"
خالد:"احلى اجل اثمر فيك تعليمي"
الدكتور:"أي بتأول ايه؟؟"
خالد:"اقول الله يوفقك يا دكتور"
الدكتور:"آمين"
خالد:"طيب بصه بس"
الدكتور:"مش كل مره بتسلم القره ما اقدرشي واخاف من العقوبه دنتو بتخوفوا"
خالد:"بصه وحده بس عايز اشوفه واطمئن عليه"
الدكتور:"مقدر باخاف"
خالد:"اوكي فين بس الممرض اللي تركه"
الدكتور:"عندك هنا بس انا مليش دعوه"
خالد:"اوكي انت بس امشي معاي انت الدكتور وانا الممرض بتاعك"
الدكتور:"اما انت عليك مخ بيوزن بلد زي ما بتؤلوا"
خالد:"أي هيّن..قصدي اخبارك..بس خلنا نمشي؟؟"
خالد كان مغامر بشكل موب طبيعي وكان يزور منصور تقريبا يوميا يلبس لبس ممرض ويروح مع الدكتور على انه ممرض مع الدكتور ولعبته ما انكشفت رغم التحذير..وكان يخبر ابوه اول باول..
>>بعد ما اطمئن على اخوه راح لدكتور العم سعد وكان عنده اجازه وحمد ربه انها جت من السما وراح عنهم ولا يدري باللي صار عن العم سعد..
***********************
جوري ملت من القعده الحالها ونادت الشغاله تنادي السوستين على قولتها...
جا فيصل ودخل الصاله...
فيصل:"تغطي بيدخل بدر"
جوري:"اذيتوني انت وبدر ابي اخذ راحتي مثلي مثل العالم"
فيصل:"والله محد قالك صيري ناعمه وعلى طيحه بسيطه تنعدم رجلك وتتكسر"
جوري:"والله ما هي بسيطه"
فيصل:"ادخل بدر ما قدامك احد"
جوري بسرعه رمت عليها الجلال وتغطت به..وبدر ما صدق على طول دخل..
بدر:"السلام عليكم"
جوري:"وعليكم السلام"
فيصل:"اقول وين الناس"
جوري منحرجه بس وش تسوي من هالخبل اللي ما يهمه أي شئ:"أي ناس"
فيصل:"الناس ما اشوف احد"
جوري:"خالاتي وامي برى"
فيصل:"افا وين راحوا ومن اللي وصلهم"
جوري:"راحوا يشوفون بيت عمي ووش صار عليه مع الرجال"
فيصل:"احلى يعني جو رومانسي للشياب"
جوري:"ما الشايب الا انت"
فيصل يبي يحرجها:"ترى بدر موجود"
جوري:"والمطلوب انا اجاوب على اسئلتك اللي عيت تخلص"
بدر باحراج:"وين غاده؟"
جوري:"مدري راحت معهم والا لا"
فيصل حس بالقهر وان السبب اللي جاي عشانه راح عليه:"لاتقولين راحوا مع العجز"
جوري:"الذيب عند طاريه"
غاده وعهود جو عند جوري وكانوا مستغربين من طفاقة العيال وجلستهم معاهم... اللي ما يدرون عنه البنات ان بدر وفيصل متفقين على البنات يوم دروا ان الشيّاب برى ويبون يهبلون على البنات براحتهم.....
غاده:"احد جاب سيرتي"
فيصل:"السيره والسلوك مدري كم آخذه"
غاده اتفاجأت من اسلوب فيصل العاده يتكلم سؤال والا بس تعليق بسيط اما ماخذ راحته اول مره تصير من فيصل وما تدري ان هذي بدايتها وما شافت شئ؟؟
غاده:"لا امتياز البنات ما ينخاف منهم..العيال هم البلى"
فيصل:"انا منتاز..الا على طاري الامتياز وش رايكم نتعشا برى"
الكل صدم من فيصل وكلامه وين هم عايشين وكأن السالفه عادي وما فيها أي شئ
عهود:"لا والله ما وصلت لامطعم فيكم خير اطلبوا من برى"
فيصل:"قال ايش قال الرجال معقديين يالله بس تولموا نروح نتعشى برى"
جوري ما تحملت هبال فيصل:"فيصل انت صاحي يا خالاتي يكونون معنا والا بلاش وبعدين احد رايق يطلع بهالفتره"
فيصل:"وشو منصور بخير ان شاء الله ولو درى انا ما نروح ونجي عشانه بيزعل وبعدين دايم الشياب مهم فيه هذي فرصتكم يالله نكشت"
فيصل كلامه وهباله يخلي الواحد غصبا عنه يتجاوب معاه ولا شعوري يتكلم معاه وهذي غاده نست نفسها انها تكلم فيصل وهي كانت مستحيل تسولف او تستفسر بس سوالف فيصل وهباله
غاده:"وشو نكشت هو مطعم واحنا ما نبي"
بدر:"وبعدين معاكم يعني هذي جزاتنا نبي نطلعكم مطعم"
غاده:"ولا مطعم ولا يحزنون شئ ما اتعودنا عليه مستحيل نسويه"
فيصل:"ايهييييي جت المعقدة نمبر تو او رقم اثنين"
غاده:اعرف انقليزي وما احنا طالعيين صح بنات"
عهود وجوري:"صح"
بدر:"مالت عليكم والي يسوي لكم سالفه احنا قلنا بس بيطيرون للسياره قبلنا"
غاده:"اصلا ما تهون علينا جوري ما تمشي ونتركها"
فيصل:"عادي بعربيه ندفها ونقولهم جدتنا معانا"
جوري:"والله اقول اذلف عن وجهي تراك مصختها"
فيصل:"افا يا اختي يهون عليك تهزئيني قدام خلق الله"
جوري:"وانت ما تركتني بالحالي وجبت لي المرض"
بدر اللي ما يبعد عن فيصل بس مهوب جريئ مثله صرخ بقوه ونقز من مكانه وركض برى الصاله
فيصل صرخ مثله ونزلوا نعالهم وحطوا تحت اباطهم وهجوا من المكان اللي هم فيه
البنات لاشعوري صرخوا مثلهم وانهبلوا وغاده وعهود لحقوهم للحوش وهم عند الباب يسمعون ضحكهم....
عهود:"هيّن عند ابوي وعمي"
غاده:"خلي الشياب يجون يورونكم شغلكم"
جوري رفعت رجلها بقوه تبي تركض ومسيكينه زادت رجلها تألمها وصرخت وطاحت..عهود وغاده على صرختها كانوا داخليين البيت وهم يضحكون من هالمهبل اللي عندهم ويقالهم رجاجيل البيت..
غاده:"يا عمري خليك بمكانك لا تتحركين"
عهود:"خلني اشوف احد المهبل يوديكي المستشفى"
جوري:"لا ما يحتاج ما فيني شئ"
عهود:"وشو ما فيك هذا عظم لو لاقدر الله حصل أي خطأ ما راح تلومين الا نفسك"
جوري:"اذا ملزمه نادي حنان هي اللي تعرف للإسعافات"
عهود راحت للحوش وسمعت اصواتهم بالمجلس والا هذا خالد داخل البيت...
عهود:"خالد خالد"
خالد انتبه على الصوت:"نعم مين؟"
عهود تأشر له انه يجي عندها...
خالد:"نعم وش تبين؟"
عهود:"وش فيك عندك شئ؟"
خالد:"وش تبين بسرعه؟"
خالد ما يبي يقول انه مشغول او شي عارف ان اهله محتاجيين له هالفتره...
عهود:"جوري التوت رجلها وطاحت ومهي راضيه تروح المستشفى وقالت لو ملزمه جيبي حنان"
خالد انهبل من هي جوري وحنان حس بشئ غريب بس ما يدري وشو:"ومنهي جوري؟"
عهود:"أي اقصد الجوهره"
خالد:"طيب يعني نروح لبيت خالتي"
عهود:"أي"
خالد:"باخذ اغراض لي هنا وانتي بسرعه اتجهزي ولا تتأخرين"
عهود:"اوكي"
ودخلت البيت بسرعه تلبس عباتها....
وراحوا لبيت خالتهم....


عيوش:"لمياء والله ما يصير هذا يومه وادعي له بالرحمه"
لمياء لفت جهة الجدار وهي تبكي...
عيوش:"لمياء حرام عليك والله حرام وبعدين فراس المسيكين منهبل روحي كلميه خففي عليه انتي اكثر وحده يفهمكي"
لمياء:"......................"
عيوش:"لمياء خلاص لازم تقومين وارضي بالقدر"
لمياء:"...................................... ."
عيوش:"وبعدين تعالي هذا اللي دايم تتكلمين عنه وانه هو اللي ساعدكم بوقت تعب عمي الله يرحمه درى عن الوفة قلتي له"
لمياء حست انها تبي تتكلم محتاجه أي احد تسولف له تستشيره موقف خالد منها كان سيئ للغايه ومهي بهالسهوله تكلمه عادي ولا كان شئ صار...
لمياء:"عيوش وش رايك تكلمينه وتقولي له"
عيوش:"وشو اكلمه ما عمري كلمت احد غريب"
لمياء بانفعال:"لا موب غريب هذا كان مثل الاخ لنا وما كان عندي رجال يكلمه عشان كذا كنت اكلمه"
عيوش:"ماقلت شئ فيك بس واجب عليك انك انتي اللي تبلغينه"
لمياء:"بس في بيننا حساسيه"
عيوش بهتمام:"شلون يعني ما فهمت"
لمياء:"لا ولاشئ بس لازم ابلغه"
عيوش:"عيب عليك لو ما قلتي له وبعدين هذا اليوم الثالث لازم تقولين له"
لمياء:"معك حق"
عيوش:"ابروح اجيب لك عصير"
لمياء بغت تتكلم بس عيوش حطت يدها على فم لمياء وقالت
عيوش:"ولا كلمه باجيبه وبتشربينه"
لمياء:"الله يسعدكي عيوش مدري شلون اشكرك"
عيوش تقلده:"مدري شلون اشكرك..اقول كلمي الرجال والا ذبحتك"
لمياء:"اوكي"
لمياء تحس بالامتنان والعرفان لعيوش صح انها صغيره بس واعيه وفاهمه وساعدتها ووقفت معها باشد حالاتها وضغوط اهل عم لمياء هم اللي خلوها عصبيه وتفقد التصرف السليم عشان كذا ما كانت متقبله عيوش بالبدايه....
واللحين هي متورطه بسالفة خالد وش تقول له وكيف تكلمه بس لازم تعتذر له وهذي وصية ابوها لانه زعل منها على اللي سوته....
******************
اسامه:"يالله يا ابن الحلال وش فيك"
خالد:"يا خي انت قلت العشا خلاص ما اسمح بتغير أي موعد"
اسامه:"والله عندي شغل العشا ولازم اقابلك ضروري"
خالد:"وما ينفع بالتلفون"
اسامه:"ابد ابد لازم اشوفك"
خالد:"اوكي ابلغك اذا قدرت تعرف مشاوير الاهل"
اسامه:"ايه تكفى دبّر لنا موعد قبل العشا"
خالد:"طيب وشو الموضوع؟"
اسامه:"اقول دق عليّ اذا قدرت تجي وتكفى ترى الموضوع ما يتحمل"
خالد:"الله يستر اوكيه مشوار واجيك"
اسامه:"انتظرك ببيتك"
خالد:"اوكي... فمان الله"
اسامه:"فمان الكريم"
دخلت عهود وحنان السياره وخالد زاد ارتباكه ما يدري ليش حنان عندها شئ وما تبي تقوله والا ليش تركت الشغل عقب ما جيت المستشفى....
حنان:"السلام عليكم"
خالد:"وعليكم السلام"
خالد:"امشي خلاص"
عهود:"أي بسرعه امشي...اخاف جوري يصير بها شئ"
خالد:"اوكي.."
خالد فعلا اسرع وهو بالسياره وتذكر سرعته الجنونيه بالحادث مع لؤي وشلون صار الحادث والصدمه الكبيره لهم ان اهل لؤي هم اللي تأذوا من هالحادث..خالد اخذ درس لايمكن ينساه واللي اكبر منه ان لؤي توأم روحه مات هذا اكبر شئ صار له بحياته..خفف السرعه لايصير موقف شين مثل العاده كل ما اسرع وحس برجفه خوف عقب ما تذكر السالفه ورتذكر الأزمة اللي صارت له من عقب الحادث ويالله يالله تناسى الموضوع ومازال تاثير الحادث عليه....
خالد حس ان السياره عمها الهدوء وماله الا هالفرصه يسأل حنان وعلى قولهم دق الحديد وهو حامي وهو يعرف ان ما سألها ما راح يعرف عن أي شئ وهو فعلا شاغله الموضوع...
خالد:"شلون ممرضتنا"
حنان كانت داخله بدوامه فضيعه قويه وعنيفه وتفاجأت ان خالد هو اللي بيوصلهم وانقهرت لو دقوا عليها كان جت مع سلمان والا احمد بس ما في مفر من السالفه...خالد صحاها من الدوامه اللي هي فيها...وردت وهي ميته خوف...
حنان تتلعثم بالكلام:"أي..وشو؟؟ بخير"
خالد حس بالاحراج من ردها وعرف ان وراها سالفه من تلعثمها وارتباكها بالرد بس ما يهون عليه يجتمعون بمكان واحد ولا يعرف وش السالفه...
خالد:"ليش تركتي الشغل؟"
حنان انصدمت من سؤاله وحست بخوف وارتباك ماله حدود...هو ما يدري عني ما يحس..ما يعرف انه اكبر جرح بحياتي وتركت شغلي بوقت الغبي يعرف ان له دخل بالسالفه..سكتت ولا قدرت ترد على سؤاله..عهود حست بالاحراج وان فيه شئ ما تعرفه وودها لو تصلح هالجو بس ما تدري شلون وقالت:اكون ساكته ازين لي...
اما خالد اللي فعلا انحرج زياااااده وحس ان ماله داعي وهو يسأل واحرج البنت وهو اول مره يكلمها بس وش يسوي موضوع حنان اشغله وخدمتها الجليله الي سوتها للعم سعد ما تدل الا على اهتمامها بمريضي...ما ادري انا غلطت والا لا...
حنان حست بالاحرااااااااااااج لابعد حدود حطت عهود وخالد بموقف محرج ولا تبي احد يدري بالموضوع وحست ان خالد اتفاجا من الموضوع وكانت تظن انه تفاجا بس لكن اللي استغربت منه انه يبي يعرف وش السبب؟؟
حنان ماتت من المستحى من هالموقف المحرج بس ما تقدر تتكلم ولا تقدر تجاوب كرامتها فوق أي مشاعر ونفسها العزيزة فوق كل شئ....
خالد حس انه غلط غلطه كبيره وتورط وش يسوي...ودور أي عذر يقوله لها...
خالد:"معليش اعذريني على الفضول بس انت ممرضه ناجحه وحرام تتركين الشغل"
حنان حمدت ربها انهم قربوا يوصلون البيت وان خالد صرف الموضوع ولا انتظر جواب منها.. وتقول بخاطرها لو ايش ما اركب معك...
اما عهود فاتحه فمها ما تدري وش السالفه ولا الشغل وشلون درى خالد وصارت مثل الاطرش بالزفه بس ذبحتها اللقافه وبتشغل الرادارات عشان تعرف.....
وصلوا البيت ودخلوا وراحت حنان لجوري بسرعه عشان تخفي أي اثر على وجهها وبتعالجها وتشوف وش فيها عشان تنسى موضوع خالد..وهي تعرف داخل انه موضوع لايمكن تنساه بس هذا نصيبها وش تسوي....
****************************
ام فيصل:"يالله نشد حيلنا وبنخلص البيت"
ابو فيصل:"وشو تخلصونه الله يخلي العمّال هم اللي بينظفون البيت"
ام خالد:"وشو له الكلفه ننتهي منها احنا والبنات"
ابو فيصل:" ابد قلنا العمال هم اللي بينظفونه وما تلمسون شئ وبعدين ليش مستعجلين على البيت لايكون متضايقيين منّا"
ابو خالد:"الله يهديك بس وشو متضايقيين منه بس هذا بيتنا ولازم نرجع له وقلت لك وعد منا حتى لو طلع منصور بنقعد عندكم وبعدين نرجع البيت..بس البيت يبي له تعديل وترميم عقب اللي صار له وبياخذ |
توها بالثالث يعني ما نفخ الروح بهالطفل وما فيها شئ"
محمد:"وشلون يعني اول ما كان فيها شئ وعقب تغيرت"
نواف:"هي من اول هذي حالتها وهديت شوي وعقب رجعت لحالتها..محمد انا قلت لك قبل ما تتزوجها وقلت لك عن حالتها..وانت راضي بها"
محمد:"بس..وان رجعت لبيتكم بترجع للمعامله السيئة اللي كنتوا تعاملونها"
نواف:"أي معامله سيئة هي الله يهديها حساسه مره وتزعل من أي شئ وتفسر كل شئ على هواها واحنا نحاول نسعدها باي طريقه ونبعد عنها أي شئ يمكن يضرها بس ما تفهمنا وتشوف كل شئ زين شين بعينها"
محمد:"يعني كل اللي ببيتكم واللي تسولف عنكم كان كذب"
نواف:"والله مدري وش قالت بس شف بصراحه انا كلمت اهلي قبل ما يزوجونها وقلت لها ما تنفع للزواج لاني اعرف حالتها ووديتها لكم شيخ..هي جتها عين وشكلها قويه ومسيكينه من عقبها وهي طايحه وتعبانه وما تعرف وش تقول وتتخيل اشياء وتحسبها بالواقع صارت..وانا رفضت هالزواج بس هي زعلت وقلبت الدنيا فوق تحت وانا ظالميين واهلي بعد قالوا يمكن الله يوفقها ويصلحها عقب الزواج..وهذا الي صار ما قدرت اوقف قدامهم وقلت لك كل شئ وتم الزواج واللي كنت متوقع مصيره...والحمدلله ان واحد مثلك ما فضحها وان شاء الله يتم الطلاق بالمعروف"
محمد يسمع وهو موب مستوعب اللي الكلام اللي يقوله نواف يعني احلامه المستقبليه اللي بناها وحبه الكبير لنهى بيضيع والولد وفرحته بتضييع..كان عايش على امل ان نهى تهدا واللي فهمه من نهى ان اهلها ما يودونها للشيخ يعني بعد كم جلسه مع الشيخ والدكتور بتتشافى بس شكل نهى كانت معيشته على اوهام واشياء غير واقعيه حتى انه يشك بكل كلمه قالتها وكان غرقان بحبها حتى انه ما شاف أي عيب فيها بس يوم اتضحت الصوره بدا يرجع ويفكر..شلون فاتت عن بالي يوم كانت بتقتلني يعني شئ مثل هذا ما ينسكت عنه والا اشياء كثيره ومواقف اكبر من هالسالفه صارت.. شلون غابت عن بالي وتجاهلتها..شلون بيعيش ولدي معانا واكون متطمن وبكبري انا شلون اضمن حياتي معها....
نواف قطع عليه تفكيره:"ابو الشباب وين وصلت"
محمد:"صراحه نهى لها مكانه بقلبي واحيانا ما ندري الخير وين بس يالله مشينا على المحكمه"
نواف:"وانت كنت افضل انسان تعامل معها واشياء كثيره تغيرت بحياتها وصارت للافضل بسبب الله ثم انت"
محمد رجعت له المأساه من جديد فعلا اندمجوا مع بعض وحبوا بعض بس ما يقدرون يستمرون واحتمال نهى تدخل المستشفى وما تخرج منها الا على مسؤلية الاهل..نهى تفقد التصرف ببعض الامور وما تقدر تتحكم فيها ولولا الله ثم محمد كانت حالتها من ردي لأردى وصارت تستمر للعلاج وعرفت قيمة نفسها وعرفت قيمة اهلها اللي كانوا يحرصون عليها اشد الحرص بس اللبس فيها يفقدها التصرف بعقل ببعض الامور وقررت انها تنفصل قبل لا يصير أي شئ يفشلها او شئ كبير لمحمد...
***********************************
خالد:"اذيتنا وش تبي؟"
اسامه:"ادخل البيت بسرعه"
خالد:"طيب نطلب عشا نسوي شئ"
اسامه:"ياخي ودي اذبحك على هالبرود"
خالد:"ياخي الدنيا ما تستاهل هالعصبيه"
اسامه:"طيب اقعد وتعرف شلون بتعصب غصبا عنك"
خالد كان رايق مره لانه كلم حنان ولو انه حاس بالاحراج بس اهم شئ عنده انه بيّن لها اني اعرف ان فيه سالفه وذابحه الفضول يبي يعرف وش قصتها...
خالد:"وهذي قعده وش عندك يا محقق كونان"
اسامه:"واذا الموضوع عن منصور بتكون بهالبرود"
خالد:"وشو منصور..مين؟اقصد وش فيه"
اسامه:"لا لا لا الدنيا ما تستاهل كل هالعصبيه ورووووووق"
خالد:"اسامه انت اكثر واحد تعرف اني اعصابي تفور اذا جت السالفه عن منصور واللي جاه مهوب بسيط والشئ غريب على واحد مثل منصور"
اسامه:"طيب اهدى وروق ولا تعصب خلني بشغلي وابي منك تجاوبني بكل شئ وبصدق لاني احاول اوصل لبراءة منصور بشتى الطرق"
خالد:"ابشر بس افهم وش التهمه اللي موجهه لمنصور"
اسامه:"التهمه كبيره لان الثلاثه اللي ماسكينهم كلهم قايليين ان منصور هو المروج الكبير حقهم وهو اللي يعرف المخابئ السريه وهو الكل بالكل"
خالد:"مستحيل...منصور مهوب راعي هالحركات...شلون بالله صدقتوهم وما عندهم أي دليل يثبت هالشئ"
اسامه:"المشكله الثلاثه نفس الكلام اللي يقولنه والغريب ان كلهم يقولون ان اسمه خالد"
خالد:"شلون؟؟؟"
اسامه:"طبعا انصدموا يوم عرفوا انه منصور مهوب خالد وقالوا ان هالاسم يمكن تمويه لاسمه وما يبي يعلم باسمه الحقيقي"
خالد:"مستحيل..اسامه مستحيل وش اللي يخربطون فيه"
اسامه:"قلنا هد اعصابك"
خالد:"شلون تبيني اهدي اعصابي واشوف منصور مغمى عليه والاتهامات اللي مالها اساس من الصحه"
اسامه:"طيب تعرف واحد اسمه عادل علي"
خالد:"الاسم مر عليّ بس وين مدري"
اسامه:"لازم تتذكر"
خالد:"ليش له يد بهالموضوع؟؟؟"
اسامه:"تذكر زين يمكن ماتعرفه هو شخصيا بس تعرف ولد عمه على ما اعتقد ويمكن اسمه لؤي"
خالد:"اييييييييييييي تذكرته.. هالخايس وش فيه؟؟"
اسامه:"كويس؟؟وش اسمه وبالكامل ووين عايش؟؟وليش خايس؟؟وش اللي بينكم؟؟"
خالد:"لالالالالالا السالفه كبيره؟؟"
اسامه:"مالي خلق لتحقيقك لازم تجاوبني وشغلي بعد العشا يعتمد على اجوبتك؟"
خالد:"اوكي انت صاير تخوفني"
خالد:" عادل حصل بيني وبينه مواقف سخيفه.. ولولا اصرارك اني اعلمك كان ما قلت لك ولا شئ..وبما ان الموضوع فيه منصور باقولك كل شئ...
وحكى له كل شئ صار بينهم وقال عن مشكلة لمياء معاه...
اسامه:"بالضبط هذا اللي باوصله..
خالد:"فهمني طيب وش فيه؟ وش دخل عادل بالسالفه؟؟"
اسامه:" اوكي باقولك معلومه بسيطه والباقي عقب ما اخلص من القضيه لاني ما يحق لي اعطاء أي معلومه لاي احد مهمن كان"
خالد:"قول طمني خلني ارتاح على منصور"
اسامه:"منصور باذن الله برائته قريبه؟؟"
خالد:"شلون؟؟كيف؟؟متى؟؟ اقصد وش دخل ذا بذا"
اسامه:"كلها كم يوم وبيطلع منصور براءة"
خالد:"طيب وش دخلها بعادل والله انك تحوس بالراس؟؟"
اسامه:"اوكي..انت لحوح وعشاني واثق بأمانتك باقولك الزبده من السالفه"
خالد:"يالله ريحني؟؟"
اسامه:"خالد العملية اللي صارت المقصود الوحيد فيها انت؟؟"
خالد مهوب مستوعب:"ها!! شلون؟؟ما فهمت"
اسامه:"اوكي عملية الترويج اللي عند بيتكم المقصود انهم يمسكون خالد موب منصور وان خالد يتهم بقضية مخدرات ويقعد بالسجن واذا ما في أي دليل على برائتك تقتل لانك مروج والمروج مفسد في الارض"
خالد:"انت وش قاعد تقول؟؟يعني منصور اللي اكلها بدالي بس شلون؟؟وليش؟؟ ومنصور؟؟ ما فهمت"
اسامه:"عادل هو اللي دبر الموضوع وواضح انه حاقد عليك للاخير وهو اللي بيورطك مع عصابته بس العصابه يحسبون منصور خالد وصار كل شئ لمنصور موب لخالد ولولا رحمة الله وخلانا نمسك الثلاثه كان الحين بعد يومين يصدر الحكم بمنصور"
خالد صدع راسه من كلام اسامه وآخر شئ توقعه ان منصور الحبيب الهادي يصير فيه كل شئ وحمد ربه مليون مره على هالعناية والعدل من ربه.. ورجعت له حالة الاكتئاب والصداع اللي كان فيه ايام حادثة لؤي واللحين سالفة منصور بعد زااااااد الصداع اضعاف اضعاف....
اسامه:"خالد وش فيك؟؟"
خالد:"البندول بالثلاجه جيب اربع بسرعه؟؟"
اسامه بغى يمنعه بس شاف وجهه شلون انقلب وبسرعه على المطبخ راح يجيب البندول وكاسة مويه..
اسامه:"ما توقعت الصدمه تكون كبيره واعذرني بس حسيت انك لازم تعرف"
خالد مهدود وتعبان واضطر انه ينسدح لانه ما يتحمل الصدمات:" لا مشكور بس انا بارتاح الصداع له يوميين معاي"
اسامه:"طيب انادي لك احد لاني مضطر اخرج بسبب الاجتماع لهالقضية"
خالد:"لا مشكور اذا ابغى احد ادق عليه ورح لاتتاخر على شغلك"
اسامه ما كان وده يترك خالد بس مضطر انه يخرج عنده اهم اجتماع بالقضية والمعلومات الي قالها صالح قلبت القضية فوق تحت واهمها براءة منصور.....
خالد يبي يستوعب السالفه مهوب قادر اللحين بسبب هوشه بسيطه يحول السالفه لحقد فضيع ويبيه ينقتل..اعوذ بالله شلون بعض العيال يفكرون ما براسهم الا القتل..والمسكين اللي تورط بها هو منصور..هو اللي جا عليه الرصاص واتهم انه مروج وكان من المفترض انه ينقص....
زااااااااد الصداع اللي بخالد كل ما يتذكر الموت..وموب أي موت الموت الغلط او الموت الغير مقصود.. هذا لؤي ما كان يقصد انه يشتت عائلته ويقتل امه بس لعب ومغامرة شباب دمرت عائلته وهذا منصور بسبب مشكله بالكلام بغى يروح فيها قصاص..استغفر الله.. رحمة الله فوق كل شئ وكل واحد بيموت بيومه....
خرج خالد من البيت حاس انه مكتوم مرررررررررررره وما يبي يقعد بالبيت لان كل ركن فيه يذكره بايام الكآبة اللي عاش فيها فترة وفاة صديقه وكانت اسوء فتره مرت عليه بحياته.....
طلع برى يتمشى بهالشوارع ويشوف الناس الرايحه والجايه...ويتذكر منصور الرجل المثابر الطموح بهالعائلة الواثق من نفسه لدرجة الجنون..كان خاطب أي كان خاطب ويتمنى انه يتزوج عشان يجيب عيال ويقهرني فيهم..تذكر كلمة منصور يوم يتناقر معاه...
منصور:شف يا خالد انا عيالي بيقولون لك عم قبل ما تجيب عيالك واذا انا الصغير سبقت لازم تناديني عم..بعد انا صار عندي عيال وانت عزابي...
ابتسم خالد على روح منصور المرحه وتمنى انه ما عرف المستشفيات وما عرف عادل وتندم انه تناقر معاه واتهاوش معاه..لانه لولا قدر الله وصار اللي صار كان انهار واتعقد من الحياةولا عاش مستانس بحياته....
راح خالد بافكاره بعيد يوم كانوا صغار ويوم كبروا..ابوه وامه وحبهم الكبيير لمنصور الولد المطيع.. صادقت لؤي الطايش ابوي بغى يطردني من البيت بسببه بس لؤي انسان حبوب وقلبه طيب قدرت خلال سنه اعدل كل الصفات الشينه فيه ما عدا التهور..ابوي حب لؤي وحس انه توأم روحي.. منصور كان يعرف ادق التفاصيل بحياتي مع لؤي..وكيف اني اثرت عليه..كان الوحيد منصور هو اللي يقول لا تترك هالولد عسى ربي يهديه على يدك...كانت نظرته لفوق ولاعلى ما كان يحب يفرط بالصديق لو ما كان... قعد منصور مع لؤي وتعرفوا على بعض واتفقوا على المقابلات الاسبوعيه وكانت الجلسة المهمه اللي بتكون عن تهور لؤي وكان منصور متحمس لها...صاراللي صار وتوفى لؤي...عسى الله يغفر له..
وقف عند صندوق تبرعات وتبرع للؤي وتذكر ان الميت الواحد لازم يدعي له ويتصدق عنه لانه محتاج أي فعل خيري....
قرر خالد انه يرجع البيت بعد ما اتعدل راسه ولو انه يعرف انه ما يخف من الصداع الين يسمع ان منصور خرج وهو بخير وطلع براءة....
توجه خالد بسيارته للبيت وقطع عليه تفكيره صوت الجوال وكان المتصل لؤي...
خالد ناظر بالاسم ثم انتبه ورد:"نعم؟؟"
لمياء بعد تفكير عميق وبعد محاولات من عيوش رضت تتصل وتكلمه وتقوله عن وفاة ابوها.. الود ودها انها تعتذر له بس ما تدري تقدر والا لا....
لمياء:"السلام عليكم؟؟"
خالد:"وعليكم السلام..نعم؟"
لمياء:"انا لمياء؟؟"
خالد بانفعال وبلهجة استهتار:"ادري انك لمياء؟؟وش تبين من القاتل السفاح؟؟ وش تبين من اللي خرج بواسطه؟؟وش تبين من المجرم اللي ما عنده أي رحمه"
لمياء كانت مصدومه من خالد وما توقعت هذا رده وكل ما يتكلم يزيدها الم وجروح وتبي تبررموقفها او تعتذر او تقوله أي شئ بس ما قدرت:"خالد انت فاهم غلط"
خالد:"أي غلط..الواحد لاسوى معروف تكون هذي جزاته.. اللحين طلعتيني مجرم وسفاح وجاي اصلح غلطتي..وتجين انتي وولد عمك وتسوون فلم قدامي ونهايتها تبون تقتلوني..صدق ناس ما ذاقت خير.. ترى سكوتي عشان اثنيين هم لؤي وعمي سعد..والا لو علي لانهيتكم انتي وولد عمك بس الشاطر اللي يضحك بالاخير وولد عمك اشبعي منه اللحين لانه يوميين وبيكون هو بالسجن موب انا"
لمياء انصدمت من كل كلمه قالها خالد وما تعرف وش ترد..ماهي فاهمه أي شئ بس حست ان السالفه اكبر من أي سالفه صارت لها وجت تبي تتكلم:"خالد انا"
خالد:"أي على فكره ترى الحساب اللي بالبنك اللي كنتي تحسبينه ديّه وتكفير عن قتل اخوك وامك هو وعد بيني وبين لؤي ان صار له أي شئ اعطي هالفلوس لكم..بس لا تسأليني من وين لاني ما راح اقولك اني انا ولؤي جمعناها"
لمياء حست بالاهانه وانها تبي تزيد لو طولت مع خالد وحست بالذل وهو يكلمها عن الفلوس وانصدمت انه عرف بتفكيرها وجت تبي تسكر بس تحاملت على روحها وقالت
:خالد انا متصله عشان اقولك ابوي توفى الله يرحمه واليوم الثالث للعزا.."
وقفلت الخط...
خالد تجمع براسه كل شئ شين وصددددددددع راسه على الاخر ورجعت له النغزات اللي بظهره؟؟ حس بروحه وهو يكلم لمياء انه فرغ شحنات الغضب اللي بداخله بس اخر خبر صعقه.. ما يدري وش بيسوي....
ركن السياره على جنب لانه يعرف لو ساق بهالوقت وش بيصير له....
**********************
تحركت جوري وصارت تمشي شوي وتتسند بالاشياء وغاده وعهود يضحكون عليها ويتطنزون..
غاده:شوي شوي يا جده لا يصير برجلك شئ مهوب زين
جوري:طيب يالنجسه اوريك والله انكم ما تستحون...
عهود:واخيرا عصبت جوري ياخي دمك بااااااااارد الله يعين اللي بياخذك(وتغمز لها)
غاده:أي والله يا قلبي على اللي بياخذك..
جوري :يا السوستيين جايين تسلوني والا تنكدون عليّ...
عهود:اها يعني بعض الناس صارت سوالفهم تضيق الصدر..
جوري:قسم بالله ان يبيلكم تكفيخ..
غاده:ياعمري يالوهانيين حتى بالمزح ما تبيني نطريه...
جوري صرخت:فييييييييييييييييييي� �يييييييييييييييييييصل..
غاده وعهود ارتبكوا..فيصل يجي ما عليه منهم...
غاده:هي انتي يالخبله..والله فيصل يجي...
عهود:ولا يمكن يجيب معاه بدر...
جوري:تستاهلون...(وصرخت مره ثانيه) :فييييييييصل تعال بسرعه...
عهود بسرعه لبست جلالها ورمت على غاده جلال ولبسوه الثنتيين وراحوا عند جوري...
غاده:وش فيك علينا...
جوري:انا وش فيني عليكم والا انتو يالسوستيين تطلعون فوق وتتامرون عليّ وانا الضحيه كالعاده..
عهود:احد قالك تصيرين تعبانه..
جوري:ياربي وش هالتناحه..انا اللي سويت عمري تعبانه والله انكم سخيفات...
غاده:ايوه هذا اللي نبيه بدى المفعول..جوري بدت تعصب...
جوري:غاده ترى ما يصير لك شئ طيب...
غاده:أي صح على طاري التعب هو سلطان شالك والا بس فزع الفارس المغوار ورمى الشماغ...
عهود تتكلم كانها عشقانه:يا عمري رمى الشماغ على محبوبته خوفا من ان احد يراها..وين قيس وليلى عنكم..
جوري صرخت:فييييييييييييييييييي� �يصصصصصصصصصصل تعال بسرعه....
عهود :والله يا هالمهبل..تبين رجلك تنعدم مره ثانيه عقب الحركه اللي سووها...
غاده:صراحه خطييييييرييييين يبون يونسون وحنا ما عطيناهم وجه...
جوري:يستاهلون خلهم يقعدون عيب اللي سووه...
غاده:يا خيه انتي عندك عيال عمك وشبعانه منهم اما انا ما عندي احد خليني استانس ولا تحرمينا منهم....
جوري:لا يا شيخه...
عهود:أي يا قلبي وش قالك سلطان بعد ما قال بسم الله على جوري..
جوري:عهود اليوم منتي راضيه تعديه على خير...
عهود:يا خيه ودي اتعلم منك الحب واشوف شلون اجذب الطرف الاخر(وتغمز لغاده)
غاد ماتت من الضحك وفهمت انها تقصد سلمان:أي ياعمري جوري علمينا..
جوري:بنات بلا غثا تكفون والله ضايق خلقي....
عهود:طيب بس حكينا وش سويتي مع سلطان...
جوري ودها تسولف مع احد وودها تحكي اللي صار بس ما عندها أي احد وتخاف احد يفهمها غلط:وتوعدوني انكم ما تبلشوني ولا تغثوني ترى والله اني زعوله...
عهود+غاده:نوعدك يا حجه...
جوري:حجت مين..
عهود:انتي بس سولفي تراك من طحتي وانتي بس سوالفك متى اتعالج؟وما ابي اروح المدرسه كذا. وما ادري متى اذاكر؟؟احسك طفشاااااااااانه وتبين الوناسه...
جوري تعرف ان عهود جابتها على الجرح وعرفت وش اللي فيها بس اكيد ماهي عارفه ان الاكبر من كذا خروج منصور وقرارها اللي اتخذته بالوقت الغير مناسب واللي ما يعرف عنه الا غاده...
جوري:من ناحية طفشانه فأنا واصله معاي للإتش وطاقه من الملل
غاده:عذرا على المقاطعه بس ممكن افهم وشي للإتش
جوري:هذي اقصى علامات الغضب
غاده:ابعدنا الله واياك عن الغضب..
جوري:بارك الله فيتش
عهود:طفشتوني انتو الاثنيين يالله جوري سولفي لي...
جوري:مره ودك...
عهود:فوق ما تتصورين....
جوري:ابد طلعت ابي اكلم ابوي وشكلي تاخرت على ابوي وراح لمجلس الرجال التفت يمين وشمال ما لقيت احد وجيت بارجع والا يدخل واحد من الباب ومن الفجعه تنحت وانتبهت انه سلطان وبسرعه بارجع وتلتوي رجلي بقوه لاني على الدرج..وجا هو بيساعدني ومفتشل موب عارف شلون يجي وانا كل ما جا زدت صياح ما ابيه يجيني...
غاده:خبله اللحين لو خليتيه يساعدكِ ويصير الفارس الشهم وتصيرون مسلسل...
جوري:أي تقولين كذا لانك برى الموقف والله لو مكاني لاصارختي....
عهود:والله انكم عربجيات اللحين انا داخله جو بالروخانسيه ومتحمسه مع السالفه وجاين انتو تتضاربون من جد ما عندكم سالفه ...كملي يا جوري ولا تردين على غاده....
غاده:الله ياللي داخله جو..اقول طسي بالسعوديه انسي المسلسلات اللي ودك فيها...
جوري:ليش ما في...كثير تصير بس موب مثل المسلسلات..بس فيه ناس تتزوج عن طريق الحب..
عهود بحماس مبالغ:الللللللللللللللللل� �له...وين الناس هذولي ابي اتعرف عليهم..
جوري:ههههه..الله يالعقل...
عهود:لا تضيعيين السالفه كملي....
جوري:ههههه..اوكي بس يوم شافني ارجع على ورى وما ابي وأأشر براسي انه لا يجي عرف هو وعطاني شماغه عشان اغطي فيه رجلي...
غاده حاطه يدينها على خدها:اللـــــــــــــه..ون� �سه كملي..
جوري:بس..وجع وش ذا...
عهود:ودي اصير مثلك استحي بس عجزت شوفي شلون خدودك صايره طماط...
جوري:ههههههههههههه
غاده:تصدقين جوري انك حلوه...
جوري:اسم الله عليك اول يوم تشوفيني....
غاده:لا بس وانتي تحكين تأملت فيك وولاحظت ملامحك ماشاء الله مره ناعمه وحلوه...
عهود:ياربي شوفي شلون خدودها..هذا واحنا بنات عمك اجل لو خطيبك وش تسويين...
جوري:اموت..
غاده+عهود:هههههههههههههه
عهود:عاد تصدقون لاننا قرايب ومتعوديين على بعض ما نشوف الحلى اللي فينا...
غاده:أي عاد انتي صدقتي انك حلوه...
عهود:والله اني اهبل...
جوري:عاد الا عهود محد يتكلم عن عيونها..تصدقين فيصل يقول ما انسى عيون عهود تقل فناجيل..
عهود:يقاله اللحين يمدحني...
غاده:عيال وش تبين منهم؟يقول عيونها واسعه تهبل...
جوري:على قولك عيال...
عهود:والله هالقعده فاتت على خلود خلها تستاهل مغير مقعده عند ليلى...
غاده:احسها ما ترتاح هنا...
عهود:لا موب مسألة ما ترتاح بس خلود مره ما تنسى وتحاول تأقلم نفسها على طول مع الناس..بالعكس تحب تعقد الامور وتجلس وحيده ولا تدخل بالناس حتى لو اهلها...
جوري:لا والله ما يصير....
عهود:ترى اللحين يقالها احسن من دايم..الحمدلله احسها صارت افضل والظاهر شبكت معاكي
خط( وتناظر جوري)
جوري:أي يا حبيلها....
غاده:وانا يا حول محد يمدحني ولا يتفداني....
عهود:والله اول مره اعرف ان لي بنت عمه بهالصوره..كنت اظنك ثقيلة دم...
غاده:حتى انا
جوري:ههههههههههههه...الله من الزين يقالكم تمدحون بعضكم...
عهود:صدق عمري ما دخلت معاها هالدخله....
غاده:صراحه احلى سفره واحلى قعده واحلى وش اقول بس..من جد مستااااااااانسه وما ابي ارجع..
عهود:اصلا ابوي كلم عمتي بس تروحين تختبرين وتجون ونقعد مع بعض...
جوري:اللللللللللللللللللل� �للله انواع الوناسه....
غاده:أي والله انواع الفللللللللللللللله....
عهود:جو الحريم والرجال تعالوا نسألهم عن بيتنا....
تسندت جوري على غاده وراحوا مع عهود عند الحريم وسولفوا مع بعض..والاكيد تدخل بدر وفيصل بالسالفه وقعدوا معاهم....
اما خالد نادى ابوه وراحوا للمجلس وقاله عن كل شئ..وقرروا اشياء كثيره بهالجلسه...



