السلام عليكم ورحمة الله وبركاته
هذا الموضوع إهداء لريف العين بما أني و عدتها .....
و شوفو الموضوع
__________________________________________________ ______
اولاً نبدا الجنس اللطيف:
اول ما يرن جرس الفسحة
- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوتا في اخوها الصغير امس ..
- كل وحده تمشي وفمخباها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترد البيت على طول تتصل تليفون للدكان اللي على الشارع ..
- والبنات الاذكياء اول مايرن الجرس تشوفها داخلة غرفة المدرسات تبي المدرسه تشرح لها الدرس اللي كانت غايبه فيه.
- وبعض البنات اتشوفهم متحذفين ورا السلم يحلون واجب الرياضيات اللي ماحلوه في البيت ..
- اما الاهم .. تشوف بعض البنات يستأذنون من الحصة قبل البريك بثلاث دقايق ويركظون الكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع منتهي ......
خلصنا من البنات
وانروح انشوف شيسووون الشباب في الفسحة ..
- تلقى واحد منهم نايم طول الحصة واول مايرن الجرس يدعي على اليوم اللي دش فيه المدرسة ( لان حلمه انقطع بسببهم )
- واثنين من الصبيان ينطرون متى يروح المدير اللي صار له واقف ساعة جدام الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم دكان في طريجهم وبعد نص ساعة يرجعون المدرسة ..
- وشلة تروح ورا المدرسة ويجلسون يدخنون لين ما يقولون بس وما امداهم يشفطونها الا واحد رايح يفتن عند المدير وما يحسون الا المدير حابسهم في غرفة الاحتجاز ويتصل تليفون حق ابائهم .
- ولا منهم اذا رن الجرس تلقاهم باخر الصف ماسكه معهم طرب و يغنون و يرقصون لين يب عليهم المدير و يرقص معهم شوي و يرقص العقال على ظهورهم و إذا انتهت الاغنيه و هو ما امداه يرقص طقهم طق سنه بساعه .
-وتشوف واحد يروح يركض للدافور حق الصف و يغوله يبي ياخذ منه الواجب وما يرظا ذا و يمسكه و يكسره تكسير لين يبكي و يعطيه الواجب .ويحله و يجدع الدفتر في و جهه و يقوله إذا مرة ثانيه ما تعطيني الدفتر باخذ دفترك و اشق الواجب و اعطيك اياه ....
- و تشوف الي كأنه اول مرة يشوف العيشه من بدايت الفسحه إلى نهايتها و هو ياكل و إذا تأخر عن الحصه و جا للمدرس و قاله ليش متأخر قال ما امداني آكل الفسحة <<<<<أبن الحلال مروق على الفسحه
- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويلعب سوني )
لوووووووووووووووووووووووو وووووووووووووول
انتظر تعليقاتكم
~*¤ô§ô¤*~*¤ô§ô¤*~تحياتي~*¤ô§ô� �*~*¤ô§ô¤*~
رد مع اقتباس
[/mark]
