اليكم هذه القصيده
اتمنى ان تحوز اعجابكم
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="groove,4,white" type=1 line=1 align=center use=ex num="0,black"]
في لحظة صمت أيامي رجعت لماضي سنيني=بحاول اجعل الماضي يعيش بوقتي الحاضر
ابيه يشوف وش سوى سواد الليل في عيني=ابي منه شهادة حق بأني في زمن قاهر
ابيه يواسي العبره اذا مالحزن يكسيني=بأني عشتها فرحه لحدها ماضيٍ سافر
لك الله يازمن روّح ماغير اشواقه تجيني=على قسوة زمن حاضر به اللوعات تتشاطر
تمر بداخلي ذكراه ويجرحها الم فيني=تقل نسمه تحت اغصان جرحها شوك متناثر
زمان فات يازينه بلا اثبات محييني=سحب لي من ثياب الذل خيوط العز تتفاخر
جعل لي مني ثلوج البرد هذاك الجمر يدفيني=وعاتب لي سموم القيظ وصارت غيمي الماطر
أنا بسألك يالحاضر ؟ قبل ماتقول اعفيني!!=وقبل مايصرخ بداخل ضلوعي ضيمك الفاجر
زرعني ماضي الطيبه!! علامك شوك تجنيني؟=دخيلك انطق وجاوب كفاني صمتك الساخر
وجاوب من طرف خشمه كأنه كافر بديني=وقال اليوم مصلحتك هي الغايات ياشاطر
زمان الطيبه البيضا شطبها لون بيدني=وصارت شد واقطع لك مذاهب يومك وباكر
تمصلح تفلح ويمكن يجي لك يوم تجزيني=وتدعي لي على نصحي مدامك بالزمن حاير
تفجر داخلي بركان وفيه أصلي يناديني=ينادي ياعوض امسك تراب الطيب لاتغامر
وذكرني زمان أول ياكيف الناس من بيني=تلم الناس شبتنا على الضحكات نتسامر
وكيف العيد اذا اقبل وجيه احباب تهنيني=هذا عاني من دياره وذاك امشي له مسافر
بكيت بداخلي حرقه على ماضي من سنيني=وكيف الوقت غيرنا وصرنا بقسوة الحاضر[/poem]
وسلامتكم
رد مع اقتباس
المشاركة الأصلية كتبت بواسطة نياف العتيبي