خلود:طااااااااااايره من الوناسه....
ليلى:اجل انا وش اقول ميته ميته من الوناسه....
خلود:يالله من يصدق اني بانام عندك لي كم وانا اشحت ابوي على النومه والحمدلله تحققت...
ليلى:اخاف عشان بعض الناس...
خلود:يالله انتي بس...انتي اغلى من أي احد..وبعدين وش فيها لو ضربت عصفورين بحجر...
ليلى:أي اعترفي اطلعي على حقيقتك صداقتك لي مصلحه...
خلود:لو ما اعرفك كان زاعلتك ولا كلمتك.....
ليلى:ولو ما اعرف ان قلبك طيب كان ما قلت اللي قلته.....
خلود:المهم ترى ما باقي الا اسبوع ولازم نذاكر....
ليلى:أي والله انتي الصادقه...اللحين خلصنا البلوتين الجغرافيا والتاريخ..ومواد العربي كلها النص..
خلود:والله لو اني معاكي كان ما ذاكرت....
ليلى:معلي منك غصبا عنك تذاكرين.....
ودق باب غرفة ليلى....
ليلى:باروح افتح الباب اكيد حبيب القلب..البسي الجلال....
رمت خلود على ليلى المخده ولبست الجلال بسرعه متوعدها يوميا يجي عندهم ويشوف وش يذاكرون....
سلمان:السلااااااام عليكم....
خلود بحيا:وعليكم السلام....
سلمان:اخبارك؟؟
خلود:تمام بخير دامي عند ليلى...
سلمان:لا ترانا نغار بس عشان ليلى...
ليلى:والله وش لك دخل صحبات وبنات خال ونموت ببعض....
سلمان:بسم الله عليّ منك حريم وينخاف منكم.....
خلود ميته من الحيا وميته من الوناسه اخيرا صار بيننا كلام...ولا بعد تقعد معنا آخر شئ تتوقعه وتعلق بسلمان زياااااااااده....
سلمان قعد على طرف السرير وكانت خلود قاعده على كرسي ورى السرير بس خافت اول مره يسويها العاده بس يطل ويخرج والا يرمي كم كلمه ويخرج اما انه يقعد اول مره تصير..وارتبكت مره خلود وحست بروحها بتخرج من الخوف....
سلمان:وش رايكم تتركون المذاكره ونخرج المطعم نتعشى...
خلود لا شعوريا وبصوت عالي:لا
سلمان:اسم الله عليّ...بشويش مو غصب هو بس اقتراح...
ليلى:ليش خلود والله انك بايخه خلينا نستانس ونطلع برى ونغير جو....
خلود حاسه بخوف..اكيد ابوها ما يرضى ولا امها يالله سمحوا لها تروح عند بيت خالتها بعد تخرج معاهم وبنفس الوقت امنيتها تروح المطعم ومع سلمان يعني اكيد بتسانس....
خلود:لا ما اقدر...
ليلى:وشو اللي ما تقدرين...
سلمان:اوكي براحتكم بس انا ودي انكم تغيروا جو بدل المذاكره اربع وعشرين ساعه..انا بغرفتي اذا تبون قولوا لي وترى محد بالبيت....
ليلى:لا ان شاء الله بنروح..
وسلمان وده يقول آمين بس موب قدام خلود.....
خرج سلمان والتفت ليلى على خلود وقبل ما تتكلم قالت خلود:مستحيـــــــــــــــ� �...
ليلى:والله ما فيها شئ دامهم سمحوا لك تنامين اكيد الاشياء الثانيه عادي...
خلود:ليلى ترى احنا خوالك موب عمانك..عمانك فري وعادي بس احنا لا.. والله لو يدري عني خالد والا ابوي والله يذبحني..حتى سوالف مع سلمان احسي مصختها...
ليلى:وشو اللي مصختيها والله ما قلتوا شئ كلها سلام وعليكم وكيفكم تمام...وش هالتعقيد؟؟
خلود:موب مسألة تعقيد بس انا ما تعودت على كذا....
ليلى:خلود انتي ما سويتي شئ حرام وبعدين انا موجوده ومحد بالبيت بس نطلع وجبه خفيفه ونرجع والله فله تعالي اوريك المطعم ونتفرج على اشياء كثيره والله فللللللللللللللللله....
خلود مشكلتها تتأثر بليلى بسرعه:ما ادري يا ليلى بس خايفه....
ليلى:خايفه من وشو؟؟انتي ما سويتي شئ حرام يالله بس تجهزي وانا باروح اكلم سلمان...
خلود:لا ليلى...
ليلى تركتها وراحت كلمت سلمان....سلمان اللي ما ستوعب اللي تقوله ليلى ومن الوناسه شالها فوق ودار فيها شوي ونزلها وبسرعه راح لبس احلى بنطلون جنز وبلوزه بيج روووووعه....
خلود وليلى بسرعه لبسوا عبيهم بس ليلى عطت خلود نقاب وعلى قولتها عشان تشوفين كل شئ.. خلود مطيعه وما ردتها ولبست مثلها وخرجوا المطعم....
***********************
منصور صحى من الغيبوبة اللي فيها وكان تعبان حيل..رمية الرصاص كانت قريبة من المخ التفت حواليه كل شئ غريب ولايدري هو فين..ظلام دامس وغرفة كئيبة اصوات مؤشرات بكل مكان اجهزه غريبه..ناظر حواليه والا هو مرقد بسرير والابر بكل مكان وفيه جهاز يؤشر وله صوت مرتفع شوي ازعجه هالصوت..حاول يتسند ويقعد بس عجز..رجع راسه على السرير بعد محاولات فاشله منه انه يقوم..ضغط على زر جمبه وانتظر ما لقى شئ...حاول يحرك ايدينه بس لقى صعوبه بكل حركه يسويها....
الممرضه دخلت على منصور:لا ما يصير لازم ما تتحرك..
منصور:اللحين انا وين..
الممرضه:انت منوم عندنا بالمسشتفى والحمدلله على السلامه...
منصور بصعوبه:الله يسلمك..
الممرضه:انت لازم تكون مرتاح..كل شئ سليم والحمدلله بس باقي تفوق من الغيبوبه والحمدلله قمت وما فيك شئ بس يلزمك الراحه....
منصور:وانا من متى وانا بغيبوبه...
الممرضه:يعني يمكن لك اسبوعيين...
منصور:اسبوعين!!!
الممرضه:ايه والحمدلله بخير وما فيك الا العافيه....
منصور:يعني اخرج الحين...
الممرضه خايفه تقوله انك محتجز يمكن يصير فيه شئ بس حاولت اختلاق اعذار واهيه عشان يقتنع بهالعذر....
الممرضه:لا المفروض ان الواحد اذا فاق من الغيبوبه يقعد اقل شئ شهر..عشان نتاكد من سلامتك وعشان ما ترجع لك الغيبوبه...
منصور:شهر كثير يا سستر..
الممرضه:انت لازم ما تتكلم كثير تراه يضر بصحتك لازم تكون مرتاح عشان ما يصير فيك أي شئ..
منصور:طيب ابي اعرف ليش انا هنا؟وكيف؟ومين انا؟وش السالفه...
الممرضه حست بمنصور انه بعده ما فاق بالكامل من الغيبوبه وحست انه لازم تقوله لانها افضل طرق العلاج للمريض...
الممرضه:انت منصور..وانت عندنا هنا بالمستشفى لك اسبوعين بغيبوبه تامه..والحمدلله قمت بالسلامه وما فيك أي شئ واهلك ينتظرونك ويسألون عنك..واحمد ربك واشكره على العافيه..
منصور:الحمدلله...
وراااااح بنومه عميقه عقب تعب قوي جاي عليه.....
الممرضه بسرعه راحت لغرفة الممرضات...
مي:وش فيكي مستانسه...
سعاد:قولي دوم مهو يوم..اكلتي البنت...ها حنان اخبار اول مريض مع اول يوم مداومه...
حنان:حاسه بخوف من عملي..مدري ليش حاسه اني كنت ما انتبه لكثرة الرجال..مدري كل شئ حاسه انه صعب...
سعاد:افا يا حنان انتي اللي تقولين كذا..الحمدلله حجابنا كويس وما فيه شئ وما نتكلم مع الرجال الا اذا اضطرينا وبعدين لمتى هالجهل والتخلف ويبقون الحريم يكشفون الرجال عليهم..موب ذا كلامك يا حنان...
حنان:ما قلت شئ مخالف بس انا موب حنان الاولى..صايره اخاف بشكل موب طبيعي....
مي:لا صدقيني السالفه فيها إنّ...
حنان:تبوني اريحكم ولاني انا بارتاح....
سعاد+مي:أيه...
حنان:اول مريض هو ولد خالتي....
سعاد بصوت عالي:ههههههههههههههه
حنان:وش فيك؟قلت شئ غلط...
سعاد عجزت تمسك نفسها من الضحك.....
مي:بتموت علينا..وش فيك خليها تكمل اللي عندها....
سعاد:اقول البنت لها فتره متغيره علينا وقالب وضعها فوق تحت اثر ولد الخاله بالقلب.. يا بنت ليش ما قلتي لنا من اول كان نساعدك 1بالعمليه مثل فوزيه اللي قبلك وزوجناك مثلها....
حنان:ارتاحي تراه اصغر مني وما افكر فيه...
سعاد:اجل!! وش السالفه....
حنان:عشان ما تستعجلين اصبري خليني اكمل...
سعاد:وانا اسمع....
حنان:اوكي يوم خرجت من هنا واتفاجأت بعد كم اسبوع ان ولد خالتي مريض تعبان وبغيبوبه واتمنيت اكون موجوده عشان اساعده لان مساعدة القريب غير عن كل المرضى... وما قدرت لاني مريت بظروف صعبه
مي:باعرف وش هالظروف الصعبه....
حنان ناظرت مي بلا اهتمام وكملت:واليوم يوم جيت لقيته فاق من الغيبوبه وما فيه الا العافيه بس باقي اكمل فحوصات اوليه عليه....وحسيت بشئ غريب لان امنيتي تحققت واشرفت على مريضنا حسيت براااااااحه بانجاز بحياتي....
سعاد:اللحين كل المرضى راحوا على جنب وعشانه قريبك صار شئ ثاني وحسيتي بانجاز..تصدقين ما عندك سالفه....
مي:اجل بتمرضين اهلك عشان تحسين بانجاز....
حنان:تصدقون ان عندكم نسبة غباء ويبي لها تعديل..صدق وش فهمكم بسوالف المشاعر...
سعاد:لالالالالالا دام فيها مشاعر سولفي علينا....
حنان:بس عشان ابيّن وجهة نظري مش كرمالكم...
مي:شكلك تاثرتي بالدكتور مصطفى كرمالك وكرمال اهلك....
حنان:ولو نحنا بنتعلم الكلمات الرايقه...المهم لاتقاطعوني.. انا اشرفت على مريض قبله بس بنت وهالمره ولد..ما ادري شعوري لما اشرف على احد يكون حنيه ورقه على المريض بشكل جنوني ويوم صار بقرايبي حسيت بروحي بنتفجر من كثر ما افكر بهالمريض...
سعاد:والله طلعتي مصيبه..بس هالشعور ما ينفع والا نسيتي الدورات اللي كل شوي آخذينها شعورك الحنوني القوي بيخليك تتعلقين بالمريض واذا حصل مكروه للمريض انتي اللي بتضررين ويمكن تتصرفي بشكل غلط اذا غلبتك الحنيه الزايده والا انا غلطانه.....
مي:حريم ما عندنا الا القلب شغال..الله يعطينا من قوة الرجال لو شوي....
حنان:سعاد والله معلومات قيمه وغفلت عنها...بس ترى يا مي ما صار فيه رجال اللحين.. بالعكس فيه حرمه عن عشر رجال...
مي:الله كريم....
سعاد:ما قلت لك.......
حنان:وشو؟؟؟
سعاد:كم تعطيني؟؟؟جايبيين لك بشاره تسوى ملايين...
حنان:لهالدرجه...اممممممم اتوقع عرسان....
سعاد:برافو عليكي..وش دراك يالنسره...
حنان:اعرف باللي تفكرون فيه..بس يالله بسرعه قولوا لي من المعاريس.....
مي اخذت الشاهي وقعدت على مكتبها:لو اقولك ما تصدقين.....
حنان:يالله تعرفون ترفعون الضغط بسرعه تكلموا.........
سعاد:بصراحه الفضل لله ثم لك..يعني اول كنّا ما نهتم بالحجاب والله وفقنا بصحبتك واقتدينا بك والعرسان على طول جو.......
حنان:انتو اللي ماشاء الله عليكم كان عندكم قابليه كبيره للتاثر للخير.......
مي:المهم ترى انا مره متحمسه للسالفه تخيلي انا من خطبني...يسعده ربي...
حنان:ياربي ميــــــــــن؟؟؟
مي:شوي شوي...خليني اتكلم براااحه عشان تتداخل سالفتي مع مشاعري........
حنان:خوذي راحتك.......
مي:انا كنت مشرفه على مريض وكنت كالعاده ممارسه شغلي بس كان يراقبني بشكل جنوني وكان بس يسألني..اول شئ كان محطم للغايه ما يبي يكلم احد وما يبي احد...وانا كنت اقوم بعملي اللي احمد ربي اني اتوظفت فيه(سعاد وحنان يضحكون عليها),, السالفه ان مشكوك ان فيه سرطان وبعد الفحص واللف والدوران طلع خطأ طبي وما طلع فيه أي شئ وبحكم اني خرجته من الحاله الكئيبه اللي فيه طبعا سرقت كلامك يا حنان..احتسب الاجر وما تدري يمكن خير لك والى الان ما خرجت الفحوصات النهائيه...واول ما خرج تقدم لي رسميا........وملكتنا الاسبوع الجاي...
حنان:يالله الف مبروك يا مي والله تستحقين كل خير... بس لايكون يسيطر عليك وما يخليك تشتغلين.....
مي:لا هو اللي قالي انا مشغول مره واذا بتبقين بشغلك على راحتك......
حنان:يا سبحان الله شفتي شلون شغل ووظيفه ورجل عنده نعمه وصحبات حلويين مثلنا...
مي:الحمدلله الف شكر..من كان يتوقع مصير ممرضه الزواج.....
حنان:والله انتي المكبره السالفه موب كل الناس معترضه بس ما زالت النظره القاصره للطب... (والتفتت على سعاد اللي راااااااحت فيها من التفكير)..خليكي معنا بالسالفه ولا تروحيين بعيد ملحقه على حبيب القلب...يالله وش سالفة مريضك انتي بعد.....
سعاد:أي مريض يا عمري انا دكتور اللي اخذني........
حنان:لا عاد هذي قويه..من سعيد الحظ؟؟من الدكتور ذا لا يكون مصطفى اخبرك طايحه عند اللبنايين...
سعاد:لا عاد احسهم موب رجاجيل.......
حنان:قويه مهوب رجاجيل...لا احس مصطفى غير.....
سعاد:تراه يموت فيكي ووده انك تعطينه وجه.............
حنان تقلد سعاد:لا احسه موب رجال....
سعاد:طيب يالدبه اجل منب قايلت لك منهو الدكتور.......
حنان:لا عاد ما اتحمل انا ابي السالفه مع وصف المشاعر
مي:اوريك تتطنزين عليّ....
سعاد+حنان:هههههههههههههههه ههه
سعاد:أي يا عمري تخيلي ان الدكتور عبدالعزيز بلحمه وشحمه خاطبني.....
حنان اتفاجأت صدق:لحظه معليش عيدي.....
سعاد:اقولك الدكتو عبدالعزيز بزاااااااااته......
حنان تتكلم سوداني:بزاته عبدالعزيز خاطبكي..ازاي؟؟
سعاد:اقولك عبدالعزيز بكبره الى الان ما استوعبت السالفه......عاد تدرين وش قال؟؟؟
حنان:ياويلي وش قال؟؟؟؟؟؟
سعاد:قال انا اعشق الطب وكل شئ يتعلق بالطب وتمنيت زوجتي طبيبه او ممرضه وانتي عقب ما اتحجبتي زين واتعدلت علاقتك مع الرجال قلت ما في غير سعاد...
مي:نصا حافظته ميه بالميه....
حنان:واااااااااو يا سعدك يا سعاد من جد اخذتي الرجل المثالي.....
مي:لا يكون عينك عليه......
حنان:لالالالالالا مو لهالدرجه بس كنت دايم افكر منهي زوجته سعيدة الحظ...صراحه تعامله الراااقي يخلي الواحد غصب يحترمه......
سعاد:صراحه انا ميته من الحيا وحاسه بروحي اطير وما اتوقعت الدكتور عبدالعزيز يناظرنا او يفكر فينا....قسم بالله احس اني باموت من الفرح......
حنان:لا تكفين انا ما اتحمل اشوفك ميته.....
سعاد:اسم الله عليّ...عشان تاخذين عبدالعزيز....
حنان:الله يالدنيا صار عبدالعزيز حاف ما في قبلها دكتور والا من اللحين القوايه.....
سعاد:اسم الله عليه باحترمه ومنب قاويته واللي يبيه انا حاضره..........
حنان:يا عمري على صديقاتي كل وحده راحت بجهه وانا بقيت عزابيه بس تستاهلون خلكم تجربون الزواج اللي ذبحتوني فيه واشوفكم تهنوني على حياة العزوبيه اللي انا فيها.....
مي:مصيرك لنا وبتشوفين.....
حنان:فال الله ولا فالك..انا ما اتحمل اعيش مع رجال..ولا احب احد يتسلط عليّ او يفرض عليّ كلامه او اني اصير بحكم الخادمه عنده.......
سعاد:لالالالالالالالالا حنان اسمحي لي بهذي خطيتي...انتي ليش تعتبرين خدمة الزوج خدمه وانك بنظره خادمه....لا مثل ما هو ملزوم انه يصرف عليك ويأمنلك بيت انتي وعيالك بعد انتي ملزومه انك تخدميه.....بعدين ليش نظرتك للزواج كذا...الزواج سكن وموده ورحمه..وتآلف بين الزوجيين.. ومثل ما يقولون التعرف على الطرف الاخر وثقافته وتفكيره والا لا يا مي.....
مي:افا عليك زوجة الدكتور عبدالعزيز تقول كلام خطا....
حنان:عموما الله يوفقكم وتستانسون كبر هالمستشفى...
سعاد:مالت عليك لا تدعين اجل اذا هذا دعائك........
حنان:من جد فرحت لكم من قلبي الله يسعدكم.....وان شاء الله يارب السنه الجاييه كلكم جايبيين ولد وما تصير سالفتكم الا العيال يطفشون والعيال ما دري وش يبيلهم......
سعاد+مي:هههههههههههههههههه هههه
سعاد:ياربي عليكي وحشتينا يالدبه ووحشتنا سوالفك لا عاد تاخذين اجازه ترى نستانس بالشغل لا صرنا رباعه على قولت الاماراتيين
حنان:وشي رباعه؟؟
سعاد:مدري بس شكلها مع بعض يعني مثل ربع عندنا.....
حنان:والله مدري وين بتوديكم هالقصص الاماراتيه....
مي:ابد بتودينا للزواج شوفة عينك.....
حنان:اجل هونت منب قاريه قصص اماراتيه.....
سعاد:بكيفك انتي اللي بتخسرين الوناسه اللي حنا فيها............
مي:يالله ما كأننا زودناها بالهرج......
حنان:أي والله هيّا لننطلق للعمل.........
سعاد:تعالي خلني اقولك سالفة خالد اللي ذبحنا وهو يسأل عنك.....
مي:اجل انا باطلع واشوف شغلي وانتي كملوا سواليف.....
وحكت سعاد لحنان كل شئ بالتفصيل الممل وشلون نظراته ويوم تفاجأ ومن طقطق لسلام عليكم.. وحنان مع كل كلمه تزيد جروحها وهي تسمع عن خالد هالكلام.......
***************
راح خالد بعد ما سمع شور ابوه وعرف ان من الواجب انه يعزي اهل لؤي...
وقف السياره على جنب ودخل البيت وكان اول شخص يقابله اكره انسان بحياته...
عادل بقرف:مرحبا...
خالد طنشه وراح للي بعده اللي هو راشد:عظم الله اجركم.....
راشد:اجرنا واجرك........
خالد:ابو راشد موجود......
راشد:أي داخل اللي قاعد بصدر المجلس......
خالد راح للمجلس وسلم على الحاضريين وراح لابو راشد وعزاه على وفاة العم سعد وعرفه بنفسه... ابو راشد عرف انه خالد اللي قاله عادل عنه..ما قدر يتمالك نفسه وقال له:اطلع برى..
خالد اتفاجأ وقدام الكل يسوي هالشئ وعرف ان عادل نشر الاشاعه واكبر شئ عنده ان احد يهينه وما سكت عن حقه:ابو راشد اذا هالبزر ضحك عليك مثل ما ضحك على غيرك فانت غلطان وستين غلطان.....
ابو راشد:تقول عن رجال كبير غلطان......
خالد:الغلط موب للصغار الحالهم الغلط يركب كل مغفل(وحس ان الكلمه كبيره بس يستاهل لان فعلته اكبر)
ابو راشد صرخ:اطلع برى.....
خالد:اصلا انا منيب قاعد باطلع بس عشان عمي سعد وصديقي لؤي جيت اعزي وقمت بالواجب لاني ولد اصول واعرف الواجب...(وسكت ثم ضحك وقال)وما اتبع كلام مغفليين....
وطلع برى....الحضور كانوا في حالة ذهول مهم عارفيين وش اللي يصير..حركة ابو راشد القوية ما تدل الا على شئ كبير صار وردة فعل خالد اقوى واقوى واضطر الكل انهم ينسحبون عشان ما ينطردون هم بعد....
خالد:نهايتك قريبه
عادل:اقول ضف وجهك عقب هالفشيله بتقعد......
خالد:من اللي فشل الثاني الناس المغفليين اللي عقولهم اصغر من عيالهم والا شيخك خالد اللي يعرف الاصول......
عادل احترقت كل اعصابه واانقهر على الاخر وجا عليه بيضربه بس راشد منعه وحاول بخالد بأدب انه يروح...
راح خالد وهو مولللللللللع من اللي صار صح انه رد لهم الصاع صاعيين بس الغلط يقهر وش ما كان...............
******************
سلمان اول مادخلوا السياره وهو بس يناظر خلود مهوب قادر يصدق اللي يصير هو وخلود بمكان واحد واخيرا رضت انها تخرج معاهم......
خلود كانت مستانسه على هالمغامره ولو ان ضميرها يأنبها انها ما استاذنت من اهلها بس اصرار ليلى هو اللي خلاها توافق......
سلمان:اخبارك خلود؟؟
ليلى:وانت منت حافظ الا اخبار؟؟ قلها كبرتي تغيرتي يا خلود ها صرتي حلوه والا شينه قلها أي شئ
خلود احمّرت خدودها وصارت ميته من الحيا وش فيها ليلى قلبت عليّ ياربي الله يستر منهم..
سلمان يضحك ويناظرها ويغمز لها:ها خلود تقدرين تجاوبين على الاسئلة..
خلود عقب الحركه اللي سواها سلمان واللي اتفاجأت منه ما قدرت ترفع راسها نزلته وحست انها غلطت غلطه كبيره ما تدري شلون تتخلص منها...اللحين لو دقوا عليها لو قالوا تعالي نبيك... أي شئ وش بتقول ؟؟وش بتسوي؟؟؟
سلمان حس انه زودها وهو يعرف ان بيت خواله محافظيين اكثر منهم: خلود آسف والله امزح..
خلود دمعت عينها ولا رفعتها عشان ما يشوفها سلمان وقالت:ما صار شئ...
سلمان عرف انه زودها ومن صوت خلود واضح انها ما اتقبلت هالشئ مومثل بنات عمه هم اللي يبدون هالمزح الجريئ...
ليلى:آسفه عنوني بس والله حبيت الطف الجو..اعرف بعض الناس قلوبهم رهيفه وما تتحمل زعل الطرف الاخر.....
خلود صارت ساكته ما تدري هي تكمل وناسه وفله معاهم..والا تعارض لان هالشئ ما يرضي اهلها.. بس صعبه انكد عليهم خرجتهم واقعد ساكته ولا اتكلم تذبحني ليلى لانها ميته على هالخرجه وتبيها...
دخلوا المطعم وراحوا لطاولة بزاوية بعيده شوي عن الناس ودخلت خلود وليلى..وسلمان ما جاهم..
خلود:والله انك سخيفه...
ليلى:اقول لاتخربين الجو اللي انا فيه من جد مستااااااااانسه على الاخر...
خلود:بس والله استحي وانتي تعرفين هالشئ......
ليلى:اقووووول وش رايك بلبس سلمان...
خلود احمرت خدوده وقالت:صراحه كوووووووول...كله على بعضه يجنن...
سلمان:منهو؟؟؟
خلود حطت يدها على قلبها لا تعلمه ليلى....
ليلى:واحد من الناس لازم تعرفه.......
سلمان:ايه دام خلود قالت لازم اعرف......
خلود تبي تموت وش فيهم ما يحسون بي الظاهر نسوا اني موجوده......
ليلى:يوه صح نسيت انك تغار عليها وانك ما تبي احد احلى منك......بس منب قايله...
سلمان:ما عليّ منك..شوفوا هذا هي القائمة وش تبون......
ليلى:مشتهية سلطة فرنسيه وتبوله وسلطة المايونييز...
سلمان:تبين تعشينا سلطات....
ليلى:يا ابن الحلال الموضه سلطات...
سلمان:حتى بالاكل فيها موضات......(وناظر خلود اللي منزله راسها) وش تبين خلود؟؟
خلود حست برجفه بداخلها يوم نطق اسمها صارت خايفه منه وتحس انها مرتبكه وما تعرف وش تقول...:أي شئ...
سلمان:على ذوقي...
ليلى:تدري يا سلمان جيب سلطة فرنسية لاني مشتهيتها مره والباقي على ذوقك....
سلمان:اوكي وانتي خلود...
خلود:عادي أي شئ معاكم...
ليلى:وشو معاكم بنركب لعبه تراه اكل وانتي الخسرانه...
خلود حست بقهر من ليلى ليش تغيرت المعامله معاها وصايره ما اهمها ولا تحس بالاحراج اللي انا فيه....
سلمان:ها خلود وش قلتي؟؟
خلود حطت عينها بعين سلمان لاول مره:على ذوقك...
سلمان مات من الوناسه معقوله خلود تقول كذا..تحط عينها بعيني وتكلمني...آآآآآخ ذبحتني عينك يا خلود..وذبحتيني انتي بكبرك...
ليلى:سلمان عيب روعت البنت من عينك.....
سلمان حس باحراج خلود لانه ما شال عينه منها وراح عنهم شوي...
ليلى:ياربي متى اشوفكم عرسان ويروح هالخجل اللي طايحه فيه....
خلود:والله مالك داعي...ترى والله اني منحرجه على الاخر...
ليلى:يالله بس والله اني عارفه انك مستانسه على الاخر وبعدين هذي القعده ما راح تنسينها لو ايش احد يحصل له لقاء مع حبيب القلب ويقول لا....
خلود:بس
سلمان:بس ايش يا خلود؟؟؟
خلود حست انها بتموت من الخوف..ياربي انا وش خلاني اطيعهم واخرج معاهم والله لو درى ابوي عني او خالد او منصور او امي والا عهود ما راح يسامحوني وبتتغير نظرتهم عني....
سلمان:وش فيك ساكته لايكون تفكرين باحد غيري؟؟
خلود تناظر بليلى تبيها تهرج بس ما في أي امل....
ليلى قاعده جمب سلمان وخلود مقابل ليلى وعيونها على الارض....
سلمان:ها خلود!!...سلمان ينتظر هالقعده بشغف وكم مره حاولوا هو وليلى بس ما فيه أي امل ولما تحققت تمنى يسولف معها...يقولها احبك يبيها ترد له صدى هالكلمه ونسى كل عادات خواله...
خلود وقفت:ابرجع البيت....
سلمان مسك يدها وقعدها......
خلود حست بروحها انها ميته وانه حلم مهوب علم...وصلت انه يمسك يدي..لا والله ما اتحمل...
ليلى:معليش خلود بس تكفين بس ناكل اللي طلبناه......
سلمان:آسف والله..خلود ما اقصد اللي سويته وسامحيني بس انا ما صدقت اننا نكون بمكان واحد ونخرج مع بعض وتكون احلى خرجه لكم انتو الاثنيين....
خلود ما زالت يدها ترجف اول مره يمسكها احد غريب..هي اخوانها ما تخليهم يمسكونها شلون واحد غريب عنها ولا بعد يكون سلمان.......
سلمان:خلود اذا زعلانه نرجع البيت وآسف على كل اللي صار ولو اني اشوف ما سويت شئ غلط بس لاجل عين تكرم مدينه.,......
ليلى:خلوووووود حبيبة قلبي لا تصيريين معقده وبعدين كلها كم يوم وان شاء تخرجون الحالكم...
خلود:......................
سلمان:خلود زعلانه....
خلود مهي قادره ترفع عينها منحرجه مره اول مره تخرج بنقاب من دون غطا فوقه وتخرج مع واحد وتناظر بجراءة..وما زال كلام ليلى يردد باذنها ويبرر لها موقفها(كلها كم يوم وتخرجون مع بعض)
سلمان:اجل يالله نقوم.....
خلود بسرعه:لا....
سلمان:نعم وش قلتي؟؟؟
خلود:نكمل العشا ونخرج..........
ليلى:يا هوووو على بنت الخاله....
سلمان:يالله جت الطلبيه.....
ابتدوا بالاكل وفصخت نقابها ليلى وتمنت لو خلود تسويها بس مستحيل تسويها الا هالشئ.. صعبه حتى لو فيه حب بيننا حتى لو نعز بعض والاهل كلهم داريين..ما زلنا غراب عن بعض وهالشئ حرام.....
سلمان:ها خلود ما زلتي زعلانه مني...
خلود تموت بسلمان وتعشقه لدرجة الجنون كلامه اللي بالرسايل وكلامه اللي توصله ليلى يجنن وهي تعلقت به لدرجة الجنون...بس ان فيه احتكاك بينهم هذا اللي ما حسبت له ولا حساب لانها متعوده مع عمانها اذا دخلوا العيال بس كلمتيين ويخرجون ما توصل للميانه.....
سلمان:لا يعني لسه زعلانه.....
خلود اتجرأت بهالطلعه وصارت تقدر تناظر سلمان ناظرته وقالت:ابد ما في أي شئ صار ومشكور على الاكل الحلو.....
سلمان حس انه بيطير من الفرحه واخيرا نطقت خلود..اخيرا حبيبته تكلمت...
سلمان:الله لا يجيب الزعل بيننا ومد ايده لها ومسح عليها....
خلود لا شعوريا سحبت يدها وبعدين رجعتها ومسك عليها سلمان وقالها:احبك يا خلود...
خلود:وانا بعد.....
خلود اتجرأت يوم طلعت ويوم لبست نقاب ويوم طاوعتهم بهالشئ لدرجة انها نست الحرام وليلى وسلمان عشان سلمان يبيها وناوي يخطبها اجازوا لنفسهم كل شئ ونسوا ان سلمان ما زال اجنبي عن خلود.....
ليلى:اطلع برى واتركم على راحتكم....
خلود بسرعه:لا وشو؟؟
سلمان ترك يدها وقال:تضايقتي مني....
خلود:لا بس وشو تتركنا الحالنا....
سلمان:ما فيها شئ كلها بس الاختبارات وانا عند بيتكم.......
خلود:صحيح.....
سلمان:أي صحيحين...
خلود:بس ما زلنا غريبيين عن بعض.......
سلمان:نطلب آيسكريم......
خلود استوعبت الي صار لها..ياربي وش سويت..انا خلود العاقله اللي تخاف ربها اسوي هالشئ حتى ولو بيخطبوني...صحيح هي مستانسه وغرقت في حبه زياده بس ضميرها يأنبها غصبا عنها..
خلود:نرجع البيت احسن
ليلى:خلوووووووووود
خلود:ليلى ترانا مصخناها يالله سلمان خلنا نرجع قبل لا احد يجي البيت يبينا او شئ وانا برى..
سلمان حس بمقدار الخوف اللي فيه خلود وحس انه لو طولها يمكن تكرهه بالعكس مو تتعلق فيه..
سلمان:يالله....
ورجعوا البيت....خلود حاولت تستوعب اللي صار لها وشلون جرائتها كرهت نفسها عشان وناستها وحبها تسوي اشياء متهوره وحرام وقررت انها ترجع بيت عمها على طول....
ليلى:بلا سخافه انا ما صدقت انك تجين بعدين وش بيقول ابوك والله يظن مننا...
خلود:مننا منكم انا اقوله حسيت اني بعيده عن امي وما قدرت خلاص بارجع البيت ودقت على خالد........
ليلى:يعني مو زعلانه من هالخرجه....
خلود وهي تلم اغراضها وكتبها:عشان اكون معاكي صريحه هذا العشا لايمكن انساه بحياتي كلها بس تراي سويت شئ حرام وانا ندمانه.......
ليلى حست بالانتصار عشانها تاكدت من حب خلود:اهم شئ عندي انك حبيتي سلمان...
خلود:طيب انا من اول احبه وش الفرق......
ليلى:لا يا عمري غير يوم يصير بينكم كلام...واذا صار بس هدايا ورسايل.....
خلود:ما ادري بس انا لازم ارجع البيت.......
ورجعت خلود البيت واول ما دخلت اتفاجأت باللي حاصل بالبيت واهل البيت كلهم متفاجئين من اللي يصير............

[مسافات]

(الجزء الثالث عشر))

فتحت باب الصاله وقفت عنده لا دخلت ولا خرجت برى...ام خالد تصيح وام فيصل تمسكها وتمتم عليها بكلمات... عهود اللي كنت اظن انها قوية وما تهمها المشاعر اشوفها قدامي منهاره من الصياح بس ابوي مبتسم وخالد مبتسم...من ذا...
منصــــــــــــور في غيره....
تمنيت لو ادفن راسي داخل صدره من الشوق...ويـــــــــــــنــ� �ـــــــــــــــك منصور؟؟؟
منصور وينك عني..اشتقت لك واشتقت لسوالفك...ويــــــــــــــ� �نـــــــــــــــــــك؟؟ ؟؟ مو معقوله برااااااااااااااااءه وقدامنا مافيه الا العافيه......هاللحين التم شملنا... اللحين احس اني مرتاحه... عجزت افسر الضيق اللي انا فيه واللحين عرفت ان شخص واحد هو اللي غير حياتنا... فرد منا وعضو فقدناه وحسينا بالضيق والكتمه...واللحيــــــــــ� �ـــــــــــن....اللحين اقدر افرح واستانس...
ويــــــــــنـــــك ابي اشكي لك همي؟؟احس ان همومي ضايعه تدور قلبك الحنون؟؟
خلود تموت بمنصور وتقدر تشكي له عن أي شئ واكبر همها كان عهود ومعاملتها لها وما اتعدلت العلاقه اللي بينهم الا بعد ما انمسك منصــــــور..تبيه وتبي تقوله عن عهود شلون تغيرت معاها... عن كل شئ بالبيت...
انا ما استحقه ولا استحق لضمه لو بيضمني...لو يدري عني كان ما مسح على راسي ولا قال هذي خوختي
سلمت عليه وجه وتمنت لو ترتمي بحضنه من الشوق.....
منصور:وش فيك؟؟ما وحشتك...
خلود وهي تصيح:شلون ما(وتحاول تكتم صيحتها) شلون ما وحشتنا...والله لك فقده مهيب صاحيه...
منصور:وش فيكم كلكم اليوم مشغليين الماء...خلوه اذا مت..
ام خالد:بسم الله عليك وش فيك قمت تتفاول على نفسك....
منصور:يمه عشاني لا تصيحين...
ام خالد زادت صياح...وراح منصور لامه وحبها على راسها وايدها وام خالد تزيد صياح....
ابو خالد:تعبتوا الولد اقعدوا بدال هالوقفه...
ام خالد:أي والله يا منصور اكيد تعبان...
وتمسكه مع يده وتروح به للصاله الداخلية وتقعده....
ام خالد بحناااااان:انت بخير؟؟؟؟
منصور:هذا انا مابي الا العافيه....
ام خالد:اكيد ما في شئ يعورك؟؟والرصاص(وقامت تصيح) يمه يقولون ان جاك رصاص..
منصور:يمه والله لو اني مو بخير كان ما طلعوني....
عهود كل ما تناظر منصور تزييييييييييد صياح...ياربي منصور اثر لك غلا فوق الحدود.... وجت خلود عند عهود وصاروا يصيحون........
وخلود اللي تحس بروحها انها تحلم وماهي بعلم....آآآه يا منصور يمكن لو كان فيه كان ما خرجت مع سلمان بس هو بيخطبني وبيروح اللي انا خايفه منه.....
خالد:اللحين امي ولها حق بس انتو وش فيكم؟؟؟؟
عهود وخلود يزيدون صيااااااااااااااااااح....
منصور الغالي...منصور اكثر واحد ماخذين عليه وما توقعوا انه يخرج بهالسرعه وتوقعوا انه يطووول ولا يخرج بسرعه...وخالد حب يسوي لهم مفاجأة شفاء منصور وبرائته...
ابو خالد:عاد الذبيحه وجبت..
منصور بضحك:الله يقويكم...يالله اذبحوا......
خالد:لالالالا يا حبيبي الذبايح عليك.........
منصور:اللحين العشا عشاني وانا اللي اذبح.....
خالد:ول عليك يا قحطه(بخيل) خلاص احنا نذبح لك كم عندنا منصور...واحد وراعي سوابق..
ابو خالد:ههههههههههههههههههه... . خالد اترك الولد بحاله لا اللحين امك اللي بتقوم عليك...
خالد:لا عاد الا الوالده..........
منصور:ها يمه اخبارك؟؟واخبار البنات؟؟؟؟؟
ام خالد:حنا بخير دامك انت بخير......يا ولدي ليش ذي اللصقه على وجهك
ابو خالد+خالد:هههههههههههههههه هههههه
منصور:يمه صارت لي عمليه...والحمدلله قدامك ما بي الا العافيه.....
خالد:يمه اضربيه على اللصقه وشوفيه توجعه والا لا......
منصور:هيّن يا خالد....
ام خالد:بسم الله عليه ......
خالد:ابسسسط يا عم..اللحين عندك مية محامي ومن جميع الجنسيات....
منصور:لا تعطيني عين..اخبر عينك ما يسلم منها الواحد.....
خالد:طييييييب ترى باعديها لك عشان هالوجه الطيب(ويأشر على امه)
منصور:غصبا عنك...
ابو خالد:لا باقي بالنعول عشان تكمل الهوشه...
الكل:هههههههههههههههههههه� �
منصور:اخاف يجي النعال باحد منكم......
ابو خالد:لا صدق تحتسي..قابل امك بس
خالد:يضحك على منصور بطنازه
ابو خالد:وانت تعال ابيك بالملحق.....
منصور رد له نفس الحركه......
وراح خالد وابوه للملحق...................................... ....
عهود:الحمدلله على سلامتك....
منصور:ولو انها جت متأخره بس الله يسلمك...........
خلود:تو البيت نور...........
منصور:لالالالالالا ترى بادخل هواش مع عمي البيت منور باصحابه............
ام خالد:هم وش قالوا لك اخاف يجون مره ثانيه ويمسكونك.........
منصور:يا عمري يا يمه هم اصلا ما مسكوني...هالمخدرات رموا علي رصاص والشرطه ودتني للمستشفى وثبتوا اني مو منهم وخلاص خرجت........
ام خالد:الله يلعنهم ما شفنا منهم الا البلاوي.....
منصور:لا تلعنينهم يمه...ادعي لهم بالهداية...........
عهود جت بتكمل دعا عليهم بس سكتت وخلود ساكته مهيب مصدقه اللي قدامها هو علم والا حلم...
ام خالد:طيب الرصاص وينها؟؟؟
منصور يبتسم ويعرف انها امه من خوفها ولا يمكن تتطمن من سؤال واحد:جت بساقي وطلعوها..
ام خالد:طيب ليش هالخياط اللي براسك.......
منصور:لانهم ضربوني بالسلاح مدري حديده من هنا(وياشر لامه مكان اللصقه)...
ام خالد:وعساك طبت منها
منصور:أي يمه الحمدلله بس لصقه حاطينها زينه..واذا تبيني اشيلها ترى اشيلها...
ام خالد بسرعه:لالالا يمه وشو تشيلها...اكيد حاطينها عشانها توجعك......
وقعدت ام خالد مع منصور تسولف عليه ويسولف عليها وكل شوي تسأله عن حالته لانها خايفه عليه مره ولانها شافته وهو مغمى عليه وما تحملت تشوفه بهالوضع... وما ارتاحت من سؤال واحد عشان يطمنها.........
خلود وعهود تركوا الصياح وصاروا يشاركون منصور بالسوالف ولو ان الطابع الحزين هو غالب الجلسه......
>>فوق بغرفة جوري...حالتها حاله واوضاعها منقلبه فوق تحت من عرفت ان منصور جا... تحس بخوف يندمج معاه فرح...وشئ مستقبلي مخيف ما تدري هي وسوسه والا من شدة الفرح... آخر شئ توقعته ان منصور يخرج بهالوقت والكل كان مستغرب لان خالد ما بلغهم عن حالته اول بأول لانه يبيها مفاجاة وفعلا كانت اكبر مفاجأة للكل..............
غاده جت من الصاله اللي فوق:اللللللللللللللللله بعض الناس رايحيين فيها
جوري:تكفين مالي خلق مزحك........
غاده:لا حياتي انسي اني اتركك..... الا اليوم اصلا اليوم تااااااااااااااااريخي...
جوري:واللي يرحم والدينك فكيني.........
غاده:لا الحاله مستعصيه تبين طبيب.......
جوري:غاده حرام عليك(ولفت الجهه الثانيه)
جت غاده ولفتها قوه على وجهها وانصدمت من جوري يوم شافت عينها تدمع......
جوري انقهرت من نفسها ومسحت دموعها بسرعه.....
غاده:يا قلبي جوري وش فيك؟؟المفروض اكثر وحده تكونيين مستانسه......
جوري:ما ادري يا غاده خايفه مررررررررره خايفه.......
غاده:خايفه من وشو؟؟؟لاتقولين خطبه ومدري شو؟؟؟؟؟؟
جوري:ليش في شئ اكبر منه!!!!!
غاده:تصدقين اكتشفت انك غبيه.....
جوري:غبيه والا ذكيه ما تفرق معاي.......
غاده:لا من جدك تتكلمين...........
جوري:ياربي وش فيك يا غاده.............
غاده:اقول اتركي عنك خرابيط المسلسلات وتعالي شوفيه والله يا هو حلو مدري انا ويني عنه..
وسحبت غاده جوري وراحت للصاله اللي فوق وخلتها تناظر مع بداية الدرج عشان تشوف منصور.. جوري مسحت الدموع اللي مسببت لها غشاوه قدام عيونها وما تشوف منها.... وتناظر هذا منصور...هذا الي عمري ما فكرت فيه واعتبرته اخ...اللحين بيكون زوجي وخلاص اسبوعيين واكيد عقب الاختبارات بتصير الملكه........بسرعه دخلت الغرفه وانسدحت على سريرها....
غاد بعد ما كملت قز وفصفصه بمنصور رجعت لجوري...........
غاده:جوري بتنامين.......
جوري كانت متلحفه باللحاف ومغطيه كل جسمها:أي بانام......
مسكت اللحاف وشالته عن وجهها ولقت الوجه احمر والخشم طماطم:وش ذا يا بنت احمر خدود طبيعي....
جوري:اقول وش رايك تنقلعيين عني.....
غاده:بس باعرف ليش كل هالخوف..موب انتي قلتي انك موافقه......
جوري:وش صار يوم قلت موافقه...ما امدني استوعب اللي قلته الا طلع بالمستشفى ورصاص وقلبت حياتهم نكد...اجل لو موافقه من جد وش صار...هذي البداية ويا خوفي من اللي بعده...
غاده:/اعوووووذ بالله يهالموسوسه...جوري ترى كل شئ مقدر ومكتوب وهذا الشئ بيصير لمنصور ان وافقتي والا ما وافقتي.......
جوري:بس انا بدايتي نحس مع منصور........
غاده:حرام عليك تقولين هالكلام وبعدين بالله عليكي بس هالسبب اللي مسبب لك هالازمه...لو انا متقدم لي كان وافقت وعلى طول..جوري والله ما ينرد..والللللللللللله ما ينرد.....
جوري:وهذا اللي مجنني بادور أي شئ عشان ارفضه بس ما لقيت....
غاده:منتب صاحيه....جوري هالانسان شااااااااااااريك تعرفين وش كلمة شاريك....
جوري:بس سلطان....
غاده:لا تقوليين احبه...تراك مهبوله ان قلتيها...اللحين باعرف وش الشئ الوحيد اللي فيه وعاجبك... التزام وعلى العين والراس بس والله منصور بيموت لو ما اخذكي...والله عهود قالت لي انه شاااااااااااريك ويبـــييييييييييييييييييك ...ويتمنى انه لو ما صرتي من نصيبه يرزقه بوحده مثل جوري....سمعتي وحده مثل جوري....هو يقوله وعهود قالت لي.......
جوري سكتت وحاولت تستوعب اللي تقوله غاده...منصور شاريني ويبيني واذا ما صار نصيب يبي وحده مثلي......ياااااااااااااربي ما اتحمل انا.......
غاده:سلطان ما سأل عنك ولا اتصل ولا عمره تكلم عنك ولا لولو ما الظاهر جابت لك طاري انه يفكر فيكِ...الرجال ما حب ان الزواج يتم بالغصب بس عشان دين....اي والنعم فيه بس الزواج ما صار غصب وابوك دفع الدين..لو انه يبيك كان تقدم لك بس هو سكت ولا اتكلم.....
جوري بدت تتاثر بغاده لانها محتاره وما تعرف لاي كفه تميل والظاهر من كلام غاده انها بتميل كفة منصور...جوري:ما ادري بس انا عمري ما حطيت ببالي الا سلطان...احسه لي وانا له.....
غاده:الله ياللي لي وله...طيب انا حبيت ولد عمي وتمنيت انه لي وانا له وكان الرجل المثالي بس سفهني ولا ناظر بخشتي يوم جا يتزوج وراح اخذ له وحده مدري من وين.......
جوري بدت تفكر بجديه ليش انا اتعب ورى انسان ماني متاكده يبيني والا لا...وقدامي شخص يبيني وشاريني...بدت كلمة غاده(شاريني) ترن براسها لين دخلت بقوه:تدرين ليش افكر بهالموضوع وانا الاسبوع الجاي عندي امتحانات وثانويه عامه.....
غاده:يا عمري لا تفكرين الا بمنصور...شوفي وش حلاته رازن وجهه بالصاله ويناظر يمين وشمال شكله وده يشوفك....الله يا ناس...وحده متسدح عندها واحد يبيها وهي مسويه روحها ما تعرف وتكابر...ووحده محد معطيها فيس بالدنيا......
جوري:رجعنا للفيس قولي وجه لاتسمعك امي والا امك وتسوي لنا سالفه...
غاده:أي كذا رووووووووقي ولاتخلي ولا يوم يفوتك الا وانتي تشوفينه ترااااااه حبيب وشوفي شلون اهله معاه وشلون يعامل اهله...ترى ان انخطبتي بتصيرين عميه وماراح تشوفين ولا شئ... مدري وش سالفتهم المخاطيب يصيرون عمي اذا جا الصدق.....
جوري:الله يقطع سوالفك منتب صاحيه.......
جوري دخلت براسها كل كلمه تقولها غاده ولو انها متخوفه من هالشئ بس اذا جا عليها تفكير مشوش ولاتعرف لاي قرار تستسلم عند أي نقطه تواجهها...واللحين اول نقطه هي غاده حببتها بمنصور...وبدت تفكر فيه جديا.....وبدت تزيح عنها أي فكره عن سلطان لانه فعلا ما سوى ولا شئ يثبت ان يحمل لها أي مشاعر بقلبه........
غاده:بعدين يا قلبي باقولك شئ بما اني باروح بيتنا...
جوري بزعل:بتروحين بيتكم...
غاده:أي عندي اختبارات والله ان قعدت هنا باقعد انا وعهود ونقلبها سوالف ولا نعرف كتبنا...
جوري:يوووو قهرررر
غاده:لا بتقولين يالنشبه...لاني باخلص من هنا اختبارات وباجي عندكم...صراحه مره مستانسه..
جوري:اوكي...الله يالنشبه...
غاده:عيب عليك حتى من غرفتك ما طلعت...قوليها اذا طلعت برى بيتكم...
جوري:لا انا ما اقول الا بالوجه...مو من قفاك...
غاده:الزبده..تراني عجوز واذا ما قلت لك اللي بنفسي انسى وبتقعد بقلبي ليش ما قلت لك...
جوري:من جد عجوز...
غاده:طيب...شوفي خوذيها مني..لا تتعلقين باحد وش ما كان...يعني سلطان ويمكن ظروفه كانت قويه يعني خمس سنيين وانتي تحسبين انكم مخطوبيين..ويالله الحمدلله ان لقائاتكم قليله والا كان رحتي فيها...وهذا هو منصور هو يبيكي...يعني احمدي ربك..ولا تتعلقين باحد لان لو صارت الخطبه لو صار أي شئ..وش دراكي يمكن يصير اللي اكبر منه وهو الموت....
جوري:يمممممه تخوفين....
غاده:ولا اخوفك ولا شئ الموت حق...وصراحه انا بعد ما حبيت ولد عمي وتزوج...تصدقين حمدت ربي..لاني احس اني تافهه يعني مشاعري ارميها على واحد ما ادري عنه...حتى لو ادري عنه المفروض ما ارسم شئ واحلم واخطط على اشياء ماهي متوقعه... وبعدين المفروض الواحد ما يتعلق باي شخص مهما كان...حتى الاب والام... الحب الحقيقي لله وللرسول وغيره ما نسميه حب حقيقي.....ومشاعرنا واحاسيسنا مهيب رخيصه نعطيها أي انسان...نعطيها اللي يستحقها... احنا بنااااااااات يعني اهم شئ بحياتنا هي المشاعر...وخوذيها مني يا جوري محد بياخذ غير اللي كاتبه له الله وكل شئ مقدر ومكتوب....
جوري تسمع بانصات..بعقل..بكل حواسها....تمنت لو سمعت هالشئ قبل لا تحب سلطان وتتعلق فيه... بس قدامها الفرصه انها تنساه...ومثل ما قالت غاده الحب الحقيقي لله وللرسول... وموب أي انسان يستحق حبنا...وينك يا غاده عني من زمان...وينك تفهميني معنى الحب... وينك تنصحيني هالنصايح القيمه الكبيره اللي باعتبرها سلاحي وعدتي بطريقي.....
جوري بدت تبعد عنها أي شئ يذكرها بسلطان..صحيح جتها فتره وكرهت ابوها لانها تظن انه متكبر على خواله..لانها كانت تعشق شئ اسمه سلطان واي شئ يضر بسلطان او اهله بتكره هالشئ بسببه.. كنت مغفله يوم فكرت ان ابوي ما يفكر فينا..ابوي يبي مصلحتي وحياة سعيدة لي وانا افسرها بأي تفسير..
بس سلطان شئ صعب اتخلص منه...اتمنى ابعد عنه نهائيا...ولا افكر فيه ولا يجي ببالي... وكل تفكيري يصير لمنصور...منصور وبس... اتمنى ان قلبي يسمح بدخول منصور وخروج سلطان...
تحاول جوري تبعد عنها كل تصرف من سلطان كانت تظن انه يحبها او ان هالتصرف بس عشان جوري...لازم افكر بعقل..ليش كنت افكر أي تصرف يصدر منه بدافع الحب...ليش كنت اظن ان أي كلمه منه تقصدني انا...بس هو...مدري...يارب يسر لي الخير......
********************************
ام رغد:طيب انت متأكد....
سلطان:اقولك انا سمعت لولو وتأكدت منها.....
ام رغد:طيب انا بعد سألت لولو تقول انها موب رسميه.......
سلطان:شلون موب رسميه...خلاص اذا صارت الخطبه وانتتشرت اكيد وافقوا......
ام رغد:طيب واذا وافقو.....
سلطان:تحسبينها بسيطه...انا يوم فصخت الخطوبه فصختها وانا قلبي يتقطع على بنت خالتي...كنت ابي اثبت لها انها مهيب مغصوبه لاني ابيها توافق باقتناع مو بالغصب او سالفه قديمه بين ابوي وابوها....ابيها تقول هذا اللي بيه بين الناس......وربي هداني وحلفت اني ما اتقدم لها الا وانا خاتم المصحف...والحمدلله ختمت القرآن ولقيت لي وظيفه وكلها سنه واشتغل مع ابوي.....
ام رغد:لا تصيحني يا سلطان.......
سلطان:وشو اصيحك؟؟ابيك تتأكدين..صحيح الكلام واذا مهوب صحيح تقولين لها اني ابيها...
ام رغد:ما ادري يا سلطان بس احسها صعبه..افرض لو صارت خطبه لازم ما اكلمها وهي متكلم عليها احد.......
سلطان:وانا...انا وش اسوي لو راحت عليّ...حلمي اللي كبر معاي افقده بلحظه.....
ام رغد:انت بعد الله يهداك ما تكلمت والا كان كلمتها.....
سلطان:وشو تكلمينها...انا متأكد انها تبيني
ام رغد:وش اللي يأكد لك انها تبيك؟؟؟؟!!!!!
سلطان ارتبش... بس متأكد مية بالمية انها تفكر فيه..تصرفاتها..سوالفها مع لولو...مع امه..واااااضح ان فيه بينهم انسجام..وقال:فيصل يعني مين؟؟؟
ام رغد:ودام فيصل يعرف وقالك ليش...ما اعترض على هالخطبه....
سلطان:ما ادري بس قبل ما التزم كان عادي الوضع واعرف عنها بس بعد ما التزمت حسيت اني عيب عليّ اعرف عنها كل شئ وادور اخبارها وما ادري حاس ان هالشئ عجبها وكاننا متفقيين بس ما امداني سنه الا وتروح......
ام رغد:انت استهدي بالله وانا ما بيدي شئ اذا في خطوبه مستحيل اكلمها.......
سلطان:ام رغد تعرفين اني ما استحيل اقول هالكلام لاحد انتي اختي الكبيره وتفهمين عليّ وابيك تساعديني......
ام رغد:اذا صدق تبيها ادعي بالليل....سهام الليل ما تخطئ.........
سلطان:ان شاء الله..بس انتي بعد تاكدي من هالكلام..........
سلطان حس بالدنيا تضيق عليه وانه خسر اكبر حلم بحياته....وحاول يكتمها بنفسه بس ما قدر ولان ام رغد مستودع اسراره على طول قالها هالخبر اللي بيذبح سلطان.......
**************************
لمياء:عيوش لي اربع ايام ما اشوف فراس وينه؟؟؟
عيوش بربكه:مدري يمكن اجراءات الوفاة تعرفين مافيه الاهو وانتي واكيد هو يروح معاهم....
لمياء:والاجراءات تمنعني من فراس...تكفين ابي اشوفه اسلم عليه...اشوف يمكن ما اكل زين.. والا متأثر بوفاة ابوي(وصارت تصيح)
عيوش:بس لميوه والله ما يصير ما صدقت انك سكتي.....
لمياء:وشلون تبيني اسكت وانا هدمت مستقبلي وروحي بنفسي بسبب هالغباء اللي متجمع بعقلي... والا وفاة ابوي تحسبينها سهله..والله يعيش تعبان وانا اخدمه ولا يموت ويتركنا....
عيوش:لميوه حرام عليك هذا يومه اللي مات فيه.......
لمياء:آآآآآآآآآه ما ادري وش الايام الجايه بتجيب لنا من المصايب......
عيوش:ياااااااربي منك لميوه ما يصير والله اللي تسوينه ما يصير........
لمياء:عيوش وش رايك تذلفين برى...
عيوش:انا!!!!!!!
لمياء:ايه
عيوش مراعاة لنفستها وظروفها الصعبه ما تبي ترفع صوتها وتتهاوش معها:طيب.. وخرجت.. لمياء كل ما تتذكر ان عيوش بنت عمها يعني لها علاقه مع عمها واخوها عادل تنفجر قدامها وتحس ان عيوش متفقه معهم..فقدت أي ثقه باي انسان...ولا صارت تصدق أي احد..وتحس ان المشاعر الرقيقه والرائعه انعدمت وما فيه أي انسان عنده رحمه...
لمياء حست انها بتموت من الضيق اللي فيها...ضاقت عليها الدنيا وحست بروحها ضعيفه ما عندها لاسند ولا ظهر قوي...واخوها فرحة عمرها بدت تحس بتلاشيه من حياتها.... واكيد السبب عمها ومرته وعادل.....آآآآآآآآآآآآآآآه يا عادل ليت زالزال يشيلك من عندي...انت سبب كل البلاوي... وينك يا خالد؟؟وينك تصبرني بكم كلمه وتحترم ابوي ولا تجيب له طاري الا بالخير....ليش الغريب ازين من القريب ليـــــــــــــش؟؟؟؟؟
وينك يا يمه؟؟؟وينك ليش تركتني؟؟وينك لاضاقت بي الدنيا ارتميت بحضنك الدافي؟؟؟وينك اشكي لك همي وانا متأكده انك تحبيني وتتمنين لي الخير؟؟وتدعين ربي يفك همي؟؟وين الاقي احساس مثل احساسك؟؟وين الاقي قلب دافي وحنون صاادق بكل شئ؟؟مافي احد مثلك؟؟؟ويــــــــــــنـــ ـــــك؟
وينك تواسيني لا تخلوا الناس عني؟؟وينك تمسحين على شعري وتصبريني؟؟وينك ما اشم ريحة عطرك؟؟يمه بديت افقد بقوه ريحتك..ريحتك من بعيد تبعد عني كل شئ مخيف..اشم ريحتك احس بدفا وقرب..حتى لو ما عرفتي وش فيني..يكفي قربك..يكفي ريحتك عندي....وينـــــــــــــك؟؟ ؟
وانت لؤي ما تذكر يوم تقول انك اذ عقلت تبي تتوظف ازين وظيفه....لا عقلت ولا بقيت لنا..مت ورحت عنا ولا بقى لي احد......وينك اللي كانت كل آمالي وطموحاتي بك؟؟
آآآآآآآآآآه يا يبه...يبه اشتقت لصوتك الحنون...اشتقت للمسكة يدك البارده...وينك تقولي ادعي ربك تراه ما يضيع احد...ويــــــــــــــنك تخفف عني؟؟؟؟؟وين ظلك باخر الليل يحسسني بامان؟؟ وينــــــــــــــــــــــ ــــــــكم؟؟؟؟؟
ارتمت على فراشها على الارض وما عندها الا مخدتها الا تعرف عنها كل شئ وقلبت مخدتها من كثر ما بكت وتبللت هالمخده...وراحت لعالمها القديم...لدنيتها وماضيها السعيد اللي بسنه ضاااااع كل شئ واندفنت هالسعاده وبتواجه الدنيا بوجه ثاني...بانسان ثاني.. لافي ابو يدلعها ويمنع احد يتدخل فيها او يجرحها..ولا اخو سند تعتمد عليه بامورها...ولا وظيفه تقدر تشغلها عن هالحياة ولا راتب يسد حاجتها....ولا خوي يخفف عنها هالمصايب اللي تتحذف عليها من كل صوب....ولا ام تصبرها على قسوة الدنيا.....
ضمت المخده بين يدينها وتخيلت لو انه فراس تضمه وتمنعه من أي شر يجيه بس وينه فراس؟؟ وين املها الوحيد..بيحرموني منه..آآآآآآآآآآآآه يا زمن...
وين طموحي راح؟؟وين تفكيري البعيد؟؟وين فلسفتي وتعلمي؟؟وين اهلي؟؟ وين انا؟؟ وين مصيري بيصير؟؟؟....
آآآآآآآآآه وين راحت زاعتي اللي كنت ازرعها ببنات المتوسط...وين تعليمي لهم...وين راحوا؟؟ وين الامل المفقود اللي كنت احببه فيهم؟؟؟وين البنات؟؟ وصلوا للي يبيونه... انتج ثماره هالامل والا اندفن مثل ما اندفن عندي...
آآآآآآآآآه خرجت منها بعد ما تذكرت الطالبه اللي كان آخر همها بالدنيا اللعب.... وينك تشوفيني وانتي تقولين لي؟؟ابلة لمياء انتي لو منك اثنيين كان انا الثانيه...ابلة لمياء علمتيني اشياء كثيره ما كنت اعرفها..حببتي الامل وزرعتيه بداخلي... خليتيني اعيش على شئ يستاهل..ويني انا عنك... ابلة لمياء باذن الله باحقق طموحاتي وباخلي طريقي كله امل واخلي ورودي الحب واعيش بالحياة وانا راضية....
وينك لو تشوفيني وانا طريقي كله خيانه..كله وغد...كله حقد...انمحى الامل وحتى رماده ضاع مع الرياح....وانمسحت آثار الود من طريقي...
وينك ابيك تعيدين عليّ كلامي يمكن افهمه منك..يمكن اتذكره...يمكن ارجع واروح طريق ثاني.. والا اتعدى هالجسور والاقي طريقي اللي كنت ارسمه.....
وينكم؟؟ويني انا؟؟وين دنيتي؟؟وين امي؟؟وين ابوي؟؟وين املي المفقود؟؟؟؟
وضمت المخده لها بقوه وغرقت بانهار من الدموع...
******************
محمد:تكفى يا نواف آخر شهر بحياتي....
نواف:بس انت ادرى بالموضوع......
محمد:اوكي انا ادرى...ممكن تكلمها تقنعها...شهر واحد بس آخر فرصه لنا اننا مع بعض....
نواف:والله انك غريب...
محمد:انت صديقي واعرف بطبعي......
نواف:اوكيه انا باكلمها...وابقنعها واذا ما اقتنعت الدور عليك.........
محمد:اوكي.....
نواف:يالله تامر بشئ........
محمد:ابد سلامتك........
نواف:الله يسلمك.............
تقلب محمد على سريره وهو يفكر بالشهر اللي بيكون اخر عهده بنهى.... آآآآآآآه يا نهى لو تدرين وش كثر احبك...انا احبها واموت فيها...شلون ما انتبهت لها....شلون ما حسيت بها.... انا اخذتها وانا ادري ان تعبانه بس هالكثر...الله يشفيكي يا نهى وترجعين لي...
لولو:هاي ماي برذر كابيتل(مرحبا اخوي الكبير)
محمد:الله من زين الانقليزي...وش تبين؟؟؟
دخلت لولو الغرفه:لا يا خوي مهيب عوايدك وش فيك من غير نفس تكلمني!!!!
محمد:الله يالنشبه
لولو:شفت قلت لك منتب طبيعي.........
محمد:انجزي وش تبين؟؟
لولو:بس من دون زعل والا تهاوشني مثل سلطان.......
محمد:وش فيه بعد سلطان؟؟؟؟؟؟
لولو:ما عليك من اخوك المخرف وخلنا بسالفتنا
محمد:خير وش فيك؟؟؟
لولو:طلبتك ياخوي قل تم.....
محمد:لا دام فيها تم وقبايل...الموضوع كبير
لولو بحماس مبالغ:كبير وبس...اووووووب لو تعرف وشو بس انت قول تم.....
محمد تحمس مع لولو:تم...
لولو:كلام رجال...
محمد مسك شاحن الجوال اللي بجمبه ورماه عليها:بلا قلة حيا رجال طول بعرض وتقولين كلام رجال....
لولو:آآآآي والله امزح...بعدين انا اقلد الملسل البدوي......
محمد:انجزي عليّ وش تبين؟؟؟
لولو:بما انك قلت تم...(وناظرته بعين الخايف) وانت رجال...ابيك توديني المطعم...
محمد مسك جواله ورماه عليها:يالبقره رجال غصبا عنك...
لولو:والله آسفه انت كل الرجال بس تكفى ابي اروح المطعم........
محمد:والله انك فاضيه وما عندك شغل......
لولو:افا يا الرجال وين اللي...
وما امداها تكمل كلامها الا محمد قام بيضربها..........
لولو صرخت وخرجت برى الغرفه وراحت للصاله........
لولو بصوت عالي:يا ناااااااااااس ابي المطعم.........
لولو:يا ناس ما تفهمووووووووووووووووووووو ون
لولو:ليش محد معطيني وجه........
ابي المطعااااااااااااام
ام محمد:بلا قلة حيا فضحتينا عند الجيران صوتك عالي........
لولو:طيب ودوني المطعم........
ام محمد:وش فيه اكل البيت......
لولو:وع وماصخ وموب حلو.......
ام محمد:اقول احمدي ربك على النعمه...وما الماصخ الا انتي.......
لولو:يمه والله اكلك يهبل بس انا مشتهيه المطعم.......
ام محمد:والله انك فاضيه لو تنظفين غرفتك تراه ازين.......
لولو:يمممممه بس غرفتك وغرفتك من زينها ما ابيها خلاص ابنام بالصاله وكتبي تحت الكنب عشان ما تبلشكم غرفة لولو...
ام محمد سفهت لولو لانها تعرف ان جتها هالحالة ما ينفعها الا التطنيش....
لولو قعدت بالصالة وفتحت التلفزيون......
كان تقرير عن مباريات الهلال وعن تشكيل الفريق لانه بيدخل الدوري النصف النهائي وبيتبارى مع الشباب....انتهى تقرير الشباب وبدى تقرير الهلال.......
لولو رفعت صوت التلفزيون على اخر شئ وكانت اغاني الهلال مع انها ما تسمع اغاني مره ولا ترفع الصوت بس هالمره ابليس راكبها....
لولو:الله يقلعكم يالهلال ما خرجنا مطعم ولا رحنا وجينا بسببك....
عبود:لالالالالالا مو معقوله لولو عاشق الهلال تسبه لالالالالالالا اكيد صاير شئ بالدنيا..
لولو:ضف وجهك لا اعطيتك ركبه....
عبود:انا باعرف انتي شلون جيتي بنت...هلال وركبه ومضاربات.....
لولو:هي هي هييييي تعرف تنكت......
عبود.:عسى المانع خير وش فيك يا وخيتي.......
لولو:عادي تصرق سيارة ابوي..
عبود فاتح فمه:هــا!!!!!!
لولو:يعني تعرف.........
عبود:اقول اخوياي يبوني برى بنلعب كوره.....
وفرك عبود برى لا اخته اليوم مهيب صاحيه..........
محمد يفكر بنهى ويتمنى الموافقه من نهى عشان يصير اخر شهر بحياتهم واحلى شئ بحياتهم بدل هالثلاثه الشهور اللي راحت عليهم لا استانسوا ولا شئ.......
وسلطان مرتفع ضغطه على الاخر من سالفة جوري واخر شئ كان يتوقعه ان جوري تروح منه بهالسهوله........
وام رغد ما عندها أي مانع تودي لولو مع زوجها بس ابو لولو ما يرضى مشاوير عاديه وبالموت يرضى شلون مطعم..........
وام محمد ابتلشت مع لولو ما تعرف شلون تكلمها...ابلشتها بهالكوره والنت ومنتدى الزعيم الا ما تسولف الا عنه...لا تذاكر ولا تهتم بالبيت ولا المطبخ....
وعبود دوم يتناقر معها بس تجيها حالات ما يقدر عليها والحل الافضل له انه يفرك ويروح عنها.....
وابو محمد مهوب فاضي لحركاتها ودلعها........
لولو:يااااااااااربي...حتى شيماء خارجه برى وش هالمللللللللللللللل
سلطان:اقول لولو تعالي بسرعه....
لولو من الملل قامت له والا العاده بعد عشر دقايق تجيه ويقاله بدري:نعم
سلطان:اكوي هالبنطلون........
لولو:بس تبي هالبنطلون...ابشر كم عندي سلطان واحد زي العسل على قلبي... ما تبي شئ اخوي العزيز؟؟يمكن ناقصك شئ والا شئ...تأكد ترانا بالخدمه...
سلطان حاس ان السالفه فيها شئ والا مو معقوله لولو اللي قدامه لانه يعرفها انها ترمي البنطلون على الخدامه وتمشي..........
سلطان:عسى ما شر.......
لولو:الشر ما يجيك ولا يجي جمبك...اسم الله عليك تف تف من الحسّاد....
سلطان:لالالا صدقيني لولو منتب طبيعيه.....
لولو:كلك ذوق يا خوي...انا صناعي طبيعي على راحتكم يا اخواني الرجال....
سلطان حس بشئ كبير بعد الرجال:لولو فيكي شئ؟؟؟
لولو مشت عنه وراحت للشغاله ورمت عليها البنطلون:يقول سلطان انتي ليش ما تغسلين الملابس اول باول وتكوينها ...مره ثانيه ما نعطيك الراتب......
لاتي:والله هو مافي جيب ملابس وفي قول مافي تدخل قرفه هو..انا ايس اسوي....
لولو:ضفي وجهك وانقلعي...وش دراني عنك ديوان المظالم قدامك....
وراحت عنها والشغاله مسيكينه تحسب ان لولو عندها سالفه...........
لولو طقت وملللللللللللت على الاخر وودها تنفجر من الطفش اللي هي فيه...صديقاتها طالعيين قبل لا تبدى الاختبارات عشان تنفتح نفوسهم للمذاكره وهي قاعده بالبيت ولا احد معبرها.....
ما في الا جوري........
*************************************
سلمان:متأكده يا ليلى....
ليلى:هي قالت لي بصراحه هذا عشاما راح انساه....
سلمان:يا عمري عليها....
ليلى:ابسألك سؤال صريح؟؟؟؟
سلمان:وش عندك؟؟؟؟
ليلى:انت تحب خلود لدرجة الجنون.....
سلمان:اكثر...اكثر من كذا..ما اتخيل حياتي بدونها...مدري يمكن لانها حلوه..وتستحي مره وانا فاقد هالشيئين ببنات عمي...ادب وخلق وجمال...ورومانسيه....
ليلى:بس غالب البنات فيهم هالاشياء......
سلمان:ابدا...مستحيـــــــــ ـل...
ليلى:وليش تقولها بثقه...منت عايش وسط البنات.......
سلمان:بس عايش حول عيال كل واحد يكلم ويفرغون كل شحناتهم العاطفيه بهالبنات والبنات كل وحده اخس من الثانيه...وانا تركت هالاشياء عشانها لاني ابيها وابي هالرومانسيه على ارض الواقع موب العب على بنات الناس...وبيني وبينك لانها بنت متربيه ومن عائلة محافظة يعني مضمونه من أي شائب......
ليلى:وااااااااو يالعيال...يعني الواحد يلعب مثل ما يبي بس لا جا يتزوج ما يبي الا بنت من عائلة محافظة......
سلمان:اكيد...ومجنون اللي يفكر غير كذا......
ليلى:اجل ضاع سوقنا......
سلمان:اذا خرجاتك مع اخوانك تعتبريين من العوائل المحافظة....
ليلى:اشوى يعني في امل....
سلمان:امل والا خلود......
ليلى:كلن على هم سرى..........
سلمان:اقول ليلى في عطر ياخذ العقل...تجين معاي نشوفه واذا حلو باخذه.....
ليلى:لخلود طبعا......
سلمان:اكيــــــــد.....
ليلى:آآآآخ ياربي متى يجي اللي يدلعني........
سلمان:قومي ذاكري بس..........
ليلى:ايه هيّن..........
وراحت ليلى من عند سلمان للتلفون وتقول لخلود التفاصيل الممله....وخلود ميييييييته من الوناسه والفرح على ان داخلها تلوم روحها بس سلمان سحرها وعماها عن كل مخلوق ثاني.....
وخلود قالت لها عن منصور انه جا والاخبار بالتفصيل عند ليلى اللي على طول راحت تقول لحنان عن كل شئ....وحنان ما تزيد الا قهر وحسره بقلبها......
******************
جوري:اوكي انا انزل لك عند الباب.......
لولو:أي يا قلبي اخاف عمك يصير موجود.......
جوري:ما اسمع وش تقوليين...غاده قالبه الدنيا اللحين انزل لك.....
غاده:يالله بسرعه وين العطر اللي قلت باخذه معاي......
جوري:يوه...والله نسيت...تلاقينه بالعلبة اللي فوق بالمستودع......
غاده:والله انك فسقانه اللحين هالعطر تحطينه بالمستودع.....
جوري:مالت عليك اللحين شايلته لك عشان ما انساه بانزله مع الاغراض...... (وطلعت برى الغرفه وبسرعه نادتها غاده)
غاده:جوووووووووري.....
جوري رجعت ركض:نعم......
غاده:أي علبة.....
جوري:الوردي(وجت بتروح)
غادة:وين بتروحين؟؟؟
جوري:باشوف لولو بتجي...ومستحيه من عمي......
غاده:اوكي.......
ونزلت جوري بسرعه...لانها تعرف ان ابوها وعمها بيسلمون ولولو بتوريها لو قابلتهم... وفيصل ما يقصر بالطنازه.....
اول ما نزلت قابلت منصور عند باب الغرفة اللي امه تنام فيها هو بيخرج واستحت لازم تسلم عليه..
جوري ما تقدر تتعداه وتسوي روحها ما شافته لانه بوجهها...وهو وقف شكله ينتظرها تجي وتسلم..
جوري بخوف وقلق:الحمدلله على السلامه......
منصور:الله يسلمك....
جوري ضاعت كل كلمه ونست كل الحروف...ماتعرف هي تقول كيف الحال؟؟والا شلونك؟؟؟ والا اخبارك؟؟والا انت بخير....ضاع كل شئ منها لانها بحالة رعب موب طبيعي.......
منصور:اخبار الاستعداد...ان شاء الله مستعده للاختبار...
جوري:أي زين...لا ...قصدي الله يسهلها علينا......
منصور حس بالاحراج:الله يوفقك عاد انتي ثالث نبي نسبه زينه محترمه....
جوري:ايه ان شاء الله....
ودخل الغرفة منصور على انه خرج منها...بس عشان يخليها تمشي.....
اما جوري جمدت رجلينها من كثر الخوف ويوم راح منصور كأن احد صب عليها ماء بارد.... ومشت بسرعه لبرى......ومن الربكه ما انتبهت لصوت لولو مع بنات عمها بالمجلس وخرجت للحوش...
جت بسرعه للشخص اللي تظن انه فيصل ونغزته بين جنوبه:ابعد عن الطريق ترى؟!؟!؟!
انصدمت يوم سلطان لف عليها وواضح انه متضايق من هالنغزه واشوى ما صرخ والا مسك ايدينها ودفها بقوة لانه دوم يسويه بالعيال لانهم يدرون انه يكره هالشئ...
تفاجأ بعد فيصل من جوري وانه واقفه قدامه بس هو ينتظر فيصل وبسرعه لف وجهه وقال:انا انتظر فيصل..وباطلع برى البيت لاتركضين وتوجعك رجلك....
وخرج سلطان هو بمشاعر متضاربه..ياربي هي ابيها..جوري ما غيرها...شلون تضيع بين يديني بهالسهوله...هي حلم الطفولة اللي كبر معاي.....
اما جوري بعااااااالم ثااااااااااني...ياربي كل ما حاولت ابعد عنه يقترب زياده...وليش وقفت ما مشيت وبعد انغزه...ياربي وش هالغباء اللي بي...شلون ما فرقت بين سلطان وفيصل...بس هو اول مره اشوفه ببنطلون....ولا بعد عرف ان رجلي انكسرت المره الماضيه....
سلطان فيه شئ يجذب لي والا ليش كل ما حاولت ابعد يقترب زياده....ياربي فكني من هالحيره....
والتفت يمين وشمال ما شافت أي احد وتطمنت ان محد شافهم او لاحظهم ودخلت البيت وهي شايله هموم الدنيا فوق راسها.....
ودخلت لقت لولو طالعه منةالمجلس هي وخلود.....
جوري:ما شاء الله انتي داخل.....
لولو:قلت لك تراني بادخل ودخلت البيت على طول...انتي اللي ليش ما جيتي بسرعه....
جوري:ما سمعتك من رجة غاده جمبي...وطلعت برى وما لقيتك فيه.....
لولو:لايكون شفتي سلطان اخبره ينتظر فيصل...
جوري بخاطرها..شفته وكلمني وكأنه يقول الحمدلله على السلامه...وانتبهي على روحك لاتطيحيين...
لولو:ياهو وين الناس....
جوري بحزن:موجوده...(وتبي تغير الموضوع)..وش رايكم لو نغير اليوم ونشتري لنا خرابيط من البقالة ونطلع بالسطوح......
خلود:اللللللله من زمان عن طلعات السطوح.....
لولو:اشوى في احد قروي مثلي.....
عهود:ما شاء الله يعني كل شئ تحطونه بالقراوه....مافيها شئ طلعت السطوح والقعده بفرشه على الارض...احب حياة البساطه......
جوري:عاد تخيلي بالسطوح وبكراسي.......
خلود:مالنا داعي نقعد هنا احسن اذا فيها كراسي.....
وضحكوا وراحوا يكتبون وش يبون من البقالة وبيعطونه السواق يجيبه.....
عهود:تعرفون في خلطه للبطاطس الحار وما تنفع الا للكشتات....
جوري:خلطه للبطاطس......
خلود:والله لذيــــــــــــذه..
لولو:شهيتيني الله يقطع ابليسك........
عهود:اسمعوا من اللي معها الدفتر....
جوري:انا......
عهود:طيب اكتبي...(2)بطاطس تسالي حار....
جوري:واذا ما لقى
عهود:اثنيين(ليزحار كبير)
جوري:طيب وغيره......
عهود:علبة بيبسي كبيره او كوكاكولا.....و5كت كات..و5اندومي......و3علب زبادي(روب)..
لولو:يالله يا عهود ليش ترجعين لي المواجع...ايام زمااااااان كت كات وبيبسي واندومي....
عهود:ههههههه....لازم احنا نبيها جلسة ايام زمان.....
خلود:غريبه حطيتي بيسبي العاده مقاطعه المنتجات الامريكية......
عهود:وش اسوي ما ينفع مع البطاطس الحار الا بيبسي...وبعدين فيه كت كات بدل الجالكسي... وتسالي بدل ليز...
جوري:ما شاء الله عليك...اجل انتي اللي رافعه اقتصاد الدولة.......بعدين تعالي وش تبين بالزبادي...
عهود:اكيـــــــد...اعجبك انا......اما الزبادي خليه لين نطلع واذوقك من الخلطه بعدين احكمي..
جوري:اوكي...ان شاء الله يكفينا...والمكسرات والفص فص عندنا كثير ما يحتاج نشتري......
خلود:اجل على بركة الله عطي الورقة الشغالة تعطيه السواق واحنا بنطلع قبلك للسطوح...ولا تنسين جيبي الفص فص...
لولو:يالله تراني ادل البيت.....والسطوح بعد.....
خلود:اجل شوفي لنا درب....
لولو:هههههههههه يالله....
طلعوا خلود ولولو للسطوح وصاروا يتمشون فيه...اما جوري راحت تعطي الشغالة ورقة الطلبات وعهود تنتظر الطلبات عشان تسوي الخلطه العجيبه........
غاده مالها حس بينهم وفقدتها عهود وجوري بس اذا جو يطلعون بيشوفون وش عندها.......
>>غاده قفلت باب غرفة جوري وجلست تفتش على الصندوق الوردي....اثركِ يا جوري منتب هينه...
فيه رسالة من وحده معجبة...شكلها مسكينة تموت بجوري مره...قرت الرساله والا محتواها غزل وعشق لجوري وتتمنى كل لحظه تشوف فيها جوري وتتكلم معها.....
ولقت ظرف كامل كله شكله للمعجبات..... ولقت ظرف ثاني مربوط فكته بسهوله ولقت اول شئ صوره لسلطان هو وفيصل...والصوره الثانيه لسلطان ولابس النظاره السودا...والثالثه لسلطان وهو يخوف فيصل....وصور كلها لفيصل وسلطان......وصور هم صغار وكبار...
غاده:شكلها تموت بسلطان وتكابر قدامي والا ليش محتفظه بكل هالصور وحاطتها بظرف انيق ورابطتها وبصندوق وبعيد عن الكل....
واللي شدها مره لقت صندوق بني باخر المستودع يالله يالله مسكته...وفتحته.....لقت رساله كبيره..
ومكتوب فيها كتابات....
اول وحده جوري:اتمنى انكم تحبوني وما تكرهوني ونصير اقوياء.....
ثاني واحد فيصل:اتمنى ان سلطان يقص شعره واصير اقوى منه.....
ثالث واحد سلطان:اتمنى اصير اطول واحد بالدنيا....
ومكتوب اسم لولو وبس شخاميط جمبها.......
غاده:يالله يهالورقه شكلها لها عزه خاااااصه بقلب جوري والا ليش كل هالحرص بس وش سالفتها... شكلهم الثلاثه كانوا مع بعض...ولولو شكلها كانت صغيره وما تعرف تكتب....
واندق باب غرفة جوري.......
جوري:غاده يالله بسرعه افتحي الباب...
غاده بسرعه لمت كل الاغراض وحطتها بالصندوق وبالمستودع واخذت العطر وحطته بشنطتها وتأكدت ان كل شئ رجع لوضعه الطبيعي.......وفتحت الباب.......
جوري:ما شاء الله ليش ما تفتحيين بسرعه........
غاده:اممممممممم....مو شغلك......
جوري ما جا ببالها ولا واحد بالميه ان احد يفتش اغراضها:يا طول لسانك بسرعه البنات كلنا بالسطوح......
غاده:يالله...بس تعالي بجلال والا بدون.......
جوري:يالعجوز لا بدون محد بيجينا............
وطلعوا السطوح....................
عهود فرشت السفره وحطت عليه الصحن البيضاوي وفتحت البطاطس الحار على الصحن ومسكت صحون صغيره وحطت فيها خلطتها العجيبه واخذت الاكواب وصبت فيها البيبسي.....
خلود مسكت البطاطس ومررته على الخلطه واكلتها:اممممممممم طعمها يجنن......
غاده:من جد كذا تنأكل.........
عهود اخذت حبة بطاطس:تأخذين الحبه هكذا وتغمسينها غمسا مبرحا بالخلطه وتضعينها كاملة بالفم وبالهنا والشفا......
جوري:نجرب الله يستر منك ومن خلطاتك..(وجربتها)...اممممم روعه طعمها......
لولو:طعمها خياااااااااال...بسرعه شلون طريقتها........
عهود:كم تعطيني.......
لولو:ولا شئ........
عهود:ههههههههههههههه...طيب خلصوها وعقب اقولكم.........
غاده:الله يستر منك لايكون فيها شئ...مع ان طعمها حلو وما فيه شئ............
بعد ما خلصوا أكل علمتهم عهود وشي الطريقه واللي هي....
عهود:تحطين علبة زبادي ومعها حول الملعقتتين سماق وحبة ثوم وقليل خل.....
جوري:بس!!!!!
عهود:أي بس وحسب الكميه الي عندك تزيديين الزبادي والسماق...
غاده:صراحه رووووووووعه باسويها اول ما ارجع بيتنا.....
لولو:وانا بعد باسويها لصديقاتي.......
عهود:أي عاد دعواتكم لا تنسوني...........
جوري:ابشري بس لو جانا تسمم والا شئ يا ويلك مننا........
عهود:هههههههههههههههههههه� �ه
خلود:جوري وين الفص فص بانزل اجيب الشاهي........
جوري:جيبه معك بالمطبخ تلقينه بأول درج........
خلود:مالت عليك المفروض تقوليين بنت عمي وعيب عليّ المفروض انتي تروحين.....
جوري:بدل هالمحاضره كان جبتيه وجيتي.......
خلود:طيب يالدبه...لاني رشيقه باروح اجيبه...........
لولو:تصدقون كان خلق ضاااااااااااااايق على الاخر...من جد طفشانه.....
جوري:ليش؟؟؟؟
لولو:بعد ليش....الاختبارات قرفت من عمري وهي بعدها ما جت......
جوري:اجل وش اقول انا...ثااااالث ثانوي احس اني باموت كل ما تذكرت اني ازم اجيب نسبه...
عهود:الله يوفقك..والله كلنا بثالث نفس الشئ...النفسيه معدوووووومه على الاخر...بس الايام تجري وبتلاقين نفسك بالجامعه وتقوليين يا مسرع الايام.....
جوري:الله يسمع منك......
غاده:المهم بنات اليوم اخر يوم واحنا الفجر بنمشي لازم نخليه يوم تاريخي.....
جوري:يالله وش عندك........
غاده:نلعب بالاوراق.............
لولو:بعد فيها اوراق..........
غاده:المشكله ما فيه غيرها.......
عهود:طيب وش رايكم نلعب لعبة الصراحة........
لولو:اللللللللللله وناسه يالله.......
جوري بخوف:يالله........
غاده:مافي أي مانع...بس ننتظر الاخت خلود........
**********************
سلطان:وانت ما تترك طبعك الشين ذا...ليش ما طلعت بسرعه.......
منصور:معليك منه ولد عمي واعرفه ميت...
فيصل:لانك طالع م المستشفى مني راد عليك........
بدر:وش فيكم على الولد ذبحتوه........
سلطان:ياي...لايكون تضايقت فيصل......
فيصل:الا متضايق هالدب منصور حاشرني ورى.......
منصور:احد لقفك وخلاك ترجع ورى....
بدر:وخالد مهوب جاي.......
فيصل:قلت له بس شكله متردد.........
منصور:يمكنه مشغول........
سلطان:الزبده يا عيال وين استقريتوا.....
فيصل:نروح صالة بلياردوا.......
بدر:انا ميت من الجوع نروح مطعم ناكل وبعدين نروح أي مكان.........
فيصل:وانت اربع وعشرين ساعه جيعان........
بدر:انا آكل وجسمي هو نفسه موب انت تاكل وتنتفخ تقل بالون....
منصور:هههههههههههههه قويه رد عليه......
فيصل:مره عجبتك النكته....
سلطان:وش رايكم ناخذ لنا عشا ونطلع باي منتزه ونتعشى وعقب نقرر باي مكان.....
منصور:ايه ازين......
وكلهم بسيارة سلطان راحوا لاقرب مطعم لهم وتعشوا وبعد اصرار من فيصل راحوا لصالبة بلياردوا....
منصور يناظر سلطان ويراقب تصرفاته...وعقب ما شاف اللي صار بينهم بالحوش...واضح ان ما بينهم كلام او أي شئ بس يكفي وقفة جوري ولا مشت على طول....يعني في بينهم شئ....والا ليش ما وافقت على طول......منصور جزم مية بالمية ان علاقة فيصل قوية واكد له رغبة سلطان بجوري وعنده دليليين...ماردت لهم بالموافقه....وسلطان وهو يكلم جوري(كان يناظرهم من شباك الصاله)....جوري نزلت راسها وسلطان بسرعه لف وجهه وكلمها....يعني اكيد بينهم شئ....صح امنيتي جوري بس انا ليش ما فهمتها من البداية...وليش هالمكابره ما ابي احد يرفضني....
منصور تغير بعد ما طلع من المستشفى...يوم حس انه ضعيف بالمستشفى وان لا علمه ولا حب الناس له هو اللي فاده....والكبرياء اللي كان فيه راح وانزاح عنه...وصار يفكر بعقل وموب كل شئ لصالحه...واول شئ رفض جوري له اللي كان يشوفه من اصعب الواقف بس هانت عليه لسالفه وقرر قرار وهو بهالصالة...وراح يقوله بس اذا جا وقته............
سلطان:دورك يا منصور جرب العب.......
منصور:تراني دلخ بهالالعاب بس اجرب وش وراي....
فيصل:تعال بدر ناخذ قهوه...
بدر:يالله.....
فيصل:وش تبي....
بدر:أي شئ...والا تدري قهوه ايطاليه من زمان عنها....
فيصل:طيب وانا مثلك بعد...
قعدوا على طاولة وجلس فيصل مقابل بدر...
فيصل:وش فيك؟؟؟؟
بدر التفت حواليه:انا!!!!!!!
فيصل:على ولد خالك
بدر:متضايق.....
فيصل:اعرف بس ابي وش السبب.......
بدر:بنرجع البيت.......
فيصل:بزران احنا...ليش متضايق اذا رجعت البيت..مو المفروض تنبسط لان عندك ناس بيستقبلونك استقبال غير(ويغمز له)
بدر مهموم ويتكلم من قلبه:وصلت لا تبعد...هذا اللي مضايقني اذا رجعت ما شفت الا النكد وانا قاصد ما ابي آخذها عشان استانس....
فيصل:ليش طيب؟؟
بدر:ياخي مشكله الحريم....
فيصل:وشو خلنا نستفيد.......
بدر:لا نستفيد ولا شئ بس الله يبعدك عنهم........
فيصل:لا عاد الا الزواج ترى اقضي منها جامعه على بيت الزوجية على طول...
بدر:اقصد الله يبعدك عن هالنوعيات.....
فيصل:اذا ماهو فضول قولي عشان اعرف....
بدر:اصلا من اول وانا باقولك...بس موب عارف شلون افتح معك الموضوع....صراحه يا فيصل ابعد عن البنت اللي يقولون عنها حلوه...سواء كانت حلوه والا مهيب حلوه...ابد ما تشوف الا الغرور والدلع...ونفسك تضيق لاهي اسعدتك ولا انت قادر تسعدها....
فيصل:زوجتك من هالنوع......معليش بدر ما كنت اقصد....
بدر:لا عادي بس.... هي ما تهتم الا بشكلها الخارجي...اخلاقها..تعاملها مع زوجها...رأيه وشخصيته مالها أي اهميه عندها....ما تعرف تحترم امي وتعاملها بلين ولا تحترمني انا بوجود الناس...
فيصل حس ان ماله داعي ويبي يقفل السالفه:طيب بتطلقها.......
بدر:مالنا الا خمس شهور متزوجيين...صعبه مره صعبه...وبعدين انا كلمتها بس هي ماهي مقتنعه تقول انا كل الناس تبيني وانا حلوه...يعني اشياء مالها داعي تقولها...
فيصل:خذ القهوه....والسواة......
بدر:والله محتاااااااار مره محتار..صراحه بيتي ما ينطب جابت لي الهم والغم ولا بعد تقول انت مقصر....
فيصل:طيب طلقها اذا ما منها نفع...لا تبي تسمعك ولا تبي تسعدك وشايفه نفسها...ادبها....
بدر:والله لو الطلاق عندنا سهل كان طلقتها بس مشكلة نظرة المجتمع يعني اقل شئ سنه او بعد كم شهر...يعني ما حسبون فيها عيب قوي او شئ من كذا....
فيصل:والله انت مهتم وهي ما درت عنك.....
بدر:بعد هي تهمني يعني بنت عمي ولازم اصونها حتى لو طلقتها يمكن تتزوج واذا ما فهمت وش سبب الطلاق بتكرر نفس الشئ...واهل عمي هم اللي يصير عليهم الكلام.....
فيصل:الله يعين...شكلي ضيقت صدرك بس والله ما هان عليّ اشوفك كل يوم وانت ضايق صدرك....
بدر:تمون يا ولد الخال.....
فيصل:يالله سلطان ومنصور ينادونا......
سلطان ومنصور اندمجوا مع بعض وتداخلوا بشكل كبير....وحسوا ان فيه اشياء كثيره بينهم مشتركه ومثل بعض......
****************************
عهود:يعععععع جا علي اسألك يا لولو....
لولو:وانا بقوة وصمود باجاوبك.........
عهود:وش اكثر شئ بحياتك تحبينه........
لولو بعد تفكير:من غيره حبيب القلب والروح اللي اتمنى له السعاده والنجاح وين ما كان....
البنات كلهم مصدوميين.....عهود:ميــــــــ ن؟؟؟؟؟؟
لولو:ملزميين.........
غاده:يا ويلك ان ما جاوبتي لاننا متفققين من بداية اللعبه.......
لولو:طيب عشقي الوحيد وحبي الابدي هو(وتناظر فيهم تبي تحرق اعصابهم) الهلااااااال....
عهود:مالت عليك....
لولو:ههههههههههههه...والله اموت فيه والله ازعل لو خسر واحس اني باموت لو احد يسبه...
خلود:يالله لولو دوري القاروره.....
لولو:حاضر......ودورت القاروره وطلع على جوري........
جوري:يا ويلي منك يا لولو.......
لولو:جاك الموت يا تارك الصلاة.........
جوري:يالله وش عندك................
لولو:امممممممممم...عمرك سويتي شئ مخاف لاهلك او يعني شئ بس اهلك ما يرضوه بس شئ قوي؟؟واكيد وشو؟؟؟؟
خلود انتفضت من الخوف كأنها تحس ان الشئ يعنيها بس حاولت تكون طبيعيه.......
جوري وهي تضحك:اذكر مره ببيت خالتي وامي عيّت عليّ اروح البقاله وانا مره ودي اروح... واسكت عنها واروح مع سلطان للبقاله وقابلنا هناك فيصل وكان بيفتن علينا بس اشوى راضينه بريال....بس وانا كبيره ما اذكر الا وانا راجعه دخلت بيت صديقتي بس من عند الباب وخرجت....
عهود:لا ما شاء الله عليك مطيعه.....
غاده:أي تعالي عهود شلون الخلطه لونها احمر مدري وردي.......
عهود:صباح الليل....لان السماق هو اللي معطيها حموضه ولون وردي.......
غاده:اها!!!
خلود:يالله يا جوري.......
جوري:شكلك انتي الحكم....يالله.....ودورت القاروره وجا وجهها على خلود..........
خلود:الله يستر منك......
جوري:اممممم في انسان بحياتك؟؟؟؟
خلود ارتبكت بعدين ردت بكل ثقه:ايه.......
انصدموا البنات كلهم من ردة فعل خلود وتمنوا لو يعرفون من هالشخص اللي بحياة خلود.....
وكملوا لعب ووناسه لقريب الفجر...ورجعت لولو بيتهم وغاده تجهزت لانها بتروح بعد الفجر على طول...وخلود وعهود وجوري انتظروا صلاة الفجر وصلوا وناموا................
**************************
مشاري:خلاص يمه ما بقي الا موافقتك.......
ام مشاري:مريم شافتها......
مشاري:أي يمه شافتها بمناسبه وتمدحها...واخلاقها بسأل جوري عنها بس لازم اسمع موافقتكي...
ام مشاري:والله انا مابي الا سعادتك واذا الجوهره تمدح فيها ما في أي مانع بالعكس هذا ليوم اللي ودي افرح فيه وابارك لك.......
مشاري:الله يبارك بعمرك ويسلمك(ويروح يحب راسها ويدها)
اللحين اتصل عليها واكلمها........
مشاري:هلا جوري وينك يالدوبه؟؟
جوري:هلا بك على طول دبه.....
مشاري:يو صح نسيت اخبار عجيزنا...........
جوري:هيّن اوريك....بخير تسلم عليك...........
مشاري:اخبار فيصل تراه الدب ما يسأل عن احد يبي له فرش.....
جوري:أي عليك فيه اضربه ضرب مهوب صاحي..........
مشاري:طيب يالسوسه عند اخوك......
جوري:هذا جزاتي ادافع عنك.......
مشاري:هههههههههههههههه....
جوري:مشاري ما تقدر تجينا......
مشاري:توني باقولك....احسها صعبه ببيتكم ما شاء الله بيتكم صار مليان وفيه عمك واهله...
جوري:عادي تعال ونقعد ورى البيت لا هو عند احد ولا طريق لاحد........
مشاري:اوكي صار.....وسلمي لي على امي.......
جوري:يبلغ ان شاء الله مع السلامه......
مشاري:مع السلامه............
ام مشاري:ليش ما قلت لها.......
مشاري:اذا جيتها اقولها.....
نوره:يالله انا جاهزه.............
ام مشاري:على وين؟؟؟؟
نوره:باروح السوق معاه...ما شريت لي قماش لزواج مريم....
ام مشاري:بلا اسراف روحي بفستان زواج بنت خالك.....
نوره:يممممممممممه قديم ولبسته كم مره وبعدين نهذا زواج اختي يعني لازم جديد....
مشاري:معليه يمه ما عندنا الا وحده خلينا ندلعها.......
ام مشاري:الله يصلحها...بس متعبتك........
نوره بزعل:يمممممممممممممممممه
مشاري:خلاص ما حصل الا خير.........
*************************************
اسامه:ما عندك اوربت...
خالد:اول كانت عندي وشلتها وما خليت الا المجد....
اسامه:الله يقويك....
خالد:صالح وش صار عليها.....
اسامه:والله مهم هينيين اللي ورطوه...بس الحمدلله بعد كم تعذيب وتخويف اعترفوا ان صالح ماله أي ذنب....بس الى الان ما اقروا كلام صالح......
خالد:يعني بيقعد يتمشى وهو سبب اللي صار بمنصور.......
اسامه:هد اعصابك..كل شئ بالهدوء نجيبه....وعادل نهايته على يدي عشان اعلمه ان المخدرات مهي لعبه..يرميها على أي واحد يكرهه.....
خالد:تدري انه مغفل...فيه ناس عقولهم صغيره ومدري شلون يفكرون.....
اسامه:انت بس اصبر عليّ وبتشوف كل شئ......
خالد:والله مهمتكم صعبه واحنا ما ندري عن شئ....
اسامه:بس اللي يحب شغله ما يشوفها صعبه...........
خالد:اسامه نسيت اقولك الوالد بلغني اني اقدم لك شئ وقال أي شئ يعجبه...واللي تبيه احنا حاضريين....
اسامه:وش دعوه؟؟احنا ما سوينا الا الواجب.......
خالد:هذا كلام الوالد....وكلام الوالد اوامر...........
اسامه:والا ابو خالد ما نقدر عليه بس خليها اذا اثبتها على عادل......
خالد:يعني براسك شئ.....
اسامه:ايه...بس مثل ما قلت بعد ما ابشرك بعادل.........
خالد:ان شاء الله.....
التفتوا على التلفزيون يناظرون برنامج كشتات بقناة المجد...برنامج اكثر من رائع....اندمجوا معاه مره...شوي التفت اسامه على خالد.........
اسامه:خالد في سؤال يختلج في خاطري وابي اقوله.....
خالد:افا في شئ بخاطرك ولا قلته من زمان........
اسامه:والله مدري عن ردة فعلك والموضوع حساس........
خالد:قول وما عليك من ردة فعلي.........
اسامه:انت قلت لي بالضبط عن الحادث اللي صار لكم انت ولؤي...بس تأثرك فيه مره كبير...لدرجة انك احيانا تنفعل او تنحرف عن السواقه مثل ما صار لنا.......معقوله بس عشان هالحادث....
خالد:آآآآآه يا اسامه...تمنيت ان احد ما يسألني هالسؤال وبنفس الوقت ودي اجاوبه.... ادري بتقول قام يهذر...لكن اللي صار لي شئ كبير....
اسامه:واقدر اعرفه والا لا....
خالد:لا مو لازم تعرفه...بس لازم تعرف ادق التفاصيل....
اسامه بخاطره..ما تترك عوايدك يا خالد....
خالد:ما ادري ليش احسها صعبه..يمكن محد دري عن التفاصيل...يعني تخيل تشوف ام تموت بسبب ولدها..وولدها ما يقصد ابد الحادث بس...يعني(واخذ تنهيده) اقصد لؤي كان مجرد لعب وطيش بس بيخوف العائلة اللي قدامه وسبحان الله من السرعه ما انتبه انها سيارتهم تعرف ددسن..وماليه الديره ما تعرف تفرق بينهم...صدم بالعائلة وماتت امه قدامه واهله الباقيين سابحيين بالدم..وابوه..تخيل اسامه ابوه يشوفه وينتبه ان ولده هو سبب الحادث وقام يدعي عليه...والله دعاوي تقعشر البدن من قوها... لؤي قدامي اللي قوي وصامد وجافه مشاعره انهار عند ابوه يصيح ويبي منه السماح...ابوه مهوب راضي ينتهي من الدعا...وبالموت سكت وصار ما يدعي....لؤي راح لامه وحبها مع راسها ويدها ورجلها بس ماتت ولا تحس به....يعني منظر قوي قدامي ولا يمكن انساه...لا يمكن انساه.... ولؤي ما قعد الا يوم ومات لان الصدمه كانت من جهته وكانت قويه....قويه بالحيل....ابو لؤي صار مقعد ولايقدر يشتغل واخته ما تقدر تداوم اضطرت انها تستقيل وترعى اهلها اللي هم ابوها واخوها الصغير... حياة صعبة تعرضوا لها هالعائلة.....وخصوصا البنت يعني بلحظه امها واخوها يموتون وابوها يصير مقعد....مدري الوم نفسي اني ما حذرت لؤي وما عارضته على اللي سواه... يعني انا كم مره جربت التفحيط وعمري ما جا ببالي اني ممكن ادمر اسره او افرق شمل عائلة ولا فكرت بان التفحيط له نتايج سيئة....وكل ما اشوف احد يفحط ترجع لي المواجع.... واذا شفت حادث اتذكر هالحادث المؤلم...والاكبر منه(وعقدت حواجبه اكثر)..الطامه اني قد صدمت عائلة وانا افحط وطبعا المشاعر كانت عندي جامده ولا اهتميت ولا شئ....تصدق اني صدمت شاب وهو كان وحيد اهله وحتى ابوه ميت وهو اللي يصرف عليهم وصار مقعد ما يقدر يتحرك الا بس راسه.. ووقتها خرجت بكفاله وما صار بي شئ....مدري شلون بعدها رجعت افحط والامور عاديه ولا كأني ارتكبت ابشع جريمه.....واللحين اتمنى اعرف منهم لاني حاولت بس عجزت اعرف.... وخليت اهتمامي بأسرة لؤي يمكن الله يغفر لي.....والله صعبه...صعبه تعيش وانت جامد الاحساس وبعد فتره تحس باللي حولك....صعبه......صحيح ابوي اعطاهم مبلغ جامد وكبير..لكن(ويأشر على قلبه) هذا مو مرتاح....
اسامه:يالــلـــه... همك كبير...الله يغفر لك....اهم شئ انك تبت قبل لا ينقبض روحك والحمدلله...والله يغفر الذنوب السابقه...بس اهم شئ انك تعزم على التوبة الصادقة بدون عودة للذنوب السابقة...
خالد:الله يغفر لنا ما سبق ويعفوا عنا.....
اسامه:آمين....
خالد:اقتنعت..عرفت شلون ان هالحادث قوي....
اسامه:ما كنت اتصور انه بهالصوره وصراحه انا لو مكانك كان متحطم من الحياة ولا اقدر اعيش...
خالد:يالله...كل ذا مقدر ومكتوب من قبل لا نولد بس ما بيدنا الا التوبه......
اسامه:الله يتوب علينا......
خالد:اللهم آمين...........
اسامه اعجب بشخصية خالد القوية ولو ان فيه نظرات ضعف بسبب الحادثيين اللي أثروا عليه بس تبقى شخصيته القوية وكتمانه لاموره الشخصية هو الشئ اللي مخليه يطلع بمنظر قوي وجبار...
اما خالد حس ان جبال من الهموم طاحت واندفنت عقب ما تكلم له سنيين كامته بصدره وبين ضلوعه ما يقدر يقوله لاحد...يحس انه ضعيف...ضعيف حيل عند هالسالفة.....بس كلامه مع اسامة ريحه وخلاه يحس بارتياح وان فيه رب رحيم يغفر الذنوب اذا عزمنا على التوبة.....
********************************
>>مشاري تعذر من جوري وقال انه انشغل حيل مع اخته مريم وتجهيزاتها ويالله يالله يلحق على اموره ووعدها انه يجيها بوقت ثاني.....بس لمح لها عن خلود وجوري ما قصرت مدحت له خلود مرررررره وانها من زمان تتمنى خلود لمشاري.....
<<خالد يفكر بلمياء اللي ظلمها وحس انه مهما كانت هي بنت وحالتها صعبه انها تفقد عائلتها وما عندها أي شغل وشلون يتركها ولا يسئل عنها وين حبه للؤي ويوين وعده للعم سعد انه يسأل عنها.. وعادل الحقودي وش بي انا ما افكر فيه ولا جا ببالي انه راح يضر لمياء....وحاول يفكر بطريقه ممكن تخليه يعرف اخبارها.......
>>غاده راحت بيتهم وهي ميته من الوناسه...روحتهم لبيت خالهم غيرت اشياء كثيره.. زاد حبها لخوالها وتعرفت على بنات خوالها اكثر....وتمنت لو انها تطول وتقعد عندهم اكثر.....
<<اما بدر حايس بمشكلته مع زوجته ويتمنى لو انها تعقل وتصير مثل أي زوجة تحترم زوجها بس لا الاسلوب الطيب نفع معها ولا التلميح....واحتاااااار بامره معها.......
>>وعهود المسيكينه تحلم بسلمان وتتمنى لحظة الخطوبة...هي عمرها ما فكرت فيه بس زاد مزحه لان خلود معها وهي تظن انه يقصدها...ماتت عليه وصارت تفكر فيه وتدور أي اخبار عنه.....
<<خلود احيانا تلوم نفسها على اللي سوته بس تتذكر انها اسبوعيين وبيخطبها ترمي كتابها على جنب وتقول خلاص ما فيها أي شئ........سلمان صرق عقلها وصار هو تفكيرها...وهو حلمها الوحيد لدرجة انه أثر على دراستها...حبها لسلمان غطى عن عيوب كثيره فيه وصارت تشوفه بس هو ولا احد غيره وما تتخيل حياتها بدونه وعقب العشا اللي بالمطعم جزمت على حبه لها وحست انه متعلق فيها مثل ما هي متعلق فيه....وضمت السلسال الي عليها وحبت تعليقته وسبحت بافكارها...
>>اما جوري...جوري المحتاره اللي معذبه روحها من كثر التفكير...احيانا تنشغل بكتبها وتتحمس بالمذاكره واحيانا تروح افكارها بعييييييييييد...بين حبها الطفولي اللي كبر معها وانتهى بالخطوبه اللي كانت لها اكبر صدمه يوم انفصخت...والا بمنصور اللي شاريها ويتمنى لو ما كانت من نصيبه تكون عروسته مثل جوري.....بينفجر راسها من التفكير......
<<منصور تغير مره وحده...انسان ثاني...يفكر بواقعيه اكثر..كان اول تفكيره طموحي ولبعيد..
وما عنده شئ اسمه مستحيل...كل شئ تقدر عليه...بس عقب الحدث اللي صار له تغير وصار مهموم.. عرف ان الحياة صعبه وقوية ولازم الواحد يواجهها بكل قوته مو بس طموح... وعرف ان مول كل شئ بهواه احيانا الواحد يتعرض لاشياء لازم يتماشى مع الوضع المرسوم له بدون أي نقاش... وجته حالة يئس وقنوط من هالدنيا....
>>فيصل اللعاب وده بسرعه تنتهي الاختبارات خلاص مل من هالاجواء ووده يسوي لهم شئ يغير عليهم هالجو المكتوم...وعشان محد ينساه لانها فتره وبيروحون بيت عمهم عنهم.....
<<ابو خالد مشغول ببيته ووده يخلص منه باقرب فرصه لانه انعدم عقب اطلاق النار.... وقرر انه يفتح موضوع لخطبه عقب الامتحانات....
>>ابو فيصل كان همه الوحيد ان بيت اخوه مايضايقهم أي شئ ويتمنى يعرف هم مبسوطيين والا لا.. ويقدم كل شئ عشان ما يحسون بالنقص......
<<ام فيصل وام خالد زادت علاقتهم ببعض وصاروا يدخلون المطبخ مع بعض ويتعلمون من بعض الطبخ.......
>>لولو التهت بالدراتسه ونست سالفة المطعم وكعادتها لا جت الاختبار جا الجد عندها وتركت خرابيطها ولعبها...وصارت ما تكلم احد الا للضروره.......
<<سلطان آخر سنه له...وآخر ترم بحياته الدراسيه والمفروض يعتبره فرحته وسعادته بس شكله بينقلب احزان عليه....كان يتمنى يعدي هالترم والناس تبارك له بالخطوبه من بنت خالته.... الوظيفه وموجوده والعروس وموجوده....بس يختفي احدهم هذا اللي ما حطه بباله ولا فكر فيه....صار يدعي ربه ان كان بهالزواج خير...ييسرله وان كان ما فيه خير يبعده عنه.....
وافقت نهى بعد اصرار من محمد ونواف على انها تقعد شهر...بس بعد اسبوعيين...يعني مع بداية الشهر......
(اسبوعيين للاختبارات وكلن ملتهي بدنيته))
****************************

اسبوعيين بتعدي بس يصير فيها شئ؟؟؟
يصير بعدها شئ؟؟؟
جوري وش نهايتها؟؟؟
سلطان وش بيصير له؟؟؟؟
منصور وش القرار اللي اتخذه وهل هو مجرد تفكير والا حالته النفسية قلبت كل تفكيره؟؟؟
خالد وش بيصير له؟؟بيكلم لمياء يقدر والا لا؟؟؟
حنان وش سالفتها وليش خوفها يزيد؟؟؟وهل تركها للشغل فتره له أي صله بخالد؟؟؟
عادل هل بيسكت عن بنت عمه؟؟؟وفراس وينه وش بيصير له؟؟؟
خلود وش تاليها مع سلمان؟؟؟؟
وعهود تعرف بقصة حبهم واذا عرفت وش بيصير لها؟؟؟؟
غاده بيتغير فيها شئ والا كلامها دايم مزح؟؟؟؟



((الجزء الرابع عشر))
مرت اسبوعيين الاختبار بسرعه..مثل البرق والايام صايره تمر بسرعه...انتهت الاختبارات وكلن مهوب عارف مصيره وين....جوري وصديقاتها....قضوا آخر يوم بالمدرسه وما اتفرقوا الا وهم ميتيين من الصياح....
جوري:حرام عليكم بنات بإذن الله نسجل بقسم واحد وبكلية وحده....
غدير:أي كلية وش يضمنكي(وحضنت جوري)
هيفاء وهي تكتم صيحتها:بنات والله باشتاق لكم...والله بنفقد هاللمه الحلوه....
جوري بعدت عن غدير لانها تحس ان غدير بتنهار من كثرة الصياح:تفاولي خير....
غدير:بنفقدها...بنفقد كل لحظه...بنفقد الطيبه والعشره الحلوه...بنفقد البساطه اللي عشناها بالمدرسه....
جوري:غدير لا تصيحيني زياده...حرااااام عليك بإذن الله عشرتنا ماهي مثل أي عشره...وصداقتنا غير...وشفيكم بنات؟؟والله اعزكم ومستحيل انساكم حتى لو افترقنا.....
هيفاء ضمت غدير وصاروا يصيحون......
>>البنات اللي بالمدرسه انتبهوا لهالثلاثي وحسوا انهم يعزون بعض معزه مهيب صاحيه... وحسوا انهم بينهاروا لو طلعوا برى المدرسه.....
جوري طلعت من شنطتها تجرافها والوشاح اللي انزفوا فيه يوم تخرجهم وطلعت القلم
(i Love Youالمغلف بالقماش الاحمر المخمل ومكتوب فيه(
كان يوم التخرج يوم تاريخي لاينسى...الكل ملتهي بشعره ومكياجه الا الثلاثي..اتفقوا انهم ما يحطون ولا شئ الا بالمدرسه... هيفاء عليها المكياج تحط لهم كلهم....وغدير تحط لهم الطوق من الفل الابيض الكبير يحطونه على شعورهم مثل التاج وطقمت لهم الثلاثه.... وجوري عليها باقة الورد يشيلونها اذا انزفوا.....وكانوا مسشويريين شعورهم ومدرجينها...
كان شكلهم ملفت للنظر بشكل غير طبيعي....وكل المدرسات انتبهوا لاشكالهم اللي طلعت روعه... واتفقوا كلهم انهم يصورون انفسهم اول ما يرجعون من المدرسه...بمرايلهم لانهم يخافون ان الصور تنصرق اذا صوروا بالمدرسه او يكتشفوا ان معهم كاميرا......وفضلوا انهم بالمراييل وعليهم الوشاح بالمايل وباقة الورد ماسكينها والطوق من الفل عليهم....كل وحده صورت بالبيت واحتفظوا بصورهم....
الثلاثي كان اروع ثلاثي بالمدرسه...والكل يشير اليهم بالبنان....مكان الصبح مايغيرونه....ومكان الفسحه...ومكان الخروج.....
مسكت غدير الوشاح حق جوري وكتبت فيه اروع كتابات لانها معروفه بالكتابه...وراحت لتجراف جوري وكتبت فيه بعد....وهيفاء كانت مشغوله بالكتابة لغدير....وجوري مسكت وشاح وتجراف هيفاء...وتبادلوا ثلاثتهم الوشاح والتجراف.....
غدير طلبت من سواقها انه يجيب لهم فطور....اكلوا وخلصوا....وقعدوا مهم قادريين يخرجون من المدرسه ولا هم قادريين يتحركون من مكانهم.....ولا وحده متجرأه تبدأ تخرج....المدرسه فضت الطالبات كلهم خرجوا وما زال الثلاثي بمكانه......
كلمات غدير لهم الثنتتين...((الى اروع صديقه لي بالوجود.....الى من استقلبتني وفتحت لي باب الصداقه...الى من افهمتني معنى الصداقه...الى من اشركتني في امورها...كم اتمنى ان تدوم صداقتنا وتدوم محبتنا....كم اتمنى ان لايجف نهر الود...ان نسقيه بحبنا...ونزرع حواليه ورود الأنس... اتمنى ان تلامس مشاعرنا شعيرات الود وتتمسك فيه وتشد قبضتها عليه وتمنع أي تسرب لمشاعر اخرى... كم اتمنى ان تضخم علاقتنا...وتقوى ففراقكِ صعب...والاصعب ان لا اجد ابتسامتك يوميا في حنايا مدرستنا....
عزيزتي..بل غاليتي...
تخونني العبارات ويجف قلمي عن ما يكن لكِ قلبي من عبارات الود والمحبه...ويشهد الله ان قلبي لا يحمل لكِ سوى الحب الطاهر النقي...اتمنى ان لاتنسي صديقتك غدير....وان تتذكريني بكل خير....))
عبارات غدير كانت قويه لكل من جوري وهيفاء...يعرفون ان غدير عصبيه واحيانا ترمي كلام قاسي بسبب عصبيتها...وكانوا ثنتينهم هم اللي متحمليينها وعرفوا لها واتأقلموا معها مره...وحبتهم مره...لانها لقت من اللي يفهمها ومن يقدرها..........
جوري عرفت من المستحيل انهم يقومون او يتحركون وتأخروا مره عن بيوتهم...
وقفت جوري وهي تناظر بهيفاء وغدير...قاموا على طول وصاروا واقفيين....لمت اغراضها جوري وهيفاء وغدير صاروا يلمون اغراضهم يوم قربت عند عباتها بتلبسها ما قدرت تقاوم وصاحت... وغدير دموعها جاهزه صاحت هي الثانيه.....وهيفاء معهم.....
موقفهم صعب ولا قدروا يخرجون لانه آخر يوم...ويمكن بعدها ما يتقابلون حتى وان تقابلوا.... ما يصير مثل ما كانوا بالثانوي....يوميا مع بعض...وكل شئ مثل بعض......
صاروا يضمون بعض...ولبسوا عبيهم بالموت....ويوم جو عند الباب ماتوا من الصياح وخرجت جوري اول وحده لانها تحس انها بتموت وان الدنيا انقفلت بوجهها وضاقت عليها بالحيــــــل....
جوري رجعت البيت وهي منهاره...صديقاتها ومدرستها...معلماتها....كل ركن بالمدرسه كانت تحبه... صديقاتها تعتبرهم خواتها لان ما عندها خوات...همومهم وحده وافكارهم وحده... واهتماماتهم وحده...
رجعت جوري ولقت اهل البيت متجمعيين بالصاله...الحريم كلهم موجوديين..وفيصل مخلص من الاثنيين اختباراته وعهود وخلود يوم الثلاثاء....وهي الوحيده اللي يوم الاربعاء.....
خالد ومنصور وابو خالد وابو فيصل بالشغل....وفيصل داج ما يقعد بالبيت.....
جوري ما تبي تقابل احد ومالها خلق تقابل احد....طلعت باغراضها على غرفتها على طول من دون لا تسلم ولا شئ والكل لاحظها ولاحظوا الضيقة اللي فيها..........
دخلت غرفتها وصلت الظهر وطاحت على سريرها........ولا تبي تقوم لان خلقها ضااااااايق على الاخر ونفسها مكتوم ولا تبي تحس باي شئ......ولا رضت تتغدى ولا تاكل شئ وما تقوم الا على الصلوات تصليها وترجع تنام...نفسيتها معدومه على الاخر...
*************************
اقتربت حنان من غرفة امها..غرفة تفريغ الهموم...محد يعرف بهمومها الا امها..اقتربت بخوف ودخلت على امها اللي سرحانه وانتبهت على نحنة بنتها....
ام سلمان :هلا حنان...تعالي اقعدي...
حنان ما قدرت تقاوم وعلى طول بدت مع امها وقالت:يمه بديت....
ام سلمان وهي عارفه اللي بداخل حنان:طيب وش فيها....
حنان بانفعال:يمه وشو اللي وش فيها....احس اني تغيرت....
ام سلمان وقلبها على بنتها:طيب يمكن لصالحكِ......
حنان ما تضعف الا قدام امها:يمه صعبه وانتي تعرفين بي.....
ام سلمان:يا يمه قضاء الله وقدره وانتي بعد ما تأكدتي.....
حنان تحس باعصابها تنشد:يمه تاكدت والا ما تأكدت...هذا موضوع منتهي من زمان....
ام سلمان:وليش تقولين منتهي يمكن فيه امل......
حنان:يمه انا خلاص عودت نفسي على تلاشي هالامل...يمه افرضي طلع العكس وقتها راح انهار تنتهي الدنيا...ولا اقدر اعيش......انا ما ابي اتأكد....
ام سلمان:طيب لو برى السعوديه.....
حنان:لا يمه ما ابي....خلاص انا انهيت هالموضوع من يومه.....
ام سلمان:طيب كنتي صغيره ولا ندري يمكن اصلا ما تكوّن غشاء البكاره......
حنان حست بضيق قوي على صدرها:يمه انا اتذكر السالفه وكأنها قدامي معناه اني كبيره موب صغيره....
ام سلمان واللي الحالها تعرف بهالموضوع:طيب مو تقوليين ما طلع دم....
حنان بقشعريره لانها تذكرت الموقف:يمه ما ادري طلع ما طلع...بس ما ابي اتذكر خلاص ما ابيه ولا ارجع له ومصيره محددته من زمان.....(وعينها تدمع)...
ام سلمان تحاول تقنع بنتها:طيب بس تحرشات...يمكن ما وصل للشئ الكبير يا يمه بس نتأكد......
حنان تحس بكل شعره بجسمها وقفت لان الموقف عاد لها من جديد وكأنها تبي تفضفض لامها مع انها قالت لها عند اول خطيب لانه ما ينرد على قولة اهلهم وهو كان السبب فتدمير حياتها: يا يمه والله ان اصعب موقف يمر بحياتي...يمه انا اتعرضت لتحرشات جنسيه ومن اقرب الناس لي... ايه ولد عمي وانتو بغفله عنا...كان الانفتاح الكبير بعايلتنا والدش عادي صغار او كبار وتخلونا نقعد الحالنا....يمه الموضوع كبير..كبيييييييييير مره وما اقدر اتحمله انا...ما ابي اتذكر السالفه ولا ابي اتذكر عيال عمي ولا هو...كان اكبر مني وفاهم بكل شئ وانا كنت صغيره وكنتوا يمه تلبسونا أي شئ وما تدرون انا احنا الصغار نغري العيال المراهقين...المراهققين اهم شئ عندهم تفريغ اللي فيهم وما يفكرون بعقل ان هي قريبته او بعيده حتى لو اخته....اهم شئ يفرغ هالشحنات واحنا...ما كنتوا تبعدونا عنهم واللبس ما تهتمون فيه.......(وناظرت امها اللي دمعت عينها بس ما تقدر تتكلم الا مع امها...وام سلمان متقطع قلبها على بنتها)...
يمه انا منتهيه مع هالقصه وراسمه طريقي وما ابي الزواج لو وش ما كان... لا تلوموني لانه تقدم لي ورفضته...لاني ما اقدر اعيش معاه..ولا اقدر اناظر فيه...مستحقرته ولا ابيه ولا ابي اناظر فيه.. ولو اخر انسان يبقالي ما راح اوافق عليه...لانه حقير حتى لو مراهق انا كرهته وكرهت الحياة بسببه...وما صرت انثى مثل البنات....
بس يمه الفتره الماضيه حسيت اني اميل لواحد..هو ما غيره...ما ادري ليش وشلون جذبني...اللي اكبر منه وافضل منه ما ناظرت فيه الا هو اذا جا عندي او سمعت اسمه او أي شئ عنه يهتز قلبي غصبا عني.... انا يمه ما ابي اعيش على شئ وهمي....وشئ منتهي منه....مقهوره يمه..مقهووووووره ليش بعد كل هالسنيين وكل هالقرارات والبعد عن الناس كلها ارجع افكر فيه.....يمه انصحيني وجهيني...احس ان تفكيري مهوب لصالحي هالايام....
ام سلمان متقطع قلبها على بنتها اللي انظلمت بدون أي سبب وبسبب اهمالها هي وعدم التزامهم... وحرص حنان على اهلها وهي اللي تصرف عليهم....وكانت حريصه على ليلى ورانيه وما تبي تكرر نفس الغلطه.....وابعدتهم عن العيال واهتمت بلبسهم وحاولت بالدش انه يطلع برى البيت بس عجزت وما قدرت....
ام سلمان:ليش ما زلتي تحبين خالد؟؟؟؟؟
حنان تحس بروحها تنقبض لا سمعت اسمه شلون يوم كانت تشوفه بالمستشفى:يمه وش يفيد الحب...واذا احبه ما يغير شئ بحياتي وهذا اللي قاهرني....ما يفيدني أي شئ بس اتعذب...
ام سلمان:انتي لو توافقيين انك تكشفين واكيد بيعرفون ان انفض الغشاء او لا...وبعدين فيه عمليات ترقيع للغشاء....
حنان:يمه بانفضح...فضيحه عالميه...لو رحت باقصى الشمال والا الجنوب...الكل بيسأل ليش هناك رحت؟؟؟وافرضي ان طلعت ماني(وبالموت نطقتها)بكر..خليني اتعذب ولا اتأكد اني فعلا ماني بكريه.. والله صعبه وانا راضيه بحياتي والله يعوضني بالجنه.....بس تفكيري المتخلف ما ادري وش صار بي وليش افكر فيه..........
ام سلمان وميته حزن على بنتها وودها لو تقدم لها أي شئ لانها عجزت عن هالمشكله ولا هي قادره تحلها:يمه مالك الا الدعاء....ادعي ربك وكثري من الكتب اللي كنتي تقرينها....
حنان:أي والله يمه...القراءة تشغلني عن التفكير وخصوصا التفكير الاعوج اللي طحت فيه....
وقامت حنان من عند امها بعد ما طلعت كل اللي بقلبها...لانها لو ما طلعت لامها كان تموت من الضيق اللي هي فيه...وكل شئ يصير لها تعرف عنه امها....وتقول لامها كل شئ لانها تعتبرها الام والاخت والصديقه وكل شئ بدنيتها.........
حنان رجعت لها مأساة الماضي وكيف كانت تحب خالد وتعجبها هيبته وقوته...وكل ما تتذكر قعداتهم مع بعض لما كانوا صغار....اذا تذكرتها تزيد عليها المأساة وتنقهر وودها لو تمحي الماضي... وتكون حياتها غير ومختلفه عن أي بنت....بس كبرت وعرفت ان قصة الحب اللي طايحه فيها متتهيه وفاشله...وهي رفضت ولد عمها لانها ما تبي تكون بموضع محرج وذل لها ولانها لو بتوافق بيظن ولد عمها انه عشان الفضيحه ويبي يذلها لانها غصبا عنها....
حنان حاااااااااااااااقده على العائلة بكبرها ومقهوره من هالانفتاح اللي عايشيين فيه وتمنت لو تعرف من هو السبب بعدم التزام هالعائلة................
وكل ما تشوف خالد..خالد اللي كان حلمها باحد الايام...تشوفه التزم يرجع لها القهر والظلم اللي عاشته وتحس انها بتموت من الضيق اللي هي فيه......
بسبب تفكيرها تركت شغلها فتره... لانها تبي تعاقب نفسها من احلى شئ بحياتها...شغلها هو دنيتها وهو كل شئ..تنشغل فيه وتفكر بمرضاها واي دورة هي اللي تدخل فيها...تبي تبعد عن التفكير عن الزواج وعن أي شئ يخصه خصوصا اذا تذكرت خالد...ويوم شافته بالمستشفى زااااااد حنينها للماضي وصار هو تفكيرها...خالد وشكله الجديد...واللي قهرها ان شكله باللحيه طالع احلى ورزززززه وحست انه هذا اللي تبيه...خالد العاقل الكبير الرزين الهيبه...خالد الملتزم... انقهرت ليش تفكيرها يوصل لهالدرجه وهي اللي حاولت سنيين وسنيين عشان تنساه.. مجرد كم يوم شافته انقلب كل شئ...تبرعت بالدم للمريض اللي كان يهتم فيه خالد وتمنت ان احد ما يعلم بس صديقتها فضحتها وبعدها ما قدت تتحمل...خرجت على اساس عدم العوده...لكن كفائتها العاليه هي اللي خلت المستشفى تعطيها اجازه بدون راتب.....ورجعت للمستشفى وهي تتمنى ان خالد ما يجي ابد ولا يعترض بطريقها.......
واللي قهرها اكثر يوم عرف انها ما صارت تدوام...شلون درى؟؟؟وليش؟؟؟ معقوله يراقبها..ابعدت عنها كل فكره تعتبرها سخيفه والتهت بدنيتها وتمنت لو يخرج من قلبها وتفكيرها ولا يهمها ابد...
وولد عمها احيانا تتمنى تقتله تفكر بسم باي شئ تنتقم منه...واحيانا تحس انه ضحيه مثله مثلها لانه مراهق وهالانفتاح هو السبب يعني يشوف اشياء تغريه....غصبا عنه...دش وافلام يخلي لواحد يفهم وهو صغي وعدم اهتمام العائلة فيهم هو السبب باللي يصير لها.....
بس تحاول تبعد عن هالتفكير مره وحده وتشغل وقتها قد ما تقدر......
>>فمكان ثاني بنفس البيت....سلمان طاااااااااااااير من الوناسه ويبي يطير اكثر لان كل شئ جاهز له بس العروس تجي للبيت والموافقه حاطها بجيبه......سلمان يغني ويروح ويجي....
ليلى:بس سلمان وش ذا؟؟ترى ابغار من خلود.......
سلمان:غاري منها...وش عليّ منك.....
ليلى:طيب يا سلمان..تهون عليك اختك.....
سلمان:لا والله ما تهونين عليّ..بس ما تلاحظين انك تخربين عليّ احلى فرحه....
ليلى:المهم...بسرعه باروح اشوف بيتك صراحه متحمسه ودي اشوف ذوقك بالاثاث لانك منت راضي احد يشاركك بالبيت...وعلى قولك(وتقلده)...بيت العمر وما ابي احد يشاركني فيه الا اذا العروسه هي اللي تبي تشاركني.....
سلمان:وانا صادق ما ابي احد يشاركني فيه......
ليلى:طيب يالله اكلم امي والبنات وتودينا.....
سلمان:اممممممم....معليش بما انكم اهلي راح اوافق والا الامنيه ان اول واحد يدخل هي خلود..ادخلها واسألها عن رأيها بالبيت......
ليلى:زين انك تذكرت ان لك اهل...يالله باروح اقولهم...
وراحت ليلى بسرعه تقول لحنان ورانيه وامها.......وبسرعه جهزوا لانهم متحمسيين يشوفون البيت... والاكثر بيشوفون ذوق سلمان....اما احمد ولا فكر انه يروح معهم....
فتح سلمان البيت وهو حاس انه بيطير من الفرح......
سلمان:تفضلوا حياكم الله......
ام سلمان:لا اله الا الله......
البيت كان تصميمه رااااااااااائع...فوق الخيال....قمممممه.....مختار كل شئ ومنتبه لكل شئ...كل ركن وكل زاويه ما اهملها....ونوع بالاثاث من كل شئ....السجادات الايرانيه....وكنب امريكي....وتصميم صيني.....ودخل اللمسات المغربيه وما خلى احد من اصحابه اللي يسافرون برى الا وصاهم بتحف غريبه من برى.....
سلمان يعرف ان خلود تموت بالغريب وتحب تداخل التصاميم...وتمنى لو تجي وتشوفه بس يدري ان هالشئ ما يقدر عليه........
حنان:ابداااااااااااااع...صر احه البيت رووووووووعه بكل الماقايييس...
سلمان يبي يتأكد:والله...
حنان:ما يبيلها حلف..صراحه تناسق الوان...والتصاميم شكلها متعوب عليها....
سلمان:هذا تجميعي لها يمكن اكثر من سنتيين...ومجمعها من كذا مجله وكذا تصميم.....
ليلى بانبهااااااار:كوووووووووو� �ول....صراحه ذوقك خياااااااااالي........
رانيه:ما شاء الله طلعت ذويق...
سلمان:لا دام رانيه عبرت عن رايها خلاص انا متأكد.....
رانيه:حرام عليك انا ما اتكلم.....
سلمان:انتي..من قال؟؟......
رانيه:طيب تتطنز..........
سلمان:ههههههههههههه
ام سلمان:ومتى ان شاء الله نخطب لك.......
سلمان:خير البر عاجله....وبما ان اخوها طلع بالسلامه...خلاص بكره...
ليلى:لا وشو بكره خليها لين تطلع النتايج........
سلمان:مدري وش رايك حنان؟؟؟
حنان:والله شوف الاسبوع الجاي افضل....الناس تكون انتهت والاجازه جت....
سلمان:الراي رايكم.............
ليلى:عقبالك حنو...ان شاء الله يطلع بيتك احلى من هالسلمان....
سلمان:يالله يالغيره....قولي الله ماشاء الله.....
حنان حست بخوف فضيع مع احباط امل قوي كل ما يجي طاري الزواج....وش فيهم محد يحس بي.....
وكملوا نقار وهواش ليلى وسلمان ....وراحوا للغرف كلها شافوها....الا غرفة النوم ما سوى فيها ولا شئ الا بعد الملكه عشان يختارونها مع بعض...............
ورجعوا البيت وهم مستانسيين وسلمان اللي طاير من الوناسه وحاس انه مع كل يوم يروح يزيد خوف مع فرح............
*************************************************
نهى:احسها صعبه........
نواف:وشو اللي صعبه........
نهى:ليش نقعد...بس نعذب نفسنا ونزيد الامنا الام........
نواف:انا اشوف هالشئ من صالحكم انتو الاثنيين...يعني تصفية مافي النفوس....
نهى:وانت وش رديت عليه.....
نواف:باقول له اللي بتقولينه اللحين.......
نهى بخوف:وابوي تتوقع وش يقول..........
نواف:هذي حياتك وهو الى الان زوجك.........
نهى:ما ادري احسها صعبه...خيبت املهم وبارجع مطلقه......
نواف:لاتتندمين على شئ فات...انتي خضتي التجربه وهذا مصيرك.......
نهى:الله يعين اجل خلاص اكلمه....
نواف:وانا بعد اشوف كذا........
طلع نواف من عند نهى وتركها بحيرتها....نهى محتاااااره مره...تدري ان هالشهر بيكون احلى شهر بحياتها وكل وقت تقضيه مع محمد هو احلى شئ بدنيتها.....محمد كان مفتاح لابواب سعاده بحياتها..
وهي اكثر شئ تخافه بعد هالشهر...وشلون تقدر تعيش بدونه...هي يالله تقبلت انها ما راح تكون معاه... شلون بعد لحظات حلوه عاشوها مع بعض........
مسكت جوالها ودقت عليه وقلبها ملياااااااان خووووووف.....
نهى قفلت الخط بسرعه بس جت نغمه عند محمد....رجع محمد اتصل فيها وانخرشت نهى ما تعرف ترد او لا....قامت بسرعه وقفلت باب غرفتها وقعدت على الكرسي وتناظر بالمرايه وردت عليه...
محمد:الو...
نهى:نعم...
محمد:السلام عليكم.......
نهى:وعليكم السلام....
محمد:شلونك؟؟وش اخبارك؟؟؟
نهى ترد بجمود:بخير..
محمد:فيكِ شئ؟؟؟؟؟؟؟
نهى:لا ابد مافيني شئ...
محمد:اكيد ما فيك شئ......
نهى مرتبكه:ايه..انت شخبارك؟؟؟
محمد:بخير دامني اسمع هالصوت..ها اجيك اليوم......
نهى بدا الخوف بقلبها:لا موب اليوم....
محمد:ما اشتقتي لي.....
محمد يحب يحرج نهى...ونهى خايفه ان محمد ياخذ بخاطره منها....
نهى:لا مو قصدي بس ما رتبت اغراضي......
محمد:اجل بكره بعد الدوام امرك وعلى طول ببيتنا......
نهى:........................................
محمد:نهى.........
نهى:نعم!!!!!
محمد:معاي.....
نهى:ايه.......
محمد:طيب موافقه؟؟؟؟
نهى مفجوعه:على وشو اوافق........
محمد:ههههههههههههههه
نهى تموت بضحكة محمد عليه ضحكه تضحك اللي قدامه غصبا عنه...ويطلع صوت يبين انه ميت من الضحك........
نهى مبتسمه:ليش تضحك؟؟؟انا قلت شئ يضحك؟؟؟؟؟؟؟؟؟؟
محمد:لا ابد...بس تذكرت بداية زواجنا والا نسيتي شلون تقولين موافقه.......
نهى عرف يستدرجها محمد بالكلام:شلون ما اذكر!!!
محمد:عليّ انا...بس ولا يهمك اذكركِ......تذكرين يوم يسألك الشيخ...وش قلتي له....
نهى:الله يقطع شرك ما نسيت...........
محمد:احد يقول على راحتك....على راحة الشيخ......
نهى:بس محمد لاتقعد تذلني بهالسالفه..........
محمد:بالعكس كل ما اتذكرها اموت من الضحك....
نهى:زين تتذكر شئ عني يخليك تبتسم........
محمد:بس هالشئ...كل شئ بحياتنا اتذكره...اتذكر كل شئ...الاكل اللي تحبينه...وقعدة القهوه بالمغرب... ضحكتكِ في احد ينساها.....انتي كل شئ بالنسبه لي....وكل شئ بدنيتي...تعودت عليك وعلى كل شئ تحبينه....وشاهيكِ ما انسى طعمه........
نهى:خلاص محمد...حرام عليك لا تخليني ابكي.....
محمد:الا دموعك تراها غااااااليه عندي.....
نهى:طيب ترى الي ببطني.......
محمد:الله يهديكِ...تمنيت انه يكون معنا الشهر........
نهى:اخاف ينفخ فيه الروح وما اقدر انزله.....
محمد:حصل خير...اهم شئ انتي...جهزي حالك وجهزي شنطتك......
نهى:ليش بنسافر......
محمد:اكيــــــد....
نهى:وين؟؟؟؟
محمد:اختاري....
نهى:مدري على راحتك........
محمد:انا اقول نروح برى السعودية ازين وابعد عن الناس......
نهى:بالعكس اذا ما عندك أي مانع بالجنوب افضل شئ...خصوصا ابها....مدري اذا ما تحبها لا نروح لها..بس اذا عادي عندك صراحه ابها رووووعه وتحس بين اهلك وناسك...
محمد:اوكي ما عندي أي مانع....بالعكس اللي يريحك يريحني.......وانا بعد افضل ابها لاني اعرفها...
نهى:على كيفك........
محمد:اوكي بكره باخذ اجازه من العمل...اليوم تجهزين كل اغراضك واذا تبين من البيت شئ معك المفتاح ودقي عليّ اجيك او نواف يجيبك.....
نهى:اوكي...
محمد:اجل فمان الله......
نهى:بوداعة الكريم وحفظه...
نهى ما تدري هي تستانس والا تواجه خطر قادم...هي تحاول تبعد عن محمد خلال الثلاث شهور بس الظاهر صعب...صعب انها تنسى احلى ايام عاشتها مع انسان واعي متفهم....صحيح نواف كان بصفها بس الزوج غييييييير....يعاملها بلطف وحنان وفوق كذا يموت فيها.....
نهى تعلقت بمحمد بالبداية بشكل جنوني لدرجة انها احيانا ما تبي ترجع البيت....وبنفس الوقت محمد يحاول يعرف منها السبب الحقيقي لكرهها لاهلها...وفعلا هم يعاملونها كذا والا هي تتخيل هالاشياء...
نهى..ودي اصارح محمد بحبي...بعشقي له..ودي اصارحه بالحقيقة بس اخاف يكرهني ويخذلني.. اخاف يكرهني وما يعتبرني بالوجود...بس هو طيب...اخاف ان درى اني اموت فيه ما يعبرني....
>>آآآآه يا نهى لو تعرفين وش غلاك قد؟؟؟اموت فيك..وودي اعرف وش تاليكِ...انسانه نادره وين الاقي اللي يحبني بصدق...وين القى بديل عنها وانا تعودت عليها....بس انا لازم اعرف وش قالو لها.. وش السبب الكبير اللي يمنع انها تعيش معاي......
كل شئ باعرفه بهالشهر بس لازم اكلم الوالده..........
********************************************
عهود:الى الان ما قامت الجوهره...
ام فيصل:مدري وش فيها...لايكون صاير لها شئ....
خلود:لا انا مقومتها صلاة العشا...قامت صلت ورجعت نامت.....
ام خالد:خلوها ترتاح بعد آخر يوم...اكيد ما كانت تنام الايام الماضيه......
ام فيصل:بس غريبه اول مره تنام هالنوم.....
عهود:يمكن ثالث ثانوي غير....
خلود:يمكن.....
ام خالد:جو العيال تغطن يا بنات......
ام فيصل:خلصتوا من الدواره بهالشوارع.....
فيصل:لا ما خلصنا ولاطرى علينا....بس قلنا ما نبي نفوت قهوتكم....
ام فيصل:قهوتنا المغرب وقضت....
فيصل:الله يخلي البنات يقوموا يصلحوا لنا قهوه....
عهود ودها ترد على فيصل قهرها مررررررره بس ما تقدر..وش شايفني شغاله عنده....وخلود ماتت من الضحك على خبال ولد عمها.....
منصور:الا وين الناس؟؟بس انتو؟؟؟
عهود بغت تخربها وتدق منصو بالكلام بس امها سبقتها وسكتت.....
ام خالد:اخواتك هنا والجوهره فوق.....
فيصل:اكيد نايمه...ما تترك عادتها آخر يوم كله نوم.....
منصور:ههههههه...حلللللللوه.. ..
فيصل ببلاهه ويبي يحرج منصور:منهي الحلوه؟؟؟
منصور انحرج على الاخر وما يعرف لحركات فيصل:الشعر اللي قلته!!!
فيصل:اشوى احسبك تقصد شئ ثاني....
عهود وخلود يالله يالله ماسكيين نفسهم لايضحكون بصوت عالي...حركاته وهو يتكلم شئ ثااااااني..
منصور:ترى انا منصور مو فيصل.....
فيصل:لا...تصدق احسبك فيصل.........
ام فيصل:وين ابوك وعمك؟؟؟
فيصل:اخبرهم يطرون الحرمه الثانيه....وشكلهم راحوا يخطبون اللحين......
ام فيصل:قم من عندنا لابارك الله بابليسك...لو كنت جمبي كان قرصتك....
منصور:ليته عندك عشان تعطينه قرصه كود انه يعقل....
فيصل:يا كثر الناس اللي يترصدون لي بالشر....
فيصل يحب يستعرض عند البنات خصوصا اذا كانوا بنفس جيله...ويطلع انواع الفنون اللي عنده.. بس اشوى ولا احد انتبه من العيال والا مسكوه طنازه ولاتركوه.......
منصور:اقول خلنا نروح برى.....
فيصل:ليش؟؟؟خلينا هنا مستناسيين.......
منصور:لا ياشيخ...يالله قوم....
قام منصور وفيصل منقهر وده يطلع فنونه الثانيه...بس هو دمه خفيف وما يحتاج يستعرض....
منصور انشغل باله بموضوعه هو جوري خصوصا ان ابوه وعمه قاموا يلمحون بالموضوع وشكلهم متكلميين فيه....
اخاف اتكلم عن اللي بداخلي واقول اللي ابيه ينقلب الموضوع فوق تحت خصوصا وانا ببيت عمي... واخاف تكون وسوسه مني...والا وش اللي غيرني وخلاني عادي مو مثل الاول متعلق باخر امل فيها....
احس ان سلطان انسب لها...وانا وش دراني مجرد موقف بسيط يحصل بين أي واحد ووحده...بس احس نظراته غير لها...
منصور وين تفكيرك القوي الصارم...وين قوتك باتخاذ القرار...وين اللي كنت تعلمه للناس... منصور اجزم امرك وسوي اللي يرضي ضميرك.....
صارت العبارات ترن براسه وافكاره تروح به بعــــيـــــد...ما يدري اللي يفكر فيه هو الصواب بعينه والا افكاره خلته يروح بعيـــــــــد.....
فيصل:يالله ابو الشباب وصلنا بيتكم......
منصور:بتنزل معاي والا لا.......
فيصل:مدري افكر...اكيــــــد بانزل عشان الف البيت براحتي...مافيه ارجع يا ولد وراك احد....
طلع من السياره منصور وسكر الباب وفيصل خرج بعد وقاله منصور:حزنتني...مسكين اللي سمعك يقول انك ما تدخل البيت كله اذا فيه احد من الحريم.....
فيصل:خلينا نسولف..دام السوالف ببلاش.....
منصور:وش رايك بس ندخل؟؟؟؟
ودخل منصور البيت والعمال يشتغلون فيه...وراح لغرفته اما فيصل صار يتمشى بالبيت.......
منصور اخذ اغراضه المهمه لان البيت بس يبيله شوية ترميم ومن جهة وحده..عشان كذا ما اخذوا عفشهم كله...واخذوا المهم من اغراضهم الا منصور..جا واخذها بنفسه..
منصور يعشق الكتب بجنون...خصوصا اللي مجالها علم النفس...اخذ كتبه المفضله ودفتره اللي يكتب فيه اجمل عبارات مرت عليه.....
رجعوا البيت منصور وفيصل....وقابلوا بالمجلس الخارجي خالد وابو خالد.......
ابو خالد:مريت البيت.....
منصور:توني راجع منه...بغيت شئ...
ابو خالد:لا بس ودي اتطمن على الشغل...تعرف العمال اذا مافيه احد وراهم ما يشتغلون....
خالد:انا ومنصور نتناوب عليه....
منصور:ولا تشيل همه........
ابو خالد:لا لازم امر عليه يوميا ما اتطمن اذا ما شفته بنفسي...بس ابي المتابعه بالليل.......
خالد:لا من هالناحيه لا تشيل هم........
فيصل راح عنهم داخل البيت........
ابو خالد:ها يا منصور متى نتكلم بالموضوع......
منصور:أي موضوع!!!
ابو خالد:موضوع بنت عمك...الاجازه جت وخلاص ما بعد هالوقت وقت...نخطبها رسمي وعمك ما يردنا.....
منصور بضيق:لو نأجل الموضوع شوي.....
ابو خالد:ابد ما فيها تأجيل....خلاص البنت علقناها ولا تقدمنا رسمي...موب عشانها بنت اخوي مانسوي مثل العالم والناس...لازم نخطبها رسمي.....
خالد:طيب هي وافقت والا لا.......
ابو خالد:احنا نخطبها واللي يصير يصير وعمك مهوب رادنا......
منصور اخذ الدفتر اللي معاه وصار يقلب اوراقه ويقرى كتاباته وكتابات بنت عمه اللي كانت تجيب له اياها خلود..........ويحاول يبعد ابوه عن هالسالفه اقل شئ لو تتأجل...
قلب الاوراق...وفتح قسم مكتوب فيه (عبارات اعجبتني)...
يقول احد الحكماء:
الناس مشغولون عني وعنك بنقص خبزهم وإن ظمأ أحدهم ينسيهم موتي وموتك....

ويققول أحد أدباء الغرب:
افعل ما هو صحيح ثم أدر ظهرك لكل نقد سخيف!!
.......
وقرى اللي بعده وهو اللي قهره اكثر(تركى على المركه اللي جمبه وهو قاعد بالجلسة الشعبية وخالد بالكنب يقلب بجريدة)
>>كان من كتابات جوري....بتواقيعها اللي كانت تلطشهم خلود...
في الحديث((من أكثر من الاستغفار جعل الله له من كل هم فرجا ومن كل ضيق مخرجا))
والثانيه:أي شئ وجد من فقد الله؟!وأي شئ فقد من وجد الله؟!لايستويان أبدا...من وجد الله وجد كل شئ ومن فقد الله فقد كل شئ.....
تحطم منصور عند كلماتها....انقههههههر من نفسه على الاخر...شلون يفرط بالعلم الشرعي ويروح لعلم النفس....ليش اضيع وقتي بعلم من ناس مثلي مثلهم...وافرط بعلم من سيد البشرية.... وش بي ما احس وما افرق بينهم...لا قريت كلام او اثر من السنة ينشرح صدري وتلقائي يدخل قلبي...وعلم النفس دورات وشهور لين تدخل.........
تأفف منصور وضاق خلقه ورمى الدفتر بجنبه....وانسدح وحط راسه على المركه....
خالد انتبه لمنصور:وش فيك ابو الشباب.....
منصور:حاس بضيق.....
خالد:ليش عشان خطوبتك...عادي كل الشباب اللحين يشيلون هم الزواج لانه يربطهم....
منصور:لا تروح بعيد...
خالد خلا الجريد على جنب:وش السالفه يا منصور.....
منصور:حاس بضيق موب طبيعي.....
خالد:انا قلت يمكن اثر الحادث يوميين ويروح بس ما هقيته يطوول(وجا عنده)
منصور تعدل بالجلسه:انا موب منصور الأولي....
خالد:ليش وش اللي تغيّر....
منصور:قول ليش انا ما تغيرت...انا جتني حالة هوس بعلم الغرب...علم النفس...دورات وشهور وبالنقليزي والعربي...وسنوات وانا عمري ما فكرت بحالي زين.....
خالد:طيب وش اللي صار؟؟؟
منصور:انا متندم على اللي صار......
خالد:وش اللي صار........
منصور:لا تلعب باعصابي يا خالد...
خالد:شف يا منصور...انت خارج من حادث واكيد نفسيتك تعبانه بس انك تتغير على اللي صار لا... انت واحد مثقف وكم واحد اقتنع وصار بعيد عن الاشياء السيئة...تتذكر ولد جيراننا اللي عجز ابوه عنه انت بعد الله خلاه يهتدي...علمته التفكير الزين...وكانت هوايتك لا تنسى...وصديقي..وصديقك... وناس انت اكثر مني تعرفهم.....
منصور:بس انا متندم على العلم ذا وتركت افضل علم وهو العلم الشرعي.....
خالد:ما فيها شئ كلها علوم ولازم الواحد يتعلم مو بس يقعد على علم واحد....اذا كان كل الناس تفكر مثلك...اجل صرنا ما ندرس الا دين...انا ما انقص من العلوم الدينيية هي اهم شئ ومعها ناخذ العلوم الثانيه.....
منصور:مدري حاس اني قصرت مره بالعلم الشرعي وفيه عبارات لعلم النفس كنت اشوفها هي طريقي وهي اللي بتقويني واتفاجا ان فيه بالحديث او قول من الصحابه اقوى منه بكثير....
خالد:هيّن ذي ما فيها كلام السنه افضل...بس انت ادمج بينهم...
منصور:شلون؟؟
خالد:يعني العلم النفسي هو علم جيد انت قويه بالعلم الشرعي.... وابدا من اللحين....
منصور:ان شاء الله.....
منصور ارتاااااااااااااااح لرد خالد كان بدوامة ندم كبيييييييييرة وارتااااااح لخالد...مع انه كان صعب انه يقتنع باي رأي بس خالد غييييييير....يشوف باخوه رجوله وتفكير عجيب......
واخذ دفتره المعظم عنده واللي مستحيل يستغنى عنه بروح قويه....وقرى موضوع كان هو السبب بيأسه...بس اللحين يقراه بروح عااااااااليه.....
((غريب أليس كذلك..؟))
غريب كيف اننا نرى 10 ريالات كبيرة عندما ناخذها للمسجد وصغيره جدا عندما ناخذها للسوق!!
غريب كيف أننا نرى ساعة في طاعة الله طويلة ولكن ما أسرع تسعون دقيقة في لعب كرة القدم أو ستون دقيقة في ألعاب الكمبيوتر..!!
غريب كيف يفرح الناس عندما تعطى المبارة وقتا اضافيا ولكن يشتكي الناس عندما تطول خطبة الجمعة عن وقتها المعتاد!!
غريب كيف أننا نتقبل ونتبع أحداث أساليب الحياة ولكننا ندير ظهورنا لسنة نبينا محمد صلى الله عليه وسلم...!!!>>وهذا اكبر شئ اثر فيه...
غريب كيف أننا نحتاج الى مدة طويلة ونواجه صعوبة في حفظ آية او اثنتيين ولكن في مدة قصيرة وبسهوله نستطيع حفظ اغنيه!!!
غريبة رغبة الناس في الذهاب الى الجنة بشرط عدم اعتقاد او تصديق او قول او عمل أي شئ!!
وسكر دفتره وحس انه نشيط وعرف ان الشيطان يدخل من مداخل الفرح ومداخل الحزن... كسر شيطانه ونوى انه يصادق سلطان عشان يروح معاه ويحضر المحاضرات عشان يستفيد ويعرف دينه اكثر.....

**************************
عمر:يا محمد ظروفها صعبه وش فيك انت؟؟؟
محمد:انت اللي وش فيك يعني تتوقع اطلقها بكل سهوله وتبي ترجع لاهل ما يراعونها....
عمر:شف انا معك هي ظروفها صعبه مره...امها توفت وامي اللي ربتها...بس هي ما عندها ثقه باحد وشخصيتها ضعيفه.....
محمد:بس انا ما اشوف اللي تقوله....
عمر:يعني بالله باكذب عليك....شف انا باقولك شئ ولو اني ما كنت ناوي اقوله...بس اللحين مضطر...
محمد:ايه وشو؟؟؟
عمر:هي من توفت امها وهي تحس انها فاقده شئ...انا ما اقولك اننا كنا العائلة المثاليه يعني عادي مثلها مثل أي بنت....بس هي تحسب كل شئ غلط..ويمكن قالك شئ نواف...بس هي نفسها ما فهمناها حساااااااااسه مرره وعشانها يتيمه وما تثق باحد...وبعد امها ما توفت هي ومره صغيره لا عرفت امها يمكن عشر سنيين بس امي والله ما قصرت....بس هي حساسه مرره وتزعل من أي شئ وتعبت نفسيتها وبغينا نوديها لمستشفى بس هي يوم عرفت زعلت مره وقلبت علينا من يومها تحسبنا بنرميها ونتركها....احنا نبي مصلحتها ونبيها تخرج من الحاله اللي فيها بس زادت بالفتره الاخيره.....واللي مره زاد عليها كان اكبر شئ غيّرها هو ملكتها....ملكت على واحد وتعلقت به وفجأة تركها من دون أي سبب وتأثرت مرررره لدرجة اننا غصب ودينها للمستشفى وكانت حالتها صعبه ومن عقبها وهي حالتها ما تسر الواحد.....
محمد تطمن انها ما كذبت عليه:طيب وسالفة انكم ما تعطون حريتها بالبيت وماتعاملونها مثلها مثلكم واهلكم ما يبونها ويبعدون بزرانها عنكم....اعذرني عمر بس انت صديقي وتعرف ان ما بيننا شئ..
عمر:انا داري ان نواف اكثر مع نهى...بس(وسكت) يعني هي مره كانت بتضر نفسها وخفنا عليها وعقبها خليناها ما تقفل الباب والبزران وامهاتهم ما ادري عنهم بس انا انوقع انها تصورت هالشئ يعني وحده قالت لولدها تعال وهي فهمتها غلط........
محمد حس انه متضااااااايق مره على نهى...فعلا حالتها صعبه وما تتحمل أي شئ وما وثقت الا بمحمد والباقي كرهتهم....
حس انه مسؤل عنها وعن حياتها ووده لو يصحح لها الامفاهيم وتمنى لو يلاقي حل لمشكلتهم...
عمر:وين رحنا؟؟؟
محمد:ما ابعدنا....
عمر:اجل يالله مشينا للبيت ما تبي تستلم.....
محمد:لا بكره امرها وآخذها......
عمر(يغمز) :تبي تبعد عن الاجواء المشبوهه
محمد:بالضبط..
عمر:ههههههههه
وافترقوا محمد وعمر وكلن راح بيته.........
****************************
قامت من النوم جوري وهي مالها خلق تقوم ولا تبي تتذكر ولا شئ بس غصبا عنها المدرسه ببالها هاليوم نزلت دموعها وصارت تصيح...قامت ودخلت الحمام ولقت وجهها متنفخ من النوم والصياح ومتغير شكلها مره......
خرجت للصاله البيت كله مقفله انواره...نزلت المطبخ ومالها خلق تاكل شئ بس عشان بتسلي نفسها عشان ما تتذكر شئ بس كل شوي تتذكر وتصيح...
جوالها كان مغلق فتحته وناظرت والا جايتها رسايل من هيفاء وغدير وكلها شوق وحزينه ردت تصيح...ولقت رساله من رقم غريب....
<سلام الى اغلى جوري..مبروك يا قمر على انتهاء الاختبارات وعقبال النتيجه الحلوه اللي مثلك.. المجروح>
جوري اشتعلت كل نيران الخوف بقلبها....حتى الجوال عرف رقمه...مستحيل هذا يعرفني..موب صاحي...ومسحته على طول بس ما نست رقم جواله لانها من الخرعه تعيد الرساله وتناظر رقم الجوال...
جوري صدع راسها من هالسالفه الى الان ما نسى ولا بعد من الجوال...وزاد همها هم... نزلت راسها على الطاولة اللي بالمطبخ وقدامها كاس عصير الليمون...وتذكرت غدير وهيفاء...آآآه والله هم شلون اترككم...اللحين استوعبت السالفه..اللحين حست بهم...حست بفقدتهم...حست بالدنيا تضيق عليها كل ما تتذكرهم.....ونزلت دموعها غصبا عنها...
تنحنح واحد برى المطبخ...ارتبكت جوري وما كانت تظن ان فيه احد صاحي....
منصور:فيه احد......
جوري مرتبكه وما تدري وش تقول بس اسعفها لسانها وقالت:ايه...وراك...
منصور بياخذ علاجه اللي امه حاطته بالمطبخ لانه نسى ياخذه وخصوصا المراهم اللي على الوجه.. لازم يستمر عليها عشان تمحي اثر الخياط الي على وجهه....بس مستحي يتكلم....
جوري:انا باطلع اللحين فوق وخذ راحتك....
جوري ما تدري هو صح اللي قالته والا جرأة منها...جوري تخاف من الرد على الرجال وتحس انهم يفهمون كل شئ على هواهم...وخصوصا منصور متخوفه مره منه ومن تفكيره.....
منصور:لا خلاص كنت ابي شئ وهونت...
وراح منصور عنها لغرفة العيال اللي تحت....
مشكلة بيت ابو فيصل ان ما فيه الا مجلس كبير برى وملحق...بدورات المياه المرفقه بس الغرف الداخليه اريح منها بكثير....وهي تسعهم بس البنات يستحون من العيال اما الكبار ماهم حاسين بشئ وبالعكس مستانسيين على هاللمه.....
طلعت جوري لغرفتها وسكرتها وكانت تبي تفتح كيس الهدايا من صديقاتها بس ضاق خلقها وراحت لكمبيوترها....
قلبت بالمنتديات وكانت تبي تدخل شات بس تذكرت المصخرة اللي بالشات وان ما تلاقي الا ناس فاضيه وما يستحون تركته وقفلت النت......
من الطفش رجعت فتحت النت لان ما فيها ولاقطرة نوم وفتحت المنتدى ولقت 3رسايل من المجروح...
((ليش انا؟؟ليش من بين كل هالمخاليق تهجرني...ابعرف سبب واحد عشان تكرهيني... محبك:المجروح))
2
((الله يسهل عليك اختباراتك...ويوفقك..بس ما جاوبتيني؟؟
محبك:المجروح))
3
((تبي تعرف غلاك وش قد؟؟انا أسألك وجاوبني بجد!
هي الســمــا تـنـتـهـي بــحــد؟؟
او الارض تـنـتـهـي بــســد؟؟
أو الـرمــل تـلـقـالـه عــد؟؟
لا لـقـيـت جـواب أو رد
وقــتـــــهــا...
بـتـعـرف غــلاك وش قـــد....
محبك المجروح))
جوري انقهرت منه مررررررره...وش يبي منه وبنفس الوقت اشتغلت كل عروق اللقافه عندها... ولقت ايميله حاطه باخر الرساله بس خافت من الاضافه...هي بس تبي تشوف وسالفته وبنفس الوقت شئ مررررررره صعب انها تكلم وتدري انه رجال....ترددت مره من هالفكره.....
ودخلت المسن........
وما صدقت يوم لقت سارا اون لاين...وبسرعه دخلت معها....
سارونه كان النك نيم(هاك قلبي يا بعد عمري هديه..تجرحه ما تجرحه انت وضميرك)
والنك نيم حق جوري(سارعي للمجد والعليا::مجدي لخالق السما)

سارعي للمجد والعليا::مجدي لخالق السما:
هلا وغلاااااااااااااااااااااا ااااااااااااااااااااا

هاك قلبي يا بعد عمري هديه..تجرحه ما تجرحه انت وضميرك:
اهليييييييييييييييييييييي ييييييييييييييين جوجو

سارعي للمجد والعليا::مجدي لخالق السما:
السلام عليكم؟؟وكيف الحال؟؟ووين الناس؟؟

هاك قلبي يا بعد عمري هديه..تجرحه ما تجرحه انت وضميرك:
شوي شوي

هاك قلبي يا بعد عمري هديه..تجرحه ما تجرحه انت وضميرك:
اول شئ وعليكم السلام
ثاني شئ انا الحمدلله بخير
ثالث شئ انا موجوده انتي اللي وينك

سارعي للمجد والعليا::مجدي لخالق السما:
ادعيييي لنا والله خايفه من النتيجه...

هاك قلبي يا بعد عمري هديه..تجرحه ما تجرحه انت وضميرك:
لا ان شاء الله تجبين نسبه حلوه زيك..

سارعي للمجد والعليا::مجدي لخالق السما:
آآآآآآآآآمين يارب...

هاك قلبي يا بعد عمري هديه..تجرحه ما تجرحه انت وضميرك:
اليوم خلصتوا صح

سارعي للمجد والعليا::مجدي لخالق السما:
ايه خلصنا...بس وش رايك باخر يوم...

هاك قلبي يا بعد عمري هديه..تجرحه ما تجرحه انت وضميرك:
لازم الطفش والقلق وبتكونيين متنكده مرررررررره وبعدين يصير عادي...

سارعي للمجد والعليا::مجدي لخالق السما:
ليته يصير عادي...ما ادري حاسه الدنيا ضايقه عليّ

هاك قلبي يا بعد عمري هديه..تجرحه ما تجرحه انت وضميرك:
يالله فتره ان شاء الله وتعدي....اخبارك واخبار المعاريس بعد ثالث....

سارعي للمجد والعليا::مجدي لخالق السما:
اليوم خلصت ما يمديهم العرسان يجون...ولاحقين على هم الزواج...

هاك قلبي يا بعد عمري هديه..تجرحه ما تجرحه انت وضميرك:
ليش هم؟؟بالعكس وناسه ودلع وشئئئئئئئئ

سارعي للمجد والعليا::مجدي لخالق السما:
تراها سنه وحده وبس...



هاك قلبي يا بعد عمري هديه..تجرحه ما تجرحه انت وضميرك:
ليش متحطمه كذا...بالعكس الزواج غيــــــر...

سارعي للمجد والعليا::مجدي لخالق السما:
ايه سارونه بغيت اقولك شئ....

هاك قلبي يا بعد عمري هديه..تجرحه ما تجرحه انت وضميرك:
وشو؟؟

سارعي للمجد والعليا::مجدي لخالق السما:
تذكرين سالفة المجروح كنتي بتقولينها ومن عقبها ما التقينا....

هاك قلبي يا بعد عمري هديه..تجرحه ما تجرحه انت وضميرك:
توني بافتح معك هالسالفه....بس يبيلها مقدمات لليل....

سارعي للمجد والعليا::مجدي لخالق السما:
ما بيننا شئ....بدون مقدمات...

هاك قلبي يا بعد عمري هديه..تجرحه ما تجرحه انت وضميرك:
اجل اصبري علي لين اكتب السالفه..

سارعي للمجد والعليا::مجدي لخالق السما:
اوكي

هاك قلبي يا بعد عمري هديه..تجرحه ما تجرحه انت وضميرك:
اولا انا قلت لك قبل كذا لاتاخذين موقف غلط مني ابدا...انا حبيتك وحسيت انك طيبه بجد... وكثير اشياء متوافقه بيننا...وانا اختي تعرفك اكثر مني وانا عن طريق المنتدى والمسن....

سارعي للمجد والعليا::مجدي لخالق السما:
منهي اختك؟؟يعني تعرفيني زين وتعرفين عايلتي وكل شئ.....

هاك قلبي يا بعد عمري هديه..تجرحه ما تجرحه انت وضميرك:
ايه وأنا أتكلم مع اختي اتفاجأت بانها عارفه يوزرك وبس اندمجنا مع بعض...

سارعي للمجد والعليا::مجدي لخالق السما:
واااااااااااااااو يالصدف طيب من انتي؟؟ومنهي اختك؟؟

هاك قلبي يا بعد عمري هديه..تجرحه ما تجرحه انت وضميرك:
اكمل السالفه وبعدين اقولك من انا....

سارعي للمجد والعليا::مجدي لخالق السما:
سوري قطعتك...بس من الحماس...

هاك قلبي يا بعد عمري هديه..تجرحه ما تجرحه انت وضميرك:
عادي ما صار شئ...

هاك قلبي يا بعد عمري هديه..تجرحه ما تجرحه انت وضميرك:
بعد ما اندمجنا مع بعض صراحه تمنيت لو نتقابل بس ما ادري عنك واحسها بعد صعبه لان اهالينا ما يسمحون تروحين لاي مكان...

سارعي للمجد والعليا::مجدي لخالق السما:


هاك قلبي يا بعد عمري هديه..تجرحه ما تجرحه انت وضميرك:
وصراحه كتاباتك ما تبين الا عن وحده واااااااعيه خصوصا خواطرك محتفظه فيها كلها....

سارعي للمجد والعليا::مجدي لخالق السما:
يسلمو..هذا من ذوقك..

هاك قلبي يا بعد عمري هديه..تجرحه ما تجرحه انت وضميرك:
بستغربين وش دخل ذا بالمجروح...بس اذا قلت لك اني اعرف المجروح وعندي كلام منه لازم يوصلك...

سارعي للمجد والعليا::مجدي لخالق السما:
وت؟؟؟؟؟؟؟؟؟؟؟؟؟؟

هاك قلبي يا بعد عمري هديه..تجرحه ما تجرحه انت وضميرك:
داريه انك بستغربين...بس باقولك كل السالفه بس بدون زعل...

سارعي للمجد والعليا::مجدي لخالق السما:
ايه قولي تراني عجزت استوعب....

هاك قلبي يا بعد عمري هديه..تجرحه ما تجرحه انت وضميرك:
بصراحه المجروح طايح فيكي طيح ويبيك من جد..ويتمنى هالامنيه تتحقق ويوم عرف عن اختي انها تعرفك انجن وخلاها تاخذ رقم جوالك وعطاه امي عشان تكلمكم....

سارعي للمجد والعليا::مجدي لخالق السما:
يعني اخوك المجروح...

هاك قلبي يا بعد عمري هديه..تجرحه ما تجرحه انت وضميرك:
ايه اخوي..انا دخلته عن طريقه..وانتي كنتي محل اعجاب الكثير مو بس هو....

سارعي للمجد والعليا::مجدي لخالق السما:
بس اسمحي لي طريقته غلط....

هاك قلبي يا بعد عمري هديه..تجرحه ما تجرحه انت وضميرك:
والله كلمته بس هو يقول ما فيها شئ احنا عن طريق النت...وانتي لاتصيرين متحجره... ومن هالكلام...

سارعي للمجد والعليا::مجدي لخالق السما:
يعني شفتي الرسايل الخاصه....

هاك قلبي يا بعد عمري هديه..تجرحه ما تجرحه انت وضميرك:
صراحه ايه..وكانت ردودك مره حلوه...بس هو اعترض يقول ما فيها شئ..احنا نغلق من كل مكان..ما اتكلمنا ولا اتقابلنا مجرد نت..وكتابات...لا نصير منغلقيين ومن هالكلام....

سارعي للمجد والعليا::مجدي لخالق السما:
لا حبيبتي انا عندي النت مثل غيره...وهذا موب اسمه انغلاق هذا اسمه عقل...الواحد ما يكتب أي شئ..ويحسب ان العلاقات اللي بالنت جايزه.....

هاك قلبي يا بعد عمري هديه..تجرحه ما تجرحه انت وضميرك:
والله انك صادقه بس هو والله حبيب وحليل ومره مثقف وفاهم بالكمبيوتر...صراحه كل شئ فيه زين...بس ما يحب التحجير وكل شئ عيب خصوصا العلاقات اللي قبل الزواج....

سارعي للمجد والعليا::مجدي لخالق السما:
يعني عادي عنده العلاقات اللي قبل الزواج...

هاك قلبي يا بعد عمري هديه..تجرحه ما تجرحه انت وضميرك:
ايه وهو كلمني اني اكلمك وتصيرون تتعرفون على بعض قبل الزواج واذا اتأقلمتوا مع بعض تتزوجون....

سارعي للمجد والعليا::مجدي لخالق السما:
لا يا حياتي قولي له اني انا منغلقه ومنحجره وما اعرف بالحضاره شئ...العلاقات حرام ذا شرع ربنا مو لعب وقوليه يتذكر هالآية((وما كان لمؤمن ولا مؤمنة اذا قضى الله ورسوله أمرا أن يكون لهم الخيرة من أمرهم))

سارعي للمجد والعليا::مجدي لخالق السما:
يعني مالنا خيارات...هذا دين ماله شغل بالثقافه....

هاك قلبي يا بعد عمري هديه..تجرحه ما تجرحه انت وضميرك:
يعني منتي موافقه.....

سارعي للمجد والعليا::مجدي لخالق السما:
اصلا انا مخطوبه..وبعدين انا مو من هالفكر...ولا احبه...والغريب ان كثير من الناس طايحيين فيه... عسى الله يهدي اخوك....

هاك قلبي يا بعد عمري هديه..تجرحه ما تجرحه انت وضميرك:
اوكي براحتك...بس لا يأثر هذا بعلاقتنا...كل واحد حر بتصرفاته....

سارعي للمجد والعليا::مجدي لخالق السما:
اكيد ما صار بيننا شئ بس تكفين تراه مرسل لي رساله على الجوال يا ليت تحذفين رقمي من عنده.. وعند اختك الي مدري منهي خليها تغير اسمي او تحذف اسمي وتحط الرقم بالنوته...

هاك قلبي يا بعد عمري هديه..تجرحه ما تجرحه انت وضميرك:
اوكي واسفين على الازعاج...بس ماتبين تعرفين من انا ومنهي اختي.....

سارعي للمجد والعليا::مجدي لخالق السما:
اكييييييييييد بعرف....

هاك قلبي يا بعد عمري هديه..تجرحه ما تجرحه انت وضميرك:
انا بنت عم غدير..ورقمك من غدير اخذته يعني مو عن طريق اختي بس عشان ما تتخرعين

سارعي للمجد والعليا::مجدي لخالق السما:
واااااااااو...اخر ما توقعت انك من طرف غدير عموما تعارف حلو وان شاء الله نتلاقى ببيت غدير..

هاك قلبي يا بعد عمري هديه..تجرحه ما تجرحه انت وضميرك:
ايه ان شاء الله....

سارعي للمجد والعليا::مجدي لخالق السما:
واخبار علوم؟؟؟

هاك قلبي يا بعد عمري هديه..تجرحه ما تجرحه انت وضميرك:
ابد بخير...

هاك قلبي يا بعد عمري هديه..تجرحه ما تجرحه انت وضميرك:
يالله يا قلبي ابخرج......

سارعي للمجد والعليا::مجدي لخالق السما:
مع الف سلامه ولا تنسين كفارة المجلس.....

هاك قلبي يا بعد عمري هديه..تجرحه ما تجرحه انت وضميرك:
سبحانك اللهم وبحمدك اشهد ان لا اله الا انت استغفرك واتوب اليك.....

خرجت سارونه...وتركت جوري بالف حيره وحيره...معقوله غدير من عائلة محافظة وهذي بنت عمها والمجروح ولد عمها...معقوله هالفكر دخل هالبيوت المحافظة...معقولة في ناس يؤمنون بالعلاقات قبل الزواج...وما يبون احد يناقشهم...وشايفيين اننا حنا متحجريين ومتخلفيين... يارب ديم نعمة العقل عندنا....انا اعرف ان هالتفكير قليل بس شكله كثر بين الناس... ياربي حرام ما يعرفون انه حرام والا يحللون لأنفسهم أي شئ وياخذون الفتوى من أي احد...يارب ارحمنا برحمتك وثبت علينا نعمة العقل والدين.......
الفجر ما بقى عليها شئ راحت صلت ركعتيين واوترت ودعت ربها ان يبعد عنها هالهم الي جاها بعد التخرج...
ودعت ربها انه يريحها بمسألة الزواج لانه انتهت اختباراتها واكيد بيفتحون هالسالفه ودعت ربها لو حياتها مع سلطان فيها خير وسعاده ييسر لها هالزواج....
سلطان ما خرج من حياة جوري ابد لانها فترة المراهقه والثانوي كلها كل تفكيرها فيه...ما عمرها اتصورت ان غيره يجي مكانه والبنت لا اتعلقت بشخص وحطته ببالها مستحيل يطلع منها بسهوله خصوصا اذا خطبها.....
اذن الفجر راحت صلت وقومت اهلها يصلون وراحت للمطبخ تبي تسوي قهوه........
<<منصور بالغرفه ما نام ولا قدر ينام من كثر التفكير خصوصا ان ابوه قاله قبل لا ينام انه بكره بيخطب بنت عمه رسمي...
منصور محتاااااار مره اكثر من قبل...حس انه مهوب متهيأ مره لهالزواج وراح الحماس اللي كان فيه قبل الحادث..
وخايف انه عشان عمه يظلم بنت عمه وما يبي ياخذها الا وهو مقتنع مثل قبل...والا بنت الناس ما تنظلم...
منصور يفكر بطريقه تخلصه من هالزواج اقل شئ لو يتأجل وترجع حالته النفسية الأولية والأكثر ان حالة اليأس مازالت مستمره ومايفكر بشئ الا الدنيا وشلون يستغل حياته...
وما يبي يظلم أي احد... وهو من النوع اللي ما يحب ياخذ قرار عن طريق ضغوط ولا عمره سواها اذا ما كان القرار نابع من نفسه بيسويه واذا كان لا فمستحيل يسويه....
منصور قام يصلي الفجر وقابل عمه وابوه وخالد وفيصل راح يصحيه يعرف نومه الثقيل بس هالمره نايم بغرفته....وصى عمه ابو فيصل يصيحه لانه متوصي فيه ويحب ينكد عليه لين يتعود على الصلاة بوقتها......
********************************
لمياء تعبت مره لدرجة انها صارت على الفراش ما تقدر تقوم منه ودمها قل مره وضعفت مره... واكثر شئ اخوها فراس اللي صارت بالموت تشوفه حست ان الدنيا قفلت بوجهها..ولا هي قادره تتماشى مع وضعها ببيت عمها....وولد عمها ما زال يضايقها بالفتره الاخيرة...
انقلبت على فراشها وهي تدعي عليه وتدعي ان ربها يفكها من هالمصيبه....
<<بالصالة....
عيوش:فراس روح عند لمياء......
عادل:تسوين روحيك ما تدرين........(عادل ما يبي فراس يروح عند لمياء عشان لا تتعدل نفسيتها)
عيوش:قلت شئ غلط......
عادل:لا ما قلتي بس انا ما ابيك تفتحين فمك.....
عيوش:انا ما قلت شئ غلط والظاهر انك منت ابوي عشان تتحكم بي.......
عادل:انا اخوك مثل ابوك واللي اقوله يمشي عليك وعلى غيرك.......
آمنه وامهم ساكته ما يردون........
عيوش:والله...لا محد له دخل بي غير امي وابوي..........
عادل مسك يد عيوش وعوجها لها بطريقة مؤلمة مره:اذا اتكلمت انا تسكتيين وتقولين تامر أمر....
عيوش وهي تتألم:منب قايله الا لأمي وابوي.......
عيوش كانت عنيده وما تحب السلطة خصوصا من عادل اللي يبي يفرض رأيه على الجميع...
عادل ضغط على ايدها بقوه وقال:غصبا عنك وعن اللي جابك تسمعين كلامك.....
عيوش وعيونها تدمع:اترك يدي....اتركها....
عادل:باتركها بس لا تصيحيين علينا..
عيوش راحت غرفتها وهي تبكي انقهرت مرررررره من عادل...والام وآمنه ما علقوا ولا تعليق خلاص تعودوا على اسلوب عادل معهم...
عيوش:وقح ما يستحي على وجهه... ويقول عنك وعن اللي جابك..ما كأنها أمي قدامه...الله ياخذه ونفتك منه.......
ابو راشد وتوه داخل البيت:وش فيها اصواتكم.......
ام راشد:ابد تعرف لعب العيال.....
ابو راشد:الله يصلحهم......
عادل:بغيت اكلمك بموضوع يبه...
ابو راشد:تكلم مافي شئ خاص بينا....
قامت آمنه تسوي القهوه لهم.......
عادل بكل ثقه:ابي اتزوج.......
ابو راشد بإبتسامه:يالله صباح خير....
راشد ساكت ما يحب يتدخل بمواضيع عادل بسبب الحساسية اللي بينهم....
ام راشد:ما شاء الله بتسبق اخوك وبتتزوج.....
عادل:والله ولدكم ما يبي يتزوج بس انا ابي ومستعجل.....
ابو راشد:ما شاء الله شكلك مخطط لكل شئ......
عادل:تقريبا....
ام راشد:ومنهي قلنا عشان نخطبها لك.....
عادل:اهم شئ انتو موافقيين.......
راشد وهو مستغرب مررررررره من قرار عادل اللي عمره ما فكر بالزواج...
ابو راشد:ايه موافقيين....بس منهي؟؟؟
عادل:لمياء بنت عمي....
ابو راشد سكت وما قدر يعلق وام راشد بعد...سكتوا من الصدمه.....عادل اللي اكثر واحد يكرهها هو يبغاها...آمنه كانت بالمطبخ وشهقت وسمعوها اللي بالصالة....آمنه عارفه وش نواياه وعارفه وش يخطط له....وخايفه من تجرأه وعدم خوفه من ربه....
اما راشد كان له تصرف ثاني مع عادل......
راشد باستهزاء:من اللي تبي...ما سمعت......
عادل يسوي نفسه عادي:لمياء بنت عمي...قلت شئ غلط.....
راشد:لمياء اللي هي لمياء ما غيرها تبيها....
عادل بدى يعصب:ايه لمياء...وبعدين انا اكلم ابوي وامي لا تتدخل انت.....
ابو راشد:بس يا عادل....هذا اخوك الكبير.....
عادل:المهم انا ابيها وابي استر عليها...هي يتيمه ومالها احد غيرنا...
ابو راشد:والله لي فتره وأنا افكر بهالموضوع وشايل همها....
عادل:وعشان كذا باصير المحرم لها بهالبيت....
راشد:وهي أكيد ما تبي منك هالمحرمية......
عادل:البنات مالهم رأي....
راشد:من قال؟؟
عادل:عادل قال......
راشد:يخسى عادل وأمثاله....
عادل وهو يصرخ:راشد لا تتدخل وخليك ساكت ازين لك...انا اتكلم مع ابوي وانت تسكت....
راشد:منب ساكت لو تموت....البنت لازم ينأخذ رأيها...مو عشانها يتيمه خلاص تسكتون عن حقوقها....
عادل:يتيمه والا مي يتيمه البنت ما ينأخذ رأيها والشور عند ولي امرها.....ها ابوي....
ابو راشد:لا بعد كملوا هواش...ما تستحون على وجيهكم لا تحترمون ابوكم ولا امكم.....
عادل:ولدك هو اللي تلقف...انا باستر عليها وبافكك من همها واصونها وهو يقول كلامه ماله معنى....
راشد:انا ما قلت شئ غلط قلت خوذوا رأي البنت...
عادل:عمرنا ما اخذنا راي البنت...ولي الامر هو اللي يحدد وهو اللي يعرف مصلحة البنت....
راشد:وانت تظن انك مؤهل للزواج....
عادل:وانت مالك الا الكلام واللقافه...لو فيك خير كان سترت عليها وخطبتها....
ابو راشد:عادل يقول الصح...البنت لازم تتزوج ويصير لها محرم بهالبيت...
راشد:اذا ما تبونها ودوها لبيت خوالها...كلهم قالوا يبونها...ولا تضايقكم ويخرب مستقبلها....
عادل:ولد عمها اولى بها من الغريب...وهو الاحرص عليها واذا انت ساكت انا باتكلم....
ابو راشد:وش تبي الناس تقول عننا اذا ودينها لخوالها...يقولون متضايقيين منها.....
راشد:خوالها مثل عمانها...وبالعكس في بيت خالها ما عنده أي مانع انه ياخذها هو اللي قالك يوم العزا وكل شوي يدق عليك يأكد عليك انه يبيها عنده وان ما فيها شئ.....واللحين مر وقت وهي عندكم عادي لو راحت عند خوالها.........
ابو راشد بين ناريين....راشد ولده الكبير العاقل اللي يوزن اموره وكلامه مقنع...وكلام عادل اللي يحس انه اقرب له..........
عادل خاف يخرب راشد كل شئ وقال:البنت لولد عمها وانا ابيها منك....اتركونا من سالفة السكن لانها بتتزوج ها ابوي موافق.......
ابو راشد:خلها بعدين....
راشد:وخافوا الله في بنت العم...وتراه امانة عندكم وشاورها هذي مهي بنتكم عشان تفرضون عليها كل شئ......
عادل:اذيتنا امانه وامانه اذا خايف عليها تزوجها ولا تقعد تنصحنا......
ابو راشد:أي والله يا راشد كانك خايف عليها تزوجها......وخلاص انا موافق على هالزواج.........
ويسمعون صرخه قوية من غرفة لمياء واغمى عليها...وودوها للمستشفى..........
******************************
ام رغد:يا لولوة انتي وش دراك بهالسالفة.....
لولوة:شفتي عهود بنت عم الجوهرة...صديقتها نوف اختها معاي اللي هي امجاد اللي دايم اسولف لك عنها.....
ام رغد:وش قالت بالضبط......
لولوة:قالت ان منصور يبي بنت عمك وهي ساكته ما ردت قالت بعد ثالث...وتقول ان عهود تقول شكلها مهي موافقه لانها تأخرت بالرد...بس منصور مره يبيها.....
ام رغد:وصارت خطبة رسمية والا لا....
لولوة:والله مدري...بس الظاهر انها قالت اول ما تخلص اختبارات بتصير الخطبه لانهم بيخلون الزواج باخر الصيف.....
ام رغد:الله يعين.....
لولوة:ليش تسالين؟؟؟؟؟
ام رغد:غريبة ليش خالتي ما تقولنا شئ حتى امي ما تدري بالسالفه.......
لولوة:طيب ما صار شئ رسمي شلون تبينهم يقولون كل شئ........
ام رغد:يعني اذا صديقتها تعرف حنا اولى اننا نعرف.......
لولوة:الا قصدك سلطان يبي يعرف....تحسبيني غشيمة ما افهم...
ام رغد:والله انك داهيه...طلعتي حيه من تحت التبن........
لولوة:ههههههههههه....عشان تعرفون اني موب شئ يستهان به.......
ام رغد:المهم أي اخبار قولي لي......
لولوة:هو مره يحبها......
ام رغد:اقصري صوتك لا احد يسمعنا.....
لولوة:محد فيه.......
ام رغد:ايه يعزها..........
سلطان دق الباب:ام رغد....
ام رغد:هلا........
سلطان:تعالي ابيك شوي.........
لولوة:روحي للعاشق الولهان...مالت علينا......
ام رغد:استحي يا بنت.......
لولوة:والله...على العيال عادي والبنات لا........
ام رغد قامت من عند لولوة وراحت لسلطان....ولولوة من يوم ما خلصت اختبارات وهي ببالها تبي جمعه للأربعاء الجاي باحد الحدايق عشان يشوفون مباراة الهلال لانها حمست كل البنات لانها تقولهم المبارة وجمعة بنات احلى شئئئئئئئئئئ...حتى البنات اللي ما يتابعون مباراه تحمسوا ودهم لو يشوفون هالشلة وهي معهم فص فص وبيبسي وبطاطسات...يبون يخربووووووونها على الاخر...
سلطان:ها وش صار؟؟
ام رغد:والله ياخوي شكل البنت اليوم خطبتها.....
سلطان وفقد آخر خيوط الأمل:لا تقولين........
ام رغد:الولد خاطبها من العام وهي اهلها قالوا صعبه ثالث خلوها بعد الاختبارات وشكل الولد مستعجل يبي يخطبها وبيكون الزواج باخر الصيف........
سلطان:لاحول ولا قوة الا بالله....يعني ما في امل.......
ام رغد:ان ربي كاتبها لك بتكون لك حتى لو بعدين........
سلطان:خلاص البنت مخطوبه....اصلا انا الغبي اللي مسوي فيها فاهم بالاصول....اكيد هي ماخذه مني موقف...تحسب اني ما ابيها مثل ما رفضها محمد....انا كنت ابيها تقولي ايه موافقه مو مواقف والا ضغوط من الاهل تجبرها انها توافق......
ام رغد:يا سلطان اذا على الموقف انا اصلحها واقولها...
سلطان:وش تقولين لها...تقولين لها انه كان يبيك... ويبيك تقولين الموافقه من طيب خاطر وهي اللحين مخطوبه....صعبه والله صعبه....
ام رغد:هي صعبه بس لازم نلقى حل...........
سلطان:مافي أي حل...البنت اكيد كرهتني بسبب غبائي......
ام رغد:بس لازم نبين لها انك ما تقصد انك ما تبيها........
سلطان:خلاص دام البنت انخطبت خلاص مافي أي مجال اننا نرجعها للماضي.......
ام رغد:طيب وش رايك لو نجيبها بطريقة ملتويه......
سلطان:شلوووون؟؟؟
ام رغد:يعني مثلا نقول ان الولد ما كان عنده وظيفه وما يبي يربطها...من هالكلام...
سلطان:برضو صعبه...البنت مخطوبه واي شئ يمكن يأثر بخطوبتها.....
سكتوا ام رغد وسلطان وهم يفكرون وش يقولون لها لو اعتذار...اي شئ يبين انها غاليه ومهي رخيصه.....
لولو سمعت كل شئ وراحت تبي تكلم بنت خالتها جوري اللي تعزها من بين بنات خالاتها وبنات عمها....
لولو:الو.....
فيصل اللي كان نازل من غرفته وسمع صوت التلفون بالصالة ورد:نعم...
لولو:السلام عليكم........
فيصل:هلا والله وعليكم السلام...لولو....
لولو باحراج:ايه....
فيصل:وش اخبارك؟؟؟
لولو:بخير.....
فيصل يحس ان لولو بعدها صغيره ويعاملها كانها اخته الصغيرة:وينك من زمان عنك؟؟؟ها بشري راسبه...
لولو:ههههه لا اعوذ بالله....ان شاء الله ناجحه بس مدري كم النسبه....
فيصل:ياي يالنسبه اولى ثانوي انتي صح....
لولو:صح....
فيصل:اجل لاتهتميين بالنسبه اهم شئ ناجحه....
لولو:يالله الحمدلله.....
فيصل:اكيد تبغين الدوبه...اصبري اناديها....
لولو:ايه ابي جوري.....
فيصل:ثواني.........
لولو يعجبها فيصل مره لانه ينكت ويفرفش ويعجبها الولد المهبل اللي بس ينكت ولا بعد عشانه يشجع الهلال...حاسه انه احسن ولد...بس تفكيرها ما زال طفولي وما زالت تعتبره مثل اخوها....
فيصل:الجوهره...ارفعي السماعه.....
جوري:طيب....
الجوهره:هلا والله.....
لولو:هلا بك...وش اخبارك يالدوبه؟؟؟؟
الجوهره:بخير...علومك انتي يالقطوع؟؟؟؟
لولو:ازقح...عال العال...
الجوهره:ها بشري ناجحه........
لولو:الحمدلله بس ما شفت النسبه وحده قالت لي اني ناجحه....وانتي؟؟؟
الجوهره:لا تذكريني انا اشوفها من النت.........
لولو:الله يعينكم............
الجوهره:وش رايك تجين عندنا اليوم........
لولو:مدري والله على حسب الشايب اللي عندي لان محمد يبي يسافر ومافيه الا سلطان....
الجوهره حست بقلبها يقبض يوم سمعت اسمه:لو ابوك ما عنده أي مانع ارسل لك السواق...
لولو:هاهاااااي....الا السواق......
الجوهره:معاه الشغاله زوجته محرم........
لولو:والله لو عائلته الكريمه معاه...الا السواق........
الجوهره:اجل الله يعينك حاولي فيه ان شاء الله يرضى....
لولو:هو لو اقوله جوري تقول كان على طول يجيبني...بس انا مسوية شديدة وما استغل المواقف الحساسة......
جوري انصدمت من كلام لولو اللي ما يدل الا على شئ واحد وهو سلطان يحبها وما زال والا وش تقصد بكلامها....
لولو:جوري اذا عندك احد صرفيه ابي اقولك سالفه.......
جوري:لا ما عندي احد....
لولو:صراحه وعلى بلاطه السالفة ان: اخوي سلطان يحبك ويموت فيك...وكان ما يبي يتقدم لك الا اذا صارت معه وظيفه وخاف انه يعلقكي ...وغير كذا فصخ الخطوبه عشانك
سلطان رفع السماعه وصدم بلولو وقال بهواش:لولو سكري الخط....
لولو:مني مسكره وباعلمها وش السالفه.....
سلطان:لولو سكري السماعه.....
لولو:فصخ الخطوبه عشان يبيك توافقين انتي مو عشان المشكله اللي بين ابوي وابوك......وكان بيجيكي هالسنه بس ما صار نصيب..
سلطان:.........................
جوري:......................................... ....
لولو:وهو موب عارف كيف يعتذر...وانا اقولك انك انتي غاليه علينا وما فرطنا فيك.....
جوري:مشكوريين يا عيال الخاله...والله انكم انتو اللي رايتكم بيضاء.....
وسكرت الخط.....
جا سلطان عند لولو وهو معصب على الاخر.........
سلطان:افتحي باب الغرفه.......
لولو:مني فاتحه اكيد بتضربني..........
سلطان:ليش سويتي كذا يا لولو......
لولو:سويته عشانك...انت تحسب ان الجوهرة عادي عندها السالفة...تخطبها وبعدين تفك الخطوبه بعد كم سنه....
سلطان:طيب افتحي الباب....
لولو:ما تسوي لي شئ.......
سلطان:مني مسوي لك شئ.........
لولو:طيب وفتحت الباب............
سلطان دخل ومهوب مستوعب اللي يصير.........
لولو:والله سويته عشانك...جوري ما تتكلم ولا تشتكي ولو تموت ما تقول ليش سويتوا كذا... لا تحسبني صغيره وما افهم...يعني اثنيين من عيال خالتها ولا واحد فيهم يبيها وش بيكون موقفها... وانت بعد اشد كأنك تبي تنتقم من عمي اللي ازعج ابوها...خليتها كم سنه وعقب فكيت الخطوبه ولا قلت لها شئ ولا اعتذرت لها ولا قلت ابي الاقي وظيفه ولا شئ...انا لو مكانها كان قطعت علاقتي فيكم كلكم لانها اهانه كبيره...
سلطان:معقوله جوري ماخذه هالفكره عني....
لولو:جوري ما تتكلم بس السالفه واضحه وبتزعل هي والا غيرها وش ما كانت شخصيتها وش بك انت ما تحس تراها بنت وانجرحت مرتيين......
سلطان:بس لو جبناها بطريق ثانيه ازين.....
لولو:الى متى؟؟؟خلاص البنت بتاخذ واحد يموت فيها ويبيها مررررررره.....
سلطان:ليش وش دراك انه يبيها مره؟؟؟
لولو:الاخبار توصلني وولد عمها شاريها ويبيها.....
سلطان ما قدر يتحمل...وخرج من عندها....الجوهره اللي تمناها له تروح لغيره ولا اكيد كارهته...كلام لولو قطع ذرة الامل اللي كانت باقيه فيه وخلته يتحطم على الاخر....يعني مو بس انها ما راح تصير له...لا بعد آخذه منه موقف سئ مررررررره...
واللي قاهره مره انه كان يبيها بعد سنه....بعد سنه يبيبها تقول:أي موافقه هذا ولد خالتي اللي ابيه... كان يبي يجيها وهو خاتم القرآن ومتخرج ومتوظف بس النصيب ما صارت له.......
خرج برى البيت وراح لاي مكان اهم شئ يبعد عنه هالشعور الغريب اللي جا على قلبه يوم درى عن سالفة الجوهره..............
>>جوري....جوري اتحطمت نفسيتها مره....سلطان يبيها...ايه يبيها ويحبها.....سلطان ما تغير...سلطان هو القديم هو الجديد...مافي شئ تغير...حبها له واحساسها كان صادق.... حب الطفولة اللي بينهم باقي وما راح وكبر معهم....كانت ما تدري ليش ماهي راضيه تقتنع بكلام غاده... تحسه غير...حاول تعرف السبب بس مهي قادره......
جوري رجعت تتذكر كلام لولو: صراحه اخوي سلطان يحبك ويموت فيك...وكان ما يبي يتقدم لك الا اذا صارت معه وظيفه وخاف انه يعلقكي وغير كذا فصخ الخطوبه عشانك... فصخ الخطوبه عشان يبيك توافقين انتي مو عشان المشكله اللي بين ابوي وابوك...... وهو موب عارف كيف يعتذر...وانا اقولك انك انتي غاليه علينا وما فرطنا فيك.....
جوري صارت تبكي....ياربي شلون اتخلص من هالكابوس...اقل لمنصور ما ابيك.....شلون وش السبب... سلطان اللي مهوب راضي يروح عن بالها.....سلطان تحبه باللي فيه..قبل لا يتلزم وبعد ما التزم...وحتى يوم فصخ الخطوبه كانت تظن انه من ابوها ومره تقول انه من سلطان ما تدري ليش تحس ان السالفه فيها شئ....وخلاص لولو أكدت لها ان احساسها عن سلطان صادق وما تغير....
بس وش تقول لابوها....تقوله ما ابي منصور عشاني احب سلطان وابيه.......
سلطان يبيني اقول موافقه...يبيني انتهي بس من ثالث ويخطبني....ايه اكيد كذا قصده ما يبيني عشان يغطي غلطة اخوه....آآآه ياربي...وش اسوي........سلطان يبي يجي وهو كامل ويخطبني رسمي مثل أي خطوبه...آآآآآآآآه ياربي.......
جوري راحت بدوامة بكاء عن مصيرها اللي ما تدري وين...........
من منصور اللي بدت تقتنع فيه بس موب مره وانه هو شاريها والا من سلطان اللي يحبها بجنون وتبادله نفس الحب......................
>>بغرفة عهود وخلود...كانت عهود مع الحريم بالصالة وخلود سكرت باب الغرفة وراحت تكلم ليلى....
خلود:ايه ليلوه وش صار بعد؟؟؟؟؟
ليلى:وش صار...قولي وش ما صار...خلاص الاسبوع الجاي واحنا عندكم يا مرة اخوي....
خلود ووجهها احمر:ياربي لاتحرجيني........
ليلى:لا احراج ولا شئ.....بس فاااااااااتك البيت............
خلود:حمستيني مره كل شوي تقوليين البيت والبيت........
ليلى:والله يا ليت تقدريين تشوفينه....صراحه كوووووووووووول ناقصه العروسه بس.....
خلود:كيف الالوان؟؟؟؟
ليلى:غريب البيت تحسينه قرابيع....قطعه من هنا ومن هناك على كيفك......
خلود:وااااااااااو....ياربي... .نفس الاثاث اللي احبه....
ليلى:ما شفتي ولا شئ...صراحه طلع ذوق سلمان يجنن.......
خلود:الله يسعده هالسلمان الي خابلني......
ليلى:عيب لا تقولينها اللحين........
خلود:ليش متى اقولها...ياربي حاسه اني باطير.......
ليلى:شوي شوي.....تراكي انهبلتي مثله...اركدوا عيب عليكم......
خلود:واااااااااااو لا تلومينا...ما جربتي الحب.....
ليلى:ولا راح اجربه مجنونه انا تبيني اصير مثلكم.........
خلود:الجنون اذا صار كذا ابيه........
ليلى:طيب ما رديتي علي عادي لو خطبناكي وعهود محد جاها......
خلود:عادي...قد جا قبل كذا لي بس نقولهم مخطوبه......
ليلى:اوكي باخبر الخبل اللي عندي...والله اخر موضه معاريس خبلان.....
خلود:سلمي لي عليه......
ليلى:ابشري واقوله تراها انهبلت مثلك...........
خلود:مع السلامه..............




*************************
محمد اقنع امه انه يرجع نهى وتفاهم معها وراضاها ولو انها ما تقتنع مره بس محمد ولدها اللي ما تقدر ترده اذا كان هو مقتنع مره........
فتح الباب محمد لنهى وقال:نورتي بيتك.....
نهى:منور باهله.......
محمد دخلها البيت وقعدها بالصالة....نهى تحس انها رجعت عروس مهيب قادره ترفع راسها وتناظر محمد.........
محمد:اللحين اقعد بالبيت...اللحين نستانس اللحين ترجع لنا الايام الحلوه.....
نهى:الله يسعدك...........
محمد:يااااااااااااااااااا� �...ياربي يسعدلي هالوجه....يالله ما نبي نضيع أي فرصه بناخذ اغراضنا ونسافر قبل لا يروح علينا موعد الطيارة........
دخلت نهى غرفة النوم ولقتها متغيره فوق تحت....مغيرها وهم بيسافرون استغربت نهى مره وما درت ان محمد ناوي يخليها تقعد عنده........
محمد:ان شاء الله عجبتكي الغرفه..........
نهى:ليش كلفت على روحك واحنا مسافريين...........
محمد:وبعد السفر؟؟؟؟؟؟؟؟؟
نهى انصدمت مره وتعلق لسانها ما تدري وش تقول:شلون؟؟؟؟؟
محمد:اجلسي اول.....
جلست نهى واعصابها مشدوده على الاخر............
محمد:يا عمري عرفت حالتك بالضبط....وسألتهم كلهم....والكل أيدنا اننا نعيش مع بعض وعادي ما في أي خطر بيننا.....
نهى:بس.......
محمد:انا حريص على العلاقه الي بيننا...وانا كلمت كل الدكاتره اللي رحتي لهم والمشايخ....وقالوا ان الوضع عادي...بس الجنيين هو اللي ما نقدر نخليه يعيش بيننا الا اذا مع السنوات تغيرت احوالنا(ويتعمد يقول بصيغة الجمع عشان ما يجرحها)..نقدر نجيب عيال.....بس احنا عشان ما يصير شئ نندم عليه...تستمريين على الحبوب او تشيليين الرحم مره وحده....هذا اخر حل....
نهى باحراج:يعني اكيد......
محمد:اكيد الأكيد...وكلمت اخوانك وكلموا ابوكِ وقال اللي يريحهم يسوونه.....
نهى سكتت ما قدرت تعلق على أي شئ خلاص سوى كل شئ وانتهى لصالحها...ما تدري شلون تشكره....شلون تعبر له عن حبها له عن امتنانها عن اللي سواه.......
محمد:ما يحتاج تقولين أي شئ...ابتسامتك هذي تكفيني .....
وحضنها بحب وحنان خلاها تحس ان مافي احد بهالدنيا غيره.....
وسافروا لابها......
*****************************
ابو فيصل طلب من الحريم انهم يسوون قهوه للرجال ويطلعونها لهم بالمجلس الخارجي..... وطلب من كل العيال انهم يجوون............
ابو خالد طلب من ابو فيصل هالطلب يبي يفاتحه بموضوع الخطبه عشان يريح ضميره.....
ابو فيصل كان متوقع من ابو خالد هالطلب....وخالد وفيصل جايين ومهم داريين وش السالفه....
فيصل يقهوى الرجال....وابو خالد ينتظر من منصور يفتح السالفه بس منصور مهوب راضي يتكلم... وحس باحراج ابو خالد وفضل انه يبدا بالموضوع.........
فيصل وخالد حاسيين بتوتر الموضوع بس ما بيدهم شئ وفضلوا السكوت.....
ابو خالد:انت تعرف يابو فيصل انا خطبنا بنتنا لولدنا منصور...واللحين خلصت البنت ونبي الرد ولا تستحون منا ما بيننا شئ....
ابو فيصل:واحنا ما عندنا ازين من منصور...رجال وما عليه كلام.....
فيصل:الله يا عريس...يا كشخه....
منصور حس انه بينخنق من هالسالفه ما ابي اظلم بنت الناس وشكلها ما تبيني ويرجع له الموقف اللي صار بينهم...وتعامل سلطان.....يبيها انا وش دخلني....
منصور:بس يا عم لو تسمح لي...سنه كامله مرت ولا رديتوا علينا...هل البنت مي موافقه ومستحيين منا(وهو يتمنى ان عمه يقول ايه)
ابو فيصل انقبض قلبه وش يقصد منصور:افهم من كلامك انك منت معزم على هالزواج....
ابو خالد:وشو مهو معزم....الا معزم بس هو يسأل عن السنه الكامله اللي مرت من دون رد....
ابو فيصل:قلنا عقب السنه نكلمكم....
ابو خالد:وانت صادق ياخوي وانت تعرف الشباب هاليوميين عجوليين ويبون كل شئ بسرعه.....
ارتاح ابو فيصل وقال:الله يصلحهم.....
منصور اللي خربها لان نفسه ضاق مره:بس انا ما ابي الزواج اللحين.....
ابو فيصل:شلون يعني؟؟؟
ابو خالد:انت اللي ازعجتنا تبي الزواج بسرعه وش غيّر رايك....
منصور:اللي غيرني الحادث...نفسيا مني مرتاح لاي شئ...
فيصل عصب مره:يعني بالعربي ما تبي الجوهره....
منصور:ما قلت كذا..الجوهره وابوها واخوها على العين والراس....بس نفسيا ما اقدر ماني متهيأ...موب قادر ارجع منصور الأولي.....
فيصل:هالكلام ما عندنا...تخطبها ونرد الناس اللي جاينها وبالنهاية تقول ما ابي نفسيتي تعبانه... اختي مهيب لعبه عندكم انت وغيرها كل واحد يمسكها فتره ويتركها...تراها بنت واللي عليك صعب عليها اصعب واصعب....
خالد:يا فيصل صل على النبي......
ابو فيصل من الصدمه سكت ما قدر يتكلم هذا ثالث موقف يصير له...ومن اقرب الناس له من قرايبه.....
ابو خالد:ابو فيصل منصور تعبان هالفتره وازمه وتعدي......
منصور:وش دراكم انها بتعدي...انا ما ابي اظلمها ما ابي عاداتنا تكون حجاب عن سعادتها... لو انا سكت بس عشانك يا عمي وعشانها بنت عمي ما ارح اسعدها...لاني والله يا عمي اني تعبان ومقامك انت وبنتك فوق الراس.....
ابو فيصل:وصلنا العلم....يكفي........
فيصل:لا حول ولا قوة الا بالله.......
ابو خالد:سامحنا يا ابو فيصل والله اننا نبي السعاده لبنتك...وما كنا نبي الموقف يصير وببيتكم بعد... بس الشكوى لله....
فيصل:العتب مو عليك يا عم والا انت رايتك بيضا.......
منصور:يعني اغشكم عادي...اقول ايه ابيها وانا الى الان ما قدرت ارجع لدوامي...عمي ابيك تسامحني...والله ودي ارضيك باي شئ.....

>>البنات حسوا باصوات الرجال لان اصواتهم صارت عاليه مره واول مره يصير هالشئ.... عمرهم ما سمعوا هالازعاج وواضح ان النقاش حاااااااااد مره.......
عهود:الله يستر وش فيه عند الرجال؟؟؟؟؟
خلود:مدري....نطلع نشوفهم...........
ام خالد:خبله انتي تطلعين عندهم والله يذبحونك...........
ام فيصل جت الصاله:تسمعون اللي اسمعه...........
ام خالد:ايه الله يستر..........
ام فيصل:انا قلبي حاس ان فيه شئ من يوم ما اجتمعوا بالمجلس ومايبون احد عندهم.....
جوري:بناااااااات تعالوا فوق.......
عهود:تعالي انتي تحت وشوفي وش فيه........
جوري على نياتها بتوريهم مقاطع بلوتوث جديده ولا هي حاسه بشئ لانها تبي تسلي نفسها من اللي فيها واخترشت مره يوم شافت التوتر عليهم كلهم.....
جوري وهي جايه ركض:وش فيه؟؟؟؟؟
جوري:وش ذي الاصوات؟؟؟؟؟؟؟
عهود:شكلها من الرجال.......
خلود اللي راحت بعالم ثاني وتخيلت سلمان وهو جاي يخطب:يمكن نقاش عادي تدرون الرجال لا تحمسوا بموضوع..........
جوري:لا مستحيل ابوي وعمي عمرهم ما رفعوا اصواتهم.......
عهود:الله يستر........
جوري قبضها قلبها وخافت ان السالفه تكون عليها وجلست بالصاله تنتظر معهم وش اللي صاير بالمجلس..........
<<بالمجلس..............
منصور:اتمنى يا عمي تكون فهمتني والله اني مني مهيأ للزواج وهذا خالد عندكم اسأله شلون كنت وكيف اللحين صرت.....
ابو فيصل وهو شايل بقلبه هم هالبنت:حصل خير.......
ابو خالد اللي حاس ان وجهه ضاع من سواة منصور:الله يصلحك ما خربك الا هالعلم اللي طايح فيه....
خالد:تقبل بي يا عم اكون زوج لبنتك....واوعدك اني احفظها بعيوني.......
الكل بدت على وجههم علامات الاستغراب...واخر ما توقعوه ان خالد يتكلم لانه من تكلم منصور وهو ساكت ولا نطق بشئ...... منصور اللي وده يقول لخالد:لا لا تتهور...لا لا تتخذ قرار ما تدري عنه...
لا تاخذها من باب الشفقه......
خالد ما يحمل لجوري أي مشااااااااااااااعر....بس حفاظا على كرامة عمه ويبي يكون ر اس ابوه مرفوع دوم الدوم...........
فيصل:لا اختي مهيب لعبه ومتنقله بينكم......
ابو فيصل:استهدي بالله يا فيصل.......
خالد:انا عند وعدي......
ابو خالد يحس ان خالد رفع راسه مره :الله يرفع مقامك يا خالد...............
منصور سكت ولا رد عليهم وشايل هم هالزواج اللي مدري شلون بيكون.........
فيصل معصصصصصصصب مره ولا يبي يتناقش بالموضوع لانه يمكن يقول كلام يفرق بين العائلتيين.......
ابو فيصل:وانا ما راح الاقي ازين من عيال اخوي...تمنيتها تكون لواحد منكم......
خالد:الله يجزاك خير....بس لو تشاورنها افضل.......
فيصل:اكيد بنشاورها...........
هدى الجو...وتصافت النفوس ولو ان الزعل باقي......بس يضلون عائلة متفاهمه.......
والبنات ما زالوا ينتظرون وش بهم الرجال..........
سكتوا ولا اتكلموا.....والحريم ماقدروا يسألونهم وتفرقوا برى البيت كلن راح لمكان.....
وجوري حاسه ان فيه موضوع كبير والا الان ما تدري وش اللي بيجيها......




((الجزء الخامس عشر))


اتقلبت على سريرها بس النوم موب راضي يجيها بسبب اليومين اللي شبعت نوم فيها لانها كانت ما تبي تقابل احد...وعقب سالفة الرجال اللي تخوف ولا احد طرى عليها شئ.....
جوري عايشه بصراع نفسي قوي....تحس ان سلطان تغلغل داخلها بالقوه...من اول وهي مجنونه بحبه...حتى يوم تركها تتذكر غادة يوم قالت لها سبب فك الخطوبة..حتى يوم فك الخطوبة وهي تحس انه مرجلة منه وصدق..يبيها خطوبة مثل خلق الله...احبت شهامته وانه محترمها ومقدرها.... وانقهرت من منصور لانه صار عائق بينها وبين سلطان....ولما تأخر سلطان او على الاصح فترة وجود عمها عندهم وتعب منصور...حزنت عليه بالمرة وصارت تفكر بالموافقة وكانت تبي تقولها لامها...بس ما لقت أي فرصه تقولها لها.......بس هالفترة مشاعرها هي اللي تكلمت مو عقلها وتفكيرها.....لان مشاعرها وقلبها وتفكيرها ما يبون الا سلطان......
رجعت ذاكرتها لورى يوم كانت ظالمة ابوها وتوقعت انه هو اللي رد سلطان ما يبيه لانه يتوقعه انه يكون مثل عمه..اللي ما يعرف بالدين غير اللحية...مربيها على الفاضي لا اخلاق ولا علم شرعي....وبسببه ابوها كره كل الملتزميين....
معقوله ابوي يكون تفكيره محدود....هذا شيخ المسجد اللي ابوي ما يمل اذا جاب طاريه وبس يمدحه... لا اكيد السالفه فيها سر....ابوي ما قال عن سلطان شئ موب زين...
اكيد يعرف ان موب كل من ربى لحيته يعتبر الملتزم الصدقي....
جوري كرهت عم سلطان بكل ما فيه...ليش يشوه السمعة الطيبة اللي نعرفها عن الملتزميين... اكيد ناس كرهوا عالم الملتزميين بسببه..... وين اخلاق الملتزم وين علمه؟؟ ووين روحه المرحه اللي الكل يعرفها بهالمطاوعه......وعرفت ان سلطان هو اللي فك هاخطوبة موب ابوها اللي رفضه... وعرفت ان قلبها مجنون بحب سلطان لدرجة انها كانت فتره تكره ابوها بسبب هالسلطان....
والسؤال اللي حيرها...ليش انا ما كرهته عقب ما دريت بالسالفه...صحيح كان يقصد انه يحافظ على كرامتي...بس كان يقدر يطلبني رسمي من دون فك الخطوبة....هو تركني وقالت لي غاده واستوعبت السالفه وصدقت كل شئ ليش ما كرهته...وليش ما فرحت بخطوبة منصور...هالكثر احب سلطان وحبه عماني عنه....
.جوري حاولت تكون طبيعيه عقب اللي سمعته من لولوة بس عجزت..سلطان هو هو ما تغير وانا انا ما تغيرت ولا شئ تغير فينا...حبنا هو نفسه ما تغير...حاولنا نكون طبيعيين وما في شئ بيننا بس ما فيه أي امل...وانفضحنا على طول....صرنا نحبب نفسنا بالاشياء اللي نحبه...
تذكرت البيبسي اللي كان سلطان ما يحبه لانه يسبب السمنه بس يوم عرف اني اموت بالبيبسي صار مدمن هو بعد بيبسي.....
وتذكرت يوم عرفت انه يحب الفص فص اللي كانت ما تداني ريحته...صارت هي بعد تحبه.....
اشياء كثيره جت ببالها وكلها من سلطان...فيه احتكاك بينهم كبير الين تغطوا...وحتى وهي متغطيه كانت مقهوره وبالبداية كانت تكلمه بس كبرت وعقلت وابعدت عنه بس القلوب متقاربه لدرجه كبيره.....
تذكرت المكالمه....صوته وكلام لولوه قلب كل تفكيرها....غيّر آرائها وخلاها تعشق سلطان اكثر من قبل....واحد يقدرها ويحترمها ويبي رآيها ما يبي الزواج بسبب ضغوطات....آآآآآآه يا سلطان وينك عني.......لا ويبي يعتذر بس موب قادر.....آآآآآآآآه يا قلبي والله اني احبه....
بس وش تسوي...شلون تقولهم ما ابي منصور.....فكرت انها تكلم غادة وهي تكلم عهود...هذا آخر حل عندها...تقول انهم الاثنيين ما يبون بعض وما يصير أي خلاف بالعائلة....
بس اخاف منصور يزعل وما يرضى يسوي هالاتفاق ويقول هي ما تبيني.......جوري حست بضيق كبير وقامت من فراشها وراحت قدام المرايه تعدل نفسها.........
وحست انها ضايعه بهالتفكير ومشوووووووشه على الاخر...سلطان موب راضي يخرج من قلبها... حتى تعاطفها مع منصور ومعرفتها انه يعزها ويقدرها بس ما غيّر أي شئ تجاه سلطان....بالرغم انهم بعدوا عن بعض من تغطت عنه ولا حصل بينهم أي شئ بس يكفيها انها تعرف اخباره وهو بعد يعرف اخبارها ويسوون روحهم ما يدرون عن بعض وهم ما يصدقون تجي اخر السنه عشان يوصلون المباركة بالنجاح.......
دخل عليها فيصل ولا انتبهت له.....بس موب فيصل اخوها واحد ثاااااااااني.......
فيصل:قلنا السلام عليكم......
جوري دارت وجهها على ورى وببرود قالت:هلا والله وعليكم السلام.......
فيصل:وش اخبارك؟؟؟؟
جوري:تمام...شلونك انت؟؟
فيصل:بخير....(متردد حيل بالسالفه يبدى بها والا يتركها تستانس)....
جوري(بابتسامه مصتنعه):آمرني بغيت شئ......
فيصل:والله اشياء كثيره باقولك اياها.......
جوري باهتمام:تفضل...قول وش عندك؟؟؟؟..........
فيصل:اول شئ نتيجتك مطنشتها ليش؟؟؟ما سألتي عنها ولا بشرتينا بشئ.....
جوري:أي والله مطنشه.... افتح النت ولا افتح نتيجتي....ما أدري ما ودي اشوف شئ.....
فيصل:افا هذي الطموحه اللي كانت معروفه بنجاحها...وين كلامك عن نتيجتك انها بتسعدنا كلنا.....
جوري:يا شيخ الطموح يوميين ويروح........
فيصل:لا يا الجوهره تراك متغيره مرررررره ولا يأثر عليك هالتحطيم اللي عايشته......
جوري:عادي كلنا بنموت ومحد باقي بهالدنيا........
فيصل:الله يستر منك...تجيكي حالات الواحد يخاف منها.........
جوري:ههههههههه....اذا تبيني اريحك اللحين افتح النت معاك........
فيصل اللي كان وده يشوف الروح العاليه بوجه جوري:يالله بسرعه.....
جوري كانت الصفحه الرئيسية للنت هي المنتدى اللي تفتحه....ونست لا تسوي تسجيل خروج فتحت النت واول ما فتح جتها رسالتيين من المجروح.......جوهره انصدمت مره وحست بروحها بتطلع من الخوف.........
فيصل:انتي مشتركه بمنتديات....
جوري بخوف ورجفه:ايه.....
فيصل:وش رساله خاصه افتحيها...........
جوري من الصدمه انشل لسانها ولا عرفت شلون تفهم اخوها ولا شئ......خافت ان أي تصرف يفقدها الثقه بينهم وفتحت الرساله الاولى..........

الرساله الاولى::::::
(الصراحه من كتاباتك جزمت انك صاحبة فكر عالي ولكي مستقبل لبنات جيلنا وتمنيت لو تكون علاقتنا خارج محيط المنتدى وتكبر ونصلح افكار اللي حوالينا عشان نتقدم....عموما انا مستعجل اللحين عندي اختبار بارسل لك رساله ثانيه....اعذريني العاده ارسل لك تصميم بس هالمره مستعجل.....
المجروح)

جوري ارتجفت وماتت من الخوف....شلون تفهم اخوها....الرساله ما فيها أي امل انها بريئة....صارت مثل الصغير اللي ما يتكلم وهو موب مذنب ولا يعرف شلون يبرر المشكله اللي طاح فيها.........ومادرت ان الجاي اكبر واكبر.......
فيصل:افتحي الثانيه......
جوري بدون أي التفات لفيصل فتحت الرساله الثانيه.......وتحس انها بيغمى عليها بس ما في أي مفر فتحت الرساله وهي تتمنى يكون فيها توضيح ان ما بينهم أي شئ......

:::الرساله الثانيه:::
(هذي هي الرساله الثانيه بس كنت مصدوم منك....عقب الماسنجر والمحادثه لاني قريتها....
و يا قلبي مسحت رقم جوالك لكن حطي ببالك اني ما راح انساكي طول عمري واتمنى ان فكرك يتغير للأفضل وتصيرين عايشه مثل العالم والناس لكن تبقى صداقتنا للأبد محفوظة وإن حبيتي نجددها أنا موجود بكل الأوقات.........
المجروح: (وحط رقم جواله)

جوري كان ودها تموت بهاللحظه....يصير بالبيت زلزال...يصير أي شئ...ولا تنحط بهالموقف المحرج.....
جوري حاسه وجهها صغير قدام اخوها اللي اكيد بيفقد الثقه اللي كانت بجوري..... شلون افهمه وحتى لو فهتمه وش يضمني انه صدقني........
جوري نزلت راسها وسكتت....ولا قدرت تتكلم....ولا قدرت تناظر فيه...........
فيصل عاد قرى الرسالتيين وناظر بجوري.......
فيصل يحاول يتجاهل الموضوع:افتحي نتيجتك اللحين.........
جوري كأنها عبد مأمور وفتحت تتيجتها واللي كانت نسبتها 96% بس مالها أي طعم ولا قدرت تبتسم كأنها راسبه مو بس ناجحه ومتفوقه...........
سكرت النت جوري وقررت انها تتكلم مهما كانت الظروف...حتى لو فيصل ما يعرف بالمنتديات بافهمه واخليه يشوف كل الرسايل بس المشكله انها مسحت كل الرسايل حتى اللي بجوالها حذفتها.........
جوري:ترى....
قاطعها فيصل بسرعه: مبروك على النجاح..........
وقام بسرعه من عندها............................حس انه مخنوق ولا هو قادر يتكلم كان بيهاوش ويصرخ ويضربها بس قام بسرعه لانه ما يتحكم بغضبه وحتى المباركه ما يدري شلون قالها....خرج من عندها وهو متغير مرررررره وكره اخته مرررررررره......
جوري حست انها مخنوقه لازم تعلمه والله مايصير وفيصل متهور ممكن يسوي أي شئ.... لحقته على غرفته وقالت له:فيصل ممكن انا اتكلم............
فيصل حس انه مخدوع يبي يجي ويدافع عنها عن اهم قضيه بحياتها...سالفة زواجها..... يبي يسندا وما يسمح لاي كان يتدخل بهالزواج مهما كانت الظروف بس يتفاجأ باخته تخونه ولا هي مهتمه مو بس سمعتها..سمعة اهلها واخوانها.......وعائلتها كلها............وما يبي يفقد اعصابه
فيصل:اللحين ما ابي اشوفك.......
جوري قربت من عنده:اوكي لا تشوفني بس لازم تعرف وش السالفة..........
فيصل ما تحمل وقام لاخته وعطاها كف فرغ فيه كل شحن الغضب:وش تبين تفهميني.... خلاص الرساله قالت كل شئ.........ما يحتاج ما ابي أي تبرير.......
وابعد عنها وعطاها ظهره وهو متوتر وحاس انه بيتهور ويقتلها.......
جوري منصدمة ولا هي عارفه شلون تبدأ تبرر له الموضوع ومن صدمة الكف سكتت ولا قدرت تتكلم..........
فيصل:انا مسوي فيها اني اخوك الكبير واتهاوش مع الرجال عشان...خايف على مشاعرك...وانتي..... آآخ منك....ما اهتميتي لا للسمعه ولا للناس ولا خفتي من رب العالميين.... انتي ما عندك حيا..الثقه اللي عطيناكي اياها ما تعرفين تصونينها وتحافظيين عليها.......
فيصل متوتر على الاخر وكل شوي يفرك ايدينه ويضرب بيده على الجدار لانه مقهوووووور مره ورفع صوته:انتو البنات المفروض الواحد ما يربيكم الا على الحجر وما نخليكم تروحون وتجون.... ولا نعطيكم ولا شئ لانكم مهبل متخلفيين ما في وحده منكم تعرف تحافظ على شرف اهلها وسمعتها... تصدقون هالداشريين الضايعيين............
وما اتحمل جا عندها ودفها بقوه على الارض بكل خشونه وقال:جوال نت تلفون انسيها....وملكتك من خالد قريب........
وبسخريه يتكلم وقتل فيها كل مشاعرها:تراكي صايره لعبه ومتنقل بين العيال وتستاهليين اللي جاكي انا من اول راحمكي بس اللحين قلعتك محد يستاهلك وزين ان منصور خلاكي لانه طموح وانتي ما تستحقينه وخالد خطبكي بس عشان ما يفشل ابوه.....مافي نقاش متى ما حدد خالد الزواج وافقنا......
فيصل:انقلعي عن وجهي ما ابي اشوفك................
الجوهره سكتت وتركت كل مشاعرها متناثره بالغرفه...وفقدت اهم عنصر بحياتها اخوها اللي كانت تظن انه هو بيحل لها اكبر مشكله بحياتها....وبكل بساطه طلعت من الغرفه....طلعت انسانه ثانيه....نشف دموعها اللي كانت تنزل... وتغير وجهها صارت مثل جدار قديم محد يناظر فيه ولا تغير هو......
جوري صارت انسانه ثانيه....هي من منصور تغيرت وصارت كارهه اشياء كثيره....شلون تفقد ثقه وهي اهم شئ بحياة أي بنت...وتصير لعبة وسلعه رخيصه محد يبيها.....وآخرتها كل طموحاتها وآمالها ومستقبلها يضيع وتطيح برجال ما يبي الا انه ما يفشل ابوه......
الجوهره ما تعرف تتصرف بهالمواقف لانه اول موقف يصير ها ولا عمره احد مد ايده عليها..... اللحين مهيب غلطانه وتنمد ايدها عليها ويجيها كلام يسم البدن ويقتله.......
دخلت غرفتها وقعدت على سريرها تبي تفهم كلمه من اللي قالها فيصل.......صرت انا سلعه مهيب مرغوبة الكل ما يبيني وبالنهاية ياخذني واحد شفقة....وش فيه فيصل قلب عليّ.... ما ادري يمكن ما هو فيصل....وانا موب الجوهره..........
سكتت ورجعت للواقع المر اللي هي فيه....انا وين الاقيها من فيصل اللي ما فهم ولا شئ ولا من خالد اللي ما عرف الا اسمه............
حضنت مخدتها وانهارت من البكاء......تفرغ كل اللي فيها بالبكاء.....شلون ارجع ثقتي باخوي... ليش ما صدقني وعلى طول صدق الرساله..........
اسودت الدنيا بعين جوري وقفلت كل ابواب الأمل والسعاده...نست شئ اسمه سعادة ورفضت تقابل أي احد خلال يوميين.......
جوري انحرق كل لحظة سعاده بحياتها وحست انها بتنهار بيصير لها أي شئ ولا اللي يصير لها هالشئ.....
فيصل اللي يندم بلحظه على كل شئ وباقي الوقت يحس انه سوى الصحيح وتستاهل اللي تخون اهلها....... فيصل اللي قاهره انه عمره ما شك فيها ابد.....انقهر شلون يضحك على بنات الناس وتربيتهم وبالنهاية يلاقي اخته من هالناس........
فيصل ما توقع انها تكون ردة فعله كذا....بس الا الشرف والسمعه محد يسكت عنها...
*************************************
راشد:ها عايشه شلونها؟؟؟
عيوش:والله حالتها ما تسر والممرضه مدري وش تخربط ما فهمتها.....
آمنه:الله يستر هي من اول عندها فقر دم وصارت ما تاكل........
راشد:طيب روحي يا آمنه اسألي الممرضه....
آمنه:ما اعرف انقليزي.....
راشد:طيب اروح الحين واسألها.......
راح راشد يسأل الممرضه عن حالة لمياء اللي طاحت عليهم فجأة......
عيوش:كله من ابوي وعادل حسبي الله عليهم.....
آمنه:لا تدعين عليهم....حرام عليك.....
عيوش:حرام عليّ والا عليهم.....ما تشوفين وش يسوون فيها عشان محد عندها.....
آمنه:بس فضيحتينا عند الناس......
عيوش:بادخل عندها........
آمنه:وانا معك.........
ورجعوا للغرفه دخلوها وكان منظر بنت عمهم ما تسر ابد....تعبانه حيل وباينه بوجهها صاير لون وجهها اصفر باهت وانه ما في أي دم......وابر المغذي عليها........
كانت لمياء تعبانه مره بسبب عدم التغذيه لان جسمها ما يتحمل......
عيوش:يا حرام والله ما سوت شئ.....يا ويلهم من الله.....
آمنه:بس اذيتينا...كلمي ابوي وعادل وقولي لهم هالكلام موب تصرخين بوجهي.....
عيوش:والله انتي الكبيره المفروض انك انتي اللي تتكلمين.......
آمنه:اخوي وابوي واعرفهم اذا احد تدخل فيهم......
عيوش:ايه خلينا ساكتيين لين تجي المصايب لينا واحنا ما نقدر نتكلم......
آمنه:يالله بس خلينا نطلع نشوف وش سوى راشد؟؟؟؟
وطلعوا برى ولقوا راشد ينتظرهم....
راشد:ها بشروا شلونها؟؟؟؟
آمنه:تونا شايفينها وقلنا لك....إنت اللي بشر وش قالت لك الممرضه؟؟؟
راشد:والله تقول حالتها ما تسر ابد....وحالتها بتتدهور لانها تعبانه من فتره ولا جبناها.....
عيوش:طيب شلون الزيارات وش نسوي لها يعني؟؟؟؟
راشد:الدكتور يقول ادعوا لها....وكل يوم تجون تزورونها........
راحوا البيت الثلاثه وهم خايفيين يصير لها شئ وهي ببيتهم...لانهم خايفيين يصير القصور منهم... ام راشد ما قدرت تترك البيت وهي فيها طيبة بس عليها تصرفات تقهر......اما عادل وابوه ما فكروا فيها ولا سألوا عنها وتظاهروا ان عندهم شغل........اما فراس ما يدري الى الان عن شئ.......
راشد شاف فراس بالصالة وهو في حالة ذهول.........
راشد:ها فراس وشخبارك؟؟؟
فراس:بخير.....
قعد راشد وصار يناظر فراس....وحس انه مقصر بحقه...شلون ما اهتم فيه هو يتيم....وماله
ولي امر ولا احد حريص عليه....وهو بمرحله خطرة...بيقبل على مرحلة المراهقه ويمكن ينحرف ويروح مع هالشلل الفاسده.....
فراس:راشد....
راشد:هلا حبيبي....
فراس:ابيك تصير ابوي......
راشد:.............................
فراس:طلعت الأول وقالي الاستاذ وين ابوك؟؟وقلت له ما عندي ابو...وابيك تصير ابوي عشان اذا سألني الاستاذ باقوله انك انت ابوي.......
راشد ما عرف شلون يواجه هالموقف الصعب..ما يدري هو يأيده على تفكيره الصغير او يعارضه ويفهمه بأن ابوه ميت.........
فراس:تصير ابوي؟؟!!
راشد:حبيبي انا اعتبرني اخوك الكبير ومثل ابوك...وابوك راح عند ربه وان شاء هو بالجنه اللحين... واذا احد سألك قوله ابوي عند ربي...وعندي اخوي......
فراس:يعني هو عند ربي.........
راشد:ايه هو عند ربي....
فراس:وحتى امي وحتى لؤي..........
راشد بحيرة:ايه كلهم عند ربي.........
فراس:طيب ليش انا ولمياء هنا ليش ما نروح معهم..........
راشد حس بضيق شلون يفتك من اسئلته الصعبه بس ماله حيله الا انه يجاوب:كل واحد له يوم يروح فيه عند ربه...وحرام علينا نقول ليش ما رحنا ولازم نعدي ربنا ونقول يارب تخلينا كلنا بالجنه....
فراس ابتسم:صح نفس كلام لمياء...يارب نصير كلنا بالجنه الا عادل.....
راشد:ليش؟؟لا اعوذ بالله ان شاء الله كلنا بالجنه.......
فراس:هو ما يحب اختي لمياء وقالي هي ما تحبني....وضربني ذلك اليوم عشان قلت له الا احب اختي لمياء مررررره......
راشد انصدم من كلام فراس وحس انه بدا يفهم بقوه المجتمع اللي حوله..وراح تعب عادل على الفاضي لانه ما عاد صغير وما يفهم كل شئ بالعكس حااااس بكل شئ بس هو طفل ويدور سعادته....
راشد:قول الله يهديه....يمكن ربي يهديه ويصير يحب الناس ويحبك......
فراس:يارب يصير يحب الناس.......
جا راشد وحبه على راسه وراح لغرفته..............
راشد حس بالمسؤلية تجاه بنت عمه وحس انها فعلا تحتاج لراعي يرعاها ويحرص عليها وخطبة عادل ما فيها أي مصلحه لمياء بالعكس مقصود عادل وااااااضح وما فيه أي كلام......
يعني يشوه سمعتها وكارهها ومضيق عليها على الاخر وبالنهاية يفكر بالستر عليها......
راشد احتااااااااااااااار مره ومهوب عارف شلون يقدم لها خدمه تكون لصالحها ولصالح فراس....
بس فراس قادر عليه وبيكون تحت مراقبته بس المشكله بلمياء اللي اكيد من تطلع بيعجل زواجه عادل لانه خايف اني اضيق عليه وامنعه........
راشد حس ان عليهمسؤليه كبيره ومهب عارف شلون يتصرف......
ولمياء ما زالت تحت رحمة الله ثم رحمة الممرضات اللي يعتنون فيها.......
************************************
ام مشاري:ما يصير تتقدم لها واختها الكبيرة ماتزوجت.....
مشاري:وانا وش دخلني باختها....
ام مشاري:ما يصير....لازم تتزوج الكبيرة قبل الصغيرة بعدين انت ليش مصر على الصغيرة.....
مشاري بصدمة:ها...لان الكبيرة اكبر مني(وهو ما يدري كم عمر عهود بس عشان يفتك)...
دخلت نوره وهي تضحك......
ام مشاري:من كنتي تكلمين؟؟؟؟
نوره:مريوم من غيرها.......
ام مشاري:وهالوقت كله تكلمينها.........
نوره:والله اشتقت لها....اي صح تسلم عليكم.........
مشاري:الله يسلمها......
ام مشاري:ايه نسيت اسألك...ليش ما حضروا اخوانك؟؟؟؟
مشاري:تعرفين بعد عندهم عمانهم وصعبه يتركونهم ويجون...اتصلت امس الجوهرة تعتذر.....
ام مشاري:واللحين نرجع للبنت من كلمك عنها......
نوره:افا خاطب من ورانا؟؟؟؟
مشاري:تونا ببداية المشوار.......
نوره:اشوى اجل بادخل معكم ي الحوار على طول........
مشاري:الله يستر منك...احس اني قاعد بمحكمه.........
نوره:هههههههه اشد من المحكمه الله يعينك على الاسئلة........
ام مشاري:ما قلت لي هي وش تقرب لهم......
مشاري:بنت عم الجوهره.....
نوره:ايهم الصغيره والا الكبيره؟؟؟؟
مشاري:تعرفينهم؟؟؟؟؟
نوره:يعني بالمناسبات...بس اتذكرهم.....
مشاري:الصغيره؟؟؟؟
نوره:وااااااااااااو.....لا تقول خلود.......
مشاري بحماس:ايه وش رايك فيها؟؟؟......
نوره:قمر...قممممممممر لا اله الا الله.....مره حلوه ما شاء الله.....
ام مشاري:منهي؟؟انا شفتها.....
نوره:تذكرين يمه بزواج عمي مبارك....البنت اللي لابسه احمر...الا شفتيها والجوهره خلتنا نسلم عليها هي اول وحده وعقب اهلها شفناهم وسلمنا عليهم.......
ام مشاري:ايه تذكرتها....ما شاء الله البنت مزيونه بس صغيره......
مشاري:الحمدلله يعني تعرفونها وعاجبتكم......
نوره:شكلا ايه...اخلاقا ما اعرفها...بس شكلها حبوبه.....
ام مشاري:امها اعرفها ما شاء الله ما عليها...بنت حلال وطيبة......
مشاري:باقي البنت؟؟؟وش رايك يا نورة تقومين بهالمهمه؟؟؟؟
نورة:شوف والله انا دقيقة ملاحظه يعني باعطيك الايجابيات والسلبيات والله يعينك....
مشاري:يعني ما في انسان كامل.....
نورة:الله علينا....اصبر لين اجيب لك خبرها.....
مشاري:وبعد الجوهره ما تقصر خوذي منها.....
نورة:لا يا خوي الجوهره بنت عمها وباخليها اخر احتمال.....عندي اهم منها يعطيني اخبارها....
مشاري:انا خفت وانا مالي دخل شلون هيّا....شوي شوي علي تراها زواج موب محاكم وسجون.......
نورة:انا لي طريقتي الخاصه بالبحث وقلت لك معلوماتي بتكون ان شاء الله صحيحه.....
ام مشاري:دام العائلة معروفه وما عليها كلام...ما علينا من خرابيطكم انتو يالبنات......
نورة:لا يا يمة اللحين العائلة مالها أي دخل بتربية البنت او الولد...تلاقين في عائلة مافي افضل منها بس العيال راييحين بخبر كان......
مشاري:صادقه اجل الله يعينك جيبي خبرها.....ونحنو بالانتظار......
نورة:ما بتأخر ان شاء الله وعندي مراسلات كثيرات........
مشاري:ههههههههههههههههههه� �هه
نورة:خبيرة بهالشغلات...ما استهل اكون بطلة لاني جبت لكم خبر خطيب مريوم قبل ما يجي..
مشاري:والله الى الان ودي اعرف من وين جبتي هالسالفه....
نورة:قلت لك خبيرة ولا تخاف عليّ......
مشاري:الله يستر منك...من اول وانا قايلها انتي تخوفين ديرة موب شخص واحد...
نورة:هههههه
****************

لولو:لو نطلع لجوري افضل....
عهود:ايه احسن نقعد الحالنا......
خلود:بكيفكم اما انا باقعد مع امي وعمتي صراحه من زمان عنهم.....
عهود:والله ما ينعرف لك....بس هالمره بامشيها لك......
خلود:والله مشيتيها والا ما مشيتيها براحتي باسوي اللي براسي......
عهود:امشي بس يا لولوه خلينا نطلع...شكلها مشتهيه هواش......
خلود:هاهاهاهاهااااااااااا� �.......(وراحت تقعد مع امها وعمتها ام فيصل).......
طلعوا عهود عند لولو ودقوا عليها الباب.....................
جوري كانت بحاله صعبه.....طول وقتها تبكي وما تبي تشوف احد....خصوصا يوم مسحت محادثة الماسنجر...كانت ما تبي احد يشوفها لا احد يشك فيها.....بس اللحين المشكله اكبر من كذا ومحتاجه لهالمحادثه اكثر من قبل...............
جوري:مين؟؟؟؟؟؟
عهود:بنت عمك وبنت خالتك..........
جوري ودها تقولهم لا...ودها تصرخ فيهم وتطلع الكبت اللي بداخلها وتصرخ اكثر واكثر...بس هم وش ذنبهم...
جوري فتحت الباب عشان لولو جايه من بيتهم عشانها...ولو كانت عهود الحالها كانت اعتذرت لها بأي شئ........
لولو جت بتسلم بس من الصدمه شهقت:اسم الله عليك يا جوري وش بك؟؟؟؟؟؟
عهود سكتت ولا قدرت تتكلم.........
جوري عطتهم ظهرها ودخلت بوسط الغرفه وصارت تبكي.....وحاطه يدها على وجهها......
لولو:جوري لا يكون عشانك ثالث ثانوي وحركات الفراق هذي.....
جوري حست ان لولو انقذتها من اصعب موقف.....مستحيل تقولهم وش اللي فيها... هي بالمواضيع الصغيره ما تقدر تتكلم شلون لو بموضوع حساس مثل ذا........
جوري سكتت ولا ردت على لولو..........
عهود راحت وقفلت باب الغرفه وجت عند الجوهره......
عهود:جوري حبيبتي ما يصير...كلنا تخرجنا وزعلنا يوم او يوميين بالكثير وبس.....اما انك تحرمين نفسك من الاكل ومن الناس...هذا شئ ما يصلح بالعكس راح يضرك......
جوري ارتفع صوت الشهقات عندها....يعني انها تبكي من أول بس حاولت انها ما تبين......
لولو حست انها ضعيفه بهالموقف ومهيب عارفه شلون تواسيها......
عهود:جوري انتي حبستي نفسك ومانفعكي بأي شئ....يالله اللحين اسمعي كلامنا وطيعينا.......
لولو:يالله جوري....اول شئ روحي غسلي وجهك وتعالي اقعدي معانا.........
جوري تحس انها مخنوقه وما تبي احد يكلمها زاااااااااادت بكاء..........
عهود خافت على جوري لا يصير فيها شئ:جوري اللي مضايقك هو المدرسه......
جوري هزت راسها لا......
عهود:طيب انتي بس اقعدي وارتاحي.....
قعدت جوري على السرير وقعدت عهود من يمينها ولولو على يسارها......
لولو:طيب قومي اللحين وغسلي وجهك....شوفي شلون ضاعت الملامح الجذابه.....
جوري ابتسمت من كلام لولو وقامت معها وغسلت وجهها....وبنفس الوقت ودها لو ما تبكي قدام احد......
عهود:أي كذا طلع وجه بنت عمي...موب اول كأنك وحش.......
جوري وما زالت آثار الصيحه بكلامها لان صوتها ينقطع مع الشهقه:حرا(ينقطع الصوت)م عليك انا(تشهق)وحش.....
لولو كتمت ضحكتها....صراحه جوري شكلها يضحك ويحززززززززززن..........
عهود:انتي قمر وش بقيتي لنا.....
لولو:ترانا نغار.....
عهود:غاري...ما عليّ منك....اهم شئ لا تنضلين بنت عمي........
لولو:انضلها على وشو؟؟؟؟؟؟؟
عهود:قولي وش اللي ما انضله عليه.....كل شئ فيها حلو......
جوري تبتسم على عهود ولولو بدون أي جواب......
لولو:يرضيك يا بنت الخاله.....
عهود:قلت ما علي منك.........
لولو:طيب بس عشاني صغيره....صدقيني بس اروح النمطعم يكون لي حديث آخر........
عهود:وش دخل المطعم بالهوشه..........
لولو:ما تدرين انتي .....هذي قصه طويلة.......
عهود:سولفي علينا....وش ورانا.........
لولو:وراكم دولا ب جوري.......
عهود:ههههههههههههه....لا تضيعيين السالفة........
لولو:اعوذ بالله ما امداك تضحكين الا نقزتي ببلعومي..........
عهود:هههههههههههههههههههه� �هه
جوري تحاول تأقلم نفسها معاهم....وتبتسم على تعليقاتهم...........
لولو:سلمك الله القصه وما فيها اني ودي اروح المطعم...بس ما عندك احد....محد معطيني فيس..... المشكله ان عندي اثنيين ولا واحد فيهم راعى حقوق الانسان وحقوق احته ووافق يوديني....وانا مررررره ودي اروح عشان اكشخ مع العالم وانا اسولف لهم عن المطعم اللي رحت له.... وانا اتخيل ان رحت المطعم بيصير لي لسان هذا طوله(وتأشر على طول يدها)...........
عهود:ههههههههههههههه منتب صاحيه...............
لولو:واصير كشخه واتخانق معك وبتشوفين ذاك اللسان اللي ما تقدرين عليه لو انك وشو........
عهود:حلوه لو انك وشو...هههههههههههههههههه
لولو:طيب يا حلوه التقديم الاسبوع الجاي....كم نسبتك ومتى بتقدميين؟؟؟وشو القسم؟؟؟؟؟؟؟؟
عهود:أي والله انها صادقه كم نسبتك؟؟؟؟..........
جوري بابتسامه:96 ........
لولو زغرت بصوت عااااااااااااااااااااالي:� �لولولولولولولولولويييييي يييييييييييييييييييييشششش شششششششششششششش مبروك يا حبيبتي يا الف مبروك يا حقه..............
عهود حظنت جوري:آآآآآه منك يالدوبه والله وطلعتي دافوره........
جوري:الله يبارك فيكم...........
لولو:بالله هذا رد للمباركه.....صراحه تستحقيين ذبيحه....وابشري بالحفله اللي باسويها لك.......
عهود:وانا وين رحت......انا وانتي نسويها.........
لولو:اوكي ما عنديش أي مانع...........
جوري:مالها داعي موب اول وحده تجيب هالنسبه.........
عهود:حبيبتي بالنسبه لعائلتنا المكرمة محد وصل لهالنسبة لا عيال ولا بنات..........
لولو:اككككككككككككشخ من قدك يا قميل............
جوري:الله يسلمكم......
عهود:يوووو اموت انا بالمستحي........
لولو:يوووووووه هذا سلطان يدق باروح ما اقدر اقعد لانه مواعد واحد......
عهود:مع السلامه......
جوري:مع السلامه....
لولو:كذا حاف ما في بوسه عالخد.......
عهود:والله انك خربانه يالله ما عندنا هالحركات.....
لولو:اوكي يا صبايا...مع السلامه....واتفق ان شاء الله معاكي يا عهود.........
عهود:ان شاء الله روحي....لا يقوم عليكي.........
لولو:قولي ان شاء الله يهديه ربي ويوديني للمطعم..........
عهود:ههههههههههههه الله يرجك.....
وراحت من عندهم لولو بعد ما تركت لهم جو من المرح....وخرجت جوري من كآبتها............
عهود:يالله يا قلبي ممكن تتكلمين وتطلعين اللي بقلبك........
جوري:ما اقدر..............
عهود:ليش ما تقدريين.............
جوري:كذا ما اقدر...........
عهود:فيه احد ترتاحيين له وتفضفضيين اللي بك............
جوري:لا............
عهود:اجل خليني افهم وشو المشكله...يمكن اساعدك وادلك على حل انتي غافله عنه......
سكتت جوري وهي تفكر بكلام عهود....من له غيرها تكلمه...او بالاصح جا شخص عندها وطلب منها تتكلم عن المشكلة....وما تدري يمكن هالمره ما تتكرر........
بدت جوري تتكلم بس غلبها بكااااااء فضيع....اول مره تتكلم عن اللي بداخلها....لدرجة انها صارت ما تعرف تعبر بصدق عن اللي بداخلها لانها ما تعودت على هالفضفضه....وكان طريقها هو الكتابه... بس شخص قدامها تكلمه وتحكي له عن اللي فيها كان اصعب شئ عليها.......
بس تغلبت على بكائها بس دموعها ما قدرت تمنعها وقالت لها عن سالفة المجروح انتهاء بفيصل اللي درى عن كل شئ وردة فعله..........
********************************
منصور:يا خالد انت على طول خطبتها.....
خالد مصر على رأيه:واذا على طول خطبتها......
منصور:يعني بس تبي تصلح الغلط...موب قصدك فعلا تخطبها.....
خالد:صح انا كنت بارفع راس ابوي وما ابي احسس عمي بالاهانه واحنا ببيته.....
منصور:والبنت؟؟؟؟
خالد:وش فيها البنت؟؟؟؟
منصور:يعني تصير ضحية اقدامك وفزعتك.....
خالد:اللحين بالله وش فيها...فهمني الى الان ما فهمت!!!!
منصور:اللي اقصد واضح...انت منت مستعد للزواج ولا عمرك جبت طاريه وفجأة وبدون مقدمات تبي تتزوج.....
خالد:وهذي فيها شئ!!!
منصور:لا تشيبني.....يعني انت منت مستعد للزواج....
خالد:عادي استعد....
منصور:ما شاء الله عادي كذا...ما كأنك مقبل على حياة جديدة.......
خالد:والله انك تصعب الامور وهي بسيطه....صحيح انا عمري ما فكرت فيها ولا فكرت اصلا بالزواج... بس عادي اللحين بافكر بالزواج واحاول أأقلم نفسي.......
منصور:شلون يعني...يعني ببساطه البنت بتاخذ واحد بيجرب او يحاول يأقلم نفسه على الحياة الجديدة....وهي مسيكينه تروح فيها والسبب هالتضحيه....
خالد:منصور وش فيك....كل الشباب ما كانوا مستعديين للزواج وعادي كلها كم اسبوع تثقيف مركز وبيتزوجون....وبعدين وشو هالزواج اللي كأنه مغارات محد يدخلها....
منصور:خالد الله يخليك افهمني...انت غير الناس اللي تبي تتزوج... انت ما تبيها ولا عمرك فكرت فيها...وانت اصلا موب مستعد للزواج...وانت اخترت هالحل كتضحيه...سامع تضحيه.. يعني غير عن كل الشباب اللي أقدموا لهالخطبه....خالد هذا الزواج فاشل من البداية ومصيره الطلاق....
خالد:اعوذ بالله...ليش كذا تتفاول؟؟؟الاوضاع اللي قلتها صحيحه بس مصيري بتزوج وانا معاك انها كانت حل لمشكله بس ان شاء الله مع الوقت بحول هالحل لاقتناع نفسي وانا ما ابي استعجل بالزواج....
منصور:خالد الله يخليك لا تظلم بنت الناس...والله مهيب ناقصه منا شئ.....
خالد:ما جاها مني شئ وقراري وما اراح اتراجع عنه لو ايش ما صار.......
منصور:اعرفك عنيد وما تغير رايك....بس تكفى ابيك تفكر بعقلانيه اكثر من تضحيه.... هذي حياة جديدة وعالم آخر لا نكون من هالناس المغفله اللي تسمع من الناس وخلاص تحسب ان الزواج مثل أي عمل بسيط وما ياخذ وقت....الحياة صعبة والتعامل مع المرأة شئ ثااااااااني....صدقني الزوجة بتكون قريبة لك موب مثل اختك ولازم تعرف الاساليب اللي تتعامل معاها....وغير كذا العلاقة الجيدة والواعية هي اللي بتربي ابنائك...هذا جيل جديد واحنا المسؤليين عنه......
خالد:وانت الصادق...خلاص اجبرتني ان شاء الله باتعلم هالاساليب اللي تقول...وباكثف الاشرطة التربوية....
منصور:يعني مصمم تبيها......
خالد:انا قراري ما اتراجع عنه ولازم اتحمل نتايجه.........
منصور:الله يعينك على قراراتك واتمنى انك ما تندم ولا لحظه على اللي سويته....ولا اوصيك على بنت عمي.....
خالد:ليش متحسف وتبيها.....
منصور:انت عارف وش اللي خلاني ما اتزوجها...بس يمكن خير لي ولها وادعي لي انه يفك هالهم من قلبي......
خالد:الله يسهل عليك امورك...وترجع لنا منصور الأولي.....
منصور:آآآآآآآآميـــــــــ� �......من بؤك لباب السماء.....
***********************************
قاعديين بالصاله كلهم.........
سلطان وهو لسانه ياكل يبي يسأل عن جوري:اقول لولو.....
لولو:سم......
سلطان:سم الله عدوك......
لولو بنفسها(من متى هالاحترام بس انا عارفه اني شخصيه ومصيرهم يرجعون لي)....
سلطان:نجحت الجوهره..........
لولو بابتسامه خبيثه:انا من سم الله عدوك وانا عارفه انا وراها شئ....بس تخيل انها راسبه بمادتيين.....
سلطان:لا عاد...مادتيين ليش؟؟(وحز بخاطره لايكون انا السبب في رسوبها لان لولو فهمته انها اكيد زعلانه منه بعد فك الخطوبه)....
لولو:تعرف غشت بهالمادتيين وحرموها منها.......
سلطان:اما ذي كثري لي منها....وش الصدق......
ام محمد:ما اتصل محمد......
سلطان ومن داخله محترق يبي يعرف السالفه:الا اتصل ويسلم عليكم وهو اللحين بابها وشكلهم ناويين يرحون لعمان....
ام محمد:وشو له برى الديرة...اكيد فرت راسه وهو طاوعها......
سلطان:لا تظلمين البنت..اللي اعرفه انها تبي داخل السعودية وهو مشتهي برى وشكله هو اللي اقنعها انهم يخرجون برى........
ام محمد بفشيله:انا خايفه عليه منها............
سلطان:ليش يمه.....
ام محمد:عشانها مهي مننا...اخاف انها تأثر فيه ويصير مثل العيال العاقيين اللي ما يجون امهاتهم ويسمعون كلام حريمهم.....
سلطان:وش دعوى يمه ما سووها القريبيين....هذا خالي مبارك لانعرفه ولا يعرفنا وزوجته هي بنت عمه....وما سلمنا منها ومن أذيتها وحتى وهي بعيد....يمه الواحد يختار اللي معروفه باخلاقها ودينها والنبي صلى الله عليه وسلم وصى بهالشئ......
ام محمد باقتناع تام:أي والله انك صادق...وعقبالك...
سلطان حس انه ينطعن بخنجر ما يدري ليش يحس ان جوري وبس وهاللحين ضاعت بسبب غبائه وحاول ما يبين أي شئ لأمه:ان شاء الله يمه بس ادعي لي......
ام محمد:ابشر...يووووووووه نسيت القهوه.......
وراحت امهم من عندها....وسلطان التفت ما لقى لولو بالصالة...وهو محترق على الاخر يبي يعرف منها نتيجة جوري...اشتاق لاي خبر عنها...اي شئ فيها يبيه....
دخل غرفة لولو........
سلطان:السلام عليكم.......
لولو:وعليكم السلام ....
سلطان:ها وش فيك انحشتي..........
لولو:ابد تذكرت شئ بالغرفه ورحت له..........
قعد سلطان على السرير وانسدح عليه ولو كانت قاعده تطلع اشياء من درجها......
سلطان وحاط ايده تحت راسه:من جد وشي نتيجة جوري(عفويا طلعت منه جوري ما انتبه لها)
لولو بابتسامه:جوري...اهاااااا.....� �ا اله الا الله نسبتها 96 بالمية......
سلطان:ما شاااء الله تبارك الرحمن.....افا والله وسوتها بنت الخاله تحدتني وكسبت التحدي...
لولو:تحدي وشو؟؟؟
سلطان:ها...(بس تورط ولازم يتكلم عن يلاقي أي شئ عن جوري)...ابد تحدينا واحنا صغار من يكون نسبته بثالث اعلى....
لولو:وانتو صغار...اممممم....سلطان تلعب على مين....ترى انا موب عبود ينضحك عليّ بكم كلمه... انا اعرف انك تموت فيها وودك يحصل أي شئ عشان تنفك خطوبتهم......
سلطان اللي صدم من لولو انها عارفه بكل هالشئ:تبين الصراحه...ايه اموت فيها وما اتخيل انها لاحد غيري.....
لولو:طيب ليش تفك الخطوبة...بافهم انا......
سلطان:غباء...غباء مني انا كنت ابيها رسمي وابيها خطبة مثل العالم والناس مثل ما هي تتحلم وانا اتحلم....ما ابيها كلام حريم وبسرعه وصلت للرجال....والملكه كانت بتتحدد(وسكت حس انه بدا يتمادى بالسوالف مع لولو)....
لولو:الله يعافيك كمل...ترى منب صغيره والله العظيم.......
سلطان:والله وكبرتي يا لولو..دايم اعتبرك الطفله الكبيرة...وعجزت استوعب انك كبيره وتفهمين كل شئ.......
لولو احمرو خدودها:ياربي استحي...(وناظرت فيه)....بس مافي فكه كمل........
سلطان:بس الملكه كان باقي عليها اسبوع...وفجأة قررت هالقرار وقلت له لفيصل بس هو ما ادري ما فهمني او قال لامه...مدري شلون ما ادري انا اللي مافهمته اني باخليها رسمي يعني حتى فك الخطوبة ما كنت ابغى كنت ابي اتقدم رسمي....وشكلهم ما فهموني صح...وانفكت الخطوبة وعلى ول خطبها منصور.....
لولو:يالله....معقولة كل هذا يصير وانا ما ادري.......
سلطان:آآآه ياربي...اقول يمكن خير...بس عجزت صرت ادعي ان فيها لو ذرة خير ييسر لي هالزواج.....
لولو:والله ادري انك تحبها من وانتو صغار........
سلطان وهو مبتسم:صغار وكبار......
لولو:يا عيني...يا عيني على اللي يحبون......
سلطان:وش فايدة هالحب...ما طلعنا من وراه غير النكد.........
لولو:تصدق عاد(وترددت تقوله هالسالفه والا لا...بس توقعت انها بتفرحه وما درت ان تأثيرها كبير عليها)......
سلطان:وشو اللي اصدقه؟؟؟؟
لولو يقالها ذكية وتبي تجيب انها سالفة حماس:امس يوم رحت لها كانت تبكي وبالموت فتحت لنا الباب.....
سلطان قعد:ليش؟؟؟؟؟؟؟؟؟
لولو:انا توقعت احد ميت..بس شفت الثانيين عادي وقلت اكيد فيه شئ.......
سلطان:طيب وش فيها؟؟؟؟؟
لولو:ما ادري تصدق حسبتها راسبه بس يوم طلعناها من ضيقتها انا وعهود طلعت لنا نسبتها وما هي فرحانه........
سلطان:وما عرفتي وش اللي فيها؟؟؟؟؟؟
لولو:صراحه لا...هي اصلا ما تقول شئ....تبي جوري تتكلم......
سلطان يموت يسمع عنها أي شئ:شلون ما تتكلم؟؟؟؟؟
لولو:يعني مستحيل تقول ان هالشئ مضايقها....مررررره كتومه........
سلطان:وما عرفتي ابد وش فيها؟؟؟؟
لولو:انا اتوقع عشانها تبي تتزوج!!!!!
سلطان:ليش هي مهيب موافقه؟؟؟؟(وعنده امل انها تكون تبيه).....
لولو:لا بالعكس شكلها عشان تبي تفارق اهلها وتعرف منصور احتمال يكون شغله موب عندنا.....
سلطان راح عنده هالشعور اللي كان يظن انه متادل وحس انها كرهته فعلا من قلبها...كان اول عنده طمأنينة ان الموضوع مجرد خطبة وبترفض جوري....كان حاط الرفض بجيبه ما يدري ليش هالشعور القوي اللي بداخله....بس بعد كلام لولو راااااح كل الوهم اللي هو عايشه وعرف ان جوري مهي له وانه مستحيل يتزوجون..............
قام سلطان من عندها وهو متضاااااايق على الاخر وحاس انه ينفجر اذا قعد بالبيت....بيطع برى بجو مفتوح يحسان الكتمه اللي فيه تنفك....ويخرج من الجو الكئيب اللي هو فيه......
كان عايش على امل...على حب طفولي قديم وتتجدد مع السنيين.....يتذكر كلامهم وسؤالهم عن بعض.... ايه حتى جوري كانت تسأل عنه وكان تحديهم يوصل بعض...... دخلت الثانوي جوري وهنا انقطعت أي علاقه بينهم ما عدا المباركه بالعيد وباخر السنه اذا نجحوا ويتمنونها تجي بسرعه عشان يقدرون يباركون.......
يتذكر الماسنجر وذيك المحادثه اللي ما نسيها ولا راح ينساها...قالت له بالحرف الواحد...ما اتخيل اني لغيرك...اصلا عمري ما فكرت الا فيك......
آآآآآآآآآخ على قرادتي....ذاك اليوم اللي حستها انها تعلقت بي....وخفت لانا مخطوبيين يعني ما نزال اجانب....بس كنت اقدر اقولها وانا بعد عمري مافكرت فيك ولااتخيل انك لغيري....بس القراده قلت لها(وانا بعد يا عمري....وخلينا نقطع العلاقه لو احد عرف عنا هالشئ اكيد بيفكون الخطبة ووقتها ما نستفيد ولا شئ).....
سلطان ما يدري ان هالكلمتيين هي الدليل الثابت على ان جوري مازالت متمسكه فيه للآخر.....
صحيح اللي سواه صح....بس كل ما يتذكر هالغلطه البسيطه وش سببت فيهم....انحرقت اعصاب سلطان وحاول يبعد عنه هالجوري بس مستحييل....جوري بداخله وهو بداخل جوري... ماهوب حب سنه ولا شهر...هذا حب سنيين طويلة...كانوا صغار وكبروا عليه شلون بينسونه بسنه وحده....
********************************
********************************
ليلى:والله مصخرة.......
سلمان:وش فيك معصبه؟؟؟من كنتي تكلمين؟؟؟.......
ليلى:من غيرها...خلود العروسه.......
سلمان:يا قلبي انا يالعروسه......
ليلى:والله انك مخفه توها بعد ما خطبتها.......
سلمان:كلها كم يوم وعلى طول ملكه...........
ليلى:مره وحده.....
سلمان:اجل تبين بعد الخطوبه اقعد كذا بدون مكالمات لقاءات....والله اشتقت لها.....
ليلى:يا ويلي منك لا يسمعك ابوها لا يرفض....هذي وهي متغطيه وانت مجنون بهالشكل.......
سلمان:متغطيه او كاشفه يكفي انها هنا...خلاص احس اني باموت اذا كانت بيننا......
ليلى:الله عالحب....الله يسخر لي واحد يموت فيّا.....
سلمان:عيب!!!!
ليلى:اما عيب كثري لي منها...والا العيال عادي والبنات لا......
سلمان:ايه على البنات عيب........
ليلى:اقول بس ترى خلود قايلة لي كلام........
سلمان:اصبري خليني اجهز نفسي(ويعدل ببلوزته)قولي......
ليلى:والله منتوب صاحيين لا انت ولا هيا.......
سلمان:صاحيين والا نايميين....اهم شئ وش قالت.......
ليلى:شافت صور البيت ارسلت لها على ايميلها.....تصدق ما عجبها شئ......
سلمان:لا عاااااد....حرام عليها والله انه روعه......
ليلى:والله خلود ما ينعرف لذوقها ومره ما عجبتها........
سلمان:اتصلي خليني اكلمها...على كيفها ما يعجبها.....
ليلى:قايله انا بانجن معكم....من جدك انت تتكلم......
سلمان:لا من جد خلود اتكلم....ايه اتصلي وانا باكلمها............
ليلى:اللهم ارفع عنهم ولا تبتلينا.....اقول اصلا هي انهبببببلت عالصور.....
سلمان:شلون انهبلت؟؟؟يعني بالمصحه اللحين....
ليلى:هي هي هي ما تعرف تنكت....اقول ذااااااااااابت عند الصور...انجنت شوي والا تتهور وتروح البيت.........
سلمان:يا عمري....انا اللي ذايب بحبها......يا ليت تجي البيت وتشوفه.........
ليلى:لا حبيبي كفايه المطعم واشوى ان محد درى...انا مدريش لون طاوعتك ورضيت بهالفكره....
سلمان:ليش وش فيها؟؟؟
ليلى:عاد لا تصير انك ما تعرف خوالك.....
سلمان:والله عادي دام البنت تبيني وانا ابيها ما فيها أي شئ........
ليلى:اوكي اجل انا باتعرف على واحد واشوف اذا انا حبيته وهو حبني بنخرج مع بعض ونروح ونجي لاننا خلاص نحب بعض ونبي بعض....مافيها شئ صح؟؟؟؟؟
سلمان انصدم من كلام اخته وحس بالغلطه الكبيره اللي سواها....انا لو ليلى سوتها يمكن طار عقلي وانجنيت شلون ارضاها على بنت خالتي واكيد اخوانها لو يدرون ما راح يزوجوني اياها وبيقومون الدنيا ويقعدونها على راس خلود.......
ليلى:اقتنعت بكلامي......
سلمان بكبرياء:شوفي انا يمكن غلطت بس انا منيب شاب تعرفت عليها انا واحد من قرايبها وعارف انها تبيني وهي عارفه يعني مؤكد الخبر....واختي معاي......
ليلى:انا عن نفسي مستحيل اطلع مع احد الا بعد الملكه...حتى لو اخته معايا........
سلمان بكبرياء:كل واحد واقتناعاته......
حنان دخلت بهالوقت.....
حنان:يالله تعالوا العشا جاهز.....
ليلى:ايييييي نسيتني وش كنت باقول.........
سلمان:وش كنتي بتقوليين...الخبل ما ينسى سالفته.......
ليلى:طيب عناد منيب قايله......
سلمان:خلاص قولي...ايه اول مصخرة ومدري ايش فيك معصبة....
وهم ما شيين على الصالة بيرحون يتعشون...وبالتحديد هم بطرف الصالة.......
ليلى:اوكي باقول...تصدق ان الجوهره بنت عمهم كان خاطبها منصور واللحين خطها خالد.....
حنان سمعتهم وغصت بلقمتها واغمي عليها.......
قام سلمان بسرعه يحاول يطلع اللقمه من فمها لا يصير لها اختناق وتموت...وبسرعه يحاول يجري لها أي اسعاف اولي.......
سلمان:ليلى بسرعه جيبي عطر.......
ليلى:طيب(وراحت ركض لغرفتها).......
سلمان:رانيه بسرعه جيبي ماء.......
رانيه:طيب........
ام سلمان صارت تصيح وهي تشوف اغلى بناتها تعبانه وطايحه وما تدري هي حيه والا ميته....
بعد خمس دقايق افاقت من الغيبوبه ودخلوها غرفتها.......
سلمان:الحمدلله على السلامه....
حنان بتعب:الله يسلمك(وهي دايخه ما تشوف زين....الدنيا مغبشه عليها)......
ام سلمان:وش بك باسم الله عليك...خرعتينا.......
ليلى:الحمدلله على السلامه....
حنان:الله يسلمك....
رانيه:ما تشوفين شر.........
حنان:الشر ما يجيكم............
ام سلمان:يالله اطلعوا عن غرفتها خلوها تنام وترتاح.........
حنان حست بالخوف والوحدة...شعور يخوف ما تحس به الا اذا ضاقت عليها الدنيا وعجزت لا تتصرف.... ليش منب راضيه اتعايش مع الواقع....انا مستحيل اتزوج وخالد حتى لو تقدم لي بارفضه... وش يثبت لي اني صادقه بكلامي واني بريئة من اللي حصل لي بالصغر.... وزيادة على كذا تخصصي طب واختلط مع رجال....التخصص اللي اكثر اهميه بالحياة واكثر شئ مرفوض من المجتمع.....ليش ما اكون انا متعرفه على احد من زملائي....ليش موب دايم الحرمه هي المذنب بكل الحالات......حنان حست انها بتنهار من هالمصيبه....هي حاولت انها تكذب على روحها وتأقلم نفسها انها ما راح تتزوج وخصوصا خالد بس عجزت ومع اول خبر طاحت مغمى عليها....
كرهت الحياة وجاها قنوط ويئس وتمنت لو تكون على هالسرير نهايتها وموتها وصارت تدعي ربها انها تموت ولا تعيش بهالظلم.......
*******************************
خلود ملت من القعده ببيت عمها وتمنت لو ترجع بيتهم بتاخذ راحتها اكثر...وتمنت تروح لليلى بس حاسه انها صعبه خصوصا بعد الموقف اللي بينهم صارت تخاف مجرد انها تجيها الفكره تروح بيتهم.... ما تدري شلون تموت وتجي ببيتهم وبنفس الوقت ميته من الخوف.......
خلود طلعت بغرفتهم كان فيها اللاب توب حق عهود قلبت صور البيت ولازم بينهم يحط صورته سلمان......
تشققت عالصوره خلود...هي تموت فيه وهو عادي كيف وهو كاشخ...ويقاله مسوي لها حركه ما يخليها تشوفه وهو لابس بنطلون وتيشيرت....بس بالصور ما يعطيها الا وهو لابسها...ما عندها الا صورة وحده بثوب.....
خلود تحس انها بتطيح من طولها عليه.....اتخبلت هالبنت عليه ووحتى الدراسه اهملتها وما تبي الا هو......
دقت على بيت خالتها وردت عليها ليلى بس يوم سمعت صوتها عطته سلمان بسرعه......
خلود:الوووو.....
سلمان:هلا والله.........
خلود:..............
سلمان:وش اخبارك يا خلودتي؟؟؟..........
خلود صدق بتتخبل عليه:تمام...اخبارك انت؟؟؟؟
خلود راح الحيا اللي فيها...وتمنت لو يكون هالحيا موب تصنع...يكون مثل قبل نابع من داخلها...
سلمان:اذا انتي تمام اجل انا وشو؟؟؟.......
خلود بربكه:وين ليلى؟؟.........
سلمان:طيب هي بس يوميين وليلى تحلمين تكلمينها.......
خلود راح الخوف اللي فيها وتذكرت الخطوبة...بتتخبل هالبنت وبيصير فيها شئ......
خلود:ليلى صديقتي وبنت خالتي ومحد بهالكون يقدر يمنعني منها......
سلمان:اكيد انا اقدر امنع شئ يعوق سعادتك.....
خلود حست انه زودها:باكلم ليلى والا؟؟.........
سلمان بابتسامه:والا...ههههههههههه
خلود انقهرت مرررره:.......................
سلمان:بس احس الشراره وصلت عندي...خوذي ليلى......
سلمان عطى ليلى السماعه وخلاها تقول:الو...(واخذ السماعه منها)......
خلود:بس كافي يا ليلى...فهمي اخوك اني باموت انا...وش به ما يفهم اني ببيت عمي...حتى لو ببيتنا ما يصير...انا صرت اشك بنفسي اللي اسويه صح والا غلط...ليلى معاي.....
سلمان:ايه معاك........
خلود:.................................
سلمان:آسف يا عمري ما اقصد اني اضايقك بس ابشري ما تسمعين هالصوت الا اذا ملكنا... وان شاء الله بعد يوميين......
خلود:.....................................
سلمان:اوكي........
خلود:..........................
سلمان:بس اسمع اوكي عشان اصدق انك راضيه وموب زعلانه مني.......
خلود:مع السلامه........
وسكرت الخط خلود...............
ما تدري اني اموت فيك....اني انجن اذا سمعت صوتك....ما تدري انك بكل شراييني...وانت كل حياتي ودنيتي.....
ما تدري اني بدونك ما اقدر اعيش...بدونك ما احس بسعاده.....انت كل شئ....
يعني لازم اقوله....اكيد ليلى قالت له عن حبي...عن سعادتي...عن الدفتر اللي خصوصي له وهو شافه....ايه شافه وقراه......
اتذكر قالت لي ليلى:ضحك مررررره وقال اذا هي تحبني مره انا الف مره......
هالسلمان باموت منه.....بيخبلني....بيصير لي شئ منه.........
>>سلمان وليلى..............
ليلى:يعني انت ما تشوف انك زودتها...........
سلمان:ابد ما احس اني سويت ولا شئ...........
ليلى:بس البنيه زعلت وانت قمت تاخذ راحتك...........
سلمان:هي كم نسبتها؟؟؟........
ليلى:نسبتها مررررره نازله...يمكن 69 وفيه ماده راسبه فيها بس تعرف نظام الثانوي منجحينها فيها......
سلمان:يعني ما اقدر اراضيها بهدية تتسمى هدية النجاح......
ليلى:شف انا اقول لك فيه محل هدايا قريب من بيتهم فيد دبدوب متخببببببله عليه....انت قبل لا تشتريه...اشري لها وهو يغلف تغليف روووووووعه وخليه يحط بطاقه واكتب لها كلمات بسيطة... وداخل الدبدوب رساله اعتذار من قلبك...لا تلطشها من يمين ويسار......
سلمان:اجل قومي اللحين نروح المحل ووريني الدبدوب....
ليلى:يالله......
وراح سلمان واختار الدبدوب وقاله بعد التغليف بكره ياخذه اذا مهوب مستعجل لان المحل بيقفل......
وخلود ما تدري عن شئ....بس اكيد بتمووووووووووووت عليه............
***************************
عهود:ياربي....حسبي الله على ابليسه...
جوري:استاهل انا عشان اتوب وما اشترك بهالمنتديات.....
عهود:لا حبيبتي...المفرزض الواحد يتنقى المنتدى...موب أي منتدى تدخلينه.....
جوري:شلون اتنقى؟؟؟؟
عهود:ادخلي منتدى يكون فيه ناس ملتزميين...اقل شئ تكونين ضامنه روحك منهم ومن بلاوي الرجال اللي ما تجي الا من ورى هالداجيين.....
جوري:بس انا حدي هستره ولعب...او خاطره بالشهر.....
عهود:داريه...بس شفتي شلون وش صار لك...هذا وانتي مالك ذنب ولا اعطيتيه وجه وشوفي وش صارك لك...اشوى انه ما سوى اعلان.....
جوري:والله انا خايفه يقوله لاهلي...بس انا ابي اثبت له ان مالي أي دخل بس لمشكله ما عندي أي دليل.....
عهود:انتي متأكده انك حذفتي المحادثه......
جوري:ايه حذفتها...يقالي ابي ابعد الشبهه عني وحذفت المحادثه على طول.....
عهود:طيب انا عندي اقتراح....انا قلت لك عن طريق غدير تجيبينها بس انتي منتب راضيه....
جوري:لا صعبه..تخيلي باقولها ولد عمك ما يستحي على وجهه ويغازل...مدري عن طريق غدير صعبه...
عهود:اجل مافي الا نفس البنت ارسليها رساله على الايميل واكتبي فيها ضروري ابغ اقابلك على الماسنجر الساعه 12...احسه وقت مناسب تدخلين فيه.....
جوري:اوكي...بس الله يستر ما تكون هي بعد حاذفه المحادثه......
عهود:يا بنت ادعي ربك وتوكلي على الله........
راحت جوري وفتحت النت وارسلت الرساله لسارونه...وتمنت انه سارونه ما حذفت المحادثه وانها بعد تقرى الرساله.......
جوري قفلت الكمبيوتر.........
جوري:افففف قرفت من الكمبيوتر...احسه كآبة.....
عهود:يا بنت أزمة وتعدي.....
جوري:الله يسعدك يا عهود...انا مدري شلون اشكرك على قومتك معاي.......
عهود:الناس لبعضها وانا وانتي بنات عم والا نسيتي.....
جوري:تصدقين ما تعودت اني اتكلم...او اقول مشاكلي..آكل بنفسي واتبهذل واحاول الاقي حل مناسب...بس اني اقول لاحد هذا اللي ما تعودت عليه....
عهود:واااااااااااو....لا مستحيل ما اتكلم...اقل شئ صديقتي نوف اقولها كل شئ....
جوري:حتى صديقاتي ما كنت اقولهم شئ...اسمع منهم واشارك همومهم واحاول احل مشاكلهم... بس انا ما اقدر اقول.....
عهود:لا يا جوري لازم تتعودين...ترى بتنفجريين من داخل قلبك...الظاهر قلبك هو اللي بيشتكي موب انتي.....
جوري:صراحه عقب هالموقف انا اخذت درس وموب أي درس...درس باستمر فيه طول حياتي... الناس لبعضها وانا لازم اتكلم اقل شئ يمكن يلقالي حل انا ما اعرفه.....
عهود:انتي انسانه رقيقه...وانا احس انك ما تحبين تثقليين على احد وعشان كذا ما تشكين ولا لاحد عشان ما تثقليين عليه....صح.....
جوري:فضيعه...كأن داخله قلبي.....تقريبا هو السبب......
عهود:اعجبك انا بالتحليل.........
جوري:اجل باخليك مستشاري الخاص....
عهود:اخاف اوهقك...ما ينعرف لي.....
جوري:ههههههههه.....الله يستر منك............
عهود سكتت وودها انها تتكلم تبي تواسي جوري...لانها اللحين طايحه بمشكله كبيرة مع اخوها ومشكلة ثانية من اخواني.......
عهود:ممكن افتح معك سالفه........
جوري:افتحي!!!!!
عهود:بس بدون صياح.....
جوري دمعت عينها:ما اقدر...اول مره اتكلم عن اللي بداخلي...وغصبا عني هالدموع.....
عهود:اوكي...بس هالمره....اما المرات الجايه...من دون دموع......
جوري بابتسامه بوسط دموعها اللي ما تقدر تمنعها:ان شاء الله احاول.....
عهود:شوفي انا ما احب مقدمات على طول ادخل بالموضوع....
جوري:ادخلي الباب مفتوح......
عهود:دريتي ان خالد خطبكي.....
جوري نزلت دموعها ورى بعض غصبا عنها...صارت تمسحها بس ماقدرت تقاوم....
عهود:لا اذا كذا ما اقدر اكمل...
جوري وهي يالله يالله تتكلم:بالله شئ ما يزعل...صايره لعبه بين العيال...خلاص احس اني انا مسوية ذنب وربي قاعد يعاقبني.....
عهود:لا يا جوري لا تقوليين كذا...استغفري ربك......
جوري:استغفر الله العظيم......
عهود:انا بس شئ باقولك اياه....اولا انتي موب لعبه...بالعكس احس انك مرغوبه من الكل...وكل واحد يتمنى ياخذك...ويا الدبه من المتوسط والناس ملاحقه عليك......
جوري:أي ملاحقه...كل واحد بمزاجه يخطبني فتره ويمل ويتركني.....
عهود:جوري...لا تقولين هالكلام....انتي والله ما تدرين وش كثر الناس ودها فيكي....
جوري:أي ناس ما اشوف احد....
عهود:انتي وش دراك...ما شاء الله عليك طيوبة وما لك دخل بالمشاكل ومحد يعرفك الا يذكرك بالخير.....
جوري:والله مدري...بس هاللي يصير ما يرضي ولا احد...والا انا غلطانه.....
عهود:طيب انا اقولك عن منصور وابيك تعذرينه.....
جوري:اصلا انا ما ادري عن شئ...فيصل رمى عليّ الكلام وانا الى الان منب مستوعبه...
حتى مني فاهمه هو صح الكلام والا غلط...ما ادري حاسه اني بحلم..مدري كابوس.....
عهود:انا داريه ان اللي جاكي مو شئ بسيط...بس انتي تحملي وادعي ربك انه يكون كفارة لذنوبك.... بس منصور سالفته سالفه......
جوري بلا مباله:وشي؟؟؟
عهود حاسه بجوري:لا تحسين انك شئ موب ثمين...بلعكس انتي غااااليه علينا...بس منصور عقب الحادثة اللي صارت له انقلب فوق تحت....مسكين جاه يئس وقنوط...حتى شغله يداوم بس عشان يشغل وقته...يمر بظروف صعبه....حالته مرررره صعبه....وحتى يوم كلم عمي...قاله انا اللحين منب مستعد...أجلوا الزواج سوو أي شئ...انا منب مستعد وما ابي اظلم بنت الناس معاي.....
جوري:يالله...الله يعينه.....
عهود:والله منصور طيب ومرح وصراحه فللله...بس ما ادري وش اللي صار فيه... وحاولنا فيه يروح لطبيب نفسي بس رافض بالمره...يقول ان اقتنعت اني مريض باروح لشيخ منب رايح لدكتور.....
جوري:مسكين...والله مابقلبي شئ عليه...بس احس اني محطمه...ماودي اقابل احد ما ابي اشوف ابوي اتهرب منه...ولا احد ما ابيه يشوفني ولا انا اشوف احد......
عهود:لا يا عمري لازم تكونيين اقوى...وقابلي الناس عادي....
جوري:طيب وخالد وش سالفته؟؟؟؟
عهود:ايه...خالد يقول ان بنت عمي غاليه واذا انردت بهالمجلس وببيتها انا باخذها وقيمتها فوق....
جوري بنفسها:يا كرهي لك...لو انك بطلت هاللقافه كان سلطان جا...هو سلطان الي يعرف قيمتي وما خلاني.....
عهود:منت موافقه عليه.....
جوري:ما ادري وين نصيبي....باستخير واللي ربي كاتب فيه الخير بييسر لي......
عهود:على قولك استخيري...بس والله خالد طيييييييييييييب فوق ما تتخييليين....ما يقدر يقول لا ولا يصرخ وينفاخ بالعكس مررررررره حبوب وحاله حال نفسه....
جوري بنفسها:ما اعتقد فيه واحد مثل سلطان...طيبة الناس بكفة وطيبته بكفه.......
عهود:شوفي يا جوري ان كنتي ما تبينه لا تترددين...قولي له وانا اقوله من دون لا احد يدري... وصدقيني هالخطبة ما راح تصير اذا انتي منتي موافقه.....
جوري:مشكوره الله يسعدك....ما تدرين وش كثر هالجلسه اثرت بي....ما ادري حسيت اني ثقلت عليك بس اسولف عن نفسي...لكن موقفك ذا ما اراح انساه طول عمري.......
عهود:يؤ ما اقدر انا....لاتنسي احنا بنات عم وقلوبنا على بعض...واللي ما ارضاه على نفسي ما ارضاه عليك.......
جوري طاح من الهم شئ كثير...تحس من كثر انها مرتاحه كأن المشكله انتهت وانحلت.... ودها تشكر عهود بس مهيب عارفه وش اكبر شئ يتقدم لها.......
جوري على الرغم من عنادها وكبريائها بان محد يدري عنها....بس هالمره ظروفها اصعب واقوى... وهالشئ اجبرها انها تتكلم وتحكي اللي بداخلها لعهود......
وعهود اللي استقبلتها بكل حب...وخففت عنها همومها...وحاولت بكل الطرق ان جوري ترجع مثل قبل....وان مشاكلها تنحل.....
عهود تحس ان ورى جوري شئ...فيه شئ ما قالته جوري لعهود بس ما حبت تضغط عليها... كفايه انها تكلمت وطلعت من الضيق اللي هي فيه.....
عهود بالرغم من انها غامضه....الا انها تحب تفزع....ما تحب احد يكون فيه شئ وما تقدر تساعده...
حتى يوم نقارها وهواشها مع خلود كانت تبي خلود تصير قويه...ما تضعف على أي شئ... ويجرحها أي شئ.......
وعهود من النوع اللي موب دقيق....مثل خلود....خلود فضيعه ما تحب احد يشوف اغراضها او يدخل غرفتها.....
اما عهود عااااادي عندها الوضع لانها واثقه من نفسها وما فيه أي شئ يخوفها.......
وحبها سلمان ما قالت الا لغادة....ونوف صديقتها اللي لازم تعرف كل صغيره وكبيره بحياتها....
***********************************
محمد:وش قررتي؟؟نروح الصلالة والا لا.......
نهى:لا ما احب اطلع برى....الحكاوي يا كثرها اللي تخوف......
محمد:بس هاذي دولة عربية....وخليجية بعد....
نهى:مدري...ما نعرف احد هناك...لو بس احد نعرفه اقل شئ يدلنا نعرف وين الاماكن المشبوهه... والاماكن الكويسة.....
محمد:براحتك...بس صراحه انا ودي اغيّر......
نهى:ابها فيها اماكن لليل...وانت اسال احد منها...وهو يدلك.......
محمد:وانتي الصادقه عندي واحد اعرفه هنا.......
نهى:أجل اسأله....ويالله تراك اليوم بتتأخر عن النوم وبكره ما راح نروح بدري.....
محمد:أي والله...حلاة البر لا صرنا مبكريين......
نهى:اجل قم ونام وبكره كلمه.........
محمد:اوكي.....
وقاموا محمد ونهى وراحوا غرفة النوم........
محمد له عاده انه قبل ما ينام لازم يقرا كتاب لو صفحه......
مسك محمد الكتاب وعجز يقرا ولا حرف منه...مشغله موضوع مررررررررررره.......
نهى:وش فيك؟؟موب العاده تمسك الكتاب وتناظره بدون اهتمام......
محمد:تبين الصراحه......
نهى:ايه..........
محمد:فيه موضوع مهم ومشغلني..........
نهى باهتمام:وشوو؟؟؟؟؟؟
محمد بتردد:انا ادري وش اللي فيك؟؟؟؟
نهى باستغراب:شلون وش اللي بي؟؟؟؟؟
محمد:تذكرين مره وانا اتكلم معاك...تذكرتي جيرانك وكنتي ما تحبينهم..........
نهى بخوف:ايه ما احبهم.......
محمد:طيب ليش؟؟؟؟؟؟؟؟؟؟
نهى بخوف اكثر:كذا ما احبهم!!!!!
محمد:شلون كذا ما تحبينهم؟؟؟؟؟؟
نهى تحس انها بتموت من الخوف:تعاملهم..مدري بس اخاف من طاريهم ولا احب اكون عندهم.....
محمد:طيب أي جيران؟؟؟
نهى باستغراب:شلون أي جيران؟؟؟؟
محمد:اقصد في جيران عن يميين وعن شمال...من اللي كنتي ما تحبينهم؟؟؟؟؟
نهى:انت وش تبي؟؟؟انا ما احب الجيران كلهم بس ما ادري من ايش؟؟؟ولا كنت اروح لا هنا ولا هناك.....
محمد:بس انا اعرف.........
نهى:وش الي تعرفه ومنتب راضي تقوله........
محمد:الي اعرف ان واحد من جيرانكم كان يبيك ويحاول انه يحتك بك....وانتي من عقبها جتكي حالة الخوف وصرتي تخافين من أي جيران....
نهى بدا يصب العرق بوجها لانه ذكرها بشئ مؤلم بس الى الان ما اتضحت الصورة وبدأت تذكر هالمشاهد بس موب وضوح.......
محمد:ويوم مره اخذكي عنده وحاول انه........
نهى صرخت....:لا تذكرني....محمد انا خايفه.........
محمد:انا بس باذكرك بالسالفه عشان تعرفين ان هي السبب وتنسينها...وخلاص ترجعين نهى الأولية.....
نهى:ما ابي اتذكر أي شئ ولا ابي ارجع نهى الأولية........
محمد:وانتي فلتي من ايده وانحشتي لبيتكم...ومن عقبها تطورت حالتك الى الوضع الحالي صح....
نهى:ايه صح...بس انت شلون عرفت...انا توني استوعبت السالفه...بس ما ابي اتذكرها الله يخليك...
محمد:خلاص هذي السالفه....وانتي صغيره وانتهت....اللحين لازم تأقلمين نفسك على انك موب نهى الصغيره...نهى وحده ثانيه.....
نهى تحس انها بدت تستجيب لكلامه:طيب وش اسوي؟؟؟شئ ما اقدر انساه......
محمد واللي مطبق اللي قاله الطبيب حرف حرف:لازم تنسينه...حتى لو ما نسيتيه اعرفي ان هذي حياتك اللحين وهذاك ماضي وانتهى.......
نهى:مستحيل انسى وهاللي حصل وانا صغيره محفور بقلبي ولا يمكن انساه.......
محمد بعدم طمأنينة:محفور بقلبك......
نهى:ايه محفور ولا يمكن انساه......
محمد:اجل ما راح تستفيديين من حياتك شئ اذا كنتي تتذكرينه.....لازم تنسينه لازم....
نهى:وانت ليش مصر على اني انساه؟؟؟والى الان انا موب مستوعبه شلون عرفت.....
محمد:الطبيب هو اللي عرف وقالي....ووصاني اني انسيك ماضيك واخليك تعيشيين حاضرك... هذا هو الحل عشان تتغلبين على الازمة.....
نهى:انا عديمة فائدة....بس ما يمنع اني احاول عشانك....
محمد:عشاني....
نهى:عشانك انت بس........
محمد استانس وحس انه نجح بأول طريقة وتمنى لو يستمر مشواره للآخر.......
طبع قبله على وجه نهى وناموا اثنينهم..........
***********************************
ابو فيصل:انت يا ولدي جازم على الزواج.....
خالد:كلامي ما ارجع فيه...وانا جازم ومافيه احسن من بنت عمي.......
ابو فيصل:اجل نشاور البنت ونرد لك.....
خالد:اكيد لازم تشاورونها........
فيصل كان عند الباب وخرج من القهر اللي فيه...هالبنت لازم تتزوج ولا تنفضح ويدرون عنها....
ووده لو يكون فيه شئ لو بسيط يثبت برائتها بس ما لقى أي شئ يثبت انها مالها علاقه بهالولد....
ابو فيصل:تخبر كان منصور اول ثم انت...فالموافقه ما ادري عنها واحنا اهل سواء رفضت او قبلت...
خالد:اللي ربي كاتبه بيصير....واكيد احنا اهل...وانا راضي بنصيبي.....
ابو فيصل:انا اشهد انك رجال...
خالد:اللي يعرف ابوي وعمي....يعرف انا من........
ابو خالد:والله شكلكم قلبتوها حرب قبايل....اقول يا خالد شفت البيت والعمّال.....
خالد:الصبح ما كنت عندهم.......
ابو خالد:ايه الصبح كنت فيه بس اللحين العصر قم يالله..ترى ان ما راقبناهم لعبوا بالبيت لعب...
خالد:ابشر يبه......
وقام خالد من عندهم راح لبيتهم يبي يشوف العمال وحوسة البناء....يوم قرب من بيتهم شاف واحد يشبه لؤي بالقهوه القريبه منهم.....القهوه اللي دايم فيها خالد ولؤي.....
وقف خالد وتأمل الرجل القاعد بالقهوه....يشبه لؤي بشكل موب طبيعي.......ويوم ناظر والا معه ولد صغير....فراس ما غيره......
وقف السياره ونزل..........
خالد:فراس.......
فراس التفت عالصوت:عمي خالد وركض عنده.........
راشد ناظر خالد وهو ما يعرف من هالرجل....راشد راح لاصدقاه وجاب معه فراس لان هالقهوه ما فيها خرابيط...واللي يجونها كويسيين وحب يكون فراس معاه عشان يتعود على قعدات الرجال....
فراس:عمي خالد وينك؟؟؟من زمان عنك؟؟؟؟
خالد:اشغال كثيره كانت عندي....بس الحمدلله اني شفتك........
فراس:يرحمك الله..هههههههه
خالد:هههههههه....والله وصاير دمك خفيف طالع على لؤي.....
فراس:يا ليت لؤي ما مات...كل شوي يقولون مثل لؤي.........
خالد:الله يرحمه.....من هذا اللي جاي....
الرجل اللي يشبه لؤي هو راشد كان بينهم شبه كبيييييييير بالحيل.....
فراس:هذا راشد ولد عمي......
تذكر خالد ان فيه احد شافه بالعزا يشبه لؤي بس كان يظن انه بدا يتخيل أي احد مثل لؤي.....
راشد:هلا الطيب.....
خالد:هلا بك.....اعرفك بنفسي...انا خالد صديق المرحوم لؤي.........
راشد:الله يرحمه....هلا بك......
فراس:هذا عمي خالد احبه مره...احسن واحد.....
راشد:وانا وين رحت........
فراس:هنا انت ما رحت ولا مكان...........
راشد+خالد:ههههههههههههههه
خالد:ما اوصيك عليه تراه غالي..وغلاته من غلاة اخوه......
راشد:لا توصي حريص...وشكل لؤي اكثر من صديق......
خالد:فوق ما تتخيل..........
راشد:تعال اعرفك على الشباب.....اقعد معنا........
خالد:مره ثانيه ان شاء الله...انا حاليا عندي شغل....بس صراحه شفتك ومن بعيد صاير كأن لؤي ما هان عليّ امر من دون لا اشوفك ويوم شفت فراس قلت بس شكلي بحلم ونزلت.......
راشد:ههههه أي كثير يشبهوني فيه.......
خالد:اجل يالله انا باروح توصي بشئ.....
راشد:ابد سلامتك....
خالد:اجل خذ هذا رقم جولي خلينا نتواصل...وخصوصا فراس ودي اقابله احيانا.......
راشد:اوكي ما فيه أي مانع......
واخذوا ارقام جوالاتهم وودعوا بعض...على امل انهم يتقابلون مره ثانيه.....
راشد وخالد فيهم طيبة خلتهم يدخلون مع بعض بسرعه.........
تمنى خالد لو يسأل عن لمياء....بس ما اكداه يقعد مع فراس الا وراشد جا....بس فيه فرص ثانيه يقدر يعرف اخبارها من فراس..........
***************************
غاده:بدر ترى وصل حدي منها....
ام بدر:غاده!!!
غاده:يمه ترانا سكتنا كثيييير...وممكن اسكت عن اشياء ثانيه بس هالشئ مستحيل.. ابي اروح لخوالي...وحركات الامراض اللي ما تطلع من زوجتك الا اذا بغينا شئ منك ترانا ملينا منها... خلاص حركات البزران نسيناها من ايام المتوسط.....
بدر:غاده انا ما اقول لا.....
ام بدر:غاده ما تقصد بس انها معصبه.....
غاده:لا اقصد...بدر ترانا سكتنا لزوجتك كثير...وكله عشانك...وانا ما ابي افضح فيها...بس باروح لبيت خوالي يعني باروح وبانام عندهم يعني بانام...والبيت هي اللي بتتحمله وما عليّ منها...والله لو اشوفها بتموت عندي مالي شغل فيها.....
بدر:غاده ترى انا بدر...مو زوجة بدر....
غادة حست بالاحراج:بدر ترى ي عمي قريب وان تميرضت مرتك ودها لبيتهم...ومرض على مرض بتعرف انها تكذب واهلها بيأدبونها لانها كل شوي بتروح عندهم وبكذا تتخلص من مشكلة المرض الدائم اللي عندها....
بدر:طيب وش فيك معصبه وقالبة الدنيا فوق تحت.....
غادة:لان البيت مقسم علي وعليها وكل ما جيت ابغ اروح مكان تميرضت واضطريت اني ما اروح او اني اروح وامي هي اللي تشتغل....وانا مكلمتها قلت لها انا بنروح بس هي معصبه وقامت تصرخ وبصراحه طولت لسانها على امي....
بدر بعصبية:على امي...
ام بدر:لا...غادة وش فيك؟؟؟؟
غادة:ما فيني شئ بس اقول الحقيقة...انا وامي تحملناها...وهي ما قدرت هالتحمل وتحسبه ضعف شخصية منا...وكله عشانك انت يا بدر..بس اللحين مليت ضاق صدري منها ومن تصرفاتها...ولو عليّ انا كان ما تكلمت بس انها تأذي امي....
بدر:اذا هذي سواتها مالها قعده عندنا بالبيت وبترجع بيتهم على طول....
غادة حست انها كبرت الموضوع وخافت:لا عاد لا تتسرع بقراراك.....
بدر:انا من اول متحملها قلت يمكن انا بي البلى بس الظاهر ما كانت مصدر سعاده لاي واحد فينا....
ام بدر:لا يا بدر...تكفى لا تتسرع..
بدر:ابد هذا قراري من قبل بس اللحين لازم انفذه....
غادة:بدر كانك ملزم بس وديها بيت اهلها.....
ام بدر:ايه..يمكن تتفهم وتحس بغلطتها......
بدر:اوكي عشانكم بس...
راح بدر وسكع زوجته كلام جارح...فهمها من تكون ومن يكون...وان كبرها ما جاب لها أي نتيجه... بالعكي من زود كبرها حتى اهتمامها بشكلها اهملته...وصارت تتمشى وهي تظن انها بالطريق الصحيح...
عرفها باغلاطها اللي ممكن أي واحد ما يغفر لها هالذنب.....ووداها بيت اهلها......
*******************************
اسامه:اقووول امشو معاي اللحين.......
عادل بكبر:لا تنافخ لا علمناك الأدب......
اسامه:الظاهر تحب الفضايح.........
وطلب من الفرقه انهم ياخذونه واخذوا الشباب اللي كانوا معه الطاوله......
>>بعد التحقيق.....
اسامه:عادل يحال للمحكمه وياخذ جزاه.....
عادل:الله ياخذك انت وخالد.........
اسامه:اما الشباب الباقيين فادخلوا السجن لكم مشوار ثاني....
انقهروا الشباب وولعوا وتمنوا لو يقتلون هالاسامه ويفتكون منه...لانه اكيد بيفضحهم بعد الكشف وبيعرف انهم من مروجيين المخدرات.......
اسامه:هلااااااااااا خلودي.......
خالد:اصغر عيالك انا.............
اسامه:جايب لك بشاره بس لها هديه هالبشاره.....
خالد:الله يستر منك...قول وش عندك؟؟؟؟
اسامه:عدوولي ثبتت عليه التهمه....
خالد:الله يقلعه بعد تدلعه عدولي....يستاهل هالكلب......
اسامه:يستاهل وبس...الله يخلف على شبابنا....تدري وش غرضه.....
خالد:الخايس اكيد بينتقم.....
اسامه:والله اشك ان عندهم عقول...اللحين عشان خلاف بينكم بيورطك بقضية مخدرات.....
خالد:وليش منصور أتأذى منه؟؟؟؟؟
اسامه:لانه شافههم وبيخفون آثار جريمتهم......
خالد:الله يقلعه يستاهل اللي بيجيه....
اسامه:هذي القضية نعمه ونقمة.....
خالد:شلون؟؟؟؟؟؟
اسامه:مسكنا عن طريقه ثلاث رئساء اساسيين بالترويج واللي تحتهم....لانه الخبل ماخذ من كل فرقه واحد.....
خالد:ما شاء الله...قريش على غفله.....
اسامه:احمد ربك لو اتقن هاللعبه كان ما لقينا ولا احد ومنصور راح فيها.........
خالد:الحمدلله على كل حال....ايه وشي الهديه؟؟؟؟
اسامه:لا هذي يبيلها قعده خاصه......
خالد:خاصه عامه...اهم شئ اعرف وش وراك....
اسامه:هههههههههه...لا تخاف مني خالد ما يندرى عنه.......
خالد:ههههههههههههه
اسامه:اجل فمان الله...
خالد:بحفظه...مع السلامه........
فتح خالد التلفزيون وجلس يناظر كلمه مضيئة في قناة المجد.......
>>عند البنات.........
عهود:خلود الله يعافيك بس كلمه راس مع جوري.....
جوري:لا موب لازم اللحين...
خلود:دام في اسرار بينكم اقوم احسن...لانكم بتقلونها اللحين والا بكره...
جوري:لا تزعليين خلود.....
خلود:ابد حبيبتي....هالشئ ما يزعل......
وخرجت خلود من عندهم وهي ميته ودها تعرف عن ايش الموضوع......
عهود:بشري ان شاء الله جاتكي المحادثه.......
جوري:ايييييي لقيتها يارب لك الحمد........
عهود:حلوووووووووو.....اجل انسخي المحادثه بسيدي وانسخي رسايل المجروح وارسليها له....
جوري:والله انه خبل مدري شلون ارسلها....
عهود:قلت لك قولي له جيب كل الرسايل وهو بيجيبها......
جوري:بس اخاف يرجع يدق على جوالي......
عهود:لا ان شاء الله موب داق...بس انتي وش قلتي له بالضبط...
جوري:قلت له ارسل كل الرسايل اللي بيني وبينك سواء كنت انت المرسل او انا...لاني بارجع اقراها واقيم كلامك وعقب ارد لك بس رجاء لا تتكلم الا اذا انا رديت على راسايلك......
عهود:واااااااو.....والله انك شئئئئئئئ....ولا تخافين تراه خبل بيسمع كلامك.....
جوري:طيب اللحين انسخها........
وراحت للكمبيوتر تبي تنسخها بس نادها فيصل.........
فيصل ما قدر يواجهها ولا يكلمها ولا يناظر فيها...يحس انه انكسر...ظلمته اخته.....وكل ما حاول يليين يزيد خشونه اكثر واكثر..........
فيصل تمنى يقعد ويسمع منها ليش هالشئ سوته بس عجز كل ما يتذكر السالفه يجن جنونه.....
جوري بقهر وتبي تعرفه انه ماهي غلطانه.......
جوري:نعم!!!!
تمنى فيصل يطلب منها انها تسامحه..تقوله ليش سوت هالشئ...يبي يعرف ليش اوجعته وجرحته جرح موب راضي يبرا....بس هالشئ جا بلحظه وراح على طول....
فيصل باحتقار:جهزي روحك عقب ساعه بتصير شوفتك من خالد....الكل موافق.... وعشان نبين انا برستيج نبيها تم مثل أي خطوبه مع اك ما تستحقيين....
جوري حست ان هالكبرياء اللي كانت جايه فيه انكسر....واللي كانت تبي تعدله انخرب وانكسر ولا يمكن يتصلح.....
راحت من عنده بسرعه ودخلت غرفتها وانهارت من البكاء..........
ودها تقتل فيصل..او تذبح خالد...تسوي أي شئ بس حلم حياتها يضيع منها بذنب هي ما ارتكبته كان شئ قوي عليها ولا يمكن تتحمله......
وخالد بسرعه راح للحلاق يضبط نفسه لهالشوفه السريعه....وينتظرون اختهم ام بدر عشان تحظر هالشوفه اللي الكل متفائل فيها.......
***********************

[ام نهيل]

يله مسافات وين باقي الاجزااااااااااااااء

ننتطرك

اخت اختها

[نادرة]

يعيطيك العافيه اخت مسافات

بس نبي بقيه الاجزاء اذا ممكن

تراني اتحمست مرة وابي اعرف النهاية